【龔成問答信箱】（Q19741-Q19760）

Q19741：

hello老師你好，想請教你小小問題，關於我同我屋企人既投資組合既。

問題1.最近我同同事有一D爭執，遇到一班刁民同暴徒爭D想出手打架，因為我係咁叫佢地清倉而家好高位，佢地唔肯聽仲不斷短炒，日玩港股夜晚美股。

佢地而家好睇唔起我，而且覺得玩幾個月就草到首期，自己投資仲勁過巴菲特(回報率，話巴菲特都係21%)，佢地話一星期50%係合格，一睇就知班人太年輕。

所以我知道係時候要清小小貨同埋準備定D現金。不過遇到小小問題

投資組合如下

1810小米@12蚊買入2000股，於25蚊放左1000股手上仲有1000股

6160百濟神州@ 152.5買入200股，月頭買左未放，打算持有3~5年直至佢地王牌藥PD-1係全國/全球都廣泛應用

9988阿里@ 282係10月尾螞蟻唔成功上市時買左一手，而家240~250左右。

問題就黎啦~我手上而家貨值around 8.8萬~9.6萬，但係現金係有小小爆，我用耀才比媽展買大左DD，所以手上冇cash

一直好想清左隻9988佢，留番小米同百濟神州，其他keep cash可以係大跌時有錢入市，你意下如何?阿里巴巴係搵一日升市時沽左佢可以嗎?

另外屋企人比左20萬我投資(仲有10萬備用現金)，我之前落堂都有問過你你話唔建議冇貨，上完堂後幫屋企人建左小小倉
如下

1. 1038長江基建@40.35買入-1000股=40350 (而家42-44左右)

2. 6060眾安在線@35.5買入-800股=28000左右 (而家47-50蚊左右)
Total 7萬以內，而家有13萬cash係手準備大跌入市

買1038因為極度穩健，堅持派息同埋管理層反而趁疫情期間，好積極收購世界各地既公司，既可以去拓展業務/享有成本優勢，而且而家買入價好平。

買6060因為今年你見ZA bank係香港地鐵都有好多廣告搞虛擬銀行，保費收入都有按年上升，而且有國家支持係大陸開始有數位化人民幣既保險服務，仲拓展健康生態圈想學阿里健康/平安好醫生咁樣做線上應趁，醫完病就sell保險。

想問而家組合OK?

問題二: 想問下股災黎到既話，應該係買入新既股票，定係加注係現時手上既股票好?因為我真係R爆頭如果真係有大跌既機會，真係唔知買邊一隻會比較有利?

老師介唔介意講下記得你話舊年3月你係唔同價位買小米，平均成本拉到12蚊之外，仲有冇對手上既股票加注? 你會建議加注手上既貨定係買入新股比較好?

問題三: 今年都因為環球印錢多，都係低息環境，有冇話咩行業會比較有利?同埋係咪會有更多潛力股會受惠?

龔成老師：

1）你唔好同人爭論，第一，根本無意思，第二，幫唔到佢地，佢地有佢地的想法，第三，你會被佢地影響情緒，投資好需要「理性」的，第四，唔好估頂，唔好叫人賣晒D股票，無人知個市幾時跌。

你唔需要理會別人，我地只要做好自己就得，這事情多遇過無數次，不用理會，不要浪費自己時間。

我唔建議你減晒所有貨，點都要有基本的貨，無人知股市是否會回落，無人知。最重要是「平衡配置」。

至於你持有的3隻股，都有質素，其實都可以長線。如果可以當然全部持有，但如果一定要賣，其實都難選，你賣阿里（9988）都可以的。

至於你家人，長建（1038）無問題，但眾安（6060）唔建議持有太多，始終資金是你家人，承受風險能力會較低，而這股風險會高少少。小注可以。

2）當股災時，最重要是建立組合，以及買入較有投資值博率的股票。例如某類股跌得最多，值博率最高，而長遠潛在回報最高。

上年疫情初期，當時股市出現恐慌，我主力入3隻，比亞迪（1211）大約$40增持（這股一直都是我最大持股，大部分貨只入不出）。小米（1810），平均價$12。必瘦站（1830），當時應該$2，因為認為佢因疫情打擊，股價跌，較平，但長遠無事。

3）其實最重是分析業務發展，低息可能對有些行業利好，例如地產，但如果本質增長唔強，都唔能夠叫最有利。

------------------------------------------------

Q19742：

龔sir, 請問如何分析一隻股票， 要睇d邊幾方面？ 謝謝

龔成老師：

可以十分多，因為買入股票，原理就是買入一盤生意，一間企業。

要分析企業的業務、生意、盈利、現金流、產品、管理層負債、前景、行業等。同時要進行企業估值、年報分析、財務比率分析。

------------------------------------------------

Q19743：

我齊了龔老師12本書的，已看了50潛力、財務自由行，80後百萬富翁和股票勝經，請問餘下的閱讀次序是建議哪幾本？

以下還未看的：
80後2百萬富翁
80後3百萬富翁
大富翁致富藍圖
50穩健收息
50值博倍升
選股勝經
年報勝經
5年買樓4部曲

期待你4月份出的新書，務必第一時間購買！

龔成老師：

可以，其實最初你睇《80後百萬富翁》、《股票勝經》
《財務自由行》，之後再睇其他就得。

而《年報勝經》則較深，可排最後。《5年買樓4部曲》，則前後次序無所謂。

好！多謝支持！保持進步！

------------------------------------------------

Q19744：

你好
請問1919/3188點睇？

龔成老師：

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。預佢之後只能平穩增長，未必是高增長類，現價合理。

華夏滬深三百（3188）投資目標為追蹤滬深300指數的表現。

中國企業長遠有增長力，這基金都有投資價值，不過內地股市的特點就是波動性較大，價格上落會較大，因此，建議以慢慢分注或月供的模式投資，買入價長線持有，相信是不差的策略。

------------------------------------------------

Q19745：

龔sir,自從9月上堂後，自己對投資股票嘅信心大左，最近三個月我花左好多時間去研究唔同板塊嘅大約10-15隻股票

但帳面值只係跑贏恆指1-2%，計埋收息仲會跑輸盈富基金，所以我想轉變策略，希望老師幫忙評價一下：

我打算將現時近半資金轉到盈富基金，餘下資金則專注4-5隻潛力股，咁一來收息及增長有基本保障，二來又可以更專注研究個別潛力股

避免因要分散投資而買入不夠熟悉既股票，請問咁做可行嗎？謝謝老師

龔成老師：

第一，學投資是一個好大的課題，你仍要不斷睇年報、用評估表、不斷研究分析企業，先可以有較明顯的回報。

第二，不要用短期的回報，去衡量投資的好與壞，我投資比亞迪（1211）12年，過往回報一直不太高，是近年才變成10倍回報。

你可以將部分資金轉到盈富（2800），餘下部分投資潛力股，可以的。你要慢慢了解自己的實力，之後可以再作出調整。

------------------------------------------------

Q19746：

老師，我剛升職加人工想重新整理下月供組合 由現時月供
2000盈富
2000小米

改成
3000盈富
2000港燈
2000恒生

目標希望有增值及收息平衡發展
定還是應該分3500 盈富 3500恒生？
只供2隻比較好？

龔成老師：

上述都是有質素的股票，都可月供，轉唔轉，好睇你的投資目標，原來的組合會較有增長力。將小米（1810）轉成新組合，就會比較保守，因為新加的兩股都是收息股，增長力有限。

當然，投資收息股無問題的，最重要是「適合」與否，如果你想減少風險，的確可以轉成盈富（2800）$3000、恆生（0011）$2000、港燈（2628）$2000。

------------------------------------------------

Q19747：

龔sir 其實你會建議以股待息還是直接要現金息呢？

龔成老師：

以股代息就是你收息時，唔要現金，要股票。

首先，你一定要長線投資的，因為佢會派碎股比你，所以你最好以不斷儲股，每次都收息的模式進行。如果你不怕有碎股，基本上可以進行的。

第二，只有優質股才可進行。

第三，換股價是否合理，若果現價合理，可以進行。

------------------------------------------------

Q19748：

龔sir，我手上大約有10萬現金可投資中長線股票，不想月供股，請問應該如何選股及分配？

想重新整理好投資計劃，我想在兩年內增值至100萬有機會嗎？謝謝龔sir！

龔成老師：

要兩年將$10萬增值至$100萬，十分難，除非你面對過高的風險去追高回報就有機，但不建議。如果要完成目標，反而建議你在這2年，同時加大儲蓄去投入資金投資。

你可以投資「平穩增值股」+「潛力股」，不過，由於潛力股要求你有一定的投資知識，加上現價唔平，因此這刻不用急著投資，你可以集中在平穩增值股先，潛力股小注好了。

你可以自行分注去入貨，暫時可以將$5萬入後，餘下$5萬留現金。

你可以考慮盈富（2800）。

另外再加1、2隻：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股可考慮：安碩恒生科技（3067）。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

------------------------------------------------

Q19749：

你好老師，請問對吉利汽車有什麼看法？佢最近上得好快，有冇潛力好似比亚迪咁爆上？現價會否太貴？

龔成老師︰

吉利（0175）本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。這不單有利佢有中國發展，同時長遠，可能加快了海外發展速度。

未來電動車將為汽車業帶來很大發展空間，吉利在電動車方面技術都有，但唔算好高，但最近有合作發展，因此長遠正面。但相比比亞迪（1211），這方面優勢未及，故對這部份唔好有過高期望。

