［今日寫啲乜］首先賣個廣告，同Homeblogger會在下星期六731黄昏，在尖沙嘴搞個真人講座，收費的，講下半年投資部署。另外你可以之前send兩條問題去大會，到時答你。唔得閒嘅都有網上重溫，但都係要收費。詳情呢度（https://bityl.co/7zGP），報名呢度（https://bityl.co/7zGQ）

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

大市嘅，冇乜好講啦。但真係港股美股分化得幾緊要。不過，估下今年恒指到而家跌咗幾多？答案係零，冇升跌，咁固然跑輸美股，但冇你想像中咁差啦，奉旨年年升咩。之但係，恒指只係冇升跌，做乜咁多人輸錢？ Patreon入面解，話埋你知點避免

美股，又估下升咗幾多？20%。舊年3月之後都極易玩，但估唔到今年都咁易，遠比我想像中易，甚至係易過舊年二三四季。咁但，你又係咪賺到錢？跑輸唔緊要，好正常的，但如果係冇賺到錢或者輸錢嘅，就檢討下。

Core List嗰堆嘢，其他post都講過，不再重覆。唯一要講，你見到新經濟舊經濟都一齊升的，你唔應該太側埋一邊。另外，記唔記得嗰時幾多人話Facebook 玩完冇人用？

每日一圖嘅，之前講過5%調整，今次講10%調整。史上就平均一年有一次，但你都知呢啲平均幫你唔到，就係舊年3月到而家，都冇10%調整（其實5%都只得一次）。而知唔知美股升咗幾多？差不多一個double！升咗一個double 然後有10%畀你買，咁你其實係買貴咗幾多？做乜要咁縮骨？我買Shopify 愛馬士 LVMH 全部都係歷史高位買入去的，因為我唔係只睇升10-20%。

第二個仲有趣，正如上面講，美股差不多升咗100%。買指數都一年多啲一個開，你真係可以鄙視嗰啲唔買股票講cash is king嘅人。不過，升咗100%，係咪就貴咗100%？當然唔係。Patreon會講

Good Read嘅，第一篇Harvard Business review，「Creativity is not enough」，呢類講法應該都聽我講過。當然實際上，你去拗乜嘢點子緊要定執行緊要，就肯定係噴口水廢話，冇結果。但我想講係，originality is overrated, creativity is overrated．個個當自己諸葛亮世事在佢預計中，冇人願意落手落腳打仗，呢啲只係好多人掩飾自己唔想郁嘅遮醜布，又或者根本啲點子係shitty idea，你拎去試咪會出事。

第二篇，唔長，但作者反駁啲佢見到對於通脹嘅誤解。畀佢點名嘅，左中右都有。左嘅有美國民主黨少壯進步派AOC（即係，左翼），右嘅有Larry Summers，「講Facebook 教主套戲出過場」，哈佛校長，財政部部長。「自由」嘅Bitcoin L佢都冇放過。篇文唔難，我Patreon有導讀

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

#屯門Vcity 有 #精品玩具巡禮

平時去到VCity ，呀女就話好悶因為無乜嘢岩佢睇不過今日經開見到屯門 V city有精品玩具巡禮，佢梗係開心啦！因為有勁多精品同玩具呀嘛！

今次啲嘢仲好鬼平添呀！有 #Sanrio、#蠟筆小新、#角落小夥伴及 #Snoopy 等人氣精品，更有 #Disney、#麵包超人 及 #夢夢貓 的玩具!由6月16日做到27日，你哋要把握機會啦！

等我介紹吓有乜咁抵先，我先推介👉🏻任選專區
Hello kitty 玩具只係$100/3件，買黎同朋友share都抵！更有$100 任選 2 件、$120 任選 2 件嘅麵包超人玩具。

毛公仔推介
❤️蠟筆小新$30起咋！

家居用品及個人用品系列
❤️Sanrio Characters 及 角落小夥伴骨瓷杯 原價:$99.9 會場優惠價:$40 (4 折)

❤️Sanrio Characters 骨瓷匙
原價:$29.9 會場優惠價:$12 (4 折)

