【龔成問答信箱】（Q22721-Q22740）

Q22721：

老師，上完你的堂，現在看報表，有些問題想請教

1）1310香港寛頻為什麼沒有銷售成本？

2）派息比率由141%至1054%，是否不太正常？有什麼implication on their business direction?

謝謝你

3) 另外偉易達303，初步指標同5年財務數據也好合格，現價是否合理價呢？謝謝你

龔成老師︰

1) 唔係每一間企業年報，都會列出銷售成本。因為有些企業係提供非實體產品，或者以服務為主，其實佢地好難去準備計算一個銷貨成本，所以在年報會見唔到這個項目。

其實除左香港寛頻(1310)，福壽園(1448)由於佢賣地以外收入日漸增，佢係近幾年都開始唔出銷貨成本，都是這個原因。

2) 你要記翻到底派息比率係點計，佢係由"派出股息" / "純利"。而"純利"當中，係會扣除一些非實質支出，好以"拆舊和攤銷"就係其中一種。

以佢2020年純利9700萬計，但"拆舊和攤銷"就足足有成15億，如果加回這部份，你就會發現，其實佢只係派緊本身架純利，無任何不正常狀況。

出現大於100%派息比率，另一個可能性，就係佢用以往賺架錢，拿出來派。

當然，唔係每隻股票派息比率高於100%，都一定係這2個原因。你要每隻去深入分析，才好下結論。

3) 偉易達（0303）佢財務數據係合格，此股可以作為收息及平穩增長股，雖增長力就不算強，但適合你年紀。

本質正面，長遠投資價值有的。

以佢過往正常的經營環境來講，佢派息比率高達9成，成立於70年代，業務是電子產品，這麼高的派息，反映管理層明白這公司已過了最高增長的年代，之後只會是平穩增長。

公司已不需要每年投資發展，反而管理層、大股東，偏向想收息，因此這是重派息多過重發展的公司。

雖然佢係某些業務做得不錯，但發展心不強，同時大環境並不是高速增長，故相信佢之後都會平穩。近年這公司的生意，都是平穩增長，如果比較幾年前的盈利，都是差不多。

此股係收息，再加些平穏增長力。現價合理，可投資，但不能太過大注。

------------------------------------------------

Q22722：

老師你好

一萬股941
一萬股66
一萬股17
二十萬股 3988

10萬股 386
1000股 1113
500股 9988

現在總金額負50萬。不知道應該繼續收息抑或再轉組合?

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你現時持有股票，全部都係有質素，長線持有係無問題。

有無需要轉換組合，就要因應你年紀和投資經驗，再作出調整。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

如果你年青，可以「平穩增值股」(0066, 0017, 1113)+「潛力股」(9988)。中年人士，可以較集中翻係「平穏增長股」。當你已近退休之年，就應集中在「收息股」(0941, 3988, 386)，去創造平穏現金流。你可以睇翻自已年紀，去作出配置。

另外，你唔好太集中係幾隻股票身上，你要配置一個平衡性高組合。當中包含不同行業，同時個別企業和行業，不要佔組合15%和30%以上。

以下係一些優質股票，你可以參考下，將適合你的股票，加入組合當中。

潛力股︰安碩恒生科技(3067)、比亞迪(1211)、中生(1177)、福壽園(1448)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）、三星FANG ETF（2814）。如果有投資美股，可投資QQQ。

平穏增值股︰指數基金、港鐵（0066）、煤氣(0003)、恆基（0012）、中銀香港（2388）、長建（1038）、粵海(0270)、領展(0823)、希慎(0014)、太古地產(1972)。如果有投資美股，可投資VOO。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

但你要留意翻，平穏增長股和收息股，現價都合理。但部份潛力股已有輕微過熱情況。只有安碩恒生科技(3067)、ＧＸ中國電車基金（2845）、 騰訊（0700）、阿里（9988）、中生製藥（1177）、福壽園(1448)、QQQ勉強算在合理區頂部，可分注入貨，其餘要等等。

你咁大負數，相信係你買入價過高所致。如果你對估值定平貴，唔係太了解。我建議你先用月供去儲股票，以減低買貴貨風險，相信對你會較有利。

------------------------------------------------

Q22723：

龔成老師你好！本人27歲月入3萬政府工，儲蓄大約有70萬，之前都有月供開1211同823，

想問依家想轉981或1347其中一樣。同1928加405。

可以比些少意見點睇981同1347嗎

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你27歲，應以增值為主，建議你用「平穏增長股」 + 「潛力股」作組合，去創造一個增值平台。

先前月供的比亞迪(1211)和領展(0823)，都是合適的。但由於比亞迪(1211)現價偏貴，暫時不宜月供，就回到$180才好再考慮。

越秀房產信託基金（0405）只係收息股，增長力唔高，唔係太適合你。

中芯國際（0981）業務有增長力，質素係有，但未到最高質素。

睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為最優質的股票。

加上此股近年升了不少，就算有所回落都唔算平，加上之前熱炒過，股價大上大落，投資要注意風險。這股唔建議大注，回翻D較合理。

月供都可以，但不宜太多，小注好了。

華虹半導體（1347）有質素，發展不差。

佢主要從事半導體產品的生產及貿易，開發及提供晶圓工藝技術組合，包括嵌入式非易失性存儲器及功率器件，以及ＲＦＣＭＯＳ（射頻互補式金屬氧化物半導體）、模擬及混合訊號、ＣＭＯＳ圖像傳感器、電源管理及ＭＥＭＳ（微機電系統）等多種其他技術。

佢客戶主要為集成器件製造商與系統及無廠半導體公司。中國因為想發展這方面的技術，政策在長遠會對這公司有利，增長正面。

這股長線持有無問題，但現時估值有少少貴，而且都比較波動。做月供的話，小注好了。

我地唔好成個組合，只集中係3,4隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

------------------------------------------------

Q22724：

你好,我32歲，現時持有股票

3690 200股 406.6平均價
0003 3150股 16.82平均價
3319 1250股 37.6平均價
9618 100股 392平均價

想問下應該如何調整投資策略

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你32歲年紀計，應先以增值為主。你現時持有股票，都係質素和適合你。但美團(3690)不確定性會較高，長線不宜持有過多。

但我發現你手上不少股票的買入價，跟現價都有相當距離，雖然可以守，但你要預起碼等一段較長時間。

其實你的情況，都是不少投資新手會犯的錯。其實很多人都是這樣，亦是投資新手必然經過的階段。

投資新手通常都有兩個主要錯誤，第一、買入當炒股；第二、在市況最旺（即是最多人認為市場好景的時候）以最貴的價位買入。

其實這些問題，係可以避免。方法其實好簡單，就是投資較穩健的股票，又或是盈富基金（2800），分注買入，例如透過月供股票方式，每月買些少，會是較好的策略。

未來時間，你唔好只集中係上述3,4隻股票，要加入更多不同行業，令組合更多元化和平衡。

由於你過往經常買貴貨，我建議你先集中利用月供模式，去建立一個股票組合，以減低買貴貨風險。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q22725：

龔Sir你好，近期留意你嘅資訊買咗你本「大富翁」未開始睇，反而傾向聽你講多啲。

幾年前買入︰

電能（6）2000股平均價$56.25
匯豐800股平均價$66.89
瑞聲（2018）500股平均價$121.44

全部都好似2018年買入就係你講中晒嘅聽人講無分析胡亂唔睇價。以上股票值得長線持有嗎？

至於配置方面，買咗一筆過投資債券派息基金。

本人52歲，希望幫自己儲錢退休，想請問月供股票/基金分別？邊個相對穩陣？

樓按仲有$280萬左右，每月前夫會俾生活費連供樓$53000都用盡。09年後已經無工作照顧家人，而家仔女大晒結埋婚畢埋業有工作，現時負擔係雙親同自己。

可唔可以俾啲方向，人生交叉點。我已有醫保、儲蓄人壽（1份供完，1份舊式供到死不過固定保費$320）$50萬危疾$200萬定額壽險就係死雙親都要錢。

但人要正面睇如果仲係到生活都要錢靠MPF一定唔夠，醫療又年年加，感謝。

龔成老師︰

書本你都要睇，特別係初學者，最好睇左《80後百萬富翁》、《財務自由行》和《股票勝經》先。雖然平時睇我Q&A都可以，但書本上概念較完整，對你分析和解讀我Q&A或者POST架內容，係有幫助。

你以上股票，都係有質素和適合你，可長線持有。但問題係，你買入價有點貴，才會出現帳面虧損。

月供股票/基金，其實你現睇翻佢投資項目，才知有無投資價值。但我一般會較建議買優質股，因為基金都會有一定費用，長線係蠶食緊你回報。

你現時保險都係保障型多，這些可保留。而儲蓄保險，其實增值能力唔算高，現在一份可以保留，但唔建議加大投入。

以你52歲年齡，其實要開始為退休做準備，但同時，財富仍有增長力（但不是進取）。若單靠MPF，其實真的很難足夠應付退休生活，所以你要累積優質股，去加大退休生活支援。

選股上，你可以投資「平穩增值股」+「收息股」，作為增值目標。

由於你過往都成日買貴貨，相信你對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

策略上，你每月5成儲蓄做月供。其餘先儲起，用一邊月供一邊儲蓄的策略。

若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，慢慢增加收息股的比例。到退休時，你收息股比例，應提升至100%。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

------------------------------------------------

Q22726：

龔sir 您好，我係澳門既Fans~因為疫情的關係您應該需要一段長時間才能夠在澳門辦課程，但因為我和其他幾位朋友都一直很有興趣上您的堂

未知開辦網上課程我和朋友包堂未知這個方法您是否願意和行得通？

龔成老師︰

抱歉，由於擔心出現盜錄問題，所以我以往一直都唔會開辦網上課程。

而且，我都較希望可以親身，跟學員互動溝通，所以網上課程暫時不會開。

至於包堂這個方法，暫時都未能安排。因為要配合本身課程和工作時間安排，所以偏向一次教一大班學員會較。

你們放心，只要疫情一穏定，我就會盡快重開澳門班，到時就可以見到大家。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

此期間，你可以先睇我架《80後百萬富翁》、《財務自由行》和《股票勝經》，都適合初學者。

之後，你有時間，可以再睇埋《選股勝經》和《年報勝經》，對你課堂上掌握，會有幫助。

------------------------------------------------

Q22727：

龔sir 你好！ 我上左你進階班，呢排摸索緊你教的估值方法。請問如果用你教的方法方析的話，比亞迪、信義玻璃、信義光能現價是否ok?

希望龔sir 你可以呢3間公司作用示範！ 感謝

龔成老師︰

比亞迪(1211)貴。信義玻璃(0868)合理區頂至略貴。信義光能(0968)合理區頂至略貴。

係估值方面，你建議你主力用市盈率比較法，去先做一個估值。

但比亞迪(1211)佢潛力較高，其實較難分析。佢現時市盈率去到200倍以上，我地可以參考佢預測市盈率，現時大約140倍。

以佢增長力，去到50-70倍左右，其實都可以。所以，你預佢回幾成，才算較合理區較頂位置。當然，佢業務不斷增長，因此企業價值正向上。

信義光能(0968)你可以睇翻佢行業市盈率，大約係11-24倍。而佢係行內有一定質素和優質勢，故你可以給予較近上部位置，作其合理市盈率。

之後，你再用我教的方法，找出一個有代表性的每股盈利。由於2021年受疫情影響，參考2020年會較好。以信義光能(0968)計，你預HKD0.65左右。

計算出來的合理區約HKD11-14，當然，企業增長中，有可能有少少調整。

信義玻璃(0868)同樣可以先我上堂教的方法，找出合理市盈率區間和代表性的每股盈利。但由於佢同信義光能(0968)一樣，近年增長力高左，所以都要自行上調。

緊記，近期中央政策都出較利好綠色能源股份，故計算信義光能(0968)和信義玻璃(0868)時，用較近期數據，會較能反映實況。

------------------------------------------------

Q22728：

龔Sir你好，本人40歲公務員，已婚，有一小朋友，月入$45,000 ，可以每月用一萬蚊投資。

2019年6月以4,400,000萬購入一個220尺單位深水埗、6年樓放租，現在每月放租一萬蚊。但同年出咗林鄭Plan，令到細單位吸引力大減。請問：

1. 當夠三年的時候我應該繼續持有放租定還是出售？

2. 我每個月有一萬蚊可以用嚟投資，暫時月供股票盈富基金、中銀香港、港鐵，有咩其他建議？

謝謝龔Sir

龔成老師︰

1) 我偏向建議你出售，因為你這個單位太細，連一個基本家庭需要的呎大小都無，投資價值係會大打折扣。

2) 當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時40歲去計，可以投資「平穏增長股」和「潛力股」。你現時選擇股票，屬於「平穏增長股」，都係適合你。

你每月5成儲蓄，即是用$5000做月供。其餘先儲起，用一邊月供一邊儲蓄的策略。

但我建議你都加少少「潛力股」，去提升組合增長潛力。

潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。如果有投資美股，可投資QQQ。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多佔組合2成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約4成，視乎你現時投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q22729：

你好，龔sir。9988 269均價 / 9618 330均價，係咪要沽好d

9988 1000股
9618 750股
1339 3.02 5000股
1398 5.8 10000股

1086 1.83 10000股
175 22 4000股
2127 2.56 10000股
806 5.89 10000股

有3分2是股票，有3分1是cash。

輸左10幾萬了，中美咁，係咪清倉好。謝謝龔sir

龔成老師︰

國際關係風險，近1,2年的確係高左，但我地分析一隻股票時，最主要都考慮翻佢本身質素。如果無對佢長線本質造成影響，咁就無問題。

阿里(9988)和京東(9618)最近受國家政策和相關風險影響，質素係弱左，但又未算好嚴重，估值會有少少調整。但由於核心價值無大變，從質素上計，依然值得長線持有。

