［大！師！冇！點！你！］我在Patreon 8月20號已經寫王維基隻 HKTV 1137 應該會入北水名單（左下）。有冇人早過我？然後出完業績8月26號我再寫多咗次（右下）。

TLDR：Patreon一早有寫，有冇人早過我？ 所謂先知，就係知早你少少
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！

1. 就算你冇訂，都可以照睇返兩篇文嘅題目，對返日期，絶無呃人。又或者你見我在「今日寫呢啲」都有貼個題目出嚟，但當然冇話你知係邊隻。

2. 8月20號咩事？恒指季檢。咁你個個都只係留意邊隻染藍邊隻踢出，忽略咗「恒生綜合指數」都同時執位。固然「恒生綜合指數」唔係「恒生指數」，正如「神聖羅馬帝國」唔係「羅馬帝國」。陳瑞祺喇沙唔係喇沙（＊）

3. 但，入「恒生綜合指數」，係入「港股通」aka北水表叔買貨名單（＊＊）嘅先決條件，pre-requisite．

4. 咁再加埋幾個條件：第一，要夠50億市值，留意當時夠唔代表即時入到，要持續12個月月尾平均都夠（＊＊＊），咁冇問題丫，我心算（！）都計到。第二就要成交夠，咁冇問題丫，「我都唔識計」，講真的，星展年代都係踢畀尊尼亞整，因為計法都十分煩。

5. 咁結果，8月20號，我咪話你知會入北水咯！8月26號出完業績我再寫多次。然後就入咗。上帝話，讓夜裡有光！

6. 但你話，車，今日（星期一）跌5% 喎！係喎，我唔知咩！

7. 咁我只能答你：扯，唔係升就跌架啦。你覺得廢？咁你有冇更好嘅提議？你走去講「好消息出貨」，聽落好似有內容，其實咪仲廢！

8. 講過好多次，股票呢啲嘢，三分科學七分藝術。固然幾時都不可測，但長期易啲（廣島都易），短期就難好多。正如你睇美股都好，一日升嘅機會，都只係52%少少，但拉到一年嘅，升嘅機會就去到65%！短線近乎冇得捉，長線就好啲—所以嗰啲不停炒短線嘅人，其實係同自己過唔去，十分笨七。（＊＊＊＊＊）

9. 同樣地，即係總有啲人又要講，「唔係喎，我聽好多人講，好消息都跌，即係隻嘢好貴喎」「埃汾你都有講過」。冇錯係，但大佬呀，邊有得一條定律用死。「扯咁任你講啦」，所以咪三分科學七分藝術。

10. 跌？冇驚過！表叔都未開始買！同時間星期一成交亦唔係特別大。

11. 況且，再跌咁點？冇乜點架。唔輸得架？買股票梗有蝕錢，有時蝕到趴街添。（可以睇返我魚缸溫度計嘅文（https://fbook.cc/3asM）），咁咩曼城利物浦德國巴西都會畀人大炒啦，但重點係，你唔係每隻都蝕到趴街嘛（你係嘅，咁幫你唔到，或者下次買乜話聲我知）

12. 最緊要係諗下個最壞情況係乜。「就係輸晒100%」。廢？唔廢，因為有啲產品，你可以唔止輸100%。正如你去做槓杆嘅，都可以輸唔止100%。

13. 重點係，一隻股票最多可以跌100%，但可以升幾百倍喎。所以長期沽空嘅人一般都係腦殘的

14. 又，今日下面堆＊＊寫得好多，可以寫多幾篇文。有時間的話。（寫得呢句多數最後都冇時間寫）

（＊）無意冒犯，呢個gag當然係陳瑞祺喇沙嘅朋友話我知的。

（＊＊）當年甚麼港股直通車，某大行報告真係寫my cousin 定 my uncle’s shopping list

（＊＊＊）所以有個陰謀論話 月尾會mark價，我望過，好似真係有個別公司會。拿，幫你諗埋Master dissertation 寫乜呀—博士論文寫呢啲就太垃圾了，呢啲垃圾題目，留返垃圾MSc dissertation 寫啦。（＊＊＊＊）

