【#KISS語錄】張頴康同太太麥雅緻都希望囡囡得到百家的祝福。
詳文:sundaykiss.com/?p=242450
張頴康麥雅緻 為愛女訂造手作百家被
對父母而言,孩子每一件衫、口水肩、飾物都滿載回憶,但隨著小朋友長大,很多衣物都只能捐贈他人甚至丟掉。 早前藝人夫婦張頴康及麥雅緻向一眾粉絲獻...
【#KISS語錄】張頴康同太太麥雅緻都希望囡囡得到百家的祝福。
詳文:sundaykiss.com/?p=242450
張頴康麥雅緻 為愛女訂造手作百家被
對父母而言,孩子每一件衫、口水肩、飾物都滿載回憶,但隨著小朋友長大,很多衣物都只能捐贈他人甚至丟掉。 早前藝人夫婦張頴康及麥雅緻向一眾粉絲獻計,分享製作「百家被」的本地店鋪,讓父母留住子女的衣物,環保又有記念價值。「百家被」的原意和做法,你又知道嗎?
張頴康麥雅緻 贈愛女百家被
張頴康與麥雅緻的愛女豆豆已經2歲了! Angie都感嘆孩子長大得太快,嬰兒時間一閃即逝,她開帖道:「每一件衫仔,每一件囗水肩,都留下深刻的回憶! 每一個階段都充滿着 『喜怒哀樂』。新手爸媽有時候『無所適從』,有時候『疲累不堪』,有時候『非常氣餒』, 但結論是:孩子為我們帶來的那種快樂及滿足,天底下大概沒有任何事情能夠媲美! 」
百家被寓意寶寶得到百家祝福
百家被歷史悠久,據說以前的父母會到訪多戶親朋戚友,向他們收集碎布,再用這些布料縫製「百家被」給寶寶,寓意他們得到百家祝福,能平平安安。而豆豆這張則由她的舊衣物併湊而成,是現代版的百家被。很多衣物更保留了原有的立體感,十分趣緻!
張頴康夫婦推介 本土百家被商店
看見豆豆的新被,網民紛紛留言大讚:「好有紀念價值和超可愛!」張頴康夫婦亦與他們開心share,原來幫豆豆造被的是一家專造兒童被的本土小商店─ 香港百貨。
香港百貨店主向記者表示,她的奶奶從事製衣行業超過36年,機緣巧合下開始了造被仔。店主奶奶造百家被是希望幫各位媽咪保存與小朋友之間的回憶,很多媽媽在收貨一刻都很感動呢!
每張都罕有 獨一無二百家被
要製作獨一無二的百家被,只需提供約30至35件BB衫仔,裁縫會將衫仔正面及背面剪裁成35至63塊布仔,以縫製成被面,而Angie囡囡的被就是由9×7塊取自衣物的布併成的。
百家被製作費用 「香港百貨」的百家被製作費約$550,尺吋為120 x 150cm。被子有3層,分別為衫仔拼布、棉布托底遮駁口、及底層棉布加拉鍊造被袋,可作簿被。店舖亦會為被仔加拉鍊,父母可在冬天時入被芯,令寶寶加倍溫暖。
立體拼豆做法 在 絲房菜 Facebook 的最佳貼文
為米米房作個紀錄吧。
米媽家是裝修家庭。 有跟開的可能有聽米媽有時提起過吧。 沒多說也是因為米媽的爸爸哥哥嫂嫂不用靠新潮的宣傳做生意。佢地係老一輩做法。靠口啤,靠客人做完又介紹。用呢個傳統到而家也是忙的。😂😂
米媽未嫁時,屋企其實同示範單位無誤,啲隔離鄰里幾乎都是搵我爸爸裝修。得閒啲呀姨就黎睇下,打下招呼。 爸爸哥哥做既係真材實料。 真功夫。 以前哥哥中三開始就做學徒,(當然佢而家做左人老豆後就後悔果時做乜唔讀多啲書啦🤣🤣🤣🤣 好彩呀妹我醒)當然大把人想跟爸爸做徒弟,因為爸爸是老一輩食過夜粥,又要求完美,未試過有人唔滿意的,搵佢裝修,一間屋可以住十幾年都新速速。 爸爸為左哥哥,叫佢跟佢老友,因為這樣才學得精。跟自己學會不專不聽。 現在到哥哥大了,又有自己的徒弟同一班師傅。行既又係爸爸老一輩靠口碑的做法。唔識玩Facebook 🤣🤣🤣 你估淨係老人家唔識玩,後生既都唔識,因為專心做裝修養家。 (我哥哥同米爸同年,問你怕未😂😂老土人一個😛)
