［天橋上的人］

星期五下午，港島頂級購物區繁忙非常。從金鐘廊走到太古廣場有一條行人天橋，巨型落地玻璃密封設計，讓行人可以遠眺整條金鐘道，俯瞰電車路的交通情況。在下午約4時，約一百人聚站在天橋的其中一邊，眼神同時望向遠處。路經這裡的有在附近工作的白領，和說英語的外籍人士。

在商場人潮裡，可以聽到這些對話：「何詩蓓真係好勁呀！」說的是這天早上代表香港出賽的游泳運動員，於今屆東京奧運已贏得第二面銀牌，是這天城中熱話，若包括早前勝出劍擊金牌的張家朗，香港運動員已在今屆奧運拿下了三面獎牌，是香港開埠以來最佳紀錄。

對於天橋上聚滿人，有不明所以的人走近，看到地上有人擺放了單張，「24歲的唐英傑 TONG Ying Kit is 24 years old，好人一生平安」，旁邊有唐早幾天因國安法入罪的中文資料，卻欠英語，有人用英語問：「What is this?」

這個城市，在狂喜和狂悲中搖擺。

從天橋上眺望遠處，正是連接太古廣場的最高法院。最高法院審訊案件，可判處刑期並不像區域法院有七年上限，嚴重案件都在這裡審訊。從高等法院進出的囚車，需要路經繁忙的金鐘道，但這天警方佈陣下，不但記者被隔到老遠，市民就更能只站在商場的天橋上遠眺。

從天橋位置到囚車出入位置，相隔約150米。以往「送囚車」的人們大喊或揮動手機燈，車內人看得見，這天，百多米外的眺望，只能遙記心意。

第一宗國安法審訊於周二(27日)判兩項罪名成立，三天後即今午宣佈刑期。判決有沒有罪的那天，法院來旁聽的記者人數，要比這天宣判刑期的更踴躍。那時全球記者關注「光時」口號是否入罪，這天判刑，記者人數略為減少。

然而，本地市民旁聽的意欲則沒有減退。早上八時已有中年女士來排隊拿旁聽票。最後，內庭及庭外直播票，公眾人士入場總人數約170人，出現「爆庭」現象。

其中，只有20名熱心市民能夠入到庭內。他們以中年人士為主。有人坐下來低聲互相提醒：「這個庭很細小，只能入二十人」「我們這個位置最接近唐英傑」「一會兒宣判時我們不要有太大的情緒反應以免影響家屬」「我已與唐的家人交換電話，希望將來可以探望，互相支持。」

市民拿的是紫色票，家屬拿的是白色票。然而，家屬票並不夠。
下午2時40分，市民及記者均入坐。家屬較遲到來，一名微胖紥馬尾的少女，拿着「市民票」向坐在較前的旁聽公眾低聲說：「我們是家屬，想坐在一起，可以跟你們交換座位嗎？」公眾隨即把最前的位置讓出，少女連連道謝。

長髮的唐英傑母親，穿着白色麻質套裝，腳踏平底鞋出現。她化了淡粧，做了粉色美甲，戴着紅色手鍊。她和幾名年輕女性親友一起，坐在最接近犯人欄的家屬席。

開庭前，年輕女孩不時拍拍唐母的肩，跟她談話時輕撫着唐母的背，或輕輕跟唐母牽手以示鼓勵。她們的座位距唐英傑約十呎，可以清楚跟唐交換眼神。

下午2時57分，唐英傑終於在懲教職員押送下出來。以往審訊時，唐會提早一點出來露面，可是，這天卻調校到距離開庭很短的時間才讓他出來，於是變相減少了唐可以與律師溝通的時間，或與家人對望的時刻。

法庭的時光，客觀上是一回事，主觀亦有另一種感受。

冗長的審訊，時間像特別漫長；但判決及判刑，又如電光火石。

身型壯碩的唐英傑，穿着十多日審訊的那套衣服出現。灰藍色西裝外套，黑色恤衫，髮型清爽但這天頭髮有點凌亂。甫步入犯人欄，唐先舉起左手跟律師打招呼，轉而望向母親及幾位年輕女性親友。