現時價位在合理區頂，甚至有少少貴，股價波動，有貨可長線。

------------------------------------------------

Q19750：

龔成老師，我想問下 手持

3399 $4.96 1000
148 $26.4 2500
005 $44 400
1038 $46 500
700 $565 100
1475 $7.4 5000
1810 $24.2 1000
3690 $255 100
9988 $279.4 100

現考慮1475，148 是否換馬
700 ，1810 是否加購
有推薦股票 或 建議

想於年中到年底 吐現入市500 萬左右樓 上車 手持70 萬現金 。月入35000
謝謝

龔成老師︰

你持有股票，大致都有質素。但由於你年中要套現置業，時間唔長。

策略上，應開始慢慢分段沽出持股，去拉平衡個賣出價，去減少個價格波動，影響你回報。

至於新和現有資金，也最多只可做定期，以免因股市波動影響你置業計劃。

你可以留部分較優質的，例如美團（3690）、騰訊（0700）、小米（1810）等，而建滔集團（0148）可考慮賣出（不過這股並非無質素，只是考慮你想買樓，其實要開始套現）。

------------------------------------------------

Q19751：

老師你好，好後悔而家先向你學習財務自由既概念，已經遲左好多，希望追得上

我今年40歲，月入四萬，流動資金十萬之下，但係我有個約值六十萬既車位。

近期考慮緊係咪應該放左個車位，改上車買私人樓（四百萬左右，按九成），老師你覺得我應該上車，定係用六十萬係股票市場作長線投資，倍大個資本先呢？謝謝

龔成老師︰

這個好睇你有無即時實際需要，如果無，你可以用股票都去增值一下先。到樓市有較明顯回調，或者找到荀盤才出手。

現在你用每月5成儲蓄，去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）。小注加上恆指科指ETF（3067）都得。

現時大市只是合理區，你現有10萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於車位，你可以用租金回報率去睇下佢值唔值得持有。現時一般車位都好低，你可以考慮將佢沽出換至其他優質資產上去做增值。

------------------------------------------------

Q19752：

龔成老師你好，我今年很開心，投到白居二， 並計劃在2021 年6 月-12 月買入約500 萬的物業

現在有流動資金40 萬

但由於不肯定半年後的樓市是怎樣，所以想請教有沒有方法令40 萬穩賺/ 有無一些方法令這筆資金增值，
因為我不想這筆資金在銀行做定存

龔成老師︰

由於你計劃在半年至1年內買樓，筆資金有明確目標，投資要好保守。

如果只有半年，我建議你最多做定期。如果有一年以上，你可將小部份放在收息股去收下息，但比重唔可以多，因為股票始終都有波動性風險。

記住，你這筆資金重點係保本，而唔係增值。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548）。收息基金（3110）都得。

------------------------------------------------

Q19753：

龔sir，小弟好耐之前係4.13買入中集安瑞科（3899.hk），睇中佢主營業務市佔大，有護城河

近期升咗唔少，想知點樣可以判斷離場價位

龔成老師︰

中集安瑞科（3899）主要從事廣泛用於能源、化工及液態食品行業的各式各樣運輸、儲存及加工裝備的設計、開發、製造、工程及銷售，並提供有關技術保養服務。

睇翻過往的業務情況，大致穩定，但有時會出現了一些盈利的波動。質素算是中等，規模不大，略有風險。

投資值博率只是一般，但不是零質素，這類股，只宜小注。

如果佢佔你組合比重較高，你可以現價賣出部份。又或未來就以"升一倍、沽一半"架策略，都可以。

------------------------------------------------

Q19754：

halo 龔成老師, 我係一個fresh grad, 手頭有兩三萬流動資金, 依家想幫自己制定一份投資計劃,

但係又唔知應該從何入手. Follow咗老師你嘅FB兩三年, 知道你一直鼓勵要做投資, 無論資金多或少, 所以想請教老師, 我應該如何入手?

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時的年齡，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資"平穏增長股" 和 "潛力股"。建議你找到工作後，將每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177）、福壽園（1448）。但佢地波動性和風險會較高，你要自己平衡。

若你不懂選股，可以先用盈富（2800）做目標。到有能力時，才選我介紹的股票。

現時大市算是合理水平，你可以現價先入一手盈富。餘下資金和每月5成儲蓄，我地就等機會，當大市出現較大回調，就加大力度掃貨，然後作長線投資。

------------------------------------------------

Q19755：

龔sir，想請問港㡠現價$7.7及香港電話訊$ 9.98是否平價可以大手買又嗎？

龔成老師︰

港燈（2638）和香港電訊（6823）都是收息股，增長力唔大。

若你目標係每月有平穏現金流，這2隻股票都合適。

現時香港電訊股息率有7%，才分注入貨。而港燈只有逾4%，只小注好了。

------------------------------------------------

Q19756：

老師，我有幾個問題

1）本人持有小米1810股票
$24買入

本身目標想$40放，係唔係再等下，因為又想唔放，當草錢3年後換樓

3年後小米會唔會股價都會過$100，驚放左買唔番之前買入既價

2）如果月供股票比小朋友等將來可以讀書用，每月$5000會唔會太多，定將錢作其他用途投資好？

3）現在買股票投資，應該買那隻較好？
謝謝

龔成老師︰

1） 小米（1810）有質素，但中短期會到那個價位，或者幾時會到$100，無人會知。但長線計，佢架質素一定會反映係股價上，所以建議你長線持有。或者你用「升一倍，賣一半」的方法都可以。

2） 這個視乎翻你自己經濟能力，和將來你小朋友讀書開支要多少。

（假設你可儲5年以上） 你每月有$5000可以投入，你可以一半供盈富（2800）。餘下一半，等大跌市才掃貨。

3） 投資選項會睇翻你人階段，相信你係年青至中年之間的人士，以下股票適都適合你。若你偏年青，潛力股可多一點（大約4成內）。相反，你較近中年，潛力股就唔可以咁多。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或

潛力股︰中生（1177）、福壽園（1448）、安碩恒生科技（3067）、港交所（0388）、阿里（9988）、騰訊（0700）。

部份潛力股現價偏貴，現在只有中生、阿里、安碩恒生科技算在合理區頂，可小注。

現時大市只在合理區，資金唔好咁快用晒。要留有一部份，等大跌市出現時，才用來掃貨。

------------------------------------------------

Q19757：

呀sir，請問下你覺得3319同6989邊個潛力度高d？thanks！

龔成老師︰

雅生活服務（3319）不錯的，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

卓越商企服務（6989）主要於中國提供物業管理服務及增值服務，亦提供金融服務、公寓租賃服務以及軟件開發及技術維護服務。

暫時睇佢都有投資價值，但此股上市不久，無乜數據可以參考。所以，估值上較困難，現時不宜太大注。

整體質素，雅生活服務（3319）會較好。現價在合理區頂部，入貨要慢慢分注。

------------------------------------------------

Q19758：

老師，其實我今年19歲，想買啲增長率，潛力比較高既股票，有無一啲股票既優質，同時現價 比較合理?
大約$50000左右作為投資資金

順便想問一問埋呢，隻2186 我見其實都係有潛力，點解 會跌穿4.0咁多。有無話有啲咩因素導致佢呢個結果?

龔成老師︰

你現時的年齡，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資"平穏增長股" 和 "潛力股"，以下都是一些適合你的股票，你可以參考下。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

潛力股︰安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。

雖然你年紀可承受較高風險，但我地選股除了有增長力外，整個組合平衡性，都係好重要。我建議你"平穏增長股"和"潛力股"比重各佔一半，咁會較理想。

現時大市只是合理區，你現有5萬資金可以先投入一半，用"分注"形式，慢慢買貨。餘下一半就等大市出現一定程度的下跌，才大力度掃貨，然後長線投資。

同時留意，潛力股中部份價格已偏高，現時只有中生、阿里、安碩恒生科技算在合理區頂部，可分注入少少。

綠葉製藥（2186）正面的，佢主要銷售腫瘤科、心血管系統以及消化與代謝三個領域的新藥品，基本上都係有市場的，加上佢過往的生意增長唔錯，市場仍發展中，所以長遠不差。

但近年佢質素的確有少少轉弱，但不是全無質素，不過，這股本身的風險較高，唔建議投資得太多。現價只是合理區位置，小注投資係可以。

------------------------------------------------

Q19759：

龔成sir ~~自從follow 你之後已經開始月供股票，
不過早幾年誤信朋友比d number 有幾隻都蝕左好多，想問吓你意見應該斬纜定等下先？

931: 20000股 $1.7
1195: 16000股$0.63
6869: 1000股 $34.4
582: 2400股 $9.85

現時大約有40萬股票，現金流冇問題，想問吓你覺得呢啲股票有冇機會升返少少？

有啲真係輸咗9成，好辛苦先儲到幾十萬輸晒喺呢啲number 到真係好傷心！

我而家唔會再信呢啲消息，已經跟住你本書買啲股票收息，希望有日可以歸本。

龔成老師︰

我地買入一隻股票，一定要知道佢質素、行業前景、財務狀況等，才去投資。如果連間公司點賺錢、於行內有乜優勢、點解未來有發展和增長潛力，都答唔倒自已，咁就要停一停，唔好投資住。

中國天然氣（0931）、京維集團（1195）、藍鼎國際（0582）年年虧損，唔見有投資價值，建議沽出。

長飛光纖光纜（6869）有算質素的，但有轉弱的情況，但未算壞。

佢長遠的增長力仍在，因為全球光纖光纜市場，仍會保持向上，智能手機、互聯網、大數據等科技，成為了行業的推動力。

長飛光纖之前受惠三家國有電訊營運商發展網絡基礎，所以生意算是不差，但這亦令這公司出現風險。之前中移動的中標結果，佢排名唔算前，這反映市場競爭有所加劇，佢的賺錢能力有可能略有減弱。

