［今日寫呢啲］留意返，月尾訂Patreon嘅有得回水一個月，即係送兩日畀你，唔使等到10月先訂了

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

今日全篇都唔講個股咁滯，只講大市。先講港股，昨日（星期二）當然唔多靚仔，但留意堆科技股ATMX全數有得升，科指跑贏恒指。阿里巴巴創新低後大反彈。講到尾，都係殘到一個位自己有人敢買，唔存在咩「政策風險冇得量化」。之後如果忽然風向轉，又變返保增長，包保仲有得升。騰訊低位都升返15%啦，固然冇可能捉到個底

但另一樣嘢，之前都在Patreon貼過圖，見恒指真係大約1倍book就見底，之前都寫過的。

不過，咁樣寫一句梗係易，但背後仲有好多技術細節呢。最簡單，恒指嘅book value 邊度搵？我當你2020嗰個可以搵返啲晒成份股，但股票永遠炒將來，咁2021呢？

仲有，你話1倍見底？都唔係完全係，舊年都插穿咗，去到0.9倍。唔係爭好遠？由1倍落到0.9倍，講緊近3000點，唔係你啲普通可以受得起

當然仲有更多問題，差不多實有人問。喂，而家咁咁咁咁咁，啲盈利預測會下調喎。你而家個book value 唔準架喎，如果盈利預測再下調，咪唔準咯，咪冇你最初計咁平咯。係呀，咁多年都有呢啲問題架啦！唔通個世界地低畀你慢慢計慢慢買？點解決呢個問題？Patreon入面講

當然更加深嘅問題係，你堆嘢，到底係咪stationary？係咪真係會mean reversion？咁多年都係在0.5同1.5倍（舉例）擺嚟擺去，所以之後都會係？定根本個trend 已經唔同咗？De-rate咗？政策風險喎。點去判斷？文入面講。

你睇一個好簡單嘅例子，07年之前啲內銀股20-30倍市盈率。而家好似5倍咁上下，咁係咪會升返4倍6倍？又好似唔係。但點解唔係？件事幾時變咗？當年嘅估值係錯？定而家嘅估值先係錯？

同樣地，你睇美股，你用啲咩CAPE，cyclically adjusted PE去睇，根本過去幾十年都係高過long term average，幾十年你只得幾個月美股係平你可以買，亦即係永遠都係貴，永遠都唔值得買。但有冇諗過，以前嘅平均，同今日嘅係咪可比？呢啲先最難判斷嘛。

更煩嘅都未講喎，以前恒指多銀行股，咁銀行股全世界估值都低，好多below book。而家恒指就好多科技股，任你講到點唔掂，科技股啲price to book都仲係越超於銀行，騰訊講到咁廢跌咗咁多，都仲5倍price to book．咁情況下，你恒指個估宜，同以前又係咪可比？

呢啲東西，Patreon全部講晒

第二部份，美股小股災嘛。諗落都好笑，記唔記得上星期之嘛，個撚個出嚟講咩「歷史驚人的相似」，08年中秋雷曼破產金融海嘯，今次恒大爆煲就係中國雷曼時刻？

好笑在，中秋以後，A股就擺明跑贏美股添。What 雷曼時刻？

美股跌乜？債息升啦，債務上限又傾唔掂啦，仲有聯儲局主席分分鐘連任唔到啦。但，有乜咁新鮮？

都講咗好耐美股貴，而家咪借勢跌下。我就冇驚過，最好債務上限玩大啲，最好跌多幾千點。

都有堆股票睇緊，會在Patreon講。可惜未有錢買。幾時有錢？10月咪有

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

［最後召集］自肥，非廣告，保證短期內最後一次（直到下一次）。因為就快到期（https://bityl.co/8rvf）

TLDR：Download Mox app，開戶口，開埋Mox credit（記住！），填我個邀請碼 29CGWB，消費滿200蚊（即時做啦，雖然好似係三十日內都得）。你就有200蚊現水拎。我就有100蚊。真金白銀，我已拎咗4000銀，「好過返工」。

