Thanks for having us on the Atmos mix & master 🎚🙏🏻🔥 🗣: @lam_fung_official @robinchi @warnermusichk Posted @withregram • @warnermusichk 林峯嘅新歌 #唱情歌的人 大家都聽咗一排應該識唱啦😚 不如俾埋個結他chord譜大家，一路彈一路唱啦！🎸🎤 唱俾你身邊嘅人聽，多謝佢一直陪伴住你🥰 @lam_fung_official

今天是我33歲生日，呢幾日我都留喺屋企閉關燃燒生命畫完呢首 #7頭之歌 嘅MV，希望趕得切今日送呢份生日禮物比我自己👴🏻7頭之歌係有一次我被髮型師剪咗個阿旺頭但第二日我要喺市集音樂會唱歌，所以萬念俱灰之下一邊沖涼一邊作咗呢首歌。 明明我畫插畫畫得好哋哋，點解會開始做音樂撈過界呢？大約7年前我擺動漫展有個問路嘅阿嬋同另一個fans喺同一日稱讚我係氣質男，我覺得同一個大話講三次就會成真，就喺我沖涼嘅時候作咗我人生第一首original song #氣質K歌 ，營造我係氣質男+人見人愛嘅假象，仲拍咗條片放上網，之後擺市集有個結他鬼才 @edwinhokk 冇啦啦走過嚟同我講話喺網上面聽咗我首歌作咗個結他chord，就恬不知恥咁喺我面前彈起上嚟，我就發現原來我9唱嘅歌不知不覺荼毒咗好多音樂界嘅年青人，連玩開音樂嘅大神都覺得嘖嘖稱奇，就係咁我開創咗我Poop music 呢個catergory，之後偶而我都會搵 @edwinhokk 開Live唱歌同喺街busking做我嘅御用結他手，我唱啲歌完全唔跟拍子，曲風又獵奇，但佢完全唔駛練習聽第一次就彈到出嚟，我懷疑佢阿媽生到佢成個腦都係chord。今次編曲同監製都係佢負責，嚴格嚟講佢都算係開發我音樂之路嘅貴人，冇佢就唔會有我，樂壇都會寧靜同清幽好多😛 我十幾年前畢業嘅時候寫咗一張To Do List，入面寫咗十幾個我想喺40歲前解鎖嘅職業成就稱號🔓我希望喺短暫嘅人生入面可以將我嘅創意apply落去唔同嘅media到產生不同界別嘅作品，喺唔同嘅業界插旗寫住「到此一遊」😛而【唱作歌手】嘅解鎖條件就係為自己嘅原創歌整一個MV出一隻碟，希望今年我可以用自己啲積蓄做到一隻屬於自己嘅大碟👴🏻 聽落係好勇敢好bravo嘅夢想，其實係好消極嘅，我只係冇自信自己可以喺任何業界做到一個好出色嘅成就，所以先退而求其次，做到少少成績就好開心懶繽紛，仲可以話自己係/slash/斜槓青年，其實一早已經踏入中年。 呢幾年大大話話都作咗差唔多50首歌，我啲歌全部都好冇營養，每首歌嘅歌詞都好似喺xanga打日記咁紀錄咗我人生一啲好7嘅片段，你可能會覺得我的作品沒有靈魂，可能是我的靈魂太大了，我啲作品裝唔落😂我知道我嘅音樂好小眾，難登大雅之堂，無論喺商業上定係藝術上都唔會得到啲咩認同，但無人認同嘅夢想係咪就唔可以做、唔值得追呢？如果只為了得到其他人的認同才去做每一件事，會錯過生命中很多的嘗試。 我有很長一段時間潛咗水冇蒲頭，因為我一直都活在自我厭惡的漩渦中，我就是我自己最大的hater，我每天都找到十幾種理由去討厭自己，我覺得自己的創作不被這個地方需要，覺得自己可有可無，沒有存在價值，隨時都可以被取代。 我發現自己也許不是很喜歡創作的人，比起創作本身，我更喜歡創作帶給我的成就感和被別人認同的感覺，尤其是別人因為我的創作得到快樂，令我覺得自己是被需要的，我剝落的自信心可以透過這種被需要的感覺重新填滿。 但我發現當我把被需要變成一種需要，是一件非常痛苦的事。 因為當你把自己的快樂和成就感投放在別人的眼光下，一旦世界沒有要來配合你，你的快樂便無處安放，你眼中的世界便到處是痛苦，讓你無路可逃。尤其是網絡世界每天都有海量的娛樂和創作，誰也不是誰的必需品。 所以早一陣子我從創作和表演的崗位上逃離，回去當一個稱職的觀眾。 我發現身邊很多朋友，有些是畫家，有些是表演者，有些是音樂人，他們都默默在自己崗位上努力，他們可能只欠一個機會，一個舞台，明明做著很出色很值得被讚賞的事，卻總是沒有人給予掌聲，世界不是每一次都慷慨地給予他們努力應有的成果，但即使沒有舞台燈的照耀，他們仍然選擇默默努力的身影，看起來總是孤寂而壯麗。 我呀，也想成為我眼中欣賞的這些人， 成為能在沒有掌聲的寂靜中， 徑自翩翩起舞的那些 可愛的人們。 這些努力的身影， 就算失敗了，跌倒了， 姿勢也十分優美。 感謝一直在我生命中出現的幫我一把的人們， 喜歡我的創作的人， 幫我動畫配音的人， 相信我找我出書的人， 找我一起jam歌的人， 找我去挑戰各種我沒嘗試過的事情的人。 我一直是一個自我價值很卑微的人， 如果沒有人來提醒我很好，我是被需要的， 我就會沉溺在不斷貶損自己， 傷害自己的輪迴中。 從來我都一直是那個不相信自己的人， 因為大家都相信著我可以， 為了回應別人的期待， 我才會想勇敢去繼續嘗試。 今天我33歲了，短命的話已經過了半輩子了， 我的生日願望是 希望我能成為那些即使世界不予回饋 仍能保持初心繼續埋首苦幹的人。 希望我往後的人生即使不斷持續地老去， 也能義無反顧地實踐著許多別人覺得好7的事， 繼續7事認真做，認真做好每一件7事。 我始終覺得，7到盡頭，就會開始cute； 你唔覺得cute，因為你傲嬌。 這樣想，這首7頭之歌，其實有點Soul。 曲：Johnee 詞：Johnee 編：Edwin Ho @edwinhokk 監：Edwin Ho @edwinhokk All instruments & Programming：Edwin Ho Bass：Fatboy Mixing & Mastering：Edwin Ho YouTube無限循環喪loop=Galaman #7頭 #7ohnee #氣質k歌

認識我都知我講嘢一舊舊， 所以我先會唱歌/寫歌去表達自己。 想睇完整創作意念， 可以睇下 @bigc0907 以下呢篇文。 怕大家會miss 咗篇文 所以Repost 🥰 #repost · · · 新歌link in Bio 好耐無做歌。之前講過，想每次有作品嘅時候都介紹下，啲嘢唔講唔紀錄好快會唔記得。做音樂難，但係講理由更難，希望大家睇完呢篇文章之後，可以同我嘅諗法有交流，明白我嘅作品。🥰🥰🥰🥰 近期思考，流行曲盛載內容嘅能力究竟有幾多，定係流行文化只能「即食」，聽完前奏唔啱聽就轉歌。現今串流平台嘅方便，每次有新作品嘅時候，音樂都只淪為打卡嘅工具，音樂創作變得只有marketing，而唔係音樂本身。😱😱😱😱 今次參考咗Daft Punk 嘅 Giorgio by Moroder，睇下人哋點樣將想講嘅內容包裝落隻歌到。呢首歌嘅鋪排係先播放電子音樂先鋒Giovanni Giorgio嘅訪問，訪問之中佢提到用拍子機作為材料去製造音色，隨後Daftpunk嘅音樂播起。去到歌曲完結，編曲刻意安排將音樂變慢，直到音樂變返做一下下嘅拍子機聲，聽眾就會發現成首歌都係由拍子機聲組成。音樂本身好聽，加上段伏線又能向Giovanni Giorgio 致敬，手法高明在於佢哋將致敬嘅訊息都音樂化。你想要知道個故事講咩？聽啦，只要你聽，就會聽到，唔需要用音樂以外嘅方法表達。