你學數列（Sequence）嘅時候，會遇到兩款資訊，符號係T(n)同S(n)，用人話講就係【第n個數係乜】同埋【頭n個數加埋係乜】。 . 喺話你知我中意T(n)定S(n)之前，我地舉個簡單嘅例子先，費事我地之間有誤會😚 . 舉個例：1, 3, 5, 7, 9, … . 第4個數係7，用數學嚇鬼符號寫係【T(4)=7】。 . 至於，頭4個數加埋係【1+3+5+7】即係16，用數學鬼話寫就係【S(4)=16】。 . 學到等差數列（A.S.）嘅同學，多數都會好中意見到題目提供T(n)，因為只要代1代2，就可以知道曬成條數列，若然想計S(n)只要直接用公式就得。 . 舉個例：T(n)=2n+1 . 代1：T(1)=3 代2：T(2)=5 . 即係話：首項【a=3】而公差【d=2】。🤩 . 你要計S(n)嘅話，屈公式即可： . S(n) = [2a+(n-1)d]n/2 = n^2 + 2n . 講到呢度，有啲離地，因為似乎對考試嚟講，無咩實用性，Right？你有權咁諗，但現實係：神技嘅思維，往往就係建基於同大眾嘅微小差別。接下來我會話你知，有咩神技會由此而生！😎（甚至連M2都用得著🤑） . 上述嘅教法，係好多老師嘅套路：一切建基於T(n)，就算計S(n)都係由T(n)做起點。換言之，二擇其一嘅話，多數老師同乖乖學生都會揀T(n)。 . 接下來我會話你知，點解T(n)同S(n)之間，我反而會揀S(n)？😱 . 原因係，我只要拎S(n)做條減數，就可以搵到T(n)，完全唔使理個數列係AS、GS定 Jackass！ . 舉個例：S(n) = n^2 + 2n . 如果我想知T(9)係乜，我只要將【頭9個數】減【頭8個數】，即係 S(9) - S(8) 就搞掂！ . 【S(9) - S(8) = 99 - 80 = 19】即係【T(9)=19】 . 唔單止搵返T(n)快，若然題目係搵： . 【由第15項加到第42個數】 . 一般乖學生就開始爆頭，但係曳學生熟識玩弄S(n)，一減就係！ . 【由第15項加到第42個數】= S(42) - S(14) . 頭42個數 減走返 頭14個數，自然淨返要嘅嘢！ . 呢一招補返個蛇頭，先至一次過斬返斷唔要嘅，相當聰明！😍 . 當然，其實T(n)同S(n)你係唔使二擇其一嘅，Why not Both？你兩個都要識玩，因為考試嘅時候都係好被動，好視乎條題目畀邊樣你。 . 但若然係M2考試呢，就必定係玩S(n)啦！考數學歸納法（Mathematical Induction）嘅時候，不時都會有個(b) part，要你用返(a) part條series，例如2016年M2第5題。題目十居其九都唔係由頭開始加起，做曳曳學生駁返長條Series再減就掂過碌蔗啦！🤠 . 講到DSE考嘅數列，最難又佔最多分嘅，當然唔係呢啲啦。雖然我唔能夠三言兩語，將杜氏數學《終極Killer》速效課程裏面教嘅AS/GS神技喺Instagram講曬，但若然有多同學話我知想學，我之後嘅帖可能都會分享些少。😊 . 上次個帖，反應好好，有好多同學話我知share咗去班group，又有老師叫我繼續寫，話會定期將我嘅影片同文章貼去自己嗰幾班嘅whatsapp group。真係好多謝捧場😀仲有好高興收到鼓勵我嘅PM，認同我嘅理念：幫年輕人花最少時間考好數學，留返更多嘅時間發展人生，做自己真係中意做嘅嘢！面對所謂嘅獅子山精神😑香港年輕人要更加爭氣！💪 . 👉杜氏數學 官方網站：www.HermanToMath.com 👉速效Online課程查詢：HermanToMath.SKX.io . 關於導師 . 🏅Herman To是杜氏數學Herman To Math的始創人 🏅全港唯一「完爆」【DSE Core+M1+M2】、【AL Pure+Applied】、【CE Maths+A.Maths】和【IAL 全12份卷】的數學補習導師 🏅全港第一 最多訂閱粉絲嘅數學教育YouTuber 🏅全港第一 訂閱最高數學教育YouTuber 🏅YouTube Channel超過400萬Hit Rate、超過3萬Subscribers 🏅全港唯一數學補習YouTuber獲YouTube官方連續首兩屆邀請出席Creator Camp 🏅全港唯一於2017年以手機App開Live授課 時薪過萬 的數學補習導師 🏅2018暢銷書《賭波男人嫁得過》作者 🏅DSE 2019 我們一起加油吧 !