讀者殺人事件（上） . 我係一個小有名氣嘅驚慄小說作家，筆名「驚魂未定」，專門寫恐怖故事，各地奇案咁。 . 但其實我係一個內向而善良嘅宅男，連雞都冇殺過。 . 我覺得冇所謂啦，唔通寫穿越小說，就一定要穿越過咩？ . ， 我偶爾都會收到熱心讀者嘅私訊，講吓佢哋嘅讀後感。 . 而今晚臨瞓前，我收到陌生網友傑傑嘅訊息。 . 傑傑話：「我最近睇你嘅小說，我覺得，你寫恐怖畫面嗰陣，完全冇真實感，一啲都唔恐怖。」 . 我答：「願聞其詳。」 . 「例如描寫斬人嗰陣，你居然寫『一刀斬甩咗佢個頭』就算，過程根本唔係咁，我好失望啊你明唔明啊？你係咪從來冇斬過人頭？」傑傑問。 . ， 我下意識覆：「吓？」 . 「我問你啊，你係咪從來都冇斬過人頭？你答問題啦。」從文字中，都感受到傑傑嘅急切。 . 「咁梗係冇啦。」我答。 . 傑傑又問：「望住人哋斬呢？」 . 「點會有…….」 . ， 傑傑總結：「我明啦，你根本冇經歷過，創作源於生活，所以你嘅創作冇真實感。」 . 我都唔知畀咩反應好。 . 傑傑話：「從今日開始，你就要去經歷呢啲真實嘅事，然後再寫出嚟，明唔明？」 . 我冇覆佢，我覺得佢玩嘢。 . ， 但過咗半個月，傑傑又搵我，話我啲小說都係冇真實感，問我係咪冇聽佢講，去殺一次人先再寫殺人嘅故仔。 . 我答：「唔好玩啦……為咗寫小說去殺人，我絕對唔會。」 . 傑傑沉默咗一陣，然後覆：「一開始就叫你殺人，係難接受啲。由淺入深囉，殺吓啲貓貓狗狗先，取材嚟寫動物故仔。」 . 「你係咪變態㗎？」我直接Block咗佢，最憎人虐待動物，講吓都乞人憎。 . ， 但之後嘅劇情，開始失控。 . 我住嗰區，有人周圍擺有毒嘅食物，毒殺貓狗。 . 附近貼晒街招，提醒主人唔好畀寵物食地下嘅嘢。 . 可惜，動物唔識字，依然有唔少流浪貓狗，中伏身亡。 . ， 我本來冇將兩件事拉埋一齊諗，但有一晚，我收到一個陌生ac嘅訊息：「學嘢啦！」 . 附件係一張死咗嘅狗狗相，狗狗攤喺街邊，面目扭曲，死不瞑目。 . 呢個ac冇講自己係邊個，但我即刻意識到，佢係傑傑。 . 我問：「係你做㗎？」 . 佢冇答我，而係將更多死貓死狗嘅相send畀我，有晒唔同角度。 . ， 我倒抽一口涼氣，唔敢再睇落去，呢單嘢一定係佢做嘅！ . 我冷靜落嚟，想Cap圖報警，但佢已經將啲相回收咗。 . 我再諗一諗，就算我報咗警，我都冇辦法證明件事係佢做嘅，我甚至冇辦法證明，呢個ac同傑傑係同一個人。 . 畢竟啲貓狗喺街邊死咗，任何一個路過嘅人，都有機會影到相。 . ， 我忍唔住講：「唔好傷害啲無辜嘅動物啦，你係咪癲㗎？」 . 「貓貓狗狗你都咁大反應？」傑傑答。 . 之後，無論我講乜嘢，嗰個陌生ac都冇再覆我。 . 我嘗試寫咗幾個血腥故仔，希望傑傑會滿足，唔好再虐待動物。 . ， 我好快就收到另一個陌生ac嘅訊息，好長好長嘅訊息，不斷數落我嘅故仔，血腥位寫得好離地，一啲都唔驚慄。 . 又係傑傑。 . 傑傑問：「上次叫你試吓殺貓狗，你係咪冇做到？」 . 嗰一刻，我突然有啲痛恨網絡，隔住網絡，恃住冇人知佢嘅真實身份，就會有人將最邪惡嘅一面展現出嚟，並且理直氣壯。 . ， 「我唔會做。」我即刻答。 . 傑傑咁樣講：「唉，睇嚟都係要我教你。」 . 我毫不猶豫咁Block咗佢呢個ac，可能我嘅譴責，只會令佢對呢件事更加有興致。 . ， 之後嗰段時間，完全冇陌生ac搵過我。 . 我以為，我已經擺脫咗變態嘅傑傑。 . 點知兩個月後，我再次收到陌生訊息：「你嘅教材，我已經準備好。」 . 待續... . #短故 #短篇 #小說 #陳美濤 #廣東話 #粵語 #tomatochan #讀者殺人事件

【春秋時期的人走到南北朝】  穿越小說大家都看過，但其實連畫作也能夠穿越。以上畫作《竹林七賢和榮啟期》正是一大例子。其中竹林七賢，是指魏末晉初的七位名士，但有趣的是，誰是第八賢—榮啟期呢？原來這位人物是來自春秋時的隱士，跟竹林七賢處於不同時代。 《竹林七賢與榮啟期》磚畫是南北朝時期南朝墓葬中的大型磚印拼鑲壁畫題材。目前發現年代最早、保存得最完好的是在南京西善橋宮山南朝墓葬出土的磚印壁畫。畫中清楚可見七位賢士：嵇康、阮籍、山濤、劉伶、阮咸、向秀、王戎，以及第八人榮啟期隔樹而坐，或舉目或撫琴，或對酒，又或傾聽昂首，栩栩如生。  七賢是歷史上才藝出眾的名士，以淡泊為生活理念，灑脫倜儻，而榮啟期則以其逍遙自在，知足常樂的性格見稱。故此這「穿越」並不突兀，反而互相襯托。奇怪的是畫中並不見「竹林」，而是畫了不同形態的樹木，僅僅在向秀和榮啟期之間有一株形態像闊葉竹的，為何如此？  有研究認為，「竹林」很可能是河南一個地名，而非指真正的竹子之林。亦有專家指出，魏晉時期人們有以中國原有的概念與由外來傳入的佛教知識互相比附和解釋的風氣（稱為「格義」），「竹林」之名便是借用佛教「竹林精舍」的典故。「竹林精舍」（英語：Bamboo Grove Monastery；梵語：Venuvana-vihāra）相傳是佛教史上第一座供佛教徒專用的建築物，也是後來佛教寺院的前身。  作品資料： 南朝 佚名 《竹林七賢與榮啟期》磚畫 共2組，第1組縱78cm，橫242.5cm，第二組縱78cm，橫241.5cm 模印磚畫 1960年江蘇南京西善橋東晉墓出土 南京博物院藏

Patreon新一集國際梟雄，講第五個人物，越來越冷門，今次是香港歷史上第一位「行政長官」：第一任港督砵甸乍之前，英國委任的「香港行政官」查理義律 (Charles Elliot)。嘉賓有光明頂馮智政博士同學，與及正在撰寫「查理義律穿越小說」、經常受到某國家領導人「推介」的前港大學苑總編輯陳雅明。認識香港，始終要由認識香港歷史開始。 PS: 今集開始upgrade咗器材啦 ▶️第四集：李將軍（五之一） https://www.youtube.com/watch?v=6kih9rtGNIo ⏺第四集：李將軍（五之bonus） https://www.patreon.com/posts/40962851 #podcast #patreon #charleselliot