日本奧運，看來比雪水更冷，就算能如期，怕都要閉門舉行，雪中，要送炭懲罰。 繼上次《飲食男女×畢明》懲罰澳洲一推售罄，再推即掃光，同事已經追問下次重罰誰好？ 清酒吧。香港人愛日本愛清酒，近年它成為巴黎時尚，位列高級酒店wine menu之基本，神枱級的Ritz及Le Meurice都有就是肯定；也越來越多中、西餐廳，酒單都加入清酒了。 潮流不必趕，但潮流的原因要知道，現代法國人更注重健康和身段，法國菜從濃牛油、重醬汁，走向輕怡，有機的蔬菜，精緻的海鮮，氣質上更接近懷石料理。法國廚師亦多用了豉油、海藻、柚子等入饌，都在呼喚清酒。世界公民飲食視野擴闊，配酒要求靈變有趣新鮮，法日合璧，中日相宜，等閒不過。 既然如此，讓我再次以用家角度誠心為大家搵好嘢，精挑一個夢幻清酒組合，從四方張羅集齊兼送貨，配一個離譜的酒超所值價，希望再給大家”an offer one can’t refuse”。一套四瓶集不同清酒種類、酒米、著名酒造、限定品及古酒於一身。 首先，長野縣大信州純米吟釀汽酒。是Sparkling Nigori sake（氣泡濁酒），獨特，清新，微甜、氣泡幼細，以Champagne method製造的清酒，二次瓶內發酵，米香裊繞，飄送香梨、蜜瓜、菠蘿之饒，又有恰到好處的乳酸平衡。作餐前酒、配輕食、前菜絕佳。夏天喝，特爽，女士更加愛不釋手。 信州是長野縣的古稱，四面環山，好山好水，濕度低溫差大，利好「酒造好適米」。長野以大雪著聞，雪山融下的水礦物質豐富，造成纖細柔和之酒，創於明治時期的百年酒造大信州，每批次盡量選用單一農家的米，有點像Single vineyard。濁酒呈乳白色，酒內留有酒粕，更能嘗到稻米的鮮香及綿滑。 接下這個，不選是罪：鍋島——「年輕一代的酒魂」，來自佐賀的富久千代酒造。「北十四代，南鍋島」說明了一切。在日本國內，鍋島的清酒只在酒藏認授的特約餐廳和商店有售，非常discreet。自2005年，它連續7年獲得日本全國新酒鑒評會金獎，2011年更奪得IWC（International Wine Challenge）清酒品類年度冠軍，前無古人。 像葡萄酒的riesling、chardonnay，清酒的米就是靈魂，我選了鍋島的愛山、北雫、還有酒米之王山田錦，各具風格、各擅勝場。 進入鍋島，山田錦純米吟釀是入門必然，2015年全國日本酒鑒評會的金獎作品，撲鼻是蜜瓜、香蕉等果氣，圓潤醇厚，米香豐沛，平衡和諧篤定，如京都庭園。旨味俐落入喉，後勁爽快，一派名門正宗的大度，佐以清麗魚鮮，至為精緻。京都有一專做魚割烹之餐廳，把鮮美的黑喉灑點鹽花、蒸至溏心嫩滑，上菜時刨些烏魚子，給客人配的酒，是它。 戲肉：鍋島愛山純米大吟釀。愛山被尊為「幻之米」，由 「愛船117」和「山雄67」兩米種雜交而成，屬晚生種。晚稻飽滿，大大粒，心白比山田錦還大，酒厚味豐自不待言。這本是兵庫縣研發出的絕世好米，當然本土優先，產量有限從來只供同縣的劍菱酒造釀酒，奈何一次阪神大地震，劍菱受損停工，米農為了生存唯有找新買家。 此時覬覦愛山已久、《十四代》的高木酒造終於等到機會嚟喇飛雲，飛身跟米農立契要米，更令愛山米聲名鵲起，因而外傳。此酒濃郁，宜用大口杯，喝前醒酒至少20分鐘，始出現變化，簡潔俐落，香氣以成熟甜瓜為主，甘馥回味，層次細緻。每年4月造生酒、5 月火入（加熱殺菌），6、7月售賣，只造一次，售完即止，非常限定。 貨源有限料必秒殺，特別選來鍋島北雫純米吟釀作B隊。北雫又名「北海道的山田錦」，九州的酒造，山長水遠要拿北海道的米來釀酒，就知佢咩料啦。一般的鍋島偏向甘口，它卻最清澈瀟灑，飯香和甜度精細，餘韻較乾，清爽，多喝不膩，非常難得，配串燒、天婦羅、爆炒小菜一流。 壓卷之選：刻がさね十年熟成純米原酒。福井縣越の磯酒莊出品，百年酒造另一出品「一期一會」人盡皆知，以茶道哲學釀酒，取其好酒非必然，能遇上可能一生僅一次，當崇敬珍惜。「刻」是古酒，琥珀金黃色，與透明清酒大異。別以為清酒不能陳，有深度的便可。