機會嚟啦喂🤟🏻 個個睇完show都msg我都話個show好正 🥺 我終於都有機會感受下 真係要較定鬧鐘搶飛呀🤩🤩 #repost @yuenwrong ・・・ 《張敬軒 X 香港中樂團盛樂》一連八場紅館演唱會，今晚順利踏入尾場，同時亦傳來開心消息，宣布加場！ 
這個2020年得來不易的精彩演唱會，疫情之下人人心情沉重的一年，軒仔首次聯乘香港中樂團演出，不單歌單被樂迷激讚，所有歌曲經過重新編寫，加進中樂元素後，軒仔現場的動人演繹更加澎湃感人。 演出之中軒仔不忘帶來正能量及歡笑給觀眾，為大家深情獻唱之餘，又語重心長告訴大家，生活之中要努力為自己尋找小確幸，演唱會中亦不時穿插他扮鬼扮馬輕鬆搞笑畫面，與觀眾對談交流時妙語連珠，令現場歡樂無比。雖然大家都隔著口罩相見，但每晚軒仔都為觀眾帶來娛樂無窮，現場笑聲歡呼聲不斷。 來到今晚最後一場，為了買不到門票望門興嘆、在網上哀嗚因疫情不能來港欣賞的歌迷， #早餐界KOL #軒公 與英皇娛樂公司商量再商量後，決定宣布「加場」！ 今次加場，全面照顧世界各地軒迷，無論你身在何方，均可以安在家中，欣賞到軒仔這個《張敬軒 X 香港中樂團盛樂》精彩絕倫的演出。12月6日 (星期日) 晚上九時，軒仔及英皇娛樂為你特設演唱會的「70分鐘網上精華版」供大家購票，讓大家可以於網上欣賞這場中樂盛宴。 門票組合將於11月30日（星期一）下午6時於KKTIX.COM網站開售，是次經網上入場，票價分$38, $68及 $238三種(需另加運費）。 大家可能會問 : 網上版家中自備座位都有分票價咁搞鬼？軒公當然不會讓大家蝕底，敬請留意以下三種選擇包括的「著數」。
期待網上與你再次欣賞《張敬軒X香港中樂團的盛樂》盛宴。 門票組合A - 價格：HKD$38
 演唱會網上版門票一張 門票組合B - 價格：HKD$68 演唱會網上版門票一張 + 特別版盛樂明信片一套共12張 
 門票組合C/D - 價格：HKD$238 演唱會網上版門票一張 + 全球限量盛樂彩膠唱片一張（只限KKBOX香港白金會員訂購，7吋彩膠唱片特意收錄張敬軒 X 香港中樂團從未曝光「青春常駐」版本及演唱會特別版 。現場錄製作品，演繹細膩動人，全球限量共1000隻，極具收藏價值，軒迷必儲之選！ ）  *需另加運費 購票詳情, 請留意以下網站 : 
 英皇娛樂 : https://eeg.zone
 KKTIX活動專頁：https://emperor.kktix.cc/events/hinscheungxhkco

好耐無做過預售嘞。 . 對上一次應該係2015年嘅 29 @ AMC, 今年嘅Bloom Again 因為有信用卡幫忙，預訂唔需要經我哋，所以相對輕鬆。所以今日見到大家嘅反應係陌生得嚟令我好開心。 . 呢兩年接觸多咗商業製作，佢哋都會好驚訝我哋做劇場嘅點解會提供優先訂票，又要人手做，又要俾優惠，點解要加重自己負擔？要知道你而家係做緊內部訂飛，座位起碼已經有保證，點解仲要有優惠？出面演唱會如果你咁好彩識人買飛，首先要俾手續費，再唔知等到幾時先會有飛。好多年前我試過托上托買陳綺貞紅館演唱會，最貴嘅飛（好似係$500)，結果我係坐山頂咁高，兼且全晚睇唔到佢正面，只係望背脊。心入面當然唔開心，不過咁又睇咗一晚，下次嚟我都係會再睇。 . 