直播乜都得（下）
.
去到夜晚十一點，我笑瞇瞇咁同大家講：「今日最後一次投票啦，做埋呢次，我就瞓覺，大家想我做咩？」
.
觀眾紛紛叫我唔好瞓住：「性感小野貓，唔好咁早瞓。」「我啱啱先入嚟，陪吓我啦。」
.
然後，呢次嘅投票結果，係叫我捱夜。
.
，
我呆一呆，之前咁多次投票，都係叫我做某一種動...
直播乜都得（下）
.
去到夜晚十一點，我笑瞇瞇咁同大家講：「今日最後一次投票啦，做埋呢次，我就瞓覺，大家想我做咩？」
.
觀眾紛紛叫我唔好瞓住：「性感小野貓，唔好咁早瞓。」「我啱啱先入嚟，陪吓我啦。」
.
然後，呢次嘅投票結果，係叫我捱夜。
.
，
我呆一呆，之前咁多次投票，都係叫我做某一種動作，做完之後，我就可以做自己嘢。
.
「捱夜」唔係一種動作，而係叫我唔好瞓。
.
我Send訊息問經理：「喂，佢哋叫我捱夜，咁都算㗎咩？」
.
經理反問：「捱夜，係唔係你能力範圍內嘅事？」
.
，
都係嘅，唉，觀眾唔捨得我，太愛我啦。
.
難得有咁多觀眾，我就冇瞓到，繼續同觀眾傾計。
.
好快到第二朝九點，新一輪投票開始。
.
，
觀眾人數節節上升，女觀眾湧入，好多留言鬧我不知廉恥，我都有晒心理準備。
.
但呢次嘅投票結果，係叫我卸妝。
.
「咪又係靠化妝，落咗妝肯定成隻鬼咁。」好多人都咁講。
.
我卸咗妝，被人Cap咗無數張憔悴嘅素顏相。
.
都有觀眾幫我講好說話：「人哋成晚冇瞓，算係咁啦。」令我有少少安慰。
.
，
「你哋睇完啦？」我化番個妝。
.
上妝嗰陣，有觀眾讚我支唇膏啲色幾靚，問我喺邊度買。
.
我心中暗喜，咁快我就有賣廣告嘅能力？可惜呢支唇膏冇Sponsor。
.
討論唇膏嘅過程中，新一輪嘅投票結果出咗，係叫我食晒成支唇膏。
.
，
「食咗佢？」我難以置信。
.
觀眾即刻答：「食支唇膏啫，女仔平時搽喺嘴唇度，都食咗唔少啦。」
「你個死八婆，食支唇膏淨化吓你嘅心靈。」
.
可能我太出位，短短一日時間，已經聚集咗唔少Haters。
.
好，我食！
.
，
唇膏雖然香噴噴，但成支食落肚嘅感覺真係唔多好。
.
我好不容易食完一支唇膏，擠出一抹笑容，繼續同大家傾計。
.
冇幾耐，飯菜從小窗送入嚟。
.
我微笑：「我食飯先，食完飯繼續同大家『乜都得』。」
.
，
呢個時候，投票結果彈出嚟：「將所有飯菜倒入馬桶。」
.
我呆一呆，都倒晒啲飯菜，再Send訊息問經理：「送多一份入嚟？」
.
經理馬上覆我：「呢個提名迅速成為榜首，係因為好多觀眾想睇你冇飯食，觀眾就係上帝啊。」
.
，
我以為，食少餐都唔算咩大問題。
.
但之後全日，觀眾嘅要求愈嚟愈令我辛苦，除咗剩低嗰兩餐飯都冇埋，仲叫我刮自己幾巴、用手拔自己啲毛落嚟……去到夜晚，再理所當然地叫我捱夜。
.
好彩，半夜十二點到第二朝八點，係冇投票時間，我可以坐埋一邊休息吓。
.
我已經冇力再同觀眾傾計，只係偶爾望吓留言，捏吓自己令自己唔好瞓著。
.
，
第二朝，早餐送到前，我哀求大家：「玩咗兩日，畀我抖吓啦。」
.
我講完呢句，真係見到有人提名「食早餐」，嗰一刻我熱淚盈眶。
.
