【龔成問答信箱】（Q21901-21920）

Q21901：

你好龔sir，多謝你無私既教導，係2019年6月我只月供股票，多謝你不停叫我們一定要留有資金等大市跌入貨，

終於我係疫情期間買了比較便的股票，有部分合理價，由賺第一個10萬，到而家賺到$70萬，離100萬差小小，開心到不得了，

有個2問題想請教龔sir, 因黎緊諗住同女朋友買樓投資，可能要賣出部份股票先夠，手頭上資金大約10萬，及我持有以下股票：

2手1211 @34.9
3手1830 @2.4
2手9988 @218
10手1177 @7.8
2手3319 @29

8手3067 @16.5
6手1928 @29
12手 1972 @19
1手270 @11.5

1）潛力股同平穩增股差唔多5:5，我在考慮如果需要買樓我應那種隻股票較好？請教老師幫忙

2）我睇過龔sir 既買樓4部曲，所以想將股票投資細物業，等將來換有能力再換Dream house,我們睇左2個細單位

佐敦$570萬 250呎 15年樓齡 2分鐘行到地鐵站，附近多食肆交通方便 / 西九龍 $530萬 280呎 4年樓齡，地區旺中帶靜，行8分鐘到地鐵站，附近食肆林立

兩個單位都係一房一廳

如果以投資角度是否佐敦升值會好啲？

龔成老師︰

1) 其實你最重要的分析點，是「餘下的組合，之後的長遠發展情況，怎樣配置對你最有利」。

這些股票都有質素，最理想係長線持有。但若真的要動用，可以從估值著手，先沽出較貴，變相無咁高值博率的股票。

比亞迪(1211)和完美醫療(1830)現價都偏貴，由於佢地升左唔少，令佢地佔你組合比重都偏高，你可以優先沽少少。記住，一定要留部分在手，不能無貨。

其餘股票，你按比例沽就可以。但緊記只係沽出部份，唔好沽晒，必需留有一定持股，去維持股票類的增值。

如果你想組合增長力較強，就賣出一些增長力相對無咁強的，例如太古地產（1972）。

2) 初步睇，2個物業投資價值都相若。佐敦較接近旺角，人口較密集，感覺會比較迫和雜，會扣少少分。（因為從自住的角度考慮）。

而且，西九龍呎數較高，同時較新，整體投資價值，可能會好少少。

------------------------------------------------

Q21902：

啊sir 我想請問你點解可以咁厲害。咁多人問你咁多唔同行業股票 你都可以講到咁多評論同深度分析

龔成老師：

因為我每日就係花時間，研究企業及行業，這是我的全職工作。

我幾年前職去銀行工，做全職投資者，所謂的全職投資者，並不是日日睇住個市睇股價，真正專業的投資者，是花時間研究企業，睇企業年報，大行報告，行業研究，我的工作就是「研究企業」。

我未必比人叻，但我每一間企業、每一個行業，研究的時間都比人多，自然對企業有更深入的了解，投資成續都較好。

------------------------------------------------

Q21903：

早晨呀！龔Sir, 我有2隻股票想請教你呀！

1. 快手(01024): $315時入左一手, 衰貪心高位時無放, 跌緊時又無止蝕, 請問我現在應否止蝕 或 再持有等高位再放呀？若等, 大概咩價位放？

2. 華泰(06886): 抽新股時$24.8抽中一手, 到現在一直回不到招股價, 請問我應該止蝕呢？

希望得到你回覆寶貴意見. 謝謝！

龔成老師︰

1) 首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

快手（1024）係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展。你現貨可以長線持有，但你預佢短期股仍會十分波動。

2) ＨＴＳＣ（6886）以「華泰證券股份有限公司」於國內開展業務，佢主要為個人、機構和企業客戶提供的金融服務：

（１）經紀及財富管理業務
（２）投資銀行業務
（３）資產管理業務
（４）投資及交易業務
（５）海外業務

其實業務都不差的，但增長力就唔算強。若你只有一手，你可守住先，等下次大市狂熱期才沽出。

------------------------------------------------

Q21904：

你好！龔成老師，我今年27歲，月入$25k，三年前睇左你既著作，就開始月供股票，一開始都係$1-2千咁供。最後悔係大概$60既時候放左比亞迪！

依家我都有維持月供既習慣，以下係我既股票組合，想請你比少少意見

股票/持股數/月供金額

2800 盈富/1757/ $1000
1928 金沙/999/ $2000
9988阿里巴巴/47/ $2000
1299 友邦/77/ $1000

0052大快活/1000/- -
1310 香港寬頻/2000/ - -
3067安碩恆生科技/200/ - -
1297 中國擎天軟件/ 2000/ - -

暫時手頭上現金不多，9成儲蓄都用作投資股票市場

黎緊我會加大儲錢力度，每月大概可儲$15000，如果我希望5年內滾存到120萬或更多，請問我可以如何部署？

我已經錯過左比亞迪呢隻潛力股，龔老師，可以請你再推薦一隻潛力股給我嗎？

另外我想提升自己選股能力，由其是企業估值方面的能力，可以為我推薦一些學習途徑嗎？

龔成老師︰

緊記，一間企業再優質都好，成長係要時間。所以，當你持有一隻優質股，就要比時間佢慢慢成長。唔好急於為左10-20%回報，就急住放。我地要長線，爭取係以倍計的回報。

比亞迪(1211)現時依然係有質素的潛力股，有長線投資價值。但現價已經偏貴，要回到$135才算合理少少。如果月供，最好再等回少少先，或者只宜月供好小注。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你27歲年紀，應集中在財富增值部份。你現時持股，大致都適合你，長線持有就可以。

當中中國擎天軟件（1297）本質不差的，但規模較細，以及行業存有風險，唔建議太過大注。

香港寬頻（1310）則只係收息股，增長力欠奉，唔適合你。

你還很年青，應該好好把握時間優勢，去盡力做好財富增值。你現時月供組合係可以，但以你年紀，有少少保守。建議你加入一些潛力股，去增升增長力。

潛力股可選安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

另外，現時大市只在合理區，每月資金唔好盡用。最好留有部份，等大跌市出現時，可以用來掃貨。

若你目標係5年增值至120萬，我假設年增長率為10%，你就需要每個月投入$16000，才可以做到。

而學習方面，你可以多讀投資相關書本、年報，新聞和課程。

你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成。

到你讀完整個課程後，你已能自己選股、投資、評估平貴，在投資上已掌握了一定的知識。

------------------------------------------------

Q21905：

龔sir,（1）請問龔sir，＃1988 民行還是＃1658 郵儲銀行好？

（2）另外，其實我一直想入9988，聽龔sir 教阿里都好正面，請問應該咩價位入好？近期都升了不少了

＃823 一直响$70邊，想佢跌少少再入，但又唔跌
＃1810已經揸住差不多10萬蚊，均價都係$28左右，想溝（現價$24邊），但會唔會重倉左？

我持有 823 好少貨，如果想入173 嘉華，會唔會有重覆呢？173 既前景如何？龔sir 建議入嗎？

龔成老師：

1）民行（1988）及郵儲（1658）都不差的，而郵儲略好。

郵儲銀行（1658）有質素，佢業務包括公司銀行、零售銀行及資金業務，以「自營＋代理」的營運模式。

佢共有4萬個營業網點，有一定的規模及網絡，過往發展正面，都有增長力，但就未必是高增長型。

現價合理，有收息及增長，都有投資價值。

2）阿里（9988）有質素，有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，小注分注投資，或月供，是較好的方法，算是平衡了風險與增長的考慮。這股可以長線投資的。預佢現價約合理區中上部。

領展（0823）現價合理，如果你本身持貨不多，現價加注可以。

小米（1810）雖然有質素，但如果你已有一定的持貨%，就不要再加了。

嘉華國際（0173）算是香港的中型地產商，都有投資的價值。

如果睇翻佢的財務數據，雖然收入有點波動，但地產企業常有這情況，特別是中型一類，有時會令股價較為波動。

整體來說，都有質素的，但又未去到好強。你預佢只能平穩增長，潛力唔算好大，長線持有係可以，但不宜持有太大比重。

佢同領展，算是有部分重覆左類別，因此合共的比例不能太多。

------------------------------------------------

Q21906：

老師你好，看過你的書及網頁後，明白行動重要性，感謝你的分享，現想請教關於置業及財務自由問題，先簡單講一下我們情況

家庭成員：我41歲，丈夫43歲，兩名小朋友3歲半及10個月

每月家庭收入：$64,000
每月家庭支出：$40,000
流動現金：$2,600,000
股票：$80,000
物業：已供滿荃灣2房單位，約值450萬

現想購買第二物業作投資，樓價預算400-500萬左右，3-5年後希望換同區3房單位作自住，現有物業放租，老師建議應該如何步處，選樓時又應該注意甚麼地方？

理財一向過於保守，近一年才開始月供股票，每月$6,000，以盈富基金及比亞迪為主，長遠希望可以製造每月2萬現金流，獲得財務自由，應如何投資比較好？謝謝

龔成老師︰

如果你希望長遠會有每月2萬蚊現金流，以股息率6%計，你需要本金400萬。

現時，你可以利用月供股票和現有資金，去累積這筆資產。以你41歲年紀，你現時月供組合係可以。

但比亞迪(1211)這類潛力股，波動性較大，不宜持有太多。潛力股，佔組合4成左右好了。若你投資經驗較少，最好下調至2成大右。

而且，比亞迪(1211)現價略貴，月供係可以，但小小注好了。以下是其他適合你的股票，供你參考。

現時大市只在合理區，每月你可以用儲蓄一半，去做月供﹐另一半儲起。而現有現金，都可以用部份，去分注買入上述股票。餘下資金，就用來等大跌市機會。

至於買收租樓，係可以。但我地財富組合除左要有增長力和質素外，平衡性都好重要。

你現時已有一個物業，若再加一個，會令你組合有少少偏重左係物業類，會產生過度集中性風險。

而且，現時香港樓市唔平，若從投資角度計，股市值博率會較高。除非你找到一個增長潛力不錯、租金回報率理想的旬盤，否則你先用優質股去做增值，會較有效率。

因此，買樓收租這一步，方向可以伴，但未必一定要太急進行。

------------------------------------------------

Q21907：

龔成老師你好，我今年32歲，今年開始偶然間留意到老師個Facebook page，認識到長期投資嘅威力，之前多數都係短炒，蝕左唔少錢，

宜家想好好設計自己長期投資組合，想問下老師如何改善同部署。多謝老師！

基本資料：

32歲，月入22K，有一自住物業，一個小朋友，月供連家用13K，每月可儲5K。

股票本金$148,000

水桶1 $69913 ：47.24%
1177 $7.56 中生製藥 1手 藥品 $7560 ：5.11%
9928 $7.13 時代鄰里 1手 物業管理$7130 ：4.82%（打算$7放）
3067 $18.28安碩恒生科技 6手 ETF$10968：7.41%
6690 $30.8 海爾智家 1手 家用電器$6160 ：4.16%
981 $22.65 中芯國際 1手 半導體$11325 ：7.65%
658 $5.08 中國高速傳動 1手 環保$5080 ：3.43%
2618 $45 京東物流 1手 倉儲物流$4500 ：3.04%
6060 $38.65 眾安在線 2手 線上保險$7730 ：5.22%
6618 $103.2 京東健康 1手 線上醫療$5160 ：3.49%
1773 $4.3 天立教育 1手 教育$4300 ：2.91%

水桶2 $78090 ：52.76%
1313 $8.9 華潤水泥 1手 建築材料$17800 ：12.03%
688 $18.5 中國海外1手 地產發展$9250 ：6.25%
3868 $3.7 信義能源 1手 替代能源$7400 ：5%（打算$4放）
270 $11.5 粵海投資 1手 水務供應$23000 ：15.54%
3718 $1.29 北控城市 4手 環保$20640 ：13.95%（打算$1.3放2手）

1.唔係好識分咩係潛力股咩係平穩，唔知有冇分錯，覺得增長好似有啲慢，應該投資多啲優質股嗎？將來想集中投資係電動車/環保/再生能源/京東/阿里/小米。

2.會太過分散嗎？如果會老師建議賣邊隻？本人可以接受風險！

3.三年後有機會增值到50萬嗎？因想再投資物業自住，原物業放租，及計劃會再生多個小朋友。

龔成老師︰

1) 我地投資股票，其實等同投資一間企業。希望透過其自然增長，以達至財富增值的目的。所以，我地投資一定係長線，而唔係短期炒賣，去賺差價。

你現時水桶分類，大致都正確。除了海爾智家(6690)和天立教育(1773)算係水桶1至2之間。

而你持有的股票，都有投資價值。你唔好太過在意中短期回報，我地要睇長線。這企業都有質素，你只要長線持有，就自然會有唔錯架回報。

至於你將來集中投資的行業和股票，都係偏向潛力股類別。佢地有較高增長潛力，但同時間風險都唔細。

以你32歲計，潛力股佔最多5成左右好了，否則會令成個組合風險過高。若你投資經驗較一般，你更要將比重進一步下調。

其餘部份，你應該配置在平穏增長股，組合才算平衡。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

2) 你現時組合的確有點散亂，以你組合金額來計，大約持有5-10隻會較理想，會比較易於管理。

但由於佢地都有投資價值，我唔建議你沽出任何一隻。但將來時間，你最好集中翻係5-10隻較有質素的股票，會相對較好。

中國高速傳動(0658)質素較中等，而眾安在線(6060)和京東健康(6618)不確定性較大，這3隻股票，都不宜持有過多。

3) 我假設投資回報有10%（連股息再投資），若你每月能投資$10000 + 現有持股約15萬，3年後大約會增值至60萬。

但3年只係一個中短期時間，最終回報的波動性會較大，你要明白這個風險。

而且，你現時已有一個物業，若你勉強再去買多一個物業收租，你會令成個財富組合，偏重晒係物業類，會有過度集中性風險。

因此，我建議你先用優質股做增值。到你財富累積到一定水平，係足以買入新物業之餘，都有一定優質股留底作增值，你才出手會較好。

------------------------------------------------

Q21908：

龔成老師你好，自從上年同你第一次對話之後已經開始月供計劃，明白財富需要時間去累積，所以我都學識唔好成日望住個市，多謝你無私教導！

現時開始緊每月供款如下:

$2000 @ 盈富 (2800)
$1000 @ 新鴻基地產 (00016)
$1000 @ 比亞迪 (1211)

想問如果想加0388港交所，其實月供係咪唔使太在意現價？1211依家咁貴係咪應該停一停？謝謝你！

龔成老師︰

以你30歲計，現時月供組合係適合的。

其實月供，我地同樣都要用平貴去定策略。只係月供有平均價格的效果，相對直接買貨，風險會較細，所以個價格可接受空間，會稍稍較大。

但若果佢價格水平，係太貴，我都會需要控制月供注碼，甚至係停供。

比亞迪 (1211)現價偏貴，月供勉強可以，但只可小小注，故你維持住$1000先。但佢再升，你就可能要減供款，甚至停供。

至於港交所(0388)現價略貴，但無比亞迪咁嚴重，你現時做月供係無問題。

現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q21909：

我每年大概要給9萬保費（連家人），我唔想草係銀行到，近一年都有月供股票，月供2800@6千，9988@4千，另外每月1手3067

剛剛草10萬現金，以家想草多5-8千，做月供股票for每年繳9萬保費，保費要供20年。當中有2份醫療，3份危疾供20年，1份年金供10年

龔成老師︰

其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

你現時要支付的年金保單，如果係你較年長家人持有，係可以。但若你係這類3X歲的偏年青人士，就不太適合。

另外，你要明白一點，我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。

你唔諗住年頭不停月供去儲股票，之後年尾就沽晒佢，去交保費。因為優質股係要長線持有，才會有理想效果，長線係講緊3-5年，甚至更長。

短期投資回報，會好波動，如果你用這個模式去操作，好易會失預算。

我建議你維持現時月供習慣，並將這些股票長線持有。而交保費部份，你另外以現金模式儲起就好了。

你現時月供計劃係可以，現時大市只在合理區，每資金唔好盡用。最好留有部份，等大跌市出現時，可以用來掃貨。

至於現有10萬資金，可先動用一半入，餘下一半同樣等大跌的機會。

------------------------------------------------

Q21910：

老師我想月供股票，但我間證券行無提供月供股票服務，如果我將自己的資金自動分配，
e.g. A, B, C, D 股票，
一月 A
二月 B
三月 C, D
四月 A
五月 B
六月 C, D
如此類推，請問可以嗎？

龔成老師：

可以。

月供股票的目的，就是將買入價平均，減少一次過在高位買入的風險，你上述的投資策略，都有類似的作用，因此可以進行。

------------------------------------------------

Q21911：

請問6969有前景嗎
請問北水流出流入什麼意思？

龔成老師︰

思摩爾國際（6969）係霧化科技解決方案提供商。近期國家衛健委表示電子煙並不健康，相信對佢會有影響。

先講佢業務，第一，佢以ＯＤＭ模式為全球煙草公司及獨立電子霧化公司（如日本煙草、英美煙草、Ｒｅｙｎｏｌｄｓ Ａｓｉａ－Ｐａｃｉｆｉｃ、ＲＥＬＸ及ＮＪＯＹ）研究、設計及製造封閉式電子霧化設備及電子霧化組件。

第二，佢做研究、設計、製造及銷售自家品牌（包括「Ｖａｐｏｒｅｓｓｏ」、「Ｒｅｎｏｖａ」及「Ｒｅｖｅｎａｎｔ　Ｖａｐｅ」）開放式電子霧化設備或ＡＰＶ（高級進階私人電子煙設備）。

相信，中國將加強行業監管，對佢有核心不利，這點都會影響企業估值，加上這股一向唔平。

基本上業務不算差，有當中的獨特性，以及長遠有增長力。不過，現價唔算平，加上監管風險，如投資，要小心控制注碼，真的小注好了，而這股有長線投資價值的。

北水流出流入，是坊間指內地投資資金，進出"滬深港股通"的意思。

------------------------------------------------

Q21912：

你好龔成，現正拜讀您的新書-千萬富翁，因剛剛已成為了百萬富翁！haha!