女性親友不時俯身，嘗試找角度能夠與唐保持眼神接觸。因為犯人欄的橫柵，與及防飛沫膠片的阻隔，令視線有所阻擋。女子們不時從座位做心心手勢，鼓勵唐。

律師趁開庭前的寶貴時間，拿了文件遞給唐，揭開防飛沫膠布跟他對話。唐亦把紙張交給律師。

唐英傑接過即時傳譯的耳機，把主機插向自己的西裝的左胸口袋，再把耳塞塞進左耳，再用手指托一托滑落的眼鏡。

不一會兒，一名駕駛着電動輪椅的中年婦人進來，被安置在家屬旁。她是一名熱心市民到來旁聽的市民，法庭未開始，她已經在拭淚。

3時04分， “Court！”的男聲喊出，三名法官步出坐在席上。法官杜麗冰用英語宣佈她不會詳細把判刑的原因詳細讀出，只挑選判刑重點來讀。

她以英語說出 “Six and a half years and eight years respectively for counts 1 and 2….”

判刑是否分期執行，還是同期？

杜官再說，如果當初唐選擇認罪，會是有減刑可能，但今次唐選擇不認罪。唐有幾次交通相關案底，於國安法判刑則不相關，會視他為「良好品格」。法庭亦表示同情唐的家庭狀況，作為唯一的經濟支柱，而其祖母亦有重病。但認為這些是「被告人應該在犯案前考慮的事」。

杜官指出，兩控罪雖然來自同一組事實（即開着插有「光時」旗的電單車衝過警方防線），但「兩罪是分開而明確的 (separate and distinct offences)」。

正當大家在疑惑究竟總刑期多長的時候，杜官又說會行使 “totality principle” (整體判刑原則)。

杜官最後交出一個數字，其中2年半刑期分期執行，總刑期9年。
杜官說，這刑期反映了「被告人的罪行嚴重性，社會人士對罪行的厭惡度，並達至阻嚇性」。

旁聽席上的人互相交換疑惑的眼神，大家對繁複的法庭英語不太聽得入耳，只關注總刑期多長。大家互相在電話上的筆記簿寫上數字，交換眼神。

唐英傑專心聽着耳機，翻譯員以廣東話給他解釋了自己未來命運。唐聽到這裡時，坐得腰板挺直，雙手放在膝上，偶爾用左手食指托一托鼻上的眼鏡，或飛快的揚一揚眉。

直至聽到總刑期後，唐才放鬆了一點點。當法官解釋要吊銷其駕駛執照達十年，唐英傑再向家屬席做心心手勢。
此時法官再談及充公證物的處理。

說時遲那時快，才20分鐘，又有人喊　“Court!”，判刑程序完畢，三名法官離席。旁聽席的人如夢初醒，等待了六、七個小時，為了見唐一面，時光就如此飛逝。「吓？咁快既？即係判幾多年？」旁聽席的人互相追問。

此時法庭有點混亂，坐在輪椅的女士大喊兩次：「抗爭無罪！」保安衝前阻止。唐英傑起身走向羈留室方向，亦即與家屬席最接近的時候。家屬都站起來靠向唐。

有人從旁聽席大喊：「重甲！撐住呀！」

「重甲」是唐英傑在反修例運動的綽號，他愛穿着保護裝備擔任義務救護員。

唐英傑在混亂中回了一句：「你哋都要撐住！」然後身影消失在法庭裡。年輕女親友互相擁抱，痛哭起來。

唐英傑的辯護律師團隊，走近家屬身邊解釋情況，再次確認判刑刑期。

判刑書長達15頁，在法庭外向記者派發，其中一段披露了唐英傑多封求情信內容。

「求情信中指，被告人是個思想單純，心地善良而且孝順父母的兒子，他供養妹妹到海外留學。」

「唐父形容，兒子容易被政治影響，亦受到『不良出版影響，令他做了錯事』。」

「唐的auntie形容，（唐英傑）『受到一些社會人士及傳媒的錯誤報導影響』。」

而判刑書亦有引述唐英傑自己向法庭親撰的求情信內容：「被告人表示感到後悔，現在明白政治看法是觀點與角度問題，最重要還是做人的品格。他亦表達到，希望社會把仇恨放下。」

