［記得四哥發哥都已見過面。後來榮升主角太突然］（＊）Dear, write some god damn thing

TLDR：下個月開始，《信報財經月刊》有我。記得買。

1. 我有無數咁多古怪嘅寫作習慣。其中一個唔少人知，就係我篇文寫乜都未知，幾時會有都未知，但一早會有個題。例如我篇《楊枝甘露的誕生》，聽講係愛情小說，寫咗廿幾年只係得個題。《第一次的親密接觸》嘅作者痞子蔡都有呢個習慣，小說一定有咗個題先，然後先寫。

2. 我更進一步，十幾廿年前已經會有個題，等件事發生。好似門捷列夫個元素週期表咁（Periodic table，啲化學畀返晒老師未？）。同你估嘅唔同，當年佢整個表嗰時，唔係列晒1—100出嚟，當時唔少元素根本未被發現。但佢一早留定位，知道會有一個咁特性嘅元素，一直都在，只等你發現。後來果然後人就發現到嗰啲元素，性質同佢預期嘅差不多一樣，成件事實在型到不得了（＊＊）

3. 當然我唔係門捷列夫，我不能確定呢一日會發生。可能十年，三十年，甚至死嗰日都唔會有。因為涉及太多嘢。但總之，呢篇文個題，係我好多年前已經諗的，just in case．而家就可以解封了。

4. 忘掉那一天，記不起是那年，但應該係好早期，我甚至未做金融。有一年，我在書展，見到有個唔靚仔嘅瘦皮猴，推銷緊佢本新書，好似唔太多人理佢。佢話可以幫我簽名

5. 嗰個，就係龔耀輝。

6. 後來嘅事，係我開始打銀行工，開始睇《信報》。一來公司有，二來Reuters部機上面有。

7. You are what you read，最早期我可能受陶傑張小嫻影響，後來我就受游清源影響。金融方面，當然就係睇《信報》時，蔡東豪同龔耀輝。

8. 等我懷念下當年，circa 2004 -2006，我在美國銀行大廈返工（蕉行嘛）（＊＊＊），閒唔時就係睇下《信報》，就係睇佢幾位老哥。當時我成日午餐就在和記大廈（已拆）間星巴克，記得嗰時個姐姐認得我，我漏低咗嘢幫我keep住，仲手寫住我個名（星巴克姐姐知你個名有幾奇？我又唔會用假名）。硬係覺得嗰時嘅人心好啲，星巴克啲女都靚啲。定只係嗰時後生，入世未深？

9. 無論如何，嗰時我就心諗。嘩，幾時有一日到我會寫《信報》？

10. 至少在2000年時，我已經發夢在報紙在專欄作家。當時厚著面皮厚著包皮咁電郵某人請教，仲畀佢第日在專欄串我。但，佢講得冇錯嘅係，write some god damn thing（唔係原文）．呢個亦係我而家叫啲小朋友做嘅嘢。

11. 時間飛到去大約十年前，《信報》搞咗個「動筆動思考」嘅東西。作家培瞓，或者當搵新血咁。當時我在耆英已撈得不錯，但寫作嘅事業，等於零。

12. 而去到呢個位，我實在so gay都要講。我大學年代識嘅嗰位網友，已經實現咗自己嘅夢想（算係？），在有線講咗波好多年。佢點入行架呢？正係參加咗有線嘅比賽。我仲要係睇住嗰場比賽，甚至記得佢係講曼聯對車路士。舊年同佢食飯講起，佢當然完全唔記得呢件事。

13. 不能話受佢影響，因為當時佢已經講咗好多年。但總之，「動筆動思考」壇嘢，我就覺得自己都係要write some god damn thing，寫咗篇文去。三十歲那日不要臉，參加了挑戰

