［係又SPAC，唔係又SPAC！］真係夠膽死叫 Just Another 的。果然係又SPAC，唔係又SPAC。令我諗起《點解咁好笑》嘅「公司篇」（如圖），呢位係「係又經理」，呢位「唔係又經理」。居然畀我搵到片（https://ytube.io/3F0s）！但去到嗰個位咁啱停咗！邪門到呢！（＆）但信我，你眼力好見到係寫住「係又經理」「唔係又經理」。（＊）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. For some reason（主要係忙，懶，掛住同讀者飯，仲有睇戲），牛年居然都未寫過一篇長文（大師冇點你 讀者請食飯嗰啲唔計啦）。都同大家拜個遲年（不如中秋先丫？），恭喜發財，最緊要發財。咁牛年當然畀好文大家，雖然未必幫你即時發財。

2. 係喎，「又一間」SPAC申請上市。真係股災先兆（災咗啦）。點解？因為間嘢真係叫「又一間」SPAC！好有《精裝追女仔》住宿「一流」大酒店嘅 feel

3. 真係玩無可玩了，一個月前已經有人入紙整間SPAC，叫做LMFAO。真係叫 LMF Acquisition Opportunities．

4. 今次呢間？名都費事改。「是但啦」。好似你去仙踪林（＃）叫杯「隨便」咁，聽講呀茶師傅會睇你個氣色調杯嘢畀你。我估師傅見到我應該整杯鉛筆碎搞勻溝水畀我飲，因為我嘅人生我嘅口面就咁上下。仲要搵個爛杯嚟裝，唏，我地邊個有誰嘅人生唔係千瘡百孔千刀萬剮呢？（所以我從來都唔會叫「隨便」）

5. 關於SPAC，實在冇乜好講。因為真係半年前已經寫得好詳細（https://bityl.co/5i2L）冇呃你。咁香港特色梗係咁，冇嗰樣整嗰樣。美國佬多SPAC然後坡佬又話要引入然後就有人屌香港做乜唔引入，食老本只靠北水（3000億成交喎，新加坡幾多億？）。到引入咗呢，就會領嘢，又出嚟講做乜要人有我有，人地乜乜乜冇可比性。的確，美國有集體訴訟喎，香港冇。當年亦係用呢個原因反對同股不同權（利申：我由頭到尾都反對）。咁而家講SPAC又唔提呢樣嘢？又唔係冇可比性？

6. 至於坡國啦喎，一路都出各式招數搶香港生意，做得好大膽做得好爛添。由N年前嘅Zero Strike Warrant去「複製」你啲中資股，到率先又搞同股不同權（再講一次，混帳之極嘅東西），而家又係SPAC行頭。粗俗啲講句，你就假假地都大場，係咪要同啲企街一樣咁爛？人地畀人唔用套中出你又比？

7. 當然SPAC並非十分爛（冇同股不同權咁爛），問題係，屌，你估新發明？上個月意大利到港無敵新名牌子？SPAC有咗至少廿年（好多人真係世界由自己開始）。點解之前冇人提？因為搞唔起！點解搞唔起！因為成日輸錢！

8. 咁當然，呢啲以前嘅事啦。最近一兩年啲SPAC，好多都賺錢嘅。點解？「因為根本呢一兩年好多股票都賺錢！」。再講白啲，就係錢多人傻，乜公司都搞一輪

9. 至於SPAC有乜好處，舊文已經有講，寫咗四五千字，訂Patreon自己慢慢睇。但肯定嘅係，SPAC並唔係「跳過投行」—而家啲人真係好撚好笑，投行業績強勁，正係因為SPAC袋咗唔少。

10. SPAC最大好處當然係快！唔使咩審批IPO，集咗資先。吾友高天佑都有寫（https://bityl.co/5i2p），用買衫做比喻。我就再粗鄙啲，即係錢你就畀咗10蚊先先，女你就唔知整件乜畀你，神秘禮物。太夜call唔到女就回返水畀你。咁你信雞頭唔會跣你搵你笨咪得，唔會明明冇好嘢都夾硬整件嘢費事回水。

11. 留意呢個同雞頭嘅能力冇乜關係，可以無能但老實，或者精甩邊但昆你兼昆埋條女。咁呼之欲出了，道德是甚麼？不外乎就係 track record，重覆交易。咁我唯一（應該係誰一？）一次推過隻SPAC，正係李澤棍同Peter Thiel。

12. 咁但其他嗰啲LMFAO 或者 Just Another SPAC，就真係Club House 神秘房了。隨你。但美國有集體訴訟，香港冇。你諗你。新加坡？新加坡連ThisAV都禁呀！（我當年出trip的確禁咗），你唔學？新加坡香口膠都唔畀食添呀。

13. 拿，牛年第一篇文，應該冇令大家失望吧？「有失望就睇埋啲（＊）」。都係嗰句，表演完我就拎個兜出嚟問大家拎錢啦。半個月後就失業。實不相瞞搵工都冇乜回音，證明公司待我不薄。

＝＝＝＝＝＝＝＝＝＝＝＝＝＝
14. 2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1300人訂！（https://bityl.co/4Y0h）。 年費仲有85折

（＊）睇到了，當然係諷刺大公司叠床架屋，結構臃腫，一大班中層經理冇嘢做，真係預言書。段片最初嘅小故事亦係講同一樣嘢。果然一早睇到（＊＊）。然後而家卒之因為科技同各樣嘢，就開始去中層化去中介化，詳情可睇吾友高天佑嘅《中產必須死》。唔詳情？咪睇我嘅《被炒記2.0》，3月中刊登。由被炒記1.0寫到被炒記2.0，都係7年光景啫。唏，狂舞派都由1拍到3啦！仲cap咗唔少水（我講我，唔係黃修平）

（＊＊）唔止，你發現入面仲諷刺好多嘢，例如員工在公司做自己嘢呀，老細搞秘書呀咁！最正係，三十幾十年嘅笑料，你發現而家都識笑！因為而家嘅辦公室都係一樣！

實在唔止《點解咁好笑》係咁。你睇《週日床上的顧西蒙》（居然係1998年嘅書，但留意原文係1979-1984年，早過點解咁好笑嘅1988年），都發現入面有啲嘢咁多年都冇乜變！公司annual dinner呀，搵個識英文嘅出去和番呀，老海鮮譚爺呀，韋小寶Micheal呀，會計佬黃金來呀，梗有一個在左近！

所以好老廢一句：有啲嘢會變，但又有啲嘢係不變的。唔止職場，你睇《點解咁好笑》嘅主題曲，「交通困塞有車都失意義」「租屋似慘過登天不太易，山頂卻通處空屋空置住」，今日依然係咁！正如「炒金炒股炒紙」「影星愛戀阿嬸天天注視」亦話你知英殖年代香港人嘅核心價值係乜。仲唔信嘅，聽多次《話知你97》，或者《我至叻》。呢啲就時代曲 ZeitGeist啦！阿叻在紅館開7場演唱會添呀！知唔知嗰個年代在紅館開演唱會係件大事？同年在紅館開演唱會嘅，係羅文周華健Beyond陳慧嫻張國榮劉華黎明張學友彭羚許志安鄭秀文。

再同樣地，遲《點解咁好笑》幾年（感覺好似爭好多年！）嘅《笑星救地球》，睇下歌詞：「大氣頂穿左個窿 醫生也得傷風 炎寒熱到慒 暑季偏偏刮北風」，係咪發現而家都係咁呢！一早知道 climate change啦！但有冇做嘢？冇！（我有！唔生仔！）。所以人類都係冚球鏟的了，唔使諗。當然仲有「淑女想收腰 早餐晚餐都要小 難為在遠方 飢荒吔蕉當豆苗」。貧富不均呀，過去三十幾年有冇改善到？你話呢？

（＆）呢度仲想講多個故事。我同學，真係我同學。話說佢有年去圖書館，見到某本書，唔知睇目錄定內文，見到話書尾奉送一個表定圖嘅拉頁，佢覺得十分正。想撕落嚟。結果佢揭到去嗰頁？發現一早畀人撕走咗！故事教訓？當年未做金融嘅我，就同佢講佛經，呢啲就係「鬼上身」，「惡」就係由此起。而家做金融嘅我，一個字：Efficient Market．

（＃）留意唔係仙跡岩！雖然三十歲以下應該仙跡岩都唔識！不知有漢 無論魏晉。

【 資深藝人梁克遜三年前離世 】

相信很多人都會認得他的樣子，但不知姓甚名誰。他是曾於八、九十年代活躍幕前的資深藝人梁克遜。周一（27/10）深夜《蘋果日報》報道，指記者本來撥打手提電話號碼聯絡對方邀約訪問，可惜電話接通後卻發現，原來梁克遜經已在三年前離世。（https://bit.ly/3kAVshQ）

梁克遜的幼子Vincent向《蘋果日報》娛樂記者承認，父親於2017年8月因為前列腺癌逝世，終年78歲。Vincent向記者謂：「我相信他會很開心有人還記得他。」又解釋，因為希望可以和父親的朋友聯繫，故未有在他離世後取消號碼，並使用至今。

據Vincent轉述父親的舊時記憶，指七十年代爸爸因為在街上遇到星探發掘拍攝「竹葉青酒」廣告（你精我都精），繼而入行成為臨時演員，除廣告外，偶爾拍攝劇集和電影，而當時他其實在楊協成有份正職，負責公關工作。Vincent又指，其實曾經有電視台找爸爸洽談，簽約成為演員，惟他不想被合約綁死而沒有答應，最終能夠無綫、亞視兩邊走，拍過《天龍八部之六脈神劍》（1982）和《千王之王重出江湖》（1996）等劇集。Vincent說爸爸熱衷演戲，但沒有想過要做明星，曾經自行開辦特約演員公司，惟離世前數年因為身體欠佳而結束，自己亦甚少再於幕前演出。

談到梁克遜的幕前演出，當然要提兩大角色 —— 《精裝追女仔2》（1988）裏飾演老周電視台《大哥講話你要聽》節目嘉賓、著名議員司徒銘（https://bit.ly/2HAV2t2），以及《國產凌凌漆》（1994）當中飾演司令口中所講的「香港走私大王」賴有為（https://bit.ly/3ovlFR5），相信很多觀眾都有印象。Vincent直言父親生前有時都會提起這兩齣電影，但論戲份，其實《第一把交椅》（1983）和亞視劇集《千王之王重出江湖》（https://bit.ly/3ovTrG4）最多，後者他飾演洪長奎，是楊群（飾宋子游）的手下。於我而言，小時候經常看的「竹葉青酒」（1977／https://bit.ly/3e3Hy5o）和「人人搬屋」廣告（1981／https://bit.ly/31MAy7N）才是印象最深刻。

（27102020）

#游大東 #游大東影視筆記 #梁克遜 #港產片 #精裝追女仔 #人人搬屋 #千王之王重出江湖 #亞視 做乜膠睇電視 快樂的 港人講電視 葉一知 電影神搜 午夜翻牆

You完未？

#captv #精裝追女仔 #超市 #香港人
＝＝＝＝＝＝＝＝＝＝＝＝＝＝＝＝＝＝
每個星期四 9點半Live直播！！
💡入CapTV腦補會，幫CapTV補補腦💡
https://bit.ly/2J2gNPk

#是愛還是責任
第3年了，2018串燒廣東歌A Cappella版本。
終於，裡面有屬於自己的歌。

「大家好，我們是SENZA。2018年做了第一首廣東歌派台，叫《四分鐘》，2019請多多指教。」

1. 一個女人和浴室 - 謝安琪
2. 那怕最終一個人 - 吳浩康
3. 無期 - AGA
4. 月亮不代表我的心 - 梁釗峰
5. 千年如一日 - 鄭秀文
6. 男人背後 - 周柏豪
7. 半杯入魂 - 側田
8. 獻醜 - 洪卓立
9.四分鐘 - SENZA
10. 愛情是一種法國甜品 - 林二汶
11. 漸漸 - 陳奕迅
12. 別?我 - JC
13. 很堅強 - Gin Lee
14. 缺 - 張敬軒
15. 忍 - 林欣彤
16. 勇悍．17 - 麥浚龍
17. 停半分鐘聽一闋歌 - 許廷鏗
18. 維多利亞 - JW
19. 生涯規劃 - 衛蘭
20. 有火 - 謝霆峰
21. 回頭開始 - 符家浚
22. 認真如初 - 陳柏宇
23. 深化危機 - Dear Jane
24. 404 - Error
25. 心之科學 - 容祖兒
26. 精裝追女仔 - 吳業坤
27. Run Away - 陳蕾
28. 裸泳 - 鍾舒祺
29. 沉默的士高 - 王菀之
30.四大發明 - 鄧小巧
31. 一世同學 - 林奕匡
32. 錢七 - 周國賢
33. 難得咁人齊 - 農夫
34. 極夜後 - 何韻詩
35. 橙海 - Supper Moment
36. 未來見 - Rubberband
37. 荒原 - 盧凱彤

－－－－－－－－－－－－－－－－

Medley Arrangement by Peace Lo, Miri Leung & Calvert Fu
A Cappella Arrangement by Peace Lo & Miri Leung
Recording & Editing by King Lam & Peace Lo
Mixing by King Lam
Video by Peace Lo & Miri Leung

－－－－－－－－－－－－－－－－
【 ?Follow我地就可以即時update SENZA最新資訊啦 ?】
► YOUTUBE https://www.youtube.com/senzaacappella
► FACEBOOK http://www.facebook.com/senzahk
► INSTAGRAM http://www.instagram.com/senzahk
► EMAIL [email protected]

#撐廣東歌 #廣東歌串燒

本來想著精選一部喜歡的賀歲片來作分享
但比起賀歲片，我更愛這部不在賀歲檔期的經典喜劇
在跟朋友分享的時侯，總會問我1987還未出生的一年
到底怎會愛上這類型的舊式喜劇
這還是有賴有線電視的經常重溫
小時侯幾乎看過不下數十次，每次和父親看
他都笑得眼泛淚光，而我們覺得最好笑的莫過於這段
大概一些成功的喜劇，就是過了數十年看，還是能夠笑出來
而重溫當年的喜劇，雖然橋段和笑位比較不合事宜
但至少沒有什麼尷尬位令觀眾「打冷震」和冷笑
感覺新年如果留在家中，還是看舊式喜劇比較好

一人推介一套你最喜愛的當年喜劇?‍♀

精裝追女仔 The Romancing Stars (1987)
主演：周潤發，張曼玉，馮淬帆，陳百祥，曾志偉