❤️蠟筆小新潔淨免洗噴霧 原價:$29.9 會場優惠價:$10 (34 折)

❤️Hello Kitty 無綫感應投射燈 原價:$189.9 會場優惠價:$50 (26 折)

有特價品之餘都有新貨區
❤️Sanrio Characters即棄式三層口罩
售價:$99
❤️Sanrio Characters 及角落小夥伴迷你儲物箱 $18 大size : $100

❤️Sanrio Characters 及角落小夥伴小童雨傘 售價:$116 縮骨遮 售價:$150

❤️角落小夥伴 LED 便携保溫杯 售價:$160

❤️貓貓魔杖 售價:$295
❤️夢夢粉盒 售價:$265
❤️夢夢貓發聲毛公仔 售價:$345

場景玩具系列，小朋友最愛❤️
❤️Disney DIY 奇妙小鎮 米奇大屋 原價:$399.9 會場優惠價:$295

❤️麵包超人布丁及甜品套裝 會場優惠價:$200

記得凡於場内購物滿$150， 即獲贈 Gudetama 布口罩一個 *數量有限，送完即止

「精品玩具巡禮」活動資料
推廣日期:2021 年 6 月 16 日至 6 月 27 日 地點:新墟屯門鄉事會路 83 號 V city MTR 層中庭

vcityhk #屯門 #shopping #卡通 #精品 #玩具

［原諒我個人就係咁］好似測字咁，Trust your instinct．見到呢單新聞，你心入面第一句係乜？唔好呃自己。怕且唔係「鄧生熱心公益」

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

TLDR：人生在世，就係「冇嗰樣搞嗰樣」。大波女星想你讚佢演技好，靚女想你讚佢有才華。窮人想發達花天酒地，富二代當然就要證明自己。

1. 實情都有諗過，同人地三九唔識七，真係屍骨未寒，係咪唔應該咁寫文。不過後來諗下，都係睇寫嗰個嘅態度，同埋有冇咩嘢畀到讀者。

2. 咁況且，以前寫香港01時，讀者編輯都話我啲文好在：講中好多人心中想講，但礙於禮教面子怕冒犯人而唔敢講嘅嘢。即係，衰嘢等我講。

3. 真的，早兩日食飯先講起鄧生（唔好叫「波叔」咁懶熟），估唔到咁就去咗。而今日不同界別嘅朋友Whatsapp Group（BTW，又話冇人用？），講嘅都係不離嗰兩樣嘢。

4. 「真慘，臨老過唔到世」「畀個仔累死佢」

5. 即係，你話可能係市井之見（但我啲朋友都中產啦講真），或者仆街。但if you call this 仆街，咁民意就係仆街，我都係照寫。
＝＝＝＝＝＝＝＝＝＝＝＝＝＝＝＝＝＝＝＝＝＝＝
6. 我曾經見過波叔，講過幾句．但有乜特別？我見過李兆基添，仲改變咗我一生（＊）。見埋羅德丞添，傾完冇耐佢釘撚埋。
7. 講返，當年仲做大公司，大公司冇嘢多就係面子多。往往拉上拉，你會見到好多人。以前李靜高禮澤都大圍人食過飯（代言輪商嘛，真係香港精神）。咁所以，啲乜乜畀面派對，作為XXXX嘅鄧生會出現，好合理

8. 席間大大老細介紹我識，咁鄧生知我撈乜，咪循例問你兩句點睇個市。我心諗我雖然唔識做人，但都未低能到教鄧生投資下話。即係好似有一日你見到美斯，然後人地循例問下你覺得佢踢成點。屌，唔通你話：「我覺得呢，你可以練好啲頭槌啦，跑多啲啦，唔好成日頭耷耷咁好似冇乜領袖風範」。好心啦。

