紐約人宣佈正式簽下阿根廷年輕控衛維多薩 Luca Vildoza！這位現年25歲的上屆西甲總決賽MVP，據報已獲簽證前往紐約進行檢疫及隔離，最快一週內可投入球隊操練！（實力如何？自己睇片！）

身高6呎3吋的維多薩，與今季總薪酬未達標的紐約人，簽下四年1360萬的非全保證合約（只保證第一季），據悉紐約人用二百萬買斷他和上屆西甲冠軍 Baskonia 巴斯干尼亞的合約。紐約人為騰空陣容名單，亦將哈珀 Jared Harper 從十日約轉簽雙程約。

維多薩在西甲場均10.9分，在歐聯的三分球達39%，屬組織性強的全能型控衛，防守力不俗。雖然以紐約主帥 Tom Thibodeau 的習慣，維多薩今季就算趕上尾班車，季後賽上場時間也不一定多，主要想先試水溫。以維多薩擅長處理 Pick and Roll 擋拆進攻的技能，正切合到紐約人的風格，應能在紐約得到長線發展機會。

維多薩上季帶領巴斯干尼亞上演「黑八傳奇」，在總決賽憑最後上籃絕殺，爆冷擊敗常規賽冠軍巴塞隆拿，Kobe Bryant 在2019籃球世界盃決賽前接受阿根廷電視台訪問時曾表示，看完阿根廷在四強擊敗法國隊後，已向湖人提議羅致阿根廷新星維多薩！👀

#阿勤講波 #NBAHK #LucaVildoza #Argentina

【八號風球高懸　港鐵更新服務】天文台在今早上午 5:40 發出八號東北烈風或暴風信號，預料本港吹東北風，平均風速每小時 63 公里或以上。

在上午 6 時，熱帶風暴浪卡集結在香港西南偏南約 450 公里，即在北緯 18.3 度，東經 113.3 度附近，預料向西或西北偏西移動，時速約 22 公里，移向海南島一帶，並逐漸增強。

在浪卡與東北季候風的共同影響下，天文台指本港離岸海域及高地正逐漸受烈風影響，預測本港南部地區風勢較大。同時，浪卡正為華南沿岸帶來狂風驟雨。預料八號烈風或暴風信號會在今日日間大部份時間維持。

天文台呼籲指，海面會有湧浪及非常大浪，市民應該遠離岸邊及停止所有水上活動。

而在過去一小時，橫瀾島、長洲泳灘及青洲分別錄得的最高持續風速為每小時 74、59 及 48 公里，最高陣風分別超過每小時 87、72 及 63 公里。

另外港鐵宣佈將由頭班車起調整列車服務，其中觀塘綫、荃灣綫、港島綫、南港島綫、東鐵往來紅磡至上水站、西鐵綫 、屯馬綫一期、將軍澳綫北角站至寶琳站及東涌綫，均維持 10 分鐘一班車。

東鐵綫紅磡站至羅湖站為 10 至 20 分鐘一班車、將軍澳綫調景嶺站至康城站維持 15 分鐘一班車、迪士尼綫為 20 分鐘一班車、機場快綫 30 分鐘一班車，輕鐵為 15 至 20分鐘一班車。

而東鐵綫上水站至落馬洲站則暫停服務。九巴及龍運宣布，通宵路線會維持至尾班車，所有日間路線將暫停服務，直至另行通知。

《Train to Admiralty - 塞爆列車》

***嚴重劇透: 本故事抄考大量屍殺列車電影情節, 未睇套戲又諗住入去睇嘅人就唔好click入嚟喇***

一個夜闌人靜嘅晚上
羅湖車站月台人來人往
地鐵廣播響起歸家的訊號: "前往紅磡嘅最後一班列車將於一分鐘後開出"
車廂陸續坐滿好多人
尾班列車就快開出

一個着住老西, 拖住個細路女嘅金融才俊趕咗上架尾班列車
佢, 叫張松枝, 佢個女叫芷晴
佢地穿過頭等車卡與平民車卡之間嘅一扇門
喺頭等車卡搵咗個位坐
張松枝北上工作返嚟顯得身心都有一點疲累
列車開出以後好快已經開始入睡

