［重慶大廈最美麗的一刻］

香港尖沙嘴有一楝大廈叫「重慶大廈」，王家衛電影《重慶森林》把這裡拍攝成罪案溫牀，中文大學的人類學家麥高登寫了一本巨著《世界中心的貧民窟：重慶大廈》談的是在一個細小的樓宇中，住了多種族的人士，經營各種生意。但本地人路經這裡，除了入去大堂光顧兌換店，或上樓吃咖喱，未必了解這地方。

我在大學教授新聞寫作，若學生知道採訪功課是訪問「居港南亞裔人士」，他們有時反應頗負面：「覺得溝通不了」「對他們印象不佳」。

為甚麼呢？香港雖然是國際社會，但外藉人士中，歐美人士得到尊重，南亞裔人士（來自巴基斯坦、印度等地），在近年香港被部份媒體描繪為「假難民」「罪犯」。

加上上周三，和平遊行的籌辦組織民間人權陣線的召集人岑子杰，不幸在街頭被人襲擊重傷，頭破血流，嫌疑犯人為南亞裔人士，有人擔心今日的遊行(10月20日)，會不會有人在南亞裔人士聚居的尖沙嘴區進行報復？又或者借用這件事，攻擊南亞裔人士或建築物，嫁禍給這場反修例運動？

香港有一批少數族裔人士，自父輩甚至祖父輩已來港，他們是第二或第三代生在此地的人，他們在香港的學校讀書，或許未必能看或寫中文字，但會說流利的廣東話，即使他們偶爾回鄉探親，但覺得最有感情的是香港。

「對他們來說，在全個地球，只有一地方可以稱為屋企，就是香港。除了是香港人，他們已想不到另一個身份。」協助一批土生土長的南亞裔少年渡過生命難關的社工王惠芬形容。

看到岑子杰事件，第一時間有反應的兩個人，就是王惠芬帶大的兩名「好兄弟」：兩人都是三十來歲，分別是拿到社工學歷的Jeff（Jeffrey Andrews），和做手機貿易的KK（Khalid Khan）。他們這對沙煲兄弟自三歲已在幼稚園認識，一起讀書。

一個做社工，另一個營商，兩人的辦公室也在重慶大廈。Jeff的父輩來自印度，他是基督徒，口才了得；KK是虔誠回教徒，父輩來自巴基斯坦，較內向，但由於經常於回教社區做義工，例如宴請窮貧人士吃飯，在回教圈子得到尊重。

兩人得悉岑子杰事件後，立即思考可以做甚麼，化解社區可能出現的誤會，他們構思於今日大遊行的日子，在重慶大廈門口開一個派對，向遊行人士免費派冰水，有尼泊爾裔的土生香港女士在門口派蛋撻，路過的遊行人士都很受落，有人上前跟南亞裔朋友握手以示支持。

在早上十一時，已有二千支水預備了，原來有租戶及巴基斯坦的長輩捐了二千元讓大家買水，重慶大廈的管理處亦免費提供冰粒。Jeff拿着咪高峰問大家：「以後大家驚不驚重慶大廈？」（眾回應：不驚！）「以後大家仲驚不驚南亞人？」（眾答：不驚！）管理員嘖嘖稱奇，眼珠瞪大小聲說：「很融洽，沒事發生，真神奇。」

最奇怪是，有幾位黑衣青少年走到重慶大廈內駐足，我問，你們為甚麼來這裡休息？若不是有這個活動，你們平日會不會到重慶大廈？一名黑衣蒙面少女坦言，以往從不敢走進這裡，今日卻覺得沒問題「你知道，現在這個時勢，入店吃飯也要小心，不知道這裡的人是否歡迎我們嘛！」；另一名黑衣少女則回答沒擔心過：「我在示威前線，看過好幾位南亞手足啦！」

社工王惠芬坦言，很多土生南亞少年，因為學習中文面對困難，有時會失學，甚至會走上吸毒或結交損友的歧途。像他遇上KK，當時他讀到中四就輟學，第一次相遇，少年ＫＫ因為自己親兄弟經常走去替王惠芬做義工，他不明白，於是去唬嚇她，王惠芬偽裝古惑仔口吻回應KK，才發現原來這位巴基斯坦背景的少年非常純品，只是讀書困難，染上惡習才走了歪路，從此兩人不打不相識，現在是好友。

現在KK已有自己事業，更是三個孩子的爸爸，他更特意把孩子送到本地的學校讀書，接受一般香港人的教育。有同鄉笑他傻，覺得他應該送孩子到南亞裔較多的學校讀書，會比較容易，但他執意這樣做：「希望孩子可以受教育，比我讀更多書，識講識寫中文，更能投入香港社區。」

今日最動人的一刻，是重慶大廈一眾朋友站在門口，一起高歌一曲Beyond樂隊的《海闊天空》，廣東話歌詞流利得很，遊行人士很受落。Jeff嗌咪：「我哋都係香港人！係唔係！」（眾回應：係！）一名在場做義工的物理治療師表示，他在尖沙嘴區出入多年，「從沒看過重慶大廈的氣氛可以如此歡樂，和街上的人打成一片，真係體現咗多元包容的香港精神。」

帶了一對五歲孖仔孖女來遊行的李生李太，在重慶大廈外觀看良久，「香港人很有智慧，有人想我們和南亞裔的人敵對，我們就往相反方向發展，我還有一個大女兒今天沒有來，她讀書的學校，有南亞裔同學，我發現他們有時比香港人更香港人。」

重慶大廈不遠處，就是KK經常去做祈禱的清真寺，重慶大廈的眾人向群眾表示：「多謝大家尊重我們的清真寺！」因為曾經擔心有人會立心不良，今天去搞破壞。所以同時間，已有幾位蒙面黑衣示威者，和幾位年長的老人，拿着手寫的英文紙牌站立在清真寺外，上面寫着「示威者一定不會破壞清真寺及重慶大廈」，「別怕我們，我們在守護這裡，怕有別人搞破壞」。

沒有人想過，下午四時半，清真寺真是受到不禮貎對待．警方派出的水炮車經過寺外，當時寺外沒有人向警方進行衝擊，只有守護的人士，和急速回到寺內的信徒，但警方卻向清真寺的門口及鐵閘方向發射藍色液體，把寺廟染藍。

於香港一直致力服務少數族裔的機構香港融樂會表示，當時印度協會前主席Mohan Chugani，融樂會總幹事張鳯美及一名巴基斯坦裔的會員，及多位民眾被射中不適送院。而清真寺亦被水炮車液體污染，這件事令坊間震驚，登上各大國際傳媒。融樂會指出：「警方以藍色水劑染污清真寺設施，乃侮辱宗教場所及侵擾宗教自由，要求道歉，並向公眾交待。」

