Zip噏劇場 160404 - 《清明節之交易現場》
* 每年清明節都係地府忙到死嘅日子。由於先人越嚟越多,賢孫越嚟越孝順,導致祭品出現過盛的情況。
閻羅王:今年清明我地收入幾多?
手下:回大王,冥通銀行今年收入同上年差唔多,不過出現咗一張新式錢幣,取代咗你個頭像…
閻羅王:邊個咁大膽!係...
Zip噏劇場 160404 - 《清明節之交易現場》
* 每年清明節都係地府忙到死嘅日子。由於先人越嚟越多,賢孫越嚟越孝順,導致祭品出現過盛的情況。
閻羅王:今年清明我地收入幾多?
手下:回大王,冥通銀行今年收入同上年差唔多,不過出現咗一張新式錢幣,取代咗你個頭像…
閻羅王:邊個咁大膽!係咪唔識個「死」字點寫?
手下:回大王,係一個名叫「宋仲基」嘅韓國男演員,因為佢主演嗰套《太陽的後裔》太hit,所以有人自製佢嘅陰司紙出嚟…
閻羅王:估唔到依家啲韓風吹到落嚟地府。好心上面嘅人就燒下啲女團公仔落嚟,有啲先人同我反映話成日都係日本同外國紙紮公仔,好悶。
手下:另外,今年除咗車牌門牌之外,仲有一種新嘅牌照出現。
閻羅王:唔好話我知係小販牌啊。依家上面都推行美食車啦,一啲都唔update。
手下:回大王,唔係小販牌,而係免費電視牌…
閻羅王:唔…嗰個電視台去得咁突然,橫掂地府仲未有人搞免費電視,就發牌比啲前輩,搞下《把鬼當歌》、《今日睇開D》、地府小姐選舉都好。
手下:最後,有人燒咗隻碟落嚟,不過唔知大王批唔批呢?
閻羅王:咩碟搞到你咁驚啊?
手下:隻碟叫《十年》… 閻羅王:咪又係電影一套,做咩咁驚啫你。
手下:但係…你唔怕毛先生同小平先生搵你「傾計」咩…
閻羅王:「最須要恐懼的,是恐懼本身」。只要你管治方法無問題,點會怕任何創作。佢地肯拍,我就肯批!
#zip噏劇場 #清明節 #有咩留返拜山先講 #金像獎 #十年 #太陽的後裔 #宋仲基 #咩叫紅 #就係紅到出陰司紙 #問你死未
紙紮車車牌 在 ETtoday新聞雲 Facebook 的最佳解答
車牌號碼都是9898,這個巧合 ...(#豬頭皮)