（＊＊＊＊）再講一次，香港讀taught master，完全係嘥錢嘥時間，呢篇係我極受歡迎嘅medium文，雖然寫得唔好。遲下我會寫多篇，「其實外國都係」—你係亞洲人過去浸鹹水學陽澄湖大閘蟹就冇所謂，但你本身係YC嘅（hate speech，大家自行想像，但你回文估答案搞到畀FB ban唔關我事），就不用多此一舉啦。持別係純文科嘅MA，嘥錢嘥時間就梗，最仆街係根本連知識同學習都冇，連教授同MPhil班友都睇唔起你班友，當你水魚養佢地咋，聽聞仲要係好難上PhD嘅，根撚本自己學校都睇你唔起，「即係副學士咁」

（＊＊＊＊＊）題外話，即使外行人，都可能聽過傳奇嘅耶魯基金，傳奇嘅Swensen。其中一個啟示，就係佢刻意利用咗大學基金可以極長期坐，又唔會點畀人贖回嘅特點，去買啲冇liquidity 嘅嘢，換嚟更大回報。點解可以咁？簡單嚟講，因為一般人都要liquidity，咁冇liquidity自然平啲。時間係普通散戶嘅優勢，係你朋友，但你選擇去短炒嘅，即係自己讓人半球先，情況等於圍棋你讓人地先咁（係喎，埃汾連圍棋都識捉）

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！

［今日寫呢啲］快講，夠晒重份量。

烏鴉口開口中，早兩日都話港股好快「入熊」，結果話咁快就熊咗。但有乜感想？冇乜。之前嘅文都寫晒，19%同21%有乜分別？

咁港股大跌可以點算？Patreon都有寫。你可以話都唔係好有建議性，但唔係可以點？我幫你托返上去？定你只係想聽人講 「冇事嘅好快彈返」？定話你知 拿跌穿25000呢下一站就24000 就好關鍵架如果失守埋呢就會試23000之類嘅廢話？唔客氣講句，根本你問個問題都問錯，所以唔好怪啲財演，有垃圾觀眾咪有垃圾節目，你班友鍾意食屎人地咪畀屎你食。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

另外，我個港股倉呢排都係跑贏大市嘅，多撚謝喎。都冇乜好高興，但至少跌市時輸少啲。咁係咪升市時又升多過大市？好似唔係。技術上嚟講，即係個beta應該細過一。好合理，因為入面都唔少防守股。「咁保守呀？」「我留返啲錢去台灣擺壽酒」。但認真答你，首先我仲有美股歐股，第二我仲有層樓（而係未供完），第三，我係成副身家買晒股票喎。我100%身家 beta 0.8，你30%身家beta 1.3，邊個進取啲？

想知我底牌？訂Patreon咯。

另外，大吉利是，跌成咁，不妨開下煤氣……份業績睇下。文入面有講。但你大約估到，呢啲市況，煤氣又公用股又算本土，應該有啲資金追捧。不過留意：之前啲人係咁講年年十送一，真係錯得很。十送一咪即係拆細！你要嘅十送十都得！年年送都得。You better cut the pizza in four pieces because I'm not hungry enough to eat six

另外仲畀小小心靈雞湯你，跌市影響你生活甚至性生活，或者搞到瞓唔著，咁應該點？好簡單，一係練大你個心臟，但冇速成。咁比較簡單嘅：唔好買咁大咯。雖然我係叫你100%投資。詳情文入面講

恒指季檢，就冇乜人care，我幾乎想做咗季殮，風光大殮。不過呢，反而應該睇恒生綜合指數。恒生綜合指數當然唔係恒生指數，正如神聖羅馬帝國唔係羅馬帝國，馬利奧高美斯唔係美斯。不過呢，入到恒生綜合指數，就有機會入北水。有隻有啲意思。有心人都估到，唔好劇透，唔想估嘅就入Patreon睇

美股嘅，嘻，不用多講啦，Microsoft同Nvidia都大成交破頂，有冇點你？我使唔使識整GPU先可以買？文入面話你知升乜

每日一圖兩個。第一個，好多人以為今年啲盈利大反彈，只係因為舊年低基數。實情？睇一睇數字咪知咯，有埋圖畀你。咁你睇到，根本嗰啲啲人以為疫情重創盈利，錯得很，但佢地唔錯你邊有機會低位買？邊有機會升咁多？