但更多人留言話：「唔捱得，就唔好話『乜都得』。」「人唔食嘢，至少可以捱七日，唔駛擔心喎。」
.
於是，「將飯菜倒落馬桶」再次被推到榜首。
.
，
下一個鐘，有觀眾話：「你係咪好餓？不如食屎啦。」
.
呢個要求突破咗我嘅心理極限，但如果我唔遵從投票結果，我呢兩日嘅努力就會功虧一簣，我仲要賠一大筆錢，我根本賠唔起……我食咗屎。
.
既然屎都食得，乜嘢「浸個頭落馬桶」、「用指甲喺身上抓出血痕」、「徒手折斷一隻手指」，都只有照做。
.
，
兩日冇食飯瞓覺，我嘅頭腦渾渾噩噩。
.
我唯一嘅念頭，係跟住投票結果做，捱埋呢一日。
.
所以，當屏幕上出現「用頭撞牆直至出血」、「吊頸一分鐘」……我都照做。
.
但我估唔到，吊頸嘅時間係好難控制，我掙扎住想落番嚟，但總係踩唔中腳下嘅櫈。
.
最後一刻，我聽到撞門嘅聲音。
.
，
失去意識前，我忍唔住諗，點解當我話「乜都得」，當大家唔需要承擔責任，大部份人都選擇殘酷地對待我？
.
善與惡嘅距離，到底有幾遠？
.
－完－
.
Marina Abramović曾進行一場行為藝術《節奏零》，她留在一個密閉空間裡，桌上有包括玫瑰、槍等物件。
.
說明書寫着：「你可以在我身上使用桌上的任何物品，我承擔所有責任。」
.
初時有人給她喝水，但很快就有人剪破了她的衣服，用玫瑰刺傷她的腹部，以刀片割開她的脖子，並喝了她的血。
.
最後，有人用槍指著她的太陽穴，才被他人阻止。
.
#短故 #短篇 #小說 #陳美濤 #廣東話 #粵語 #tomatochan #直播乜都得
笑瞇瞇粵音 在 陳美濤 Tomato Facebook 的最佳貼文
直播乜都得（下）
上集：https://bit.ly/3jHZqFk
去到夜晚十一點，我笑瞇瞇咁同大家講：「今日最後一次投票啦，做埋呢次，我就瞓覺，大家想我做咩？」
觀眾紛紛叫我唔好瞓住：「性感小野貓，唔好咁早瞓。」「我啱啱先入嚟，陪吓我啦。」
然後，呢次嘅投票結果，係叫我捱夜。
我呆一呆，之前咁多次投票，都係叫我做某一種動作，做完之後，我就可以做自己嘢。
「捱夜」唔係一種動作，而係叫我唔好瞓。
我Send訊息問經理：「喂，佢哋叫我捱夜，咁都算㗎咩？」
經理反問：「捱夜，係唔係你能力範圍內嘅事？」
都係嘅，唉，觀眾唔捨得我，太愛我啦。
難得有咁多觀眾，我就冇瞓到，繼續同觀眾傾計。
好快到第二朝九點，新一輪投票開始。
觀眾人數節節上升，女觀眾湧入，好多留言鬧我不知廉恥，我都有晒心理準備。
但呢次嘅投票結果，係叫我卸妝。
「咪又係靠化妝，落咗妝肯定成隻鬼咁。」好多人都咁講。
我卸咗妝，被人Cap咗無數張憔悴嘅素顏相。
都有觀眾幫我講好說話：「人哋成晚冇瞓，算係咁啦。」令我有少少安慰。
「你哋睇完啦？」我化番個妝。
上妝嗰陣，有觀眾讚我支唇膏啲色幾靚，問我喺邊度買。
我心中暗喜，咁快我就有賣廣告嘅能力？可惜呢支唇膏冇Sponsor。
討論唇膏嘅過程中，新一輪嘅投票結果出咗，係叫我食晒成支唇膏。
「食咗佢？」我難以置信。
觀眾即刻答：「食支唇膏啫，女仔平時搽喺嘴唇度，都食咗唔少啦。」
「你個死八婆，食支唇膏淨化吓你嘅心靈。」
可能我太出位，短短一日時間，已經聚集咗唔少Haters。
好，我食！
唇膏雖然香噴噴，但成支食落肚嘅感覺真係唔多好。
我好不容易食完一支唇膏，擠出一抹笑容，繼續同大家傾計。
冇幾耐，飯菜從小窗送入嚟。
我微笑：「我食飯先，食完飯繼續同大家『乜都得』。」
呢個時候，投票結果彈出嚟：「將所有飯菜倒入馬桶。」
我呆一呆，都倒晒啲飯菜，再Send訊息問經理：「送多一份入嚟？」
經理馬上覆我：「呢個提名迅速成為榜首，係因為好多觀眾想睇你冇飯食，觀眾就係上帝啊。」
我以為，食少餐都唔算咩大問題。
但之後全日，觀眾嘅要求愈嚟愈令我辛苦，除咗剩低嗰兩餐飯都冇埋，仲叫我刮自己幾巴、用手拔自己啲毛落嚟……去到夜晚，再理所當然地叫我捱夜。
好彩，半夜十二點到第二朝八點，係冇投票時間，我可以坐埋一邊休息吓。
我已經冇力再同觀眾傾計，只係偶爾望吓留言，捏吓自己令自己唔好瞓著。
第二朝，早餐送到前，我哀求大家：「玩咗兩日，畀我抖吓啦。」
我講完呢句，真係見到有人提名「食早餐」，嗰一刻我熱淚盈眶。
但更多人留言話：「唔捱得，就唔好話『乜都得』。」
「人唔食嘢，至少可以捱七日，唔駛擔心喎。」
於是，「將飯菜倒落馬桶」再次被推到榜首。
下一個鐘，有觀眾話：「你係咪好餓？不如食屎啦。」
呢個要求突破咗我嘅心理極限，但如果我唔遵從投票結果，我呢兩日嘅努力就會功虧一簣，我仲要賠一大筆錢，我根本賠唔起……我食咗屎。
既然屎都食得，乜嘢「浸個頭落馬桶」、「用指甲喺身上抓出血痕」、「徒手折斷一隻手指」，都只有照做。
兩日冇食飯瞓覺，我嘅頭腦渾渾噩噩。
我唯一嘅念頭，係跟住投票結果做，捱埋呢一日。
所以，當屏幕上出現「用頭撞牆直至出血」、「吊頸一分鐘」……我都照做。
但我估唔到，吊頸嘅時間係好難控制，我掙扎住想落番嚟，但總係踩唔中腳下嘅櫈。
最後一刻，我聽到撞門嘅聲音。
失去意識前，我忍唔住諗，點解當我話「乜都得」，當大家唔需要承擔責任，大部份人都選擇殘酷地對待我？
善與惡嘅距離，到底有幾遠？
－完－
Marina Abramović曾進行一場行為藝術《節奏零》，她留在一個密閉空間裡，桌上有包括玫瑰、槍等物件。
說明書寫着：「你可以在我身上使用桌上的任何物品，我承擔所有責任。」
初時有人給她喝水，但很快就有人剪破了她的衣服，用玫瑰刺傷她的腹部，以刀片割開她的脖子，並喝了她的血。
最後，有人用槍指著她的太陽穴，才被他人阻止。
將專頁設定為「搶先看」/ "See first"，最新故仔馬上睇！
如果你知自己幾時死：https://goo.gl/PBu1El
我嘅職業係：灶神：http://bit.do/fcUgL
#短故 #短篇 #小說 #陳美濤 #廣東話 #粵語 #tomatochan #直播乜都得
笑瞇瞇粵音 在 陳美濤 Tomato Facebook 的最佳解答
我的複製老公（下）
上集：https://bit.ly/3cWbcru
同老公結婚咁多年，我大概都知老公嘅喜好，阿祥嘅喜好應該都係一樣。
搵吓搵吓，我發現咗一個新晉畫家，佢才華橫溢，最近橫空出世，畫咗好多作品，一炮而紅。
最重要嘅係，佢嘅畫風正正係老公生前最鍾意嘅。
我想買幅畫送畀阿祥，但呢個畫家嘅畫都只供展覽，無公開賣。
我見佢下個月有畫展，我就打算去畫展，睇吓有無得買，如果可以訂製一幅就更好啦。