整體上，質素仍在，但增長與賺錢能力就有就減弱，投資價值仍在，現貨可以守住先，唔好加注。

這些贖回來的資金，等你先增值投資知識，才再入市會較穏當。你可以睇我寫架"80後百萬富翁"、"財務自由行"和"股票勝經"，會幫到你。

月供方面，你可以睇翻自已年紀，去做配置。年輕時，可以用"平穏增長股" + "潛力股"，到中年"潛力股"比重要減少，到近退休應集中在"收息股"上。

平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（0823）、希慎（0014）、太古地產（1972）

潛力股︰中生（1177）、福壽園（1448）、安碩恒生科技（3067）、港交所（0388）、阿里（9988）、騰訊（0700）、舜宇光學（2382）、小米（1810）

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548）。

------------------------------------------------

Q19760：

老師你好，我岩岩出黎做野冇耐 岩岩入股票市場
最近聽你介紹 01686 都有去睇番佢啲資料

係7.2 果陣 買左1000股 試吓入場

黎緊 想睇下 買比亞迪 或者 小米 或者 匯豐
想問下你 意見 大概咩價錢係合理價位 謝謝你

龔成老師︰

新意網（1686）有一定的質素，穩定的租金收入，強勁的現金流，加上行業的增長潛力，都令這股有投資的價值。

近年由於高速發展，令負債增多了不少，是一個風險。整體而言，值得長線持有。

而你很年輕，投資時應以增值為主。匯控（0005）只係收息股，增長力麻麻，唔適合你。

比亞迪（1211）和小米（1810）都適合你，但現價偏貴。前者要回到$120才算合理，而小米最少都要回多3,4成，才可以開始慢慢分入貨。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q18881-Q18900）

Q18881：

老師我係你學生，我想問分析ROE、毛利等財務數據時，是否不能單純數字分析，還需要很多長遠目光和對經濟的了解？我仍未能完全掌握。

龔成老師：

其實當我地分析財務比率時，你不能只睇數字，要同時配合「企業」、「大環境」。

例如今年盈利比上年度上升了10%，而ROE下跌了3%，你要分析，點解？

你首先要分析翻，佢收入點解會上升10%，分店多左？加價？大環境向好？其他行家的情況如何？

之後要睇翻ROE跌的原因，是盈利下跌，再投資方面的回報較弱，還是甚麼原因，當我地分析ROE時，往往要配合派息比率及負債因素去進行分析。當然，我會較建議分析長期的ROE情況，而不是個別的一年情況。

但你最重要記住，數字是死的，我地作為投資者，一定要將佢「意義化」，要配合當年的企業經營情況、大環境，去配合分析。

------------------------------------------------

Q18882：

Ar Sir, 1446鴻福堂，我研究過企業是有質素的(對員工好，今年又派特別息比小股東)，但打不入內地市場，今年上半年疫市竟然也賺了一些。

將來也衹可以主力本地市場，佢地話稍後會嘗試打開外地市，甘Ar sir你點睇佢地將來的發展和賺錢能力?

鴻福堂上市5年，但股價現在是0.450，你會否認為此企業被估值低左呢?

是否值得現在投資呢?

Ar sir, 甘有時會出現企業質素好，但唔代表賺錢能力強的情況嗎?

龔成老師：

鴻福堂（1446）質素算是不過不失，未算高質。產品都有一些支持者，但發展力卻不強。

睇翻財務數據，每年盈利不高，生意多年來無特別增長，反映佢在開發市場方面，只是做得一般。

現價算是合理，無低估，但就唔見到有好大的投資價值。

------------------------------------------------

Q18883：

老師你好，我一直不懂投資，直到幾年前在公司同事遊說下，嘗試接觸投資股票，但因為什麼都不懂，他說什麼好我就跟着買什麼，結果幾年下來買的一路下跌

以為等着等着就可能會上升，但似乎越跌越多，我就開始嘗試去看一啲投資書籍，才發現自己一直犯的錯誤，我想問問老師

我應該繼續擺股票一直等上升返，還是應該賣晒佢，換一啲有實力前景的公司，因為擺下擺下都已經蝕左唔少，我應該點處理？

龔成老師：

首先你要明白一個概念，我地持有一隻股票與否，關鍵位是企業質素、前景，不要被買入價影響。買為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

------------------------------------------------

Q18884：

老師你好:我今年27歲。持有以下股票，但不知道應不應該繼續持有，定沽左部分購入更有潛力如9988或1177？

2128中國聯塑 $15.79@2000股
3662奧園健康$8.1@3000股
1810小米集團$15.29@3000股
2013微盟集團$10.16@4000股
1448福壽園$6@4000股

感謝你繁忙中解答! 祝安好!

龔成老師：

上述都是有質素的股票，其實你可以長線持有，只是部分潛力股，可能風險度會高少少如微盟集團（2013），你佔組合的比例就不宜太多。

記住，買入價不是重點，重點是該股的質素、前景，你持有的比例。

至於阿里（9988）與中生（1177），你都可以加入的，阿里就最好回翻D，而中生現價就可以開始小注。

現時大市合理區，未算平，你都要留有一定的現金在手。

------------------------------------------------

Q18885：

Hi 我儲蓄唔多，家庭開支太大。我有14萬，如果拎呢舊錢去投資， 買收息股， 想穩年年收息， 揀邊隻好？

如果想買阿里巴巴其實咩價位入最好？美國大選係咪會影響股市會下跌架？

最後如果我想買你既書睇， 邊本比較好？ 因為我係新手學買股票

今日去買左3本你既書

我都好耐無睇過書。

想問9988，如果想長揸，依家個價買係咪會太高？
應該大約幾錢入？

仲有1810我都想長揸，依家呢個價入都可以嗎？

龔成老師：

首先，你要想清楚自己的投資方向，想收息，還是增長，自己的風險承受程度如何。

至於中短期因素，就唔需要太著重，最重要是期的財富配置。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

阿里（9988）是增長型的股票，風險較高，最好回翻少少先，至於小米（1810）都是潛力股類別，但最好都是回翻少少先買。

如果你較初階，建議你投資ETF。

例如盈富（2800）。如果想較高增長，就安碩恆生科技ETF（3067），不過現價唔平，如投資，只能小注慢慢入，或月供。

你保持閱讀，增加左基本知識先，投資唔好急。

------------------------------------------------

Q18886：

老師點睇303，我見佢都幾賺＄，派息都吾錯，但書中沒介紹

龔成老師：

偉易達（0303）作為收息股，可以，但增長力就不算強。因為佢近年有些業務正向下，這會令股價向下，所以無無介紹，去到現水平，算是合理，股價相信唔會再大跌，投資值博率開始出現。

雖然近年的股價較一般，但本質都未算差，但就唔叫好強。

佢過往派息比率高達9成，成立於70年代，業務是電子產品，這麼高的派息，反映管理層明白這公司已過了最高增長的年代，之後只會是平穩增長。

公司已不需要每年投資發展，反而管理層、大股東，偏向想收息，因此這是重派息多過重發展的公司。

雖然佢係某些業務做得不錯，但發展心不強，同時大環境並不是高速增長，故相信佢之後都會平穩。近年這公司的生意，都是平穩增長，如果比較幾年前的盈利，都是差不多。

如果你目標係收息為主，此股可投資，但不能太過大注。

------------------------------------------------

Q18887：

龔sir，您好，今年年頭已經在Facebook專業看你關於投資的知識，還買了《80後百萬富翁》《50優質潛力股》學習，但我本人比較保守，遲遲都不肯動手，終於在今個月買入了幾隻股票。

本人23歲，有現金50萬，現持有：
2800 [email protected]
2382 100@130
1177 [email protected]
1928 [email protected]

還想入0027，現價合理區中部，我比較想直接入一手，你覺得可以嗎？

我唔係太想月供，因為我覺得月供回報好慢，但我明白可以平均買入價，所以好難做決擇。

還想入1211，但現價略貴，你覺得回到幾多可以直接入一手。

另外2382轉換去0285你覺得好嗎？這兩隻股你點睇？邊隻潛力會較高？謝謝龔Sir

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

所以，你現時23歲，唔需要太保守。而現金要適當運用，當然，現時大市未算平，唔能夠盡用現金的。

現時你持有的，都是有質素的，可長線。

至於現價加銀娛（0027），可以的，但要留意賭業佔你的組合比例會開始多。

如果唔想月供，就自行分注入，但就要留意現時股價未算平。

至於比亞迪（1211），最好去翻$80先入，當然，未必見到，如果好想入，最好都去翻$100以下先分注。

舜宇光學科技（2382）與比亞迪電子（0285）都有質素的，不過現時比亞迪電子，所以，你持有舜宇就得。

------------------------------------------------

Q18888：

龔sir, 小弟今年24歲，月入大概3萬至3萬5
每月有一個月供九千既15年基金計劃

到年頭先發現到咁係好傻既儲法，之前都試過炒牛熊結果輸左幾萬蚊，之後買左龔sir幾本書睇發覺要改變投資策略

然後而家扣曬家用洗費每月大概有五千蚊放係股票市場
而我而家拎有既股票係

港股
788 @1.5 16000股
981 @26.95 500股
1368 @3.09 3500股
1810 @10.4 2400股
2638 @7.43 500股

中國股票市場
601985 @4.39 600股
2665 @2.6 1200股

想請教一下呢個投資組合算吾算合理/合格，亦想了解一下有無繼續投資落去既遠景，唯一好岩心水既小米已經升到成18蚊，仲好吾好繼續買貨，定係等佢回一回？我自己對呢間公司既信心就好大下。