但問題係，佢佔你組合比重好高。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

現時這2隻股票，從個股和行業(科技類)計，都係超左標，故你要沽出部份，換至其他優質股，咁會較好。

而且這2隻都係潛力型股票，若你偏年青，持有係可以。但如果你係中年至退休人士，就不宜太大注。

至於你虧損咁多，主要唔係股票質素出問題，而係你買貴左。如果你不太懂得估值，定平貴，我建議你未來時間，轉用月供或分注模式去儲貨，來減低買貴貨風險。

另外，中國人民保險（1339）、匯森家居（2127）、惠理基金(0806)和好孩子國際（1086）質素唔算好強，長期的投資價值只算中等，不宜持有太多。

現時大市在合理區，你現時股票和現金比例，係合適的。餘下1/3現金，你就等大跌市出現，才加大力度掃貨。

------------------------------------------------

Q22730：

請問龔成老師，若想定期買入股票，而自己又有時間可跟進的話，是否就非必要設定月供，自己定期買入即可？

主要是因月供有費用的支出，自己買入是否可節省這方面的成本？

龔成老師︰

簡單來說，月供股票就是你每月將現金，買入某一隻或多隻股票，慢慢咁樣儲貨。

月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣，去減低價格波動的風險。

其實一手手買都可以做到以上效果，你現金只要平均地慢慢投入股市(如保持住每月定額買一手)就可以。

2個方法都可以，正如你所講，一手手買更可以節省月供費用成本，但你必需確保自已可以有自律性地進行﹐咁就無問題。

------------------------------------------------

Q22731：

龔sir，想問你對美股PDD點睇，有乜建議

龔成老師︰

由於之前估值貴，加上監管因素，令股價向下，中短期仍有一定的風險，但長線不差。不過，這刻只建議小注好婺。

拼多多(PDD)本質不差的，佢將娛樂與分享的理念融入電商運營中，由用戶發起邀請，與他人等拼單成功後，能以更低的價格買到所有商品。

同時也通過拼單了解消費者，通過機器算法進行精準推薦商品，這個商業模式不差，長遠其實有發展，只是行業的賺錢能力，存有不確定性。

------------------------------------------------

Q22732：

30萬本而加得番吾夠20萬

持有：
港股：京東，中海油，平安，網易，理想。
美股：360數科，ARKX，樂信，好未來。

龔Sir，想問而加應該點算好？由2020年all in投資至現在-30%

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

你現時持股，大部份都係有質素，雖然你帳面有虧損。但有質素企業，長線會慢慢成長，令股價回升。

持股當中，中海油(0883)只係商品類股份，價格自主能力弱，投資價值只係中等。而京東(9618)、網易(9999)、理想汽車(2015)、ARKX這類股票，不確定性都較大，不宜持有太多。

TAL Education Group 好未來(TAL)業務主要為內地中小學生提供課後輔導課程。該公司主要為幼兒園至十二年級（K-12）的學生提供輔導服務。

其業務正正是近期中央打擊對象，雖然長線會否再次放寬相關要求，我地唔知。但中短期一定好弱，因為政策影響到其核心部份。

若你持貨不多，可以守，博佢之後政策重新放寬對校外課程的限制。但持貨較多，最好沽出部份，換至其他股票去減低風險。

另外，我地投資係會因應大市平貴，去定策略。現時大市只係合理區，其實不宜資金盡用。所以，你再有新資金，最好先儲起，等大跌市機會。

如果你投資經驗不多，擔心好似之前咁買貴貨，你可以考慮用月供股票去做投資，透過平均價格買入法，去平衡買貴貨風險。

------------------------------------------------

Q22733：

老師你好，我29歲月入1萬5，每月可存4千左右。想問問我持有以下股票應該止蝕嗎？要放部分還是全放好？最近見到係咁跌，心好慌。

6618京東健康 109.3有1800股
3888金山軟件 49.6有1400股

謝謝老師

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

其實金山軟件（3888）和京東健康(6618)唔係無質素，但佢地不確定性都較高。特別係現時都未有盈利的京東健康(6618)，波動性就更高，你預佢地會大上大落。

以你年29歲年紀，持有這類潛力股，係無問題。但若果佢地佔你組合比重，係比較高，我就建議你沽少少，平衡下個風險，咁會比較好。

另外，你可以用每月儲到資金，去做供股票，加快你財富增長速度。

你29歲，可以用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$2000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

或潛力股︰安碩恒生科技(3067)、比亞迪(1211)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

但由於你現時資金不多，可以先集中盈富(2800)。以你年紀，如果無特別負擔，建議儲蓄比例最好去到收入一半。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22734：

阿sir, 你好呀！我睇了一段時間futu, 近排才試進買了$110，$108，同$118，平均價$110.5，越買越跌，有100股，真係跌到驚，請問跌完未，值唔值得溝，還是忍痛割？

救你比啲指引，謝謝你。

唉，早上又輸晚上又輸，正宗韮菜

龔成老師︰

首先，我想你清晰翻溝貨概念。我地決定加注(即溝貨)與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

因此，我地先有睇這隻股票，到底有無質素。

富途（FUTU）有增長力的。佢係一家在線經紀公司，提供一站式在線投資服務，騰訊（0700）為股東。該公司通過網上平台提供服務，其中包括香港、中國大陸，以及美國股市的市場數據、交易服務和新聞源。

佢以經紀佣金，以及手續費服務的形式產生收入。這企業雖然有發展，但現時市盈率好高，股價變化大，要留意風險。

此股你長線持有係可以，但由於不確定性都較高，不宜持有太多。如果你現貨只係佔組合好細比重，可以守。但較多的話，最好沽少少，去平衡風險。

另外，每注最好分開10-15%，會較為理想。

------------------------------------------------

Q22735：

sir早晨，我隻285原本已有20％利潤，依家要倒蝕！

龔成老師：

建議你減少睇股價，多睇企業年報。

你要平常心睇股價，我隻比亞迪（1211）之前都是這樣，$88賺錢跌到$12蝕錢。希望你唔好停留在一般散戶思維「著短期短期股」，你要提高層次「著重將來價值」。

------------------------------------------------

Q22736：

龔sir，我今年38歲，自己做小生意，所收入不穩定（每月3-8萬都有可能），我既資產組合，龔sir可唔可以比下寶貴意見

現金大約50萬（當中37萬係政府低息貸款），另有50萬左右股票

領展 60.5@700股
金沙27.9@4400股
福壽園7.23@15000股
平安好醫生81.6@2000股

阿里228@400股
雅生活服務29@1500股
中生制藥 6.52@10000股

唔該龔sir

龔成老師︰

以你38歲年紀，應以增值為主，你現時組合中的股票，都係有質素，而且係有增長力，你長線持有係無問題。

但留意平安好醫生(1833)雖有質素，但佢現時尚未有盈利，不確定性比較高，不宜持有太多。但佢現時郤佔你組合最大比重，建議你估少少，換至其他股票去平衡風險。

另外，你組合都比較偏向潛力股(1448,1833,9988,1177，未來時間要加翻多少少平穏增長股，以免組合風險太高。

平穏增長股︰指數基金、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

最後，相提多你一點。因為你本身有生意，故餘下現金﹐應優先用來支援你業務。因為一盤生意做得好，其實增長力可以比優質股高好多。

當然，如果出現大跌市情況，你都可以動用這筆資金，去掃平貨。

------------------------------------------------

Q22737：

咁龔sir 可唔可以提議我如果$6000月供比例應該如何？例如領展，比亞迪，3067月供比例幾多，盈富仲供唔供好，thx

龔成老師︰

要睇你年齡、風險度。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

現在你每月先用5成儲蓄，即$3000做月供。其餘先儲起，用一邊月供一邊儲蓄的策略。

如果你年齡較輕，可供3067及領展（0823）。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

比亞迪(1211)就暫時唔建議月供住，因為太貴，回到$180才好考慮。若你好想月供新能車股，可以先用ＧＸ中國電車基金（2845）代替。

安碩恒生科技(3067)由係單一行業，若你投資要控制係組合3成以內，否則會有過度集中性風險。

------------------------------------------------

Q22738：

龔Sir, 小妹有十幾萬積蓄, 現時放銀行定期/活期儲蓄都是沒有利息, 想買些收息股, 及作長線投資, 希望所買的股亦有升值的潛質,

因我從未買過股票, 所以無從入手, 最近有留意到以下幾隻股, 但不知那個獲利較高, 你可給我一些意見嗎?

股號 股名
6823 香港電訊
3988 中國銀行
2388 中銀香港
0939 建設銀行
00386 中石化
1398 工商銀行

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

所以﹐投資那一類股票，要先睇翻你年紀和投資取向。

若你係年青至中年人士，應以增值為主。你上述股票，都係收息股(除了2388)，增長力不高，就不宜持有太多，但質素都有的。

策略上，你可以投資「平穏增長股」和「潛力股」。

大市現處於合理水平，那1X萬資金，你可以先用4-6萬，以"分注"形式慢慢入貨。餘下資金，就等你學到一定投資知識，或者大跌市出現，才大力度掃貨，並長線投資。

------------------------------------------------

Q22739：

2809，2846，3097，3134，3175，9845

最建議買那兩隻，這兩星期炒596和2160上落市

（唔知點解我買股票成日輸）

最後想問1357，如在1.45-1.5水位，是否已很合理價錢，這股是否也可以買

龔成老師︰

我建議你，真係唔好再做短炒。你自己都識講，你之前輸左好多錢。

如果你唔改變你投資方法，就算比你選中好股票﹐長線都可以係輸錢收場。你要記住，真正投資方法，應該係長線去持有優質股。

浪潮國際(0596)投資價值不高，而微創心通醫療科技（2160）雖有投資價值，但就好波動，不宜投資太多。

你講的ETF，都係有投資價值，但大多在合理區頂區。若現價投資，只宜小注或月供。

Global X 標普原油期貨增強型 ER ETF(3097)投資於WTI期貨合約。目標係追蹤標普高盛原油增強額外回報指數(指數)。

Ｆ三星原油期（3175）基金之投資目標為追蹤標普高盛原油額外回報指數之表現。2隻ETF都好類似，表現都係睇油價發展。

但短期油價，好難分析，至於中期，相信會由於全球經濟轉弱，表現只會一般。

這2隻基金唔易玩，因為好難準確捉到個位，就算投資都最多只宜好小注。

美圖公司（1357）佢過左最差時期，但始終業務有風險。算是有危有機類的股票。

佢主要從事提供在線廣告及其他互聯網增值服務；以及開發、製造及銷售智能硬件產品。

見佢財務數據改善，這企業仍有發展力，有長線投資價值。不過業務變化始終大，不建議大注投資。

------------------------------------------------

Q22740：

老師，1299可作穩定增長股嗎？

另外，我想問股票派息揀捽股，那捽股的買入價是如何計算？

龔成老師︰

友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。

不過盈利就有少少波動，但這都正常，因為保險公司有投資相關收益，所以這亦會令股價略為波動。

前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。

這股有長線投資價值，算係平穏增長股類別。現價就處合理區頂，長線持有無問題。

至於"碎股"，其實買入價同一般完整一手，唔會有分別，你都可以用網上投資平台的股價作參考。

主要分別是，你將碎股做買賣時，有機會買賣差價較高。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q22601-Q22620）

Q22601：

龔成老師,剛看完你的書,提及選股市盈率最好於5-20倍之間,但太低反映企業會有什麼問題?例如688如今只有3.7倍市盈率.

龔成老師：

在理論上，低即是平，但你見我定指標在5-20，是一個初步的參考，投資者仍有好多因素要分析，不選5倍以下的原因，是因為「有點過低」，而市場是公平的，當一隻股這樣低，反映佢有幾個可能性：

第一，佢盈利代表性不足。第二，佢之後的盈利有下跌可能，第三，佢的風險較高、或質素較差。

中國海外發展（0688）市盈率低，是因為佢不少盈利都來自物業重估，即是盈利不能反映真正的情況，代表性不足。以長遠來說，這股不是無質素，在發展商來講，不算最強，長遠有平穩增長的能力，前景都可以。

睇翻佢的財務數據，基本上都是正面的，但生意增長力不是好強，見佢過往的生意都只是平穩，而整體都有投資價值的。
可以視這股為平穩型的企業，現價合理。當然中短期可能因樓市一般而股價一般，但長遠，仍是可以的。

------------------------------------------------

Q22602：

阿sir,我見你提到1177，2269又點睇，2269大公司，而且盈利較好？

龔成老師︰

雖然2間同係醫藥企業，但其實2間公司，無論業務和賺錢模式，都係完全不同，不宜直接比較。

中生(1177)已建立一套完整的商業系統，有多個已賺錢的藥品類別。透過營運賺取資金，再開發開藥物去再賺錢。

但由於開發藥物係有風險﹐唔一定成功。如果失敗佢要自行承擔所有相關損失，不過中生(1177)本身已有一定產品收入作後盾。

就算個別研發失敗，造成資金鏈問題的機會唔大。所以，此股擁有的這個營運模式和規模，令到佢持續有盈利增長，係一間唔錯的潛力股企業。

而藥明生物(2269)主要提供有關生物製劑藥物發現、開發與生產服務。

佢涵蓋生物製劑發展過程的所有五個階段，即藥物發現、臨床前開發、早期臨床開發、後期臨床開發及商業化生產。

集團本身唔係賣藥，佢係收錢助人去研發、測試和生產。

其賺錢模式較穏定，加上本身項目又多，可以把失敗風險分散。而且研發成本和風險，有第三方客戶分擔，故因失敗而出現資金鏈問題機會會較少。

此股潛力是有的，因為過往的財務數據的確理想，但現時的估值唔平，這刻投資值博率一般。

不過，這類股好難話現價一定貴，因為佢有好高的增長，只可以話現價唔平，但如果之後有高增長，那就未算太貴。只可以話，如果你真的想投資，小注好了，你要明白業務有不確定性，同時股價會好波動。