據講，呢個畫家喺火災中毀容，所以無時無刻都戴住面具，又被稱為「面具畫家」。
唉，或者天才總係有啲悲慘經歷。
畫展當日，我去到現場，遠遠就見到一個戴住面具嘅人。
我就行埋去，對佢微笑：「請問你係咪......」
我話未說完，面具人居然雙腳一軟，差啲跌落地下，然後連滾帶爬咁往外跑。
佢跑得太急，跑咗兩步就撞到人，兩個人雙雙化作滾地葫蘆。
我覺得好奇怪，我伸出手想扶起佢：「先生，你有無事？」
「我......」面具人長嘆一口氣：「我哋去樓下間咖啡室慢慢講啦。」
樓下間咖啡室？我叫咗阿祥喺咖啡室等我，仲諗住如果買到畫，就畀個驚喜佢。
不過藝術家一般都脾氣古怪，可能畫家要同我傾吓，睇吓我係咪知音，先肯賣畫畀我。
我就同面具人離開畫展，喺電梯中，面具人除低咗面具。
我隨意一望，嚇得目瞪口呆。
佢係阿祥......唔係，阿祥喺樓下，佢喺我老公！
「對唔住。」老公長嘆一口氣，講出真相。
原來佢根本無死，火葬場嘅屍體，都係佢訂番嚟嘅複製人，當然只有外表無思想。
「你點解要咁做？」老公又無欠債，又無買鉅額保險，做乜要假死？
老公好認真咁講：「因為我想畫畫。」
「你以前咪成日畫囉，我又無阻止你。」我覺得莫名其妙。
「我畫一陣，你就叫我飲湯、放鬆吓、陪你出街、睇你手機嘅搞笑短片......」老公囉囉嗦嗦數咗一大輪。
我難以置信：「呢啲好小事啫。」
老公嘆氣：「就係呢啲零碎嘅小事，令我根本無辦法專心創作。只要我留喺你身邊，一定畫唔出好嘅作品。」
「咁你依加畫出好作品啦咩？」我下意識問。
問完我先記起，畫家「面具人」聲名鵲起，我今日嚟佢個畫展，本來係諗住買佢嘅畫。
我只好問：「為咗畫畫，你就可以拋棄我？就算你要走，你咪講囉，點解要呃我？」
「我愛你，我唔想傷害你。」老公神情痛苦：「我本來都死咗心，直到我睇到複製人嘅廣告。」
佢就諗，佢可以假死，再複製一個自己嚟陪伴我。
我冷笑：「可惜，大話總會被揭穿。」
「我有諗過，如果有一日俾你發現，我會點做？」
老公深吸一口氣：「我同自己講，萬一俾你發現咗，咁就係天意，我就跟你返屋企。」
「吓？」我呆一呆。
老公咁樣講：「無錯，呢段時間，我畫咗好多作品，好滿足啦。我可以返屋企，專心做你老公，唔再諗呢啲嘢。」
呢個時候，我哋已經行到咖啡廳。
阿祥望到我，笑瞇瞇咁迎上嚟，跟住就見到老公。
阿祥面色一變，神情好複雜：「佢就係我嘅本體？」
老公點頭。
阿祥望向我，眼裡有深深嘅迷戀同失落：「有咗本體，係咪唔再需要我......呢個複製人？」
我一時語塞。
老公就講：「你揀啦，你想我同你返去？定想當今日嘅事無發生過，你繼續同佢一齊，我做番我嘅畫家？」
我一直都同自己講，真實係最重要，複製人永遠都比唔上真實嘅老公。
但呢一刻，我到底要揀一個一往情深、從來唔呃我、並且未來都會千依百順嘅複製人；
抑或係非常真實，但曾經狠狠地欺騙我嘅老公？
人人都話要「真愛」，但如果「真」同「愛」產生矛盾，我會要「真」定要「愛」？
你呢？
－完－
將專頁設定為「搶先看」/ "See first"，最新故仔馬上睇！
你到底愛唔愛我：https://goo.gl/SDZrU5
喪屍地球：http://bit.do/fhkTS