14. 有圖有真相，我都唔知我仲keep住呢個email

15. 結果？我有個朋友入圍（唔係寫金融的），本人當然名落孫山。明顯寫得未夠好，或者緣份未到。

16. 又或者，係未夠努力。

17. 當年某評審睇咗我篇文，問我有冇啲正經啲嘅（陰功，我以為嗰篇已經好正經！）。正常真係好飢饑嘅人，應該會寫多篇。但我好似只係回佢：冇喎，這是我的風格。（唔肯定有冇第二句）

18. 咁，who cares你咩風格？邊位？

19. 況且，Let’s be frank，機會成本。我由中學開始已經鍾意寫嘢，但畢竟你鍾意唱歌同你去紅館開演唱會係兩回事，你鍾意踢波同你去咗奧脫福踢一隊又係兩回事。

20. 正如上面講，當時我在耆英都撈得不錯。當然都熱愛寫作，但我都熱愛空姐（誰不愛），但我總不會日日走去約空姐，對不？唔使返工咩。咁我摶上位升職加人工緊要，定寫文緊要？

21. 你可以話即係我未夠熱愛，或者寫得未夠好，總之whatever，就又過咗十幾年。媽的，人生有幾多個十幾年？

22. 但生命嘅嘢真係唔係一條直線，卒之2021年，《信報財經月刊》，搵我寫嘢！

23. 我唔記得係「四哥」定「發哥」講（懶FC了），當年《信報》搵佢寫文，佢嘅反應係「𦧲飯應」（原文照錄）。亦係我早兩星期嘅心情。

24. 講多無謂，write some god damn thing．稿已交，講日本股票。10月頭會出版，到時記得買。最開心係佢地可以畀我寫三千字。

25. 當然啦，如今我四十看從前，枝筆已鬆軟。「四哥」「發哥」都冇再在《信報》寫文。但唔緊要，依然仲有好多好嘅作者。唔係講我啦。你也可以是孔少林，我們都是原復生。

26. 彩蛋：當年，2006，唔知「四哥」定「發哥」在《信報》，貼中意大利拎冠軍，鳩威咗一排。今年，2021年，本人一樣貼中意大利拎冠軍！固然都係七分好彩，但，至少寫波，我就應該勝過「四哥」「發哥」了。

27. 彩蛋二：居然畀我搵得返當年掟去嗰兩篇稿，不如遲下貼上嚟？而家睇返，「都唔係真係咁差啫」，「咪同我而家啲文差不多」。證明我過去十幾年都冇乜進步過，但可能啲讀者品味越嚟越低，造就我都有人睇。又或者「四哥」「發哥」等等收晒山，池中無魚蝦自大，廖化作先鋒咁。

（＊）都係鍾意高登改版多啲。「記得飯島　松島　都已見過面 後來榮升主角太突然」。原諒我騎劫咗一個應該相當文藝中產嘅post，但，唔通中產文青唔睇AV？早兩年我去到松島（牛舌！）打卡亦都係貼呢句歌詞。不過in case anyone care，我係既唔睇飯島，亦唔睇松島嘅。甚至三上悠亞 波多野結衣我都係唔睇的。懶係唔跟主流嘛，由呢啲嘢都睇得出。但又不過，你見我買股票又係買返 Facebook Microsoft 等等，主流到唔主流，所以唔好輕易將 「平時嘅口味」同投資嘅性格撈埋嚟講。正如跑馬拉松嘅人，未必買股票有恒心。運動員在場上可以受壓，可以超高心理質素，但唔等於唔會有心理問題，唔會亂買嘢傾家蕩產。世界唔係咁簡單

（＊＊）好多書有講，例如呢本（https://bityl.co/8eCm）

（＊＊＊）無獨有偶，嗰時我去耆英證券見工，都係嗰度！仲要係樓上！「所以唔使請假見工」。最正係我take咗佢地offer嗰日，放工就撞到後來嘅鬼頭上司同我一齊迫電梯。