當大家得悉清真寺被染藍，一小時內，一批熱心市民，包括穿示威者裝束的人士，旋即趕到清真寺自發以清水，毛巾及掃把替清真寺清潔被污染的設施，畫面讓人動容。相反，警方在多個小時之後，才派人探訪寺方，有便衣警察拿毛巾抹欄杆五分鐘後離開，官方聲明表示，顏色水「誤中」清真寺。

本身回教徒的KK說：「很多陌生人從沒進入過清真寺，但示威者那麼善良及熱心助人，我看到他們去幫我們清潔清真寺，我致以無言感激。」

（圖右上為KK，右中為KK與支持反修例運動的藝人阮民安於重慶大廈握手，旁為社工王惠芬，右下圖中為Jeff，他搭着肩膊的是會用廣東話表演楝督笑的藝術家Vivek Mahbubani）

（讀者若想較全面了解香港少數族裔的扎掙和故事，推薦大家讀這本書《公義的顏色 王惠芬與少數族裔的平權路》）

陳詠謙都有打手。。。。。。

本身對呢個人冇咩唔好既感覺，只係嫌少少哂左陳奕迅啲歌既曲，不過再多睇其他人既comment, 愈睇愈有問題，呀，係咪應該寫篇blog講下佢好？

路見不平，自命正義，終於都要挪用寶貴時間，去點評陳詠謙嘅大作，嘗試為民請命。其實點評歌詞實在非我所長，音律押韻我亦只有皮毛了解，但係畢竟自細聽香港流行曲聽大，有感仗義執言先至無負香港流行曲於我人生嘅啟蒙，唯有挺身而出，盡力而為。先旨聲明，寫歌詞唔同寫散文小說，遣詞造句確實有彈性得多，可以不拘泥於傳統，而寫得意象曖昧，含意深隱，亦唔代表詞作有誤，因此內文要寫嘅，主要係順應網民意見，針對絕對無法原諒嘅大弊，例如立意古怪、錯用詞語、表意混亂等各種問題，某啲顯而易見嘅小病，例如〈龍舌蘭〉直頭唔啱音呢類大家心照不宣嘅，就唔會多講。以下我精選咗十首算係近年街知巷聞嘅垃圾作品淺評分析，希望可以拋磚引玉，畀便交流。

1. 高山低谷

第一首，必定要揀林奕匡嘅成名作，因為一黎呢首亦係陳詠謙成名之作，二黎林奕匡係一眾受害歌手之中搵陳詠謙寫得最多歌嘅一位。由於呢首都算係佢填得相對認真嘅歌，稍為認真去聽，相信大家都意會到歌詞要表達嘅訊息，就係寫二人地位不對等，情人遠在天邊，抒發可望不可即嘅感慨，類似《詩經》中嘅〈蒹葭〉。而正因為立意明確，只要聽眾細加咀嚼，就會發現有唔少用語係異於我地平常嘅語文習慣，而各種誤用，都唔足以稱上鑄造新詞，而係徹底嘅錯用，長久咁用落去絕對會影響我地嘅語文鑑賞能力。

廣為傳唱嘅副歌之中，寫到「渴望被成全」，呢點係中學生都常犯嘅錯，語文水平略高嘅人都會知問題喺邊。首先，渴望社會或他人成全，寫渴望成全已經夠清晰，亦合乎文法，根本毋須強加被字。其次，就當佢係被動句，被動句多數常用於呈現負面情況，例如「他被歌迷離棄了」。雖然漢語歐化潮流之下，被字亦會拎黎寫所有被動情況，用法分別係：一、強調被動，如「他被上司提攜了」，但較恰當嘅用法應該係「他獲得了上司提攜」；二、施事者不明，如「他被痛罵了一頓」，唔知邊個鬧咗佢；以及三、強調謂語，如「民意被政府騎劫了」，突顯民意遭不當操作。近幾年社會風氣好中意講「被自殺」、「被抑鬱」、「被捉迷藏」去嘲諷中國對待異見人士嘅卑鄙手段，亦突顯被字特質。因此，成全本來就必須取決於他人，「渴望被成全」中嘅被字份屬多餘，而參考返林夕作品，佢係傾向少用呢個被字，更加從來唔會濫用去充塞字數。

然後係「腳下路程難以削短」，亦係不當。要貫徹文意，最準確應該係用「縮短」，但係唔啱音，唔用得。削字，多用於削皮去屑、削弱削減、削職以及剝削，而路程之縮減，勉強用削，拎最近則只有削弱削減一義，但削減係指從原定數目之中減去若干數目，多數牽涉具體數量。而「天一黑天一光揮發了一句再會」亦係睇得明而寫不通。考慮到揮發一詞必定要同所揮發之物共同出現，可見句意係指呢一聲拜拜會蒸發會消失，咁睇返上文下理，到底點解突然會有呢句拜拜？同埋周而復始每日講拜拜又應該點樣理解？係咪指每日返工放工同人講拜拜都係多餘？呢句都係有待解釋。加上「只見人下墮」令人聯想到跳樓，「我繼續埋藏我愛戀」嘅愛戀應該寫作感情，以及整體故事空洞，成首歌都無法打動人心。無可否認，用山勢為喻，以陳詠謙水平計，已經係上佳之作，但係真係慘不忍暏。

2. 別來無恙

第二首，因為一句「我現時自己肯做飯」而飽受批評，加上陳詠謙本人沾沾自喜現身解話，亦係一定要寫。首先，我絕對唔反對援引口語入文，推廣粵語理所當然，但豬隊友推廣得眼高手低，就係成事不足，敗事有餘。「我現時自己肯做飯」之所以不能接受，首先係做飯唔係廣東話，做愛至係，其次係破壞意境，寫得太白。根據陳詠謙本人陳詞，佢認為一個人dry到要自己煮飯好適合主人公情況，而唔押韻都係刻意為之，因為咁樣對應返故事主角悔疚一世，凡事都看破，其實呢兩點問題都唔算大，因為個出事位係在於呢句只係表現自己獨立嘅例子，而唔係概括句。副歌開首，普遍係直抒胸臆，或者概括痛心程度，甚少會兜口兜面隊一句嘢出黎，聽眾話聽到尷尬嘅原因，應該係咁。參考返黃偉文嘅「二百年後在一起／應該不怕旁人不服氣」，或者林夕嘅「世界將我包圍／誓死都一齊」，其實都相當直白同口語化，但就一啲都唔突兀，反而引起到好多人共鳴。