第二圖，公司唔賣廣告有乜後果？當然係生意少咗。但你都估到，對小商戶影響大啲。咁亦都解釋到，點解Facebook連廣告客戶停落廣告都未驚過。仲唔明？文入面解

Good read兩篇．第一篇講金融危機有冇先兆，留意股災唔同金融危機，舊年3月呢次點都唔算金融危機。咁睇返，真係有啲先兆睇到。當然好似天氣預測咁，冇話100%準。你見都係睇資產價格同負債。但邊樣重要啲？入面解

第二篇，講There is no such thing as buy and hold，忒修斯之船都出埋，而家嘅759都唔係最初做線圈嘅759咁話。咁，你買一間公司，其實買嘅係乜？世界每日都變。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［巴塞帝國興亡史］5000幾字，不過應唔算難明。又，原文仲長，唔關我事。循例利申：唔捧巴塞，但亦唔憎巴塞。畢竟我在魯營入場睇美斯。

TLDR： 西瓜共蟹，唔識莫買。呢篇真係極長。但你要搵人鬧嘅，好簡單，Bartomeu就係屌靶。條友完全唔識足球，亦唔識足球嘅生意。自己唔識都算，又唔知人善任。全歐洲都知佢係水魚，玩到佢謝。尼馬嗰2.2億歐羅，最後去咗邊？另外，買親人都畀貴價，簽親都水貨，人工又畀得高，唔死就奇。但話說回頭，邊個選佢上去架呢？聽講巴塞唔係老細足球油王波喎，咩人選佢上去？最後，美斯份糧亦有一定嘅角色，當然佢係落場征戰嗰個，貪錢嗰個好似係佢老豆，冇乜人會怪佢。同場加映 多蒙特同彭美拉斯點樣玩到Bartomeu謝，笑死無命賠。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 真係英雄所見樂瞳，我諗到呢個題，然後原文Simon Kuper最後亦都係用羅馬帝國比喻巴塞。記住，你覺得篇文垃圾覺得我唔識波嘅，請你去鬧Simon Kuper，「不過鬧之前睇下人地咩料子先」。內容主要都係取材自篇文，當然有啲我個人想法，我盡量分開。一係你睇原文咯，唔使錢的（https://bit.ly/3fI5AVE），但你又唔想英文或唔鍾意睇字嘅，咁咪只能聽我講，你自己選擇的。

2. 篇文其實嚟自Simon Kuper本新書，幾日後出（https://bit.ly/3iwl9kN）。唔記得佢係咪特別捧巴塞，但之前見佢都寫唔少巴塞或美斯文，訪問好多人，絶對有資格講。佢本書原本係寫巴塞成功史，點知寫寫下已經見到巴塞盛極轉衰，佢篇文寫嗰時都未知美斯走，但已經預言好大機會。

3. 上篇文比較technical（https://bit.ly/37Hxr3T），而且只係講一單球員交換，講巴塞大鑊到要搞埋啲咁嘅怪雞嘢，但冇解到巴塞點搞到咁，不過個故事太過過癮。今篇我保證，易明好多。真係你打football manger都知係乜事

4. 好似講歷史咁，遠因，近因，導火線。巴塞搞到咁大鑊，導火線當然係疫情，同埋西甲嘅salary cap，巴塞要瘦身。但差不多間間球會都受影響，點解唯獨佢地咁大鑊？

5. 巴塞財政問題，你可以睇Twitter @Swissramble，7月尾已經講巴塞好大鑊，唔係事後孔明．但講真佢啲嘢真係純金融，唔易入口。所以你可以睇我呢篇文講。

6. 近因係巴塞財政狀況近幾年都差，年年都只係勉強頂住，但一個疫情打落嚟咪出事。有幾差？普通人都睇得明：巴塞係全世界收入最高嘅足球會，疫情前唯一一間一年收入過10億美金嘅球會（不過，都係少過一間維他奶！）。但欠落嘅債，去到14億美金。冇錯，長命債可以慢慢還，但大鑊在啲債好多都係短債，好快要找數。咁明晒啦？