請龔sir俾啲意見賜教一下，多謝你

龔成老師：

衍生工具好難賺錢的，之後唔好再玩。

至於基金計劃，要具體分析先會知當中的質素。不過，月供$9000可能有點多。

至於現時持有，我無特別分析內地股市。港股方面，持有的相是有質素的股，大致上無問題，中芯（0981）唔建議大注。

中國鐵塔（0788）、小米（1810）可長線。小米開始貴，唔好心急加注，原有貨要長線持有。

特步國際（1368）都可以，但質素不算最高之列。

港燈（2636）只是收息股，未必適合你的年齡。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你的持有大致無問題，現時大市未算平，如果要入貨，要慢慢分注入，唔好太急，要留有現金。

------------------------------------------------

Q18889：

Hello, 本人有一物業，銀行估價300萬，現收每月租金6300，如果賣了，買股票收息，能達到財務自由嗎？

有推薦的收息股嗎？感謝

龔成老師：

假設套現得到$300萬現金，之後全部投資收息股，但到5%股息。

一年預期會收到股息，$15萬，每月平均會收到股息$12500。能夠財務自由，就要睇你的消費金額。

要留意，投資收息股，最好只作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜，因此買入時宜分注，同時不能用盡現金。

------------------------------------------------

Q18890：

龔老師妳好，請問港鐵00066而家入算抵嗎？

同埋小米集團01810
係咪都屬於回落緊

感謝龔老師

龔成老師：

港鐵（0066）現價合理，可以分注投資，長線持有，這股有質素的。

至於小米（1810）有質素及增長力，不過，現價唔算平，去翻$18以下會較為合理。所以最翻落少少先開始分注。

------------------------------------------------

Q18891：

老師你好！ 家人之前幫我買了00136, 10萬股 已蝕了8k，00871, 10萬股蝕了35k, 02858, 一萬股蝕了60k, 還有02882, 10萬股蝕了38k， 現在 應該怎麼辦

龔成老師︰

恒騰網絡（0136）比較麻煩，因為暫時的業務賺錢能力仍弱，不確定性大，你唔好再加注。如果佔財富太多就減持，如果不算多，就持有先，到反彈到一定程度後就慢慢賣出。

中國疏浚環保（0871），業務不佳，5年有3年處於虧損狀態，投資價值不高，加上核數師意見中，曾經出現了修定報告，這反映當中有少少問題，但其後算是調整翻，但這都反映，這企業有些地方有古怪，要小心。

近期股價大幅波動，炒多過實際，風險高，因此對這股有保留，賣出會比較好。

易鑫集團（2858）企業仍處於燒銀紙的狀態，這類股風險較高，不過，我唔敢話佢完全無潛力。

這類股估值難，不確定性較高，只可以話，小注好了，暫時我未能確定佢業務真的向好。

香港資源控股（2882）主要透過全資附屬公司勝力經營電鍍化工品貿易業務。另外，透過收購香港珠寶零售連鎖店－金至尊品牌，去踏足珠寶零售業務。

此股連年虧損，再加上2019年在核數師意見中出現"保留意見"，代表盤數可能有問題。建議你沽出，轉至其他優質股。

睇翻你以上持股，質素上都比較唔理想。我建議你在再投資前，去多讀投資相關書本、年報，新聞和相關課程。提升自已選股能力後，才再出手。

------------------------------------------------

Q18892：

請問的士牌是一個好投資嗎？

龔成老師：

的士牌，現金流工具，好處係投資者可利用借貨，付首期購入的士牌，然後收取每月穩定的租金收入，原理與買樓收租一樣。

按揭成數高、管理不難、買賣成本低、限制少，所以都是一個不差的投資工具。

不過，近年出現的叫車程式，對佢有一定的影響。相信長遠，的士牌的增長有限，只是一個平穩及收息的工具，前景只是中等。

現價合理。我會認為，如果資金真的較多，作為整個財富配置的其中一部分，都可以的。

------------------------------------------------

Q18893：

你好 龔老師，我只持有三隻股票
分別係9988 300股平均價係$262.67

IGG 10000 股 平均價$9.37
303 偉易達集團 1500 股
平均價格係50.67$

個倉overall都有賺

但想減持股票數量/ 優化股票組合
要如何做好？唔捨得蝕放

龔成老師︰

首先，如果你個倉只有3隻股票，會有"過度集中"架問題。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於3成，而單一企業不要高過15%。

另外，當我地選擇投資項目時，會參照自已人生階段。年輕時，可以用"平穏增長股" + "潛力股"，到中年"潛力股"比重要減少，到近退休應集中在"收息股"上。

你持股中的IGG（0799）和阿里（9988）係潛力股，而偉易達（0303）偏向收息股。

你應睇翻自己人生階段，去調節組合持股。

最後，IGG（0799）是有風險的類別，雖然佢財務數據不差，但業務本質的不確定性大，軟件及遊戲都是變化較大的行業，這種不確定性可以令企業好勁或好弱，因此你要明白這點。

這股可以有潛力，但投資時，不宜太大注。

------------------------------------------------

Q18894：

老師好,向你請教後經過一年多了
早前停工大半年,可惜錯過了3,4月時的大跌市
最近在閱讀你的年報勝經,希望能了解多點關於年報的訊息

回想1年半前的自己,發覺對投資認識更多後不知不覺心態更比以往只做定期較為進取得多,亦開始明白知識真正的重要性。

目前月入2萬8千,持有股票組合約28萬,定存30萬,現金約20萬

恒生銀行2手 成本197
金沙5手 其中2手成本47.6 月供部分約3手成本35.57 月供2000

盈富 4手 成本26.96 月供3000
比亞迪 325股 成本43.87 暫時停止月供
恒地 1手 成本34.7 月供2000
煤氣 3手 成本13.91 月供2000
長建 1手 成本50.29 月供2000

首先多謝老師介紹比亞迪並帶來不錯的回報

可惜早前月供期不長,持貨量不多,於80元時覺得價格稍貴停了月供,並採取了升一倍放一半的策略

如今只剩下不足一手

本來打算於60元左右價位時恢復月供
豈料「一升冇回頭」,現在更升至接近140元的價位
似乎較難期望回落至60元左右的價位

1.請問這情況下老師會建議採取甚麼策略?恢復月供還是應該繼續持貨並改為投資其他潛力股?

另外我打算在美股戶口開戶後月供約HKD$2000 ARKK及HKD$3000 VOO,分散地區投資風險

並於定存中抽取3-5萬轉移到即將推出的ibond賺取較高回報

2.請問我投放在月供部分金額會否太多,令將來持有現金不足?

3.目前持有煤氣3手,恒地1手。明白恒地及煤氣屬同系股票會有集中風險,有否需要調整目前的策略如停供增長力減弱了的煤氣?

4.現時月供部分除了盈富的成份股外均屬舊經濟股及平穩增值型。有感今年疫情經濟受創下舊經濟股表現差強人差,「升市無份、跌市一齊跌」。如今股票組合也是靠比亞迪一隻支撐著其他股票的虧損。

　請問有需要檢討及重整名單,新加1-2款潛力股或新經濟股以增加第1個水桶的佔比及作風險平衡嗎?

5.騰訊及阿里巴巴等科網股均升至歷史高位,市場亦出現針對新經濟股的過熱訊號。如果作重整股票組合名單,是否應該待回落至合理價才轉馬?

6.中國阻止外匯流失,對金沙的基本面有影響嗎?

7.老師對即將上市的螞蟻集團有何看法?記得你提過IPO一般以稍貴的價錢上市,但考慮到螞蟻集團的獨特性,是否應該抽這隻IPO?如否,哪個價位才算合理價?

8.同樣,港交所的合理價應為多少?我對港交所及必瘦站一直有興趣,尤其看到老師介紹及持有必瘦站後對它更有信心。但再購入這2隻股票後會否持有過多股票令組合變得混亂?

問題稍多不好意思,期待老師的賜教

龔成老師︰

1） 比亞迪（1211）現價偏貴，我建議回到$100以下，才再開始翻月供會較好。$80以下先正式買入。

此期間，你可以供住盈富（2800）先，或其他潛力股都可以。

安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）

投資美股去分散地區性風險，係可以。只要你對這些股票係了解，同埋佢地係適合你年紀，咁就無問題。

如果你未到退休之年，IBOND我就唔太建議投資。

2） 以現時大市在合理區計，每月儲蓄大約用一半做月供，一半儲起等大跌市機會，咁會較好。

3） 問題不大，煤氣（0003）近年係弱左，但長線投資價值依然存在，你可以維持月供策略。

4） 其實你月供股票，都係有質素。受大圍環境變差影響，難免會跟隨下跌。現時你月供的股票，反而因為調整而值博率高左，所以照月供就可以。

至於是否雖要加入一些潛力股，就視乎你年紀。如果你係較年青，長線的確應該加入1,2隻潛力股，去提升組合增長潛力。

5） 騰訊（0700）及阿里巴巴（9988）現價的確係偏高，如果直接1手手咁入貨，我就唔建議。但若以月供形式，去慢慢儲，現階段依然係可以進行。

6） 內地政府主要想防止太多資金外流，這樣難免影響到賭場收入。但由於金沙（1928）主要以中場客為主，影響預期相對其他以貴賓廰為主的賭場同業為少。

而且，這個只會係中短期因素，長線集團發展依然係正面。

7） 無錯，好多IPO上市價都會偏貴。但我地要考慮埋佢質素和潛力，去取得一個平衡點。

但由於螞蟻集團上市資料未公布，故現時很難說是否值得買入。

8） 港交所（0388）是壟斷企業是典型的優質股，值得長線持有。

在$300水平以上就開始貴，你最好等佢回到合理區附近，才開始慢慢入貨。此股算有一定潛力，加入組合係可以。

必瘦站（1830）有質素的，佢生意穩定，同時有平穩增長的情況，佢盈利都不錯，保持增長。

比較特別的是，佢的派息比率高達100%。代表佢有自我成長的能力，不用投資太多的資金，都能令企業成長，這是佢優質的地方。同時反映管理層重派息多過企業增值，因為管理層未無太大的發展意慾。

不過，近年管理層有所改變，表示有可能減少派息，投入更多在發展方面。雖然派息少左，但潛力就有所提升。

整體而言，佢業務有一定不確定性，未知之後的業務、盈利、派息會點發展。現價合理區頂。

------------------------------------------------

Q18895：

龔成老師你好! 本人39歲, 未婚, 未有結婚生小朋友打算

本人現與母親住在公屋兩房單位, 母親是主婦, 自己月入HKD65000-.