預售呢樣嘢，喺我哋舞台劇做法就完全唔一樣。舞台劇嘅賣飛情況始終唔會好似主流活動咁熱烈，我哋無龐大嘅前線宣傳，對象亦唔係普羅大眾。好多時我哋會提供預訂優惠，希望更加早就知道市場反應，同時因為劇團經營唔同大公司，我哋未必有龐大資金去營運，所以優先訂票就會為劇團提供流動資金，如果唔係等到票房轉番錢俾我哋就會係好耐嘅事。 . 同樣，因為我哋係小本經營，希望可以慳到成本，我哋會選擇人手做預訂而唔會用其他售票網訂票，（因為佢哋會收我哋手續費，亦相當合理）。所以，訂票手續會比較繁複，好鬼土砲，都係銀行入數再收表格之類，係會麻煩咗，我認；但係睇慣舞台劇嘅人都應該習慣呢種模式。諗下以前未有google form,大家仲要印張表格出來，然後寫支票，再郵寄俾我哋 ......我哋要逐封信開，睇表格，入excel...... well, those were the days. . 當然，我諗做劇團嘅都可能希望自己有一日做到商業運作咁，總之開票房就大家去買，兩三日就賣晒，（甚至兩三個小時）甚至有人會好似排演唱會咁通宵去排舞台劇，或者好似Broadway 咁，一個long run 嘅演出但長期都唔會買到飛......但我知道呢條路依然好遠。每次演出我哋仍然不免提心吊膽，唔肯定自己個演出會賣成點。 . 又再講，條路真係好遠，演唱會好蓬勃，但係舞台劇對香港人嚟講依然係奢侈活動。有人話，呢幾年唔係好好多咩？好多明星做舞台劇打開咗市場，或者會有商業機構主辦，又有啲舞台劇人開始越來越多人認識，應該會好多人睇喎。係，但係未必個個戲都啱你睇（或者直接啲講，好睇），有人因為一啲特別嘅原因第一次行入劇場，但係如果覺得個演出唔好睇（甚至難睇），以後就好難再叫佢俾幾百元入場坐一晚。明星演出亦已經唔係賣票保證，一樣要用各種方法去宣傳去谷飛。約咗女仔不如番屋企睇Netflix好過，又唔洗錢又好多好戲有得揀仲要免費，仲可以飲住紅酒食住薯片睇添。約咗班朋友不如上openrice 睇下邊度有新開嘅餐廳好過啦。你哋嘅考慮我都明白，而我哋只能夠繼續做好自己嘅製作，建立自己嘅品牌同觀眾層，繼續相信有麝自然香。 . 就咁我就經營咗自己嘅演出十三年，由當年小劇場係由我自己逐個訂飛嘅人打去confirm ticket : 你好呀，請問你係咪訂咗xxx嘅門票呀？想同你對番資料......（講完一大輪，有ｄ醒目嘅會問我：你係咪......彭秀慧呀）係呀，我就係。（尖叫，然後話點解會係你自己打嚟㗎！）哈哈哈。到今日，我有全行經驗最豐富嘅阿賢去處理票務，唔需要再由我自己去確認越來越多嘅觀眾，都係一種進步呀。亦因為我自己做過票務，知道工作有幾繁重，所以我真係會嚴厲對待任何唔睇清楚條例嘅朋友，唔想增加同事嘅負擔同麻煩。 . NO MERCY, FORGIVE ME. . 今日打開你哋嘅訂票表格，見到好多熟悉嘅名字，有啲係朋友，有啲係學生，佢哋有我電話都選擇唔會麻煩我內部訂票而自己做足手續，好好好感動！！！（特別讚下KPP同學仔，最乖最醒目最支持最唔會恃熟賣熟）有啲係只記得個名但唔知道個樣嘅長期觀眾，有啲一個人睇幾場嘅，見到一樣窩心；你哋嘅名同說話我全部都睇到呀！！ . 無嘞，有感而發。 我愛我的觀眾。 . . #圖文不符 #但我對著電腦看到你們的訂票表格超興奮 #唔通你真係以為我有三千萬員工 #但我的觀眾質素都很高是真的 #想訂飛要到我fanpage #工作愉快是維他命