7. 你想賣人？嘿，成班老嘢，邊有人買？況且，人人知你莫財，點會唔壓你價？就算其他人真係咁好心，亦都有心無力，其他球會都係十分水緊。好可能De Jong，Ansu Fati或Pedri之類都只能平賣。冇錢就係咁架啦（題外話：所以叫你唔好借錢買股票）

8. 之但係，呢啲都係近因。巴塞點解搞到負債咁多？同埋點解年年蝕錢（收入高都可以蝕錢）？就係遠因。

9. 巴塞嘅收入，疫情前一路係全球頭兩三位。固然疫情下打擊大，仲有啲贊助商又縮數，但照計唔應該咁快出事。咁收入冇問題，就梗係開支出事啦。於是你普通人都估到，球會可以有乜開支？咪就係買人出事，同埋人工出事。
=========================================================
10. 香港文化興搵禍首，我都明。咁今次畀定個屌靶你，肯定係前任會長Bartomeu，佢就係亡國之君。去到現任Laporta時肯定返魂乏術了。今年3月先接手，可以做乜？

11. 陣間會慢慢鬧Bartomeu，但此人根本完全外行，唔識足球，亦都唔識足球嘅生意，絶對係一條水魚，畀人玩到佢謝。自己唔識都算，但佢又唔知人善任。

12. 但，巴塞唔係老細足球嘛，唔係油王大陸錢，喂，會員制架喎。咁所以，第二屌咪屌啲球迷咯。唔係你同我（除非你係有份投票嘅），我地呢啲電視機球迷反而最聖潔。喂，Bartomeu係你班友選上台架嘛，咁唔係啲選民負責返？原本佢只係過渡角色，但2015年（記住呢個日子）6月巴塞在柏林對祖雲達斯，10年內第5次拎歐聯後，佢就大票數再當選。呢次亦係巴塞暫時最後一次拎歐聯。

13. 當然仲有，美斯。或者應該話美斯份糧，可能係美斯老豆。美斯有幾好波已經唔使討論，佢在賽場上絶對冇欠巴塞半分。巴塞近年戰績可能未如球迷預期，但絶對唔係巴塞財困嘅原因，畢竟巴塞唔係搞到冇歐聯踢嗰種情況。不過，美斯份糧，同埋佢對球會轉會嘅參與，似乎亦同巴塞財困有一定關係。

14. 關於美斯，我仲想講多兩句。Simon Kuper寫過好多美斯嘅文，場上固然唔使討論，足球場外美斯並唔係一個特別鍾意權力嘅人，特別麻煩嘅人，甚至唔係一個特別貪錢嘅人（佢老豆就可能係）。美斯要嘅嘢好簡單：佢要勝利，佢要一隊戰無不勝嘅夢幻隊，就係咁簡單。「其他嘢你地幫我搞掂佢」。球員冇理由要理埋球會財政嘅嘢，關我春事。但美斯份糧，弔詭地就搞到巴塞搵唔到美斯想要嘅球員。況且球員亦都知道美斯呼風喚雨，權力好大，佢撐你，高層唔敢唔加人工。邉個高層夠膽同美斯作對？美斯唔係一個權力慾好大嘅人，但佢知自己有影響力（以上都係作者啲文講，你可以去質疑）

15. 我目測香港巴塞球迷遠多過皇馬。但唔好忘記，在美斯嚟之前，巴塞戰績並唔係一間咁「神」嘅球會。固然巴塞more than a club，你亦可以話係中央馬德里打壓，由佛朗哥之類講起。但客觀事實係巴塞在美斯之前，只係拎過一次歐聯冠軍（當然05-06嗰次都唔多關佢事），美斯同拉馬西亞嘅黃金一代，就改變咗巴塞。但，之後呢？

16. 既然巴塞場上表現唔係導致財困嘅原因，咁所以亦唔使鬧朗奴高文之類，歷任主帥都唔關事。球場上嘅得失冇搞到巴塞陷入困境，至於咩轉會簽人，唔係主師話到事嘅。頂多係體育總監，但實際上係Bartomeu，或者其他高層，或者美斯。朗奴高文之類，會務上冇乜say
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
17. 頭先講過，巴塞2015年拎歐聯後，Bartomeu就大熱再當選。所以就由2015年講起。