1-2年前開始閱讀你的文章, 增值投資認識不少. 現有現金180萬左右, 股票10萬元, 基金5萬元.

想提供更優質的生活給家人及增加家用空間, 有置業打算. 有兩個方向, 不知如何是好.

- 用綠表購入3房二手居屋, 700萬, 9成按揭25年, 首期開支HKD一百萬左右, 月供需 HKD28328左右. 預留50萬裝修, 餘下30萬再作投資. 但二手居屋已有20年, 怕日後轉售有困難

- 先用50萬以租置計劃買下現有公屋單位. 另外, 外出租用3房私樓住 HKD2-2.2萬. 餘下130萬先作投資.公屋單位現估價250萬, 禁售期後轉售獲利200萬.
待2年後,

不知樓價是否再有下調,加上自己的130萬以首置買入私樓3房, 裝修費用後餘下投入債券基金收息, 可協助供按揭

請問那個方案比較好? 或有其他建議? 謝謝!

龔成老師︰

從平衡與穩健角度考慮，方案一「用綠表購入3房二手居屋」較好。

雖然居屋在投資價值未必及私樓，但從自住角度，不差的，而你最大的目的是「優質的生活給家人及增加家用空間」，相信這一步較穩陣地去做到。

至於買公屋的方案，由於你的目的只是借公屋作跳板，期望樓價下跌並之後買私樓，由於樓價下跌存有不確定性，到2年後賣出較難確定樓市情況，因此存在未知數。

如果到時要再等，你就要持續支付租金，加上年齡漸大令按揭年期有可能受影響，所以不確定性較高。

另外，債券基金有好有壞，要留意，有不少網友同我分享，投資債券基金出9現了賺息蝕價的情況，所以唔好以為一定能依靠當中的現金流，唔好比佢的高息吸引。

------------------------------------------------

Q18896：

龔sir你好~機緣巧合下係fb見到你嘅分享，獲益良多~啱啱都買左你兩本著作（股票勝經和50優質潛力股，閱讀中）了解到時間是令財富增值的不二法門，想就住自己的情況問下意見~

我今年30歲，單身，月入將近2萬。扣除1/4家用，1/4生活花費，1/4雜項（先儲埋支付包括保險，或者家裡要換的家電或電子產品等等比較大的支出），剩下大概5000能用作每月投資。

個人的目標是希望45歲前能儲到250萬用作移民，並且之後能靠被動收入維持生活。

現時只有投資美股（半年前開始，因為可以一股股買，資金少易入手），投資左26000港幣左右。暫時睇有6%升幅（買得比較雜，有2/3都係大公司）你認為需要轉返d錢返黎嘛？定係繼續放？咁之後仲入唔入錢過去？

港股方面，有1手中生（1177），7.92買入打算長揸~另外有5萬左右現金，係咪應該拎一半黎投資？定揸住等個市跌返少少先？

另外睇到龔sir的分享，想開始月供股票的計劃。

打算每月供2500蚊盈富（2800），1500蚊比亞迪（1211），1000蚊阿里，（9988），依個配搭可以嗎？（假設唔再投資落美股果邊）雖然長期供股票可以平均成本，但係見到近日阿里同比亞迪都創新高...宜家開始供可以嘛？

本人係投資新手，都係今年先開始慢慢學習，問題比較多，唔該曬龔sir~

龔成老師︰

當我地選擇投資項目時，應參照自已人生階段。年輕時，可以用"平穏增長股" + "潛力股"，到中年"潛力股"比重要減少，到近退休應集中在"收息股"上。

中生（1177）有質素和適合你，長線持有就可以。而美股方面，你可以睇翻你現有股票，是否有增長力、企業是否優質、行業前途如何、財務狀況等，去決定是否值得持有。

但我想你清晰翻2點，首先，唔好因為"入場費平"，就去投資一隻股票。我地選股重點係"企業質素"，一隻$50000入場費架優質股，長線可以繼續升。一隻入場費只要$500架劣質股，最終係可以跌到1蚊都無。

另外，大公司唔代表一定有投資價值，佢都可以係連年虧損。所以，投資前要了解清楚，唔好見係有名或者大公司，就盲目去投資。

以你年紀，投資策略可以比較進取。你現時月供選股可以，但由於現時比亞迪（1211）偏貴，你最好等佢回到$80左右，才開始月供，現時可以先用其他潛力股代替。

潛力股︰安碩恒生科技（3067）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）

學習方面，除左睇我架書，你可以多睇財經新聞、企業年報和上些相關課程。

本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。課程時間，你可以留意我FB。

------------------------------------------------

Q18897：

龔sir 2800 或者3067 之類既 ETF 或者基金增長會唔會比普通既股票慢?

因為我見到好多時你都係叫人穩陣d就買2800, 但佢真係比普通股穩陣? 但我以前睇過佢派息又唔會派得特別多,以新手入市又唔算好平,所以有呢個疑問。

我依家開始要慢慢了解下車股,其實車股係咪都係睇佢賣車同有無研發新產品之類?

好似以我所知內房就睇賣樓,有多負債,土地儲存,同國策之類。呢種分析方向是否正確? 你會唔會建議人同行業分開投資大同細既公司?

例如2333相對175係細隻d, 175買大份小小,2333小注咁樣?

原來係有人贊助佢地推介人買股票,難怪講呢d野既人好多時係咩基金董事之類既人。

龔sir之前話長線投資,咁我幾時先知道嗰個股票我應該要食糊?

因為我都有一個股票係咁,(3883)係美國總統一開始同中國玩貿易戰既時候5蚊左右買左2,3手,一路揸都揸左有2到3年,佢由5蚊跌左落4蚊

之後高位升到13蚊,但我都無放,依家落到7個幾,咁我係咪錯過左最好賺錢既時機? 因為有d後悔無係12蚊嗰陣放,覺得佢可以有能力升上去無放。

依家你建唔建議轉投其他板塊如車股,因為依家內房既國策收得有d緊,雖然人仔有升,但內房都無乜升。所以就想問咁算唔算長線投資錯過食糊機會?

我都買左本年報勝經睇,慢慢學下野先。

龔成老師：

盈富（2800）有平穩增長能力，不是高增長類，但由於有50隻股在其中，風險得以分散，以我地投資，一定要「先想風險，後想回報」，因此，先平穩風險，同時有平穩回報，這是好選擇。

至於安碩恒生科技（3067），原理相同，而當中是潛力股，不過，不少現價都唔平，所以買入時唔好一次過入，要慢慢分注，或月供。

至於汽車股，要睇佢的產品，客戶對象，品牌，過往賣車的數據，優勢，研發能力，有沒有與其他公司合作，長遠發展，財務數據等。

無論車還是內房，你分析時，重點是睇「這企業」，你現時是買入一間企業，就要用企業的角度，分析當刻及長遠的情況，同時買入價是否合理。

至於你話細隻大隻，你唔好比股價數字、入場費多少影響，最重要睇「企業」。

另外，唔好理中短期的股價波動，最重要是長期持有企業，如果企業有質素，可以一直唔放。如果升到貴，賣部分都是可以的。

你現時的想法，同一般散戶一樣：「著眼在短期升跌，以為自己能在高位賣出」，如果你繼續這樣想，結果只會與他們一樣（根據統計，香港散升，有9成在長期計是輸錢的）。

------------------------------------------------

Q18898：

龔老師您好，有事想請教，周不時睇到有啲所謂大行不斷作出或修改估價，這是為什麼呢？睇到有啲書話被某某機構阻擊，這又是什麼意思，唔明點解一隻股會有不同機構給予不同估價，咁會唔會被弄到停牌除牌架？

龔考師早晨，補充詢問這些曾被質疑評估及阻擊的股我們又應該如何分析應對？

龔成老師：

其實大行報告，都不能盡信，有時可以參考下，有時有佢地本身的目的。

例如本身佢沽空左某股，然後就發表報告，講這公司有問題，之後就會令股價大跌，佢地就可以從中獲利。

所以，這些報告，參考下好了。

其實好少會搞到停牌，除非該公司自己本身有問題。或者最多為澄清，而暫時停牌。

我地睇到這些報告時，唔好盡信，要自己睇翻財務數據的可信性，同埋這股票過往的獨立核數師意見。

------------------------------------------------

Q18899：

1) 我在32.4入了一手金沙，得知現時金沙處於合理區的低位，有意再入一手，但後來獲得更多資訊後覺得銀娛會相對更大潛力，如再入金沙好像會有點矛盾，我相信金沙和銀娛並不適合同時持有。我對金沙應採取甚麼方向？

2) 多謝你上次的回答建議我加大潛力股的比例，我之後閱讀了50倍升股，實在大開眼界，我對數間公司都有投資興趣，想請教應投資次序和現價是否處於合理區。

354 中軟國際
6869 長飛光纖
522 ASM Pacific
謝謝解答！

題外話，我之前去尖沙咀誠品購書時發現你的書在商業投資類都受歡迎，我在早上時發覺在短短十五分鐘已有人選購和閱讀。

龔成老師：

1）比較平衡的做法，是投資銀娛（0027），因為這可減少你集中風險。其實兩隻現價都合理的，金沙較適合收息及平穩，而銀娛則有增長力，兩隻同時長期持有，可以的。

2）在這3股中，中國軟件國際（0354）、ASM PACIFIC（0522）的優質度會較高，暫時可留意這兩股，中國軟件國際在合理區，而ASM PACIFIC在合理區中上部。但始終業務都會有少少波動，因此投資唔能夠過份大注。

哈哈，多謝報料！

------------------------------------------------

Q18900：

老師你好,我看了中國光大綠色環保(1257)既中期報告,咁就有以下既問題/分析,希望可指點一下!!