------------------------------------------------

Q22603：

龔老師您好～本人今年26歲，留意了您的專頁兩年多的時間，對您的一套投資理念非常認同！未來亦會努力實行以財務自由作目標。

到現時我用了30多萬儲蓄（佔總儲蓄6成）陸陸續續買入了幾隻股票，但可能是經驗不足，有幾隻股票處於負增長階段以及組合有點散，故打算重新部署一下。

持有股票如下：

1. 1928 :29.5買入1200股
2. 66 : 42.5買入1500股
3. 354: 4.06 買入2000股
4. 1211 : 37買入500股

5. 12: 37.5買入1000股
6. 1810: 10買入600股
7. 1830: 2.6買入8000股
8. 2382: 125買入100股

9. 2388: 23.5買入1000股
10. 2013: 13.75買入4000股
11. 788: 1.24買入26000股

想請教一下老師：

1. 現組合太分散了，老師您會建議可賣出那些股票？以便另作較有利的投資。

2. 2013前境如何？可繼續持有、賣出或加注嗎？

3. 海螺水泥及恆基地產那隻更有投資價值？

4. 現仍有大概20萬閒置儲蓄，可如何佈處？

5. 1177中藥6元是否初步進入便宜區間？

問題有點多，希望能得到您的回覆！感謝！

龔成老師︰

我地投資係一個長線計劃，只要你買入股票係有質素，長線都會增長。但中短期難免會有波動，令你出現帳面虧損，但只要佢地本質無受影響﹐照長線持有就可以。

1) 你現有持股，都係有質素和適合你。當中微盟集團（2013）和中國軟件國際(0354)質素係有，但風險性較高，要控制注碼。

由於全部都有質素，不用沽出。但長線計，你要控制組合持股，集中在10隻左右，以便定期審視和管理。

2) 微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁。但在估值上都唔平。

由於佢不確定性高，而你又有一定持貨，故暫時不建議加注。

3) 海螺水泥（0914）有質素，有增長力。

佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。

另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。

綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差。

現價合理區中間，但要留意盈利有潛在波動。

恒基地產（0012）都有質素，雖然增長力不算好強，但都有平穩增長能力，不差的。

佢始終是香港大型地產發展商之一，雖然賣樓最好賺的年代過去左，但在香港賣樓仍是賺到錢，不錯的。

這股都有質素，單計佢手持農地是全港最多的發展商，就明有一定的價值，當然，農地要發展要好長時間，所以先話這股要好長線。

質素上，其實都好相近。只能說，增長潛力會係海螺水泥（0914）大少少。

4) 由於你已有30萬持貨，這20萬宜暫時儲起，等大市有較明顯回調，才出手。

5) 未算，$6只算係合理區中下部。現價計，都要有較大幅回調，才會到平宜區。

由於中生(1177)係好有質素，好多時都唔會回到平宜區。你無貨，其實現價已可以入首注，之後再慢慢加注就得。

------------------------------------------------

Q22604：

謝謝您之前的幫忙解決問題。我現時有一大難題，不知如何決定，想再次請教您。

因一些家庭原因，我會賣出現有住宅，搬到一個較大單位居住。賣出後連同手上現金有1500萬左右，現有2個方案：

1）勉強可以買入一個800呎單位自住，不過手上就冇多餘現金，不能再製造現金流。而且每月要俾3000元管理費。

2）將1500萬投資，預計有5%收息，將收息嘅錢用來租樓，除交租35,000元外，還有剩錢用來再投資。

因為預期8年後退休，然後在世界各地住一陣時間。所以方案2比較適合我們，因為退休前後改變較少，不用賣入賣出樓宇。

不過方案2要好穩陣，近日見股票起伏大，唔想只投資股票，請問老師有何建議？要求不高，5%已經可以，不過一定要穩陣。

龔成老師︰

首先，你要知道搬到一個較大單位，是一件長時間的事，還是只係未來幾年。到你退休後，較細單位都可以。

如果係後者，你可以先買入一個細單位，最好係適合你地退休後入住。現時先放租，而自住樓就另外找租盤。這樣就可以解決住屋問題之餘，又有錢去做投資。

若是前者，方案2會比較好。雖然方案1，你們可以避免受到長線租金波動的影響，但令你資金盡用，不能作投資增值，始終唔理想。

另外，由於你們退休後，都計劃周遊列國，租屋或者對你們較方便。

只要你明白，租金和投資變幅未必一致，有機會令你租金支出和回報差額收窄，導致退休現金流進一步減少。你覺得可承受這風險，咁就無問題。

假設你用方案2，資金上唔好全部買晒股票，要做一個平衡配置，去分散風險，從而提高你獲得現金流的穏定性。

你可以將這$1500萬，分成5部分。

第一部分投資收息股，你可以建立一個收息股組合，你可考慮港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以將$1500萬資金，平衡地分配在上述的項目上，對你來說是最好平衡風險，同時有穩定的現金流。

但當然，你現時距離退休尚有好幾年，故不需要咁快將全部資金，放入以上收息資產。你可以先將部份，放係我之前講的平穏增長股，去保持增值。

同時間，開始慢慢用其餘資金，配置上述收息組合，為退休做準備，咁就可以。

但如果你情願穏陣D，收大約5%回報就可以。這樣你直接用資金，配置在上述5個項目，咁就可以。

------------------------------------------------

Q22605：

謝謝龔Sir，其實我只有100股騰訊五萬頭買，因以前從不投資，所以上了你堂後才明白投資重要性，不是炒買，但由於先前看市場消息不夠多功課做不足，

以為五百頭都係合理區，所以不小心早買入了，但一買就大跌所以心理壓力好大,而且買入後一直出的都是中央負面消失，所以分析不到。今天仲大跌得勁，所以

十分恐懼又怕幾年後上不回去那辛苦儲來的錢就好像不見了，所以就更怕好像學習了都錯。剛剛收到你的回覆心情平靜一點否則又高位買貨底位賣出了。

請教一下龔sir如估值減了，它上回5xx不難，但減了不是更便宜，那去返5xx會變貴那市場還願意給回貴價錢？另外想問下如重估值後5xx是否屬於貴或是合理區？

現在這幾天心情反覆不安，所以由你百萬富翁書籍從看，你的書已齊要重看一次了，先前上堂的資料也重看然後發現自己補足價格概念仍很差，但謝謝龔Sir你回覆

龔成老師︰

如果再有政策出台，係有較明顯影響，係重新估值時，有機會令現時合理價，變成平宜。

至於到時會唔會有人，願意用貴價錢去入貨，其實係會有人。特別係大市狂熱時，好多人會不計平貴，盲目追入。

但這都不是重點，重點是我地唔會預測將來走勢，只會用現有客觀資訊，去判斷現時投資決定。

我地睇到騰訊(0700)受中央政策影響，長線風險大左，所以估值都有下調少少，只要不持貨過多，就無問題。

但由於佢長線質素，未受重大影響，所以以你只持有1手投資者而言，只要一直持有就可以。此股依然有增長潛力，長線企業慢慢成長，股價自然會跟隨上升，你唔需要太過擔心。

記住，我地投資要放眼長線。如果你改變唔到個思維，只會一直因為中短期股價波動(但這個情況是必然會出現)，而承受沉重心理壓力。

其實這樣狀態，你係不宜作任何投資。

------------------------------------------------

Q22606：

成哥，以下是我的組合，但情況不是太正面，是否欠缺什麼？

388 @ 230.1 4手 405
1177 @ 7.45 2手
3067 @ 13.21 1 手
9988 @ 236.1 2手

005 @ 70.8 1手 437
576 @ 7.19 2手
788 @ 1.23 1手
941 @ 72.8 1 手
2018 @ 98 2 手

龔成老師︰

你唔好用買入價或帳面賺蝕，作為判斷一隻股票或組合的成敗標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

你現時持股，都係有質素，你照持有就可以。

但你要留意，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時港交所(0388)，持股佔組合比重很高，故暫時不要再加注。未來時間，你要透過加大其他股票比重，令佢回復平衡。

------------------------------------------------

Q22607：

成哥，我現有以下股票，請問這幾隻股長遠是向好的嗎？我應該用什麼心態去面對。例如不須理會或平常心？

有以下股票如下：

345維他奶 25.5有10000
1810小米 25.75 有10000
175 吉利 20 有10000
1177中國生物 6.71 有10000

謝謝

龔成老師︰

你現時持有股票，都係有質素和增長力，若你係年青至中年人士，照持有就可以。

近期維他奶(0345)係4隻中下跌較多的一隻，由於之前事件，對佢短期股價一定不利，但長遠，我相信影響又未算核心性，但回勇的路仍長，現時仍要睇事件發展程度，中期的影響，當中仍有未知數，只可以話短期股價上落都大。

長遠來說，佢仍有質素，有品牌、有銷售網絡。

這股可長線的，只要貨不多，可守，但有心理準備中短期弱，要耐心持有。

另外，你上述持股，都好偏重係潛力股類(1810, 0175, 1177)，佢地雖然有增長潛力，同時風險都較高，不宜持有過多。

若你算年青，潛力股最多可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

而且長線計，組合唔好只係得3,4隻股票。你要建立一個多行業，平衡，或適合你年紀的組合。

未來時間，你就要加大翻平穏增長股部份，令組合更平衡。

------------------------------------------------

Q22608：

如每個月供需要幾多錢先可以買入呢隻股

龔sir想問吓有冇啲人係真係以一個普通人玩股票致富,而其實美股同港股邊樣好啲

Sir，本人資金10000$準備開戶口。上次講嘅盈富有留意，但想問吓有冇啲增長速度較快，賺得較多穩陣嘅美股或港股，可能短線投資的！

龔成老師︰

所謂致富，每個人定義都唔同。如果以全球富人排行榜計，巴菲特就係全球最成功，以投資致富的普通人。

而預期未來一段時間，中國和美國會係全球最重要的經濟體系。因此港股和美股，長線都係有投資價值。

以現價計，港股投資值博率，係會比美股高少少。但長線投資價值，2者都係有。

至於增長較快的潛力股係有，但我係唔會做短炒，因為當有有好多不確定性因素，會影響股價，有些因素甚至係與企業本質無關。

只有長線持有，企業質素才會反映在股價當中。就連全球投資最賺錢的巴菲特，都係唔會做短炒，所以你不要持有短炒致富這種想法。

以下是一些適合你的股票，潛力股增長力高，但風險同樣都唔細。以你18歲年紀，長線可佔你組合4-5成。但由於你投資經驗較淺，不宜持有太多，最多2-3成好了。

但由於現時你投資經驗不多，暫時可先月供指數基金。到你有較多資金和經驗，才考慮其他股票。

而現有資金，可現價先入一手盈富。只後再有明顯回調，就再入一手，並長線持有。餘下資金，等大跌市地動用。

------------------------------------------------

Q22609：

我40歲，收入39000， 每月支出費用26000，如果想月供股票作退休收息之用，應該買幾多隻組合。心水2648，3110，6823，2800，各供$1000？定月供三種各供1500

如果再有多啲錢、哪隻可以月供多D

早晨，可以。俾D意見我嗎買哪幾隻月供適合我年紀。另外我應該買哪幾本書學習多啲

龔成老師︰

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

以你40歲年紀，投資著力點，唔應該係收息。而係先用一些有增長力的優質股，去累積一筆財富。到有一定金額時，才將佢地轉換成收息資產，創造稳定現金流，去支援你退休生活。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約4成，視乎你投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

書本上，你可以先睇我架《80後百萬富翁》、《財務自由行》和《股票勝經》，都適合初學者。

------------------------------------------------

Q22610：

我睇緊你寫的80後百萬富翁，希望5年能儲到人生的第一個一百萬。我計現金每月儲1萬元，然後月供$2000兩隻股票。

心目中的股票包括小米，比亞廸，騰訊，京東物流等。想問下龔sir 有冇咩意見？

我係年過45的中年婦人，有工作的，月薪$35000左右，要供樓約萬多元。謝謝

龔成老師︰

比亞迪（1211）現價偏貴，最好回到翻D先開始月供，如果你真的好想買，就小小注月供，或考慮月供2845。而京東物流（2618）不確定性都高，唔建議作為月供目標。

而小米(1810)和騰訊(0700)都係可以，但由於佢地係潛力股，有一定風險，以你年紀最多佔組合3-4成好了。

餘下部份，建議用平穏增長股作組合。因此，較理想做法，係在小米(1810)和騰訊(0700)2選1去月供，如果你想2隻潛力股都保留，則每隻各$1000。

之後再加入2隻(各$2000)的平穏增長股，餘下的$4000就儲起，等大跌市才出手入平貨。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

------------------------------------------------

Q22611：

我想問下以我個人為例 我一個人儲到$25000。如果用一半去月供，大約$13000，有冇話一般供幾多隻股票會比較理想？

定係keep住依家果3隻，加大銀碼就可以呢

我心儀係1448 同2382 ，1928 其實係咪應該直接現價買入呢 定做月供會好啲。

我哋想買或租既地區會係大埔，有考慮租或買太和寶雅苑居屋 或者 大埔中心私樓。但比較擔心既係 因為大埔好多樓盤都30年以上

而兩個盤都未做大維修，擔心買左之後 會有一大舊錢要洗 因為維修既錢應該無得預計 （居屋是否都要夾錢維修？ ）

而考慮租買既另一原因係男友 將來有可能排到宿舍 但最快都10年後

真心感謝， 你唔識得我都幫我地咁多 睇你既書同fb 好似做左朋友咁

龔成老師︰

無話供幾多隻才理想，長線計，只要你維持到個組合平衡性，咁就可以。

個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

另外，你要注意翻，如果供得太多，可能會令你個股月供費用成本好高，影響長線回報。

其實你照每隻供最少$1500左右，應該問題不大。

至於你心儀的股票，福壽園(1448)和金沙(1928)都在合理區，月供和直接分注入貨，都係可以。

而舜宇光學科技（2382）要回D，才算合理區頂，才可以小注入貨。但月供，現時開始都可以。

金額方面，最緊要唔好偏重左任何一隻，咁就無問題。當然，最好加入指數基金就能令組合更加平衡。

居屋和私樓都有要大維修的可能，所以你係買這些樓齡較高物業時，你要了解清楚這大廈的大維修安排。

如果你一心係諗住等宿舍，即係長線無買自住樓的必要。其實現時先租樓，都係可以。

但由於物業都係一種資產，我地成個財富組合，唔可以只係得優質股。所以，你未來累積到較多資金時，可考慮買入收租物業投資，令財富組合更多樣化和平衡。

現時整體租金回報率不高，故不用急於投資物業，可以先以優質股為目標，去提升自己財富。

------------------------------------------------

Q22612：

龔成老師，今日我終於都買了[email protected]

我計算過估值︰
合理PE~16.73-19.63
有代表性eps~2.4
估計疫情後每年10%增長

預期有代表性Eps～2.64
合理區大約$44-$51

如果保守不計eps增長
合理區大約$40-$47

而我的買入價45.9比較以下，計算的價格應該是合理區中或中上，請問小弟的計算對嗎？

想問這輪抗疫措施對0027對中長期有核心影響嗎？

龔成老師︰

銀娛(0027)的長線投資價值無受今次疫情影響。但始終疫情尚未穏定，你預佢長線

你計出的估值，大致都合理，現價大約合理區中下。因此，你買入價係在合理區水平。

你預係大約合理區中下部，此股有質素，可長線持有。

------------------------------------------------

Q22613：

哈囉 我啱啱開始出嚟做野 想開始每個月儲錢作為買樓基金 有睇開你啲盈富月供 但又對呢方面唔識 想你比下意見 長供建行定盈富好

龔成老師︰

策略上，你可以投資「平穏增長股」和「潛力股」，去累積這筆置業資金。你每月5成儲蓄做月供。其餘先儲起，用一邊月供一邊儲蓄的策略。

盈富(2800)和長建(1038)都可以，但前者係58間優質企業的組合，更有效分散風險。如果你不懂選股，可以先全數供盈富。以下係一些適合你的股票，你可以參考下。

選股上，你可以投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

潛力股可選安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。但佢地波動性和風險會較高，你要自己平衡。

由於你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類，或者暫時只供盈富(2800)，都係可以。

到你有一定投資經驗﹐潛力股比重可以相應調高，佔組合約3-5成，視乎你當時投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q22614：

龔sir，如果700有機會跌到$400, 我想入1手作長線，那麼在我投資組合裏面「潛力股」的百分比又會再增加。

我日後再入市時，如果集中翻在「平穩增長股」及「收息股」是否可以平衡翻呢？這樣操作是否可以？請指教。謝謝！

龔成老師：

騰訊（0700）在$400，你可買。

你首先要設計好自己的長期「組合%」，如果年輕潛力股比例可較多，年長就收息股比例較多。另外，潛力股風險較高，這點你都要明白

設計好大方向，比例，之後就慢慢作出配置，這刻買入潛力股後，之後買入收息股等，可平衡。

總之，要建立一個「長期」的平衡組合。

------------------------------------------------

Q22615：

龔成老師你好，我同老公係理財方面有較大分歧，所以想請教下你。因為生左小朋友，我哋計劃3年後買樓，預大約買800萬左右既樓，首期預俾2成左右。

但佢呢一年，完全儲唔到錢，將我地的儲蓄計劃搞亂左，佢同我理財概念完全相反。

然後我哋吵大架…想問下我應該點樣去解決呢個僵局？

唔知呢個似感情問題定理財問題多啲，點都好，我以前係覺得係香港買樓係無可能，係你令我知道一步步黎，最終都可以達成目標，令我賺到人生既第一個一百萬，多謝你！

龔成老師︰

出現分歧，係正常事。100種人，就會有100種不同想法，100種不同目標。最重要，我地要"互相"遷就和諒解，才可以一同生活下去。

所以，你們真正背後的問題，有機會不是投資理念上，而是在溝通上。

我建議你地先將自己冷靜下來，之後再找個機會，作理性討論。因為係不理智情況下，只會令你地愈做愈錯。

你地要嘗試令對方明白，自己所想的未來計劃、目標和擔憂。新車已經買左，係一個定局，唔好再浪費心力去諗。

往後的路，依然係可以改變，想一想如何係現有資源，和大家都可接受情況下，繼續向前，才是你們應該做到事。

我明白準備結婚，去成家立室這個階段，係好忙，一定有好多野煩，好多野會不如意。

但這個正是你2口子要上的必修課，你試下放輕個心情，唔好比買樓或者投資問題困死自己。你現在重點，應該係要學習如何2人同步，一齊去走往後的路。

我會建議你地日後，多溝通，定共同目標，例如「如果我地的財富去到XXX水平，就可以買XX當獎勵大家」。

只要係一起走，好多問題都解決得了，加油!

------------------------------------------------

Q22616：

Hello, 想問問少少股市知識

可以這樣假設，只要標指股息率不低於10年期美債孳息率的0.54，美股就有一定吸引力，若然這比率降至0.4或以下，對美股是危險訊號。

觀乎金融海嘯市況最蕭殺時，債息率曾高見4.1厘，而股息率低見1.7厘。

"標指股息率" 係講緊咩同埋邊度搵到?

龔成老師︰

其實可以係其中一個參考，10年期美債孳息率你可以理解為一個無風險利率。而股票股息率，係一個你需要承受一定風險，才可以獲得的回報。

因此，若果你無風險回報，比有風險回報還要高的話，其實係反常，某程度係代表個市大過熱情況。

但我地唔會因為咁樣，就斷言大市已經好危險，純粹只係一個參考訊號。

因為如果企業係賺錢的話，股息會增加，慢慢2者差異又會重回正軌。而且大市熱，唔代表個股係貴，我地一定要獨立分析企業，去得出一個較準備的結論。

------------------------------------------------

Q22617：

龔Sir,我是一個40歲單親母，月入两萬，無資產，每月草一两千（甚至幾百）現只有現金流两萬，請教我可以買D乜？眼看你介绍的，全部都是一手幾萬的，可買不起

龔成老師︰

以你年紀計，投資應以增值為主。但你現時資金不多，我建議你2萬不要動用，用來作生活上應急會較好。

至於每月儲蓄，你都比較少和波動。你要找出一個你覺得每個月都儲到的金額，用佢去做月供指數基金，去累積資產。

你可以去銀行或證券行，開個月供股票戶口，之後每個月定期咁去月供，咁就可以。

同時間，你睇下有無方法開源節流，去提升每月可儲蓄金額，用去月供更多不同股票，令你財富增值能力得以增升。

------------------------------------------------

Q22618：

我想了解下咩係月供股票，因為我岩岩睇到你既po。

我係新手31歲，有2-3萬可用資金！

龔成老師︰

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入某股，假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3年以上，之後持有5年以上。

月供最重要的一點，是「選股」，如果你無選股能力，就投資指數基金。

而財富增值方面，當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時31歲去計，可以投資一些「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

但由於你係新手，我建議先集中係指數基金。餘下資金和另一半儲蓄，我地就等機會，當大市出現較大回調，就加大力度掃貨，然後作長線投資。

------------------------------------------------

Q22619：

龔成老師您好！前两年間中有留意你的專欄，已覚得你的投資概念很好，近来才知道你開了臉書，原来老師那麼年輕，真的是後生可畏！

本人47歲，家庭主婦，與先生大部分在海外生活，没有子女，海外有自置物業(巳供満)，先生还有10年多退休，退休後有年金，

估計可補貼至少—半生活費，他有儲蓄習慣，近来開始投資海外股票市場。

本人因不熟悉海外投資市場，故選擇持續投資港股。幾年前因沒有投資知識將现金集中於收息股，但發觉組合較保守難以増值。

希望老師給予意見如何調動股票以達至最好的增值效果，如賣出那些股票轉其他増值股票。生活負担不重，可承受風險中上。

现金$10萬+保险儲蓄約$20萬

(以下是持有股票的平均買入價)
1)中国銀行(3988) @4.28 /10,000
2)中交建(1800) @10.88/2,000
3)煤氣(03) @14.16/14,000
4)中石油(857) @4.42 /16,000
5)中移動(941) @48/2,000

6)京東健康(6618) @128.5/400
7)招金(1818) @8.0 /2000
8)山東黃金(1787) @13.98/2000
9)鞍鋼(347) @5.12 /4000
10)騰訊(700) @470 /100

老師無私賜教，感激無限！

龔成老師︰

首先，你有一個投資理念很正確，我地永遠只應投資自己了解的股票和市場，這點其實很重要。

以你47歲，都有增值的空間，但選股上會保守少少，主要集中係一些平穏增長型股票。

山東黃金（1787）、招金(1818)、鞍鋼股份（0347）和中石油(0857)都是商品類股票，本身產品無獨特性，價格很受市場影響，故投資價值較中等，不宜持有太多。

中交建(1800)質素只算不過不失，而京東健康(6618) 雖有質素，但不確定性好高，這2隻股票同樣不宜持有太多。

其餘持股，都係有質素，可以長線持有。但煤氣(0003)佔比重太高，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

因此，我建議你沽少少，換至其他優質股，去平衡翻個風險。

現時大市只在合理區，資金不宜盡用。你10萬現金可以先留起，等大跌市才出手。以下是一些適合你的股票，現價合理，你煤氣套現和新資金，都可以以此為投資目標。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。

至於保險，其實你買基本保障就可以。儲蓄保險增長力唔高，不宜投資過多。

以上策略，主要係講你地增值部份。但當你們將正式踏入退休之年，就要進行調整。開始慢慢將手上增長股，換成收息股，透過其派出股息，去支援你退休生活。

------------------------------------------------

Q22620：

老師您好，首先多謝你耐心解答大家問題。想請教投資方法。

本人42歲，月入兩萬幾，有現金90萬，有一層樓值520萬，淨番50萬樓宇按揭就供完。每月可儲6000。

大概持股票市值20萬：包括：

0005匯豐1600股，平均買入價79.9，
1088中國神華500股，平均買入價37.75，
1398工商銀行5000股，平均買入價5.093，
2388中銀香港3000股，平均買入價27.7，
3913合景悠活3000股，平均買入價7.9，
總括黎講共蝕左約9萬。

我投資知識極少，唔識分析股票，“月供股票”都係最近睇你嘅信箱先知有呢樣野。請指教什麼投資股票策略適合我。

另外，我是否應該還清按揭50萬，但現金就得番一半龐身，不過按揭利息唔多，每月千幾蚊。請問我應該點樣善用我現有資源，令自己財務自由，有被動收入，可輕鬆退休？

好同意你話應該長線投資，令財富增長。謝謝指教！

龔成老師︰

首先按揭方面，由於現時市場息口不高，我建議用來投資增值，財富增長效率會較好。

另外，你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你現時持股，都係有質素，可長線持有。但較大問題係你組合中，大部份只係收息股(0005, 1088, 1398)，佢地增長力不高，主要係收下息。

以你年紀都有一定增值需要，未來最好加入一些有增長力股票，去增升翻個財富增值效率。

其次，我發現你好集中係銀行股。記住，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

所以，你暫時唔好再增持銀行股了，到你組合平衡性回復正常，才再考慮。

未來時間，除了90萬現金，你都可以用埋每月儲蓄，去做月供股票，為自己財富增值。

你42歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$3000做月供。其餘先儲起，用一邊月供一邊儲蓄的策略。

但由於潛力股有一定風險，你投資知識不高。我建議你先$2000月供指數基金，再$1000供多隻平穏增長股。到你學會更多投資知識和技巧，才好考慮加入潛力股類。

現時大市只是合理區，你現有90萬資金可以先投入20-30萬，用"分注"形式，慢慢買入上述平穏增長股。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

到你累積到一定金額，你就可以將佢地慢慢換成收息資產，透過其產出的現金流，去支持你財務自由後的生活。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q22581-Q22600）

Q22581：

成哥，最近我在考慮買保險，想請教下你買保險時會考慮什麼因素，點睇供既年期之類？

龔成老師︰

保險產品其實有好多，當中條款、保障範圍、供款方法、年期、賠償方法等等，都可以好唔同，好難一概而論點為知最好。

但你必需要明白，"保險"個本質和對我們的作用。其實"保險"主要係用來防守，買足夠保障就可以。

如果你係全無保險，你可以優先集中係人壽、住院保障、危疾，這3個較重要的範疇去考慮。

而保障範圍，如果唔知點去從不同計劃中比較，你可以較著眼一些較大數目上。(當然保障和不保事項，都要注意)

另外，儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

------------------------------------------------

Q22582：

龔sir 你好，本人43歲，月入$20000，扣除開支後，每月有$12000元剩，現有16萬現金，想每月供$4000元平穩股票。

參考你之前的資料，可否每月各供$1000，中電、盈富、港鐵、金沙，是否合適呢？謝謝你！

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你43歲年紀，這個組合係可以。現時大市在合理區，我比較建議月供金額，去到每月儲蓄一半。而餘下一半儲蓄，我地就先儲起，等大跌市機會。

而你額外$2000，可以供一些平穩增長股。如果想保守D，或者你本身投資知識不高，你可以供平穏增長股。若你想進取少少，可選潛力股，但風險都會較高，你要自己衡量。

現時大市只是合理區，你現有16萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22583：

你好成哥，好鍾意睇你既分析，亦都跟你長期投資，暫時都賺咗20%，最近有個人生交叉點，想問吓投資有道既你既意見，最近發生天大嘅好事，

就係抽中咗居屋，但係好可惜應該剩返山麗苑，好抵， $5300尺，2,500,000 ，有450尺，星期三去選樓，但係真係好山旮旯，要到粉嶺站或聯和墟再轉車入去，

落車仲要行10至15分鐘，其實我係自住既，期望將來嘅交通配套，但係如果政府冇規劃就PK了，你覺得買得過嗎？

龔成老師︰

其實政府長線在新界東北，都係有發展計劃，估計未來交通會日漸完善。但估計唔會短時間內發生，所以你應用現時環境狀況去做考量。

而且，長線新界東北發展，係會以住宅為主。你可以預期人口增長，會比該區職位增長為快。所以，大部份人要工作，都要往外走。

但粉嶺始終跟市區(特別係中環和東九這2個商區)，一定距離，吸引力大減。而且在未來不少新單位供應下，你預這區樓價增長力都會較弱。

雖然投資價值，這個居屋單位唔算高。但畢竟佢入場費有折讓，令你可以有較多資金作其他投資。

而且，從自住角度，居屋都有一定價值。雖然佢位置係有點偏遠，但你要睇翻你長線生活所需，係唔係完全接受唔到。你自己要從便利度,生活所需和價格成本中，自己取個平衡。

------------------------------------------------

Q22584：

龔sir 你好，本人39歲， 太太33, 月入各8萬及6萬。均為專業人仕。 每月連按揭支出約6萬, 有個兩歲大女兒。

擁有自主物業估值約1250萬，欠房貸400萬。

流動資產分佈有大約100萬現金，股票戶口約400萬， 10% faang, 45% tesla, 10%ark etf系列， 15%中國科網，20% cash

曾經試過full time option trading, 但發覺都係打工cashflow較穩陣。如果想發點離開day job， 請問有什麼已經可以提供? 謝謝!