值得一提自然唔少得「來年陪著子女學行／紀念當初我們的愛情」。由於主人公目前單身，我地不妨假設子女係指對方嘅子女，但既然係咁，又係邊個想借用呢啲子女去紀念主人公嘅愛情？同埋若要紀念，子女非己所出，兩者關係喺邊？呢句真係相當費解。然後自然亦要談及「王菲的孤寂／多麼孤寂」。眾所周知，王菲有首〈百年孤寂〉，但咁樣抽孤寂二字借代全首，相當突兀。加上以反復修辭強調孤寂，極有濫竽充數之嫌，借用連登網民一句，一個肥柒on9仔自己打緊xanga個場景，真係完全咁呈現咗出黎。而我覺得有一句，亦係表現得出陳詠謙其人對於成語嘅運用係只取片面之意，唔識其中內涵——「恃住雄辯滔滔／隨便的把你喝罵」。呢種情況喺中學生作文之中亦係相當普遍，因為佢地背誦成語而又缺乏廣泛閱讀，對於詞語嘅理解唔係由字句之中而得，因此就會畀老師打曬交叉。雄辯滔滔一詞褒多於貶，多數用於讚美，例如「這位律師雄辯滔滔，聽得旁聽市民心悅誠服」，又或者杜甫《飲中八仙歌》中嘅「高談雄辯驚四筵」，一般係指其人發言具說服力，以理服人。雖然世俗有言，「事實勝於雄辯」，但雄辯唔等同於狡辯詭辯，因此同情人爭執，同埋事後亦知道自己理虧，係咪應該用雄辯滔滔，亦係值得商榷。

呢首歌其實有一點特色相當鮮明，相當陳詠謙，就係每句都係個腦冇點諗就不加修飾咁講出口，而且句與句之間割裂去睇都完全無礙傳意。對歌詞冇乜要求嘅人，未必察覺到問題所在。同樣生活化嘅情節，其實楊千嬅嘅〈假如讓我說下去〉都有，「但我把／談情的氣力轉贈誰／跟你電話之中講再會／再會誰」即係冇人同我傾電話，「暴雨天／我至少想講掛念你／然後你／你最多會笑著迴避」就係顧左右而言他，甚至熄機潛水，但林夕之所以一啲打xanga嘅感覺都冇，係因為佢掌握以至駕馭得到何謂藝術——將自然同現實加以修飾加以轉化，呢一層人為工夫就叫藝術。〈別〉描述主人公分手後陷於懊悔，內容貼近生活，照計係好易畀聽眾代入，但就正因為咁，意圖代入嘅聽眾聽到一頭霧水，代入無方，可以話係高不成低不就。

3. 經過一些秋與冬＋哪裡只得我共你

Dear Jane嘅簡單易明K歌之選，又係陳詠謙傑作。「兩眼一黑／然後失控」令人聯想到頭暈倒地以及精神病發，九唔搭八，而領起句嘅「一些」同「與」本來就係蛇足，事關寫歷經秋冬同揮去驚恐就已經夠曬精煉。副歌「 無謂再關心你／我沒資格慰問你／無謂再騷擾妳／我沒這塊厚面皮」其實都幾適合失戀聽眾，但量詞之選用，直接反映出陳詠謙不諳避俗，缺乏語感。所謂語感，其實就係語言使用者對其所熟悉嘅語言有冇敏銳感覺﹐能否領悟語言文字真實意思以及必然會引起嘅聯想﹐直覺必待厚積薄發，同語文根基息息相關。用塊字去形容臉皮，會令人聯想到塊狀死物，進而聯想到牛皮豬皮，就算句子本身幾有詩意，一個塊字都足以盡廢前功。語感佳者，可以善用詞語刺激聯想，但語感弱者，萬一誤用就會弄巧反拙，呢一點，所有寫作者都應當有所警覺。

另外，「得到的若期望有限期／失去的未重聚已別離／後悔如我遍地」亦係反面教材。遍地呢個詞語其實好有畫面，例如自由民主遍地開花，或者風吹草低牛羊遍地，只要一見遍地，讀者就會聯想到數量之多，發展之盛。但觀照呢句歌詞，遍地嘅理應係後悔，但寫出黎引起嘅聯想就係主人公遍地——大概係因為TVB重播《西遊記》太多，我所諗到嘅係孫悟空大顯神通，一條猴毛落地即可化成千百猴子猴孫之勢，同後悔之情極為矛盾，成個感覺極之滑稽。參考返陳奕迅一首〈黑暗中漫舞〉，其中有一句「猶如自卑水銀瀉地」，當中嘅水銀瀉地，即係水銀流到一地都係，令人聯想到玻璃落地隨之流瀉，一發不可收，非常適合用於形容主人公每每獨自揣摩情人心理之時嘅自卑爆發，同時深化主題，令人可以透過具體比喻去感受主人公單戀嘅卑微渺小。兩相對比，大家就會理解點解後悔遍地係不知所謂，而自卑瀉地則係神來之筆。

順手講埋〈哪裡只得我共你〉之中，為人詬病嘅「我們身邊太多假人／心中太多傷痕」。第一個問題，係陳詠謙點解要寫假人，因為準確而言，呢首歌想傳達嘅係對抗世俗眼光，而主要世俗現象並非虛假；第二個問題，係亂咁簡化為假人二字，又會引起不當聯想，令人諗到CPR練習用公仔，櫥窗display公仔，驅趕雀仔嘅稻草人，甚至消防處嘅任何仁。除非佢係明知到會引起不當聯想都要用，否則明顯又係語感薄弱之過。睇埋「途經幾百萬傷口」同「與外界／未隔絕我共你／能停止呼吸」，我更有理由相信，假人所指，真係CPR練習用公仔阿Anne，而「不掙扎／只緊扣」，亦一定係指緊三角巾同繃帶，成首歌係為聖約翰救傷隊暗中宣傳。

意境係一樣好抽象嘅嘢，而某年書展講座，林夕就曾經講過意境可以分為三種境界，一係山寨，二係自己創造，三係灌注生命同感情。第一種，就係運用約定俗成而又根深蒂固嘅傳統意象，亦即係中學生學習寫作必學嘅大自然景物，諸如星星月亮太陽天地花草，其中若果突然出現現代物品諸如蘋果電腦應用程式芝士拉絲抹茶爆漿，文章就會意境盡失，而陳詠謙明顯係畫虎不成反類犬嘅示範人物。第二種，自己設定，就好似林夕有期好中意用探戈咁，以跳舞相持比喻情愛拉鋸，寫得貼切就可以自成一格，睇返陳詠謙大紅作品，可以話係冇一首做到。第三種，用返林夕自己舉嘅例句，「滿街腳步突然靜了／滿天柏樹突然沒有動搖」之所以有意境，就係因為作者觸覺敏銳，以「滿天」而非「滿街」去寫柏樹，所以就描寫到樹勢之高，從而襯托出主人公獨自流連街頭何其微不足道，而其身影又係何其嘅失魂落魄，得出融情入景而後情景交融嘅效果。當一位做到寫景則情景相生，說理則情理兼備，而另一個則直接將秋與冬寫出黎，其後又再將「只知感覺失了蹤」寫出黎，文學係咪真係一句各有各觀點就可以打發紛爭，聽眾心中自有答案。

4. 百年不合

眾多歌手入面，周柏豪其實同陳詠謙係最夾，而原因係周柏豪畀人嘅觀感本來就冇乜文化，因此陳詠謙嘅詞質樸庸俗而又文句不通，反而非常配合周柏豪形象。以〈百〉為例，其實我聽咗好多次，都唔明何謂「即使今生擱淺／苦等隔世盛宴」。陳詠謙低手之處，就係唔識連用一系列有關比喻去經營意象，生硬插入詞語，但又缺乏前後呼應。見到擱淺，讀者自然會聯想到海洋，聯想到輪船，聯想到鯨豚，但〈百〉偏偏冇一樣嘢係關事。由於人係唔會擱淺，讀者必須自行領會擱淺之意，偏偏陳詠謙又冇建構到完整比喻，寫到不倫不類。參考返麥浚龍嘅〈吃鯨魚的人〉，黃偉文寫得清楚吃鯨魚者為何人，所以吃鯨魚呢個人類根本唔會做得到嘅行為亦好易理解，而「隨時能屠殺／也不必講究良心」中嘅屠殺，亦唔會偏向無關主題嘅多餘聯想例如種族屠殺，落點相對清晰。

然後我地亦可以研究「若未夠赤裸／撫摸到永遠」同「在婚紗中再見」想表達乜嘢。前句之中，赤裸應該係指主人公將自己心聲表露無遺，但對方無動於衷，然而呢點基礎，根本幫唔到讀者去理解到底係邊個撫摸邊個，同埋點解要撫摸，可謂上文不接下理。而後句之中，在婚紗中唔同在婚禮中，到底點樣至可以進入婚紗之中，又係百思不得其解。陳詠謙可能會辯稱呢啲就係創意，同埋寫到明在婚禮中再見就係死板，但達到一定文字鑑賞門檻嘅人，相信會知道咁樣寫絕對唔可行。

講返成個敘事，其實真係撲朔迷離。我至今再聽，都係諗唔明到底主人公同埋對方係情根早種，定係有緣無分。歌詞講到今世「當你想行前一寸／愛下去又發現你／站到一邊」，又講「卻是證實這段愛／沒有起點」即係對方根本唔過電，發展機率近乎零，既然如此，點解主人公會有認定大家係「分開一百年／捱到今生才遇見」？「拉扯著那根線」又到底從何而來？《紅樓夢》之中，曹雪芹一開始就以神話領起，寫賈寶玉係頑石入世，而林黛玉則係絳珠仙草，其後兩人一生糾纏係命運嘅安排，此之所以愛得轟烈，傷得淒苦，但同百年好合正正相反嘅百年不合吹到咁大，去到最尾只係講返某一世嘅小情小愛，未免流於小題大做。

5. 小問題＋3am

AGA嘅〈小問題〉係好聽，但一聽就發現取材好大問題。雖然應付失戀各有各法，喜愛夜蒲放肆買醉都可以係反映現實，但主人公個性之差難逢敵手，我估唔到連詩雅都終於會遇到競爭。「穿起高踭取悅人」同「只記得我新結識那碧眼金髪的氣質」，於我而言，某程度上係物化女性，矮化女性；「只須很悉心的設計／裝飾我這身體」同「只須很瀟灑的破費／修葺我每處枯萎」，刻劃出主人公滿足於物質，只顧外在，形象實在相當廉價。最弊嘅係，首歌完全冇任何自強之寄意，反而係以「我只得這一點智慧」為放浪行為開脫，歌手形象徹底崩壞，MK到無以復加。

而用字方面，「我不要雙眼承受雨季」嘅雨季又係毫無鋪墊就彈出黎，引用返林夕嘅意境論，雨季係老嫗能解嘅傳統意象，要寫唔係唔得，但成首歌冇提過水，冇提過雨，連眼淚都冇提過，突然以雨季去寫哭泣，就係顯得突兀嘅原因。再睇「別這樣干擾我一生」，干擾係同接受訊號有關，如果對方係干擾，主人公應該由頭到尾都係對佢反感，但既然曾經癡心錯付，對方好歹都係過氣情人，要貶損對方，以打擾形容，會比干擾合適。參考返黎明嘅〈我這樣愛你〉，會見到林夕有用覆蓋去寫主人公對情人嘅愛綿密如羅網，而「何時才發現／就算天涯海角／都可能覆蓋」之中嘅覆蓋用得準確之餘，更加迎合到和記廣告行銷要求，一石二鳥，天衣無縫。

而〈3am〉其實一首好難出事嘅歌，事關英文部分都應該係跟返demo，偏偏又畀陳詠謙踢出身價。「如假開心開心開始假得很／倒不攤開這張牌」運用頂真，但又係砌詞搪塞；而「終於真的真的不再有情意」同「 終於真的真的不同行」用詞重複，但真的二字唔係歌詞要旨，因為主人公只係夜半失眠，唔係陷入幻想，分唔清夢境同現實。陳奕迅嘅〈不來也不去〉之中，有「如煙／因給你遞過火／如火／卻也沒融掉我」，林夕嘅頂真係用得其所，因為兩句確有承接。而同樣係陳奕迅嘅〈K歌之王〉之中，有「才令我因你要呼天叫地愛愛愛愛那麼多」，其中嘅愛字四連，有嗌破喉嚨之意，係愛到力竭聲嘶嘅出色詮釋，又係用得啱啱好。

6. 矛盾一生＋揮揮手

JW嘅〈矛〉唱到街知巷聞，控訴對方不知上進，無意結婚，好多人都會引用「矛盾只因深愛著」自況，而我自此至終，都唔明乜叫「跌下來瘡疤」，而「怎會沒決心成家」亦有力問鼎陳詠謙十大缺乏語感排行榜三甲。成家呢個用語從來唔會喺抒情歌入面見到係有原因，事關多元成家、成家立室、立業成家中嘅成家，係新聞用嘅正經用語，一般人談婚論嫁，多數都係講返結婚就算，唔會選用咁沉重嘅字眼。正如我地唔會喺同朋友傾偈嘅時候話「有見及此，我會出席」，或者「多謝你諮詢我意見」，而係會講「你咁講，我就去喇」，或者「多謝你肯聽我意見」，又正如去餐廳嗌嘢食落order，我地會講「I would go for this one」，或者「I would like to take this one」，同自己朋友或者情人講嘢，就算幾咁相敬如賓，多數都係講「I want this one」，頂盡都係講「Can I have this one」，用字係應當有場合之分，身分之別，唔可以隨心亂講，任性亂寫。〈揮〉之中有句「成為寂寞人口／脫去戒指」，所犯同上。

