［2021展望？顧掂你個2020先啦］告個急先：本人已被炒，3月起身。就只靠Patreon，未訂嘅記得訂，積小成多呀。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）

1. 噢耶，2021年，Patreon應該今個月可以突破1000人。所以有好嘢益大家。除咗平時嘅一星期六篇，呢排我仲會出一堆嘅Extra 文。第一篇在呢度，之後繼續有。（https://bityl.co/53AW）

2. 2021年展望？冇噃。好可能到農曆年先寫，因為要時間諗。而我唔知急乜。往年都贏錢嘅，唔會呢一個月就忽然走樣掛？往年都輸錢嘅？咁更加檢討下，急乜？

3. 我呢堆Extra文，就係2020回顧＋教訓。唔會自吹自擂講往績（之後再整篇），而係話返你知，到底2020發生乜事。講乜春將來丫，舊年邊個估到疫情（我好奇怪今年仲有人買運程書）？將來大家都唔知，但平時功力厚，咁一個浪打到嚟你都知點做，開波一分鐘就踢少件輸一球你都仲唔使亂晒陣腳。受壓下容易做錯決定，我嘅文就係幫你避免呢啲嘢

4. 2020年，美股一個月瀉咗三成幾。當中廿幾個交易日，仲要有六次反彈，你有六飛子彈？每一次都畀人打巴勁，直到323見底。點捉？捉到都只係好彩。實在唔使嘥時間。

5. 同樣地，323之後，三個交易日美股彈咗超過20%—而即使係強中之強嘅美股，平時一年平均都冇20%升幅（係呀，你以為好多）。點捉？

6. 錯過三日好少事？但，話你知，強中之強嘅美股，1980年到2020年差不多1萬個交易日，你漏咗最好嘅十個，回報已經大打折扣。「如果我漏咗最差嗰十個呢？」。哦好，你睇下之前幾段，再諗下係咪可以做得到。

7. 仲有，N咁多人（主要係冇買嘅），日日等股災，由1998年開始鬧，不停話「美國只係靠印錢冇解決過問題」（但解決咗我嘅問題，我去咗好多次日本食咗好多餐米芝蓮結咗婚買埋樓），「好快股災」。好，等足十年，太古城唔知貴咗幾多，東莞（賣米粉掛）唔知貴咗幾多，卒之等到，2020真係世紀股災啦。AND？「個股市同實體經濟脫節嘅」。十二年，到底學咗乜？

8. 股災必定會重臨，但又如何？放心喎。低位打靶呢啲，我絶對有經驗。因為借錢。2008年我輸咗一球嘢（港紙啫），唔係成副都大半副身家。好彩仲後生，又未買樓未結婚未生仔。學費交咗，好貴。咁當然唔係而家賺夠比大家賺，但衰啲講句，你蝕錢又唔係入我袋，損人不利己嘅黑心嘢我唔做。反而我幫到你可能你請我食餐飯，甚至訂個Patreon咁。

9. 我當隻迪士尼，你低位85蚊（正係3月23日！）打咗靶。之後話咁快（3日！）彈返上一舊手樓上。你會唔會反手追？絶大多數人都唔會。之後120蚊，140蚊，而家180蚊。你都唔會再追，自此就唔信股票，搞得唔好又變埋perma bear 口水put，繼續等十年後股災

10. 呢個系列會寫五六先，先講2020回顧（當然唔係列晒唔同市場唔同資產唔同股票回報咁hea），從中你睇到個世界點運作，仲有示範到各種心法，點避開各種錯誤。然後再講2020嘅投資教訓

11. 都係嗰句，月頭訂最底。快手谷到上1000人還我心願，等我1月11出關返工時（係喎，已被炒，但出糧出到3月，咁就當然工作到3月）沖個喜。

12. 另外，我都算賣大包，年費畀85折你。而FAQ：而家訂年費，係2022年2月先再收錢的，即係仲要訂多咗個月。實情我蝕畀你，但當然早買早享受，我早拎咗錢，仲要你冒我走數嘅風險，fair enough

13. Oh Last but not least，遲下我都會貼返2020啲推介成績。唔會車厘子霹勁，我在公開場合（明報，仲有某幾個講座）就係嗰幾次，你全部可以搵返嚟睇，當然恒指目標價就唔準了，鬼估到爆肺炎咩。咁你忽然有一日重陽節報紙十點截稿九點半打嚟問我嗰啲梗係唔計。嗰堆嘢當然係跑贏大市—但，呢啲都唔係重點，況且舊年表現好，今年更大壓力。所以放最尾。咁事實係，過往表現不保證將來喎。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
14. 你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，4個月已1000人訂！（https://bityl.co/4Y0h）。月頭訂至抵，年費仲有85折，仲係睇13個月添。

相信是政府減辣之後第一單成交。第1912成交(堅) 感覺6分，西環皇后大道西420至424號冠華大廈地下B舖及入則閣樓(近水街)， 地舖建築面積約1300呎，入則建築面積約600呎，原業主叫價2500萬，成交2000萬。 租客書湘門第餐廳，租金57500至2022年7月31日，回報3.45%。門闊14呎，舖闊約17呎，深約60呎。

現在肺炎疫情期間，業主口頭減租至5萬元，至9月30日。

原業主於2011年5月以1600萬買入。

這間舖頭全城力唂了約一星期就售出。 之前叫價一直是2500萬，突然業主願意接受2000萬做底價，馬上好多買家有興趣。我也有還過價近 20m。

這間舖位於皇后大道西，近水街， 是多年入選米芝蓮推介的餐廳。 可惜這間舖是位於斜路， 人流較少，現在肺炎疫情嚴重影響這間餐廳的生意，這餐廳也難做外賣。 這段舖頭主力做晚市街坊生意， 午市較靜， 現在限制晚市堂食，我估計這間餐廳的生意下跌起碼6至7成。 萬一租客放棄租用，要搵另一個新租客，今時今日必定好難。

勝在始終間餐廳夠深，大大件，有入則閣， 名牌效應下，算平市值一成。

。。。。。。。。。

放盤搵盤，都即刻下載 smartME 啦
查詢電話 2250 1188
https://smartme.com.hk

。。。。。。。。。。。。

《保密放售舖 Quote 價》有舖放售，記住搵我 quote 下價。全程保密 ? 專業，成交期可以是全港最快，快至1至2個月現金到手。

自2016年商舖基金成立以來，我們已買賣67間商舖(全地舖)，同期全港最多。 2020年底前，我們最少要買入多一億商舖，每間五千萬以下，最好是一至三千萬。

有舖放售，可直接聯絡我(李根興) whatsapp 9036 1143 或 Marc 6092 6444 / Joe 9250 6708 / Vivian 9311 9274 或致電 2830 1111， 當然也非常歡迎經紀介紹。www.bwfund.com (證監會持牌法團 BBL 650)

#buy_shop, #shop_investment, #shop, #retail_property, #商鋪，#買鋪，#商鋪成交，#鋪，#retail_shop_investment