【多謝支持!】

（台灣朋友，請原諒我用廣東話口語寫此文 :P）

第一次講一個同澳洲冇關嘅分享會，冇諗過宣傳時間極急下，都可以拉到咁多讀者朋友支持。以前講Working Holiday Sharing係就係試過一個Lecture Hall百幾人坐爆曬，但當時係幾個Party一齊用咗幾星期去宣傳，今次單單我同主辦單位用咁短時間，竟然有咁嘅效果、差唔多坐滿一個班房，我真係完全意料之外。

由「迷。忘於澳洲360天」一直追看至今嘅讀者，相信都知道我改名成「有故事的旅人」嘅過程。其實點解要咁做，一來正正係因為我去巴爾幹半島嘅旅程入面，有太多故事想分享、太多新奇得意嘅見識、識到更多個「有故事的旅人」，再掛「澳洲」去講，好似有少少怪；二來，當然，360天澳洲嘅生活，我冇可能講720天仲繼續講，所以，變成「有故事的旅人」嘅由來，都係同一年前嘅巴爾幹半島之旅有好大關係。

由細到大，自己都係一個好鐘意分享嘅人，分享完電影晞。觀影記事，我都好想分享埋旅遊，一個另一大興趣。獨樂樂不如眾樂樂，我唔介意寫咁大篇文介紹一個地方，但有人睇、令到人地有興趣，我已經好滿足。一直以嚟，我寫嘅嘢唔想再寫每一個人都寫嘅日本、南韓、台灣、泰國，更加唔想寫「旅行成癮者的十大病癥」、「一個人去旅行接受程度嘅十大等級」、「窮遊要注意嘅十大事項」呢一類阿豬阿狗都識寫，兼且呢類廢話寫完一定爆like嘅文章。我要寫，寫夠五十個「病癥」都得添、你覺得一個人搭飛機好孤獨，你又有冇試過一個住Resort、去海邊食honeymoon套餐？我試過，我真係試過，但我唔想，寫嚟除咗「呃like」外，有乜意思？

同其他旅遊Channel負責人傾過，我亦深知道寫咩巴爾幹半島、波蘭、內地景點，根本冇人睇，睇吓我早兩日寫羅馬尼亞特色菜篇文就知。多人睇我當然開心，但少人睇（唔好冇人睇），令到某D讀者提起興趣，我已經成功了。

我一直有個心願，好希望出呢堆地方嘅旅遊書－－有去過你自會明白，香港除咗無限本京阪神、台北、曼谷旅遊書外，你要搵冷門少少嘅地方，根本冇可能。曾經有個日本朋友問我做乜要睇Lonely Planet，你英文好好？你地冇一本旅遊書咩？我都唔想拎到成本百科辭典咁重，又厚又重，但sorry，香港除咗Lonely Planet或者小部份台灣書，真係冇。我好彩，當日搵極搵唔到，去誠x買，問櫃位先至搵到，佢仲要話係最後一本，冇曬喇。

點解，我地容不起一D遠少少嘅旅遊書？唔好講旅遊書，點解網頁、網誌都係要無限loop呢堆已經泛濫嘅地點？你可能話香港人冇假，但我知道身邊好多人都真係會有呢D時間去呢D地方；你可能會話，香港人冇錢，但如果尋晚有嚟聽我分享嘅朋友，都應該知道，錢，唔係一個大問題。有呢個念頭，證明你對呢堆地方唔熟識。

點解鄰近地方如台灣、南韓、日本（日本果本直頭可以堪比Lonely Planet），甚至內地，都可以有咁多元化旅遊地點嘅書，香港只係識教人去嚟去去都係果幾個地方？自己做過旅遊記者都知道班老細點諗，當然要計算成本、要賺錢，但其實諗深一層，到底係呢堆旅遊書主導咗香港人去邊，定係香港人真係咁冇錢咁冇時間？後者？我唔覺囉。

呢一年嚟，我有呢個念頭，一直同唔同機構去sell呢個idea，但係完全冇人會理你，甚至身為好多「旅遊出版」、自稱旅遊達人嘅機構，直頭連呢堆地方響邊都唔知... 呢個過程，我係有少少心灰意冷，某程度上，我都明點解香港冇人有興趣了。當一班「主導」嘅人都冇乜呢個sense時，再加上香港人真係咁忙，你仲叫我上網搵一堆隨時上網都搵唔到嘅資料？