龔成老師︰

首先，你要明白。我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。

用OPTION這類工具短炒，風險十分高，可能你短期會賺，但長線多數都會係虧損收場。所以，你要先調整好你自己對投資想法，再一步步開始你累積財富計劃。

以你39歲年紀，應以增值為主。

由於你已有物業在手，我地可以先集中用優質股，去累積財富，令成個財富組合更平衡。你現持有股票，都合適，但存在2個較大問題。

首先，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你TESLA明顯係超標，如果佢出現問題，你會成個組合，受到嚴重影響。最好你沽少少，換至其他優質股，去平衡風險。

另外，你而家太偏重左係潛力股(全部持股都算係)，佢地雖然有增長潛力，同時風險都較高，不宜持有過多。

以你年紀計，潛力股可佔約4-5成，餘下應用平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

現時大市只在合理區，餘下資金先儲起，等大跌市出現時，才用來掃貨，並長線持有。

------------------------------------------------

Q22585：

龔sir你好，我係你股票班嘅學生。剛剛開始投資，每月可儲大約$20,000，現金有$600,000。想先投資8成平穩增長股票，2成潛力股。

想問吓︰

1）港鐵，盈富基金，領展，長建，金沙，騰訊，小米應該幾錢買入先算合理價錢？

2）月供咩股票會好啲？

我今年28歲，可能2年後會結婚

我有打算每月供比亞迪

龔成老師︰

1) 現時除了小米(1810)現等佢回多1,2成，才到合理區外。其餘上述股票，都已在合理區，可以分注入貨。

而月供的話，現在這些股票，已經可以開始。

2) 當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時28歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資「平穏增長股」和「潛力股」。你每月5成儲蓄，即是用$10000做月供。其餘先儲起，用一邊月供一邊儲蓄的策略。

由於你未有投資經驗，現時先較集中係平穏增長股，都係可以。到你有一定經驗，建議慢慢加大翻個潛力股比重，去提升增長力。

現時大市只是合理區，你現有60萬資金可以先投入10-20萬，用"分注"形式，慢慢買貨。餘下資金和每月所儲倒的資金，就等你累積到一定投資經驗，或者大市出現較大回調，才加大力度掃貨，然後長線投資。

至於比亞迪(1211)，這股經常都處略貴水平。

如果唔夠貨或無貨，而又想買入，只建議月供，在$180以下先月供較好，但如果真的好想儲貨，同時現金足，現價以小注模式去月供，都可以的。

又或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

------------------------------------------------

Q22586：

龔成老師 請問你如何看1024和2160？

我老爸就是典型的跟風熱炒時入了很多積蓄..現蝕了75%現在我不知道可以如何幫他..不希望眼白白看他蝕了辛苦儲下的幾十萬

龔成老師：

快手（1024）最大問題是之前貴，加上監管因素，中短期仍弱。

不過從本質來說，佢係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展。

現價雖然無之前咁貴，但仍未平，可稱為合理區中上，但短期股仍會十分波動，這類股只宜小注，如果持貨%較多，可能要減少少，餘下再守。

至於微創心通醫療科技（2160），是有危有機類，這股如果小注就守住先，但太多都宜減部分。

係一家中國醫療器械企業，專注於心臟瓣膜疾病領域創新的經導管及手術解 決方案的研發和商業化。

佢自主研發的第一代經導管主動脈瓣植入（TAVI）產品VitaFlowTM，於2019年7 月獲國家藥監局審批並隨後於2019年8月在中國進行商業化。

根據資料，截至2021年1月17日，有五款TAVI產品在中國獲批准或商業化，其中，VitaFlowTM是首款使用牛心包作為瓣膜組織的產品。

佢亦推出第一代自主研發的AlwideTM瓣膜球囊擴張導管及AlpassTM導管鞘，使其成為中國唯一一家全面提供自主研發互補性TAVI手術配套產品的醫療器械企業。

VitaFlowTM II是唯一在中國研發並已在歐洲開展臨床試驗的TAVI產品。

除TAVI產品之外，佢目前還擁有五款經導管二尖瓣（TMV）在研產品，通過自主研發及與全球合作夥伴（即4C Medical及ValCare，均為專注於二尖瓣及三尖瓣醫療器械研發的醫療器械企業）的共同開發戰略性地針對所有主流可行的二尖瓣返流經導管瓣膜療法（TVT）方案。

企業有一定獨特性，同時長遠發展不差，不過估值方面就十分難，因為這刻仍未有似樣的盈利。只可以話現價唔算平，因此，這股可長線，等佢更大收成，但要留意一定要控制注碼。

------------------------------------------------

Q22587：

金沙現價可入嗎？

龔成老師：

金沙（1928）長遠仍有質素的。

佢中短期會弱，加上全球疫情反覆，都對佢有不利影響，不過，相信這只是中短期，以長遠的角度分析，企業仍是有質素的。

在正常的經營環境分析，佢持有的資產好有質素，行業本身好賺，雖然疫情略有反覆，但全球疫情最壞的情況，相信已過。佢長遠是收息及平穩增長型。

但由於仍有未知數，加上之前虧損，因此將企業估值調低左。

現水平在大約在合理區中下部分，如果本身有貨，可長線，耐心持有就得，如果無貨，現價已經可以分注，但都要留現金。投資貨要有心理準備，中短期會弱，要長線，企業有長線投資的價值。

------------------------------------------------

Q22588：

你好，我有点想撈1024
好平

有個燈神話 700 见400
搞到我無入货

又叫我入156-157入1772
700@425已经好低

龔成老師：

唔好信其他人，要自行分析企業，無人能預測到股價走勢，巴菲特都話自己唔得。

另外，投資要長線，建立長期組合，你要好好想清楚投資那些股，不要被人影響，不要一時一樣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

快手（1024）風險較高，但業務不是劣質，現價絕對不是平。

騰訊（0700）合理價，但中短期較一般，長遠正面。

贛鋒鋰業（1772）有質素，但風險高。

你好好設計投資組合，投資策略，不要將所有資金，都集中在高風險股。

------------------------------------------------

Q22589：

老師，想問下而家國家講炭中和,新能源等. 媒氣(3) 雖然有成本轉嫁能力 但係咪前景有威脅呢? 唔該

龔成老師：

不會有威脅的，因為佢的類別，部分都是國策支持的。

以長遠價值分析，煤氣（0003）有質素的，長遠仍有平穩增長力。

香港業務增長力未必好強，但中國部分不差，長遠仍有發展力。

我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，是平穩增長型，現價合理區中間至中上。

------------------------------------------------

Q22590：

龔成老師你好，本人24歲, 月入$22000, 每月儲蓄$5000

早幾個月開始月供股票:
2800 $3000
3067 $1000

而家持有:
2800 900股 $28.55
3067 340股 $16.24
1177 3000股 $7.51
1810 400股 $24.85
0823 100 股 $73.30
2638 1000股 $7.67

想請教一下暫時投資方向正確? 可以點樣繼續提升嗰投資組合? 手頭上仲有現金大概25萬, 想趁最近跌市可以入啲貨。

我知道老師你經常提及買入價唔係最重要, 但由於投資經驗尚淺, 唔係好識分咩時候可以買入, 希望老師可以俾啲意見, 多謝!!

龔成老師︰

以你24歲年紀，應以增值為主。你現時月供策略和持股，大致上係無問題。

除了港燈(2638)係收息股類，增長力唔會高，主要係收入股息，以你年紀不宜持有太多，故唔好再加注。

現時大市在合理區，你可以現時再用土5-8萬，去增持一些優質股。餘下資金，就等你有一定投資知識，或者大跌市時，才動用。

其實你現時無投資知識和經驗，對企業估值，點去定平貴未太了解。未來時間，你都係集中用月供或分注模式，去做增值，可以減低買貴貨風險，對你而言會較理想。

以下是一些優質股，都適合你，你可以參考一下。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、粵海(0270)。如果有投資美股，可投資VOO。

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。如果有投資美股，可投資QQQ。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)、QQQ勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22591：

我今年27歲 係一個理財非常保守既人 畢業之後一直只有儲蓄 現在有60萬現金 沒有任何信用卡 負債 物慾也很低 近來有唸法想開始投資 增值

但自己其實好怕蝕錢 龔sir認為我呢個性格係咪唔適合投資？

龔成老師︰

其實我覺得你性格未必有問題，反而係你對投資而件事架理解。

好多人都覺得，我拿住現金唔投資，就無得輸。但你唔明白，你都係在進行投資。你將你用時間和精神賺取的回報，全數投資在"現金"項目之上。

由於現金係可以無限量發行，貶值係必然結果。所以，你長線財富其實就跟住現金一齊在貶值。

你試想下，10年前100蚊可以買多少個巨無霸，現在又可以買多少個。而你收入增幅，有無巨無霸價格升幅咁大，你就明白貶值的風險。

因此，我地必需將現金，轉化成為優質資產(如物業、優質股)，去令財富不會貶值之餘，有一定增值能力。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你27歲，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，應以增值為主，建議你用「平穏增長股」 + 「潛力股」作組合，去創造一個增值平台。

除了現有資金，我都建議你用每月空出來的錢，去做月供股票，去加大你增值能力。

現在你每月先用5成儲蓄做月供。其餘先儲起，用一邊月供一邊儲蓄的策略。

由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

現時大市只是合理區，你現有60萬資金可以先投入10-15萬，用"分注"形式，慢慢買貨。

餘下資金和每月所儲倒的資金，就等你有一定投資知識，或者大市出現一定程度的下跌，才大力度掃貨，然後長線投資。

同時間，你要去多讀投資相關書本、年報，新聞和課程。

書本上，你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

------------------------------------------------

Q22592：

我而家仲持有呢兩隻股票，恆大（708）去到13.7，美圖(1357) 去到1.55

不過依個禮拜佢哋真係跌得好犀利，但係我覺得都既然跌到咁，想搏一搏唔放住，我唔急住要啲錢（投資左各5萬），其實都係期望佢升返等我蝕得少啲，

你覺得係咪都冇希望呢，雖然估唔到佢地發展成點

比阿迪（1211）之前話過可以繼續揸住，而家佢升到258，其實我都仲可以繼續等佢再上，因為我都唔係等住啲錢用，你覺得我當佢長線投資好唔好啊？

我唔知我個想法有冇問題啊，謝謝成哥指點

龔成老師︰

其實這2隻股票，發展潛力係有，但不確定性都好大。特別係恆大汽車（0708）﹐佢現時連第一部車都未有，風險就更高。

所以，當大市氣氛較弱，或者有些負面因素出現，個股價就會有較大波動。

若佢地只係佔你組合好少，你係可以守住先，再觀察。相反，你就要沽少少，去減低風險。

比亞迪(1211)依然有發展空間，但現價已經係開始貴。由於佢有質素，長線持有會較好。

如果你係好保守架投資者，都可以考慮"升一倍，沽一半"，去先收回成本。但當然，長線持有，永遠都係最有效的增值方法。

------------------------------------------------

Q22593：

老師，想問下708恒大汽車近排跌得好緊要，我41.80及35.70有兩手，近期不斷跌，想問下需唔需要止蝕先？

謝謝

龔成老師︰

恒大汽車（0708）雖然可能有潛力，但風險高，佢資金投入的確強，大力發展新能源車，但這些仍未有賣產品真正的實力，長遠能帶動多少收入，未知。

由於仍有好多未知數，而股價已經大升左好多（比半年前），因此，這刻要自己衡量風險。

可能佢真的有潛力，但連基本的銷售銷售都未有，我地作為投資者，就好難分析，只可以話佢股價會大上大落。

由於佢不少市值，係建基於"未來"。因此當大市較波動，或者好似現時有較多不利消息，就會出現較大調整。

我唔係話佢無投資價值，只係不確定性較高，而且母企問題，都令佢風險高左。投資時，必需控制注碼，不能太大注。

若2手佔你總投資好少部份，你可以守住先，再觀察。如果佔較多，建議你最少沽出1手，去減低個風險。

------------------------------------------------

Q22594：

你好, 成哥
1. 1883和6823誰較好?
2. 0012 恆基現價可注?

