73. 《玩轉極樂園》：十一個墨西哥彩蛋

最近看了彼思動畫和迪士尼的最新電影《玩轉極樂園》，除了其探討生死的議題令人感動之外，電影製作人對墨西哥文化的刻劃亦令我倍感親切。香港觀眾對墨國文化或許比較陌生，我在當地稍微留待過一頭半個月的外行人，可以為讀者一數片中的墨西哥彩蛋（以下不含劇透）：

«語言篇»
我看的是廣東話配音版，雖然大部份對白已經翻譯做中文，但他們仍保留了三個西班牙文詞彙，如果不瞭解其意思可能會一頭霧水喔！

1. Hola（h不發音）就是「hello」的意思，片中男主角米高經常來向人打招呼。

2. Gracias即「謝謝」，不過配音員用了港式口音，我一時也聽不明白呢。

3. Amigo不只是電視藝員的英文名，也是西班牙語中指「朋友」的單詞。本片不但說親情也說友情，所以這個詞語經常在角色口中出現喔！

«食物篇»
4. 粟米糉（tamales）就是電影頭幾幕中袓母說米高太瘦，塞給他吃的一堆糉子。這由原住民的糧食演變而成，內餡由辣椒芝士到肉類到新奇的水果味都有，實物可見此：https://goo.gl/NR17BN。

5. 粟米（elotes）的出現比較隱蔽，電影後段有場大匯演，完場時有位觀眾姍姍來遲，他手中拿著的兩條粟米正是墨西哥隨處可見的街頭小吃。他們吃粟米時習慣加上厚厚的牛油、芝士、沙律醬和辣椒粉，上次與媽媽旅行她完全不敢吃（笑）。

«物件篇»
6. 剪紙（papel picado），即電影一開始用來交待背景的紙雕圖案，也是在墨西哥經常見到的。掛在街道兩端的七彩剪紙，總為小鎮大街添上拉丁美洲獨有的熱情。

7. 皮納搭（piñata）——在電影裡提起糖果時（忘了哪段），鏡頭拉近至一個皮納搭。這對香港人來說或許沒甚麼特別，但對墨西哥的小孩來說卻意義重大。墨西哥生日派對的重點是敲打這個紙紮空心的公仔，讓裡面的糖果跌出，小孩就會一窩蜂去搶糖果（所以墨西哥人肥胖率超高是從小培養的）。如果大家還是想像不了這個熱鬧場景，可以觀看我獲邀出席某個生日會時拍的片段：https://goo.gl/j2XUeK

8. 神獸（alebrijes）是電影中最華麗的角色之一，原來也與墨國神話有關。相傳在死亡之地，神獸會引領往生者的道路，所以電影中也有個特寫，影著寫上「alebrijes」字樣的橫額下放著各式各樣的玩偶。不過要注意的是，「神獸」神話的出現遠比「忘靈節」的遲，所以兩者的來源其實並無關係喔！

«人物篇»
9. 樂隊（mariachi）是墨西哥最有名的音樂類別之一，一整隊十多人穿戴整齊醒目的銅管樂手經常在宴會、婚禮中演奏富節奏感又喜氣洋洋的音樂，大家有機會到墨西哥旅行，可以嘗試在到訪城市的中心廣場（通常稱作zócalo）尋找他們的踪跡啊！（不過專程向他們點唱就不了，所費不菲啊！）

10. Frida Kahlo，電影中為曲神設計舞台的藝術家，其實真有其人，是墨西哥最有名的女畫家，也是民族的靈魂人物之一。她一生非常傳奇，畫風特別，經常繪畫自畫像。大概因此，編劇就安排她安插許多個「自己」在舞台上吧！她如此有名，也是戲中其中一位主角經常扮演他的原因。順帶一提，她的丈夫Diego Rivera和主角一家同姓~

11. 摔角手（luchador）也是墨西哥的標誌之一，電影中經常見到像「鹹蛋超人」的面具，就是他們戴著比賽的服裝。電影中有一幕有個摔角手連保安也要與其合照（那幕十分好笑，相信大家記憶猶新），就是墨國最有名的摔角選手之一 El Santo。他最為人津津樂道的就是從來沒有脫下面罩示人，所以大家有沒有留意，他就算化為骨頭，也是戴著面具的呢？

過份分析電影真的很掃興，但以上幾點文化簡介，希望能讓讀者更瞭解這部展示了墨西哥風情畫的電影。歡迎大家分享給看過或都將會看這部電影的朋友，讓他們瞭解更多銀幕背後的文化背景。 :)

PS：如果大家有興趣知道更多墨西哥小知識（大半是食物 ^^"），可以看這個臉書相集：https://www.facebook.com/pg/medstudenthk/photos/?tab=album&album_id=1000390933341751

至於我本人的墨西哥經歷，可以閲讀我一連十篇的《人在墨西哥》游記系列：https://medstudenthk.wordpress.com/category/人在墨西哥/

圖片來源：tendencybook.com

夜深人靜，突然想講一個

（六十）尖咀飛髮鋪

嗰日去飛髮，見客人排曬長龍，但幫手洗頭嘅就得一、兩個。D師傅唯有親力親為自己出黎幫手洗埋頭，按埋頭，吹埋頭，先埋位剪。

我個髮型師friend同我講：「鬼咩，而家仲邊有後生仔肯入行？又辛苦，又污糟。」

佢其實講得幾有道理，唔止剪髮係咁，好多行業都欠新人入行。而家個社會咁速食，仲邊有人肯慢慢堆石仔由低做起。可能又關新一代家境好咗啦，d家長寧願畀錢你hea都好過你出去捱。

