#小編去開房 之 馬哥孛羅酒店 抵玩包三餐優惠實測（下）

上一個post就帶大家食完三餐 都幾正常 甚至比想像中好🧐 小編今次就帶大家睇睇房同酒店設施🧐（優惠最後今日啦～😎）

🎊優惠詳情🎊 https://flyagain.la/90430
🎊預訂網址🎊 https://flyagain.la/a5hx
📍預訂日期📍 即日起～3月21日23:59
📍入住日期📍 3月18日～5月31日

🛏房間
小編今次就平日入住，所以就upgrade咗去豪華海景房（平日住真係so好多！）一入房就見到大大座國金二期，好彩當日都幾好天，影出嚟都幾靚！😍因為位置關係唔係正對維港，係比較側少少，反而係左中環右西九咁嘅景色，都幾有睇頭～😉有少少美中不足係上面有條橫樑，要就一就位先影到純海景相，但問題不大😗

間房感覺比其他酒店大，間隔幾特別，同一般酒店房唔同。一入去左邊有間茶水間，咖啡機、免費水、茶包、雪櫃等都喺間房入面，仲有張長椅，可能小編大鄉里，真係第一次見有咁嘅房🤭，小編同友人就擺哂啲行李入去做行李房～😂

再行入少少，就有大大張工作枱，仲好貼心咁有電制，超有總統辦公feel😎，小編喺酒店都要出po的時候（哭😢）坐喺度做都感到尊貴😎（不）仲影咗幾幅造作照（呢啲就唔擺出嚟了😅）如果有文書工作要處理（wfh）都有個工作空間，幾唔錯～☺️

再入去就係房間部分，右前方有兩張大櫈，中間枱仔有迎賓水果，都真係幾豐富下，連木瓜都有個幾誇張！🤭右邊都有張枱就有紅酒、迎賓朱古力同生日免費蛋糕。而床前都有張貴妃椅（？）都有幾多位擺嘢同影相😂😂😂

床頭左右各有一櫃，但得左邊有得叉電，呢個位有啲唔方便🤨 向床方向轉左就係洗手盤+衣櫃，再入就係馬桶+浴缸，兩者分離都幾好，刷牙沖涼可以同時進行，唔使排廁所～🤓電視係小編最想吐槽嘅位，電視台選擇係多既，但個個台都雪花到一個點，睇到眼都花🥶，睇咗5分鐘都頂唔順熄咗，希望酒店可以換過啲電視佢！😫

總體感覺間房比平常大，就算送餐入嚟都唔覺得迫，空間十足；向海景色都唔錯，影到好多呃like相！😛 除電視外，酒店始終都比較舊，所以新舊程度比新酒店係差啲，同埋冇咁智能，其他問題都唔大🧐

🏨酒店設施
酒店設施唔算好多，但應有的都足，如健身室、lounge、泳池（仲未開返）都有，都幾夠用。想睇更多可睇圖+caption～💁‍♂️

💬總結
小編只係俾咗$1,350，就兩個人住咗晚海景房包三餐啦！餐食方面感到滿意，覺得完全對得起個價錢！房間size偏大而且望海，呢個優惠CP值高！🥳 但如果你想睇電視呢，就記得自己帶定tab／電腦／電話睇啦！😉

完