一，呢幾日好似有唔少人講返呢段 #咸豐年 嘅事。

二，咁講啦，#Nancies 最難面對嘅事實係：一直以來令佢哋 #又自卑又自大 嘅情意結，原來係因為讀書唔通，又唔肯自己去考證。

三，咸豐年間對清帝國影響最大，死最多人嘅事件，其實係太平天國。咸豐之後，死最多人嘅，係 1876 到 1879 嘅丁戊奇荒。丁戊奇荒嘅同時，清帝國鷹派左宗棠帶兵攻打今日嘅新疆。究竟丁茂奇荒同呢場戰爭有冇直接關係，有好多地方可以去辯證。

四，但得罪講句，Nancies 對於 #自己人殺自己人 嘅歷史，一係就聽到未聽過，你講畀佢哋聽佢哋都會話：「我讀書個陣都冇聽過。」係呀，宇宙間嘅真理，都係中學教晒你，所以 DSE 係咁重要。 #曲

五，之前嘅 post 另一個觀察係，好多 Nancies 接受唔到原來兩次中英戰爭之後，清帝國由鴉片進口國變成鴉片出口國。冇錯，清帝國話就禁煙，實情係地方貪官壟斷進口仲食埋人哋夾棍之後走數。呢啲史實，全部都有白紙黑字嘅紀錄，但 Nancies 又唔識睇文言文，教人情何以堪？

六，再講，十九世紀，又何止兩次中英戰爭？歐洲各國打到九彩，時至今日，雖然歐洲都有民族主義份子，但好少會有人，有咁多人，集體咁對咸豐年咁耐，而且自己唔係咁了解嘅事，咁上心，咁咬牙切齒。

七，又再講，又有人話林則徐係民族英雄。真係唔知嚇一跳；係日本歷史學家發現，最初捧林則徐做反殖英雄，就係日本人。係喎，所謂嘅中華民族，係1900前後嘅概念；林則徐年代，根本只有封建帝國同滿漢關係，同今日班 Nancies 對民族嘅理解好唔一樣。

八，日本人，又點解會咁得閒去捧反殖英雄呢，又？話說，第二次世界大戰，亞洲戰區，大東亞共榮圈，呢啲點都聽過下，係咪？大東亞共榮圈其實，就係打反殖反帝嘅旗幟去進行軍國殖民囉。Nancies 跟日本軍國主義嘅口水尾⋯⋯ 覺得讀書真係好緊要。

#講住咁多先 #有心情再寫

【歷史在笑】由咸豐年講起

一，「咸豐年咁耐嘅事仲攞返來講？」究竟咸豐年間發生過咩事呢？英法聯軍發燒圓明園，大家聽過喇啩？無錯，史稱第二次鴉片戰爭，就係發生響咸豐年間。

二，話說1842年清帝國簽署《南京條約》，講明永久割讓香港島予大英，並且承諾開放沿海五個港口，包括廣州、福州、廈門、寧波同上海。當然最重要係，清帝國同大英同意停戰。

三，大清雖然將香港島割畀英國，不過，十幾年間一直都冇完全履行開放五大商港嘅承諾。嘿原來早在1860年代，清政府已經將有史以來第一份「中英聯合聲明」當作「歷史文件」」。正所謂 fool me once, shame on you; fool me twice 呢？咪就係自己攞來。

四，藍朋友所讀嘅「已修正歷史」，將鴉片戰爭同南京條約，講到係國恥。不過，原來雍正早在1729年頒佈首個禁煙令，超過一世紀，清帝國越來越多人食鴉片；甚之連咸豐個老竇道光，據說都有鋪煙癮。

五，聰明嘅香港人一眼就睇得出，鴉片禁之不絕，最大原因係清帝國上有政策下有對策，沿海省份高官有走私鴉片生意；例如兩廣總督鄧廷楨嘅家族，就係當年廣州最大煙商。最諷刺係，鄧廷楨因為曾經同林則徐拍檔對戰英軍，被奉為「民族英雄」。

六，鴉片戰爭之後，清帝國將由官員權貴私幫嘅生意，變成要納稅嘅貿易。由1850年起，一直幫補清帝國嘅龐大軍費開支。再者，清帝國之後索性發展罌栗種植，提煉煙土。到光緒年間，清帝國已經有能力出口鴉片煙土去東南亞地區。

七，《南京條約》之後，清帝國同大英係咪世仇呢？原來當時對大清最大威脅，係一個有妄想症叫做洪秀全嘅癲佬。太平天國前後擾攘足足13年，做成過千萬人死亡。假如要我比喻，太平天國係中共同文革嘅原形；又或者應該話，中共同文革，完成咗太平天國未完成嘅破壞。