18. 正如頭先提到，2015年，巴塞如日中天，10年拎咗5次歐聯。多得拉馬西亞黃金一代，當時巴塞財政情況極好，冇人會相信巴塞有一日會冇錢，當時巴塞要乜人有乜人。但就係呢度開始出事。

19. 巴塞嘅轉會，向來都亂嚟。董事局好多人都有唔同意見，至於教波嗰個往往係唔會知嘅。唔好忘記，仲有體育總監要講嘢，仲有……美斯。

20. 但，始終罪魁都係Bartomeu。好簡單，因為呢條友係真係唔識的！但你地選佢上台嘛。原本佢嘅體育總監係蘇比沙列特（Zubizarreta），巴塞名宿，幫佢簽咗尼馬同蘇亞雷斯，聞風喪膽嘅MSN組合。但2015年Bartomeu就炒咗蘇比沙列特，6年換咗5個體育總監。自己唔識唔緊要，但你搵件識嘅好冇？

21. 事後睇，2017年，就係巴塞惡夢嘅開始，但當時你都唔會估到。發生咩事？尼馬走咗。呢個未必係巴塞或者Bartomeu任何人嘅問題。況且PSG畀咗破紀錄嘅2.2億歐羅轉會費嘛。當時點睇都係PSG先係水魚，對不？巴塞拎住2.2億歐，可以買好多人

22. 但，就係Bartomeu將呢舊錢亂咁用。有好多好好笑嘅故事，但，總之好快，全歐洲就知呢條友好多錢洗，又要好快咁用咗佢，亦知道呢條友乜都唔識。真係千載難逢嘅一條水魚，唔昆你對唔住自己球迷。

23. 當其時嘅巴塞，在轉會市場上呼風喚雨，仲要有錢在手，冇乜球員或經理人會say no，未必單單都成，但所有人都會同你傾。2017年尼馬走後，巴塞原本有機會平價買到麥巴比同夏蘭特，但Bartomeu唔要。不過我覺得呢啲不能怪佢，總有走漏眼，況且其他人都有異議，唔係話個個都話要簽但Bartomeu一票阻止。

24. 咁買唔到最好嘅，冇咁好都OK啦，畢竟2.2億歐真係好多錢（雖然PSG都係分期）。問題係，巴塞結果去買嘅，係多蒙特嘅丹比利Ousmane Dembélé。應該冇乜人反對係水貨啦？仲要係用咗1.5億歐羅。

25. 而成件事係好Q好笑的，好似拍賣會咁，明明另一高層同Bartomeu之前一早講明，我地底線只會畀8000萬歐買丹比利。入蒙地卡羅酒店房（同多蒙特傾）前仲夾好，多過呢個價我地就拍枱起身走。結果入到去，多蒙特嘅德國佬，就話冇時間傾，趕住坐飛機，唔會同你講價，1.5億，要就要唔要就拉倒。但結果？Bartomeu都係話好！咁佢係大佬嘛，另外件高層當然冇聲出。因為Bartomeu要同球迷交代，況且佢根本唔識。事後佢仲話丹比利好波過尼馬。

26. 然後大家都知，之後巴塞亦都用咗1.6歐去買古天奴，利物浦合埋眼都識笑，居然有啲咁嘅水魚。錦上添花當然係後來借埋古天奴畀拜仁，然後拜仁歐聯大炒巴塞古天奴仲要梅開二度。我懷疑路明尼加漢尼斯一定有Whatsapp利物浦啲高層齊齊恥笑Bartomeu。至此，尼馬嘅錢已經嘔突，而丹比利同古天奴，在巴塞嘅表現，大家有目共睹。

======================================================

27. 當然，某程度上巴塞係慣咗做水魚的。背後未必係佢地特別笨（Bartomeu就應該係），亦因為佢地嘅文化係「我要嘅嘢就要得到」，反正選會長個個都係拍心水「我要簽邊個邊個」，有問題留畀下手，球迷係唔會理咩財政狀況，話知你下季畀個警務署長我做，今季我就要捧盃。你搵件「理性撚」去選，同人講「我為巴塞長遠著想，我唔會簽人，因為我地再咁搞呢，5年後會爆煲，大家要接受我地未來幾年都唔會有盃捧」，我保撚證你唔使選。球迷就係咁，呢啲就係「民粹」。