(1) 2020年收益同2019年收益好接近,但2020上半年係疫情較嚴重時候,咁如果2020都可以做到2019同期既收益,係咪算唔錯?

(2) 損益表入面既"財務費用"係咪指利息支出既意思?如果係既話,推測公司將收入既一部分去還錢,就會影響公司長遠發展,呢個推測合唔合理?

(3) 另外,"財務費用"高過上年,而且公司負債係高過上年,請教下兩者會唔會有關係?

(4) 現金流量表中, "經營活動所動用之現金"比上年高左幾倍,可以點解釋?謝謝老師！

龔成老師：

1）可以咁講，不過，我地分析時最好用較長期的角度分析，中期業績只是輔助，但不是分析的核心。我地要用長期的角度去了解左企業先，再因應中短期業務情況去調整。

2）對，即是融資方面的成本，我地會睇翻佢的成本多與少，佔盈利比例多少。以及分析佢的風險度。

3）兩者有關的，要睇翻佢高左是否到了危險水平，還是仍可接受。

4）當中涉及較多的會計因素，好難在這裡簡單解釋。但經營活動現金流保持正數並有向上情況，一般都是利好的。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q15161-Q15180）

Q15161：

老師你好，我重溫你課堂筆記，有點不明巴菲特老師(班傑明)的意思，以下問題

以低於三分之二的淨資產價值買進某一公司的股票?

大概意思係未，拎該公司的最近年報的淨資產總值，來比較，該公司股票的市值?

假設，公司淨資產100蚊，果隻公司市價，市價乘發行股數（市值），市值去到30蚊。是否可以來買?唔該成哥

龔成老師：

佢其中一個方法，就是利用Net Current Asset Value著原理就是考慮「流動資產」的數目，然後再將這數目，減總負債。

例如NCAV的數目為+$100億，下一步，就是比較現時的市值。如果現時市值$66億以下，就反映有很高的投資值博率。（所以，不是$30，是$66）

當然，你要再進一步分析資產的結構，正如課堂所教，去計翻有那些資產是有價值，有那些是無的，這就會更準確。

------------------------------------------------

Q15162：

龔sir，請問如果每月只能儲$10,000，想用5000做供股，想供盈富基金和煤氣，請問如何分配是好? 還是只集中一隻比較好? 謝謝

龔成老師︰

我會建議你$3000供盈富（2800），$2000供煤氣（0003）。

煤氣（0003）是不錯的股票，此企業壟斷了全港的煤氣行業，甚至有產品價格自主能力，是一隻十分好的優質股。

至於盈富（2800）是一隻包括50間質素不錯上市公司股票的組合，而非好像煤氣是單一企業，因此較有效平衡組合中風險，所以你見我建議你供款比重盈富會較多。

------------------------------------------------

Q15163：

老師你好，想請教一下。我和先生是新婚，收入兩人加起來10萬一個月，收入高每月開銷也高，（每月要付租金，供養父母等），結婚花費較大，現時儲蓄不多，定期10萬，股票13萬

今年目標每月家庭儲5萬
0005 400股@77
9988 100股@188
386 10000股@4.5
1810 2000@10
2800 1500@27

有月供保險和盈富基金，加起來5000
請問你會建議我們家庭理財如何做呢？
疫情期間樓市似乎下降，建議現在看樓市嗎（今年有要寶寶的打算）？

龔成老師︰

每個人都有住屋需要，長期而言，香港樓市潛在需求依然大，加上供應不足，因此長遠仍會向上的。記住我地投資樓市，唔好以「預期」的模式進行，只要你資金足夠，堅守「供得起」原則，而樓市唔太貴，已可以買入。

香港樓現價略貴，投資價值的確較少，但自住價值仍在，你唔需要擔心買入後樓價的升跌，因為你買入後，影響的是供款。

現時比合理價，依然稍為貴少少。但你唔好因為咁樣乜都唔做，你要開始慢慢睇樓。一旦遇到一些心急業主，或樓市因疫情而有較大幅下調，令樓價下跌10%左右的話，你已經可以入市。

至於你每月儲到的錢，可以5成去做月供股票，其餘先儲起，用一邊月供一邊儲蓄的策略。月供方面，你可以選擇投資在平穏增長股︰

盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）。

至於餘下的現金，就等機會，當大市出現一定程度的下跌，就可以在平宜價加大力度掃貨，然後長線投資。同時間，如果在樓市發現機會，這筆資金也可以用於幫補你首期開支，相信這樣安排可以平衡增值之餘，也為你計劃帶來一點彈性。

最後，想提提你持股中匯豐（0005）和中石化（0386）增長力一般，只能用作收息，唔係咁適合你們年紀。現貨可持有，但不要加注了。

------------------------------------------------

Q15164：

請問現在是否入綠葉製藥是好時機？股值是否偏低？二年前4.7 買入，賺少少就止賺。

之後我留意一段超長時間，睇年報才析。最近公司低位4.95 回購了三百萬股。

龔成老師︰

綠葉製藥（2186）正面的，佢主要銷售腫瘤科、心血管系統以及消化與代謝三個領域的新藥品，基本上都係有市場的，加上佢過往的生意增長唔錯，市場仍發展中，所以長遠不差。但就不建議投資太多，始終這類股業務上都有風險。

綠葉的負債的確是扣分的地方，雖然在比率上仍不算有問題，但近年的負債增長好快，這一定會令企業的風險度提升，在估值上都會略減。

當然，你要預佢業務中短期會有波動，現價合理區偏低位置，如果你無貨可入首注。

------------------------------------------------

Q15165：

龔成老師你好 一直有睇開你fb, 想請教一下你投資的方向

今年31歲 月入2萬 個人儲蓄10萬 2萬俾agent幫忙抽下新股

本人沒有投資經驗 每月儲蓄方面, $4000儲蓄 $1000 基金 卡數比較多 現正努力減少洗費

目標每年儲蓄達10萬, 請問儲蓄既錢應該全用作月供投票嗎？謝謝解答

龔成老師︰

首先你要處理好咭數，因為佢利息成本十分高，會好影響你。

你現時每月儲到的$4000，可以先用一半作為月供供款，其餘一半先儲起。

由於你無投資經驗，你可以集中月供盈富基金（2800），佢是包括50間質素不錯上市公司股票的組合，有效平衡投資風險。

我見你話比2萬AGENT幫你得閒抽下新股，我唔係咁建議咁做。因為新股很難估值，而且上市時估值很多都偏貴，建議你留翻這筆資金，待你有投資知識時，再連同其他貨金去買優質股。

由於你無投資知識，我建議你要去多讀投資相關書本、年報，新聞和課程。本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴。

當你在投資上已掌握了一定的知識，就可以動用你資金去買更多不同優質股。

------------------------------------------------

Q15166：

老師，您好！本人為澳門讀者，存款30萬，即將有供樓及裝修需要，預計屆時可月儲1萬。

現持800匯豐及600領展，打算供盈富、領展、工商銀行、中生及越秀，想長線累積財富及減輕樓貸壓力，請教如下：

（1） 有意月供股票，但礙於月供手續費較貴，故打算只月供1隻股票，上述股票當中選供盈富$5000合適嗎?

（2） 月供計劃應隨時開始，還是等待大市或股價跌少少才開始供比較好

（3） 手頭上的30萬現金及每月餘下的數千元應怎樣運用購入上述股票?
因交易成本問題，如隔月或3個月自行買入（類似月供模式），每次買入約2萬是否合適? 還是待跌市時機再分注買較好?

（4） 相關股票的合理區約是多少

（5） 如想進取點,以上投資組合是否合適,及數量會否過多?

望老師能抽空解答，感謝!!

