【這是你所想的生活嗎？】

一直好多人都同我講，不如搵份穩穩定定冇咩做嘅工，終於疑似搵到咗，簡簡單單、唔會有太大壓力、冇咩明爭暗鬥、同事關係都和諧，生活都好似過得唔錯咁，但你總係覺得，好似差咁啲咩，都自知未必係自己想要。

或者你習慣咗以前生活係忙到打仗咁，你會有十萬個task等住你，你一直以嚟學會嘅係超越Multi-tasking嘅工作，幾乎係Infinitive-tasking；因為每份工極唔穩定，一個月炒team人正常不過，為鞏固個位，你唔玩明爭暗鬥都迫住要玩... 當你習慣咗呢種生活，突然原來「穩定」都唔係你想像中咁美好，有時，你會好lost唔知做緊乜。

返工唔知做乜、放工唔知做乜、weekend唔知做乜、放假唔知做乜…… 真心，你以前會好期待放假去邊玩、有咩做，依家你都開始迷失，其實放假唔知可以做咩，原來都幾迷失。然後，收工不如紅隧口落車行返屋企，反正你唔知可以做乜；你收入可能係以前幾倍，但除咗儲錢以防下一次失業，原來你都係唔知做乜。到最後，似乎做咗自己最睇唔起果種人，一味得個穩定冇目標可言嘅人。

唔好，我唔想咁。

以前你應該quit咗十世，咁嘅時勢，全香港所有行頭公司都俾你見曬，唔止一次，呢幾年嘅經歷，嚇怕咗你；以前明爭暗鬥唔係你死就係我亡嘅日子，令你明白多一事不如少一事，事不關己唔好r嘢做、同事之間唔好講咁多深刻嘢自己嘅私事，你已經唔會再相信有真正情誼，會唔會有朝一日又反目成仇，又或者講，生活平淡至此，都冇咩好講。

對比以前，你唔算唔開心，終於俾你過到呢種從未試過生活，唔駛擔驚受怕聽日會唔會失業、唔駛慳住食少一餐儲得幾十蚊得幾十蚊，都唔駛為慳幾毫子身水身汗行幾個巴士站為分段收費，你或者要珍惜。只係日子日復一日如是，又變咗冇乜感情起伏可言，都唔知叫開心定唔開心。人大咗，開始唔會有咩朋友，你收工想搵個人食個飯吹下水都已經唔會有，唯一期待，係Netflix有乜新劇上架。

呢排成日發夢，夢見以前喺迪士尼實習嘅日子，夢見同同學收工就去玩、夢見同各國同事圍埋一齊食飯吹水、夢見同朋友一齊煮飯... 果種感覺真實到你以為自己真係喺美國，醒嚟都唔想接受自己生活咁混沌。成日話，果段日子，係我人生中最開心最無憂無慮嘅日子，呢段回憶徹徹底底深植喺我腦海入面。唔知係咪最近生活太平淡，潛意識好想返返以前，夢見呢段記憶，有時起身總會不自覺眼濕濕。

我間中會諗，個人變咗咁係咪因為疫情？以前有咩唔開心，去個旅行能醫百病，依家冇咗；以前唔開心咪去酒吧飲杯嘢，依家十點後你點都要走；以前失業有咩好怕，經過舊年後你知道，失業最可怕唔係冇錢，而係你每一日都唔知可以做咩，精神折磨先最惡夢。

慢慢，你發現自己搞唔清自己想要啲咩，失意漂泊時曾經同自己講穩定落嚟也不錯，但當你穩定到而又高不成低不就，生活平平淡淡，又發現原來冇乜動力。

到最後，你自知道唔關疫情事，而係到今日，一直都仲未搵到適合自己嘅路。既然一切依舊茫然，不如安定住先。平淡有收入，總好過平淡冇收入。

去旅行我好鍾意望到呢種藍天白雲，我好鍾意影低不同形態，估唔到香港難得望到，竟已唔係一種攝影衝動，而係俾到一種自由嘅感覺我，抖一啖氣繼續上路。

諗起電影《幸福路上》嘅主題曲歌詞：
//成為了你理想的人了嗎，那故事後來有什麼留下... 我又是誰，我卻說不清楚//

共勉之。

✨ 網店正式開張！新張期內貨品低至$5！請即睇：https://bit.ly/3qLPkpk

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

一直當左2019年催淚的滋味係MLA最後一個show。

當時周同學過身無耐，正值中大保衛戰尾聲，再過兩日就係理大圍城。
露體狂小丁
宅女上街吧
牛頭角青年
今宵多珍重
吳小姐
K同學
香港香港
整個鋪排每一首歌都痛到入心。

而今次俾我最大嘅感覺就係欲言又止，無可奈可，同香港一樣，都係咁壓抑。集體傷痕太深太痛，唔敢直接掂，只可以輕輕帶過🥲
就如佢地最後翻唱黃耀明嘅祝福你快樂入面所講：
//如此這般的創傷 不知怎去接近你
誰叫我意欲說偏偏不知怎說起//

另外令我有啲失落嘅係，今次新碟無收錄吳小姐，今夜雪糕段獨白唔同左，今宵多珍重live亦都無左彭定康嘅speech。身於以言入罪嘅時代，唔難理解呢啲變動，大概都估到唔會再聽到佢地唱某啲歌嘅live。再唔能夠再大聲疾呼心中所想，不過心入面知道自己唔係孤單一個就得🥲

完show之後搭過海小巴返屋企，經過理大、紅隧，再到銅鑼灣、灣仔、金鐘⋯香港變咗好多，但又好似咩都無變。

//我哋而家唯一可以做嘅就只有綁好安全帶，同捉緊我哋身邊人嘅手，然後放膽去經歷同感受未來喺黑暗之中所發生嘅所有所有事情。要一一去感受每一件事情帶俾我哋嘅眼淚、傷痛、憤怒、恐懼、感慨、無力、失望……呢啲事情同感受將會成為我地香港民族嘅集體記憶同傷痕。// from youtube

感謝MLA, 在這個荒謬的時代留低一起作見證。

#Longlive #mylittleairport #我都唔知道

《專業係咩色》

冷氣吹到成間會議室好似停屍間咁，面試官不苟言笑，托咗下眼鏡，徐徐問志文下一個問題：

「你平時買開邊份報紙架？」

「《東方》。」志文下意識答咗今朝買嘅報紙，額頭慢慢滲出幾滴冷汗。

面試官咧嘴微笑：「Second-in嘅資料同事會呢幾日send俾你，加油。」

呢一刻，志文唔知應該慶幸《蘋果》早就消失於世上，已經冇得再被佢「買開」，定慶幸老豆今朝叫佢落街買報紙，七仔個架上面得翻幾份《東方》。

噢，你想問志文係黃定藍？呢個問題我諗佢本人都未必答到你。

佢中意睇《蘋果》，同朋友傾計得閒爹兩句鬧下政府，ig轉發新聞嘅caption義憤填膺咁。與此同時佢係Yuu會員，每次m記出新包都即刻撲去試，搵咗幾間心水公司原來都係中資。