八，太平天國對清帝國嘅最大影響，就係令到漢族為主力嘅湘軍、淮軍冒起。漢人為主力嘅部隊，後來改革成北洋水師同新陸軍，之後再演變成北洋軍閥嘅格局。晚清幾乎出現「東南互保」嘅分裂情況，好大程度都係因為地方武裝勢力無論財政抑或人手，都唔需要聽令於北京；此為後話。

九，李鴻章曾經上奏同治皇帝寫：「三千年未有之變局」，其實想講嘅就係洋務運動；而洋務運動嘅重點，就係要用洋人嘅財經手段為軍隊同基建融資，改革軍隊。又話說，當年究竟要強化陸軍定建立海軍，又內耗過一輪。陸軍，其實係向西推進；海軍就係對日本同俄國。

十，另外，清帝國對付太平天國嘅時候，好依賴洋人僱傭兵。1860年美國人「華飛烈」（Frederick Townsend Ward）響上海創立一支只有二百人嘅「洋槍隊」，仲娶埋銀行家楊坊嘅女，放棄美國國籍，入籍大清，獲同治賜四品頂戴。可惜，華飛烈成立洋槍隊無幾耐，就戰死沙場。英國軍官戈登接手常勝軍，整頓軍紀，成為近代軍事史入面一個神話。

十一，另外，清帝國引入現代財政管理，完善關稅制度，要多得英國人赫德爵士（尖沙咀條赫德，就係以佢命名。）1859年赫德向英女王辭職，加入清帝國新成立嘅海關；幾年之後，官拜布政使，官階係從二品。赫德其實除咗係建立清帝國關稅制度，亦為清帝國處理外交問題。

十二，當然啦，大中華膠寫嘅歷史教科書，就只會講李鴻章，而絕口不提戈登、赫德等人。其實，洋務運動，又點只李鴻章？

十三，講返咸豐年嘅事：其實由1842年簽《南京條約》到1858年《天津條約》，再到1860年英法聯軍燒毀圓明園，其實清帝國同洋人唔算敵對，甚至乎應該話，當時唔係有洋人協助，清帝國可能早就被太平天國打到失去半壁江山。

十四，千錯萬錯，就要講返1858年《天津條約》之後咸豐皇帝反口唔認帳嘅一段歷史。話說大中華膠歷史教科書，無論點都會話《天津條約》係「不平等條約」，但無端端點解英法兩國會出兵呢？

十五，香港讀過多少書嘅知識份子，可能聽過 1856 年「亞羅號事件」。但法國籍天主教傳教士 Auguste Chapdelaine （後來被約望保祿二世封聖），1856年於廣西遇害，大家又聽過未？歷史書都話，呢兩件事引起英法聯軍打到大沽口，最終令清政府唔情願咁簽落《天津條約》。

十六，兩件事都發生於 1856年，唔係出於純粹嘅偶然。話說自 1853年太平天國攻下金陵，清帝國入面班官僚權貴將自己嘅無能同失敗，講到係洋人嘅錯；呢種仇外仇洋嘅情緒，好快成為清帝國主流權貴嘅想法。我亦唔排除兩廣地區有人因利失義，又或者借機向北京獻媚，要示忠。總之，歷史一直在重演；廿一世紀，一樣有人咁樣去諗問題。

十七，《天津條約》有幾不平等呢？其中英國嘅要求係「北京駐使、內地旅行、長江通商」。嘩，明益你啦，係咪？

十八，1859年英國駐華代表同法國駐華代表，奉命去北京簽約，順便想見下皇帝。你估下咸豐皇帝會點決定？佢叫蒙古大將僧格林沁偷襲並捉拿英法外交人員。

十九，咸豐同當時班京官抱住嘅思維，就係呢度係天朝大國，幾時到你哋班洋人說三道四。呢種口吻，係咪好熟口面？

二十，英法聯軍為咗救自己嘅外交官，就由天津打到去北京。雖然英法聯軍人數只有八千，僧格林沁部隊有三萬人；最終結果係咸豐走佬去承德避暑山莊，留低恭親王奕訢講數求和。

廿一，奕訢同英法聯軍代表講：「所有外交人員都冇事。」但唔肯放人，因為怕英法兩國唔走。點知，兩個星期後放人，39個被扣留嘅外交官，只有18人生還；當中有人被虐致死，在生嘅亦有人被打到殘廢。

