客串 香港電台第一台 RTHK Radio 1 #大氣候

有野外動向創辦人陳嘉俊及消防處高級消防隊長李巍，講石澗救援
綠惜超級市場創辦人蘇漢熏分享如何拯救過期食物，不浪費!

重溫24/11即上：
http://www.rthk.hk/rad…/radio1/programme/climate_watcher2017

鄭萃雯 Karen Cheng
胡世傑Tony Woo

#多多指教

〈不要說人地外國，試著說我地香港〉

人在異鄉，地球人最大體會就係——外國月亮並唔是特別圓架！連講三個post，環保野無錯可能外國先進過我地，而且因為某d政府、政策配合，容易實行過我地。好似墨爾本超完善單車道路網咁，仲有家居太陽能電板、家居雨水儲存系統等，但長他人志氣滅自己威風嘅野我地球人係唔會做架，香港環境（政治又好環保又好）已經咁差，再妄自菲薄踩多腳真係無乜謂。況且我真心覺得，好多有心人為香港環境做緊一d了不起嘅事。所以，決定出呢一個大曬冷post，介紹一d值得關注嘅綠色群組、專頁、環保L……乜都好啦，總之等大家唔好再成日「人地外國」，試下多d講「我地香港」！

講多無謂，here we go：

專頁／個人篇：
1. 不是垃圾站 Waste-no-mall
呢檔野勁呀，根本就係民間資源回收中心，咩回收、換物、workshop乜都有齊。千其唔好諗住背後有咩人搞有咩機構，全部都係元朗有心人，個個禮拜落去幫手。亦唔好大安旨意諗住扔一大袋屋企垃圾俾佢地就算，唔該自己落手分類，唔明就問，明左之後仲可以留底幫手教其他人點做。唔係元朗人都不妨入元朗探下佢地考察下，睇下自己社區有冇機會搞到一檔。民間自發有冇用？唔知架，但相信人多好辦事，真係十八區都有「不是垃圾站」，我又唔信議員或者政府可以扮睇唔到，況且提升垃圾價值，話唔埋有人投資呢方面發展，咁曼美好緊係推動到政府或相關部門，將垃圾站變成資源回收中心啦……有冇可能？唔知架，但你唔參與就一定無囉。

時間：星期六下午4時至6時
地址：元朗鳳攸北街休憩處旁空

2. 迷失的寶藏: 發泡膠回收行動 Missing Link- Polyfoam Recycling Scheme
打破發泡膠無得回收謎思，重新搵返發泡膠嘅回收價值！你除左可以拎用完清潔過嘅發泡膠俾佢地，仲可以上去參觀甚至幫手做義工，去街市收發泡膠，返工場幫手清潔……去體驗一次，睇下香港人用膠有幾得人驚，保證你生活上唔想再用咁多發泡膠！

地址：荃灣沙咀道57號荃運工業中心二期J座21樓J室
電話：3568 3714

3. 野人
「人地外國」成日有咩zero waste達人將垃圾放入玻璃樽嘅，其實我地香港一早有架啦，而且簡樸到唔需要用玻璃樽黎證明自己！呢位野人一家三口住係田邊、著舊衫、自己帶包裝出街……今年甚至想嘗試唔用電，研究用地底瓦罐保存食物。除左自己生活簡樸，仲會開班教學，將環保訊息宣揚開去。舊年仲開左個「自然111」專頁，推廣「一人一日少一件」嘅減廢生活態度。

4. GreenPrice 綠惜超級市場
又黎成日話「人地外國」有賣到期、過期或醜食超市、無包裝小店乜乜物，嗱，而家香港就有一間專賣過左Best Before 日期嘅超市，價錢仲平好多。原來香港每年有成價值1.2億元過左「此日期前最佳」（Best Before Date）嘅食物，扔左去堆填區，但其實好多食物，如例杯麵、零食，即使過左最佳食用日期三個月，都未必會變壞，可以食用架！口口聲愛地球、環保之友、唔想浪費嘅你，又夠唔夠膽幫襯先？