你話佢黃？佢份人係幾撐本土嘅。你話佢藍啊？佢又真係周不時幫襯藍店。港豬？佢又唔係唔關心社會架喎。

究竟係幾時開始，政治、顏色同我地嘅生活，以至工作專業掛鉤？讓我地倒帶翻去2019年志文嘅一場面試。

——————

嗰日，好似係全民罷工大遊行黎。朝早有人塞鐵堵路，但志文去見工嘅時候已經係十點幾十一點，道路暢通無阻。

佢去到間公司，見到前面嘅求職者同一個員工爭論緊。

「唔好意思啊，今朝塞鐵，我轉搭巴士但係紅隧有路障，所以先遲咗咁多。我今朝有打電話黎交代翻㗎，可唔可以俾多次機會我？」

「但後面仲有好多人等緊去in㗎…」

「求下你啊，可唔可以幫我問吓先？」

「發生咩事？」面試官似乎聽到動靜，係會議室出黎，得知事件始末後講道：「我都好同情你嘅遭遇，唉，啲人日日搞事，香港真係不得安寧！」

求職者一怔，欲言又止。

「不如咁，你係度等下先，我in埋呢幾位candidate再安排你面試好嘛？」面試官示意剛才嘅員工安排，轉身入翻會議室。

「先生，咁請你嚟呢邊坐坐啊。」

「唔好意思啊，多謝你地肯俾機會我，但我突然醒起我有啲急事要走先，實在抱歉…」

當志文同佢側身而過，隱約聽到對方呢喃：「又唔諗下係邊個逼到我地要搞事…」

——————

「下一位，林志文。」

面試上半場順順利利地過去，面試官視乎對對志文嘅工作經驗同性格都頗為滿意，直到…

「啊by the way想問下你平時週末會去邊？」

呢一個月，每逢星期日都有遊行，面試官嘅暗示眾人皆知。

「睇情況啦，有時同朋友行街，或者行下山咁。」志文本來冇諗住講大話。

面試官見到志文除咗公事包之外，仲有個紙袋裝住衣物，繼續追問：「你陣間都去行街啊？見你帶埋衫換。」

兜唔兜好呢？

「下晝約咗朋友行山，著西裝唔方便，又返唔切屋企換嘛。」志文成功自圓其說，同時，內心深處有似有一忽倔強，隨之消失。

窗外天陰細雨，面試官一笑，二人相對無言。

面試官最後有冇俾offer佢？佢都唔知，因為個間公司唔係佢首選，之後in多咗幾間，就冇再理會過呢間公司嘅email。

咁今次呢？

朋友無奈笑佢話一不做二不休，既然都決定順面試官意，就唔好同自己過唔去。黎緊個second-in，照去馬啦…

話曬今時今日嘅香港，仲有邊個唔講大話？

——————

志文以前眼中嘅香港，係一百個人有一百種唔同嘅聲音，而又能互相尊重。但宜家嘅香港，可能只得一種聲音被准許…佢有冇資格去judge呢個社會現況？當然冇。為咗生活而低頭生存嘅你同我，都冇。

#撐政府係咪會叻做野啲
#大家點睇黃藍與專業嘅關係
l#FulltimeHeadhunt #全職獵人

Follow我哋IG：

🔝最新職位空缺：Fillturegroup
🔝最新職場情報及冷知識：Fillturecareercoaching
🔝全職獵人：Fulltimeheadhunter

【6.5時事!】升旗易得道 2021年6月5日
主持: Tony Choi & John Connor

6.5 【港共恐慌，藥石亂投!】港警恐慌竟出動水炮車及裝甲車封紅隧! 愈禁愈多人上街!
________________________________________________________
我們的後備頻道【升旗易日報】https://bit.ly/3jW9pr8

“每月贊助”支付方法 !
(1) Patreon : https://www.patreon.com/tuesdayroaddaily
(2) Payme 97114085
(3) 我們英國的paypal户口 : hongkongerscommunity@gmail.com

英國合作社網站正式上線 https://wearehongkongers.co.uk/
英國合作社Whatsapp +44 7599451657

https://mewe.com/i/tuesdayroadtonyjohnny
https://gab.com/TuesdayRoadWorldwide
https://twitter.com/Tuesdayroad1

升旗易得道【新】支持我們2步曲!!
1. 訂閱 Patreon : https://www.patreon.com/tuesdayroaddaily
2. 俾like, 收看廣告,


【2020年7月1日, 升旗易得道就港區國安法公告 - 】:

因應港區國安法, 本台嚴正作出如下聲明:

1.本台節目於港區國安法生效日起作出全面重組和整合。

2.本台於2020年7月1 日前所作的所有節目均為節目主持或嘉賓之個人意見, 與本台立場無關。

3.本台所有節目之內容均並非在香港特別行政區境內或中華人民共和國之境內製作。

4.本台所有時事節目內容均為引述消息來源、新聞媒體報導 (包括海外媒體, 香港媒體等) 之內容而作出, 與發言者之政治立場或、主張或意見無關。 本台節目內容包含戲仿、滑稽、政治戲仿、諷刺等內容, 與真實之人物並無任何實質關係。

5. 任何接收本台節目內容、收聽的接收者請注意: 本台所有節目內容謹為對新聞時事之評論, 不論在任何時刻均無意構成任何 “煽動、協助、教唆” 行為。 本台節目內容包含戲仿、滑稽、政治戲仿、諷刺等內容, 與真實之人物並無任何實質關係。

6. 最後, 本台據悉港區國安法內容可能帶來極嚴重法律後果, 本台奉勸所有接收本台節目內容、收聽人士小心其條文內容, 切勿以身試法。
-----------------------------------------------------------------------------------------------------------
現時, 香港形勢危急, 我們希望各位團結一致, 運用智慧應對。
希望所有支持者能在各方面支援本台繼續擴播。
-----------------------------------------------------------------------------------------------------------
本台一直致力提供日報式的時事節目予大家。 Youtube 局部恢復了廣告, 但是無理打壓依舊。 廣告收益難以維持本台營運及支援工作。故此, 我們仍然希望聽眾能月費支持本台擴播!

我們經營困難, 因此本台必須改變舊有方式以繼續維持營運。 經商議後, 我們將向聽眾及支持者收取自願性的“每月贊助”。 初步將每月收取贊助港幣200元 (考慮到我們節目集數比同類型網台節目多更多)。 我們致力於降低營運成本,不希望謀取任何暴利, 以達到聽眾及支持者以合理公平的成本即可聽取時事節目。 我們不希望阻止一般大眾繼續收聽節目。 因此, “每月贊助”, 是完全自願性的。我們會在一段時間後檢討計畫內容, 希望各位有能力的, 能盡力支持!

