2014-2019年。
你忘記了什麼？你又記得了什麼？

511 分之1 (全文)

首先自我介紹, 我叫阿滔, 八十後, 係一間算幾大既公司做緊一個so-called engineer, 公屋仔, 無任何犯法紀錄.

七月二號我係中環俾人拉左, 罪名係1)參與未經批准集結 2)對公眾地方造成阻礙. 我唔係咩資深社運人士, 亦無參加過咩組織. 我只係想講, 今次俾人拉左既, 其實好多都唔係d 超級熱血社運份子. 請唔好覺得俾人拉呢班友係怪獸/痴線佬, 亦唔好覺得佢地係英雄. 其實大家都係好普通好普通既香港市民, 可能係學生, 可能返緊工, 俾人拉完仲要諗辦法打返公司請病假, 之後擔心個樣上左電視俾老闆發覺俾人炒. 我想講既係其實社運並唔係大家想像中咁遙遠既. 只要大家有果個心, 無需預演, 無需準備, 一齊坐底, 你就已經係一個社運人士.

由晏晝三點半行到十點半, 之後就係坐. 其實大部分呢d 集會都係"鳩坐", 國教如是, HKTV 如是, 東北最後果兩個集會如是. 坐得幾次其實自己都好懷疑呢d 叫口號式集會有乜作用, 但每次見到政府亂咁黎又抵唔住頸又去坐過. 高登仔好鍾意講 "行完坐完好快d 返屋企, 聽日仲要早起身返工" 或者係中左激將法, 但我都好想同佢地講, 好啦今次真係有組織搞公民抗命啦, 我地真係俾人拉左啦, 咁你地班自命勇武抗爭念力抗共既又係邊度??

基本上坐既時候大部分都係幫自己個心理輔導. 問得自己最多既問題係自己叫做有份唔錯既工, 值唔值得為呢個預演佔中俾人拉呢? 如果留案底會唔會連工都無埋呢? 自己辛辛苦苦讀左咁多年書, 雖然唔叻但總算大學畢業, 因為咁而影響前途好似好蠢咁.

咁上下又聽到幾行後既果個女仔用爆大聲既語氣對住個電話"我又唔係為自己又唔係去玩, 我係為香港呀!!" 之後cut 左線. 我見到附近d 人都好似眼濕濕咁. 其實係我眼濕濕咁. 最怕既未必係俾人拉俾人政治檢控, 而係怕屋企人擔心難過. 我同自己做足心理輔導, 但其實好少同屋企人做. 佢地可能甚至唔知咁俾人拉同偷野俾人拉係有乜分別. 佢地亦都未必明白犯法同公義有乜關係. 不過就算佢明我估佢都會係果句 "人地衝人地犯法你咪企埋一邊lor"

不過我要多謝吳亮星, 因為佢我晒少左好多口水去解釋點解我要去遊行, 亦都令屋企人明白左咩係議會暴力. 我諗下次要說服佢唔好投謝偉俊應該會容易dd....

講左咁多野都仲未開始. 其實過程只係三樣野, 等, 叫口號, 同埋俾人抬. 其實我搞唔清楚係"希望始於人民" 定係"人民始於抗爭", 亦都唔明白零晨四點幾係中環路中心叫"林鄭出黎對話" 有乜意義, 不過未嘗唔係一種令自己無咁驚既辦法黎既.

講真今次我對警察其實無乜負面評價, 可能最大原因係我睇唔到佢地點對果d 資深社運份子, 我聽到佢地又話插眼又話鍊鼻, 不過我俾d 記者遮住乜都睇唔到. 現場唯一令我反感既警察係個鬼頭, 我唔知佢係乜來頭但佢真係極不客氣, 最柒係佢見d 手下抬唔掂之後一下"讓老子來!!" 但仲衰過之前, 佢隔離果幾個差佬都唔知係咪特登要佢出洋相, hea 幫之下令鬼頭求仁得仁, 柒返出去.