龔成老師：

香港電訊（6823）會較好。

佢在2020業績出現下跌，由於疫情關係令各國實施的旅遊限制及其他預防措施，導致漫遊收益大幅下跌。

但這個只會係中短線影響，長期業務穩定，見佢近期已正常翻好多。

加上用100%派息的政策，雖然增長力不強，但類收息，這股絕對不錯。

暫時睇唔倒佢長線質素有大改變，長線持有無問題。現價合理區中上部。

恒基地產（0012）有質素，雖然增長力不算好強，但都有平穩增長能力，不差的。

佢始終是香港大型地產發展商之一，雖然賣樓最好賺的年代過去左，但在香港賣樓仍是賺到錢，不錯的。

這股都有質素，單計佢手持農地是全港最多的發展商，就明有一定的價值，當然，農地要發展要好長時間，所以先話這股要好長線。

------------------------------------------------

Q22595：

Sir, 我手持籃月亮10000股，平均價$13.6，現時跌好多。

由於佢係囯內的P&G,所以一直跌都冇走，近期業績轉蝕4000万，好明顯之前係做好條數上市。

多間大行都調底目標價，這樣是否質素已變？是否應該止蝕離場？

龔成老師：

藍月亮（6993）不是劣質，但最新業績令人失望，由於上市前的數據幾靚，因此，有可能佢上市前執靚盤數，這亦是我對新股/半新股有保留的原因。

佢最新的中期虧損約$4400萬元，去年同期純利約$3億元。虧損主因是市場上，其他平台出現過剩的較低價產品，導致佢定價策略及產品在市場上的價格體系受到干擾。

為統一產品在市場上的定價，佢向其客戶提供若干折扣以穩定產品的市場價格，此類折扣對其於上半年的毛利率產生約9%的負面影響。

相信中短期未必強，但長遠，其實又不算好差，佢成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一。

整體有質素，不過之前貴，現價算是合理區中上部，小注持有都可以，當守住先，但如太多貨可能要反彈減少少。

------------------------------------------------

Q22596：

你好，本人30歲，而家月入$28,000，現金有$200,000，月儲$5,000，月供股票$3,000盈富和$1,000港鐵，手持京都物流200股，平均價$45入

1) 應否加大月供股票?

2) 各月供股票應加至多少？

3) 應否再增加其他的月供股票及多少？

4) 京東物流的前景如何？幾時返家鄉啊？

謝謝。

龔成老師︰

1) 以你現時人工計，每月儲蓄佔比唔高。如果你可以的話，最好盡力加大可月供金額，去加快你財富累積速度。

但同時間，由於現時大市只在合理區，每月資金唔好盡用，要留翻部份，等大跌市時出手。

2) 以你現時每月儲蓄$5000計，股票數量已經係可以。長線計，你就要以創建一個有增長力、有質素的平衡組合。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

但指數基金係不受此限。

3) 當你未來每月儲蓄增值，你可以考慮加入一些潛力股。至於佔比重多少，要睇翻你風險承受能力和投資經驗，一般以你30歲年紀計，最多佔4-5成。

但若果你風險承受能力低，或者投資經驗較淺，最好再向下調1-2成會較好，甚至先集中在平穏增長股，都係可以。

4) 京東物流（2618）都有質素的。

京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務，從倉儲到配送，從製造端到終端客戶，涵蓋普通和特殊物品。

根據一些調查報告，按總收入計，這企業係中國最大的一體化供應鏈物流服務商。

2018、2019 及 2020 年，京東物流營收分別為人民幣 379 億元、人民幣 498 億元和人民幣 734 億元。

京東物流於 2018、2019 及 2020 年產生的虧損淨額分別為人民幣 28 億元，人民幣 22 億元及人民幣 40 億元，不過，如果扣除一些非現金流的開支，又未算太差。

佢表示，上市集資所得，部分將用於升級和擴展該企業的物流網絡；部分將用於開發與供應鏈解決方案和物流服務相關的先進技術。

企業有優勢的，長遠發展正面，但中短期股價未必有好強的表現，這股都有投資價值。

現價計唔平，要回到招股價，唔係話無可能，但可能你較長時間。

------------------------------------------------

Q22597：

hi 你好 有少少問題想請教你

如不幸買入了老千股 應該等佢升反再賣 定點處理好

龔成老師︰

其實我地是否持有一隻股票，主要係睇佢質素和前景。

所以，如果你肯定佢係老千股，馬上全數沽出會係最好方法。若你持股較多，真係唔想一次過沽，你可以分段每有反彈少少，就沽出部份。

但最好都係盡快沽出，因為老千股和無質素股票，長線只會愈跌愈深。

------------------------------------------------

Q22598：

龔成老師，你好！本人40歲已婚，與家人擁有兩個物業，一個放租，一個與家人自住，另有一車位放租。而後期買入的自住單位是村屋（地下花園連車位）住了五年，

但一直都不太適應，長遠希望換回屋苑式住宅及有基本生活配套的社區，父母已退休，現金約20萬，每月家用收入約$8000。

而我自己由於公司變化於前年決定離職休息一下，沒有收入兩年，主力靠先生負責開支，現金約30萬，沒有股票。

最近萌生想重組資產的想法，預備到合適時機就換樓，所以想向老師請教應如何配置：

1放租物業： 父母於92年買入的自住單位，現時市值約680萬，供滿後我們於2014年將其加按並購入現時自住的村屋。貸款額290萬而目前負債約240萬，每月供款約$10500 ，
租金收入：$12500另加管理費
2.自住村屋： 於2014年以355萬購入，目前市價約620萬，樓按6成，目前負債約170萬，月供約$9000 。村屋是跟親友一起各自購買分層單位，所以全棟都是自己人，
但若要轉換的話相對也不是即時可以決定。
3. 車位：與放租物業同屋苑，以72萬買入沒有貸款，市值約150萬，租金：$3200
4. 有一間與朋友合資的清潔及維修工程公司，開業5年，第三年開始每年平均可獲分紅10-20萬，可補貼生活開支。
5. 而先生另有穩定職業月入30K，我們近年有一宿舍單位可住，因與家人感情良好，所以現時會村屋和宿舍兩邊住下。

現時想重組的情況是：

1. 由於放租單位較細，短期內都不想搬回原址住，但地理位置生活配套係有優勢，所以傾向先賣此單位，套現現金再轉去投資收息股及購入少量潛力股先增值，
希望讓父母可增加現金流收入同時，亦想嘗試把部分資金增加。然後到物色到合適單位先買，（其中意向是800尺二手單位，或父母搬回市區細單位，我與先生到宿舍住。）
然後待新單位買到後再把村屋放掉。
2. 還是應該先放村屋，負債餘額較少？但先放村屋，就不能慢慢選擇新地方。同埋要與親友分開，而且外婆也在，所以要協調的事較多。
3. 暫時兩層都不賣，到適合走時把村屋放租，再另租地方住？
4. 車位是否不應賣掉？如賣就會轉去買收息股及平穩增長股
5. 以往較少接觸股票，但近半年開始留意老師的FB，希望重組資產之餘，可利用車位及公司分紅的收入慢慢月供一些平穩增長股及潛力股，
希望開始先增值後現金流的計劃（已根據老師在FB的分享開始做了些股票分類），或者老師有甚麼意見？

篇幅頗長，謝謝回覆！

龔成老師︰

我地做財富增值，除了增長力和質素外，都講求平衡性。你現時已有不少物業資產，而優質股則全無，所以未來我地會先集中儲優質股，去令組合更平衡和多樣性。

雖然你現時財富組合，近乎100%在物業部份，但唔代表我地一定即刻去沽物業，買股票。因為香港物業買賣成本好高，除非個物業質素好有問題，或者太細(<300呎)令投資價值不高，否則我比較建議你持有。

由於你現時放租單位，相信係有一定質素，而且大致可以收支平衡，能夠以租養樓，故這物業我建議保留，讓其自行運作。

因為當你將佢換成優質股，我地唔會知道最終，股市是否一定跑嬴樓市，而且買賣成本都唔細，唔建議咁做。

車位方面，其實租金回報率唔算高。如果你覺得佢長線升值潛力不高，可這個部份，可以考慮用來套現。

如果你們宿舍，可適合你和家人中短期居住，你可以考慮將村屋放租，去令你們有更多資金去投資。

如果不可行，你可以維持現狀。純粹用每月儲蓄，去累積優質股，為財富增值。到有一定金額，才考慮賣出村屋部份，去換成目標居所。

大體上，除非你有搬離村屋的迫切性，否則一動不如一靜，因為畢竟2個物業都係資產類，有投資價值。你先用現有資源，去投入優質股增值，到一定金額才去買新屋，相信會較好。

投資優質股策略上，你可以選擇一些「平穏增長股」和「潛力股」。你每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。如果有投資美股，可投資VOO。

潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。如果有投資美股，可投資QQQ。但佢地波動性和風險會較高，你要自己平衡。

由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

大市現處於合理水平，現有資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

但由於你家庭只靠你先生一人工作，我建議先扣起半年開支，才開始投資計劃，會較穏當。

而你家人的20萬現金，同樣可先用一半投資，但目標係一些收息股。餘下一半，都係等大跌市機會。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）。

------------------------------------------------

Q22599：

龔老師 請問6608百融雲已跌超過61%，我係新股抽中，後尾又溝又跌，需要斬倉走嗎？雖然得幾手，但呢只表現最差。

龔成老師：

一般新股都以貴的價上市，因此投資新股半新股要好小心，溝貨一般都不適宜，加上佢業務風險高，有危有機類，更不宜投資太多。

百融雲（6608），係中國領先的獨立AI技術平台，為金融服務業提供服務。根據報告，按2019年收入（已計入精準營銷服務收入）計，集團為中國最大獨立金融大數據分析解決方案供應商。集團主要通過提供數據分析服務、精準營銷服務及保險分銷服務產生收入。

佢係中國累計為逾4,200名金融服務供應商客戶（包括2,438名付費金融服務供應商客戶）提供服務，包括絕大部分中國國有銀行、逾650家區域銀行、絕大部分中國消費金融公司、逾90家主要保險公 司及其他多家金融服務供應商。

佢以大數據及AI技術提供服務，支持金融服務供應商的貸前風控、貸中監控、貸後管理及保險風險管理需求，助其降低所面臨的欺詐風險，並提高其承保及風險管理的效能。

收入增長快，不過未有盈利，風險會有少少高。但長遠有發展力的。

投資價值都有，但估值難，股價上落大，這類股小注投資都可以，但就注意風險。

建議你減持，餘下再守。

------------------------------------------------

Q22600：

我有一個問題一直唔明白想請教

Warren Buffet quote “ rule #1 don’t loss money and rule #2 don’t forget number 1 “
是指one stock or the entire portfolio?

龔成老師：

巴菲特的意思，絕對不是「永遠不要賣出，蝕就不賣」，你完全唔會了他的意思。

他的意思是，投資前，要做極大量的功課，令自己有好大的贏面才出手，盡量令自己不要輸錢。

當他持有的企業質素轉差時，他會理性止蝕，面對問題，有些散戶以為「就算持有劣質股，我一日不賣，一日不蝕」，這是極錯的想法。

你要盡最大努力，去學投資。

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

00:00 開始
00:17 亞洲四大邪術
00:32 水泉澳大媽裸泳新聞
00:50 半夜行中環境安環境
01:07 我拍影片的工作
01:31 攻略1
01:47 什麼時候來中環驚安最佳時機
02:03 銅鑼灣及中環驚安熟食減價時間
02:33 攻略2
03:18 Halloween party用品
03:55 夫妻生活情趣
04:23 化妝品護膚品區環境及推介
05:45 熟食區環境及推介
06:13 攻略3
06:22 如何選購、最短時間找到適合品牌化妝品
07:13 攻略4
07:23 如何在驚安購物不迷路
08:00 有什麼日本藥物售賣及推介
09:06 攻略5
09:15 怎樣在驚安買便宜貨品
09:55 攻略6, 震撼價專區有什麼買
10:41 攻略7
11:44 有什麼在中環驚安最值得買
12:25 驚安獨有高級便當價錢
12:42 日本料理食材
12:52 家品區推介
13:28 攻略9，中環驚安最不值得買的東西
10:41 店舖裏面甜品推介，酒品專櫃
14:35 是咁的環節

#中環驚安之殿堂 #中環 #驚安之殿堂 #日本家品 #香港好去處 #必買推介

Hello大家好我叫阿Tsar,

星期三 15號中環開了間全港第一間地舖的驚安之殿堂

這裏是我主場, 因為由我家行下來好近,

我凌晨下來，在驚安行了兩個小時， 夜行街驚不驚?

你們有否見識過亞洲四大邪術呀?

就是泰國的變性術、韓國整容術、日本化妝術

還有最後一個你知否? 坐穩呀，細路

就是中國的P圖術, 問你怕未? 我就不驚啦

最近香港有單新聞,水泉澳有個大媽在水澗裸泳

驚嚇指數爆燈，何方妖孽? 本來無一物, 水泉澳樹下被發掘

當眾洗鮑魚不知核突,行過溪澗阿叔被嚇窒,

回頭是岸呀,師9!半夜行驚安超好行，

我可以慢慢拍攝，今集資料相當豐富，

可以為你們慳錢之餘，亦可以慳好多時間，

因為我今集會講行中環驚安的十大攻略

當然片尾亦有你們最喜愛的是咁的環節

一向以來，我影片由拍攝、剪接、敘事編排、

旁白、配音、字幕，全部都是我自己一腳踢，

有時在外國的影片我還會配英文字幕

希望你們體諒我的努力和苦心，

看完影片留個表情符號以示支持

幫我用whatsapp facebook分享出去, 功德無量

事不宜遲，快來看看今日的十大攻略, are u ready?