28. 又例如，de Jong應該唔算水貨，但巴塞畀7500萬歐。個問題唔係你同我覺得值唔值，最好笑係阿積士都覺得唔值，原本係出面開價3000-4000萬，但有人畀錢要志在必得獨家買斷，唔通唔要咩。

29. 巴塞嘅文化，痴心情長劍，非君不娶。我唔會要一個「de Jong咁類型但平一半」，我就要de Jong本人，幾多錢都要。聽落好型，但你咁拎去做生意，就死得。對家一定當你水魚咁劏。公平地講，似乎呢個唔係Bartomeu年代獨有嘅事。

=======================================================
30. 至於美斯嗰部份，都講過下，佢份人工實在極高。當然我無意批評美斯，波一定係好到不得了，無可取代（否則巴塞就塞走佢啦），咁你可以話「全世界最好波嘅球員要加人工有乜問題？」（同意），況且，亦有話係佢老豆嘅主意，佢自己只係專心踢波，呢啲真相冇乜人會知。但反正文入面都引述巴塞高層講，美斯都唔係一個問題，最大問題係佢加，其他人又會要加，而大家都知美斯出名鍾意幫朋友，Other people’s money，有錢齊齊搵。

31. 當然美斯對外一直都聲稱自己只係專心踢波，但文中又引述巴塞高層講，美斯都成日背後發功。邊個先真，我都唔知。但話說2019年，尼馬同美斯講話想離開PSG，美斯應該係有大力要求巴塞去買。但巴塞真係冇錢，而且覺得唔值（即係，冇錢），PSG開價2億歐喎。結果真係不停做大龍鳳，扮到好似想買，其實只係安撫美斯，「我地盡晒力啦」。但似乎美斯冇咁好呃。最後大家都知，巴塞買咗基沙文，又係1.2億歐，美斯似乎唔多高興。當然美斯係專業嘅，冇因為咁就hea踢，但文入面話佢完全不能原諒Bartomeu。美斯並唔係一個特別鍾意權力嘅人，佢鍾意人地幫佢搞掂晒，「但我話想要邊個嚟你就幫我搞掂佢」，而由始到終佢都係想要尼馬（所以，我估佢真係一定去PSG）。至於基沙文，嚟到巴塞當然亦係唔係嗰回事，更重要係。呢1.2億歐，仲要壯大埋馬體會，反咬返巴塞。「益利物浦多蒙特都算啦，唔好益自己西甲對手嘛」

===================================================================
32. 事情發展到呢度，巴塞已經好似畀白蟻蛀咁，越嚟越吃力。2014-2019年使咗10億歐羅買人（未計賣尼馬嘅收益嘅），多過任何一間球會，但成績明顯唔成正比。

33. 去到2020年頭，蘇亞雷斯受傷，巴塞要搵人，只能夠搵啲平嘢。結果當時體育總監艾比度Abidal搵著北京國安嘅剛果/法國球員Cédric Bakambu。呢單又係一單鬧劇，剛果人收到電話，十分歡喜，卒之唔使在北京睇電視機，就坐飛機去香港，轉機去巴塞。點知嚟到香港開返電話，Abidal先同佢講：唔好意思我地改變主意，你在香港玩得開心啲。我肯定剛果人屌咗佢老母N次。最後剛果人返返北京繼續睇電視機，而家仲在國安（彩蛋：FC過，其實北京有機直航去巴塞，咁點解會去香港？可能剛果人想嚟香港去重慶大廈食咖喱，可能剛果人唔想坐國航，又或者嗰日咁啱冇機。如果係直航件事仲好笑，剛果人去到西班牙人地先同佢講唔好意思）