龔成老師︰

1） 盈富（2800）是包括50間質素不錯上市公司股票的組合，如果你只供一隻，選擇盈富係合適的。

2） 月供係透過長線"定額定期"咁儲貨，去平衡價格波動的風險，所以你現在開始供就可以了。

3） 由於你短期內有裝修需要，你必需先扣起這筆錢，不要用作投資。而餘下可作用的存款，可以分一半。由於現時大市在合理區，頭一半可以現在以"分注"形式入市，餘下的就等大跌，才入市掃貨。

而月儲的數千元，你可以5成做月供，餘下5成先儲起，一樣等大市大幅回調才出手。若你想定時自行買一手，而不做月供都可以。 假設你目標係盈富基金，你可以每2個月不論價格去買一手，同樣可以做到月供效果。

4） 盈富（2800）、越秀（0405）和工行（1398）已在合理區 / 領展（823）要回調多一成 / 中生（1177） $10以下

5） 由於越秀（0405）和工行（1398）只是收息股，增長力欠奉。如果你想進取些，可以將此2股的資金，分配落其餘3隻股票上。

------------------------------------------------

Q15167：

成哥，想問一下關於賭場股的估股方法會傾向用pb定pe去計，因為澳門賭場拥有大量土地我吾知應該會點介定用咩方法

因為我理解pe係用來計資產對公司無咁大影響嫁公司如安踏，pb就計保險地產如中國平安，不知有冇理解錯誤

龔成老師︰

市賬率（PB）只是一個輔助的平貴指標，只是以資產角度計算。市盈率（PE）則是用於一些與資產無咁相關的企業，這理解大致正確。

係計算澳門博彩股架時候，我會比較偏向市盈率（PE）去幫助估算。因為博彩企業收入來源主要來自客人賭注，「PE」更有效去反映佢平貴。

但你要記住，佢地都只係一個輔助指標，我地必需連同其他財務數據一齊分析，才可以好立體咁知道一間企業的質素和價值。

同時，企業估值有好多種方法，在我的股票班，都會教好多種，往往要配合使用。

------------------------------------------------

Q15168：

龔sir, 3 跟 2800 供股你分別有什麼睇法？ 媒氣穩定十送一可說是穩定10% 股息比2800高

龔成老師︰

煤氣（0003）是不錯的股票，但十送一其實只是財技，對本質並無實則影響，當十送一後，持有股數會增加，但股價會自然調整，所以這不是重點。

我一直都看好煤氣，但看好原因不是十送一，而是企業的本質，早已壟斷了全港的煤氣行業，甚至有產品價格自主能力，是典型的優質股。

至於現金股息率方面，盈富（2800）比煤氣多。而且，月供盈富有多一個優勢，就是盈富是一隻包括50間質素不錯上市公司股票的組合。相對只是單一企業的煤氣，佢更加有效平衡組合中風險。

------------------------------------------------

Q15169：

阿sir, 我雖然要照顧小朋友而無空上堂，但我不斷買咗你的書來睇，《致富藍圖》和《50值博倍升股》。

#6869 長飛光纖

優勢:

1· 中國最大的光纖供應商

2· 本身有優勢及技術，配合5G建設、全球訊息化，加上科技不斷發展，所以佢收入和盈利都可有理想增長，同時股本回報率不差

3. 佢負債率也不高，現金流也充足

問題: 依家的股價可以入嗎？屬於合理價還是平宜區呢？如果的資金不多，要等到咩價位才叫做平宜區?

期待你的回覆，感謝

龔成老師︰

你都講倒佢一些優點，長飛光纖光纜（6869）此股有質素的，因為全球光纖光纜市場，仍會保持向上，智能手機、互聯網、大數據等科技，成為了行業的推動力。

長飛光纖之前受惠三家國有電訊營運商發展網絡基礎，所以生意不錯，但這亦令這公司出現風險。之前中移動的中標結果，佢排名唔算前，這反映市場競爭有所加劇，佢的賺錢能力有可能略有減弱。

整體上，佢仍有質素，但增長與賺錢能力就有可能略略減，投資價值仍在，但這刻只是合理區，你可以投資，但由於未到平宜區，故只能分注，不要大手。

如要到平宜區，你預佢要再回調多至少2成。

------------------------------------------------

Q15170：

老師，你好，我依家26歲，月入19000，大學畢業後現在每個月都需要還學債，共大約25萬左右，積蓄有4萬蚊

因為想做好準備功夫先真正落腳做投資，所以依家有時間都會上網搵資料，同埋有買你d書睇，希望可以請教老師比d方向我。

其實我知道我既目標都可能有d長遠，不過都照講一講我既plan係點，主要想快d還清d學債佢，然後希望可以同男朋友一齊夾置業。

本身我有3個投資既方針：1.月供港股 2.月供美股 3.一股股咁入美股

其實依家月供港股好嗎？因為最近有聽過朋友建議玩美股。希望老師可以比d方向我。謝謝你。

龔成老師︰

由於近年美股的升幅不錯，因此多左人投資美股，多左人認為美股較好，但我地唔好因為這些中短期的表現，就認為美股較好。

以中國及美國長遠的經濟發展計，兩者都是不錯的，而中國的增長力仍會好少少。而港股中有不少優質內地企業，故我比較推介你港股。

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上，當然越長期就越理想。

月供你現在可以開始，緊記唔好理會市場波動，一直供就可以。

由於你年青，投資應以增值為主，以下股票都適合你。你可以用股票先創立一個投資平台，讓資產升值，相信會對你將來置業有一定幫助。

平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（0823）、港交所（0388）、
潛力股︰比亞迪（1211）、中生（1177）或福壽園（1448）

------------------------------------------------

Q15171：

成哥你好，本人27歲，現金有$30萬，每月收入$28000，每月可儲$10000，想係2-3年內有$100萬，目標係買到600萬的單位。

想請問我應該月供$5000 2800，$5000儲現金等跌市入平貨嗎？

龔成老師︰

我地投資股票就同投資在一間企業上，一定要長期先會見到回報。而2-3年是一個短的年期，中短期會較受外圍因素影響，因此回報不確定性也相對較高。

以你年紀，投資盈富（2800）適合，50%月供/50%儲蓄，待機會買平貨這策略也可以。但你想達至100萬目標，你需要將每月投資金額加大至$14000，而投資年期加長至5年。

無錯，年期係會長左，但5年這個時間所受中短期價格影響機會會較少，變相令你達成目標機會增加，這個安排相信會較穏當。

------------------------------------------------

Q15172：

請問12嘅合理區價格同便宜區價格在哪？
唔該

龔成老師︰

恆基（0012）是一隻有質素的股票，前景正面，再加上佢是全港持有最多農地的發展商，長遠的價值一定會慢慢釋放。

由於佢有質素，所以價格一直都唔平。現價處合理區，如果你怕買貴左，你可以月供去平衡個價格波動風險。

如果要等佢平宜價才入，你預佢股價要回調多最少1成、2成，才初步進入平宜區。

------------------------------------------------

Q15173：

你好龔sir 我想問問709 我想入手做股票組合之一，見佢派息好高，想做中長期組合，現價可否入手？

龔成老師︰

佐丹奴國際（0709）集團為國際服裝零售商，擁有眾多品牌，包括Giordano及Giordano Junior、Giordano Ladies、BSX以及其他自有及授權經營之品牌，門市超過2,000間，絕大多數門市位於大中華地區。

其業務不差，生意和盈利穩定，但生意就無增長，而佢派息比率高。這類股適合投資作收息股，但就不要對股價有太大的期望。

但要留意，佢2018年度的股息，比2017年度減左少少。所以，其實佢業務基本穩定，但點都會有上落，這就必然會影響股息，你要明白這點。現價計，這股已有長線投資收息的價值，但就不建議太大注投資。

但你要預佢，中短期一定會弱。

------------------------------------------------

Q15174：

龔老師你好，想請問點睇1137

龔成老師︰

香港電視（1137）業務有前景，但有兩點都存有風險的。

第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。

另外，這企業現時搞網購，有增長力的，但同時存有一定的未知數。

佢多年來不斷在燒銀紙，不斷等收成，雖然佢的業務的確增長中，但無人知幾時會有真正的盈利，同埋無人知真正的結果會點。所以，這股只合小注投資。

------------------------------------------------

Q15175：

龔sir你好。我一路都有留意住你個fb page同著作，真係好inspiring。我讀U嗰陣有做parttime，心態係夠洗就算，但之後睇左你啲posts，就覺得唔應該咁低要求

唔應該得過且過，心態開始轉變，亦都對自己有左明確要求同長遠目標，thank you。

講返我既情況先：
今年25歲，2019年畢業，銀行有$5k儲蓄

收入：
月薪$15k
兼職$2k（不穩定，尤其最近疫情嚴重）

支出：
家用$4k
供股：
港交所$3k
比亞迪$2.5k
盈富$2.5k
剩低就衣食住行開支

龔sir，針對上面呢個供股比例，咁算唔算適合我呢？

而我來緊打算開間網店，賣下小首飾。龔sir可唔可以俾啲意見我啊？

龔成老師︰

唔洗客氣，能夠幫助倒你思考將來，我都好開心。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

所以你所選擇的股票都合適，而金額分配都可以。記住月供係要長時間進行，而儲到的優質股要只要長線持有就可以，這才會達至財富增值最佳效果。

至於創業，我會建議你要從你的興趣、強項、認識的事著手。如果你本身有自製小首飾，或者有相關知識同經驗，可以一試。

你可以學習一些自己認為不錯的商店，了解一下佢地的商業模式，最始好大型及小型都有，先以小型作學習對象，然後就試下佢地的模式，能否成為你創業的方向。

記住最好唔好做得太雜，要專注在某一範疇，「專注」「有獨特性」是較好的，等人容易記得你。

------------------------------------------------

Q15176：

龔老師！你是否認為9922是有質素的？

龔成老師︰

九毛九（9922）採用多品牌和多概念戰略吸引不同顧客群，除了熟識的九毛九外，還經營及管理四個自行開發品牌，太二、2顆雞蛋煎餅、慫、以及那未大叔是大廚。

其中九毛九、太二、慫及那未大叔是大廚均以自營模式經營，而2顆雞蛋煎餅則同時採用自營及加盟模式經營。

業務上，的確有吸引力的，前景都有的，不過，我一向都新股半新股都無興趣，因為要慢慢先見到真章。此股今年剛上市，時間十分短，故估值困難，只建議小注，同時你要明白當中的風險。