而講到用韻乸西，〈矛〉副歌用死「aa」，以嗎吧為主，輔以架怕疤，亦係佢嘅代表作。雖然林夕曾經話過押韻其實並非必要，只係因為要迎合主流見識至堅持押韻，但用韻會令首歌易記易上口，亦令文本朗讀之時有節奏美，都有合理之處。押韻毋須句句押，隔句押亦得，最重要都係睇旋律頭，但無計可施就求其採用「aa」韻，呢點大概就係師承黃偉文嘅結果。黃偉文所填嘅〈囍帖街〉同〈苦瓜〉雖然都係大熱，但取材新穎，都掩飾唔到其人押韻手法之不足——用助語詞押韻，畢竟係有啲技窮。反觀我個人相當中意嘅〈東京百貨〉，陳少琪喺副歌係用「iu」為韻，填咗照秒少調潮票，詞句曉暢而不落俗套，可謂熟能生巧，自出機杼。

再呼應返AGA首〈小問題〉，其實〈矛〉嘅故事都係不知所謂。空有冤氣對白，缺乏具體劇情，hook line勉強可以漁翁撤網，但副歌完全打動唔到人，此其第一問題。第二問題，就係愛情觀片面膚淺，從未細加探討愛情，更遑論明寫愛情，暗寫人生咁樣去傳道解惑，繼續流行曲社教化之功能。林夕寫情寫理天下無雙，黃偉文偏向市井，都算寫盡失戀苦戀，入心入肺；而周博賢專寫時事，針砭時弊，周耀輝別具詩情，寫歌寫出詩嘅朦朧美，基本上係各有特色，而陳詠謙嘅風格，大概就係攞你命三千式殺人於無形，一聽到就想飛歌轉台——我斗膽封陳詠謙為寫歌界嘅葉念琛，相信冇人會有異議。

7. 姐姐＋活著為求甚麼

李克勤自己都係識寫詞，點解會接受到呢首歌詞，我覺得重驚人過向曼聯送禮。「原來沒有你／但仍愛你／才後悔當天不肯留住你」雖然略嫌肉麻，但出現喺主流情歌其實真係一啲問題都冇。問題係，呢首歌所描述嘅係家傭，主人公對佢抱有嘅應該係感激之情，而唔係愛情，到底點樣至會牽掛到「朝馬尼拉的方向想起你」，視姐姐為「愛的傳奇」？唱到「忍痛／將你淡忘」，我直頭覺得李克勤情深過楊過，根本應該離婚休妻，另娶姐姐。

情節上，呢首歌都有犯駁之處。一般而言，如果僱主僱員關係良好，姐姐離職之後，雙方都會保持聯絡，好少音訊全無。而既然姐姐冇離開過香港，亦即係轉咗僱主，咁主人公又點解會炒佢魷魚？「誰料我路過砵甸乍街／竟找到你」呢種電光火石，好難講得通。我嘗試去消化故事，唯一可以諗到嘅就係主人公情不自禁，苦戀姐姐，家人發現之後執意驅逐姐姐，結果主人公只可以喺姐姐有可能出沒嘅街頭巷尾搜尋對方倩影，重溫舊夢。假如有朝一日李克勤真係轉行呢種路線，講婚姻背後辛酸，講自己同屋企姐姐打得火熱，或者大眾會受落都唔奇。

用字方面，呢首歌最差嘅係「天天飾演乖少艾」，其他都可以放過陳詠謙。話說少艾一詞，語出《孟子》一句「知好色則慕少艾」，解年輕貌美嘅女子都真係好有歷史。而現代人之所以認識少艾，相信都唔係因為讀古書，而係聽得多青春少艾呢個配搭。撇開姐姐點解會以少艾形容呢點唔講，艾本植物，少艾即以艾草正鮮比喻少女亭亭而立，可見少已經係形容緊艾，而乖少艾三字呢個組合，就即係用咗兩個形容詞去寫植物，而乖係唔會拎黎寫植物。即係我地可以話一個老人家老當益壯，如同長青樹，我地唔會話佢襟老長青樹，因為長青已經表達到健康，而且襟老都唔會係要黎形容樹。

順便講埋〈活〉。林夕珠玉在前，黃偉文都有首〈燕尾蝶〉勉強壓卷，陳詠謙挑戰社會議題，無異於引火自焚。「容顏暴露摺痕」所指嘅應該係個樣好老，皺紋暴露老態，又係要聽眾自己諗。「幾個悲哀章節日日重播／天降天災萬民地上縱火」，所指嘅應該都係天災人禍大家有責，但縱火狂徒為何人，又係語焉不詳，除咗令人諗到喜怨無常嘅舊約上帝，都真係冇乜idea。

8. 半祝福＋Gonna be alight

周殷廷其人已經不知所終，但由陳詠謙操刀嘅作品，將會遺臭百年。祝福舊愛，同類歌曲多不勝數，但希望情人「快樂得更明顯」，係咪即係指對方之前都係快樂，但快樂得較為收歛？若果快樂都可以有introvert同extrovert之分，而陳詠謙又真係寫得出，其實確實會好有啟發。副歌致命，在於突然加插槍擊，「如果他真的比我好／別再時時開槍亂掃」，again，敗壞意境。Verse2主人公心態慢慢轉變，講起對方已有新歡，其實都易明，但「你已毫無疑問找到安慰睡眠」呢句又係病句。找到應該係指向人或者物件，虛嘅找到人生方向都得，但睡眠係一種狀態，進入夢鄉可以，但搵睡眠出黎係講唔通。

上承周柏豪歌曲入面大量運用赤裸，陳詠謙又再無緣無故加插情色，好地地一首最後祝福，即刻變到俗不可耐。諗到對方會同新歡有性行為係可以理解，但以「隨便白天纏綿／夜晚裸露別來送我上苦路」白描，就係自亂佈局。〈半〉嘅基調係純情，周殷廷嘅定位亦非大講鹹濕，裸露二字亂入，格調之粗劣，真係不敢恭維。

〈G〉其實都係聽得過嘅歌，風格有啲似林奕匡首〈Good Man〉，但細聽之後又聽到副歌有句「甚麼東西正在變做美好的團體」，不知所云。Verse2有句「青春出於笑容裡／開滿花」，其實都解得通，但第二句「率真出於眼神裡／一句話」嘅嗰句話從何而來，又係毫無預兆，石頭爆出黎咁。好地地一個新人，唱咗首膠歌，然後就萬劫不復，真係不無惋惜。

9. P.S. I Love You＋壯舉

張敬軒係我本人極之欣賞嘅歌手，好彩佢人在英皇而非華納，未來唔似會再有同陳詠謙合作嘅可能。〈P〉其實算係不過不失，但因為林若寧同林夕寫過好歌畀張敬軒，而張敬軒自己早期作品都寫得青澀可愛，陳詠謙嘅歌就相形見絀。故事寫因戰禍而天人相隔其實好清楚，但主人公喺副歌嘅內心戲，可謂不明不白。「忘掉了生死／用愛跟這世界對比」，其實睇唔出邊個死咗抑或係一齊死，但既然係人生無常，話係不可以抱著你，會比「不需要抱著你」更加合理。然後「逾越了生死／當知這份愛從沒禁忌」又係全無鋪墊，因為首歌冇講過呢段感情係禁忌之戀，而為死去情人守節，亦唔係禁忌。「生死難忘／別忘記自己」，驟聽似係一種提醒，提醒自己要好好生活落去，但其實突然筆鋒一轉嘅呢個提醒，同「在雲中禱告／祝福你／繼續飛」係冇衝突，因為主人公由頭到尾都冇話過要殉情。