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

要解決黃牛問題，
唔一定要搵把開山刀劈落佢，
嘗試拎走啲草，冇嘢畀佢哋食，佢哋自然會消失。

（講明先，講講下黃牛問題，
最後會講到我一年後個Show，
唔啱睇可以直行轉左走先唔送）

一講到黃牛問題，好多觀眾會話：「實名制咪得囉！」
我唔會完全否定實名制嘅可行性，
但喺香港，真係唔係個個Show都搞得掂實名制。

＝＝＝＝＝＝＝＝＝＝＝＝＝＝＝＝＝＝
首先，你要用多好多Check飛成本。如果係天王大Show就冇乜問題，如果係兩三場細Show，本身要收支平衡都難，再花人手Check飛就蝕硬……但唔緊要啦，「蝕咪蝕囉，打擊黃牛人人有責吖嘛！」大佬我都係咁諗，所以我都提出過好多次，但我啲同事每次都好聲好氣（心裡屌鬼）同我講：

佢：「（笑住屌鬼）唔work㗎，Check幾千人，會入唔切場，會搞到好夜㗎。」
我：「……咁你叫佢哋早啲嚟排隊咪得囉！」
佢：「（笑住屌鬼）唔得㗎……當你唔洗OT，六點放工，食個快飯，搭車過海，早極嚟到已經七點半啦。仲要多數人都要OT……（話中有話）」
我：「……咁即係星期日就搞到啦！」
佢：「（笑住屌鬼）唔得㗎，唔係個個人都肯早到，最後一大堆人依然係最後一刻先到……」
我：「……咁我哋請多啲人手咪得囉！咪Check快啲囉！」
佢：「（笑住屌鬼）好理想係咁，但實際上唔係。以伊館計，個場地設計本身就係有樽頸位，搞實名制係一定會塞死晒，搞好耐；你再諗下麥花臣，得一個入口，大家至少要喺街上面等多兩個幾鐘。Check完都完騷，唔係個個場都係亞博同紅館咁大。」
我：「……咁你隨機check少少咪得囉！」
佢：「（笑住屌鬼）……隨機check少少即係假㗎啦，下次咪又係唔驚你」
我：「……有人話用App Check！」
佢：「（笑住屌鬼）唔係我哋話做就做，要各大票務肯配合先得…」
我：「……」

＝＝＝＝＝＝＝＝＝＝＝＝＝＝＝＝＝＝
佢係完全覺得佢腦細我好L蠢咁嘅款。
次次都傾到我節節敗退、落荒而逃。
最後迫我諗返問題嘅核心：
最簡單，點解會出現黃牛？
答：因為供求失衡。