多謝您！我好感恩有您教導香港人正確投資方法，而不是炒炒賣賣。您真的影響左好多香港人，而家多左甘多百萬千萬富翁一定有人係因為受您影響！包括在下。

除了多謝您都不知說什麼好，同埋我好tang您開心，深信愛股比亞迪長遠有高增長，擁抱價值投資法，不理坊間閒言閒語，經過多年努力投資，今日成為千萬富翁，吐氣揚眉，恭喜您！

您將會成為億萬富翁，只是時間問題。

大家香港人一起努力

龔成老師︰

多謝你的支持

我都係希望透過自己知識分享，去幫助更多人，去真正理解投資理財這件事。

看到你能成功成為百萬富翁，真係好開心。但緊記，長線投資要做得好，除左用正確方法之外，必需要保持學習，令自己一直進步，這點是很重要的。

我相信，不久將來，你都會和我一樣，成為千萬富翁，甚至走得更遠，加油。

------------------------------------------------

Q21913：

龔sir，唔好意思呀，又想問問小米1810, 我30.5買， 2000股，早前升到最高去番30.45 但我冇放到，下星期我係咪應該蝕放，等佢跌番落去先再入番呢？ 謝謝解答

龔成老師︰

你係投資理解上，存在一些好核心性的問題。

首先，我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔會係做短炒，去賺差價。

另外，我地投資唔好去"估走勢"，無人知你沽左貨之後，會唔會一如你預期咁再跌，佢可能會反而大升，到時你就會進退失據。

我地投資應該係先了解企業質素和前景，當確認係有優質，就再審視佢平貴，去定入市策略。

小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線持有，但你預佢股價會較波動。

------------------------------------------------

Q21914：

你好，龔sir, 現有276萬現金，但1年後要比200萬我家姐，請問呢1年內買咩可要賺取高息又保本

龔成老師︰

坦白講，只有1年時間，要保本和收息，那200萬部份最穏當選擇就係做定期。

因為，就算係再保守的收息股，都會有機會出現價格波動，令你出現賺息蝕價的情況。

至於餘下76萬，你可以因應你人生階段、投資經驗和風險承受能力，去作出配置。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

大市現處於合理水平，那76萬資金，可以先用一半，以"分注"形式慢慢入貨。餘下一半就等大跌市機會出現，才大力度掃貨，並長線投資。

------------------------------------------------

Q21915：

我其實是你的學生，但我於上年開始follow你的post，從中學到很多投資股票上面或人生的導向的知識，真的獲益良多，希望你介意我稱呼你為老師！

我在幾年前因被公司遣散，之後適逢社運之係又疫情，所以順理成章專心做家庭主婦照顧家人。我一向有投資股票的。

但過往買的真是一些垃圾股，過去的就不再提了，當是一個教訓。 自上年我在fb認識到你。我都買了你的一本著作[股票勝經], 仍在努力中，希望盡快睇完這本再睇第二本。

你常常提醒我們{買股票不是買佢的股價，是買佢的企業，若是優質有質素的企業，就算跌市也不用怯}，同時買股票都要有耐性不能心急，要長期不是短視。

我之前就是中哂這些錯誤的方法。1、2月時幾次大跌市，我手上有2382，175，2333，3690，因跌好多，好驚越跌越蝕得多，所以忍痛蝕走。但之後市回返就升返上來。

可能你睇到依度都會話我蠢、傻！。 依家我會時時刻刻都記住你的真言。若是優質的企業就不用怕。

sorry, 好長篇。想借此機會多謝你。 同時有幾點想請教你

1. 怎樣知道是股票是優質不優質？

2. 我現有3993，358，是優質股嗎？ 3993 > 6.28 算高位入358 > 21.5 算高位入，兩隻可繼續持有嗎？

3. 另外，想幫我仔（剛成年）月供股票，心目中想供1810或1211，兩者邊隻較適合？但兩者現價又升返上來！同時不知道怎樣月供股票？可否賜教？非常感激!

龔成老師︰

你過往所經歷的，絕對唔係你個人問題。其實很多初階投資者，都會經歷的，係一件平常事。重點係，你有無從中吸取到教訓，之後再重新上路。

1) 要分析一間企業，有無質素。過程比較複雜，好難三言兩語就講到，就算在我的股票班，都要講數小時。

簡單來說，你要考慮企業本身質素、行業發展、財務狀況等，去分析一個結論出來。

2) 洛陽鉬業（3993）並不是完無質素，但不能說是穩健，佢的營業額同盈利都十分波動，這點令分析佢較困難。因為好難確定到往後經營環境對佢的影響，同埋，佢亦因成本令佢盈利較波動，這同樣是較難預測的。

我地好需要，用過往的數據去分析，同時判斷往後的經營環境，如果過往數據變化太大，會較難分析。

另外，這股的股價較為波動，這股不是不能投資，但不宜大注。

江西銅業股份（0358）係中國一家綜合性銅生產企業，主要業務範圍為於江西省東北部經營銅采礦、選礦、熔煉與精煉以生產陰極銅、銅杆線及副產品，包括硫精礦、硫酸及電解金和銀以及稀散金屬，如鉬精礦。

佢亦會為客戶根據來料提供熔煉和精煉的加工服務。

就過往的業務情況來分析，這股不過不失，盈利較為波動，反映無乜產品價格自主的能力，長遠企業價值增長只是一般。

這股不是劣質，但都不是高質，相信股價長遠未必有明顯上升，只是較普通的企業，投資價值只是一般。

這2隻股票，若佔你組合比重不高，可以守。但若果係較高，我建議你沽少少，去平衡個風險。

3) 月供其實好簡單，你去銀行或者證券行開個可月供的投資戶口。你睇下個月供費用，同埋邊個方便你自己，就可以。

你仔仔較年青，投資可以進取少少。你所選的2隻股票，都係適合的。

但現時比亞迪(1211)偏貴，要月供的話，只宜小小注。而小米(1810)現價開始月供，係無問題。

另外，我建議都加入一些平穏增長力股，在月供組合。因為畢竟潛力股(1810, 1211)風險都係較高，佔組合比重太多，唔係咁理想。

你仔仔在潛力股和平穏增長股，最好約各佔一半，就算得上平衡。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

大市算在合理水平，每月資金唔好盡用，大約可以動用一半做月供。餘下一半就等大跌市出現時，可以用來掃貨。

------------------------------------------------

Q21916：

上完你堂， 特別係最後一堂，覺得好有意思。

原來會將間屋當wallpaper唔係得自己，不過我係自己間鐵皮屋，日日提醒自己連普通人都算唔上。

好記得你27歲果陣就有一百萬，我都岩岩到數，不過行的路同實現的方法同你都唔同。我過去係靠基金都努力甘捱到宜家33K人工。

來緊會多用你方法，希望你我最後都可以有自己想要的物業，對你來講可能果個係自己的一個小天地，對我來講物業反而係代表我的存在價值。

共勉之。多謝你搞呢D Course比我地。

龔成老師︰

你無需要這樣想，在這個世界，每個人都是一個獨立個體，無得定義話邊D係普通人，邊D係唔普通人。

我地做人，最重要係對自己內心負責。你唔需要同別人比較，因為你就是你。只要找一條自己合適的路走下去，咁就可以。

你27歲，相當之年青。只要你好好學習，用正確投資方法(記得溫書)，持之以恆。我好有信心，你一定可以擁有自己理想中的物業。

加油，保持努力!!!