「再者，年青人搵錢途徑都多咗啦！開 live食餐飯可能仲搵得多過做 stylist。」我個frd續說，聽起上黎有一種淡淡嘅憂傷。

我個Friend阿Roy做過好幾間髮型屋，最初真係晌油麻地嗰d 嗡耷鋪仔到做洗頭仔，慢慢再學 chemical嘢，終於，捱出出頭天，而家都叫做晌中環Salon做 Stylist，幾勵志。

下次你見到我個all back 頭 gel 得好睇有型，唔駛怕醜，過黎讚一讚，我會話返佢知，畀d鼓勵佢。

做過咁多間，佢同我講最多古怪嘢都莫過於做尖沙咀時候嘅嗰一間樓上髮型屋。

嗰時佢啱啱做師傅仔，特別搏殺，成日都好夜收，通常都搞到凌晨一點先收工放飯。佢話喺嗰到，好多時當你吸完晒地下啲頭髮，轉過頭，真係一轉過頭，無程程又會成地頭髮，但係明明嗰邊已經無晒客人坐晌嗰到。

跟住，同客剪剪下髮，放低咗個剷無耐，想再拎返黎用，搵極都搵唔到，最離譜試個，發現個剷去咗門口cashier個櫃桶到，自己出都無出過去。

當然有客喺到，佢哋唔會點出聲，不要驚動客人，扮無事就算。所以如果你去過呢間髮型屋，你會發覺佢哋d師傅成日要問隔離借嘢嘅。髮泥又係、剷又係，連較剪都試過。

不過通常隔一陣，你唔搵佢，無啦啦又喺返到。

唔好以為夜媽媽先驚，阿Roy話佢其實最驚係自己一個上去開鋪。拉開大閘之後，成間黑媽媽嘅髮型屋，微微陽光只能透射到側邊位置。而最「攞膽」就係，個大制要行入間房仔到開，試過幾次，未開燈之前，佢行過去嘅時候，黑暗中，佢依稀見到有個長直頭髮嘅女人，坐咗喺飛髮位到望住塊鏡，好似等緊剪髮咁。佢望唔到個女人個樣，只係見到佢後面長長落腰嘅頭髮。佢當然唔敢柯南啦，一開返燈，開返音樂，就見唔到喇。

基本上每個晌到做嘅同事或多或少都遇過，大家都心領神會架喇。

除咗一個新黎嘅𡃁仔。

要形容呢個𡃁仔好簡單，我以兩個英文字作結案陳詞： G D。

吖，應該叫偽 GD。基本上，佢嘅造型呀、髮型呀，都係扮緊韓國嗰個 G-Dragon，份人就串七七，但你又吹佢唔漲，佢多妹妹仔客上黎搵佢，生意係唔錯嘅。

阿Roy講到呢度，突然激動：「嚟搵佢嗰d女仲要索！仲要係著韓系背心大波！」

「呃…你冷靜d先…」

「唔止咁！我知佢嗰lot女，佢仲有得食！」

「呃…」

「點解人做髮師，我做髮師，我就專剪中女大媽all back 頭…鳴呀！公平咩！」

「喂呀…睇住我條的水剪呀…」

阿Roy畀我提一提，竭力冷靜落黎，嘆咗一聲：「不過佢都受到應有嘅懲罰。」

原來，有一次，芝龍同其他同事煲煙嗰陣，同事同佢講起呢度成日都有d古怪嘢同禁忌，芝龍大大聲笑咗出黎，仲話９人地咁大個人咁迷信。

「鬼？做戲咩？我都想見下喎。係咪好似貞子咁架？咁到時等我幫佢剪短個髮囉。」芝龍嗰時得戚咁講。

跟住真係話都無咁快，之後嗰個禮拜，大家都見到阿芝龍成個落曬形咁，神不守舍。對眼由 Dragon 變成 Panda，呈現黑黑沉沉嘅黑眼圈。大家都唔問佢咩事啦，反正平時都唔多兩句。

之後有一日，得返阿Roy 同芝龍兩個收鋪，阿Roy啱啱剪完last個客，跟手去廁所洗手洗臉。見芝龍自己呆呆滯滯咁企喺洗頭個位到洗手卒手指，就問佢走得未。

結果芝龍答佢嘅答案真係匪夷所思，嚇到Roy差d九叔。

芝龍話：「我剪埋呢個客先走。」

Roy本能望向洗頭嗰個位到，頂！根本就無人！但係阿Roy親身睇住佢係好似確確實實幫「人」洗緊頭咁，一按一壓，跟住頭嘅輪廓，塗洗髮劑…

專業嘅阿Roy知道，咁樣憑空洗頭係好難嘅事，佢究竟做緊咩嘢…

阿Roy吞吞口水，快手從廁所出黎，快手穿好外衣，離開鋪頭。臨出鋪頭前佢再回頭望望鋪內型英帥嘅韓仔芝龍…

佢已經企咗係自己剪髮嗰個位到，對住塊鏡輕柔咁講嘢，就好似問緊客人今日想點剪咁…佢拎起梳，拎起較剪，兩手在空中舞動，而，個位到…根本就無人坐喺到。

最恐怖離奇嘅係…鏡裡面，阿Roy依稀見到有一個「女人」嘅輪廓喺芝龍嘅前面，個「女人」無表情，無動態，好似一塊平面紙板咁，只有…喺鏡裡面先見到。

芝龍仍然痴痴迷迷咁望住塊鏡。

鏡裡面，阿Roy最能貼切嘅形容係…

佢正為一個紙紮公仔修剪緊頭髮。

TAG髮型師，成日扮韓系嘅frd，同成日去set頭剪髮嘅frd子入。當然，如果你知邊個去個呢間到剪嘅，TAG佢啦！

#離奇 #鬼故 #鬼 #靈異 #不可思議 #離奇家遮 #恐怖 #香港 #文字 #頭髮 #donotsayhello #horror #ghost