咁點解決黃牛問題？

兩個方法：
第一，解決「求」。唔好畀自己好似劉華咁受萬民愛戴，好似我咁，冇乜人識，自然就冇乜黃牛問題；

第二，解決「供」。你有足夠座位畀想睇你嘅入場觀眾，啲飛咪唔會炒到貴晒囉。

＝＝＝＝＝＝＝＝＝＝＝＝＝＝＝＝＝＝
如果真係提供多啲座位咁簡單，咁點解之前一路冇人做呀？

有幾個可能性：
1）有人話，有啲主辦單位扣起晒啲飛，因為佢哋就係黃牛本人。我唔知啦，冇證冇據；

2）喺香港Book場真係好難，除非預早好多Book，否則好難Book好多日；

3）你點知有幾多人會嚟睇自己個Show？大Show都好啲，製作費冇咁緊，如果係細Show，開多一場場租就多一場場租，好蝕的；

4）（咁大明星騷咪可以book多啲場囉？）有一個核心問題，冇乜演出者會鍾意見到自己個場好多空櫈。

總結以上三點，就係大家都「寧願有觀眾買唔到飛，好過有空位冇觀眾睇。」

＝＝＝＝＝＝＝＝＝＝＝＝＝＝＝＝＝＝
人哋係點，我都只係靠估。
至於我自己係點，我可以控制。
至少我可以試下。
於是我就喺幾日前搞咗個「人類史上最優先訂飛」。

優先預購其實絕對唔係乜嘢新鮮事，
舞台劇界（尤其小劇場）一直都有咁做，
近年好多演唱會都會咁做，
其中一個目的都係為咗畀主辦易啲預人數。

但佢哋都係book晒場，預早兩三個月去做，變咗都係有限制，預期人數同最終人數落差都可以好大。

今次我預早一年，未有場地，未有日子，
可以先預一預有幾多人有興趣，
然後因為場地票務各規定主辦單位要留兩成至五成不等嘅飛作公開發售，
計一計數，我就可以去Book返相應場地／場數。
（用我自己做例，聽日截止，七七八八，有七千幾八千條癲仔預早一年訂咗飛，咁最後，因應不同場地及票務嘅規定，我最後就會開一萬至萬五人左右。）

咁你話，咁你都係估，到時都有權多咗人買飛，咪又係供求失衡？
講返轉頭，個重點係，我又唔係劉華，有黃牛嘅機會本身就係細，其實預得差唔多㗎喇。
再者，咁我Book場時又再預多啲少少座位，
總之我抱住「寧願有空位冇觀眾睇，好過有觀眾買唔到飛」依個心態，盡力做，最後都有黃牛嘅機會已經比平時少好多。

＝＝＝＝＝＝＝＝＝＝＝＝＝＝＝＝
最後一日訂飛，
聽日31號朝早10點截止。

《林日曦細聲講＿＿＿》（名都未有）
演出日期：下年年尾（即係2019年11月－2020年2月之類其中一日）
演出場地：未定場地（放心，萬一book唔到場，一定退票）
演出內容：un腳

「人類史上最優先訂飛」
來龍去脈：https://goo.gl/EP4G26
訂飛網址：Ticket.TVMostMall.com
訂飛日期：2018年12月22日上午10時至12月31日上午10時
訂飛優惠：一年後睇Show時，將可得到一份低能小禮物

#林日曦細聲講
#人類史上最優先訂飛

〔好耐無做過預售嘞〕
.
對上一次應該係2015年嘅 29 @ AMC, 今年嘅Bloom Again 因為有信用卡幫忙，預訂唔需要經我哋，所以相對輕鬆。所以今日見到大家嘅反應係陌生得嚟令我好開心。
.

呢兩年接觸多咗商業製作，佢哋都會好驚訝我哋做劇場嘅點解會提供優先訂票，又要人手做，又要俾優惠，點解要加重自己負擔？要知道你而家係做緊內部訂飛，座位起碼已經有保證，點解仲要有優惠？出面演唱會如果你咁好彩識人買飛，首先要俾手續費，再唔知等到幾時先會有飛。好多年前我試過托上托買陳綺貞紅館演唱會，最貴嘅飛（好似係$500)，結果我係坐山頂咁高，兼且全晚睇唔到佢正面，只係望背脊。心入面當然唔開心，不過咁又睇咗一晚，下次嚟我都係會再睇。投訴？你點可以投訴？
.

預售呢樣嘢，喺我哋舞台劇做法就完全唔一樣。舞台劇嘅賣飛情況始終唔會好似主流活動咁熱烈，我哋無龐大嘅前線宣傳，對象亦唔係普羅大眾。好多時我哋會提供預訂優惠，希望更加早就知道市場反應，同時因為劇團經營唔同大公司，我哋未必有龐大資金去營運，所以優先訂票就會為劇團提供流動資金，如果唔係等到票房轉番錢俾我哋就會係好耐嘅事。
.

同樣，因為我哋係小本經營，希望可以慳到成本，我哋會選擇人手做預訂而唔會用其他售票網訂票，（因為佢哋會收我哋手續費，亦相當合理）。所以，訂票手續會比較繁複，好鬼土砲，都係銀行入數再收表格之類，係會麻煩咗，我認；但係睇慣舞台劇嘅人都應該習慣呢種模式。諗下以前未有google form,大家仲要印張表格出來，然後寫支票，再郵寄俾我哋 ......我哋要逐封信開，睇表格，入excel...... well, those were the days.
.

