學校日文班招收新生，Instagram要努力每日更新story。同事貼了一個問題，大家多年來教授日文時有沒有什麼有趣的文型記憶猶新呢？

幾個人分享之下，除了把人家日本人的美意「勤勉地強化（知識）」的「勉強」想像成廣東話的「讀書好勉強」，還有第17課「～なければなりません」的「ければ」真係好「騎呢」，各種課堂間趣事，不在話下。

對於我來說近日比較觸動到自己的，無他，乃「としをとる」是也。

我的祖父四個月入了九次醫院，經常在鬼門關徘徊，但跟黑白無常或者閻羅王依然緣慳一面。

每天早上，老人家都會WhatsApp我他的聲音錄音，雖然我平常最討厭就是聽錄音，但他的錄音我願意一直聽下去。

今年是三年零八個月80周年，三年零八個月的時候，祖父已經11歲。1930年的老人，活着的每一天都是跟上天爭取回來的日子。

每天早上睜開眼，就代表又活多一天。

對於躺在醫院的老人家來說，每個明天都是跟上天Bargain回來。

我教文型時，N3有個「～とともに」。它總共有三種用法：第一種跟「～一緒に」一樣，第二種是同樣時間進行兩件事，第三種就是一方面變化、另一方面亦隨之有影響。

我們經常作的一個句子叫做「年をとるとともに」，講述隨着年紀增長，頭髮可能減少、肚子可能變大、記憶力衰退、等等。

「年紀增長」在日本語中叫「としをとる」。

在字典裏面，「とし」漢字可以叫「年」也可以叫做「歳」；至於後面「とる」更是「撮る」「取る」「採る」「獲る」大量漢字，任君選擇—雖然現實裏寫的還是「とる」佔了大比數啦。

一言以蔽之，「としをとる」就是取得「年」「歲」的意思。翻查到底應該用「年」還是「歳」？字典裏面有各種意思，網上也找到不少，大家不妨自己看看。

在我的眼睛裏，前者強調了取得一年又一年的光陰，後者強調我們人生又賺多了滄桑？輝煌？苦澀？美好的歲月。

接下來，我們看看例句。

年をとると共に、体力が衰える。

這是我們每一個人要面對的現實。

我們也來作一個例句看看吧？

年をとると共に、人生の豊かさがわかるようになる。

這是我們每一個人都會遇到的成長。

P.S. 以上這篇文章給我的 Tokidoki 日語教育及留學顧問好同事交功課—
「年をとる」就是我最印象深刻的日本語。

——————-

【碩士級導師！徹底小班教學！５月份日本語課程招生中】

🇯🇵５月份小組班 現正招生！🇯🇵
★碩士級導師專業監修，全體導師曾長居日本！
★課室位於旺角地鐵站上蓋，交通方便！

想報名？請即瀏覽以下連結：https://bit.ly/3dlDugG

除此以外，2021年10月出發的日本各地語言學校留學即將截止，歡迎隨時以 inbox / 留言 / whatsapp / signal 等聯絡～

#TokidokiJapanese #HongKong #日語小組課程 #N5日文班 #N4日文班
#Japanese #日文 #日語 #日本語 #日本文化
#日語教學 #香港學日文 #私人日文 #私補日文 #網上日文班 #線上日語
#日本留學 #留學顧問 #留學咨詢 #留學代辦

【#士佳說 】張士佳：爆與破的邊緣

假期之中，道指標普創新高，納指都升到膨膨聲，使到炒股之人十分亢奮。我並無呢種感覺，很多人以為我係淡友，其實我揸住d股票，外加一些「倉壽保險」遠期遠價put，outstanding 係positive exposure，又點算係淡友。

不過我不是看得太好倒是事實，但我唔介意呢個標籤，因為初哥大朋友通常很著重看法，然征戰多年的朋友都知道做法最重要，我看得不太好，但若大市出現異動，我會豪不考慮的衝入去買貨，不會同市場先生長期鬧意見。