熟成 3年的算「古酒」、多於 3年為「古古酒」， 5年以上乃「秘藏酒」，熟成十年，香氣就是複雜，味道甘香濃厚，有點像花雕，米香幽芳細膩，比一般清酒更圓潤、沉穩。你估不到的，它不賣果氣香甜，歲月帶來是乾冬菇、金華火腿、芝士的馥韻。「がさね」是時刻重疊的意思，歷時間洗煉，歲月沉澱，如日本名畫家平山郁夫的畫作《入涅槃幻想》，心是開的，懷是寬的，不爭不嗔。此成本高，費時費神之作，產量限定，為2011年及 2014均榮獲國際美酒大賽（IWC）日本古酒金獎。 今日中午12點開賣，4瓶二千銀有找，密切留意，咪話唔通知。 購買請入👉🏼https://bit.ly/3fPsR8p， 呢條link12點先至會著，請自己較定鬧鐘，多謝捧場🙏🙏 #畢明x飲食男女又嚟 #上次澳洲走秒殺 #今次懲瞓日本清酒 #又係我的嚴選系列 #用家角度 #6月8日12點正開賣 #一次過試齊唔同風格種類 #靚米名莊好故事 #夢幻之米 #仲有長年金獎酒造 #一套四款超值好酒 #平均幾百蚊一枝 #限定品 #職人級 #自己執生 #咪話唔通知 #非常系列

我要做武林盟主（下） . 有一晚，沈大小姐行到河邊，十個黑衣人從天而降，圍攻沈大小姐。 . 機會黎啦，我果然有主角光環！ . 我正諗住英雄救美，突然諗起，我依加既無神器又無絕世武功，衝出去都係送死。 . 我只好匿埋一邊偷睇，只見沈大小姐拎出一把利劍，以一敵十，點打法我都睇唔明， . 總之十個黑衣人死晒，佢亦身受重傷，真係天助我也！ . ， 我想英雄救美，沈大小姐瞓喺地下望住我：「你跟咗我咁多日，就係為咗呢一刻？」 . 我擺出一個最型英帥靚正嘅姿勢：「我傾慕沈大小姐......」 . 話未講完，佢就問：「你屋企有幾多產業？有無家人在朝為官？你身上有無功名？」 . 我呆咗，一開口就查家宅，咁港女嘅。 . 沈大小姐冷笑：「一無所有，想我跟你食糠咽菜？」 . 見到佢不屑嘅眼神，我意識到，古代女人絕對比港女更貪錢， 港女至少可以番工，古代女人嫁嘅係下半世嘅依靠，生死榮辱全部睇個老公，邊有咁易俾男色所動？ . 我知道正常途徑行唔通，但諗起古代女人重名節重貞操， . 我靈機一動，扮跌低，雙手抓向沈大小姐嘅胸部......軟綿綿咁，捉中咗。 . 「小生一定會負責......」 . 沈大小姐又羞又惱：「想壞我名節？」 . 佢順手抄起長劍，不顧傷勢，迅雷不及掩耳間，狠狠擲向我。 . 「你死咗，今日嘅事就無人知。」 . ， 我為咗閃避果一劍，扭身一滾，滾啊滾啊滾，就跌咗落河。 . 最荒謬嘅係，我個人已經跌咗落河，居然都係中咗劍，然後我就暈咗。 . 醒番果陣，我見到一個極度醜樣嘅農女，含羞答答咁望住我俊美嘅面容：「公子，你醒啦？」 . 之後嘅劇情發生得好快，農女阿爸堅持「救命之恩，以身相許」，逼我同農女拜堂。 . 我覺得，咩理由都係假，佢只係想將佢個醜女推銷出去，無所不用其極。 . 而我弱小嘅身軀，完全抵抗唔到膀大腰圓嘅農女，亦守護唔到我嘅貞操， . 洞房花燭夜，滿目淚沾衣。 . ， 農女屋企薄有田產，家境唔算差，有飽飯食咁。 . 當然，我從來無放棄過逃走，我要做武林盟主架嘛。 . 我開始耕田，努力做一個農家女婿，賺取佢地嘅信任，想搵機會偷啲盤纏，點知，農女有咗。 . 果個始終係我嘅骨肉，我都做唔出呢個時候離開。 . 個仔出世後，我望住佢白白軟軟嘅小臉，我個心都融化咗。 . 果一刻，我真真正正接受現實，融入咗呢個家，每日努力耕田，養妻活兒。 . ， 但係，個仔兩歲果年，成個世界都黑咗，耳邊響起一把機械聲： . 「罪名：放棄武林盟主任務。 懲罰：投入喪屍世界，成為人類首領，解決喪屍危機後，才可回到原本的世界，期間死亡則刪除靈魂。」 . 一陣天旋地轉，我眼前出現咗一隻成嘴都係血嘅喪屍，向我撲過黎。 . 我仲有啲頭暈，但只可以跌跌撞撞咁向前跑，呢次，我想安貧樂道都唔得啦！ . ， 改變唔到環境，唯有改變心態，接受現實， . 當你接受咗現實，生活一定會為你準備更悲慘嘅現實。 . －完－ . #短故 #短篇 #小說 #陳美濤 #廣東話 #粵語 #tomatochan #我要做武林盟主