最煽情既係有個唔係好大既男仔, 聲已經係沙哂走哂音, 佢又爆喊情緒異常咁激動 "驚察我真係好心痛呀, 哩地當初為乜要當差呀" "柯地爭緊既野, 哩地都有份ga" "柯好驚呀, 但我唔會走"我唯一希望既就係佢既朋友唔好睇到佢既片, 又或者佢既朋友唔似我咁仆街, 唔係既話俾人笑成世都似.

等俾人抬其實除左叫口號之外, 仲有一樣就係叫d 警察既number, "56447 唔好咁扭佢手腕, 佢痛呀" "15423 唔好扯呀" 當然佢地都唔多會理你既, 而你事後亦都唔會記得呢d number. 唯一例外既係警員3310, 佢應該係比較多經驗d, 抬人亦比較直接, 我地叫左幾句"3310 唔好咁大力"佢就當然唔會理我地啦. 點知後面有人爆左句"nokia 唔好咁大力, nokia 3310 我話你呀" 我見到白衫果個差佬當堂陰陰咀咁笑, 仲同隔離果個咬耳仔tim! 之後nokia 先生就無再出現過啦. 3310 我記得你呀, 唔好咁大力呀!!

中途有班好天真既小女孩諗住手拖手幫我地擋住警察. 雖然係幾感動但心諗 "你咁咪仲激過我地坐係度等俾人拉" anyway, 多謝香港市民既聲援, 令我知道我地並不孤單.

其實抬走無乜野好講, 都係咁上下. 雖然睇世界盃學會左詐死, 但無奈係d 警察唔係果個亞洲之光既球證. 我想講既反而係隔離果兩位一齊俾人拉既暴民. 右手面既係一個講國語既阿叔, 佢話佢係旅客, 五十歲, 係我之後偷睇佢本passport 發現既. 呢個阿叔本來我以為係黎自台灣, 應該係陳為廷d 同學, 但佢竟然話佢來自深圳!! 我真係想同佢講 "喂你地都有搞71佔深wor"

呢個阿叔其實相當有心, 佢黎香港一日就淨係為支持七一同佔中, 聽佢講應該咩地方都無去過. 我只有講 "香港人, 你話七一好忙唔得閒黎, 我問你慚唔慚愧?" 我真係諗唔到佢黎七一遊行究竟對佢有乜幫助, 我相信佢亦都唔會天真到以為香港有普選會令中國有普選. 佢只係為公義, 只係為對民主既追求. 呢個世界就係有d 咁單純既人, 單純得令人慚愧, 單純得令人肅然起敬. 我不禁搭一搭佢膊頭 "鄧依沙禾嘲梨乸騾埋賴焚, 爭依頂騾揮耶姣."

而左手面果位兄弟呢, 就係有一個一歲仔仔既香港爸爸. "下? 仔細老婆嫩喎" 佢就答我 "就係為個仔先黎" 呢個真係算係出生入死既好兄弟. 平時d 好兄弟最多都係唱K 無帶錢借住俾你先, 佢呢就係拉住我唔俾差佬抬走. 因為佢, 我足足拖多左十幾秒. 全靠佢夾住我隻手, 我先唔洗咁瘀兩秒就俾人"的" 走左.

五點唔知幾多分, 我終於俾警察拘捕左.

俾人"的" 左去旅遊巴途中, 我見到好多好多既差佬, 個個望住我, 搞到我都有d 心虛. 果一刻我真係想問佢地 "可唔可以黑布蒙頭?? 不如落埋孖葉呀? 人一世物一世俾人拉無黑布蒙頭同孖葉點對得住阿爸阿媽呀!!"

去到等搜身既時候, 鐵馬外有個講唔正既阿姐同對住每一個被拘捕既人講 "你係香港人既驕傲" 亦都有個好似記者既哥仔同我點點頭. 真心多謝. 其實我唔知香港人會點評價我地呢班傻佬傻婆既行為. 我真係好怕出到黎既輿論係呢班友淨係係度搗亂, 搞亂香港.

"的"住我隻左手果個警察話 "嘩你隻手好震喎" 我真係想答佢 "dllm 不如你試下無食野十幾個鐘之後俾人咁樣屈住隻手呀! 你都on99" 當然我無咁on99, "係呀, 攰呀嘛" 最緊要扮乖! 不過之後佢都鬆左好多.