當然，我諗做劇團嘅都可能希望自己有一日做到商業運作咁，總之開票房就大家去買，兩三日就賣晒，（甚至兩三個小時）甚至有人會好似排演唱會咁通宵去排舞台劇，或者好似Broadway 咁，一個long run 嘅演出但長期都唔會買到飛......但我知道呢條路依然好遠。每次演出我哋仍然不免提心吊膽，唔肯定自己個演出會賣成點。
.

又再講，條路真係好遠，演唱會好蓬勃，但係舞台劇對香港人嚟講依然係奢侈活動。有人話，呢幾年唔係好好多咩？好多明星做舞台劇打開咗市場，或者會有商業機構主辦，又有啲舞台劇人開始越來越多人認識，應該會好多人睇喎。係，但係未必個個戲都啱你睇（或者直接啲講，好睇），有人因為一啲特別嘅原因第一次行入劇場，但係如果覺得個演出唔好睇（甚至難睇），以後就好難再叫佢俾幾百元入場坐一晚。明星演出亦已經唔係賣票保證，一樣要用各種方法去宣傳去谷飛。約咗女仔不如番屋企睇Netflix好過，又唔洗錢又好多好戲有得揀仲要免費，仲可以飲住紅酒食住薯片睇添。約咗班朋友不如上openrice 睇下邊度有新開嘅餐廳好過啦。你哋嘅考慮我都明白，而我哋只能夠繼續做好自己嘅製作，建立自己嘅品牌同觀眾層，繼續相信有麝自然香。
.

就咁我就經營咗自己嘅演出十三年，由當年小劇場係由我自己逐個訂飛嘅人打去confirm ticket : 你好呀，請問你係咪訂咗xxx嘅門票呀？想同你對番資料......（講完一大輪，有ｄ醒目嘅會問我：你係咪......彭秀慧呀）係呀，我就係。（尖叫，然後話點解會係你自己打嚟㗎！）哈哈哈。到今日，我有全行經驗最豐富嘅阿賢去處理票務，唔需要再由我自己去確認越來越多嘅觀眾，都係一種進步呀。亦因為我自己做過票務，知道工作有幾繁重，所以我真係會嚴厲對待任何唔睇清楚條例嘅朋友，唔想增加同事嘅負擔同麻煩。
.

NO MERCY, FORGIVE ME.
.

今日打開你哋嘅訂票表格，見到好多熟悉嘅名字，有啲係朋友，有啲係學生，佢哋有我電話都選擇唔會麻煩我內部訂票而自己做足手續，好好好感動！！！（特別讚下KPP同學仔，最乖最醒目最支持最唔會恃熟賣熟）有啲係只記得個名但唔知道個樣嘅長期觀眾，有啲一個人睇幾場嘅，見到一樣窩心；你哋嘅名同說話我全部都睇到呀！！
.

無嘞，有感而發。
我愛我的觀眾。
.

另，我想送出一本29 notebook 俾今朝早第一個填好表格嘅人，獎勵佢快人一步。佢係 09:01:55 交form的。（排第二嘅朋友係遲佢四秒）
住喺將軍澳嘅Eunice , 恭喜你！你inbox 我啦！
.

#唔通你真係以為我有三千萬員工
#但我的觀眾質素都很高是真的

【12.05時事!】升旗易得道 2020年12月05日
主持: Tony Jaa 1.5

12.05【紅館群組？】張敬軒演唱會四人感染，楊千樺被迫取消六場跨年Show！
________________________________________________________
“每月贊助”支付方法:
(1)Patreon : https://www.patreon.com/tuesdayroaddaily
(2)Paypal : tuesdayroad2019@gmail.com

https://mewe.com/i/tuesdayroadtonyjohnny
https://gab.com/TuesdayRoadWorldwide
https://twitter.com/Tuesdayroad1

升旗易得道【新】支持我們6步曲!!
1. 節目月費贊助
2.收看廣告,
3.訂閱節目Youtube頻道,
4.俾like,
5. facebook Twitter share
6.建設性留言,痛擊五毛