然後繼續睇Verse2﹐病句又至。「當一切／沒法逃過了劇震」，既然係逃唔過，點解又會用個了字？「誰在瓦礫中獻吻／講永別卻那麼接近」，卻前卻後轉折不清，卻字無法理解。「捉不緊的有太多／這一雙手在提示我／時辰到／人如初」，呢雙咁重要嘅手又係突然出現，極其量只可以話佢上接Verse 1之中「硝煙裡／讓我除去了面罩」嘅手，但有冇必要用雙手除，聽眾不妨存疑。快飛去結尾，「珍惜這份愛才是勝利」換成粵語，就應該係「珍惜呢份愛先係叫贏」，然而本身主人公未有誤解勝利定義，因此亦冇要糾正嘅地方，陳詠謙想用才是二字帶出乜嘢訊息，我都依然未悟到。

另外亦必須要討論〈壯〉，畢竟呢首可以話係陳詠謙眾多作品之中最言之有物嘅一首。我地都知道所有創作者喺寫自己最熟悉嘅題材往往係寫得最入肉，林夕寫苦戀寫到出神入化，黃偉文寫同志戀情別出心裁，都係因為有親身經歷，所以緣事而發，份外有感。意淫其實冇問題，樂而不淫，無傷大雅即可，而陳詠謙擅寫不顧後果嘅價值觀，就寫出咗吳雨霏嘅〈告白〉同陳奕迅嘅〈碌卡〉兩首佳作，係要欣賞。然而我地必須思考嘅係，一個填詞人只寫得好呢種缺乏深度同修養嘅歌詞，可唔可以稱為最佳填詞人。無可否認，黃霑林振強林夕等人確實係一下子將平均數扯得太高，令到後來者好難超越，但文從字順，詞有所指，應該係最低標準，如果連咁都做唔到，直接出demo派台instead of固守曲詞俱全嘅舊例，可能至係更佳出路。

10. 給兒子的信

唔少為陳詠謙平反嘅人都話呢首寫得好，以此作結，真係最好不過。一般人一定先入為主，覺得寫畀自己親生仔，點計係誠意之作，冇理由鳩寫，但陳詠謙不負眾望，又一次成功鳩寫，本色出演，繼續陳詠謙獨樹一幟嘅意思含糊，言不及義。「成年路太遠你學識怨命／所以任性／難受但我會繼續供應」，唔知佢供應啲乜，照計係愛，但真係讀者估，唔係作者寫；「若我有天跛了／你戴上我的眼睛」驟聽好有意境，其實唔知戴上父母嘅眼睛為乜——靠後生傳承自己人生經驗，唔使等老咗至做；代爸爸去環遊世界，亦冇理由用返爸爸對眼；陀住爸爸一對眼球出遊，反而顯現到少少心意，但又不切實際，背離常理，總之點講都唔通。

再睇「如果天地狠狠的將一切理想／破滅了」又係反面教材，大家千祈唔好有樣學樣。破滅，常用於理想或者幻想破滅，此中破滅非關外力，只可以係自體消亡，如果想話理想破滅係外力迫成，簡單可以用消滅用殺掉，靚啲可以用扼殺用磨蝕。雖然語言潮流時刻變動，我地唔可以一味泥古，但將某物破滅呢種寫法，如無意外，過多一百年應該都唔會獲得學界同世俗認受。用呢句病句做副歌第一句，有人話一聽就無名火起，呢種反應真係合理不過。

宏觀睇返成首歌，主人公到底抱持點樣嘅心態育兒，我亦甚為不解。佢有話「還是流我的血／你別忘掉」，提醒對方記得有自己嘅支持，亦有話「是我對不起你」同「可以恨我」，承認自己生仔出於自私，似乎有盡力善待同保護小朋友去盡力彌補之意，但再睇「我對你好／不須答謝我」，又主動提起自己嘅好，提起完又話「不須答謝我」，聽完只覺呢個爸爸暗啞底想要人知恩報恩，但又唔敢直講，扭擰造作。更加得意嘅係，呢個爸爸一直都流露無限愛意，又講到唔介意小朋友失敗，只求佢開開心心，但又忽然狠心咁話「註定某日我將拋棄你於荒野」，到底係因何而生嘅轉折？拋棄本身暗含主動之意，字面意思只可以解讀為主人公主動為之，但呢個爸爸愛心爆棚，應該係對親兒不捨不棄至係，點解會註定拋棄親兒？如果佢想講嘅係人世間自有規律，迫到父母不得不拋棄子女，咁就一定要講得清清楚楚，否則就好難呼應其後嗰句「你永遠有一種愛／從未缺少」。概而言之，呢封信真係好深奧，除非佢身體力行去抵制香港政府強制十二年義務教育，用自己一套中文去教仔，否則佢個小朋友未來都好難聽得明佢想表達啲乜。

總結

時間有限，每首只可以點評少少，但不知不覺，都寫咗六七個鐘。我試過填詞，知道填詞唔易，但自知之明，理應人皆有之。我相信大多數人都係不滿佢「我叻仔我可以肥」嘅招積，不滿蜀中無大將，而廖化竟自以為曹操。我個人偏好林夕，上文信手拈來例子大多以佢作品為主，希望大家體諒。最後衷心希望呢個寫得相當簡單嘅分析，算係勉強整理得到大家嘅見解，我知「殘忍只須一棍」同衛蘭都好恐怖，但考慮到其中問題同以上例子大體相似，在此不贅。辭多歉甚，如有補充賜正，歡迎切磋交流。

https://gnimmm.com/2018/11/25/smartfatchan/

日本卡通《雷霆王》原名《六神合体ゴッドマーズ》（六神合體 GOD MARS），為大幅改編橫山光輝原作漫畫《マーズ》（MARS）的機器人動畫，今沢哲男擔任導演，本橋秀之負責人物設定，東京電影公司（東京ムービー）製作，1981年10月2日至1982年12月24日在日本電視台（日本テレビ系列）首播，全部64集。中視在1989年3月31日至1990年6月29日間的每週五下午5點播出中文配音版。

故事的主角是馬茲（マーズ），他原是吉星人，在嬰兒時期被送到地球，被正在釣魚的李博士發現而收養了他，並為他取名為李佩華，長大後17歲的佩華成為正義隊（地球防衛軍）的一員。

某日，地球遭到不知名的外星人攻擊，佩華發現入侵地球的外星人擁有超能力，同時發現自己也有超能力，在大戰數回合之後，被佩華打敗的外星人趕緊呼喚機器人來幫忙，於是佩華遭到機器人反制，在生死存亡之際，突然出現一個紅色的機器人要與佩華合體！原來這個機器人海亞（Gaia）是台主機，當主機遭遇困難時，便會有另外五架機器人飛來，最後可組成「六神合體」的雷霆王，只要雷霆王完成合體便能立於不敗之地！

事實上，攻擊地球的外星人正是駐紮在吉星的邪惡帝王族魯（ズール皇帝） ，族魯為了支配整個宇宙，先控制了吉星人，然後命令馬茲的父親製造具有強大毀滅力的紅色機器人海亞，然後將馬茲與海亞送到地球，只要馬茲一死，安裝了反陽子系統炸彈的海亞便會自動引爆，進而產生可怕的核子反應，到時候地球便會陷入一片火海而毀滅！不過馬茲華的父親卻偷偷製造了另外五個守護機器人：人面獅身、烏拉諾斯、泰坦、琴、萊，並讓他們隨著馬茲與海亞一同到了地球，每當馬茲與海亞不敵外星人攻擊時，這五個守護機器人便會立即挺身而出，和紅色主機海亞合體成地球上最強的機械守護巨神「雷霆王」來反制邪惡力量，徹底摧毀敵人！

六神合體後的雷霆王身高為50公尺，重量達1050噸，作戰時可從腹部「G」、「M」兩字（即 God Mars 二字的字首）射出光線，「G」字射出的是高熱光束「金鋼火焰」（God Fire），「M」字射出的「雷霆閃電」（Mars Flash）則可實體化為一把巨劍，而雷霆王的終極必殺技乃「最後一擊雷霆王」（Final Godmars）。

六神合體「雷霆王」之各機簡介：

1號機 海亞（Gaia）
身高15公尺，重量250公噸，是專屬馬茲（李佩華）的紅色機器人，平日藏身於太平洋上一個石礁上的巨大的老人石像內，為六神合體中的1號機器人，合體部位在2號機「人面獅身」的收納體內。每當馬茲有危險時，馬茲的腦波會自動傳送求救訊號給海亞，此時海亞便會立即從石像中跳出，並發射光線將馬茲送至駕駛艙中。海亞的武器乃是馬茲的超能力，名為「超能力衝擊波」，此外，海亞的體內被安裝了反陽子系統炸彈，一旦馬茲死亡，炸彈便會自動引爆而毀滅地球。其名字來自希臘神話裡掌管大地的女神－海亞（Gaia，另譯蓋亞）。

2號機 人面獅身（Sphinx）
身高25公尺，重量300噸，為藍色的巨型機器人，平日藏身在埃及金字塔旁的人面獅身像內，為六神合體中的2號機，可變形為能收納海亞的雷霆王主軀幹。人面獅身的攻擊技為「人面獅身攻擊」（Sphinx Attack），以蠻力去破壞敵人，此外，他亦能與另外四個機器人（3、4、5、6號機）一同發出五彩閃光，解救受困的海亞。其名字來自埃及聞名的古代神獸－斯芬克斯（Sphinx）。

3號機 烏拉諾斯（Uranus）
身高15公尺，重量100公噸，為白色的中型機器人，平日藏身在北極的巨大冰山中，是六神合體中的3號機，可變形成為雷霆王的右手。烏拉諾斯的攻擊技為「烏拉尼斯冷凍光線」（Uranus Freeze），可將敵人瞬間結凍然後粉碎之。其名字來自希臘神話中著名的天空之神－烏拉諾斯（Uranus）。

4號機 泰坦（Titan）
身高15公尺，重量100公噸，為綠色的中型機器人，平日藏身在印度洋的海底石像中，是六神合體中的4號機，可變形成為雷霆王的左手。泰坦的攻擊技為「泰坦旋風」（Titan Cyclone），可將敵人捲至高空後再重重摔到地面。其名字來自希臘神話裡曾統治世界的巨人族－泰坦巨神（Titan），傳說中，泰坦族是天空之神烏拉諾斯和大地女神海亞所生的子女，他們曾統治天國，但後來被宙斯推翻並將之囚禁在地底的監獄裡。

5號機：琴（Sin）
身高25公尺，重量150公噸，為黑色的中高型機器人，平日藏身在柬埔寨的吳哥窟石像中，是六神合體中的5號機，可變形成為雷霆王的右腳。琴的攻擊技為「琴之火光熱線」（Sin Flare），可將敵人燃燒殆盡。其名字來自美索不達米亞文明的月神－辛（Sin），又名楠娜（Nanna）。

6號機：萊（Ra）
身高25公尺，重量150公噸，為黃色的中高型機器人，平日藏身在復活島的摩艾石像中，是六神合體中的6號機，可變形成為雷霆王的左腳。萊的攻擊技為「萊之脈衝切斷」（Ra Pulsar），可瞬間將敵人切割成兩半。其名字來自埃及神話的太陽神－拉（Ra）。

《雷霆王》中文主題曲歌詞：

六神合一的雷霆王 Woo
六神合一的雷霆王 Woo
保衛地球的安全 我當先
對抗入侵的吉星人 不後人

六神合一的雷霆王 Woo
六神合一的雷霆王 Woo
保衛地球的安全 我當先
對抗入侵的吉星人 不後人

六神合一的雷霆王 Woo
六神合一的雷霆王 Woo

啦啦啦啦 啦啦啦啦
啦啦啦啦啦
啦啦啦啦 啦啦啦啦
啦啦啦啦啦

雷霆王 雷霆王
雷霆王

詞語解釋
本輯[粵語郭文貴]視頻內有特別典故的詞語之解釋，見最最底的"詞語解釋"

參考文章﹕
——————————————————————————

“內涵段子”的來龍去脈
徐漢光

內涵段子就是自稱好有內涵的視頻片段。究竟是不是真的好有內涵, 就要視乎你是好正經、假正經還是不正經的人。好正經的人, 尤其是永遠偉大正確光榮的黨國領導, 就會說它是低俗, 是荼毒青年, 雖然我好肯定, 私底下 他們也很enjoy。
假如你從未看過內涵段子, 一切之前, 與其紙上談兵, 倒不如多一點感性認識。以下我從 youtube 找到了幾個段子, 每一段也只是一兩分鐘, 有齊中文字幕。我推薦你至少也應該看兩三個, 才繼續讀這篇文章。

內涵段子 的幾個段子------

1級: 非常過癮 極力推薦
https://www.youtube.com/watch?v=wQLqCJ2q8eg
https://www.youtube.com/watch?v=JQ9ixsRtjEc
https://www.youtube.com/watch?v=r-GktlCJ87E
https://www.youtube.com/watch?v=hyN_dHzbVwc&t=1s

2級: 少少得意 得閒就看
https://www.youtube.com/watch?v=Aof21pq0NZE
https://www.youtube.com/watch?v=mAw2c-4q2cg