廿二，英法聯軍見自己友被清帝國咁糟質，你話會唔會就咁收兵？英國部隊認為外交人員響圓明園受虐，就將呢個地方夷為平地啦。法國部隊，其實係諗住燒埋紫禁城。但最終覺得唔好禍及無辜嘅北京百姓，都係燒圓明園。而且仲要提早幾日貼晒告示；結果咩人入去搶掠搜奪奇珍異寶，你懂的。

廿三，火燒圓明園之後半年左右，咸豐就死於承德避暑山莊，終年30歲。

廿四，我成日話，今時今日北京班人同百幾年前北京班人，思維方式大同小異。重點包括：
（一）條約簽咗，轉個頭就變成「歷史文件」；
（二）國家有問題，一定係洋人靠害；
（三）學人哋個套，但其實又要學半套，仲要係冇用個半套；
（四）我哋國家嘅事，外人無權說三道四。

廿五，歷史會唔會重演？歷史唔會重演，但有一定嘅規律同模式，就正如我哋唔可能踩入同一條河兩次。不過，河水一樣係流，歷史嘅鬧劇，換下人物角色，同一個戲本，可以演完又演。師傅教落，歷史唯一嘅教訓，就係我哋從來都唔會從歷史吸取教訓。

廿六，今日中共正如當年清帝國，並唔係想同全世界為敵，亦都冇呢個條件，而且對內有大把問題未解決。你問我，中國2025，真係連洋務運動都不如。中共又借洋人嘅資本同技術，但又唔想開放市場畀外資公平競爭；加入世貿都就快廿年，好多改革，最終都冇下文。美國今次出手對付中共，我真係覺得有少少 déjà vu 嘅感覺。

廿七，更諷刺係，當年如果唔係有英國幫清帝國，清帝國早就玩完。到後來，美國亦為清帝國現代化出唔少力。庚子賠款，唔單止送返晒畀清帝國人民，除咗成立清華大學；上海嘅聖約翰大學，都係美國聖公會創立。今日班藍朋友，仲成日同人講話要讀多啲中國近代史。如果佢哋有認真讀過中國近代史，就一定唔會成日攞《南京條約》、《天津條約》同圓明園來講；因為真正嘅民族恥辱，係一班恩將仇報，是非不分嘅義和拳、藍朋友、小粉紅。

廿八，至於人權問題，宗教自由問題等，今日中共同當年滿清，同樣以為單憑武力就可以鎮壓，不過，中共同以前嘅所有統治者，從來都冇諗過，究竟長遠計代價有幾大。

廿九，1900年義和拳之亂引發八國聯軍，李鴻章、張之洞、劉坤一等以「亂命不奉偽詔」為由，勾結外國勢力實行「東南互保」，清帝國已經出現覆亡嘅先兆：對地區仕紳同武裝部隊失去絕對控制能力。失去共同利益，意味統治者失去威權。從更宏觀歷史角度分析，縱容地方武裝部隊勢力膨漲，以換取鎮壓民間嘅武力，先至係帝國覆亡最主要原因。1911年9月保路運動，各地仕紳為自身利益聯同武裝部隊起義政變，引發武昌起義嘅互動。清帝國政府唯有請求北洋新軍領袖嘅袁世凱復出；最終袁世凱亦成功促成宣統遜位。

三十，歷史上呢片土地上嘅集權統治者，只有極少案例被外族入侵者取代，平民革命雖然比較多發生，但亦唔算最常見。所謂更替規律，其實係仕紳與武裝部隊勾結奪權，時而形成割據分裂局面，各方勢力混戰後又出現集權。《三國演義》卷首「天下分久必合、合久必分」，亦應作如是觀。

最後，以上歷史分享，亦反映我對中共嘅睇法。

今日到此為止；假如你睇晒，梗係要share 畀朋友啦。

※ 2017.06.23 英國—《週日泰晤士報》Christian Lamb ※
前毒蟲說服阿富汗農夫棄罌粟改種桑樹

過去吸毒成癮的一位英國人，在改過自新後，說服了兩萬兩千名阿富汗農夫停止栽培鴉片罌粟，改種桑樹。因此而產生的桑葚產品，已在英國的超級市場販售，他所創立的「為和平種樹」公司（Plant for Peace）也承諾，只要賣出一個產品，他們就會再種一棵新樹。

四十七歲的詹姆斯·布雷特（James Brett）希望桑葚能成為消費者趨之若騖的超級食品（superfood，指對健康特別有益的食品），也希望桑葚提供貧苦農夫另類的收益，使他們不必在絕境中靠栽培罌粟賺錢，或者被迫加入塔利班。