呢個時候
隔離車廂傳嚟少少嘈雜聲
八卦嘅芷晴見老爸瞓着咗
走出去推開少少門望個究竟
見到不遠處有個全身血斑斑嘅人瞓喺地上
有D似癲癇症發作
吸引好多人圍觀

有個看似空姐嘅女士
打算走上前安撫吓
突然間呢個血班班發羊弔嘅人
忽然發狂咬住空姐
空姐瞬間都變得血班班發羊弔
車廂間尖叫聲驚叫聲此起彼落
亦都驚動到隔離頭等車卡嘅人
有人已經開始穿過頭等車卡
走到另一邊嘅平民車廂
"快D走呀!!! 後面好危險呀!!!"
張松枝都被喧嘩聲驚醒了
望一望隔離坐位芷晴都唔見咗
開始有DD緊張嘅佢走向驚慌中嘅車廂
見到癲癇人同空姐再向身邊嘅人飛擒大咬
芷晴同佢地只係一臂之距
張松枝既緊張又驚恐, 叫道: "芷晴!! 快D過嚟!!!"
芷晴瞬即跑向爸爸處
但後面已經愈嚟愈多人變成喪屍嘅模樣飛撲而來
張松枝一手抱起芷晴
向背後嘅頭等車箱方向逃跑
穿過頭等再到另一邊嘅平民車箱
一大群喪屍已經差唔多追趕而至
但係仲有一個大肥佬同一個大肚婆趕緊過嚟
平民車廂嘅人顯得好焦急
背後有個叫秦沛嘅大叔就猛叫企喺門邊嘅張松枝:
"唔好理佢地!! 快D閂門! 唔好俾佢地過嚟!!!
張松枝為顧全大局將玻璃門關上用力頂住道門
肥佬趕到嚟玻璃門前猛拍打窗口求救
張松枝實在難忍睇住大肚婆將成喪屍點心
就生起惻隱之心
攞出八達通拍卡開門
放咗二人入嚟
最終二人平安走入平民車廂
喪屍們亦都剛剛趕到猛拍打門窗
張松枝細心觀察到喪屍們應該係冇腦嘅
就同肥佬講: "你試吓放手, 佢地應該唔識撳掣開門"
肥佬慢慢放開雙手
果然喪屍們只識拍打門窗

肥佬叫做古明華
雖然望落去不修邊幅, 感覺有D hea
但其實係一個肌肉型嘅愛妻壯男
佢嘅大肚老婆叫Janice
係一個嬌柔又堅強嘅靚女
Janice喺地下執到一支水同頭條日報
嘗試將報紙濕咗水貼上窗口位
喪屍們見唔到人影都開始安靜落嚟
平民車廂內嘅人總算鬆一口氣
古明華就同張松枝講:
"喂, 呢位先生, 頭先做咩閂住道門? 我同老婆差D俾你害死!!"
張松枝解釋道:
"你見唔到呢度有好多人架咩, 俾D喪屍衝到入嚟點算?"
古明華一手捉住張松枝衣領:
"你呢D自私嘅人渣, 應該丟過去餵班喪屍!"
Janice就捉住古明華手臂希望息事寧人
呢個時候
列車車長作出咗廣播:
"各位乘客, 由於發生特別事故, 本班列車將改以九龍塘作為尾站, 餘下各站亦只會稍作停留, 車門唔會打開, 不便之處, 敬請原諒。"
秦沛聽到廣播後就撳門邊嘅通話掣同車長講:
"你究竟知唔知呢家我地好危險, 隔離車廂有好多喪屍呀! 下個站一定要俾我地落車!"
隔咗一陣車長就回覆:
"唔好意思, 前面嘅車站發生咗一D意外, 所以我地都安排唔到上落車.."
說時遲那時快列車已經駛到上水站
當地鐵列車駛停至上水月台
車門並冇打開
但係有一大班人趕到車門前猛拍打門窗求救
車外每個人都顯露咗驚恐同悲慘嘅表情
忽然後面有一班喪屍飛撲而來
月台上鮮血淋漓
轉眼間已經變成人間煉獄
列車亦都再次慢慢開出
漸漸遠離上水月台

車廂入面嘅人都心有餘悸
大家都打開手機
上吓facebook/蘋果app睇吓出面發生緊咩事
原來香港各地亦都陸續出現人咬人事件
人人都望望出面嘅景色
明明一片平靜
但係心裡面回想啱啱見到嘅景象
都係不寒而慄
大家亦都開始慢慢移向車頭方向遠離頭等車廂
張松枝讓其他乘客先行一步
自己就打電話返公司搵同事幫忙
張松枝: "喂, 樂小姐, 我啱啱睇動新聞見到出面好似發生咗D事...."
樂小姐: "係呀... 呢家大台都播緊突發新聞, 但係講D又唔講D咁..."
張松枝: "我啱啱大陸返落嚟, 搭緊尾班車去九龍塘, 知唔知九龍塘安唔安全..?"
樂小組: "啱啱我見到有人開facebook live, 地鐵觀塘線好似有D意外, 我諗你走出觀塘站B出口, 我搵人揸車接你走.."
張松枝同佢個女芷晴細細聲講
交代陣間出咗九龍塘唔可以跟其他人行開去

之後列車駛經粉嶺, 大學, 沙田各站都十分平靜
奇怪嘅係個個站嘅月台都空無一人
最後
列車終於駛至九龍塘
車長只打開車頭嘅幾個車廂
大家都好驚
唔夠膽踏出九龍塘嘅月台
有一個比較膽小嘅老太太, 叫做葉劉
佢就開聲同秦沛講:
"喂, 你頭先急住話要落車, 咁你落車先啦..."
秦沛就瞪起雙眼話: "你大我呀?!"
第一人步出月台......

待續.... <3

演員名單:
徐錫宇 (男主角) = 張松枝 飾
徐秀安 (男主角個女) = 羅芷晴 飾
尹相華 (好打得果位) = 古明華 飾
成景 (疑似女主角) = 文詠珊 飾
容錫 (頑強生命力嘅壞人) = 秦沛 飾
鍾吉 (最有威脅力嘅角色) = 葉劉淑儀 飾