【美國 🇺🇸 紐約】介紹番！布魯克林 Brooklyn依家可以話係紐約市五個區裡面最潮最Hip嘅。布魯克林有成2,500,000人口，如果獨立於紐約市嚟睇，已經係全美國第四大城市（係呀，其實美國係得紐約市多人過香港㗎咋）。
.
點解忽然變型？曼克頓租貴囉 — 好多藝術、小型製作、創意有關嘅公司都不敵昂貴租金而搬去cheap啲嘅布魯克林呢邊。紋身店、藝術工作室、展覽場地、創意工業、手作小店... 有型人響附近hangout，酒吧餐廳就如雨後春筍蓬勃發展。租平，有空間就自然能夠提供更舒適，更有格調嘅飲食環境，所以呢度漸漸就成為近年嘅紐約「型區」— 雖然好多人批評布魯克林唔係「真型」而係「懶型」。我就覺得批評布魯克林嘅人一定只係去過幾個「懶型」重點地區如Williamsburg同Brooklyn Heights。呢兩度都係毗鄰曼克頓，大概於千禧年代型人開始搬去布魯克林嘅主要地點。十年前呢度都開始貴嘞，留得喺度嘅都係考量商業元素與回報嘅商家，咪唔係真心型囉。去吓其他地區如Bed-Stuy、Bushwick、Park Slope... 重點推介響Prospect Park嘅布魯克林博物館 Brooklyn Museum，勁勁勁好！所以呢，係呢度嘅歷史同開闊嘅民族文化共融性令佢真心趣同真心型。

雖則話佢而家係好潮，但係佢本身係美國開埠嘅頭幾個發展城市，所以同曼克頓、波士頓一樣老。響1898年，政府為發展紐約市而將布魯克林以及其他四個區（曼克頓、皇后區、斯坦頓島、布魯克斯）一同歸入版圖，合併成為一個紐約大都會以增加競爭力。講吓講吓有啲似而家話要將香港撥入大灣區... 當年嘅布魯克林人都咪話唔嬲。

紐約嘅老唐人唔係叫佢做布魯克林㗎（因為呢個係普通話譯法），而係按照廣東話譯Brooklyn做「布碌崙」— 通勝英文呀。當年好多到美國東岸發展嘅唐人都係廣東人嚟。想知點解紐約咁多華埠China Town？究竟中國人幾時開始移民美國？等我下一篇再講。
.
.
.
.
.
.
.
.
.
.
.
.
#豁出去漫遊不通知親友 #美國 #紐約 #香港 #布魯克林 #布碌崙 #唐人歷史 #唐人街
.
#旅遊 #旅遊攻略 #旅遊日記 #旅遊達人#hktravelblogger #旅遊資訊 #女遊人 #女遊神 #hongkong #ilovehongkong #hkig #hkstyle #hkigers #hongkonger #hktraveler #周圍移 @ Brooklyn, New York