1. 以下係少少補充，本人理解呀下，不代表官方，可能有錯，貴客自理。

2. 最最重要，9月30號就截止，所以快手搞埋佢啦唔該

3. 首先，記住開咗Mox Credit 先消費嗰200蚊，唔好搞錯次序

4. 另外，嗰200蚊消費應該係三十日內做都得嘅，但為免夜長夢多或我理解錯，我都建議你9月30日搞埋佢

5. Mox是甚麼？Virtual bank 是也。開戶過程當然在屋企（or even better，在公司）搞掂，唔使露面，一般電話都唔使打，用部手機開到，預備好你嘅身份證（好似仲要地址證明，但照計你手機其他銀行ebanking之類會有）

6. 點入錢入去？在Mox個app入最簡單，你就可以其他銀行戶口轉錢過去，但有個別銀行（匯豐恒生）做唔到（你懂的）。但唔代表入唔到錢，只係不能在Mox app做。你可以在你匯豐恒生嘅ebanking照樣轉錢嚟，就係Mox bank，銀行編號389，Virtual bank都要拎銀行牌。

7. 點提錢出嚟？一樣，在個app度搞，應該全部銀行都轉到，包括匯豐恒生

8. Mox credit又是甚麼？就係credit card．另外有張實體卡送畀你的。一般即時知道批核結果，唔使搞一大輪。

9. 有乜著數？首先，嗰200蚊回贈，係即時到帳畀你嘅。你即時拎走都得，唔會只係簽帳credit或coupon咁縮骨。Nothing can beat cash

10. 另外，我都真係有用嘅，佢啲回贈幾好的，詳情你可以上佢網站慢慢睇。聽講food panda回贈幾好，另外我亦可以話你知，電訊盈科嗰一堆嘢，回贈都係好的，因為電訊盈科渣咗25%（而大股東係渣打）

11. 仲有，對我未必有用，對你可能有用。嗰啲有一大舊錢嘅，咁至少放Mox，個存款利利率係高過其他銀行的。

12. 「安唔安全？」。咁我實在不能保證，都話唔係廣告，「雷曼都執笠啦」。但，首先大股東係渣打。另外，因為virtual bank 都係攞正牌嘅銀行（只係冇分行啫），所以一樣有存款保障，up to 50萬港紙。即使有乜問題，都係有得拎返嘅。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

［今日寫呢啲］係喎，紅日都有文。一向都年中無休，之前聖誕除夕年初一都有文的。星期六都有！係咪抵睇先！

1. 雷曼時刻，冇噃。定只係未到？今日唔爆聽日爆，下年唔爆十年後爆？當然做末日淡龜呢，把口一定無敵的，唔會有得輸，講到中為止。真係中咗又先知，可以講足幾十年，不過依然係咁撚窮（或者更差嘅：講中嗰次自己根本都冇買）。

2. 現實十分簡單，世界係屬於樂觀者嘅，悲觀嘅基因一早淘汰晒（但謹慎唔同悲觀）。你見有錢人都係樂觀者，有幾多個可以長淡發達？ 一個都冇。係一撚個都冇。你做到Big Short 單眼醫生 或 John Paulson 之類（一樣係中一次講十幾年然後衰足十幾年），最盡架啦，但都只係一次淡，唔係長淡。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

3. 講返，先睇美股，當然都唔多靚仔。但舊年3月講到而家話「升市脫離經濟」（CLS，經濟不知幾好，企業盈利不知幾勁，居然仲有讀者PM我問我美國點解決濟脹問題），「等調整我就買」嗰班友，恨到啦，你計intra day 標普指數卒之回調咗5%，等足一年！咁又係咪買？定都係唔敢買？「跌定先」。幾時先知「跌定」？咪就係升咗幾倍你先信舊年跌定。「確認見底先」。如果你同我知幾時「確認見底」，應該齊齊發咗達十世。

4. 不過，本人倒係整理咗啲高位回調近20%嘅美股，一般都係大名，咁有興趣嘅咪睇下。但唔代表我全部叫你買（咁多點買？），即係買完即跌10%然後又話「嘩聽咗個財演點我呀 輸咗10% 呀點算」，嗰啲就返屋企磨墨算啦，慢慢have fun