六點四十分, 到達警署. 係警署門口有班人同我地揮手, 有一刻我真係諗 "你地得閒黎警署門口揮手不如一齊佔啦"

去到警署, in charge 既沙展出奇咁好人, 佢同我地呢24男11女講 "我明白你地既訴求. 要記住我地唔係對立既" 其實我都同意佢既講法. 遊行或者示威人士最大既問題往往就係將警察放左去絕對既對立面. 你對住佢鬧/講粗口/挑撥其實只會將佢地推去走向建制. 可能你會話 "喂佢地應該要有良知 ga wor" 又或者好似d 學者講 "平庸之惡". 但我覺得呢個講法有一個非常非常大既問題, 就係太深. 一般人未聽你講乜乜 "平庸之惡" 點解已經嬲左啦. "DLLM 你話我又平庸又惡, 吃胡椒噴霧吧"

我認為d 警察呀, 和理非非呀, 或者任何既建制支持者都搞錯左一個問題 -- 佢地認為秩序係善既, 所以所有搞亂秩序既人就係惡啦. 而我呢, 我就認為秩序係中性, 無善惡之分既. 秩序就好似一把劍, 而警察就係鑄劍師. 當然鑄劍師會盡力令把劍保持鋒利, 呢個係佢地既職責, 亦都係佢地既專業. 無人會鍾意一把爛劍既, 所以我唔會怪佢地. 之但係呢把劍係善定惡呢? 就其實要視乎用呢把劍既人. 如果用果個係善既, 當然係世界和平. 但如果用果個係惡人既, 把劍利d 只會令更多人受害.
好似北韓咁, 北韓係非常之咁好秩序, 但係呢個世界上會唔會有個facebook page 係"對北韓既秘密警察致敬"?? 只要大家都諗明白呢個問題, 其實示威者同警察或者d 和理非非人都係普通市民, 個對立面唔應該咁遠既. 而我更希望每一個鑄劍師要睇清楚究竟咩人用你呢把劍, 呢個人用你呢把劍去做乜. 必要既時候展現你既勇氣, 向亂用利劍既人說不.

呢個沙展對我地好好, 甚至d 普通警察都係好好禮貌. 我地要去廁所呀, 飲水呀, 食少少野呀都盡量滿足到我地. 當然你會話呢d 係佢地既職責, 係我地既人權, 但我覺得警察對犯尊重唔係必然既.

可能你睇到呢度你會話 "dllm 睇你兩篇咁既野原來你黎維穩?!!"
我會話你推班有絕對武力既人做你敵人唔通會令反抗之路容易左?? 拉攏所有市民對抗高官, 大有錢佬同共產黨先係最後出路.

其實吳亮星係好好, 我甚至覺得應該封佢做香港抗爭之父. 佢用一個好簡單既方法話到俾大家聽什麼係議會暴力, 那怕係警察/穩定派都會覺得佢既開會方法係非常無恥. 而呢個就係我地既切入點, 叫沈默既人都出黎反抗, 叫對面既勢力倒戈.

如果我係活動既搞手, 會唔會試下咁呢? 對傳媒高調向警察伸出友誼之手, 約束示威者唔好同警察爭執. 只有警察同示威者既對立面消失,秩序同善惡既矛盾消失, 我地先會有感染更多建制支持者既機會. 我, 係咪太天真呢??

好, 講返差館既事. 沙展對我地唯一最衰既就係均左我地一鑊. 當我地要求早餐既時候佢話 "應該好快搞掂ga la, 叫都唔係唔得不過叫左既話就要食埋先走得." 嘩, 你講到咁我點敢叫呀. 好呀, 我地等下啦.... 等到最後我地足足由七點等到一點先走得......
同一道理, 當我地覺得過幾個字就走得既狀態之下, 又點會問俾唔俾打電話呢? 令屋企人同朋友擔心, 真心覺得對唔住.

其實我諗未必關佢事既, 佢無乜必要均我, 不過警察做paper work 既效率啦喎... 唉...