現在大部份港股大股有點上升動力，但到底只是死貓反彈，還是真升呢，相信要做個阻力再上破才可確信，現階段反正有些倉底（不算多，只有三成左右），我傾向等，不過，亦不能乾等，粉絲們應知道，我先前判定港股難做上升裂口，今日大市高開，我仍是這個意見，但若到收市維持裂口，與我的判定有出入，我會視之為市場對淡友的警示，我會對我exposure太低有些修訂，既然現在道指標普咁強，即大市在炒美復甦，咁我會平掉自己大部份個股，然後買入高槓桿的衍生，借助槓桿令exposure驟增，但同時套取大部份資金在手，因為現在似是升爆與跌破的邊緣，若然我先前的睇法錯了，可以極錯，一升無回頭，那我持有高槓桿衍生，會賺得很開心，再邊升邊拿著利潤去補貨，但若彈完就散，我輸隻衍生，由於高槓桿，反正有限錢，個股套現慳唔少，除笨有精。

我見大家咁亢奮，沒理由給我一個人掃了興，我叫了些稍看好的學生寫些他們有意思的個股給大家做做功課。

經過第一季初的雞犬皆升，第二季有機會重投價值投資，尤其是業績優秀的個股，最好是出完業績後，就算股價被隊落，往後幾日回升返更升穿之前業績陰燭，再慢慢呈現突破的。而且俱備防守類力的週期性類如經營國際、國內海上集裝箱運輸服務的#1919中遠海控，2021年上半年，疫苗的落地和推廣仍需要速度，同時消費需求依然強勁。公司業績亮眼，持續經營業務淨利暴增6.3倍，前景依然值得期待。站在一帶一路的戰略來看，塑膠管素材#2128中國聯塑, 作爲中國內地領先的大型建材家居產業集團，一直積極把握利好的國家政策對基礎設施和管道的穩定需求，全面發展各板塊業務，併成功於年內進軍農業應用板塊也是今季亮點。

消費如旅遊，餐飲及電器；內地旅遊市場於清明節小長假全面恢復至疫情前的水平。各旅遊網站的數據均顯示，機票、酒店等預訂量均超過2019年同期，部分網站預訂酒店及火車的數字更超出2019年同期逾一倍。市場期待中的旅遊業報復式消費似乎已悄悄來臨，可以留意#3316濱江服務。疫情退卻，消費者對餐飲需求上升，國內首選業績非常亮麗的#9922九毛九，而家庭客羣為主，2020年底實現強勁復甦，帶動全年業績超出預期。公司餐廳數量達381家，太二品牌勢能強勁，門店數已超九毛九。而本地餐飲則留意#6811太興，近日疫情回落，專家表示有機會清零，外出聚餐活動在望。太興業績表現出色，其去年收益雖跌14%，純利都增加54.8%至1.19億港元，太興又繼續開新分店有助擴大其消費羣，有大行上調目標至2.6港元，值得留意。消費股還有只思摩爾#6969「壞消息」後無再發酵，留個大下跌裂口，試番補回都有一定空間。家電消費股有#751創維集團, #1691 JS環球生活, #921 海信家電等，這些銷售業績都做得很好。海爾智家 #6690 公布業績去年多賺8.2%，去年第4季業績強勁，股價上週造好。而營運表現也延至今年，引述管理層指，第1季每個月的銷售額均創新高，接下來的業績可能也有好表現。

上週異動的還有.....

↓↓↓↓點擊下圖，詳文講述↓↓↓
#SKYSIR #張士佳 7.4.2021

【節錄自《#碌葛男人嫁得過》by #賭Sir — 撰於2018年 】

《有大學讀 唔通唔讀？》

賭Sir我真係阿Sir嚟，我教數學補習。每年中六放榜，都有學生好頻能，分數中中庭庭，高不成低不就，究竟讀大學？抑或搵工？賭Sir我又要化身顧問。

「夠分梗係讀啦！唔夠咪搵工囉！」有啲社會碌葛係完全唔理解仔女嘅人生交岔點喺邊，深信學歷高前途好。

伯母，今時唔同往日啦！喺香港地，唔夠分都有得讀，夠分唔讀亦無妨。

點解唔夠分都可以讀呢？因為有樣嘢叫副學士，即係未算學士，但可以讀住一兩年先，成績優異就可以駁返上大學，真係讀學士。

夠分又點解唔讀，要走去搵錢呢？因為學歷膨脹，沙紙唔值錢，以前大學生吃香，源於物以罕為貴，依家周街都大學生。莫講話學士啦，博士都大把！

新一代人，有新嘅顧慮：「媽咪媽咪，學歷高係咪真係前途好？大學係咪真係值得讀？」

嗱！【讀大學】嘅優勢、【唔讀大學】嘅劣勢，唔使我講你都知。以下嘅篇幅我會反過嚟講下【讀大學】嘅劣勢，以及【唔讀大學】嘅優勢，計吓條數，將現實世界嘅真象，客觀而全面咁分析出嚟。

【讀大學嘅劣勢】

若然不幸入到大學，每年學費$4萬，四年制順利畢業盛惠$16萬，榮升債仔。萬萬聲，仲以為打麻雀。

打咁多萬子，贏到啲咩呢？贏到張沙紙，成為大學畢業生，好嘢！

根據香港政府2018年嘅統計數字，全港720萬當中，有120萬人係學士或以上，即係每6個就有1個。

每6個人就有1張嘅紙，有咩咁值得別人優待？真係值得花16萬去成為骰仔6面之中嘅其中1面？

以前矜貴唔代表永遠矜貴，用以前嘅價值衡量依家嘅嘢，只有社會碌葛先會咁碌葛。思捷環球2007年股價$133，依家值$2.1。你依家係咪肯用$133去買？社會碌葛就係肯。

【唔讀大學嘅優勢】

若然醒目唔讀大學，首先梗係慳返$16萬嘅學費先啦！

唔好話我市儈，呢筆數都唔少嘢。2016年香港嘅大學畢業生月入中位數只係得$13883（仲未折算返通脹，都竟然仲低過廿年前1996年嘅$15404！）中位數嘅意思即係月入$13883已經搵得多過一半嘅大學畢業生。將月薪乘返12，計返年薪，恰好就係$16萬幾。

慳返$16萬，等同於你有條大學畢業嘅奴隸，每日返工忽必烈打仔－－大汗疊細汗，捱曬騾仔，每個月頭畀曬成份糧你，全數進貢，十十奉獻，磅水磅足12個月，爽唔爽？

慳返筆學費都事小，慳返4年時間事大！

早4年投身社會，了解社會運作，發展學術以外嘅一技之長，見識世面，擴展人脈，甚至搞下生意等等，讀一世書都學唔到。就算唔講呢啲虛無縹緲嘅優勢，我就繼續實實在在咁講返嗰$16萬學費。

$16萬學費，配合投資，4年可以變成幾多？

以下會用 #社會精英 一致睇好嘅 #比特幣（#Bitcoin）換算一下。公道起見，我當喺首次泡沫嘅高位買入，再喺最近中美貿易戰谷底微彈嘅價位賣出，折算返盈利率。

2011年7月，比特幣經歷首次泡沫，由幾蚊美金升到$31美金；

2018年7月，比特幣經歷巨型泡沫，由萬三蚊美金，跌返落$6387美元。

經歷7年，比特幣總共升咗【6387 ÷ 31 = 206倍】；

換算返每年平均升幅【206^(1/7) = 2.14倍】。

$16萬投資比特幣，4年後變成【$16萬 × 2.14 × 2.14 × 2.14 × 2.14 = $336萬】。

一般大學畢業生要幾耐先儲到$336萬？$16萬，提早4年投資，複式計算嘅力量好大！

【一個重要的反駁】

「賭Sir，估唔到你咁市儈囉！讀書求知識、造學問嘅嘢，邊有得用嗰幾百萬臭錢去衡量架？」呢個問題係社會碌葛嘅最後一道防線，我依家就刺穿埋佢！

大學生走堂如食菜，圖書館亦可以唔入，書都唔使鋤。閒時做功課，參考師兄師姐以前嘅答案，俗稱爬Source。想考試過骨，刨下教授上堂嘅PowerPoint，背下啲Past Paper答案，搞掂。

當然，又唔可以怪曬大學生，事關好多大學教授都教得好Hea，棟篤企喺度照讀PowerPoint飛Slide，又怕出卷太難，學生會畀負評，影響續約，功課考試都唔敢大改。

以上純粹個人偏見，但讀過大學嘅讀者相信都心照，似返個讀書人嘅同學，真係佔大多數？

最終，有心讀書嘅，都係靠自己去圖書館或者上網研習，所以，係唔係大學生根本影響唔大，升唔到大學嘅，同樣可以去圖書館，或者上網自學任何知識。

終極反問：其實大學嘅課堂絕大部份都歡迎旁聽，劍橋哈佛牛津嘅完整課堂甚至可以喺網上睇，若然一心求知識、造學問嘅，使乜讀大學？隨時可以上，仲要慳返筆學費，點解唔咁求知？因為無沙紙。

不認不認還須認，社會碌葛讀大學，最主要就係買沙紙，造學問只係可有可無、隨緣不強求嘅副產品。

【公道比較】

換言之，讀大學唔一定有知識。同樣地，讀大學雖然唔可以全職返工，但亦可以兼職，唔一定無工作經驗同人脈。要計算大學抵唔抵讀，應該咁樣分析：

※【讀大學】 = +沙紙 + 4年兼職 - $16萬學費 - 4年時間
【唔讀大學】 = +4年全職

社會碌葛決定讀大學，只會諗：有咗張沙紙，$16萬學費畢業後總會賺得返。但事實上，應該係咁比較：

【讀大學】 - 【唔讀大學】
= （ + 沙紙 + 4年兼職 - $16萬學費 - 4年時間 ） - （ + 4年全職）
= +沙紙 - $16萬學費 - 4年時間 - 4年全職與兼職的差額

要得到一張大學沙紙，除咗要付出$16萬嘅金錢成本，仲要付出4年嘅時間成本，以及4年全職而唔係兼職嘅工資差額（以及經驗），即係機會成本。

若然利用傳統經濟學嘅思維，夾硬將時間成本同機會成本變曬做金錢去衡量的話……

首先，4年時間，可以將$16萬投資滾大，就算唔夠眼光投資比特幣（變$336萬）而只係保守地投資「終極大籃籌」港鐵股票：

2000年11蚊，2018年44蚊，18年升咗4倍，平均每年升咗【4^(1÷8) = 1.08倍】

即係平均每年升8%，仲未計股息。

$16萬投資港鐵，4年後變成【$16萬 × 1.08^4 = $22萬】

至於全職同兼職嘅工資差距，我攞個大概：全職每月萬幾，兼職每月幾千，就當差距$1萬，日積月累4年已經$48萬。

（你可能反駁：兼職未必每月得幾千，筆者未畢業亦每 月幾皮，超過港人月入中位數，但記住我計嘅係差額，就算兼職月入唔只幾千，全職一定搵得更多，當差額$1萬唔過份。）

換句話講，保守估計，讀大學嘅成本（機會成本）至少都應該係：

（學費 + 投資機會） + 全職/兼職差額
= $22萬 + $48萬
= $70萬

總結一句：若然你認為大學畢業生嘅身份，可以為你至少賺多$70萬，又或者你主觀地認為張沙紙可以為你帶嚟價值超過$70萬嘅成功感、滿足感、諸如此類，大學絕對讀得過。

查實上述嘅道理，一字咁淺，好難唔明，甚至直頭係老生常談，唔少人都討論過。究竟社會碌葛係憑咩妙計去守住自己個腦，過濾啲道理呢？我教大家兩招：

假設上述嘅道理，係一個無讀大學嘅人話你知，你咁應對：

【唓！你讀唔到大學之嘛！梗係咁講啦！】

假設上述嘅道理，係一個大學畢業嘅人話你知，你咁應對：

【唓！咁你又讀？自己享受完就講風涼話！】

用呢個邏輯，無論邊個講道理，都可以左耳入右耳出，堅守社會碌葛之位。

講開又講，呢一招更可以進一步推而廣之，應用喺任何道理。當成功人士分享成功之道嘅時候……

假設講嘅人尚未成功，你咁應對：

【唓！係得嘅，又唔見你成功？】

假設講嘅人已經成功，你咁應對：

【唓！你都成功咗，講乜都得啦！】

做社會碌葛一定要識呢招殺手鐧，否則呢個世界古往今來咁多至理名言，好容易變醒目。智慧係返唔到轉頭，當一個人叻咗，就蠢唔返。睇路啊！

#有趣統計：
蓋洛普於2013年的《內部高等院校首席學術人員調查報告》指出96%高等院校首席學術人員評價自己的大學院校課程，能好好準備畢業生，進入職場工作。但報告同時指出，只有14%大學畢業生認為，自己在大學所學的，能幫助自己在工作中應用。更嚴重的是，只有11%僱主認為，大學所培訓大學生的技能及知識，能幫助他們的業務發展。

【九龍城潮州菜】23年街坊打冷店 招牌兩面黃反沙芋 花甲老闆堅持做一日得一日：唔覺得厭倦
https://bit.ly/38pU50z

老牌街坊潮州打冷店，裝潢與格局都偏向簡陋，反正都沒相干，醉翁之意不在酒。新城潮州飯店的食物款式多不勝數，滷水、打冷、煲仔菜和小炒，盡可能滿足不同食客的脾胃。冷檔放滿滷水鵝、鵝腸、大腸、大眼雞、蜆仔肉等。門前一個鐵鍋，鮮炸的蠔餅用上鴨蛋，讓人不禁垂涎三尺。潮州打冷，泛指去潮州大牌檔吃飯或吃消夜。這些潮州大牌檔主要經營的冷菜式，一般有滷水類、醃製類以及各類潮州粿品等。昔日，潮州小販皆肩挑竹籮叫賣。熟食滷味亦是如此，而潮州滷味殊具古早風味，受粵人喜愛。有人解釋「打冷」即潮州話「打人」，因「冷」，潮州話指人。半世紀前，香港常有黑道人物吃霸王餐，但潮州人出名團結和不好惹，遇到有人吃霸王餐，便召集鄉里對付，潮州打冷，不脛而走。另一個說法是冷，指潮式大牌檔烹調好的冷菜，而打，就是吃的意思，打冷，變成光顧潮州大牌檔的意思。

新城潮洲飯店
詳情： http://bit.ly/2q0o6BJ

【太子打冷老字號】捱至花甲未敢退 三兄弟為92歲老父守護家業：做得幾耐得幾耐
https://bit.ly/2LYrdF3

陵發相連三個鋪位，左右兩鋪招呼客人，座無虛席；中間鋪是明檔廚房：一碟碟切好的鵝掌翼、凍魚大眼雞烏頭、鹹菜花生蜆仔肉陳列檔前；砧板師傅在起鵝片；熱盆韭菜豬紅炆門鱔炆春菜冒着白煙；滾油炸蠔餅、明火燴蠔仔粥，不消幾分鐘就上桌來。「打冷，好似快餐，即叫即有。」老闆魏鎮南說。

陵發潮州白粥
詳情： http://bit.ly/2Llve08

【新蒲崗潮州菜】半世紀父子兵打冷檔 父驟然離世子不捨：要做得更好
https://bit.ly/37CPcSC

陳儀興飯店老闆陳星曾經歷喪親之痛，父親的驟然離世，彷彿讓他的心坎，留下了一個白色的空洞，埋藏着親子之間說不盡美好回憶，「每件事我都想得很清楚，有開始就會有結束。做的時候做好一些，盡了力就足夠。」死亡，啟發了他積極努力活在當下，安然接受此時此刻的因緣際會，畢竟，過去已不復存在，將來仍遙不可及。儘管珍愛的生命在下一瞬間消散，亦不致於留下遺憾。陳星看透了人生無常，怪不得，常言道：五十而知天命，六十而耳順。

陳儀興飯店
詳情： http://bit.ly/2JWOvsD

【太子潮州菜】老字號第二代開太子豪裝分店 國宴級名廚主理 $288生醃膏蟹 辣鮮多膏
https://bit.ly/37GouZf

新蒲崗有一間經營四十多年的潮洲菜老字號飯店，以潮洲打冷為主，價錢平民，口味地道，一直深受街坊歡迎。最近經過太子道西，發現該店第二代掌舵人陳星在此開了首家分店。

陳儀興尚潮樓
詳情： http://bit.ly/371UJym


===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#潮州菜打冷 #九龍城餐廳 #反沙芋 #太子餐廳 #蠔仔餅 #油泡鮮魷 #新蒲崗 #生醃螄蚶 #滷味
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9