(For the Defendant himself, he wrote to express his remorse, saying that he had now come to realise that political views are matters of perspectives and should not be more important than human decency. He also expressed the hope that the society might put aside hatred.)

【玻利維亞持香港特區護照落地簽堅定流？】

呢篇文章以香港護照為主，係小弟2018年6月經驗，之後可能有所更改，而BNO同台灣護照不在此限。

由今年四月開始，持香港特區護照入玻利維亞可以做落地簽，唔駛再喺Santiago或Cusco搞簽證，但可能成件事太新，你上網Search「香港護照玻利維亞落地簽」，都係search到同一堆廢話、各大網媒嘅新聞稿，但係咪真係得，似乎人人都各執一辭。

小弟成功入到，但又係咪咁簡單呢？

我唔知大家點睇「落地簽」呢個Term，我理解就係好似以前台灣咁，去到機場填Form、俾錢，完，但玻利維亞要搞咁多嘢，完全唔係「落地簽」囉。

首先睇下各大網媒寫乜：
1. 預先填好簽證申請表格並簽署。
2. 有效期不少於6個月的護照。
3. 如果將會進入黃熱病高危地區，需要有效的預防黃熱病疫苗接種證明。
4. 旅程路線單或往返機票及住宿訂單；如果入住當地民居，要有合法家庭住址的玻利维亞人的邀請函，邀請函須在玻國移民總局登記並公證。
5. 合法的個人經濟能力證明文件。
6. 近期個人證件照，4 x 4 厘米，白底。
7. 簽證費繳費單，費用30美元。

對於第一至六點，小弟可以做到，但因為玻利維亞個簽證唔可以太早搞，只可以15日內，但15日前我根本冇銀行，網上銀行有人又話佢唔得，所以果30蚊我交唔到，而我亦覺得，「落地簽」應該可以「落地」俾，所以決定去到先算。

至於個表格係要15日前填，如果過咗要重新填，但小弟出發前15日內根本冇printer，好在後尾喺Santiago機場（離境大堂中間information center）有免費printing，所以印到。

好喇，萬事俱備，我嚟到接壤智利同玻利維亞邊境城市San Pedro，都係對果30蚊美金有疑惑，就去information center問問，information center答我係，曾經有香港人俾完30蚊美金後，去到邊境都係要加錢，佢就此打去玻利維亞大使館問，對方態度惡劣cut佢線，所以都唔知係咪堅30蚊。

我決定唔理，直接去邊境。

我係跟三日兩夜團去（堅正，容後再講），去到邊境我心諗點都有司機幫我掛，點知個司機唔識英文，而入去個邊境關卡每次只限兩個人，好在有個同團巴西人幫我。

其他人一嘢就過得，偏偏偉大嘅特區護照就要一大堆嘢，我預備咗果份網上表啦、相啦、Passport副本（呢樣一定要）啦，連埋護照俾佢，條友左睇右睇，係咁篤佢手臂個玻利維亞印章，我當然唔知佢講乜，個巴西人都唔明佢講乜，佢係咁篤係咁篤，仲鬧個巴西人唔知佢講乜點做翻譯（巴西講葡文唔係西班牙文），搞完一大輪先知係要黃熱針證明！