他說：「我的人生是一個復原的故事，所以我希望能幫助阿富汗復原。」

透過桑葚來達成和平，在阿富汗這個製造全球 90% 海洛英、被塔利班割據一半領土、伊斯蘭國（Isis）才剛剛攻下賓拉登從前藏身山頭的托拉·波拉（Tora Bora），聽起來好像是相當瘋狂的點子。

然而布雷特找到相當有力的金主，如英國前國防部長、約旦公主芭絲瑪·賓阿里（Basma bint Ali）等人，他募集到兩百萬英鎊的創業基金。英國的查理王子也特別宴請款待他。

英國前國防部長，也是北約的前司令，李查茲爵士（Lord Richards）表示：「我是一名軍人，我一直認為我們在阿富汗的任務必須倚賴長期的非軍事解決方案，又要符合當地人的文化與習慣。所以這位令人驚嘆的人物，詹姆斯·布雷特，帶著別出心裁的想法來找我時，我無法抗拒。」

布雷特表示，他在 2007 年首度前往阿富汗，當時他就想出用農業來引誘阿富汗人遠離塔利班以及罌粟的作法。

他成功戒毒後，就開始創業，成立一家果汁公司，在英國超市販售紅石榴汁。不久，一個海外的援助團體邀請他演講如何栽培紅石榴。他因此藉道從巴基斯坦進入阿富汗，看到綿延天際的田裡開滿白色、粉紅色、紅色的罌粟花，讓他備感驚訝。

他說：「我看到當地的農夫都很窮苦，賺的錢很少，他們顯然走投無路，找不到脫身的方法，就像我當年吸毒時一樣。他們也不曉得他們田裡種出來的東西對世界造成的危害。」

少有人比他更了解毒品的危害。他的四位好友，一位死於毒品過量，一位因為注射過去毒品必須截肢，一位則因吸毒而車禍身亡，另外一位則在坐牢。

他因為家庭的悲劇，以為可以從毒品中找到解放的方法。後來，他在女友的幫助之下，漸漸改過自新，開始創業。

他說，根據他的計算，「從罌粟賺到錢的，不是農夫。我算過了，雖然每一公斤罌粟所賺的錢是同重量的紅石榴或桑葚的一百倍，但假如你算每一畝的產量，那麼水果賺的錢其實比較多。」

接著他在一塊田裡樹了一個牌子，上面寫著：「紅石榴才是答案」，吸引了當地電視台的報導，他因此辦了六場創業說明會，吸引了阿富汗各地的農夫，最後一場來的人超過一萬四千人。

布雷特燒掉十三公噸的海洛因後，美國大使館資助五十萬美金，讓他可以舉辦更多場說明會，他們並提供他一百九十萬株紅石榴的樹苗。

但他們所提供的樹苗品質不佳，只有四十五萬株成功生長。它們所結的紅石榴製成果乾後，再加工製成甜點棒，於兩年前開始在英國超市販售。然而，把這些甜點從阿富汗運到英國，成本太高，使得產品的單價居高不下。

所以他想到了桑葚，因為它跟紅石榴一樣富含抗氧化劑，對人體有益，且運輸的成本可以降低。他把桑葚跟不同的水果乾作結合，製作了七種口味的水果棒，已經開始在英國的健康倉品店販售。英國健康食品的連鎖店 Holland & Barret 主任麥基（Ian Mackie）對《週日泰晤士報》表示：「詹姆士的人生是勵志的故事，我們很願意支持。」

布雷特的水果計畫似乎使他跟塔利班有利益衝突，因為塔利班靠罌粟稅為收入來源。然而布雷特說他從來沒有這方面的問題，他說：「阿富汗的人民並不想要戰爭，他們只需要更多的選項。現在連塔利班都在種桑樹了。」

桑葚小檔案：

英國當紅的健康食品，自從羅馬統治時代就在英國栽培，尤其是修道的僧團喜歡把它們種在修道院附近，認為具有醫療的功效。

桑葚富含鈣、鐵、鋅、以及數種抗氧化劑，據說可以整腸健胃、降低膽固醇、幫助減輕體重，改善新陳代謝。

英國國王詹姆士一世曾經想要培養英國的絲業，以跟義大利與法國比美，因此廣種桑樹以養蠶。根據英國園藝協會（Royal Hoticulture Society）的說法，桑樹「性喜蔓生、形狀彎曲」，因此為庭園提供「建築性的特色」。

英國園藝協會也把 2017 年雀爾喜花卉展（Chelsea Flower Show）年度植物大賞頒給了一個新品種的矮種桑樹，名為夏綠蒂·魯斯（Mulberry Charlotte Russe）。

https://www.thetimes.co.uk/…/ex-drug-addict-persuades-afgha…