7.21, 8.31, 7.1。 我們, 退無可退。

齊上齊落! 團結一致, 不分割, 不譴責!

我們與前線抗爭者站在一起!

我們認為, 現在是世界歷史的重要關口, 能和近代歷史中的重大變化相比較。 2019年及2020年的事件均顯示出香港人對於民主、自由價值觀的追求, 並同時令這股浪潮捲進全世界, 不可逆轉。

保留實力, 等待黎明!

----------------------------------------------------------
皇牌時事經濟節目!
逢有突發新聞, 立即和大家分析局勢! 關心香港! : 嬉笑怒罵, 分析時事, 經濟, 政治, 歷史和心得!

www.tuesdayroad.com

請即訂閱我們升旗易得道youtube頻道:-
https://m.youtube.com/channel/UCC3Ani
===========================================================

｜返工血淚史｜來回塞車五個鐘 工程師跑步返工兩年 觀塘跑返上環當練馬拉松：見人塞紅隧最爽
居於觀塘的工程師Falcon是長跑好手，兩年前因下班塞車，開展了「通勤跑」，即以跑步上下班代替搭車，出自日本超級馬拉松運動員關家良一，外國則以「Run Commuter」形容跑步上下班的人。Falcon更成立了通勤跑者群組，跟同好分享跑步路線、心得和推廣本地通勤跑。

Falcon曾經在元朗和屯門居住，兩三年前在數碼港和黃竹坑上班，「最開初我也跟大多數人一樣，也是很晚才睡，睡到早上最後一刻才起床，吃早餐一定要喝咖啡提神，每天重覆這個生活節奏，你會覺得越來越少時間做其他事。」

https://hk.appledaily.com/lifestyle/20201219/QQVDZT6KAJBNJB7HYBXPURYPGY/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#果籽 #觀塘 #屯門 #塞車 #馬拉松 #StayHome #WithMe #跟我一樣 #宅在家

今日《經濟日報》，「唐榮」是我朋友，佢分析樓舖好好。 當年雙倍印花稅是2013年2月22日開始， 之前可以零成本就摸貨。2013年2月22日開始至今就唔得， 必須在簽署臨時買賣協議之後三十日內付印花稅， 變相炒家交易成本大增。(I think good idea).

見圖， 2013年之後舖位的買賣宗數大減，之前是每年四千宗，近年是每年1400宗。今年只得約1000宗。

我預期下年商舖成交量會上升至近2000宗，當中街舖成交(非內部轉讓) 佔約700宗，即每工作天兩三單 (減辣前每天只得一兩單)。

下年商舖成交量會升最少5成至升近一倍，因為:

(1) 舖位市況好難好難差過今年 (I hope!)。 舖位的價值，最主要是睇街上有冇人行，今年係無人行! 等市場消化這個減辣新措施後， 業主會減價，買家會追價。

(2) 政府的200億買舖，已經佔了當中126個物業。 雖然部分是其他工商， 但舖業主套現，資金回流舖市，必定帶動舖成交量。 只要第一批90億的中標的業主名單公佈 (唔好流標)， 市場一定再打支強心針!

(3) 我自己公司最大的經營成本就是雙倍印花稅， 今年我已經交稅千幾萬?。

從我自己心態及數據也可以反應未來， 今年以來我們已經算是在市場最活躍的買家， 但我只成功買入9間街舖/賣出5間， 涉資約2.5億。

下年目標是買入30間，賣出10間， 預期涉資資金約6.5億。 下年我們起碼慳返二千萬稅 ?? 變相，送多間舖畀我。

雖然我只是市場上的一隻 「蚊」， 我估計我今年公司買賣佔街舖市場分額係4.7%，下年目標是約5.7%， 我哋都唔算太細隻「蚊」呀! 希望我哋自己的步伐對舖市亦有所啟示。We will walk the talk!

總之凡事，我爸爸教我:「悲觀時，不要太悲觀。樂觀時，也不要太樂觀。 量力而為，永遠作最壞的打算。不要過分膨脹，必須要有持續性! 」

是他2013年同我講:「根興， 銅鑼灣/尖沙咀呢啲地方，唔好買啦。 日後賣俾邊個?!」

最近，也是他支持我社運期間: 「唔怕，照買舖!」紅隧封咗，「照買舖」。 全港搶廁紙，「照買舖」 ?

You've gotta love him ?

李根興 Edwin