【2020年7月1日, 升旗易得道就港區國安法公告 - 】:

因應港區國安法, 本台嚴正作出如下聲明:

1.本台節目於港區國安法生效日起作出全面重組和整合。

2.本台於2020年7月1 日前所作的所有節目均為節目主持或嘉賓之個人意見, 與本台立場無關。

3.本台所有節目之內容均並非在香港特別行政區境內或中華人民共和國之境內製作。

4.本台所有時事節目內容均為引述消息來源、新聞媒體報導 (包括海外媒體, 香港媒體等) 之內容而作出, 與發言者之政治立場或、主張或意見無關。 本台節目內容包含戲仿、滑稽、政治戲仿、諷刺等內容, 與真實之人物並無任何實質關係。

5. 任何接收本台節目內容、收聽的接收者請注意: 本台所有節目內容謹為對新聞時事之評論, 不論在任何時刻均無意構成任何 “煽動、協助、教唆” 行為。 本台節目內容包含戲仿、滑稽、政治戲仿、諷刺等內容, 與真實之人物並無任何實質關係。

6. 最後, 本台據悉港區國安法內容可能帶來極嚴重法律後果, 本台奉勸所有接收本台節目內容、收聽人士小心其條文內容, 切勿以身試法。
-----------------------------------------------------------------------------------------------------------
現時, 香港形勢危急, 我們希望各位團結一致, 運用智慧應對。
希望所有支持者能在各方面支援本台繼續擴播。
-----------------------------------------------------------------------------------------------------------
本台一直致力提供日報式的時事節目予大家。 Youtube 局部恢復了廣告, 但是無理打壓依舊。 廣告收益難以維持本台營運及支援工作。故此, 我們仍然希望聽眾能月費支持本台擴播!

我們經營困難, 因此本台必須改變舊有方式以繼續維持營運。 經商議後, 我們將向聽眾及支持者收取自願性的“每月贊助”。 初步將每月收取贊助港幣200元 (考慮到我們節目集數比同類型網台節目多更多)。 我們致力於降低營運成本,不希望謀取任何暴利, 以達到聽眾及支持者以合理公平的成本即可聽取時事節目。 我們不希望阻止一般大眾繼續收聽節目。 因此, “每月贊助”, 是完全自願性的。我們會在一段時間後檢討計畫內容, 希望各位有能力的, 能盡力支持!

7.21, 8.31, 7.1。 我們, 退無可退。

齊上齊落! 團結一致, 不分割, 不譴責!

我們與前線抗爭者站在一起!

我們認為, 現在是世界歷史的重要關口, 能和近代歷史中的重大變化相比較。 2019年及2020年的事件均顯示出香港人對於民主、自由價值觀的追求, 並同時令這股浪潮捲進全世界, 不可逆轉。

保留實力, 等待黎明!

----------------------------------------------------------
皇牌時事經濟節目!
逢有突發新聞, 立即和大家分析局勢! 關心香港! : 嬉笑怒罵, 分析時事, 經濟, 政治, 歷史和心得!

www.tuesdayroad.com

請即訂閱我們升旗易得道youtube頻道:-
https://m.youtube.com/channel/UCC3Ani
===========================================================

今年4月因租金、食材成本和人工開銷等問題結業的好時沙爹今日原址重開，比舊舖光鮮亮麗。食物無論是種類和味道都跟以前一樣，雖然價錢稍有調整，但仍是區內抵食之選。老闆今次又推出新小食酸辣鳳爪，以烹調海南雞時剩下來的雞腳內饌，烚腍後用青檸和魚露調味而成，鹹鮮味十足，蒜味濃郁，非常開胃。以後到紅館睇演唱會之前又再有美味的沙爹、海南雞飯和肉骨食。

=========
全新副刊，推動知識文化多元。培養品味，立足香港放眼世界。不畏高牆，我們站在雞蛋一方。
《果籽》 栽種品味，一籽了然。 https://hk.appledaily.com/realtime/lifestyle/