地址：觀塘駱駝漆三期五樓N室
營業時間：星期六日上午11時至下午7時

5. 堂食：『棄』之可惜！
一個關注同監察香港堂食但用即棄餐具嘅專頁，雖然未有好多follower，暫時亦都只係呼籲大家影低連鎖快餐店堂食即棄相片俾佢地，但仍然值得更多人支持。因為行動背後目的，係希望利用群眾聲音，俾壓力店家去正視問題，愈多人參與迴響愈大，成功機會先會愈大。大家出街食飯發現堂食即棄，除左大叫唔好之外，記得影張相俾佢地啊！

6. 龐一鳴
呢個人好出名，已經唔需要點介紹，但都要特別講嘅原因係，佢同牧師陳家良等人，一齊做左一樣地球人覺得非常非常咁了不起嘅事——就係開左一個教人係香港單車代步嘅課程！成日講「人地外國」單車政策點好道路點好，所以先bicycle friendy，香港mogalamogala。講真，係未就咁認命先？定係我地可以明知不可為而為知？課程有理論介紹香港道路同單車政策，亦唔少得最重要嘅路騎實踐。馬路踩車唔係淨係單車友專利，人人都得！將單車代步，係一般人嘅生活中實踐出黎。

課程詳情：https://www.facebook.com/events/1943857319179682/

7. 垃圾手作 - Garbage Handmade - HK
成日見人Share埋咩tasty、咩Nify DIY短片，相比之下，呢一個垃圾手作，同地球人專頁一樣——low-tech得多TAT！不過唔緊要架，我地勝在有心肯做！水樽變燈罩、膠紙座、儲物架……有手藝有創意有內容，唔使下下打燈拍片嘅~~~

8. 走杯 GO CUP
簡而言之，呼籲大家外賣「走杯」，自備私家杯。仲同幾間餐廳一齊將四月逢星期五定為「無紙杯」，實行做起個勢！

9. 旅痕社
點解介紹呢個網？話說地球人都係一個Backpacker，而家仲去埋澳洲Working holiday！之不過我忘記左帶睡袋黎TAT，雖然遠水救不了近火，但我一樣諗起呢個網，鼓勵大家Share旅行用品，大背包、營帳等，唔洗下下買新，買完只係用幾次，浪費又唔抵，不如拎出黎，實行資源共享。

網址：http://sharewego.wixsite.com/website

10. JupYeah 執嘢
講真有邊個女人唔貪靚唔鍾意扮靚？但係未一定要買衫買到過曬火，成個衣櫃爆衫？定係其實可以同人分享靚衫，以衫換衫？呢個專頁係由幾個愛扮靚嘅靚女搞嘅，自己身體力行著二手衫不在話，佢地除左有網上換物，仲會搞大型換物會，地球人就親身去過，d衫質素又高又新淨，絕對係尋寶好地方。

11. We-use 餐具租用
成日話人地堂食即棄點衰點衰，其實自己開Party、搞公司活動未又係貪方面用即棄！嗱，米話地球人唔醒過你，呢個餐具租用服務，真係超方便，餐具有唔同款式解唔在講，仲有專人送貨收貨，仲搵社區婦女幫手洗餐具，環保得黎又促進社區經濟，係未好正先！

網址：https://weusehk.com/

12. 綠活地圖wherevergreen.hk
除左以上介紹嘅組織、專頁，香港其實仲有唔少有人為環保出力，例如好多值得支持嘅環保小店，如果大家想知道邊度有環保野賣、邊度有綠色活動，推介你上綠活地圖個網。如果你有綠色資訊想分享，仲可以登記成為mapper，幫手豐富個地圖，係未好正先？

網址：http://www.wherevergreen.hk/

其實香港仲有好多好多好多有心小店、品牌甚至群組，做緊大量環保工作，一次過都講唔曬，佢地需要大家嘅關注同支持，俾個Like and Share唔代表乜，但起碼資訊有機會去到多一個人身上。今次介紹住咁多先，下次有機會再同大家分享實用群組、有心小店啦！