#短故 #短篇 #小說 #陳美濤 #廣東話 #粵語 #tomatochan #我的複製老公
笑瞇瞇粵音 在 陳美濤 Tomato Facebook 的最佳解答
偉大的炸藥（下）
上集：https://bit.ly/3apqvr0
負責人好惋惜：「佢真係好偉大，如果無人捉住個炸彈，得三秒鐘，邊個都走唔甩。」
「唔可以有其他方法咩？點解一定要係佢？」我接受唔到呢個答案。
負責人答：「幾秒內真係諗唔到咁多。」
我忍唔住講：「你搞補習社啫，點會有人放炸彈？」
負責人支支吾吾，最後都講咗出嚟，原來佢以前係一個毒販，後來背叛大毒梟，轉做污點證人。
件事都過咗十年，佢就想做番啲嘢贖罪，開咗間義務補習社，幫貧困兒童補習。
佢估計，係大毒梟嘅心腹嚟報復。
我崩潰，我想打佢，但所有嘅憤怒都無濟於事。
後來，檢驗結果出咗，殘骸真係屬於阿偉。
放炸彈嘅人亦被逮捕，供出嚟嘅事，同負責人所講差唔多。
一時間，好多媒體都歌頌阿偉嘅偉大，但我唔想佢咁偉大，只係想佢好好活著。
阿偉死後，我好似變咗一個人咁。
我想報復，放炸彈嘅人已經被判終身監禁，但大毒梟過多幾年就會出獄，甚至我連補習社負責人都痛恨。
要報復，就要有更好嘅體能。
從前又懶又宅嘅我，開始日日鍛鍊，除咗鍛鍊之外，就係研究報復相關嘅資料。
我身上開始有肌肉，做運動係好事、係健康嘅，但唔知點解，屋企人叫我做少啲運動。
直到有一日，阿偉個妹約我出嚟。
佢同我講同一間大學，但我哋以前都唔太熟，阿偉有介紹過，就係無單獨見過面。
妹妹見到我，講嘅第一句說話係：「阿嫂，算啦。」
「你講咩？」我唔明白。
妹妹話：「阿哥過咗身啦，你好好生活，唔好折磨自己。」
「我有好好生活啊，呢排仲好努力做運動。」我勉強一笑，展示手臂嘅肌肉。
妹妹遞塊鏡畀我，我照一照，面上咩都無：「有咩問題？」
「我以前見過你，同邊個講嘢都笑瞇瞇。依加好似有一股......」
妹妹思索咗一陣：「狠勁。」
阿偉死咗無耐，我點笑得出？
見佢係阿偉個妹，我講出我嘅所有諗法，我連雞都無殺過，但我想殺人。
我唔知道應該點樣落手，但我願意付出一切。
點知妹妹唔支持我，反而問：「你覺得我阿哥，係咪真係一個咁偉大嘅人？」
「佢炸到屍骨無存，你覺得佢唔偉大？」我勃然大怒。
妹妹擺擺手：「我唔係咁嘅意思，喺我印象中，阿哥係善良，但未至於主動為大家犧牲生命咁偉大。」
我唔耐煩：「你想講咩啊？」
妹妹講：「我覺得，佢會掂個炸彈，係因為你喺度。」
我呆一呆，妹妹繼續講：「佢曾經同我講過，佢最鍾意見你笑，佢會好努力好努力，令你一直笑落去。」
「佢都有咁同我講過。」我聲音哽咽，當時只以為係一句普通嘅情話，無諗過會成真。
妹妹嘆氣：「阿哥努力咗，我希望佢嘅心願可以實現。」
我喃喃自語：「但我想幫佢報仇......」
「你想點，我都管唔著，我只係將呢件事講畀你知。」妹妹講完就走咗。
我仲應唔應該報仇？
世上有好多血海深仇，但有幾多仇，係死者真正想報；
又有幾多仇，係因為活著嘅人悲痛萬分，必須要搵一個目標嚟發洩？
－完－
我嘅職業係：網絡獵人：https://goo.gl/esVs2E
全家都想食我：http://bit.do/fedrQ
#短故 #短篇 #小說 #陳美濤 #廣東話 #粵語 #tomatochan #偉大的炸藥