攻略1 , 由於每間驚安都是開24小時,

入來這間店舖的時間，如果你好像我

不怕遇到亞洲四大邪術，你當然可以半夜來啦，

但中環區半夜入來都有橋妙的，星期五、六半夜三點之前

都會好多人, 因為附近有好多酒吧

星期一至五，中環人要返工，朝早10至12點之前

或下午三至六點，中環人還未收工，都會少些人

我星期二晚去了銅鑼灣那間驚安之殿堂

問了員工，熟食便當幾點開始減價，

他們說夜晚十一點左右 ，中環這間我又問過，

夜晚十點左右, 但好短時間就會被人搶購一空，

你太夜下來又不新鮮呀， U Lum U (你諗你)

Weekend就全日都那麼多人, 入舖時間你要知，

買平嘢要費心思，精明消費慳銀紙，啲錢多到鋤大D

攻略2 : 如果你想好短時間，用最少彈藥，

找到自己最合適的貨品，我就跟大家解析這個地圖

這個店舖有兩層，分別是地面和地庫,

當你一入門口，左手面有條長樓梯落去地庫,

正門右面就是這間店舖獨有的高級和牛便當,

我一陣再詳細講，由於收銀處只會是地面的一層，

所以建議大家立刻先落樓梯shopping

行完地庫, 才再行返上地面, 然後附錢離開

地庫樓梯的一面，有成人區，這個我不介紹啦

你們這方面都是專家，拿博士學位程度，

畢業於福建大學 Foking University,

你們自己翻譯吧，樓梯的正面，

有好大個section賣cosplay服飾、頭飾和頭套

店裏亦有好多開party用品，

中環區這類產品需求高，因為有好多party animal

化妝假狗黐執鬚， 搞party勁High Yo Yo Yo!!!

我多年來Halloween都會落去蘭桂坊兜個圈，

參觀別人服裝扮鬼扮馬，

我經常想叫我好朋友阿成扮一種東西

硬是買不到那麼大的size，

搵個Dum Dum套落自己的頭上

其實都不一定要Halloween才買這些服飾呢

夫妻感情好與壞； 知情識趣先至乖

情侶或夫妻, 其實都要經常互相氹大家開心

你買這些服飾, 間中給對方一個驚喜,

譬如話你做人家男朋友/老公，

可以帶這個姣吞吞的頭箍，跟住全身赤裸，

煮返個撚手小菜給你的另一半 ，世事無絕對，

只有真情趣, 男人扮蟹氹條女 ，晚晚興奮治不舉

妝藥區，就位於隔離，好大個section，

有護膚品、好多不同養分的面膜，

hand cream，這隻防水有Q10 ，我有用它，

好快吸收 ，潤唇膏，唇紋太乾會暴露年紀；

男士個咀爆曬拆，血淋淋 ，好難有人想錫下去喎，

除非那位女士真的好愛你啦；落妝用品、

這隻是薏仁保濕化妝水，保濕滲透力高

改善皮膚幼紋、暗啞膚色，夠曬大碌，好抵用

化妝品有些可以即場試用、三分鐘礦物泥，

磨砂膏，有些除了可以磨面之外 ，

更可以磨背脊的瘡瘡 ，女士們背脊的肌膚都不能忽略

否則就面珠滑捋捋，背脊手慘慘就弊啦；

最慘摸落去那位，你男朋友或老公，

他都不想好似摸到榴槤那樣啦， 執執它吧；

這個酵素洗顏粉超級好，我一星期用一次呢

還有些開店優惠限定福袋，

和驚安獨家專有發售護膚品；

肌研維他命面膜 ，精選自日本的豆乳精華，

蘊含維他命H，配合神經醯胺 (Ceramide)，

深層保濕，滋潤肌膚，並有效防止水分流失

4重透明質酸，強勁保濕，能夠滲透入皮膚肌底，

這些天氣一定要做多些面膜，

一路行到最盡頭，熟食是超級推介，不過一早就售罄

熟食旁邊就是壽司和海鮮，海鮮是日本直送，

未經雪藏就由日本送過冰，超級新鮮的

旁邊就有蔬菜水果，亦都有少量電器，

廚房用具、震撼價區，上層多數是零食、酒類、

飲品、甜品、收銀處旁都有熟食便當

影片一路看落去我會詳細介紹

攻略3:由於這裏的化妝品實在太多種類

除非你有用開一隻牌子，這裏買好方便

否則如果你不知揀什麼好，就認住一些標明No1銷量

日本的COSME大賞，完全由消費者評選出來的，

好物排行榜，稱得上是日本美妝界，公信力和影響力

NO.1的年度榜單，換句話講，

每一件上榜產品都是日本消費者真實使用後選出的心水好物

日本有句說話: 一旦發現你公司賣假貨，政府會罰到你破產

如果罰你坐監，要坐到你死；所以日本人不冒這些險

況且，驚安這麼大間公司，亦有其信譽，

別處我就不敢包了， 因為不知貨源呢

所以如果你想試新產品，就要選銷量No1的品牌，

可以放心在這裏買；

花多眼亂睇到你暈，識揀梗係要揀N0.1

鬼咁多人要睇時辰，阿Tsar教路你唔會發Ti騰

攻略4: 雖然我剛剛解釋過這裏的地圖 ，

但由於貨品實在太多 ，你都分分鐘會迷路

來驚安購物， 你會發覺它有一個好大特色

就是每一個貨品種類的貨架上，都有一個POP手繪海報，

POP是「Point Of Purchase」的簡稱 ,

POP廣告形式可讓消費者增加購買意欲，

除了會清楚標明價格、折扣外，

POP亦會加入一些卡通人物和Eye-catching的標語。

大家shopping時最好岳高頭，看完POP有否你想要的貨品

才慢慢細心逐格睇, 有否你想要的產品

好像單單牙膏已經有幾十款品牌，

但醫藥品種類十分少，有少量的眼藥水

這隻荔枝牌子在日本好暢銷，消除紅筋及多種功能

還有醫治痱滋的口内軟膏、胃藥、我去日本旅行時

經常會去食串燒, 由於我好怕食物攤凍

所以我食得好快, 成日因此而胃痛,

我要經常在日本買胃藥，非常有效,

好短時間之內就可以止痛, 這裹都有發燒感冒藥

如果你不看頭上的POP, 分分鐘行過就算,

不會知它們什麼葫蘆賣什麼藥，

香港某間大型超市我已經拍過影片,

他們最近都開了多間日本零售部門在自己超市內

亦有用到POP這種銷售手法在超市裏面

你們有興趣可以看看，我放條link在留言置頂

不過大家的企業文化、顧客購買體驗亦不一樣，

不是你想抄就抄得到的，又有可能會做得更好

‘唔練過唔知邊個好， 消費者兩邊去尋寶

過江龍定係本土 ，賣平啲嗰個I love you so !!!’

攻略5 : 不知是否因為我最近連續拍了幾集影片

都是賣好平的日本貨，所以我發覺這裹價錢都不算好平

但如果你想買平物，就要留意下黃色的價錢牌，

寫明是low price，這些貨品肯定平過其他同類

有些價錢牌寫了折扣呵 ，有些化妝品面膜半價

LITS白色植物幹細胞美白面膜套裝護膚品，49%折扣

必定會執到平貨，又幫你慳荷包啦

我見到有facebook留言，有人問用$20可買到什麼

當然得啦，有些烏冬賣$8.8, 有些零食$9.8,

‘豐儉由人睇黃牌，慳咗錢你就最high

得閒落嚟行下街，戶口多過零，你咪問我Why? ’

攻略6: ［震撼價專區］，最平$1，有$3、$5、$10、

$15、 $20、$50，當中超過30件廚房小物、收納用品等，

$10有交易，比$12店更平， 當中有一套三件的保鮮盒、

密封袋、不同顏色的紙飲管一包，這個超可愛的環保袋$5,

旁邊有些款式更美但會貴些

放入微波爐的膠杯、最適合放在office飲湯用的,

一套兩個殼，最適合我前排買的泰式茶葉，有份量呵

細的是5ml, 大的是15ml, 另外一個5-50ml 的量杯

切蛋器、冰粒格、還有些$20 、$50的

攻略7： 由於地庫那層, 面積應該大過上面三倍,

更多貨品選購，但這裏冇電梯㗎，

所以你在地庫買東西時，要衡量自己能否攞上上一層，

如果會好重好辛苦，好多人會來買餸 ，

地庫這層最入的地方你就找對了

一般家庭所需的蔬菜、蛋、凍肉，

或是火鍋用的烤肉、牛及豚肉

都可以買到。它們亦有「日本森林雞」,

含有豐富維他命E，能防止細胞老化，

食落口有濃沃雞味, 另外亦有海鮮從大海撈起後，

沒有經過冷藏便直接運送至香港，由於未經急凍，

所以吃起來較原汁原味，也相對新鮮。

價錢亦十歷相宜 ，所以好早被搶購一空

是店內非常受歡迎的產品

’豬牛羊蛋菜淥火鍋，海鮮直送要encore

嗌齊老豆媽子同阿哥 ，驚安買餸唔怕打10號波‘

攻略8 ：有什麼最值得買呢 ？

.......

攻略9：最不值得買的物件

我認為這裹的電器，一來選擇少

二來沒什麼用，三價錢不平，有些好細size的氣炸鍋

我自己都經常用氣炸鍋，煮給自己一個人食

你看那麼細的氣炸鍋可以煮到什麼

這裏都有好多日本家居用品，由於我之前拍過2集

深水埗電子特賣城, 裏面都有這些類似的商品

價錢起碼平幾倍, 你們如果第一次看我的影片,

我放條link在留言置頂，你慢慢重溫,

會發現我介紹的地方買平好多

攻略10 ：店裏的甜品和酒品都非常多選擇

............

如果你們一心想來掃貨 ，建議你帶個大些的環保袋

希望我今集的資訊，幫到你們慳錢慳時間

不要那麼快走人喎，又來到是咁的環節啦，

....................................


成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

格價專家 :
selfridges ( 係時候喺網上買聖誕禮物啦, 唔平唔介紹畀你哋啦)
https://tinyurl.com/y28j92b5

00:00 開始
00:08 鳴謝各位網友, 我的家興超市影片”成為youtube熱爆榜”
00:26 過往我一向有拍攝又平又正的購物分享
00:38 大生生活超市賣什麼
00:47 大生生活超市分店地址
01:06 大生生活超市跟家興超市比較
01:42 第一必買
02:13 如何儲存一杯香滑泰式奶茶
02:31 如何製作一杯香滑泰式奶茶
04:34 第二必買
05:22 第三必買
06:05 第四必買
07:41 第五必買
08:54 第六必買
09:50 第七必買
10:49 第八必買
11:28 第九必買
11:40 第十必買
11:55 是咁的環節

#全港最平 #食品超市 #家居用品 #深水埗 #灣仔 #中環 #北角 #天后 #銅鑼灣 #香港仔 #分店 #平價抵買 #筲箕灣 #鰂魚涌 #炮台山 #堅尼地城 #土瓜灣 #旺角 #油麻地 #九龍城 #九龍灣 #紅磡 #慈雲山 #太子 #藍田 #長沙灣 #荃灣 #沙田#大埔 #元朗 #天水圍 #青衣 #將軍澳#屯門 #泰式奶茶

Hello大家好, 我叫呀Tsar,

今日為大家介紹一間好平的生活百貨超市

“大生生活”, 首先要多謝各位有收看、點讚、訂閱我頻道所有網友

原來我的”家興超市”影片, 上了youtube熱爆榜,

我在這裹好衷心多謝各位，日後我要更加努力

做好每一條影片出品，證明你們真的有眼光

我並非因為近排疫症才開始買又平又好的東西

買又平又好的東西，一向都是我做人的作風

趁住現在未可以去旅行，你們可看我徒前的舊片就知道

説回大生生活百貨超市,這間分店在深水埗,

雖然它的價錢沒有家興超市那麼便宜

但比家興超市更多分店，全香港九龍新界總共有30多間分店

我會將它的分店地址放在留言置頂，

連同我之前拍過的平價超市，都一樣會放在同一位置

好等大家番看這些影片時，容易格價，

比較那間方便你們，在你家或公司附近

雖然它的價錢不及家興超市平，但貨品比家興超市更加優質

怎算也平過香港其他大型連鎖超市

所以看完我這條影片，大家購平物又多個選擇啦

我亦在這裏買了些東西，煮給大家看，

一邊會跟大家分享一下廚房的冷知識，

在分享資訊的同時， 片尾亦有你們最喜歡‘是咁的’環節

所以你們一定要將影片看到最尾呀，看完識做啦

幫我用whatsapp facebook分享給朋友，留個表情符號以示支持

事不宜遲，快些來看今日的十大必買, Are u ready?