—————延伸閱讀分隔線—————————————

（行山版）有心專頁推介：
https://www.facebook.com/…/a.229275054102…/369605273402796/…

地球人另一分身，自己專頁自己推，人在異鄉寫香港：
https://www.facebook.com/homeiswhereyourmindis/

【慳家新聞】過期都食得！
呢排好多人都講緊，過左「此日期前最佳」的野仲食唔食得。其實我都深信，個標籤係話幾時食「最佳」，過左嗰日唔代表唔食得，而且唔係過左好耐，冇怪味、冇發霉應該係OK的~（之前我丟嗰d…係因為自己冇信心食得，Sorry呀食物 😭）

文中講嗰間社企就專賣呢D過左「此日期前最佳」的野食，比原本的價格平好多，又可以救返D食物，得閒去睇睇有冇野啱食先！

For大家's reference︰
GreenPrice 綠惜超級市場
https://www.facebook.com/greenprice.supermarket/

#GreenPrice #香港平靚正 #SmartTravel #全港最平 #社企超市 #香港社企
#環保實惠 #灣仔 #中環 #觀塘 #葵涌 #鰂魚涌 #十大必買 #推介 #產品 #重點推介 #絕非廣告 #ESG #世界更美 #普世價值

【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我, 打賞打賞鼓勵鼓勵:
https://payme.hsbc/smarttravel

?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

報導與本影片無關, 純粹作參考:
https://youtu.be/Ix19NXtdoUw
HK01
40蚊兩罐歐洲鵝肝醬、10蚊三個大杯麵、4蚊一枝日本有氣果汁……以廉價購入高質食品不是夢－－只要你不介意它們剛剛過了期。近年不時發生大批過期食物被棄置街頭、市民聞風「搶救」事件，四名大學生去年底創立了過期食物超市，並定期進行「盲測」確保食物質素，吸引了不少中產客光顧，開業四個月已拯救了約1.2萬件「新鮮」過期食品。他們認為不斷有食物遭棄置，主要原因是商戶「估錯數」，入貨過多，最終擺過期。

過了「此日前前最佳」的食品，是否能夠入口？人稱「野人」的環保人士莫皓光，試食數款過期食物，實測「過期味道」好壞參半，他指過期近一年的餅乾已變味，但過期3個月內的杯麵、日本零食、汽水都沒有異樣，「唔覺得有問題，仲食得！」

過期食品唔係低劣食物，其實係型格嘅事，幫埋幫社會同促進環保！
韓駿謙（Terence）－Green Price 綠惜超級市場 創辦人
約700箱剛過最佳食用日期的日版卡樂B薯條，本月初被棄置於屯門一個垃圾站，大批市民到場將薯條「救走」，有人力撐「食得唔好嘥」，但食物安全問題仍令人擔心。其實，每年有近價值1.2億元的過了「此日期前最佳」（Best Before Date）的食物，被埋在堆填區，農曆新年，更多賀年食品遭棄置。

大學生創過期超市　定期盲測保食物質素

四名大學生有感本港棄置食物問題嚴重，反思如何有效源頭減廢，半年前勝出社企比賽，創立過期食物超市Green Price綠惜超級市場，「拯救」僅過最佳食用日期食物；人棄我取，這家超市主要向食品廠、批發及零售商取貨，貨品由貴價鵝肝醬、日本零食、杯麵及乾果都有，當中有2018年才過期的鵝肝醬以40元兩罐出售，遠比零售價每罐48元便宜，是超市內「最新鮮」的筍貨。

貨品必需過期不逾三個月
創辦人之一港大學生韓駿謙（Terence），希望改變市民對「過期」食物的偏見。他們為確保出售的食物質素，會定期進行「盲測」試食，為保安全及品質，食品必需於過了最佳食用日期3個月內出售。他說：「我哋定期試食，先知道品質變咗幾多，有顧客抱住執平野嘅心態搵我哋！」另一創辦人Ben說：「大部人試食後都會買，但好多人唔了解。」

Terence指出，Green Price的實體店位於工廈內，同層有商戶賣生蠔、紅酒及貴價食材，因此吸引不少中產人士到其店選購，另外有不少環保人士響應珍惜食物的慨念，專程到場光顧。