《免於「封殺」的恐懼，從打破演唱會壟斷模式開始》 詩與胡說13july 上月Lancôme事件，從四方八面傳來鼓勵和支持，當中夾集著許多擔心，還有不少冷嘲熱諷。關心我的，擔心我從此無運行，對我沒好感的拍爛手掌，大概心諗「今次妳仲唔死！」。選擇企硬作出回應，惹來各種「怕得要命」。不是我自己，而是旁人個個怕得要命。大家認定了：「得罪」大陸＋趕走客戶＝死路一條。 面對這個行業以及許多香港人的妄自菲薄，我是慨嘆的。 為什麼我們如此擔心「封殺」？因為害怕。為什麼如此害怕？因為覺得沒有選擇。為什麼覺得沒有選擇？因為我們從來害怕想像。 又奇怪，站在風眼中的我，一直對所有攻擊手段處之泰然，見招拆招，從沒一刻覺得走投無路。雖說是別人眼中的「雙失廢鐵」，但其實這兩年來做到無停手，比起風平浪靜的那個我，變得更靈活。單靠著香港市場，雖不算大富大貴，但也是健健康康肥肥白白啊。是要多花腦筋、親力親為，但有沒有因此而要節衣縮食？答案是沒有的。 人到了絕處括出去，把一切恐懼拋諸腦後，才會發現一直都沒有看見的可能性。「沒有大陸市場你死硬」，只是不肯變通的人的迷思。 好，就假如，我這兩年的轉變，還不夠你認同這個說法，那就用我今年十月紅館演唱會，再狠狠地實驗一次吧。 先介紹一下香港演唱會的做法。 大家有買演唱會門票的經驗吧？座位表上那片黑海，夠讓你反枱吧？當紅歌手有N個大品牌搶住贊助，幾個大財團，用一百幾十萬的大金額，瓜分80%門票，而小市民，就要爭崩頭去搶那剩餘的20%，按比例計，一場只有一二千門票放出街賣。最當紅歌手開個十場，等於幾百萬人爭兩萬張飛，點搶？這種資源分配失衡，有沒有想起社會的哪些現象？ 搞一場演唱會，要好幾百萬製作費，公司要確保收支平衡也無可厚非。在健全的社會中，的確是沒有問題的。但當現今整個行業嚴重傾斜某市場，而這市場更要大家封嘴不批評，才能確保「飯碗」不被打爛，那問題就來了。音樂是創作，需要自由思維。當說每句話都有所顧忌，連個性都埋沒了，最終做出來的，還是最真誠的創作嗎？作為用心的歌手，你希望進來看演唱會的，是板著臉的財團老闆，還是真心追隨你的支持者？ 都是商業決定沒錯，但宏觀地看，縱容各種壟斷，造成對某些強權的單一依賴，到頭來，是苦了行業、苦了歌手、更剝奪了大眾的選擇。 我就偏偏不信邪。Lancôme事件後，沒有大財團敢碰我，大家怕被連累，又如何？既然這樣，就順理成章打破那大家以為「唯一」的壟斷舊模式。沒人敢獨家贊助，就將「獨家贊助」分拆上市，變成幾十個甚至幾百個「獨家贊助」，開放本來單一的渠道，讓各個平時進不了門鑑的本地中小企，甚至是個體的有心人，來個「集體獨家贊助」演唱會。 不需要一百萬幾十萬，只要你有$15000的基本資金，就可以加入「集體獨家贊助」我。這個贊助，包括門票、宣傳品上的冠名鳴謝、還有我對你品牌的「Q o麥」認證。你的支持，我必雙倍答謝，用自己方法為你代言。 這兩年來，靠著香港人的支持，才能持續地實現我的想法。是你們，幫我證明了，我對這個地方的信任，是對的。這次，將我這個演唱會的話語權，還給與我擁有共同理念的大家，再也理所當然不過。 集體獨家贊助何韻詩2016演唱會計劃，現在展開。 （贊助計劃詳情將在HOCC FB page正式公佈 ）