[ 減醣電飯煲真的減醣嗎?] X [ 家營營養師] 即係話口未完， 上個星期一喺新城做節目先講開減醣電飯煲效果未如理想( 可以話係冇用😔)， 消委會就出即刻出咗個報告！ 我哋平時都好多客人問: 究竟減醣電飯煲有冇用呀？好唔好買返個 有一次我同四徒弟Annie 傾開呢樣嘢， 都會話擔心客人深信不疑！😔 個做法就係: 你用呢個煲煲啲飯，未熟曬嘅時候將啲粥水倒咗佢，就等於減醣，但係往往水溶性嘅維他命同纖維就喺啲粥水嗰度， 尤其是維他命b雜、 米油等…… 最慘就係搞到糖尿病同埋正常人都怕咗食澱粉質， 搞到啲人越嚟越唔健康，就係因為呢一啲嘩眾取寵嘅報導！😡 而家太多資訊， 有陣時真真假假好難分，當一個大話講一次，唔信，兩次唔信，三次都好容易相信…… 就好似當年龜苓膏沒有龜嘅成分一樣……😥 消委會唔知可以幾時做返個蛋白奶粉嘅來源報告呢？！ #減醣電飯煲 #你哋真係咁驚澱粉質 #不如好好檢視自己嘅生活習慣 #家營營養師 #營養師Kathy 👉我喺MeWe開咗fans page ar~ 大家search "Kathy 營養師 身營心營" 就搵到㗎啦! ================== 「家營」營養中心 營養師幫您建立健康飲食習慣 每月$3,180，送相等月份保養期 (手機出示coupon，或講得出介紹人名可折至 $2,680)，零雜費 可以選擇最夾自己嘅營養師咖! 銅鑼灣營養中心 Tel: 25034800 旺角營養中心 Tel: 35202640 http://kat-spirit.com/contact/

【#氣炸鍋 用少啲油真健康？高溫烹調一樣釋致癌物😱】⁣ 多宗新型肺炎個案都因群體活動而感染，衞生署呼籲，為咗防止疫情進一步擴散，大家應該減少社交接觸，減少外出用膳同聚餐，盡量留在家中。留喺屋企做乜好？好多人愛上煮飯仔。近年健康飲食成潮流，氣炸鍋非常熱賣，由於聲稱不用油都能造出油炸效果，滿足愛吃又要健康嘅人。不過，韓國消委會早前發現，市面多款氣炸鍋炸出來嘅食物致癌物「丙烯酰胺」超標！為食一族要留意。⁣ ⁣ -------------------------------⁣ Follow @likemagazinehk | 每日送上優質生活Tips⁣ -------------------------------⁣ ⁣ 高溫令成分變化⁣ 傳統炮製炸物方法，就係用熱油將食物脫水，令食物表面卜脆和香氣四溢。而氣炸鍋原理係將鍋內空氣加熱，喺密閉空間內形成循環熱流，令食物脫水同時變熟，得到跟油炸一樣嘅酥脆口感。好多人抗拒油炸食物，因為認知油脂不利健康。所以當知道氣炸鍋唔使用油都可造出油炸一樣口感嘅食物，就覺得用氣炸鍋煮嘢食較健康。然而，食物經高溫烹煮，內裡嘅成分如碳水化合物、脂肪和蛋白質會出現化學變化，而繼而產生加工過程污染物，例如丙烯酰胺（acrylamide）、多環芳香族碳氫化合物（或稱多環芳香烴，polycyclic aromatic hydrocarbons，PAHs）、雜環胺（heterocyclic amines，HCAs）等。研究證明，丙烯酰胺、某些PAHs和HCAs會導致實驗動物患癌，而其中一種PAHs苯并[a]芘（benzo[a]pyrene，簡稱BaP）則可令人類患癌。⁣ ⁣ 偶爾用下無妨⁣ 氣炸鍋嘅發明，為入廚帶來方便，亦為烹調方法帶來多個選擇。不過，凡事有得都有失，使用時要食得安全和健康啲，大家都可以參考下台灣專家嘅建議：⁣ 1 唔建議加熱加工食品⁣ 加工食品本身已加入好多添加物，經高溫可能產生致癌物。而且，部分加工食品如市面有售嘅冷凍薯條、雞塊等，喺製作過程已經炸過，消費者買返屋企再炸，等於二度高溫烹調，有機會釋出更多有害物質。⁣ 2 唔好用嚟煮蔬菜⁣ 蔬菜含葉酸、維他命B、C等營養，高溫會破壞呢啲營養。⁣ 3 控制溫度和時間⁣ 高溫令食物產生致癌物，使用氣炸鍋建議將溫度控制喺攝氏180度以下，免得食物焦化致癌。使用時間方面，盡量唔好太長，食材表面呈金黃色即可，免得高溫烹調太耐，產生致癌物愈多。⁣ 4 食材切大塊少裹粉⁣ 用氣炸鍋烹調食物，食材裁切以大塊為佳，可減少氣炸表面積；另外，食物以原型新鮮食材為主，而且盡量利用肉類本身嘅油脂，唔使額外加油。而且食物盡量少裹粉，因為高溫會令澱粉產生丙烯醯胺。⁣ 5 偶爾用下無妨⁣ 高溫烹調食物雖然美味，但無論用油或不用油烹調，多食始終不利健康。用氣炸鍋煮食，建議一個月唔好超卨次。⁣ ⁣