多謝send me 偷影作品 ，and it’s in nice B&W Photo by 紅館[陀地/原居民/露宿者］: @enjoylifeaf 😂

係我最愛嘅銀河修理員❤️ 話說，DearJane嘅歌係眾所週知咁耳熟能詳，但係啲歌名有時就好似小學時期要背嘅唐詩咁，七個字七個字、五個字五個字，我永遠識得唱曬成首歌，但講唔到歌名，個前奏一響，我同老公相視一眼，歌名呢？歌名呢？歌名呢！ 然後，永遠係唱到副歌先記得歌名。 只有一首歌我好記得，因為喺疫情期間，我面對好多低谷（特別係搞結婚真係好麻煩），我係靠單曲循環不停提醒我自己「真愛是任何形狀，對付百孔千瘡」，婚禮songlist都有呢首歌🥰多謝Dear Jane成為咗我人生嘅一部分，支撐住我，提醒住我，無論面對疫情幾多嘢要改期要改期，都要「邊跌宕邊看緊對方」，教識咗我「東歪西倒但至少牽手偕老」，所以encore呢首歌令我情不自禁咁攬住我老公，情深款款咁望住佢，修修補補亂世中，一起蒼老。 祝大家都可以搵到人修理你熄了的曙光。 #祝你在亂流下平安 BTW題外話，我手上呢張小書籤係唔知邊個遞俾我老公，佢遞俾我果陣我仲以為佢同我示愛，想同我接一吻，我含羞答答，遞個嘴埋去，佢推開我，問我做咩事，我故作鎮定，問佢係咩歌，心入面真係五味雜陳。 呢首歌唔應該叫2084，五個字，「老婆表錯情」，七個字「老公係咪玩 我」。 #我哋今場有callstar #aka地球保衛隊 #老公見唔到kayan9896好失望 #唔緊要啦你寧願當初不相見啦 #全場大合唱真係好正 #將紅館變成大型k房 #我隔離對情侶都唱得好大聲😆❤️

【 Dear Jane Pendulum Tour 2021 】 _ 再一次親身體驗看Live Show的魅力！ _ 事緣成軍15年的Dear Jane，在紅館舉行第二次演唱會，事前沒想過買飛入場，畢竟四子的音樂風格跟自身的聽歌口味不算很夾，而且一直以來都有種「硬係覺得首首歌都差唔多」的錯覺，在「唔多熟書」的情況下，擔心就算「成功爭飛」也不會太過投入，倒不如將機會留給真正的支持者。但「睇騷命」這回事從來難以預料，興許有「綜藝之神」眷顧，就在開騷前夕，有幸收到朋友邀請，可以欣賞他們的頭場演唱，結果縱觀全晚出乎意料的好看，離場一刻心情滿足而暢快。 _ 首先要讚賞的是舞台設計。演唱會名為「Pendulum Tour」，Pendulum即「鐘擺」的意思，故中央天花位置，懸掛了一個類似圓錘倒吊的立體發光模型，在開場之後持續於舞台左右兩邊搖擺，令歌者和觀眾都很快投入整個演唱氣氛。去年初派台的《銀河修理員》唱到街知巷聞，成功將Dear Jane的知名度推向另一個高峰，估計創意團隊以歌名引發聯想，將舞台「上空」變成浩瀚無垠的宇宙，垂吊的「鐘擺」一下子化為恆星，旁邊隨即出現多顆衛星，配合各種燈光設計，視覺效果一流，使得整個演出更加賞心悅目。 _ 當然，睇騷嘛，演唱才是主菜。親耳聽過才夠膽講，主音阿Tim（黃天翱）的拉闊水準穩定，從他在台上突然爆出那句：「呢個騷係屬於大家，大家記得要Have a Fxxking Good Time!」足以引證他（也包括其餘三子）當晚心情靚爆，作為表演者，情緒高漲的確有助提升演出水準，配合現場觀眾的超熱情反應（程度絕對遠超想像），令全場氣氛從第一首歌《最後一間唱片舖》開始便「High爆」，一直延續至散場，加上部份現場演奏的音樂經過重新編曲，三者結合所帶來的滿足，都是「齋聽」錄音室版本難以代替。 _ 另一方面，嘉賓也見驚喜，其中SOPHY（王嘉儀）與Dear Jane合唱《給防護罩一吻》根本就是靚聲示範，真心希望她簽約幻國文化之後，能夠有更多人看到她和欣賞她，不過相比之下，第二場（22/9）請到MC $oHo（蘇致豪）、KidNey（許賢）和Kayan9896（吳家忻）站台獻唱《係咁先啦》，才是真正讓人大聲尖叫，此舉將是兩家公司（華納唱片與試當真）聯乘合作，將網絡熱話（《外賣修澧賢》、《哪裡只塞駿業里》和《不許你主音一人》）一下子與現實結合（O2O），是為本地新世代娛樂事業經營模式的上佳示範，如果可以跟其他觀眾一起合唱「走先喇／係咁先喇／下次再玩啦！」，整個畫面，真係諗到都覺得興奮！點解我是看頭場，而不是看第二場？好葡萄呀！ _ 【《Dear Jane Pendulum Tour 2021》第一場歌單 】 1. 《最後一間唱片舖》 2. 《Yellow Fever》 3. 《不許你注定一人》 4. 《到此為止》 5. 《永遠飛行模式》 6. 《寧願當初不相見》 7. 《咖啡因眼淚》 8. 《2084》 9. 《身體語言》featuring Miss Janni 10. 《給防護罩一吻》featuring SOPHY（王嘉儀） 11. 《人類不宜飛行》 12. 《哀的美敦書》 13. 《約翰與洋子》 14. 《別說話》 15. 《草戒指》by Howie 16. 《世上唯一雙細胞》 17. 《I Wish》（陳凱詠原唱） by Jackal 18. 《神奇的糊塗魔藥》（林家謙原唱） by Nice 19. 《網絡安全隱患》（Serrini原唱） by Howie 20. 《Let It Go》（Idina Menzel原唱）by Tim 21. 《Mad》featuring AGA江海迦 22. 《理性與任性之間》by AGA江海迦 23. 《未開始已經結束》 24. 《經過一些秋與冬》 25. 《只知感覺失了蹤》 26. 《哪裏只得我共你》 27. 《二十年後的歌》 28. 《遠征》 29. 《聖馬力諾之心》 30. 《銀河修理員》 _ 📸 @sunny_liu _ （23092021） _ #游大東影視筆記 #游大東 #Dearjane #dearjane演唱會 #dearjanependulumtour2021 #紅館 #演唱會 @warnermusichk @warnergochan @9588hk @c_plus_music @c_plus_music @dicdic320 @dearjanegroup @dearjanegrounded #23092021 @official_sochiho @official_huiyin @kayan9896 #係咁先啦 #走先喇係咁先喇下次再玩吖 @rabeeayeung @edmondhui @ballshing