肌。慾（１８）＜＜拜師＞＞

以下故事純屬虛構，如有雷同實屬不幸。

在佛奇決心參加比賽後，肥沾便四出找尋高人協助佛奇，他在網上看到不少自稱星級教練的貼文＂三個月保證讓你成為健美冠軍＂等這類標語。肥沾雖然為人天真容易相信人，但不至於被這些＂星級教練＂欺騙，至少肥沾知道增磅減脂不是短時間能做到的，更何況成為健美冠軍。不知多少無知少男少女被這些標題黨騙了，肥沾一邊概歎一邊努力找真正高人打救佛奇。

肥沾在網上是找不到想要的高人，他最終在街上碰到中學的師弟，中學時是大家口中的＂排骨仔＂，現今卻成為了加加大碼的＂大隻仔＂，而且他是大而不腫，線條分明，絕對是健美界冠軍級人馬。肥沾當然馬上問個究竟，初時學弟也不太願意告訴肥沾，後來肥沾用了一張AKB48的簽名海報及一隻絕版DVD跟他交換。幸好肥沾還記得他的愛好，才換取到高人的下落，雖然是一張看似小朋友塗鴉的地圖，但大概也能猜到位置。

幾經辛苦得知高人的消息，沒想到佛奇卻因面子問題而拒絕，肥沾有少許灰心，但絕不氣餒。最終他也成功勸服了佛奇，現在萭事俱備了，只欠佛奇到訪拜師。

這天佛奇獨自架車到山腳，然後徒步踏上東洋山。東洋山位於西貢，海拔533米高，鄰近大老坳。佛奇踏過一段梯階，跟著沿蠔桶及大藍湖的指示牌一直前行，到了一個樹林，他感到很熟悉。對於從不遠足行山的佛奇，這種熟悉感令他很疑惑，他一邊努力回憶一邊走，走著走著看到了一塊指示牌，牌上寫著＂高人在山＂。佛奇想起自己曾在夢中到過這裡，還記得已把它拔走了，現在卻好好的豎著。

佛奇跟著指示牌走到一間破舊的木屋前，環看四周也沒有其他房屋，他便走到木屋前扣門。
＂邊位？＂一把沉厚的聲音從屋內傳出。
＂呃...我...想黎拜師嫁！！＂站在屋外的佛奇也能感受到屋內人的氣場，

本集提要：

今集想同大家講下肌肉乳酸，好多人以為做完運動後1-2日既肌肉酸痛係因為乳酸積聚所做成，其實乳酸係喺激烈運動過程中堆積既，確實會形成肌肉pH值下降，造成肌肉酵素活性降低，形成左肌肉活動疲勞既現象（急性肌肉酸痛），但係運動後１至３日既遲發性肌肉酸痛現象係同乳酸既形成冇明顯既關係。
大家首先要知道運動中主要係用醣類做能量來源，醣類產生能量分為有氧同無氧兩種方式，醣類喺無氧狀況下分解，除左會產生能量之外，仲會產生乳酸。
喺運動強度較低嗰陣，主要用有氧既方式產生能量，無氧參與較少，所以乳酸產生既速度就冇咁高，人體可以好容易就代謝，所以乳酸唔會積聚喺身體同血液入面。隨住運動強度既增加，無氧能量既使用比率提高，乳酸產生既速度都隨之增快，人體清除乳酸既速度會逐漸追唔上乳酸既產生速度，所乳酸就會開始慢慢喺身體到堆積。
再簡單啲黎講啦，其實人喺休息既時候，消化系統，骨骼肌，紅血球同肝臟都會產生乳酸，咁姐係話咩時候都會有啦。但係你做無氧運動既時候感覺會特別強烈，係因為身體需要乳酸產生能量，而令到乳酸積聚左喺血入面，令你覺得肌肉好似越黎越酸軟咁。
至於有啲人因為好少做運動或者持續做一項運動，例如行山，因為身體既適應同埋持續性都需要更多能量黎維持，所以乳酸既濃度就會提升，令你容易覺得攰，酸軟冇力等。
有咩方法可以減少乳酸既積聚呢？最好既方法就係堅持做運動，當你持續有規律咁做運動一段時間，血乳酸就會穏定出現，血乳酸既產生同排除既速率係平衡既狀態，姐係會比你一開始做運動時提升左乳酸既排除能力，咁就可以大大提升你既運動表現啦！

現代寫實長篇奇情小說，以後逢星期四晚，準時連載！！！！

脂太著。