好開心，機緣巧合之下，識到呢次talk嘅主辦單位，出唔成書，我都起碼有個機會，可以同大家分享一下呢個地方，一個，我真係好鐘意好鐘意嘅地方。冇人識、冇人知，太可惜了。大家嘅反應，係我冇諗過咁踴躍，甚至完咗都仲有讀者留低問問題、散會再inbox我，呢種熱烈程度，係我講十幾次澳洲Working Holiday talk都從未試過。其實，我有少少感動。對於一個對旅遊有熱誠嘅人嚟講，今次嘅滿足感，已勝一切。

唔好話想搞一D旅遊合作活動俾人不斷撥冷水，就連自己身邊朋友都冇乜人有興趣聽你嘅旅遊故事同推介：「喂，你叫我膽粗粗上架唔知去邊嘅巴士提心吊膽，我不如去布吉住幾晚resort好過啦，係咪先？」好多謝呢晚每一位支持我嘅朋友，令我知道呢個地方之所以咁「冷門」，就係因為根本冇乜人知道、冇乜人聽過，當挑起咗大家興趣，仍然會好有興趣知道詳情嘅。

時間可能太急，內容包含嘅嘢過於精華同濃縮，如果仲有機會有下次，我會作改善架喇。有唔少讀者問及關於飲食同交通嘅問題，我都明白只能輕輕帶過，時間所限、呢D細節位，我都唔想講得太深入，主要介紹返景點先。有興趣知道，不妨inbox我問啦，如果值得分享，我會另外詳文介紹的。

希望仲有下次，分享更多我好鐘意嘅地方，甚至再深入少少去講呢堆國家啦。

多謝支持！ =D

P.S. 有讀者inbox我話估唔到我真係男，我一直俾人感覺咁似女咩？

特別鳴謝：
Homeblogger

＝＝＝＝＝＝＝＝＝＝＝＝＝＝＝＝＝＝＝＝＝＝＝

全新網誌：travelerwithmovie.com

說到恐怖片，各個地方各有特色
香港有殭屍
羅馬尼亞有吸血鬼
台灣則是有...?

完整版傳送門👉 https://www.ptsplus.tv/video/4-0000000I-1-2

"更多新聞與互動請上：
PNN公視新聞議題中心 ( http://pnn.pts.org.tw/ )
PNN 粉絲專頁 ( http://www.facebook.com/pnnpts.fanpage )
公視新聞網 ( http://news.pts.org.tw )
在台灣，又有一個吸引全球關注的特色建築「台灣塔」，有機會矗立台中水湳經貿園區，成為大台中的新地標，英國「每日郵報」更是把這棟綠建築，與中東阿布達比零碳城市、日本金字塔巨型城市，並列為未來綠色之都的指標，台中市政府已編列六十多億預算，希望「台灣塔」能作為未來帶動大台中觀光產業的領航員。

這是今年十月即將動工的「台灣塔」，高390公尺，登上最高點，可以看見台灣海峽，也可以遠望中央山脈，整個大台中盡收眼底。它的外型，既像枝葉搖曳的樹木，更像富有台灣精神的稻穗。

這是羅馬尼亞籍建築師多林「漂浮的眺望」台灣塔手繪草圖，移動的瞭望塔，灌有氦氣，可以上下移動，感覺就像飄在半空中；整座建築使用太陽能，以及雨水回收裝置，遇上颱風天或緊急狀況，也可以收納藏在基座。它與中東阿布達比的號稱是零碳都市的瑪斯達城、日本清水金字塔巨型城市，同時被英國每日郵報並列為綠色未來之都的象徵。不過預算高達60多億，而且工法的困難度，可能不輸大都會歌劇院。

如果一切順利，今年十月，這座台灣塔可望在台中水湳經貿園區動工，預計四年後完工。其中最具話題性的移動瞭望塔，設計建築師強調是採用類似飛行船的概念，展現綠建築與環境生態和諧共存。雖然建造經費很高，不過台中市政府希望比照台北101模式，把它打造成大台中新地標，並且藉此作為帶動大台中國際觀光的領航員。"