第一必買， 泰式奶茶專用茶葉手標牌Cha Tra Mue，

400g包裝，乜乜TV mall, 要買兩包才75元,

即平均一包37.5元，我們太耐沒去旅行了，

就在飲食方面懷緬一下過往在外國的日子

這個紅色包裝，原味；另外一隻金色包裝，賣貴好多，

經典茶味，我覺得買紅色已經夠，我剪開個包裝之後，

即刻聞到濃濃的泰國茶葉味， 你沒可能一次過飲完,

如果你想保存得好, 除了用密封的容器去儲存之外

另外一定不可以透光，因為如果你用透明的器皿，

一旦被光線影響到，茶葉會走味，所以大家要在開封後

用不透光不透氣的器皿儲存，打開包裝之後,

一般人會放兩羹茶葉落茶隔, 再去沖滾水

由於我家的茶隔是有, 但不夠大，這隻茶葉好散

好容易煲到一會兒，走到四散，

所以我就用了這個在12元店買的茶袋

你們可以嘗試將茶葉放在絲襪度的，做絲襪奶茶

但要make sure隻絲襪洗過的，和沒有香港腳

首先將三湯羹的茶葉放入茶袋，

水滾後放入茶袋再煲多四分鐘

當然要視乎個人喜好、濃淡分量而定，

但最緊要是在煲的同時，你要觀察茶的顏色，

深竭啡色就適合了，亦都不能煲得過耐

否則會有苦澀味呵，煲完之後，

我將它倒落四分一隻杯裏面

倒三湯羹煉奶，有些人會喜歡這時落砂糖，

但我唔喜歡飲太甜，所以我skip了這個步驟

當煉奶溶在茶裏面，你可以試是否夠甜，

這個時候甜些都不緊要，因為茶剛剛煲好,

會好熱， 一齊見又會加冰和凍水，會將甜味沖淡,

所以現在落三湯羹煉奶ok的

當煉奶溶在熱茶裏面，我們準備一杯冰

將凍水加落去剛已經溶了的煉奶和茶，

溝好之後，就可以倒落杯冰入面，

你想杯泰式奶茶靚仔些，這個時候才落花奶

完成了，落了花奶，茶會滑好多

亦有回甘的茶味,現在覺得自己好像去了泰國

才煲多了的茶,我可以keep在落雪櫃

遲些可以喝,不用再沖過,

只需加花奶和煉奶就ok啦，另外溫馨提示,

罐頭打開之後,要另外用容器儲存裏面的食物

避免細菌滋生, 試過年少畤無知，飲了肚痛

經一事，蔡一智；識時務者蔡一傑，

飲番杯泰式奶茶，來狂情 狂歌 起舞吧

第二必買, 澳洲Red Tractor Flax Seeds 500g,

出面賣45元，這隻是啡色,

另外Flax Seeds有金黃色的

金黃色的價錢比較貴, 一般應用在焗蛋糕上

啡色多數用來炸油或加在日常食品

例如加在粟米麥片,麥皮、沙律都可以做早餐

亞麻籽營養價值非常高,含有多種維他命、

蛋白質、纖維、omega-3

可以保護心臟、減肥、平衡血糖、滋潤皮膚、

促進關節肌肉移動、改進社會風氣，

風魔萬千少男少女，提高年青人的內涵，

刺激經濟，令你玉樹臨風, 提高免疫能力，

是一級防癌高手, 另外亦有亞麻仁籽粉

用來做蛋糕的，冇加糖 ，超級健康 ，

第三必買，奇亞籽的蛋白質更加豐富，

非常適合素食者，出面賣67元

好多人將這兩樣食物撈亂，倆營養差不多

但食法好不一樣 ，我好耐之前都拍過影片

食用之前，需要浸在液體最少15分鐘，

等待奇亞籽外層有一層薄薄黏液釋出，

更能潤滑腸道。兩者比較 ，

食亞麻籽就比較方便 ，不需要等浸水，

立即可以食用，食奇亞籽一定要飲好多水

因為它會在你個胃裏面發大，令你有飽肚感

所以好多人減肥都要用奇亞籽溝水飲，

食了奇亞籽，包你唔會屙爛屎

第四必買，台灣筑拌麵，椒麻香蔥味，

出面賣58元 , 一盒有四包 ，每個麵有三包調味料 ，

油蔥酥、醬油 、椒麻油

高筋麵粉手工日曬， 高筋麵粉彈性比較高

所以入口仍然Q彈,彈高高, 手工日曬，

麵條煮了五分鐘，都不會軟爛，

令到個麵夾起來不易斷, 煲滾水，

才放個麵落去五分鐘, 煲完麵,

你都不會見到麵條 黐住一嚿嚿

放咗落個碗嗰度，首先落咗包醬油同埋椒麻油先，

聞到個香味超級期待，撈勻兩隻油之後，

再落油蔥酥，這樣更加入味，食起上來，

麵條掛上醬料，一齊送入口，更加感覺味濃，

食入口椒麻好香，好順滑，不會太辣

適合不太食得辣的人士，但你有看過我的影片

知道我好食得辣，但個口麻完之後，

辣味慢慢在口裏面滲出來，有些餘韻，

而且一點都不鹹，不像吃即食麵的湯料那麼鹹

所以食完不特別覺得口渴，價錢方面，

在台灣眾多的拌麵之中是比較平的一個，

唯一我覺得麵的size太細,

我不可以當正餐，除非吃兩個才夠

但如果用來做下午茶或宵夜，份量就fit曬

不過如果份量大小小， 價錢可能又貴些

筑拌麵，椒麻香蔥味；分量細少不怕肥

夜晚宵夜是最大權利，食完不會在被竇屙屁

第五必買，Cetaphil 護膚產品, 老實講,

這個牌子價錢跟出面一樣，但我想講一講

這個牌子的背後故事給大家聽

這個牌子曾經在香港消委會60種類的護膚產品

測試報告當中，被形容為平價又滿分的品牌之一

超過70年醫學護膚品牌歷史，溫和不刺激，

0香料 0藥性 0類固醇，適合中性、乾性、敏感

及濕疹肌膚使用，是No.1 美國皮膚科醫生推薦

臨床醫學証實能有效舒緩過度敏感丶紅腫丶痕癢

及乾燥感的泛紅敏感肌膚，

我曾經有一段時間不知是否因為壓力，

搽什麼上面，都好像馬騮屎忽紅色一達達

直到有朋友介紹cetaphil給我，我就冇敏感

有段時間我實在長期用它，之後由於年紀關係

我自己又貪新鮮，轉了用其他牌子

但如果你想買平價的護膚品

選擇一些比較有信心的，我會首選這個牌子

現在轉天氣，你們可以買它的moisturizer，

一大罌可以搽好耐，

舒特膚護膚產品；用後不會乾燥身痕

第六必買, 澳洲蜂膠糖 Propolis Candy

蜂膠（Propolis）是蜜蜂從植物採集而來的

樹脂和樹膠加上自身的分泌物

和蜂蠟而制成的天然膠狀物。

蜂膠多數被蜜蜂用來築巢，具有預防病毒、

細菌和真菌感染的作用。研究指出，

蜂膠含有超過300種天然衍生化合物；

其活性成分具有抗氧化、抗菌、抗炎等特性，

現製成糖果，近排轉天氣，喉嚨乾涸就最好

感冒初期, 嗒返一粒蜂膠糖

好讓蜂膠裏面的營養成分，感冒初期對抗病菌

但最治標治本，當然是預防勝於治療啦

大家記得帶口罩，不要鬆懈呀，

過多兩個月又開始冬天

又到流感高峰期，

預防勝於治療，嗒糖保健唔野少

第七必買， 多款Ritter Sports 朱古力，

綠色是果仁味,出面賣15.9,

有些超市買到20.5, 深紅色是提子果仁、

來自德國的，Ritter Sport以其豐富的產品線

和廣受歡迎的口味，在德國最受歡迎的朱古力品牌。

全世界的Ritter Sport 都是生產於德國

亦會根據各個季節氣候的不同，出售特色的朱古力，

而且限時下架，所以你要收集齊所有包裝，

真的一點都不易 ，只說經典口味都有25款，

如果將來你有朋友去歐洲公幹或旅行

記得叫他們買Ritter Sport 較罕見的口味給你做手信

我小學時候成日食橙色這隻club朱古力餅乾

我會含住塊餅，任由它在口裏融化, 不會咬,

我覺得這樣食可以將朱古力食得耐些,

嗒得耐的朱古力；含多陣好抵食

第8必買，黑豆粉， 黑豆中含有大量不飽和脂肪酸

高達80%，除了滿足人體對脂肪的需求之外，

可以提高腦細胞的活性，增強記憶力、

防止大腦退化的作用。 黑豆是超強抗氧化劑，

可以清除自由基，增強活力減少皺紋的出現，

有延緩衰老、美容養顏的功效。

你可以飲豆漿鮮奶時放些黑豆粉落去一齊飲

容易吸收， 黑芝麻和黑豆磨成粉，都可以

兩種都能保持頭髮烏黑， 如果你不想太早染髮

就要及早認識這些食品啦，第九必買，

台酒花雕酸菜牛肉麵、和花雕雞麵

這個牌子在台灣香港，名字響噹噹,

經常在台灣超市賣斷市，銷量驚人

第十必買， 洽洽 香瓜子，

超市真的賣到痴線那麼貴29.9元

雖然我知道有些辦館是賣緊12.9元,

但非四處有得賣，一場來到，

踏破鐵鞋盧覓雪，當然要幫襯下啦

你們不要走呀，聽完是咁的先

又來到是咁的環節,
......................


成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

大家敲碗已久的環保產品終於來囉
統整了到目前為止用過的環保餐具、用具
也把它們的優缺點跟使用時機都列出來給你們參考
希望能幫助到你們✌️

對了，還是要不厭其煩地提醒各位
千萬不要為了新造型、新功能就衝動購物喔
任何物品都要物盡其用才是真環保🌍


【杯子】

#大象杯 #Elephant Cuppa
優點：大容量、收納吸管、防漏、輕巧(170g)、大開口好清洗
缺點：蓋子不易清洗、裝酸或柑橘類的易霧化(吸管也是)
用途：買飲料專用、出遠門開車、逛街邊喝都方便
價錢：700元（含杯身、粗細吸管、吸管刷、吸管蓋）
材質：[杯身/吸管/蓋子]TritanTX1001、食品級矽膠
容量：700ml
耐溫：-40～100
品牌：台灣 / 產地：中國 / Tritan原料產地：美國
🔸哪裡買：https://elephantcuppa.com/tw/home1/

#Kinto保溫瓶
優點：防刮、質感好、保溫效果好、雙層蓋口設計
缺點：不適合裝飲料
用途：不愛喝飲料愛喝溫開水的人
價錢：1000元左右
材質：304不銹鋼、聚丙烯、矽膠、外層磨砂塗層
容量：500ml
耐溫：保溫保冷6小時
品牌：日本 / 產地：中國
🔸哪裡買：https://www.facebook.com/KINTO.TW/

#仁舟捲捲矽水瓶
優點：可捲起吊掛、收納攜帶性好、750ml大容量、防漏
缺點：不易上手、易殘留味道、清洗不易
用途：爬山旅遊、包包很亂的人適合(可以掛在包上)
價錢：590元
材質：食品級矽膠、PP、PC
容量：750ml
耐溫：(杯身)-40~200 (蓋子)-20~100
品牌：台灣 / 產地：中國
🔸哪裡買：https://bit.ly/30ZJKpv （現正團購中，只到9/17🔥）

#仁舟矽密咖啡杯（現正團購中，只到9/17🔥）
優點：500ml、可折疊、防燙防漏設計
缺點：易殘留味道、適合裝單一飲品
用途：下樓外帶咖啡、外出開會帶著走
價錢：350元
材質：食品級矽膠、PP(杯蓋)
容量：500ml
耐溫：(杯身)-40~200 (蓋子)-20~100
品牌：台灣 / 產地：中國
🔸哪裡買：https://bit.ly/30ZJKpv （現正團購中，只到9/17🔥）

【吸管】

#不鏽鋼吸管
優點：耐摔、耐用、安全
缺點：很硬、看不到裡面、清洗較費心
＊注意原料級別：一般市售常見的是304(食品級不鏽鋼)和316(醫療級不鏽鋼)。挑選時要避免耐腐蝕較差的200、400系列。

#Tritan吸管
優點：輕巧、防摔、透明
缺點：材質容易霧化

#矽膠吸管
優點：柔軟、耐用、適合愛咬吸管的人
缺點：吸附毛屑灰塵，伸進液體裡不太安心，也會吸附味道和染色

【餐盒】

#仁舟矽密盒（現正團購中，只到9/17🔥）
優點：一體成型無膠條、可徹底翻洗、半透明設計、可微波
缺點：邊條非硬質，受擠壓會漏
用途：外帶乾性食物食材、儲存食物
價錢：430-580元
材質：食品級矽膠
容量：600~1200ml
耐溫：-40~200
品牌：台灣 / 產地：中國
🔸哪裡買：https://bit.ly/30ZJKpv （現正團購中，只到9/17🔥）

【餐袋】

#Pockeat食物袋
優點：3000ml超大容量、適合裝麵包、炸物、外帶湯品回家、好清洗
缺點：不防漏、不防燙、無法當做外食食器
用途：大容量裝麵包或炸物、外帶湯水回家
價錢：640-690元
材質：(內袋)TPU可熱塑性橡膠 (外袋)聚脂纖維
容量：2000-3000ml
耐溫：-18~120
品牌：台灣 / 產地：台灣
🔸哪裡買：https://agooday.com/

#Luumi外食袋
優點：防漏最安心、可站立可反折(適合當作外食食器)
缺點：價格較高、收納不是很理想、矽膠沾染毛屑灰塵
用途：外帶食物直接食用、買湯水類宵夜使用
價錢：880元
材質：食品級矽膠、鋁合金(密封夾)
容量：1400ml
耐溫：-40~175
品牌：加拿大 / 產地：中國
🔸哪裡買：https://www.facebook.com/LUUMI.Taiwan/

#仁舟矽密袋（現正團購中，只到9/17🔥）
優點：好收納、可站立可反折(適合當作外食食器)、半透明設計
缺點：矽膠沾染毛屑灰塵
用途：裸買食材、盛裝水果輕食、保存食材
價錢：350-420元
材質：食品級矽膠、Tritan
容量：1000~1500ml
耐溫：-40~200
品牌：台灣 / 產地：中國
🔸哪裡買：https://bit.ly/30ZJKpv （現正團購中，只到9/17🔥）

#米愛林食物袋
優點：防燙、好拿、適合裝小點心邊走邊吃
缺點：容量小、晾乾時間久
用途：逛夜市逛市集、烤麵包帶出門手拿著吃
價錢：250元
材質：棉布(無漂白無染色)
品牌：台灣
🔸哪裡買：https://www.facebook.com/Medodostudio

＿＿＿＿＿＿＿＿＿＿＿＿＿＿＿＿＿＿＿＿＿＿

▋合作邀約 | CONTACT
traveggo@gmail.com

▋追蹤找蔬食 | FOLLOW TRAVEGGO ON
Facebook https://www.facebook.com/traveggo/
Instagram https://www.instagram.com/traveggo
Taipei Vegan Map 台北捷運純素地圖 https://reurl.cc/yZ4Yr8

#素食 #蔬食 #找蔬食