9. 咁所以，明顯地，我呢啲咁嘅卡拉蘇，鄧生一年食飯見一千幾百個，多過佢啲舖，當然重要生低過一個茶樓知客—是真的，知客幫到佢。我幫到佢乜？昆佢買我公司啲產品？

10. 但，無論如何，鄧生白手興家，本人當然十分尊敬。基本上我都係尊敬有錢人嘅，富二代就冇咁尊敬，除非預埋我。咁大家見到，鄧生呢幾年，甚至好似早幾個星期，都仲要撲水，實在令人感到有啲唏噓。（咁當然人地副身家縮水99%都勁過我啦，甚至人地破產都好，見過嘅風光都多過我十世，我全部知，唔使提醒）

11. 咁大家都知，好大程度，就多得佢個仔搞酒店咯。

12. 固然你可以話係黑天鵝，先搞一個社運，再搞一個肺炎，香港酒店真係大檸樂。但其他人似乎守得好啲，一來有啲係上市公司，二來有啲有其他業務，三來相信人地借錢冇咁狠。

13. 咁而我相信，如果只係老鄧生自己玩，就唔會玩到咁激嘅。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
14. 曾經都識過啲富二代，做過下傍友，後來人地疏遠我就後話。BTW，講富二代，講家族上富豪榜嗰啲啦，唔係你睇八卦雜誌先識嗰啲。講身家百億港紙嗰啲，OK？

15. 咁即係，我識嘅嗰位，同埋佢啲朋友。「其實都幾空虛」。哈哈，我唔係講咩「有錢人都未必快樂」呢啲貧窮限制你想像力嘅嘢，亦唔係太監仲去警告人做愛傷身。但真係的，我唔覺得佢地好快樂喎。「其實都真係幾空虛」。

16. 人生嘅梗，就係在呢度：誰會珍惜，當你還擁有？

17. 喂我後生時心諗，屌，畀著我係你，我日日瞓到自然醒，食米芝蓮三星做早餐，然後一年坐頭等去返十次八次日本，飛去東京聽濱崎步，食住個靜岡蜜瓜玩溫泉美少女啦。不知幾咁爽

18. 係喎，真爽，La Dolce Vita．但有冇諗過，「其實人地過去十幾廿年都係做緊呢啲嘢？」。咁仲有乜好玩？

19. 真係的，自從識咗富二代，「我個人開始有同理心」。你代入下佢地情況，喂，係真係好空虛架喎。由細到大你想食乜，都有。你要去邊，都可以。理論上，你要食乜女食乜仔，都有（百億身家喎，你自己計數）。

20. 咁，問題嚟啦，你嘅人生仲有乜意義？你成本飲食男女 成本忽然一周都食晒。跟住去邊度？

21. 呢個就係人生嘅梗啦。

22. 我冇小朋友，老豆又冇錢，但即係都可以代入下。我見啲富二代呢，全部都要做一樣嘢：證明自己。

23. 當然唔係好睇睇戲咁（掃毒2 謝君豪咩），唔見得佢地仇視老豆，好想佢快啲死。唔似（似都唔會同你講）。畢竟都有養育之恩。但由我睇眉頭眼額，你提起老豆，佢地多數都唔鍾意，會好快轉話題（我懷疑如果係富家女會唔同，可惜我冇泡過，你有嘅你話我知，你有冇一路砌佢佢一路叫爹哋）

24. 因為，就係要走出老豆陰影嘛！

25. 其實呢種心態好正常。吾友話頭，鄧不利多必然要死，否則哈利波特點長大？無數荷里活片都係咁拍，老餅師傅（奇雲高士拿，或黃敏德之類）收復少不更事有熱血但衝動嘅靚仔男主角，之後一定係任務教主角而犧牲，然後男主角先傳承，真正長大。

26. 咁但，個富二代唔可以叫老豆去做飛虎隊拎手榴彈嘛大佬！

27. 所以，就梗係要搞啲嘢，證明自己。

28. 然後咁就仆街啦。

29. 你可以諗下，再老一輩嘅富人，即係富二代啲老豆。其實夢想係乜？理想係乜？唔係搵多更多嘅錢。而係，富足三代，幾世無憂，搞掂。

30. 再講白啲嘛：仆街仔，我寧願你去花天酒地叫雞算啦，使得幾錢？真喎，聽聞鄧生一個月收租都成千萬，咁你計下數，真係照計晚晚扑明星都得，請埋老豆都仲得。正如你去飲飲食食，食得幾錢？開支La Fite 同條女鴛鴦嬉水好未？你自己計，一個浴缸幾大？有限錢。仲可以飲埋。