34. 剛果人鬧劇之後，應該好多人都知巴塞最後簽咗乜水。丹麥人Martin Braithwaite。此人應該都算係水貨啦？呢條友米杜士堡都未踢得掂，居然去咗踢巴塞，好似話在個介紹新球員環節，條友的波晒球技都出晒醜，波都控唔到。「可能太緊張」。文入面都有講，當年連尼加同曉士（Mark Hughes）去巴塞，話有個介紹會，曉士有啲緊張，連尼加同佢，驚春咩，最多咪一百十人嚟！ —點知去到魯營有6萬人睇佢！連尼加幫曉士開脫，話巴塞嘅壓力，唔係人人受得住。

35. 當然，Bartomeu年代嘅轉會，沒有最好笑，只有更好笑。另外有個叫Matheus Fernandes（我聽都冇聽過）嘅球員，亦係同時簽落。係由巴西彭美斯拉買嘅，仲要只係預備組，我以為係隱世球王拿度尼添。固然只係1000萬歐，散紙，但完全唔知係乜事！呢條友甚至冇一個正式介紹會。最後借咗去華拉度列，出咗幾場，返返巴塞出咗十幾分鐘，就踢咗佢返巴西。

36. 當然只係好少錢，但畀你見到巴塞啲轉會係如何亂嚟。連彭美拉斯個體育總監都覺得神奇，「啲人話我發神經呀，叫艾比度嚟買個踢彭美拉斯預備組都冇乜點有得上場嘅小朋友，點知真係有人買喎」。果然水魚唔怕多。大家可以諗下，美斯見到Braithwaite同Fernandes，有乜感想（彩蛋：Fernandes著咗件19號波衫，因為Covid—19，冇人肯著，成件事真係19得很）

37. 然後，就發生咗上篇文講，同祖雲達斯交換球員嘅事件。美路去祖雲達斯，巴塞簽比真歷。巴塞當時已經好唔掂，但急需要一筆「盈利」。上篇文都冇講，因為再搞唔掂，就要Bartomeu自己上身，咁佢當然諗呢啲方法。但啲蘇洲屎就留下之後嘅人解決了。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
38. 已經打咗5000字，都只係講咗巴塞轉會如何操作。買貴人嘅後果好嚴重，你賣固然蝕錢，但你唔賣一樣每年同你「折舊」，例如比真歷之類，當然cash唔使點比（同祖雲達斯offset咗嘛），但profit -wise每年都仲要拖低條數。

39. 寫得太長，但以上都只係講轉會。唔好忘記，巴塞除咗轉會出手豪，人工亦出得高，美斯份糧亦係一個問題。本來就收入多開支多冇問題，但以wage as a percentage of income，巴塞都係離晒罩嘅（comment會貼圖）

40. 固然Bartomeu任內，都簽咗Pedri返嚟，好好嘅收購，不過真係十件水貨先扑中一件掂嘅。你話拉馬西亞完全斷層，亦唔係，Ansu Fati亦都擔到大旗。但，真係遠水不能夠近火，都講過巴塞嘅問題唔係場上，係財政。你Ansu Fati踢得再好又點？巴塞似乎只能係賣走呢啲好球員，而疫情下，對家都冇乜錢，況且人人知你莫財，當然再壓你價。

41. 爆煲？就唔似會嘅，但，照計賣走啲主力不能避免，點都要幾年調整下。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

SEGA宣佈，他們將在今年第二季，推出頗獲玩家好評的電腦戰爭遊戲《羅馬II：全軍破敵》，這是《全軍破敵》系列的第八代遊戲，這次遊戲設定在歐洲古典時代。玩家可以操縱以羅馬帝國為主的勢力，為了一統歐亞大陸而展開霸業。本作將會有比前代佐品有更大的地圖，並將地圖延伸至中亞和印度。同時還會有50個勢力，700個兵種，內政方面會有極大的改進。當然在戰鬥系統上，本作延續大規模戰鬥的傳統，能夠同時呈現超過1000個作戰單位，戰鬥規模也將會是《全軍破敵》系列中最大的。另外值得一提的是，本作將會加入全新視角，玩家可以關注特定人物的行動，帶給玩家更好的遊戲體驗。

(C) SEGA (C) Creative Assembly

粉絲團:http://www.facebook.com/Gamedbfans
休閒平台:http://myfun.gamedb.com.tw
最hot攻略:http://www.gamedb.com.tw/