【美國 🇺🇸 紐約】介紹番！紐約花名 #3
.
🍎 大蘋果 Big Apple
.
好多人都知道紐約個花名叫大蘋果，但係就無人知道健康水果背後竟然係同黃賭毒有關。
.
有人話19世紀紐約有間好出名嘅妓寨，老闆娘叫夏娃，佢啲女就叫紅蘋果啦。擺明流嘅，啲女關個城市咩事。 👯‍♀️👯‍♀️👯‍♀️
.
不過「蘋果」喺聖經裏面係引誘與貪焚嘅意味，呢個關聯就係堅嘅。1909年就有一本小說以「蘋果」形容紐約呢個「貪焚的城市」- 嗱，呢個就係有史以來第一次出現蘋果與紐約嘅關聯。👹👹👹
.
1924年紐約報紙The Morning Telegraph裏面嘅體育版就這用咗呢本小說嘅「大蘋果」說法。當年上流社會流行賽馬，而紐約嘅獎金係出名高嘅，所以吸引好多勁嘅練馬師同馬匹去紐約比賽，爭取大筆獎金。體育記者John J. Fitz Gerald寫嘅賽馬專欄就叫做「大蘋果外圍 Around the Big Apple」，開首一段每期專欄都重複使用：「大蘋果，係所有同馬匹有關嘅人夢寐以求嘅終極。呢個世界只有一個大蘋果，呢個大蘋果就係紐約。」嗰陣時所有新進練馬師同騎師都有句口頭禪：「我要大蘋果。」即係佢哋要去紐約市贏大賽事，攞大獎金。🐎 🐎🐎
.
不過要數到街知巷聞，就要講1970年代紐約旅遊協會創作咗一套廣告幫紐約市洗底。當時紐約市黃賭毒乜都齊，啲毒梟黑幫周圍殺人成個城市亂過坑，經濟又差，形象谷底完全冇人想去嗰度旅遊。個廣告以嬌艷欲滴爽脆多汁嘅紅蘋果代表紐約市，形象即時變得健康、正面、有活力。犀利囉，當年廣告嘅魔力真係好大㗎，啲人即時被洗腦，紐約形象谷底翻身。「大蘋果」呢個名亦都沿用至今。 🍎🍎🍎
.
.
明白啦？今日年初一，順便祝大家🐷事順利，🍎運當頭！
.
.
.
.
.
.
.
#豁出去漫遊不通知親友 #美國 #紐約 #香港 #大蘋果 #恭喜發財
.
#旅遊 #旅遊攻略 #旅遊日記 #旅遊達人#hktravelblogger #旅遊資訊 #女遊人 #女遊神 #hongkong #ilovehongkong #hkig #hkstyle #hkigers #hongkonger #hktraveler #周圍移

【美國 🇺🇸 紐約】介紹番！紐約花名 #2
.
2) The Empire State
.
大家應該都記得有首英文歌，女聲Alicia Keys唱「Oh New York, New York, New York~~」然後就有黑鬼Jay-Z一輪嘴 Rap。首歌叫「Empire State of Mind」，歌詞就係講紐約呢個人耐人尋味嘅大都會，
.
🙋🏻‍♀️問題：點解紐約州又稱「帝國州 The Empire State」? 唔講唔覺，講完就好覺 — 連紐約啲車牌都寫住呢個花名㗎喎真係（自己google吓啦）。
.
「帝國州」嘅來源眾說紛紜，但無獨有偶，多數故事都追溯返去美國第一任總統華盛頓嗰度。有一個版本我個人比較欣賞：話說1776-1777 年紐約之戰役（美國獨立戰爭，英國佬打美國佬）前夕，華盛頓將軍拿住張紐約地圖，話：「哇，紐約地理位置優越，搞掂呢度仲唔係大地在我腳下，帝國在我手中？😏（設計對白）」佢話紐約係「 Seat of an Empire」，講講吓成個州就變咗叫「帝國州」咯。
.
1931年，有成103層樓高嘅帝國大廈建成，當時為世界第一高樓。而家比佢高嘅當然大有樓在，但係慕名而來嘅fans依然絡繹不絕。上到86樓盛慧38美金，而上到頂102樓就要俾多20蚊美金 — 真係唔駛嘥錢，個景觀相差無幾。
.
想好似我咁隊架相機出去影白鴿兄君臨天下遠眺帝國版圖，去86樓得㗎啦。上到102樓有厚玻璃圍住影唔到靚相㗎。
.
.
.
.
.
.
.
.
#豁出去漫遊不通知親友 #美國 #紐約 #香港 #大地在我腳下 #鴿子
.
#旅遊 #旅遊攻略 #旅遊日記 #旅遊達人#hktravelblogger #旅遊資訊 #女遊人 #女遊神 #hongkong hktravelblogger #ilovehongkong #hkig #hkstyle #hkigers #hongkonger #hktraveler #周圍移

【美國之旅Ep.3】Vlog | 紐約篇 | 重溫GTA IV 景點
( Time Square, Central Park, Brooklyn Bridge, Roosevelt Island Tramway Plaza, New York Public Library, Grand Central Terminal, Woodbury Common Premium Outlets)