米媽以前好幸福,成長中可能比同年既多點家務,多點家庭責任,但是一家人在一起,即使是一家五口住在板間房吃著大碗飯,晚上6點30一齊堆擠在下格床睇再見艷陽天也是極幸福的。
好境啲喇,其實就是抽到居屋,米媽有自己一間房,米媽好幸福,有個裝修老豆同哥哥。間房隨著中學大學而改變,唔夠書櫃?得,係床尾加個頂天既,唔夠位放電腦?得,做個電腦台。唔得位擺野?得,將張床做油壓,下面加高放野。結婚時,爸爸想好睇,住左十幾年先第一年裝修,將廳既玻璃趟門做個有氣氛嘅。
所以,米媽好幸福。有個爸爸在你前面。
講遠左,而家米媽嫁左人,生左米米,當時米米而家間房都係爸爸諗的。 預佢有彈性由bb床移走再變兒童床。 可惜爸爸見唔到個孫轉兒童床。而家米米大個左喇,如果爸爸仲係度,米媽相信爸爸會為我女佢既孫諗好度好做好的。如果,佢可以見到花花、相信佢會好開心,佢既女居然做左兩個女既媽媽。我仍然係果個小女孩,仍然係果個好想跳上爸爸背脊攬住佢等佢揹住我煮飯既小女兒。(講緊我大學仲係會咁做,因為米媽到大左先識得向爸爸撒嬌),現在只係將呢份回憶藏起做個被迫長大無得做細路女既大人。
又講遠左,現在哥哥大個喇,自己做大師傅喇,嫂嫂又有自己既傢俬訂製,又是走口啤,大家都忙活得很,現在米米房由佢地負責。是一個很美好既禮物。 米媽好感動。
好了,說回工程吧。米爸與米米舅母先接洽,我們講了我地對間房既高收納要求,想要既樣子,櫃桶既用處等等,符合米米既生活及學習需要,以及以後有可以變成米米同花花既姊妹房。所以間格上要可以每個件都可以分拆再組裝。 米舅母就跟據我們要求先上來度尺,再設計,俾我哋睇立體圖同VR. 米舅母負責傢俬及設計,米舅父就負責裝拆裝修。
工程正式開始,非常有效率, 首先,間房全部櫃都是癡住牆的,要拆假天花的天線是非常極度混亂,上手師傅貪方便塞曬入假天花內。
第一天,假天花,所有床,櫃,床褥,全拆連清,最高難度是所有天線太混亂所以拆時考功夫,但拆既師傅上來嘭嘭嘭三小時拆曬,所有天線保留。你看圖就知天線混亂了。
第一晚拆完後,米舅父舅母上來,與米爸商量,重新觀察間房既走電位,入牆位,等等,重新再覆尺,微調裝修及傢俬尺寸,務求最實用。
第二天電工上來,也是非常關鍵..因為要將所有極混亂的天線重新整理,入喉,入牆收理好。將上網線鑽牆拉出廳,等等, 米爸也跟了一天,是米爸高度讚賞的一部分。
第三天,第四天,是批灰,要批三次灰,加上之後正式油漆要前後四至五天。 油漆也是關鍵,批灰油漆做得好,可以keep好耐。
之後就等油漆,等乾,散味,才到全房傢俬。米舅母仍然在為米房調整設計中。 米媽房的主人床也會做過。會變成子母床,因為米的兒童房遠了,原意是如果兩姊妹晚上有需要時就可以來米媽房睡,等米媽照顧。但因為床頭有圓櫃阻擋,所以子床開不闊,米舅母也在這上面花心思。
好了,follow到呢度。
大家有興趣米媽繼續分享進度嗎。
想唔想米媽都分享米爸既設計以及米舅母將佢變成現實?
米媽原本想傢俬買ik,但米舅母話佢做,一來度身訂造,二來全實木,同蔗渣木無得比。
米媽既成長無物質,但有愛。成長經歷起伏很大有苦有含著淚水長大,很多仍然不願為人道,只說好的一面。一念一成長,你如何過日子,如何將苦的想起正念去活,米媽自小便是硬淨而有正面地走過來。
家中可能沒有浮華有吵有難過有血有汗,但根地都是愛都是一家人在拼搏。一家人齊整就夠。只是望一家人健康和諧。可能做得不夠好,但盡力做好自己,對家庭負責,做個老實人,以爸爸媽媽為榜樣就是對父母最好的回報
#米米兒童房