------------------------------------------------

Q21917：

想問問中國白銀集團00815 前景點睇

中國海洋石油00883。10.18@17000，中國鐵塔1.23@64000，呢2隻止蝕離場定可以長揸..？Thanks

龔成老師︰

中國白銀集團（0815）的質素不太好，因為佢的業務較為波動，之前亦出現了虧損，佢主要於中國從事製造及銷售白銀及其他有色金屬；黃金、白銀及珠寶產品的零售及批發等。

這股又不是完全無價值，現價合理，但只宜好小注。

中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。

雖然佢都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。

這類商品企業，都可投資，但就要明白不是最高質的企業。若佔你組合不多，可持有。但若佔你組合較多，建議沽出部份。

中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股長遠仍算有發展力，可長線持有。不過，潛力度比過往略減。

------------------------------------------------

Q21918：

老師你好， 想問一問如果我還是投資初學者，但準備下年到加拿大移民， 當我移民後，應該繼續研究香港股票市場，還是美股？ 繼續研究香港上市公司買港股投資應該較易掌握？

龔成老師︰

預期未來一段時間，中國和美國會係全球最重要的經濟體系。因此港股和美股，都係有投資價值。

而你投資那一個市場，就要視乎你對相關市場的了解。基本上，研究2個市場的企業方法，都係好接近，無話邊個較易掌握。當然，你本身係香港人，相信會較了解香港和內地文化，在分析港股行業時，會有優勢。

如果你想投資港/美股，但現時對港/美股又唔係好認識，你可以先投資係佢的相關ETF。以下3隻股ETF，都係不錯的選擇。

當中，QQQ波動性會較高，要注要風險。

盈富(2800)係包括58間質素不錯上市公司股票的組合，有長線投資價值。

Vanguard標普500指數ETF〈VOO〉，是追蹤標普500指數的ETF。

Invesco QQQ Trust(QQQ) 是追蹤納斯達克100指數。

------------------------------------------------

Q21919：

龔sir，本人現56歲，月入19,000（近乎月光族）, 每月供樓約6,000作自住（最後供款期為小弟73歲），流動資金40,000，現想開始月供股票，每月投放約1,000-1,500。

小弟有以下問題想請教：

1. 以我現時情況，如開始月供股票，應否選擇增長型股票，還是選擇穩健型股票？ 以下股票合適可選嗎？

0016 新鴻基地產
0066 港鐵
1211 比亞迪
1810 小米
9988 阿里巴巴
2382 舜宇光學科技

2. 因樓按要供至73歲，應否於加息週期開始時，將樓按改為最後供款期為65歲，這樣更改去減小利息開支，做法是否明智？ 還是將月供股票財富，到最後幾年才提早贖回按揭？

龔成老師︰

1) 以你的年齡，其實已開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。

你選擇的股票，係有質素。但組合過於進取，除了新地(0016)和港鐵(0066)是平穏增長股，較合適外。其餘都係潛力股，對你而言，風險太高，我都太建議。

而且，你現時每月可以資金好了，供太多隻，會令個股月供成本過高，咁係唔理想。

你可以暫時先隻中供新地(0016)和港鐵(0066)，到你有再多資金，才月供以下股票。至於現有資金，可以先用一半。餘下一半，就等大跌市時，才動用。

但由於你已近退休之年，這2隻「平穩增值股」唔適合一直供落去。你要隨著年齡增加，慢慢換碼，去增加收息股的比例。到退休時，收息股應佔100%。

2) 這個要視乎加息多少，因為只要你長期平均回報率和借貸息率，係存在一個明顯息差，你係應該維持現有還款計劃。

但若果加息比較多，可能息差以收窄(不足2%)，你就可以考慮用較多新資金，去做還款。

不過，我唔建議沽貨去清還貨款。因為我地無人知個市場環境會點走，你一次過清晒成個股票組合，其實係好高風險。

------------------------------------------------

Q21920：

老師好，最近很迷失，想問以下幾隻股票應該怎安排好。

136,
369,
769,
1029,

1705,
1830
3800,
6988

龔成老師︰

完美醫療（1830）和樂享互動（6988）有一定的質素，現貨照長線持有。但現價偏貴，不宜加注。

恒騰網絡（0136）都算有質素，但不確定性高。而賓仕國際（1705）質素較一般，2者都不宜持有太多。

永泰地產(0369)、中國稀土（0769）投資價值好一般，長線換至其他優質股，會較好。

鐵貨(1029)無乜投資價值，建議沽出。

保利協鑫能源(3800)比較麻煩，現時暫時停緊牌，因為佢仍未出到業績，將公佈業績的日期延遲了幾次。

最近現任核數師更請辭，我對這類股票，會較有保留。但由於現時停緊牌，暫時乜都做唔到，只有等。

初步睇佢的財務數據，都幾弱，相信日後就算復牌，股價都會受壓，要有心理準備。

我地投資一隻股票，就等同投資一間企業，我地必須認真分析佢的質素、行業前景、財務狀況等，才好做投資。

我見你過往選股，大部份質素都唔係太理想。如果你選股能力較弱，我建議你買一些ETF，好似盈富(2800)。

它是包括58間質素不錯上市公司股票的組合，這些股票有升有跌，但長期計，都有不錯的回報。買入盈富主要有兩個回報(分別是股價升幅，加上股息回報)，股息不多，大約只有3%。