2.5級: 純意思齋鹹鹹地 好抵死
https://www.youtube.com/watch?v=zGIUHC12who
https://www.youtube.com/watch?v=rbbZUurDG2M
https://www.youtube.com/watch?v=HICvOfkuSWA
https://www.youtube.com/watch?v=I7rGnh3lg9I

這個 app 運行了四年, 至今有二億人使用, 多數都是年青人, 大家天天都看, 看得很過癮; 漸漸, 就開始有些文化產品, 環繞著內涵段子, 例如 t shirt, 例如貼在汽車後面玻璃的標誌; 許多中國城市, 段友們在紅燈前停車, 看見前面車輛也有這個標誌, 就會響horn, 一長兩短, 聽見這個暗號, 前面那輛車和馬路上其他段友, 也會一長兩短回應, 大家就開心; 有些城市, 段友們在線下, 也有聚會, 風花雪月, 樂在其中; 後來, 還一起搞一些公益活動, 探下老人院, 幫下弱勢社群之類。

2018年4月10日, 廣播電視總局, 看見你這麼低俗, 為了你的好, 順便向習近平邀功, 宣佈禁止內涵段子。以前放在所有頻道的內涵段子, 一律剷除。一天內, 許多城市, 都出現抗議活動, 幾十架幾百架汽車, 聚集在大街, 一齊響horn, 一長兩短; 有些是拉起橫額"天下段友一家親! 段友有難, 八方支援!", 遊行起來; 也有人群聚集在廣場, 包括北京廣電總局前面的廣場, 高呼"流氓政府"; 也有唱起歌來的。

以下視頻, 有相當詳細的, 關於各種抗議活動的紀錄:
https://youtu.be/lG74hHwBUb0 (全片共22分鐘)
前面的6分20秒, 都是段友們抗議的時候, 錄製的視頻(2:45 至 4:12 可以不看)。 從6分21秒開始, 是朗讀一篇頗詳盡的報道和分析, 畫面下面有走馬燈字幕, 裏面除了報道發生了什麼事, 也追溯當局決定禁制他們, 各種可能的原因, 包括文化上的、社會控制的、經濟利益爭奪的等等可能原因。你有空也可以看看這篇15分鐘的報道和分析。

以上視頻中，可看到抗議當中, 有些段友激情地唱一首歌。這首歌, 原來是段友們封為四大神曲之一的 "在人間"。以下就是這首歌:
https://www.youtube.com/watch?v=lZxJs5YemFc (四分鐘)
即使你沒有時間聽, 也請留和細味我貼在下面的歌詞, 很有文學性:

"在人間"
也許爭不過天與地
也許低下頭會哭泣
也許六月雪要飛進心裡
會有柏林牆出不去
一生與苦難做鄰居

偉大時光已奪走你什麼
誰能證明你在人間來過

在人間有誰活著不像是一場煉獄
我不哭我已經沒有尊嚴能放棄
當某天那些夢啊溺死在人海裡別難過讓他去
這首歌就當是葬禮

掛在臉孔上是面具
流言比刀劍還鋒利
金錢的腳下有太多奴隸
人心有多深不見底
靈魂在逃亡無處去
現實像車輪我是隻螞蟻

在人間有誰活著不像是一場煉獄
我不哭我已經沒有尊嚴能放棄
當某天那些夢啊溺死在人海裡別難過讓他去
這首歌就當是葬禮

也許爭不過天與地
也許低下頭會哭泣
也許六月雪要飛進心裡
會有柏林牆出不去
一生與苦難做鄰居
偉大時光已奪走你什麼
誰能證明你在人間來過

你一邊思考中國的青年人為什麼這麼喜歡這首歌, 有沒有一邊想過, 這首歌遲早被禁? 假如有, 你就想對了。4月18日, 中國果然就禁了這首歌, 也就是, 國內的互聯網, 從今也搜尋不到這一首歌了，當然也不准賣、不准唱。

網上還有很多視頻評論, 你可以搜尋王丹、旗袍、郭寶勝、路德等談論內涵段子的視頻, 當然也要看以上我做了粵語配音的郭文貴。不過, 我認為, 評論得最深刻的, 就要數明鏡的何頻先生, 最能聯繫到這個專制政權的本質、文化政策和他們愚蠢的宣傳、處事、文化水平。連結如下：
https://www.youtube.com/watch?v=5Tl3KHI8Mho&t=34s
共23分鐘
(小小可惜, 它是普通話。你就試試聽聽吧。)

最後，今天(4月20日)收到流亡美國的民運人士汪岷的信息(下附)，呼籲香港人5月1日9am開車到中聯辦門口，快閃響horn一長兩短十次，國內外其他地方同步進行。你會去嗎？

我的介紹完了。請回去看粵語配音的郭文貴對內涵段子的評論。

——————————————————————
附﹕汪岷的呼籲

支持段友，鸣笛快闪
全球同步，抗议封锁
4月10日，中共广电总局下架“内涵段子”，这是封锁民众言论自由的独裁手段，2亿注册用户瞬间失去了沟通和娱乐的家园，2200万青年人在全国各地用不同的方式表达自己的不满。为支持段友的抗争活动，我们呼吁海内外段友和支持人士在北京时间五月一日上午九点，全球同步，开车上路，在海外驻各国大使馆，领事馆，以及国内任一地点，统一用鸣笛快闪的方式支持段友，要求重新启动“内涵段子”。请海内外支持者准时开车上街并鸣笛“滴，滴滴”十次，同时请在各社交媒体视频直播或稍后上传拍摄视频。

‪美西時間4月30日下午六點‬
‪紐約時間4月30日晚上九點‬
‪北京時間5月1日上午九點‬
‪倫敦時間5月1日凌晨两點‬
柏林时间5月1日凌晨三点

美国地区将在上述时间分别在纽约总领事馆，旧金山总领馆，洛杉矶总领馆前开展鸣笛快闪活动，并随后在现场发布演讲抗议，递交抗议书，以支持国内段友。

—————————————————————————

詞語解釋(出場序)
盜國賊------這是郭文貴2017年初開始公開具名舉報貪污腐化濫權的一批中共頂層官員，主要是現任國家副主席王歧山、前任中共政法委書記孟建柱、現任司法部長傅政華、現任公安部副部長兼公安部港澳台辦公室主任孫力軍。郭文貴說他們是江澤民家族勢力的重要部份。
歧山同志隻手仔------以前郭文貴爆料時，曾提過王歧山仍常常玩女人，包括女明星，但性無能，故只是"用手"云云。
傳政華------現任司法部長
韋石、夏業良、史諾、唐柏橋------四位常常攻擊郭文貴的，自稱反專政的民運人士。郭常常數他們的不是，怎樣不是。
藍金黃------郭文貴說盜國賊坑害和控制人、乃至大陸境外機構和政權的三個手段﹕蓝 - 网络监控！信息窃盗！金 - 金钱买通！市场威胁！黄 - 女色诱惑！要脅陷阱！蓝金黄将毁掉世界文明！是对每个人的威胁！