#bfmurmur1492 我同ex一齊左一年，當時我提出分手，因為大家之間發生太多問題。一開始一齊嗰段時間佢有keep住同佢ex有contact，仲扑左一次野，事後同我講翻，咁佢本身個人有情緒病，我當時好愛佢，唔想佢情緒唔穩定而出事就選擇原諒。 其實佢啲性格一直都好難頂，成日發鳩我脾氣，但我就一直認為要遷就佢嘅情緒病，我要忍。仲有當時佢個ex又成日fol我stalk我，周街講大話唱我，佢地兩個令我生活好困擾。慢慢，我對ex就越黎越淡，分手前佢開始sense到，不過依舊不停發鳩我脾氣。過咗一週年後，我終於忍唔住同佢講分手。 分手後，我係office同個女仔熟咗，傾多咗自己嘅野，覺得同佢相處好舒服好夾，佢好遷就人好識理解人，咁好快就一齊咗。 ex知道咗件事後，瘋狂咁樣話我綠鳩咗佢，分手前我係識個女仔，但我一直有保持同office所有女性距離，分手後先熟。ex就屈鳩我，同柒晒我啲fds講，再自己加鹽加醋。 係哩段時間，佢一直都po頹post比我睇，又話自己綠色力量。之前佢送左一部電話比我，無幾耐我話分手，佢問我攞翻，一時又話要翻，一時又叫我賣咗比錢佢。有部電腦之前我買比佢，佢又話要比翻我。之後又話曾經旅行買左手信叫我出黎攞。而家叫我賣支腳架，但揾唔到人要，一直拖住件事。 哩段時間我就係比佢當老西咁點黎點去，我出咗一兩次，同佢講清楚，佢又依舊唱鳩我。我覺得我講分手係我錯，欠左佢，但都分咗手，點解就唔可以放過彼此。 我唔想因為佢而影響到同而家女朋友嘅感情，點先可以令佢放過我？ 我試過block曬佢所有野，佢就騷擾我身邊朋友。點樣可以唔再拖住要見要幫佢做哩啲野？ 希望各位可以比啲意見，件事就黎有半年，我每晚訓唔好，好辛苦。 sorryfor1999 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig