【 #港式情侶第一個筆友配對計劃 - 喂我想老餅啲寫信識你啊！ 】 喂，你有幾耐無揸過支筆寫過嘢畀人？ . 仲記得好耐好耐之前，大概喺小學嗰陣，小編畀miss逼住參加咗個筆友計劃，識咗個台灣筆友。開頭係覺得件事好白痴的，所以勁hea寫咗半頁紙畀佢介紹下自己就算。點知下個禮拜收到佢回信，佢竟然勁認真覆我，仲塞咗粒糖落信封度話請我食...... 自此之後，我就多咗段有啲奇妙嘅關係叫「筆友」，開心會同佢講、有煩惱會同佢講。每次寫信，都好似個世界靜落嚟，聽緊我同佢傾計。嗰時先感受到，單純用文字去認識一個人，有神秘感得嚟，其實仲有少少浪漫～ . 喺呢個咩都貪快嘅年代，逼住你咩都要好急，識人我用哎豬唔好，Be Fd OK？但通訊軟件再方便，始終取代唔到我望落信箱條罅，見到有信畀我嗰種開心，人地就係鍾意啲老套嘢，吹牙？係啊，講咗咁耐，其實都係想講，港式情侶搞咗個筆友配對計劃《等你回信》，希望為呢個城市帶來少少浪漫！ . 為咗令你哋可以搵到個嘅靈魂筆友， 我哋設計咗一系列嘅性格同興趣傾向分析，從唔同方位了解你，等我哋可以為你配對一個一拍即合嘅筆友，好好談一場有質感嘅「 紙上約會 」。 即刻去網站報名！就可以參加《等你回信》呢個筆友配對計劃，揸起支筆試吓點樣慢慢認識一個人。 如果你參加咗【$80足本版】，就會收到一個懶人pack，入面有齊我哋設計嘅信封、信紙、貼紙同任務卡，等你可以同筆友一齊做一啲驚喜任務仔～ 而參加【$50 基本版】嘅朋友仔，就可以直接開始寫信，寄嚟「港式情侶辦公室緣份郵箱」，我哋就會幫你進行配對，再轉寄畀你配對好嘅筆友3次 ( 喺你同意之前，我哋係唔會公開你地址 )。 你哋可以喺一共6次數信來往之後，先決定要唔要同對方交換地址，唔急仲好安全！ . 1次緣份配對，2個陌生嘅靈魂，3次手寫嘅約會。無論你係想找一個伴（如崩壞的命盤～）、好MK咁想招FD子、純碎覺得筆友呢件事好得意，都可以參加。呢個熱熱地嘅五月天，等我哋一齊揾返單純用文字識一個人嘅浪漫，揾返寫嘢個溫度，慢啲了解一個人、慢啲等你回信。其實有人寫信畀你，真係一件好幸福嘅事！ . 「喂！我想識你啊，不如我哋做筆友牙？？？My Pen is Blue, My Friend is U @#$%^~」 . 港式情侶緣分筆友配對企劃【等你回信】 參加方法：去港式情侶官方網站報名（Profile有link / 去IG Story Swipe Up又得！） 價錢：$50 （基本版）/ $80 （足本版） *希望大家諒解我哋要分析好多份問卷幫大家揾到perfect match，更加要不停幫大家寄信，先會有呢個定價QAQ，希望幫到大家識到一個啱King嘅筆友！ . #最後我send咗張相畀牙筆友 #佢就無再覆我 #呢個其實係一個傷心嘅故事來 #講笑姐 #有無人同小編一樣覺得筆友好浪漫 #情侶 #愛 #愛情 #語錄 #拍拖 #香港 #女朋友 #hkig #心事 #筆友 #寫信 #浪漫 #台灣 . 即like @港式情侶 HKstyleCouple 緊貼更多港式愛情生活資訊❤️！ IG : https://instagram.com/hkstylecouple 歡迎Dm投稿戀愛趣事，我哋等緊你㗎😙！