【派拉蒙你還好嗎？《壯志凌雲：獨行俠》第六度延期】

新一輪延期潮開始蘊釀，清咗9月呢套戲後，未來都唔係好樂觀，最新就到派拉蒙一堆新戲。《壯志凌雲：獨行俠》最初原定2019年7月上映，點知疫情不斷延期，延到原本11月開畫，結果因為疫情反彈，最終第六度延期到2022年5月，而5月個期嘅《職業特工隊7》就延期2022年9月；同為派拉蒙力谷嘅《死蠢鬥一番4》就由原定嘅10月，延期到明年2月。

喺疫情不穩定下，雖則院同片商已經搞得返個「空窗期」，始終票房都大不如前，派拉蒙套暑期大片《義勇群英：蛇眼復仇戰》更加仆到直一直，呢兩套票房翻身之作，喺有得揀嘅情況下，都要審慎去計劃。

頂住呀派拉蒙。

至於原定早一星期上映嘅《捉鬼敢死隊》，見《壯志凌雲：獨行俠》走咗，就拎埋佢個期，延期一星期11月19日上映。

延還延，希望已經首映咗嘅《007：生死有時》可以頂得順。

荷里活電影最新延期時間表可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【《#義勇群英：#蛇眼復仇戰》短評幾句】

1. 原來唔係前傳而係真真正正「起源故事」式Reboot，完全抹去前兩集爛咗故事線，最後都可以融入到「正傳」故事嘅

2. 動作場面出乎意料之外咁好睇，完全一洗上兩集誇張到離奇兼過目即忘動作場面，打鬥貼地刺激，將日本黑幫片拍成江湖大片，睇時竟有幾分港式武俠片味道

3. 無論開頭場碼頭刀戰，再到訓練嘅比試，拍起嚟都充滿招式比拼，隨後多場動作場面，拳腳功夫或武士刀大戰都好精彩

4. 唔駛如上兩集天花龍鳳式大型特技場面，一樣可以將打鬥拍得好好睇，大型特技極其量一場公路追逐戰已經夠，都不失種型味同流麗動作

5. 雖然好似完全冇關係，但講到日本落難又順手學藝，點都諗起《狼人：武士激戰》。同樣都係果句，喺一個故事相對唔重要嘅popcorn片入面，點樣處理動作係成敗一環，呢套結合魔幻同寫實打鬥，係唔會覺得不倫不類

6. 故事一定好過上兩集，都依然敗筆。作為「起源故事」帶出返兩男恩怨情仇、男主角出身，同時又要交代毒蛇黨同義勇群英，為往後故事鋪路，喺「正傳」重要角色今集會突然無厘頭出現，又無厘頭大打一場，如果唔係早兩日溫習返第一集，會心諗「你邊位呀？」

7. 為咗要連結返「正傳」情節，人物性格同立場可以話變就變，偏偏前半段去鋪排個家族背景又講得太漫長

8. 壓軸一戰雖然好有觀能刺激，但其實有「果舊嘢」。唔知打嚟做乜，情況等同於最典型「有槍唔用用拳頭」式動作設計

9. 成班日本人唔講日文講英文，又間中滲幾句日文，又係離奇

10. Tokio終於去到Tokyo，作為「正傳」重要角色，「Tokio」Úrsula Corberó完全同客串無異，對佢又愛又恨嘅Fans都係留返睇《紙房子》大結局，同時都浪費咗Iko Uwais－－咪住先，Hard Master係咪同咸片角色名嚟？

《義勇群英》系列日版海報仍在熱賣中，只剩最後一張，可按此購買：https://bit.ly/3tUXbSE

《義勇群英：蛇眼復仇戰》觀後感可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【今個星期要溫習嘅功課，而我真係走去睇返：《義勇群英之毒蛇風暴》】

老老實實，當年睇完淨係記得由頭打到尾，但我真係唔記得佢講乜，行出戲院已唔記得自己睇乜果種。最深刻係法國果場鬧市飛車，更深刻係重頭戲打到我遊魂，亦深刻在我中文名永遠講唔出係《毒蛇風暴之義勇群英》定《義勇群英之毒蛇風暴》還是《義勇群英之毒蛇反擊戰》，依家又整套《義勇群英：蛇眼復仇戰》，真係亂過叫你分《生化危機之殲滅生還者》同《生化危機之絕種生還者》有乜分別。

因為真係完全唔記得講乜，睇《義勇群英：蛇眼復仇戰》前都睇返次《義勇群英之毒蛇風暴》，先印證到原來我真係零記憶，到底「Snake Eye」幾時出現過，到底佢係好人定壞人，我真係睇返先記得，原來就係成套戲都冇對白果個。冇睇過原著劇情同玩開套玩具，我唔知呢位角色仲有咩好講，佢個Back story似乎一字咁淺咩都講曬，竟然可以撐到多套戲嚟講起源故事。難得地，條預告真係唔差喎。

到底Henry Golding係咪夠料Handle大片「男一」？但我都係期待「Tokio」Úrsula Corberó會唔會又搞事，睇返第一集，「男爵夫人」個角色堅適合佢呀喂🤣

後記，好難想像如今成個大媽樣嘅Sienna Miller當年咁正...

《義勇群英之毒蛇風暴》日本海報現正熱賣中，請於留言連結購買，《義勇群英：蛇眼復仇戰》觀後感可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu