[閱讀時間警告，長篇的，但認真］

尋晚約咗三個好耐冇見嘅大學同學食飯打麻雀, 難得的輕鬆, 雖然輸咗幾百蚊都開心. 今日星期日瞓晏咗，後來睇Facebook有幾位網友send左一條在自助餐放題集中討論區對牛角Buffet雅蘭分店的投訴俾我, 叫我睇睇乜嘢事. 網上世界天大地大, 有人喜歡有人批評都實屬正常，冇理由去干預或者回應，但係今次由於當事人都有發俾我，而且我見到點左我名要我回應的，加上調查結果確實係有重大蹺蹊，所以希望都講一講。

我爸爸到我公司做飲食超過40年，今天40間分店，每年服務數百萬人次，坦白講，點樣確保數百萬單交易每次都完美，我作為CEO每天都思考呢個問題。特別我本身係工程師出身，所以我比較希望通過建立制度（而唔係老闆每天自己巡舖人治），所以我哋有好多數據的。但係接觸客人又好緊要，40間分店點接觸？好彩有互聯網，所以每一張餐枱上邊都搵到我自己嘅電郵同埋Facebook. 不過所有呢啲都唔會保證每一單交易每一個客人都完全滿意, 因為飲食業其實係live演唱會，所有嘢即時發生冇得NG, 唔係工廠製品可以QC檢查一個星期先至交俾客人. 所以我作為老闆/CEO, 可以保證的是公司制度同文化：絕對唔會欺騙客人用假貨, “貨真價實童叟無欺”. 這是數十年來我們的價值觀、神聖而合情合理的基本商業道德，否則我們也不可能經營超過40年.

公司文化我作為老闆有責任建立同確保, 然後就係制度. 用返今次呢件事嘅例子，牛肉既然唔係工業製品，每一隻牛每一個部份每一件都可以唔同樣，咁點樣可以盡量確保唔會比錯客人呢? 呢啲就牽涉制度建立包括培訓. 每一個菜式我們都有「手順書」，有標準的製作方法、斤両大細。唔同嘅肉類我們會選擇使用唔同嘅器皿，上邊亦都有擺一張註明是什麼品種肉類的小卡，盡量減少犯錯的機會。 我強調，係一個現場live嘅環境，只可以盡量減少犯錯機會，但係確保唔到絕對冇錯的, 所以萬一真係犯錯我們會調查、補救、賠償、改進，然後做得更好。每日都有好多客人直接message我，他們都知道我們真的會認真處理的。 （當然亦有很多很多客人對員工讚賞，鼓勵他們）

講咗咁多我想講咩呢? 即係好似曼聯領隊蘇斯克查可以確保C朗真的是C朗(不是頂包的), 可以盡量做好球員訓練, 但係確保唔到每一場比賽C朗都會入波，都一定贏對方5:0, 確保唔到每一場都全取3分。但係肯定會盡力奪取聯賽冠軍，報答所有球迷。我們都一樣。

咁講返呢一個個案, 首先客人食得唔開心我必須要致歉的. 當然道歉冇用，我上面都講過會認真調查，所以今日好多管理層作出咗好多跟進, 包括調查電腦記錄同埋閉路電視, 相關員工的口供. 似乎客人一共有三個質疑: 1)和牛 2)雪糕 3)埋單。

先睇返事情背景同埋一啲客觀事實：

根據電腦記錄, 客人一男一女於2021年9月18日21:09:06入座，客人為公司會員, 選用Level5放題餐. 期間一共在落單平台點選49次（每次1-4人份量），另外多次去自助區自選食物。期間曾表示軟雪糕溶解（這一點以下會詳細分析），去到23:19:49 (即係兩小時10分鐘之後) 客人舉手要求協助，首次表示牛肉質素欠佳. 客人於23:11:00 以信用卡支付$1756, 及後於00:05:21獲得$878現金, 00:07:06離開餐廳.

喺睇詳情之前我都好想爭取一下大家嘅諒解, 其實我們打開門口做生意, 都明白香港客人經常去日本旅行對食物質素相當有要求，香港人好精明俾幾多錢你你俾返幾多野我, 所以我攞住個宗旨就係Value for money, 特別係放題，真係無限量任食的，只要唔浪費你叫幾多我哋都咁開心歡迎, 出邊無論單點餐廳定係超級市場, 幾多錢一客和牛大家都睇到，我們做的就是量大，從日本進口大量和牛（餐廳嚟講我諗我哋都算香港數一數二的進口量，所有進口單據上市公司好清晰），由於比較大量就可以盡量做到壓低個入貨成本，然後就做到比較相宜的合理價錢做放題。 頭先我都講每年有數百萬客人幫襯我哋，其實香港人真係好合情合理，冇理由話要求食放題每一碟牛肉都好似拍廣告嗰種完美雪花狀態，我哋咁大量採購返嚟，每一隻牛有啲唔同每個部份都有啲唔同同一個部份前後都會唔同真係天然現象，因為牛肉不是工業製品。當然你可以鍾意或者唔鍾意，覺得下次再幫襯或者唔幫襯，呢個都係客人嘅選擇，我哋當然係努力做到最好去爭取每一位客人。 但係將心比心，如果你做老闆，客人食咗兩個鐘頭食咗100碟嘢食之後，然後到買單嘅時候同你講，頭先啲嘢食我唔滿意，我覺得你呃我，所以我唔俾錢，或者隨佢自己心意我鍾意俾一半，你覺得一間公司應該點處理？果一位負責埋單的前線同事，面對咁樣嘅客人佢係面對緊一種怎麼樣的壓力？喺接近凌晨12點嘅時候出現咁嘅狀況佢可以問邊個俾意見佢？ 我今天聽同事調查，最後我那一位充滿壓力的前線同事昨晚選擇退返一半現金，先唔好講點解會咁同埋是否合理，我們下邊一起了解深入啲分析一下，我只係想大家明白我這位員工當時的壓力。

依家詳細睇睇每一個指控，首先講最嚴重的指控 ：牛肉

我上面已經講咗好多次有關牛肉不可能每一碟都一模一樣，我相信大家都明白我就不再重複了。 問題是這個個案客人圖文並茂影出嚟啲牛肉真係好離譜嘅，睇起上嚟好肉酸好恐怖出晒血水的，由於我和你都不在現場只能夠從客人嘅描述以及員工給我的口供，加上電腦記錄同閉路電視去做分析，我留意到以下幾點重點。1）根據客人提供的3張照片，三張相見到牛肉好恐怖都係放在個白色圓碟上邊的。（見圖）如果大家心水清睇一睇wide angle嗰張相 (我Zoom in左用籃圈圈住) 大家睇到白色圓碟上邊嘅牛肉在未融雪之前睇落去都ok的，而且有一個關鍵線索，大家睇一睇上邊是沒有那一張 「A5和牛」嗰張紙牌的。但係後來去到客人刻意拍照比較的時候，大家可以見到圓碟還是那一個，但係肉類已經擺咗好長時間見得好恐怖出晒血水，關鍵關鍵關鍵，是在這些比較的相片中白色碟上邊出現了一張本來不應該在哪裏出現的「A5和牛」紙牌。點解呢一個白色圓碟上邊唔應該有呢一張紙牌呢？因為只要食過牛角Buffet的都知道我們為了客人盡快可以開始燒肉唔好浪費寶貴嘅用餐時間，會按照不同級數送上我們稱為的「頭盤」，頭盤內容係客人所叫嗰個Level可以選擇的不同肉類, 由於第一碟頭盤不需要客人花時間點選，所以快上枱； 有四款不同的肉類，係比客人體驗一下佢叫嗰一個Level可以點選的不同肉類有乜嘢唔同，Level5的頭盤是這樣安排的，而且Level5頭盤必定係用呢一隻專用碟(見圖), 客人之後就可以知道點選乜嘢食最符合自己心意(根據電腦記錄事實上客人後來一共點選左12碟鹿兒島A5）. （題外話，好多客人都真係會142品唔同嘅嘢食包括唔同嘅肉類都試吓，亦有個別客人明知自己唔鍾意其他牛肉所以一入座就同同事講唔要頭盤佢會自己點寧願等多陣花多少少時間等），但係點解一碟頭盤會放喺枱面超過2個小時完全唔食等佢出晒血水，然後嗰張唔應該出現嘅和牛小卡放咗上去然後同一碟新鮮拎出嚟嘅和牛擺在旁邊拍照? 然後就話唔俾錢跟住放上網公審我哋，咁樣嘅比較公唔公平呢？有冇任何意義嘅呢？ 大家自己可以判斷。

軟雪糕溶解:

根據閉路電視，人客是在21:40:32行出去攞雪糕的。即係話時間係入坐之後半小時。即係咁，雖然一般客人都鍾意食完燒肉先食甜品，但係呢位客人食食吓燒肉爭取時間食吓雪糕先都冇話唔得嘅。但係嗰杯係雪糕嚟，同時間你個火爐開到好猛燒緊肉，拎到返張枱之後又唔食擺喺個火爐邊幾分鐘熔晒變到好核突，然後搵我啲同事投訴。同事問頭先攞嘅時候係唔係咁，當時你都話唔系否則都唔會加朱古力豆上去個面。然後我同事仲特登去攞返兩杯俾你，交俾你嘅時候係好靚好正常, 後來客人仲食咗兩杯。 問題系，咁你將燒肉爐旁邊溶晒之後咁恐怖先影相放上網其實有咩意思？ 都係同一句說話，咁樣是否公平？大家可以自己判斷。

埋單：

其實睇咗以上嘅細節，去到呢一步個推理都已經好明顯。你係要食咗130分鐘近百碟之後，埋單嘅時候拎返碟特登保留兩個幾鐘唔食嘅牛肉出嚟投訴話牛肉質素唔好，仲要話我哋呃人，要求唔俾錢。最後搞到12點我個同事壓力之下俾返$878現金俾你。佢當時凌晨時分心理壓力超大沒有誰人可以詢問之下決定咁樣做，慌忙之間如果真係有同你講 「呢啲錢係要我自己出公司未必俾返我」之類可能只係期望你同情佢，當然你不單止冇同情佢攞完錢仲要上網寫。 但係公司絕對係唔會要佢代你找數的 ，所以放心呢筆錢係公司出唔係佢出。

最後補充，諗返起，客人明明在文章中講明自己是第一次幫襯牛角，但係居然又有會員卡，根本都係前言不對後語（我見到都有網民質疑，佢好似解釋係問朋友借卡）。 當然如果客人覺得被人欺騙，採取法律行動報海關或者去消費者委員會，都係客人嘅權利，我們完全尊重的。

無論如何多謝客人提醒，好明顯我們經過今天的調查之後會更加打醒十二分精神，做到比好更好。

《暖男爸爸》第四集，強烈要求補拍個「拆局」

～ 第四集的主角應該是強尼飾演的Lantau，主要介紹他和阿榮的兄弟關係，相信他是因為心愛的女人阿瓊嫁了阿榮，變成風流鬼四處拈花惹草，今集的高潮位應該是三個女友，硬淨差婆楊偲泳、OL陳欣姸和文青少女伍熹賢，一同網上直播公審賤男，三位女友現場踢爆謊言，加上網紅煽風點火，基本上是個百分之百「死局」，但Lantau在電話向阿榮保證有計拆局，聽完後即時充滿期望，㷫烚烚地期待如何解決「死局」，點知一個廣告回來後，三個女友自己走了，散場無下文，強尼白行一趟，相當反高潮！真是萬分萬分萬分⋯失望呀！正所謂，人不風流枉少年，對男性來說，拆解這種「死局」是個好教材，如果強尼來到直播現場，用他的「方法」成功拆彈，皆大歡喜，仲拖埋三個女友去打麻雀，這麼完美的結局，肯定好多男仕想學習，奈何編劇和導演太孤寒了，好橋收收埋埋自己用，唔肯幫一幫周旋在幾個女友中的男仕們，為了大圍福利，要「劣評」這段戲了！除非幕後張這「絕世好橋」補拍出來，公諸於世，否則不會收回「劣評」😂

～ 除了因為看不到「拆局橋」發下「脾四」外，今集交代Lantau的個性，與阿榮的關係，與及暗戀阿瓊，得不到真愛，無安全感變成濫交，整個編排流𣈱，笑位和感動兼備，他如此照顧阿榮父子，除了兄弟情，應該也包含他對阿瓊的愛。

～ 有網友留言說有些鏡頭搖動太多看到頭暈，看得出不少鏡頭是手持攝影機(Hand-held camera)拍攝的，目前一般會將攝影機安裝在攝影穏定器(Stabilizer)去拍手持鏡頭，正常很少出事，可能個別鏡頭問題，反而有些橫移鏡頭(Pan shot)，有時見到出現「窒格」，是我的電腦屏幕問題，還是攝影問題，分不清楚了，其他朋友有冇相關感覺？

#暖男爸爸 #鄭中基 #張可頤 #暴龍哥 #文凱玲 #章尾而 #邵仲衡 #駱振偉 #余香凝 #強尼 #陳愈希 #ViuTV #原創劇 #戚家基 #袁曼庭

香港麻將走向夕陽所揭示的社會現象 - 林祖偉

打麻將（麻雀）多年來是深受不少華人歡迎的娛樂活動，特別是春節、喜宴，麻將的熱鬧聲往往是節日不可或缺的一部分。然而近期有研究指，香港麻雀活動不再普遍如昔，打麻將的人數都愈來愈少，到底背後原因是甚麼？BBC中文採訪了幾名麻將愛好者，問問他們的看法。

香港麻將愛好者的看法

「空間問題！」38歲的王先生直截了當地這樣回答。王先生任職市場營銷，自言十分愛打麻將，「享受與朋友大打一片的時光」，但由於他仍與父母、弟弟同住，不想花錢到麻將館或是雀會等地方消費，又想和朋友打麻將，便要等待家人不在家的時候才玩麻將。

「我的家人都不打牌，他們只是覺得很無聊……到外面打牌要抽水（即麻將館從嬴家身上抽取部分獲勝金額），哪可能可以打麻雀。」王先生說，假日他都只會在家中對著電腦，或是逛街。

另一個原因是噪音問題。王先生住在香港的公營房屋，隔音效果不佳。「除了害怕打擾家人，最擔心的便是有鄰居投訴。」他說。

香港法例中有一條《噪音管制條例》，訂明在任何時間於住所或任何公眾地方，因為進行任何消遣活動，發出的噪音「對任何人而言是其煩擾的根源」，即屬犯罪。根據香港環境保護署資料，有關條例沒有具體確定可接受的噪音聲級，一般是靠警方現場判斷。而因為打麻雀產生噪音而被罰，甚為罕見，一般警方會希望住客或大廈管理處自行處理。

「有時候也不是擔心罰款的問題，是鄰里關係的問題。」王先生說。

不過，對一些家庭來說，並不存在「土地問題」。梁太太也是住在公營房屋的麻將愛好者，她在下午丈夫上班、子女上學的時候，都會相約近鄰於四方城決戰，從來沒有人投訴噪音問題。

當聽說香港打麻將的人數減少了的時候，她感到很驚訝。梁太太問：「怎麼可能？我每周打幾天呢。」她說，打麻將是便宜的娛樂，「最多也只是輸幾百塊，哪一家贏了便請吃飯」，她認為打麻將是反映一個人性格的好方法，坦言如果麻將桌上合不來，現實生活中也不會「很搭」（合得來）。

「你沒有聽過劉德華講的嗎？人品好，牌品自然好。」她引述2002年香港電影《嚦咕嚦咕新年財》的經典對白：「我覺得大家是要學麻將，未來我女兒帶男朋友回來，我一定要求他跟我打麻將，看一下他人品。」

香港中文大學麻雀研究學會創會會長呂卓仁同學說，自小與家人一同打麻將，形容麻將是「聯繫年輕人、成年人、老人家」的工具。他在大學創立學會，致力推廣香港麻將，讓大學生有空間盡顯牌技，這個學會曾牽頭舉辦全港大專生麻雀大賽，有300多人參加。

學會總務、就讀文化管理系的季歆智認為，年輕女性在學打麻將的時候，欠缺男性的動力和好奇心。

她坦言，在念中學的時候，覺得麻將很複雜、規則太多，很難去學懂，一度想過放棄，但後來有同學鼓勵下才喜歡上打麻雀。她曾經在學校的宿舍，逐戶拍門邀請同學打麻將，一般而言，男同學對打麻將的反應比較熱烈，但她認為打麻將不分性別。

季同學提到小時候學打麻將，得不到家人的認同，家人認為沉迷麻將、賭博並非好事。她在大學時，認識了許多完全不會打麻將的同學，當時她感「十分驚訝」。但事實上，可能許多同學也有差不多的經歷，家人希望子女專心讀書，而沒有把麻將直接傳授給下一代。

女性地位提升

據市場研究公司益普索去年調查訪問了5000名香港人，發現香港各個年齡層每周均打麻雀的人數下跌，由五年前10%，跌至6%，其中跌幅明顯的是55-65歲群組，以前每月打麻雀人數高達四成，現在則只有不足兩成半，而年輕人中，僅2%表示會每周打麻雀。

益普索研究總監張懷樂對BBC中文表示，研究發現少了香港人打麻將其中一個原因，是因為大家熱衷上網，是次調查中，受訪者在互聯網上的活動，例如網購、看新聞、影片等有錄得顯著升幅。不過網上游戲則沒有升幅，線上線下的麻將也許沒有關係。

這個研究沒有和「空間問題」直接扣上關係，不過一些有趣的數據同時顯示，女性地位提升，或改變了她們打麻將的模式。

研究顯示，女性每月喝酒的人數從2012年的25.9%，提升至30.8%，但男性則是由43.2%，跌至28.1%；其中，女性在每周酒精消費量上，大幅上升151%。調查亦指，女性賭博人數也較2012年上升兩倍。

張懷樂認為，這反映香港多了事業女性，衍生了不一樣的娛樂習慣。「打麻將本身主打家庭主婦，但今時今日女性上班時間也不夠用，不會花時間打麻將，反而會花時間在喝酒等社交活動上。」

以前在香港，女性好賭好酒也會被負面看待，甚至有「爛賭婆」等難聽的標籤。張懷樂認為，現在女性地位提升，也比以前有財政能力，社會上對於她們喝酒、賭博也持更開放的態度。

「香港麻將」會被取代？

香港愈來愈少人打麻將，也愈來愈少人打「香港麻將」。在香港，麻將近年經歷了很大的轉變，麻將館由主力經營香港麻將，逐步轉攻大陸市場。一些麻將館會以「祖國全衝牌」、「愛國深圳牌」（又名跑馬仔、推倒胡、杠牌）作招徠，甚至會為大陸旅客提供交通費。

麻將在各地均有不同的演變，北京、上海、四川、廣東、台灣以至日本、韓國都各有不同牌例，無論是打法、結算甚至麻將的數目也不一樣。據香港麻將權威簡而清所撰寫的《開台》，香港麻將源自廣東麻將，打法十分類似，不過在計算番數（台數）上有不同的規則。

曾在香港某麻將館工作二十年的張先生說，以前香港的麻將館均是打香港麻將，但在他退休前，已演變成打大陸麻將為主。他說，「跑馬仔」相較香港麻雀，是一種節奏明快、規則簡單的賭博活動，大陸旅客較為豪爽，所以麻將館樂於做大陸客人生意。他說，由於以往麻將館形像較差，所以無法吸納新的客群，多年來主打中年人生意，但「土地問題」同樣困擾香港傳統麻將館，要面對租金成本上漲等問題，所以主攻大陸旅客生意是無可厚非。

張先生不擔心香港麻將會失傳，他認為香港人打麻將的頻密程度減少了，但不代表他們不會打，只是花時間在其他活動身上。「過年時總會聽到麻將的聲音，有些人就是一年打一次，這樣就夠了吧？……現在年輕人都愛上網當宅男嗎。」

BBC中文聯絡了多間香港麻將館，全部拒絶接受訪問，但其中一名不願意透露名字的負責人向BBC中文強調，現在麻將館仍有部分位置預留給專門打香港麻將的客人，但人數的確比起「跑馬仔」的為少，而希望玩「跑馬仔」的不單止是大陸人，也有不少是香港人。

不過在香港中文大學創立的麻雀研究學會的呂卓仁同學，有不一樣的看法。這位資訊工程系學生說，他的學會有規定，不容許會員在學會內玩大陸傳來的「跑馬仔」。他解釋，這是因為「跑馬仔」的賭博性強、競賽程度較低，如果不賭錢的話，並不是「有趣」的活動，但相對其他麻雀，即使不賭錢，也是十分有趣。

而且，他認為，今時今日的香港麻雀反映了香港特殊背景，即使是源自廣東麻將，但經歷多年轉變，揉合了香港人獨有的思想和想法，只有香港人才會打的麻將。他成立學會的目的，也是要推廣香港麻將。

「這是香港人打的牌，為甚麼不留住它？反而要打其他牌種？我覺得不是很合理。」他對BBC中文說：「一旦被取代，香港麻將便會消失，我不認為是一件好事。」他說，如果長大後發現自己子女只會打大陸麻將，「我會好傷心」。

原文：BBC中文網

#社會 #生活 #娛樂