😁😁😁😁 然後我同Cynthia 開始諗有咩題材，題材需要乎合我哋想講嘅嘢，「春之祭」似乎係一個唔錯嘅選擇。由俄羅斯作曲家Igor Stravinsky1913年創作嘅芭蕾舞劇，內容係講述俄羅斯遠古時期一個宗教嘅祭祀儀式，由一群長老圍圈坐，要求圈中間嘅少女跳舞直至筋疲力盡死亡，作為獻比春天之神嘅祭品。由於Stravinsky嘅作曲手法未為當時嘅人接受，首演後引發咗一場騷動，直至一個年代後嘅1924年先再有第二次嘅演出。😅😅😅😅 Stravinsky 嘅前衛令到佢陷入咗好似少女嘅情景，困咗自己係圈入面，要去到咁多年後，春天先來臨，其他人先明白點樣欣賞佢嘅作品，明白佢嘅貢獻。亦都因為Stravinsky嘅前瞻性，呢個音樂作品成為咗後浪漫時期同二十世紀音樂中間嘅一條畫分界線。😍😍😍😍 呢個比喻幾適合Cynthia作為重新獨立後第一首歌嘅題材，雖然喺經理人合約期間無跳舞導致死亡，但係都經歷咗唔少，如果話少女嘅死亡係獻比春天之神嘅祭品，咁呢段經歷都可以話係獻比以後會繼續做音樂嘅Cynthia。春天比喻重生，用嚟做第一首回歸獨立嘅作品主題非常適合，所以題材上就係咁決定咗。😎😎😎😎 之後就要決定音樂上嘅内容。我思考如果我係Stravinsky，寫緊「春之祭」嘅我會點樣安排呢？經過睇佢嘅訪問，當時嘅佢想安排一啲聲效加插係主題入面，所以不時會喺Rhythm Section入面聽到好重型嘅拍子，而呢啲位置都會由多音嘅和聲重疊而成。但係受技術嘅限制，佢只能夠用當時嘅方法去呈現，啫係傳統管弦樂團嘅樂器法同和弦概念。😙😙😙😙 而家嘅世界，利用聲效去寫歌已經唔候新鮮事，前有Electroacoustic，後有Synthesis 嘅發展，加上電腦剪接嘅方便，只要你有諗法，好容易就可以將聲效呈現。今次以聲效貫穿成首歌，咁聲效嘅多元性一定唔可以少。參考方面，聽咗Rina Sawayama嘅Sawayama同埋Halsey嘅Badlands，睇下人哋點樣組織同分佈。最後我決定先編後曲，呢個方法嘅好處係旋律可以遷就編曲，即係旋律本身唔係主角，成個氛圍先係。之後經常每晚返到屋企就整少少，由於無做過相同類型嘅音樂，所以唔知要整到幾厚先夠，大概做咗兩個月時間，當中包括一般嘅聲效，大量透氣聲，vocal chop，edit過嘅delay，同埋第一段chorus標誌性嘅Voxbox Harmony 。🤩🤩🤩🤩 去到錄音方面，由於已經有大量聲效係底，而家只有兩個選擇- 1. 要Cynthia做配角，2. 錄大量嘅和音令到Cynthia嘅聲音可以比得上編曲，最後我揀咗後者。慶幸嘅係Cynthia嘅準備充足，令到錄音嘅過程順利，嗰啲唔順利嘅位置，都係我提出嘅要求，例如錄一堆好奇怪嘅vocal chop，講稿同埋添加結他。亦都因為前期嘅功夫準備得充足，所以去到Mixing階段嘅工作就少咗好多，大致上都係做返balancing。😳😳😳😳 另外去到好後期我哋先諗到將Stravinsky訪問同埋「春之祭」嘅錄音放埋落隻歌度，就係前奏，第二個副歌後嘅Musicbreak，同埋結尾位置。雖然設計唔到Daftpunk個種好震撼嘅計劃，亦都放唔到Stravinsky 口中所講嘅8 notes chord入去，不過我地已經好滿意成個氣氛。🤤🤤🤤🤤 如果你睇到嚟呢到，為咗感謝你嘅閱讀，我會講一個關於首歌嘅秘密你知，當係見say個thank you。當你播到去2:11 嘅時候可以認真留意下Fill in緊嘅鼓聲，係咪似層相識呢？你已經被Rick Roll了。👐👐👐👐 #我係camman #每個鏡頭後面都有個麻甩佬係到 #第一個鏡頭扭到手都斷