【復古波衫系列：阿根廷1993】 . 除咗波Boot，阿靴舊時都有儲波衫嘅習慣，不過又未去到非常瘋狂🙈。不過去到最近，阿靴又開始儲翻波衫，可能年紀關係，而家鍾意嘅係一啲復古嘅類別，或者係一啲較舊嘅波衫，一嚟係回憶，二嚟復古波衫有種難以抗拒嘅味道，畢竟波衫亦都係一種潮流，隨著當時嘅潮流文化，亦都會有唔同嘅設計同剪裁😌。 . 今次阿靴就同大家講吓自己其中一件最鍾意嘅波衫。上年世界盃，三間就推出咗一係列復古波衫，呢個系列阿靴的確非常喜歡，不過作為阿根廷嘅球迷，就當然要入返件屬於佢嘅復古波衫🤙🏻。有唔少人會問到，點解阿靴會鍾意阿根廷，其實好簡單，細個睇波時自己非常鍾意當年嘅強力前鋒「戰神」巴迪斯圖達，佢入波能力強之外，射門力量亦非常之強大，每次睇親佢踢波，總會充滿熱血和激情🔥。 . 今次講嘅復古阿根廷波衫，可惜佢無巴迪高嘅9號選擇，可以揀嘅就只得傳奇10號，畢竟10號永遠是屬於阿根廷嘅好波之人，馬勒當拿，奧迪加，列基美，美斯，均是阿根廷10號嘅傳奇代表😌。而今次嘅復古波衫，更加沿用1993年阿根廷嘅設計，質料上同而家波衫非常唔同，佢係用上棉質，著落會無咁透氣亦較重身，但係喱一點絕對係復古嘅精髓😇。 . 細節位置上，波衫衫領用上當年常用嘅V字橡筋設計，亦有味道重嘅灰色線條，於長袖袖口上，波衫同樣用上橡筋質料😶。波衫用色當然是傳統嘅主場淺藍配米白色，兩袖嘅三間亦同樣是淺藍。波衫剪裁亦隨時代有所轉變，當時波衫剪裁傾向鬆身，復古阿根廷波衫亦會有相同嘅狀況😉。 . 至於阿根廷國家隊於1993年嘅表現如何🤔？1993年，阿根廷國家隊响厄瓜多爾舉行嘅美洲國家盃決賽上以2:1擊敗墨西哥，奪得當年賽事嘅冠軍🏆。至於賽事上嘅10號球員又係邊個？由於當時馬勒當拿因服用禁藥被國際足協停賽15個月，1993年並未能參與這項賽事，而著上10號波衫嘅球員，正正係當時剛剛冒起，亦係現時馬體會嘅領隊：施蒙尼。 ——————————————— Follow me🔹 @hkfootballreview ——————————————— 📌 Hashtag #屎波裝備多 分享你嘅靚boot~ ——————————————— #屎波裝備多 #argentina #afa #retro #footballshirt #波衫 #足球 #香港足球 #hkfootball #adidashk #adidasfootball #阿根廷