5. 又，呢輪見到，標普指數大約20%成份股高位跌咗兩成（「熊市」，哈哈），但你見mid cap 或者 small cap多好多！S&P small cap index 講緊過一半都回咗20%。我唔明點解好多人「覺得」買small cap 「平啲」（佢老味真係覺得A公司股價10蚊就平過B公司股價500蚊）。

6. 另外，週末寫咗篇財務自由文，自問十分精彩，可惜星期一股災冇乜人埋。但，你又唔係今日跳樓，又唔係今日退休，所以都係要繼續架啦，聽日記得準時返工。冇計架喎，馬拉松

7. 不過，我都接到啲PM，咁順手澄清埋。古語有云，戰爭即和平，自由即奴役，無知即力量！

8. 咁我彷作話你知，投資就係儲蓄，交稅就係開支，MPF當然係儲蓄

9. 因為上次篇文都唔少人問我，咁咁咁又點計，呢啲又點。咁有啲情況的確複雜嘅，你啲乜乜保單我就唔知點計（雖然好大部份係變咗做退休儲備—你個保險經紀嘅儲備）。

10. 但簡單啲嘅，我話計收入，咁有人問做乜唔計交稅。咁就梗係計稅後啦，我以為係常識。或者你當係開支減咗佢咯。

11. 另外仲有人問，「咁你係咪叫人唔使儲錢全部投資」。差矣！完全理解錯！投資咪就係儲錢！根本係同一樣嘢，你見人地啲網都係 收入= 開支+ 投資/儲蓄。兩樣係同一樣嘢！反過來說儲錢一樣係投資！咁你咪用個可恥嘅銀行存款利息計，或者曲奇餅罐嘅咪當零，咁你發現你永世都唔使財務自由。

12. 最後，強積金，當然係儲蓄（！），亦即係投資。當然你唔順超嘅，可以扣返個基金開支費嘅。

13. 好啦，玩完個財務自由大計算（Patreon週末寫咗，長文），好多人見到，嘩，有排喎。點可以快啲。嘻。

14. 現實就係咁，當然唔易，易嘅個個都做到啦，個個都做到仲有乜咁特別？

15. 但，想加快？好簡單，不外乎三個方法嘅啫。一係舊錢碌得快啲，一係舊錢大啲！亦即係，一係投資回報率高啲！一係你就放多啲錢！有幾難明？

16. 如何投資提升回報嘅？「咪睇我Patreon」，但提提你，講緊係十幾甚至幾十年嘅回報，好難出術求速成。你去買場波梗係可以一晚幾倍，但你可以連買幾多場而唔輸錢？

17. 放多啲錢落去嘅，即係一係開源，一係節流。

18. 好多傳統智慧（即係你啲濕鳩網友）話你知，開源有用過節流。我都想，我都以為係，可惜唔係。殘酷嘅現實係，「節流有用過開源」

19. 但此話何解？咁具體啲，每個月拎多5000蚊（或者5萬，隨你）投資，肯定可以早啲上岸啦。但你嗰5000蚊點嚟？係嚟自收入高咗，定開支細咗？

20. 照計都唔難明，但我計埋數你睇，你嗰5000蚊，嚟自減少開支，對你提早上岸嘅幫助大好多。呢度都仲可能唔少人估到，但有幾大幫助？可以睇Patreon！

21. 不過，本人唔係冷氣軍師紙上談兵，亦唔係日日食白麵包儲錢上車嘅人。開支要減，係好難的。中國人講由奢入儉難，充滿智慧。你食開百人一朱好地地，但到你食過嗰啲 鮨乜鮨物，甚至只係MK仔餓媽卡些，仲點返去食爭鮮？好難的

22. 加咗人工，梗係對自己好啲啦，老到X都鬆晒，有錢都冇力享。全部係事實。所以我篇文都教你拎個中庸之道。唔會好離地地咁你 搵3萬儲2萬5

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。