嘩頂，好在我有打！

我俾佢睇，佢都唔得，話一定要有影印本，而佢邊境係冇得影印，好在我有影印，即時俾一份佢。

然後，佢又要我拎行程所有住宿交通證明，我話，果份表咪填曬囉，佢都係唔得，要我白紙黑字一份俾佢。一來我根本冇Planning，二來手寫又唔得，咁你想點？

佢竟然話，冇行程表唔入得境。

我屌你呀？

巴西人好努力咁幫我翻譯，話行程表都網上入紙俾曬你（其實上網我都係亂寫），一係我手寫有乜問題？條友仲係咁搖頭。最後出動到佢大佬，叫咗我埋一邊，同我講US$110。

我知道係海鮮價，但爬文人哋最高都係US$90，你掠我US$110？然後我話乜唔係US$30咩？香港入境處Official係US$30，條友竟話，從來冇人俾過US$30。

ok, fuck that，俾就俾。我俾咗兩張US$50，一張US$10，條友竟然話張10蚊有摺痕唔收，都好在我身上仲有多張50蚊新錢，佢先至收，然後，竟然有得找。

就此，佢露出一個不懷好意笑容，俾我入境。我肯定果110蚊佢有自己袋。

你可能話我柒，唔俾定30蚊所以咁煩，但我相信隨時俾完30蚊你到邊境都係要加。可能個個邊境入境都唔同，但經驗話我知，你有乜都唔該好影印定一份，有咩資料打定印出嚟，因為唔接受手寫。同埋，錢可以解決嘅問題就唔係問題，你唔好咁老定成身得30蚊美金，唔係真係一身蟻。

總結，落地簽係咪堅？係堅嘅，但係咪咁簡單，絕對唔係囉。同埋，排過境時如果你唔識西班牙文，最好搵個識嘅人幫你翻譯，唔係雞同鴨講加上班關員態度極奇惡劣，你想如網媒新聞稿所講40分鐘入到境，真係發夢都冇咁早。

Anyway，我。終。於。嚟。到。天。空。之。鏡。喇！

🎉新書銷量持續向上、口碑滿載！買嚟睇就明 🇭🇰 | goo.gl/J9QdBR

🎉台灣書局亦已上架，可去文中連結購買 🇹🇼 | goo.gl/xzCymP

【IG請follow】www.instagram.com/travelerwithmovie

#有故事的旅人 #南美 #玻利維亞 #天空之鏡 #uyuni #玻利維亞落地簽

【玻利維亞持香港特區護照落地簽堅定流？】

呢篇文章以香港護照為主，係小弟2018年6月經驗，之後可能有所更改，而BNO同台灣護照不在此限。

由今年四月開始，持香港特區護照入玻利維亞可以做落地簽，唔駛再喺Santiago或Cusco搞簽證，但可能成件事太新，你上網Search「香港護照玻利維亞落地簽」，都係search到同一堆廢話、各大網媒嘅新聞稿，但係咪真係得，似乎人人都各執一辭。

小弟成功入到，但又係咪咁簡單呢？

我唔知大家點睇「落地簽」呢個Term，我理解就係好似以前台灣咁，去到機場填Form、俾錢，完，但玻利維亞要搞咁多嘢，完全唔係「落地簽」囉。

首先睇下各大網媒寫乜：
1. 預先填好簽證申請表格並簽署。
2. 有效期不少於6個月的護照。
3. 如果將會進入黃熱病高危地區，需要有效的預防黃熱病疫苗接種證明。
4. 旅程路線單或往返機票及住宿訂單；如果入住當地民居，要有合法家庭住址的玻利维亞人的邀請函，邀請函須在玻國移民總局登記並公證。
5. 合法的個人經濟能力證明文件。
6. 近期個人證件照，4 x 4 厘米，白底。
7. 簽證費繳費單，費用30美元。

對於第一至六點，小弟可以做到，但因為玻利維亞個簽證唔可以太早搞，只可以15日內，但15日前我根本冇銀行，網上銀行有人又話佢唔得，所以果30蚊我交唔到，而我亦覺得，「落地簽」應該可以「落地」俾，所以決定去到先算。