師姐係白板寫左我地既罪名: 參于未經批淮集結對公眾地方造成阻礙. 十七隻字, 錯左三隻半個(個參字同結字佢寫錯左). 我地提佢 "喂喂個'准'字錯左", 師姐好似叮一聲咁然後竟然改左做"準"!! 認字特警呀, 幫幫佢好唔好?

我不斷練習如何霸氣地講 "我無野講". 到最後先知竟然係唔會同我落口供!!

之後呢個二號房應該就變成左一個好奇怪既狀態. 班犯呢? 眼訓果d 就好安心咁訓覺, 唔眼訓果d 就好hyper 咁係度吹水. 犯法犯得咁開心仲要個個話下次一定要再黎, 呢班友真係傻的嗎. 而警察呢? 一係玩手機一係就訓覺. 有時社會就係咁荒謬.

係交談之中, 我發覺原來呢班友雖然從不相識, 但大家諗既野竟然會係咁相近.
"我從來都係守法好市民, 甚至連亂過馬路都唔會, 竟然會因為咁樣犯法而俾人拉左"
"睇到爺爺果一輩為香港做左咁多, 我地竟然將一個爛哂既香港交俾下一代, 我接受唔到lor"
"你地可以蝦我, 但唔可以蝦細路同老人家"
"本身我唔係好鍾意陳志全, 但呢半年佢做既野令我改觀"
"我淨係會捐錢俾學民, 社民連同人民力量"

聽到相同既價值觀其實係相當感動既, 特別係我呢d 無參加過任何組織既小市民. 我唔知大家有無嘗試過同朋友討論過長毛. "長毛掉野就係唔岩!" "返兩分鐘工就俾人趕走去食tea" 我係無可能講得佢地服ga. 佢地一尾就係講 "你可以用和平既方法ga ma", "掉野對件事有乜幫助呢", 同朋友討論長毛係相當傷感情既一件事黎.

傾黎傾去, 我發覺原來大部分人都係返緊工既. 個比例大約係10:1 咁上下, 乜原來我地呢30 人就係保護緊你呢5 條友??!!! 你當自己奧巴馬呀?

其實我相信警察果邊係相當混亂既. 佢地搞唔掂呢幾百人. 中途成日有d 阿sir 出出入入, 好混亂咁問一大輪野之後又發覺乜都唔係. 入黎話律師想見以下呢班人, 但係讀左三版紙讀哂所有人名都無我地份. 我有一刻係懷疑緊我地係咪俾人放棄左.

警司警誡完又要等一大輪先走得, 我就望住個警司睇住佢用電腦. 唔知點解我硬係凝住佢係睇緊高登, 因為佢係完全唔洗用keyboard ga. 而我就昅實佢有無禁f5 掣.

最後, 大約一點半, 我地就俾人掉低左係香港仔運動場(我估)外面, 一落車就有記者, 我就當然係一向既迷茫樣. 後面果幾個就犀利啦, 一落車就叫"公民抗爭無罪", 影哂相做哂訪問咁. 我就同左深圳叔叔搭車返銅鑼灣, 送佢搭地鐵之後食埋野就返左屋企.

後記
我唔知大家會點評價我地呢511 個人既行為. 我都係一個普通既男仔, 鍾意打機睇波溝女, 都想安安穩穩咁生活. 我都係一個膽小鬼, 好多時見到地鐵有人打尖明明好想出聲但係又怕羞. 我都係打一件牛工, 儲緊一份永遠儲唔到既首期.
我想講既係我同大家無唔同, 我唔係英雄亦都唔希望做英雄. 今日留係度既係我, 我希望他朝留係度既係大家.

最後, 天佑香港!

昨日在公司附近聽到攤販正在大播〈身後〉，無預警地又是一次心的撞擊，即便未能拿下金曲獎，但張惠妹的《偷故事的人》依然是近期我最愛的國語專輯無誤。

今年一月號的《The Affairs 週刊編集》有我寫的樂評，貼下上來跟大家分享。

今年起固定會在這份精緻的刊物上撰寫華語樂評，舊雨新知歡迎收看！

//

●張惠妹《偷故事的人》，精準回應歌迷期待

睽違三年，終於等到張惠妹 A-mei/A-mit的最新專輯《偷故事的人》，這次張惠妹精準回應樂迷的期待，幕後的卡司精銳盡出，大勢情歌的題材曲調、快歌展現的氣勢與驕傲， 幾乎每一首歌都不偏不倚地直中紅心，一推出就全城沸騰。

《偷故事的人》概念明確，雖然「唱出別人故事」這哏不算新穎，但換了一個動詞——「偷」就變得力道強勁許多，開場的同名主打歌找來艾怡良詞曲操刀，簡單的鋼琴編曲娓娓道來一段關於愛情的心傷神透，艾怡良的作品自我風格強烈，有別於她自身吟遊詩人的氣氛，張惠妹反倒在歌裡立起大樓建起高架橋，在車水馬龍的城市中，流洩滿地的心碎。

有了〈偷故事的人〉和〈壞的好人〉兩首情歌打頭陣，續接的〈裝醉〉由小安創作上場，張惠妹唱出一種找到愛情癥結的豁然開朗，這樣的情緒恰好在下一首歌〈說了就算〉裡更加凸顯，此曲旋律強烈的副歌非常洗腦，頑童MJ116瘦子的RAP畫龍點睛，整首歌顯得豐富討喜，期待在訪問中自我告白「希望台灣的嘻哈歌手都來找我合作！」的張惠妹，在未來還能在專輯中帶來這樣的驚艷。

專輯的下半場由火力強大的〈連名帶姓〉揭開序幕，周杰倫與張惠妹不是第一次合作，但每一次合作都是話題都是代表作，他旋律中獨有的情歌魅力配上葛大為把死透的愛抽絲剝繭後織寫的歌詞，「再被你提起╱已是連名帶姓╱謊稱是友誼╱卻疏遠得可以」句句都是逼人面對愛已不在的殘酷事實，專輯發行至今，從排行榜成績與傳唱度來說，這首歌無疑又是一次經典的確立。

〈連名帶姓〉的釋然心情還未沖散，接在後頭〈身後〉隨即直撲而來， 張惠妹從令人心痛的社會案件出發，協同華語樂壇情歌王林俊傑朝樂迷心裡持續發動火力猛攻，從HUSH歌詞中溢出的遺憾太過疼痛，稍有不慎就會情緒潰堤，「能不能答應我╱臨別時你或許就先走╱徒留的感傷都留給我╱讓我面對你往後的寂寞」張惠妹唱腔裡的尾音是一種依依不捨的餘韻，再心痛都只能面對並接受。

整張《偷故事的人》聽下來，發現這次的張惠妹不以譁眾取寵的突破當前提，而是在自己擅長的一方天地裡彰顯自己的歌唱魅力，再配上豪華創作者用精良的作品競演，讓張惠妹用聲線展露快歌的魄力與慢歌的細膩，才能匯聚出這樣一張專輯，讓你我即便被偷了故事，也仍感激張惠妹帶來美不勝收的音樂美景。

https://kkbox.fm/5a27DA

我新開了國語台, 請大家支持, 加以訂閱:

國語台: https://bit.ly/3dwMCk1

每早八點半、發放正能量! 每週六中午11:30-12:30直播你問我答!
多謝您的欣賞, 請贊助我的創作, 有以下形式:
1)加入我的Patreon會員(每月US$5起) : http://www.patreon.com/JamesHong
2)加入我的Youtube會員(每月HK$15起) : 只需按影片下面的「加入」鍵即可、或以下連結 https://bit.ly/3fsZkhx
3)直接過數:
PayPal.me/hongmingsang
轉數快: 166918722
Payme.hsbc/akiohong
微信香港轉數快: 602344513

4)工作洽談：請私訊https://www.facebook.com/JamesHongAkio/
▶️如果你有興趣跟我去全世界終身遊學 ：請like Facebook 專頁: https://m.facebook.com/JamesHongAkio/
Instagram: https://www.instagram.com/james_hong_ms/
Webpage: www.JamesTrip.com