而股價升幅，其實有升有跌，每年都會波動，但長期平均計，都有5%-10%，當然，這是不一定的。若你以月供股票，買入的價格就能平均，不用擔心一次過在高位買入的風險。

雖然盈富(2800)增長力，唔算十分高。但佢係一籃子優質企業的組合，對於選股能力較弱的初學者，絕對係一個唔錯的選擇。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

早安！GD老師盤前聊聊😄
美國總統拜登宣布和參院跨黨派小組達成基礎建設協議，其規模為6000億美元，雖然不如之前拜登所公布的2.2兆，但雙方退步都是好的開始，未來有可能是出更多刺激方案，未來經濟展望樂觀，基建類股上演慶祝行情大漲，加上最近一直跟大家預告會創新高的科技類股再創新高，帶動納斯達克指數、標普500指數紛紛再創歷史新高，美股四大指數全面上漲，道瓊指數上漲300點收復季線，美股短期走勢樂觀。

美股樂觀大漲，今天台股受激勵可望同步大漲，上星期開始就一直跟大家分享，台股會再創歷史新高，這波向上指數有望挑戰18000點整數關卡，大多頭行情可望啟動，想增加獲利的朋友，可以把穩健型股票賣出，根據自己的風險屬性，調整資金部位，轉向積極型的標的，例如原油持續創新高，相關二線塑化可以佈局；拜登基礎建設達成協議，鋼鐵類股可以思考佈局；疫情相關昨天LINE有跟大家分享醫療用手套橡膠原料概念股，這波多能即將啟航，想增加獲利的朋友一定要把握機會。

👉想知道我其他的解析，記得要加入我的相關媒體群組
➤【LINE】盤中解析，個股介紹
https://lin.ee/ojbZVvL

➤想觀看台股盤後解讀，請加入【Youtube】
https://reurl.cc/mqzQ9G

➤想獲取財金時事解讀，請加入【Telegram】
https://t.me/gd1788

➤早盤國際股市、盤勢預測【Facebook】
https://www.facebook.com/GD1788

【龔成問答信箱】（Q15101-Q15120）

Q15101：

龔成老師你好，大市開始平，我有一筆錢，年尾結婚用的，而家應唔應該掃一轉貨，年尾賣出？

龔成老師：

坦白講，你的資金會在今年要用，如果現時用作投資，就是一個短線投資，當中有較大的風險，不建議。

無人會知經濟、股市會有幾差，短期真的無人知，萬一你年底要用資金，當時股市仍差，你就要強行賣出套現，令你出現虧損。

例如2001年買樓，當時已經好平，但都要跌到2003年經歷多一次大跌市，之後上翻，而家睇翻2001年買樓買股，全部賺幾倍計。

因為當時經濟好差，D野平到爆，但問題是，中短期一定會弱，而無人會知弱幾耐。只有長線先守得到。

------------------------------------------------

Q15102：

成哥你好 我今年23歲，目前係岩岩畢業既新鮮人，暫時未搵到野做，本身存款數有大約8萬，想問下成哥投資方向應該往咩方向走

目前我自己本身想係投資平穩增長既優質股，先草好彈藥再黎進行其他投資，我呢個方向有無問題

龔成老師：

儲本金是你當前最重要的問題，你要盡快找到工作，令自己每月有儲蓄，有本金先可以將財富滾大。

現時$8萬，建議你留$5萬作備用，以及等大跌市投資之用。

當中的$3萬，你可以用作投資，你可以考慮平穩增長股，如盈富（2800）等。

另外，你23歲，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

比起當刻投資甚麼，你有兩個更重要的事：增加本金、增加知識。因為，所有野都是睇長遠，不是當刻，這兩點對你長遠有好大的影響！

------------------------------------------------

Q15103：

龔成老師：
較早前我買入咗

823 $81
1972 $26.8
9922 $9.635

面對住經濟不景，1972係咪應該放? 始終要升翻都要好長時間？

同埋9922應該放定係繼續持有好，睇佢都有發展空間，但亦會受疫情影響

龔成老師：

唔少香港及中國的企業，都會受肺炎連帶的經濟影響，中短期業務一定弱，但我地投資企業，一定是長期的。

你可以作一個好簡單的分析，這間企業在3年後的業務情況如何？會否受這刻的不利因素影響？

如果3年後預期業務仍理性，你就不用這刻賣出！

上述都是有質素的股票，唔好比中短期市況不景影響，要集中長線分析。

------------------------------------------------

Q15104：

你好，想請教817中國金荗前景如果，揸唔揸得過，我6.06入手

龔成老師：

中國金茂（0817）主要係中國從事城市及物業開發、商務租賃、零售商業運營、酒店經營等。

佢都算有一定的規模，加上生意能保持增長，不過就有少少波動，其實各方面都唔差，唯一擔心的，就是佢的負債問題，負債不斷增加，到了有少少令人擔心的位。

如果你持貨不過多，其實可以持有，近期股價上升了不少，投資值博率減少左，唔好再心急加注。

------------------------------------------------

Q15105：

龔先生您好！我的股票投資經驗不多，希望找一些比較進取的股票。

這兩天才看到您大力推介的比亞迪股份，想買來長揸，但近升左不想高追。應該等時機在$40左右入市，這樣正確嗎？

這些私訊問問題可以的嗎？不好意思！

龔成老師：

對，你在這裡FB發問就得。

比亞迪（1211）是潛力股，你預現時在合理區，如果在$40以下，就初步進入平宜區，值博率會較高。

由於你投資經驗不多，而這類潛力股，風險會比一般股票高少少，因此，建議你先集中投資其他穩健型股票，如果比亞迪跌翻$40以下先考慮。

你這刻可考慮：盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）等。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q15106：

Hello老師，見過你曾經講過，預每年10%左右的平均增長，如每月投入$1萬，20年後預期有$680萬。

（假設連股息計，收到息後再投資）

呢隻係邊隻阿

龔成老師：

其實，我無特別指出邊隻，因為，我地只要保持每月投資$10000，保持20年，如果該項目有10%（連股息）的回報，20年就可以滾存到$680萬。

下一步，我地就要找到有10%回報的股票。

其實，盈富（2800）預期都會有這個數，當然，無野是保證的，這只是預期。你可以考慮以盈富作為組合的核心，再配以其他股，例如：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