31. 賭錢就唔好，因為賭場上冇輸唔完嘅錢，你一晚可以輸晒成檔祖業。

32. 總之，正正經經花天酒地起雙飛三飛好啦，搞乜鬼生意呢！搞生意咪即係賭錢咯！

33. 但再講一次，人生嘅梗，就係在呢度嘛

34. 就係你唔想我做我偏要做嘛！

35. 就係大家嘅諗法唔同咯。老豆想個做無憂，但個仔心諗，咁我人生仲有乜意義？

36. 唔係話乜，但你真係留意下，人係咁的。窮人係咁，有錢人係咁。溝女好，叫人做生意都好，都係差不多。每個人都總係有啲嘢想要，你畀到佢，打得中嘅，就乜都可以幫你做，「其實唔難」

37. 人生嘅梗，就係「冇嗰樣搞嗰樣咯」。真的。佛家講「求不得苦」，就係呢嘢。

38. 咁具體啲啦，窮人當然想發達，唔使講啦？有錢人呢？屌你，唔會想變窮，「但想食返當年街邊檔味道」，「想人地真心鍾意佢靚仔唔係貪佢啲錢」。咁富二代呢？當然係想證明自己都有能力，唔係靠老豆。我唔使靠佢嘅錢，唔使靠佢嘅名。因為佢冇嘅嘢，咪要搞出嚟

39. 真的，埃汾叔叔教你，溝女都係咁上下，「其實唔難」。但真係冇嗰樣整嗰樣。肥佬黎都好似話過，「當妓女好似貴婦咁」（帶佢去米芝蓮三星啩），「當貴婦好似妓女咁」（自己睇套四仔參考）。都真係，「其實唔難」

40. 真的，大波女星鍾意乜呀？鍾意你留意佢演技咯。靚女鍾意乜呀？鍾意你覺得佢都幾識嘢喎。普通女呢？想人覺得佢特別—記住，冇嘢好刷，「特別」係萬能的。我地呢個年代就係咁，個個都刷存在感，想證明自己有乜咁特別。

41. 咁所以呢，我就真係冇乜資格講，但為人父母嘅呢，好簡單，香港人核心價值，三宅一生，留返三個太古城複式單位（唏，早兩日先去過）畀你個金叵羅。一個住一個炒一個收租。其他嘅？射落海啦，自己洗（請參考以上LaFite沖涼嘅玩法），或者送畀我，或者去勞蘇基金（置頂Post有），或者去訂我Patreon．好過你個仔同你敗晒佢

42. Last but not least，聽講呢個係金融專業，唔係講LaFite或明星。咁傾返生意。固然係黑天鵝，生不逢時，酒店一開就社運然後仲整個肺炎，真係點預先預到？轉時鐘（already做咗啦）都唔掂

43. 但，其他人總算守到。一來底子厚，二來冇借得咁盡，三來有其他生意頂住。其實同我叫你投資都差不多，分散啲嘛。一個浪打埋嚟你就知

44. 但仲有一點：上市公司是好東西。當然呢啲係金融101了，上市 vs 唔上市，有好有唔好。但，除非你係啲明星start up，拎private market 有價有市。否則即係做舖做酒店呢啲嘢，呢幾廿年社會高度金融化。都係上市好。

45. 上市嘅，印公仔紙又得，問銀行借錢又得。當然鄧生一樣問銀行借到錢，但似乎terms就都幾辣。銀行嘅嘢，梗係落雨收遮啦。平時叫你買I kill you later就靚女船P，你問佢借錢就西裝友，你爭佢錢就古惑仔啦。

（＊）呢個獎學金故事Personal FB成日講啦，但呢度有冇講過？冇嘅有機會寫一次。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