至於個表格係要15日前填，如果過咗要重新填，但小弟出發前15日內根本冇printer，好在後尾喺Santiago機場（離境大堂中間information center）有免費printing，所以印到。

好喇，萬事俱備，我嚟到接壤智利同玻利維亞邊境城市San Pedro，都係對果30蚊美金有疑惑，就去information center問問，information center答我係，曾經有香港人俾完30蚊美金後，去到邊境都係要加錢，佢就此打去玻利維亞大使館問，對方態度惡劣cut佢線，所以都唔知係咪堅30蚊。

我決定唔理，直接去邊境。

我係跟三日兩夜團去（堅正，容後再講），去到邊境我心諗點都有司機幫我掛，點知個司機唔識英文，而入去個邊境關卡每次只限兩個人，好在有個同團巴西人幫我。

其他人一嘢就過得，偏偏偉大嘅特區護照就要一大堆嘢，我預備咗果份網上表啦、相啦、Passport副本（呢樣一定要）啦，連埋護照俾佢，條友左睇右睇，係咁篤佢手臂個玻利維亞印章，我當然唔知佢講乜，個巴西人都唔明佢講乜，佢係咁篤係咁篤，仲鬧個巴西人唔知佢講乜點做翻譯（巴西講葡文唔係西班牙文），搞完一大輪先知係要黃熱針證明！

嘩頂，好在我有打！

我俾佢睇，佢都唔得，話一定要有影印本，而佢邊境係冇得影印，好在我有影印，即時俾一份佢。

然後，佢又要我拎行程所有住宿交通證明，我話，果份表咪填曬囉，佢都係唔得，要我白紙黑字一份俾佢。一來我根本冇Planning，二來手寫又唔得，咁你想點？

佢竟然話，冇行程表唔入得境。

我屌你呀？

巴西人好努力咁幫我翻譯，話行程表都網上入紙俾曬你（其實上網我都係亂寫），一係我手寫有乜問題？條友仲係咁搖頭。最後出動到佢大佬，叫咗我埋一邊，同我講US$110。

我知道係海鮮價，但爬文人哋最高都係US$90，你掠我US$110？然後我話乜唔係US$30咩？香港入境處Official係US$30，條友竟話，從來冇人俾過US$30。

ok, fuck that，俾就俾。我俾咗兩張US$50，一張US$10，條友竟然話張10蚊有摺痕唔收，都好在我身上仲有多張50蚊新錢，佢先至收，然後，竟然有得找。

就此，佢露出一個不懷好意笑容，俾我入境。我肯定果110蚊佢有自己袋。

你可能話我柒，唔俾定30蚊所以咁煩，但我相信隨時俾完30蚊你到邊境都係要加。可能個個邊境入境都唔同，但經驗話我知，你有乜都唔該好影印定一份，有咩資料打定印出嚟，因為唔接受手寫。同埋，錢可以解決嘅問題就唔係問題，你唔好咁老定成身得30蚊美金，唔係真係一身蟻。

總結，落地簽係咪堅？係堅嘅，但係咪咁簡單，絕對唔係囉。同埋，排過境時如果你唔識西班牙文，最好搵個識嘅人幫你翻譯，唔係雞同鴨講加上班關員態度極奇惡劣，你想如網媒新聞稿所講40分鐘入到境，真係發夢都冇咁早。

Anyway，我。終。於。嚟。到。天。空。之。鏡。喇！

🎉新書銷量持續向上、口碑滿載！買嚟睇就明 🇭🇰 | goo.gl/J9QdBR

🎉台灣書局亦已上架，可去文中連結購買 🇹🇼 | goo.gl/xzCymP

【IG請follow】www.instagram.com/travelerwithmovie

#有故事的旅人 #南美 #玻利維亞 #天空之鏡 #uyuni #玻利維亞落地簽