希望建立一個，每年平均有10%增長的組合。

------------------------------------------------

Q15107：

老師，我係你的股票班學生。最近分析緊1789。但發現依啲新上市既股票得好少數據，真係好難分析佢既合理價。加上同類型既行業得兩三隻，好難比較或作出參考。

請問有無啲咩指引，因為睇完啲數據都有點無從入手。但總覺得依間企業好有潛質，想盡量計到一個比較合理既合理價。謝謝

龔成老師：

這亦是我對新股有保留的原因，第一，上市前的數據，可以好有技巧去「修飾」，第二，數據太少，令到我地分析企業，以及在估值上，都好難。

如果自身數據少，只有盡力找行業的數據，以及類似行業的數據。如果你記得我上堂，分析零售股時，都會利用其他類似的零售行業，作為估值推算的參考。

另外，市盈率是一個比較的方法，當比較的數據少，我地可以同時用其他估值法，例如一些絕對值的估值法，如現金流折現法，作為分析，這會更為主體。

愛康醫療（1789）雖然有增長力，但估值好難，就算出面專業的分析師，佢地的估值，都有好多預測的成份，參考價值只是一般。我只能話這股現價唔平。

------------------------------------------------

Q15108：

本人完全冇股票經驗，我現年42歲，樓已供滿，現金有3M, 大部份做定期。

小朋友5歲將上小學，本人打算辭現時份工，揾一份part time 跟進小朋友嘅學業，現時可儲1.5萬一個月，若轉 part time 後應該儲唔到錢。

本人考慮幫囝囝月供股票5000 (3000盈富，2000MTR) 供到小朋友18歲，讓他到外地留學。另外本人應如何運用現在嘅資金去增值財富，因未來日子我未能儲到錢。 謝謝

龔成老師：

你這個年齡，仍然有財富增長的能力，同時，由於你將無無收入，因此可以利用股息產生的現金流，增加收入，現時好多收息股，股息都去到6%，絕對比你單單做定期好。

因此，你可以考慮將其中$100萬，投資一些優質、平穩增長股，另外$100萬，投資優質的收息股，餘下$100萬持現金作定期及備用。已經是一個不錯的組合

以你的年齡，其實會開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

相信上述的組合（$200萬計），每月股息，平均都有$6000，同時有一定的增長力，相信都是平衡的配置。

至於兒子方面，你做月供股票正確的，盈富及港鐵都適合，可以進行。

------------------------------------------------

Q15109：

阿sir 你好
我上完你基礎班發現都未完全掌握到計股價平貴技巧
有幾次自己計完同你page 既價有少少出入
咁既情況下我應唔應該報你既進階班？

我知阿sir 你唔會因為想我一個學生報就亂答我叫我報
既人，所以 我虛心向你請教我呢個情況下應唔應該報你嘅進階班。

因為我真係好有興趣喺呢一方面再行多啲發展多啲
但係似乎又未完全掌握哂基礎班既技巧

龔成老師：

估值是課程裡，較深的部分，你一時間未能掌握，是正常的。

估值要不斷練習先得，你平時要多睇年報及分析企業，然後進行估值，慢慢先可以完全掌握，因為企業估值並無絕對的答案，所以好多野，要時間先可以證實到，同時要不斷累積經驗。

我相信，如果你在基礎班，能夠掌握到7成以上，已經可以上進階班，因為企業估值只是其中一部分，而進階班會進一步固你基礎班所學的知識。但如果你基礎班明白的地方不足一半，就建議你多溫書、睇書、甚至再上一次基礎班，唔好心急上進階。

------------------------------------------------

Q15110：

成哥，有問題。我係股票班舊生，見到筆記「派息高就等於ROE高」唔明？

派息係將盈利中嘅一部份作派息用，派息比率就會決定盈利當中有多少作派息用。係唔係？

但係派息唔應該影響ROE，係咪？

定係我誤解左？

龔成老師：

我完整少少講翻。

股本回報率，公式就是盈利÷股東權益，而這個股東權益，包括了原有的資金，以及每年滾存的盈利。如果企業每年都派高息，反映企業再投資的部分較少，股本回報率就無法反映再投資部分，只能反映企業原有資金回報率。

一間企業的ROE高，可能由於當中的賺錢能力強，不過，如果企業的派息好高，ROE就無法反映再投資回報率，只能反映原有資金的回報較高。這只是派息比率高的其中一個結果。