------------------------------------------------

Q15177：

龔成你好，小弟今年22，搵緊18-19k零投資知識，本來與父母同住公屋，所以至今都未有點認真儲過錢。

但係家庭環境令我近期考慮出去租地方自住，我初步計算份糧扣起租6k，日用3k，家用3k，都仲有6k左右可以儲蓄，打算用嚟做長遠月供股票，將來有筆錢起碼生活無憂；

另外亦有另一個想法，就係先苦後甜繼續同家人同住，咁每個月就可以再儲6k，多一倍錢去投資，呢個方案會唔會比較好？

家人從未接觸投資，同輩亦未打算計劃投資，身邊無人指點到我，所以希望可以向你請教，另外想請問你邊本書會比較適合新手入門用？十分感謝

龔成老師︰

如果可以的話，你最好同家人同住，看看如何，真係好大問題先搬走。因為你而個年紀係財富增值的黃金時間，你應該把握一分一毫去努力為自已增值。

以你年紀，你可以選擇"平穏增長股"+"潛力股"作為你月供組合中的股票，以下的都適合你。

平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（823）、港交所（388）、深高速（0548）
潛力股︰比亞迪（1211）、中生（1177）或福壽園（1448）

至於書本上，你可以睇翻我<<80後百萬富翁>>或者<<財務自由行>>都適合初學者。同時間，我建議你要去多讀投資相關書本、年報，新聞和課程。

我不時會舉辦一些課程，這【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識，對你長遠投資必然會有幫助。

課程時間，你可以留意我FB。

------------------------------------------------

Q15178：

請問2400呢隻股你點睇?
心動公司

龔成老師︰

心動公司（2400）集團主要於中國、亞洲、北美洲、南美洲及澳大利亞開發和營運網上遊戲，網絡遊戲都為免費，收入主要來自銷售遊戲內的虛擬物品所產生。

集團同時也開發及營運付費遊戲，以及與第三方遊戲開發商合作發行及營運授權遊戲。

業務上，有吸引地方。不過，我一向都新股半新股都無興趣，因為真實面要過一段時間先見到真章。所以新股估值困難，只建議你小注，同時你要明白當中的風險。

------------------------------------------------

Q15179：

龔成老師，最近我朋友介紹我買了3本你的書，我看了致富藍圖這本書，感覺對理財有了新的概念，但我對股票的了解不多，很想請教一下您，我該如何規劃。

我工作7年，月薪約25k，現在有60萬現金存款不想放銀行扁值，如何想投資股票或者月供股票，該如何入手？

每月大約可存8k到1k
我今年29age
8k到10k

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主。現在你每月儲到的錢，可以5成去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）。

至於現有60萬可先動用30萬，以"分注"形式買入上述優質股。而餘下30萬和每月儲到的資金就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

但由於你投資經驗唔多，我建議你先從盈富（2800）入手，佢係一隻包括50間質素不錯上市公司股票的組合，有效平衡你組合中的風險。到你有經驗，能自行選股才買其他會較好。

同時間，你建議你多讀投資相關書本、年報，新聞和課程。本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

課程時間，你可以留意你FB。

------------------------------------------------

Q15180：

你好 龔老師

我而家26歲 做緊補習社（自己開）現時收入大慨20k-30k （但呢行好浮動 一時搵得多 一時搵得少） 股票市場有59k 大慨手頭上有 25萬 該如何穩陣地投資 ？

除了盈富基金有其他選擇嗎？

現在我分別持有碎股（2、3）、 1手1088、1手6823 持有碎股原因因本來做緊月供 但見股價波動 所以停供左

近日入左 2手 950 想問你點睇呢隻股票？

購入價5.7 現在跌到4.9 應否止蝕離場？

謝謝老師解答

龔成老師︰

首先你要明白2個投資概念︰

1） 我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

2） 我地投資會運用「先增值，後現金流」作方法，初期應投資較多增值類資產，較後期則應投資較多保守類項目。

所以係放配投資項目時，會因應番你的人生階段。如果你年青，可以"平穏增長股"+"潛力股"，但你已近退休之年，就應集中在"收息股"去創造平穏現金流。

李氏大藥廠（0950）股價波動，但企業質素都可以，長線持有無問題，但不建議太大注，所以你最好唔好再增持。

你時月供中中電（0002）和香港電訊（6823）增長力唔強，而中國神華（1088）是商品類，質素只是中上。我建你月供和25萬現金可以投放以下優質股，這些會適合你年紀。因為現時大市只在合理區，25萬入貨時記得要"分注"。

另外，我唔建議你停供，因為月供係想透過"定時定額"的方式，去平衡價格波動風險。如果你時供時唔供，一定會影響到這個平衡價格波動效果。

以下為合適你的優質股︰
平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（823）、港交所（388）、深高速（0548）
潛力股︰比亞迪（1211）、中生（1177）或福壽園（1448）

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

股王大立光 (3008)早盤一度展現反攻氣勢站回2500元大關，不過受到追高買盤意願薄弱，加上市場傳出蘋果可能下修第4季零組件訂單達15%，因此以大立光為首的蘋概股又呈現走弱，大立光在10點鐘一過就由紅翻黑，盤中更曾經跌破2400元大關來到2370元，再創9個多月新低，終場收在2415元，跌幅縮小為1.43%。另外包括鴻海(2317)、和碩(4938)、鴻準(2354)、可成(2474)、F-臻鼎(4958)等蘋概股也同步走跌，僅台郡(6269)、F-GIS(6456)力守在平盤之上。
非蘋手機大廠宏達電(2498)紐約發表新機效應在股價短線漲高後，再攻高力道已經明顯減緩，早盤開高來到83.7元後，就回到平盤上下震盪，終場小漲0.1元，以81.1元作收。至於宏達電供應鏈則依然表現穩健，其中介面(3584)大漲6.65%，天宇(8171)、嘉聯益(6153)、晟銘電(3013)、飛宏(2457)、F-TPK(3673)漲幅均超過1%。
至於遊戲類股第三方支付商歐付寶效應也持續撐盤，尚凡(5278)強攻漲停，其他包括歐買尬(3687)也直逼漲停。歐買尬從上周14日拿到執照後，一直到昨日為止，股價連五天收紅，包括三根一價到底的漲停上演慶祝行情。昨日以72.7元成交，單日漲幅9.82％，累計近五個交易日，歐買尬從49.85元，一路漲到72.7元，漲幅高達45.8％，短線漲幅相當大，節能股昨天是台股最為亮眼的族群，包括昱晶(3514)、綠能(3519)、海德威(3268)均亮燈漲停，長興(1717)、鼎元(2426)、益通(3452)、台勝科(3532)、新日光(3576)、昇陽科(3561)、中美晶(5483)、茂迪(6244)以及碩禾(3691)股價一片紅通通。LED也呈現反彈，兆遠(4944)及華上(6289)漲停，泰谷(3339)、東貝(2499)、榮創(3437)、光鋐(4956)漲幅也都在2%以上。個別股來看到F-眾達（4977）第4季起因客戶展開備貨，加上中系光收發模組開始出貨，第4季營收可望來到今年高峰，F-眾達昨日開盤不到半小時就直奔漲停，成為光纖類股的多頭急先鋒。國光生（4142）繼9月營收交出8,293萬元，月增率351.64％，年增率51.85％的好成績後，受惠10月1日公費流感疫苗開打，預期第4季營收更搶眼，帶動昨日股價大漲，漲幅7.51％，以25.05元作收，一舉突破多條均線糾結區，成交量放大至7,827張。
台股昨日驚驚漲，以8,653點、上漲22點作收，再創8月以來新高，雖然指數狹幅盤堅，但仍然有12檔個股，各擁題材及第3季季報可望傳捷報等利多激勵，股價突破今年新高。根據統計，昨天收盤價改寫今年新高的12檔 包括：錩泰(1541)、榮化(1704)、智邦(2345)、倫飛(2364)、中華電(2412)、碩天(3617)、碩禾(3691)、昶洧(4529)、F-茂林(4935)、光聯(5315)、茂綸(6227)以及大江(8436)，其中，錩泰及倫飛股價衝上漲停，中華電則是重返百元大關。中華電今年前3季獲利傳出佳績，前3季稅後盈餘已達333.5億元，每股稅後盈餘4.3元，逼近全年預算目標4.83元，獲利表現優，吸引買盤進駐。朱立倫概念股倫飛股價繼續發威，繼前波股價天天漲停後，昨天再拉出第3根漲停，以4.33元作收，若與9月中旬的低點相較，漲幅超過1.6倍。美國修繕受惠股錩泰，第3季是例行營運高峰，毛利率也明顯改善，在營收大舉攀升下，獲利可望衝高，同時第3季新台幣大幅貶值，是新台幣貶值受益股，激勵股價持續攻高。榮化去年8月受到氣爆事件衝擊，股價單月暴跌將近4成，但隨著氣爆事件遠離，以及近來丙烯價格重挫來到7年最低價，但聚丙烯塑料維持高檔，帶動毛利飆高至35％，榮化是受惠者，昨天股價已來到27.75元，跟去年低點相較股價飆漲超過2倍。太陽能股王碩禾昨天股價站上600元大關收在631元，除了創下2014年7月28號以來新高，更是台股股價中僅次於股王大立光及股后漢微科的第3高價股，昨天單日大漲5.7％，表現十分亮眼，除了因為第3季本業營運旺，也是新台幣貶值受惠股，可望有可觀的匯率收益入帳。

每日觀盤重點，歡迎訂閱MoneyDJ TV的粉絲團哦！
https://www.facebook.com/moneydjtv