簡單來說，我地希望找到「因賺錢能力高、再投資回報率高」的企業。但同時間，有些企業只是由於派息比高，而佢原有資金回報率不差，因而產生高ROE。

------------------------------------------------

Q15111：

老師，如果股市開始調整，都想聽你意見建立一個好d 既組合，港鐵、比亞迪同中銀（3988，for 收息用）會不會係一個好選擇？謝謝

龔成老師：

上述都是有質素的股票，都是不錯的選擇，可以長線持有。比亞迪（1211）是潛力股，風險會比其他股略高，佔財富的比例上，應該較少。

另外，無人知大市之後的升跌，因此，唔好用「預期」的策略，反而用平貴衡量更好。現時處合理區，最好是分注投資，同時留有現金等機會。

------------------------------------------------

Q15112：

老師，點解你話京信既穩健度無788咁好

龔成老師：

因為中國鐵塔（0788）的主要業務本質如同「收租」，不斷建一些鐵塔，然後就可以持續有穩定的現金流，中國3大電訊公司就是佢的主要客戶，而佢現時的市佔率去到95%。

至於京信通信（2342），業務規模較細，過往曾出現虧損，業務的穩定性不及中國鐵塔。

------------------------------------------------

Q15113：

老師，我有一個問題。我26歲，最近我在考慮買危疾保險。主要就是有儲蓄性和純保險的。

保險代理跟我說就是買房子和租房子的分別。建議我買儲蓄型的危疾。

但儲蓄型保險的投資的錢是將來回報大概最高5倍，而且還要等到80歲，退保才能有錢。相比而言，純保險的槓桿比率高好多。

其實想我這種年紀，是應該選擇儲蓄型的危疾還是純消費型的保險？

龔成老師：

要睇你本身是那一種類型，如果你比較保守，而你本身在財富組合中，無乜防守性資產，投資儲蓄型的保險，可以助你這部分的建立。

當我地進行理財，攻守兼備是應該的，問題是比例如何，以及這個人風險度如果。

如果是純保險，你可以留翻更多資金，用作自己投資增值，「攻」方面的效果會更好。

因此，好睇你自己的風險度，自己的投資能力，以及你本身、你想的財富配置。

------------------------------------------------

Q15114：

阿Sir你好，本人有基本儲蓄概念，穩定月入21000，有按揭居屋，月儲約9000，未買過股票，資金5萬左右。

呢幾個月一直每日睇你Page，認同價值投資概念。目前希望6年可儲到1球。投資希望想要財富增值

買左你既股票勝經同選股聖經，目前股票勝經睇到一半。
想問問睇完呢兩本後應該買你既邊本睇同埋次序要點睇？

另外見到阿Sir你會建議人用月供股票儲股。但月供股票會每月固定一日入貨，可用平均成本法儲股但好似吾能夠
做到買便宜股票既目的。

希望可以比D建議。
打算儲幾個月錢就買一手藍籌

龔成老師：

如果你堅持每月供起碼$9000，加埋投資增值，6年要有$100萬不難，當你有第1個$100萬，第2個、第3個就會以更快的速度到手！

你睇《股票勝經》先。

月供股票，是最基本的財富累積方法，好處是平均買入價、逼你儲錢，同時可以減少買入價的風險，當然，缺點是無法一次過在平宜位買入。

所以，我會建議部分資金做月供，餘下部分資金，則等機會投資，希望在較平宜的價買入。

由於無人能預測到股價，我地無人知之後個市會唔會跌，如果你將所有資金，等機會投資，但最後大市唔跌，你就會損失了機會成本。

因此，部分資金月供，部分等機會，是最好的。

同時等機會投資，其實要有一定的技巧，因為涉及捕捉較平宜的價才買入，所以，如果投資技巧不高，將較多資金用作月供，是較好的。我會建議你先保持每月盈富（2800）$5000。

------------------------------------------------

Q15115：

老師現在我有兩隻目標股票等緊到價： 00386 $4或者4.1入 匯豐等緊佢去到56入。

由於資金有限所以各入一手
2800 我已經做緊月供1000。

00012 月供2000

龔成老師：

月供部分，你保持進行就得，因為月供策略一定要長線，先有效果。如果可以的話，盈富（2800）的金額最好增加。

至於現金部分，你可以按你目標價等入位的，如果你本身現金不多，好好運用是正確的。這兩股都可以按這價去入。

------------------------------------------------

Q15116：

你好老師，本人27歲 而家手上現金大約只有40萬
每月可以儲$10000

想30歲前儲到100萬作買樓首期 請問有冇可能呢？
我自己手頭上冇任何股票，但有留意開幾隻股票，分別係1883，435，778，52，6823，1382

想請教你以上幾隻股票你有咩意見？現價係咪便宜水平？
另外除左以上，老師有冇推介？

龔成老師：

由於你希望在3年，利用儲蓄及投資，將資金用作首期，因為這是有實質的作用，所以當中的投資，唔能夠太進取，因為3年只是一個中長期，未算是長期。

在配置上，投資平穩增值股+收息股都是適合的。

而你上述的股票，都是這些類別，都可以投資。

建議你將$20萬，分注投資盈富（2800）及上述的股票。上述的股票都是有質素，同時處於合理區，因此這刻分注投資可以，但就不能用盡資金，所以，只用$20萬，餘下$20萬等機會。

不過，由於上述股票增長力不算強，所以，你可以利用每月儲到的資金，加強翻少少增長力。

你可以將其中$7000做月供股，盈富$3000。然後再選2隻，每隻供$2000：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

------------------------------------------------

Q15117：

龔Sir,，請問九倉、太古A同長和，你比較睇好邊隻? 有冇投資價值?

龔成老師：

上述的，都是有質素的股票，都有長線投資價值，有平穩增長能力（但不是太強的增長）。

其實，九龍倉置業（1997）、太古地產（1972）這刻的投資值博率更高，當然，你預佢中短期會弱，要長線先得。

------------------------------------------------

Q15118：

老師，有小小野想問，月供股票係咪可以係銀行搵職員幫手搞？

定係要點同埋投資理財新手應該向邊個方向入手 如果我從月供股票開始就從呢方面學起？

龔成老師：

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。你要自行決定月供那隻股票，以及金額。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

------------------------------------------------

Q15119：

老師。香港電視是否算是潛力股。見佢長遠網購應有得做。 但見佢無賺錢數據。如何估值。 謝謝

龔成老師：

香港電視（1137）是潛力股，但這股的財務數據變化大，估值好難，這是最大的風險。

市場對佢的估值都不一，這一定會令股價變化有很大的波動。往往只能用一些預期的模式去進行估值，例如預期3年後的盈利情況。

因此，這類股不是不可投資，但不建議大注。

------------------------------------------------

Q15120：

hi 老師，我想請問下領展仲算唔算係有質素既股票，近黎佢股價回落有啲吸引，想入一手。請問領展大概咩價位先算合理區甚至平？

龔成老師：

領展（0823）有質素，這是長期性的，暫時都無變。

現價在合理區中上部，有投資價值，只要分注投資就得。

如果要去到平，你預跌多2成以上先得。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

你也想在四十歲退休嗎？工作太忙沒辦法隨時盯盤嗎？本次節目重磅邀請部落客潔媽以及基金專家Erica，潔媽靠投資每年創造六位數現金流，在資產配置中，有高達七成投入於基金操作，另外驚人金融從業背景的Erica，曾待過銀行業，現效力於投信公司的她，在節目中將會分享什麼是多重資產。在現今股市、債市齊漲下，投資人佈局更加艱辛，讓【下班投資學】幫你解惑，帶你認識其他穩健的投資方式，就由部落客潔媽以及基金專家Erica，帶你一起收看精彩的財經內容。

✓ 點我加入《風傳媒》Line 好友（ID：@dyp8323m）　http://bit.ly/2hETgWE
✓ 點我訂閱《風傳媒》YouTube 頻道　http://bit.ly/2grkAJ6
✓ 點我追蹤《下班經濟學》IG頻道（ID：@worked_money） https://bit.ly/2WZ1Dnb
✓ 點我訂閱華爾街日報：https://bit.ly/2VtO3GG

#下班投資學 #下班經濟學 #基金 #多重資產 #謝哲青

00:00 開始
00:14 6位數現金流這樣來！潔媽靠超強投組退休！
01:36 無懼市場風吹草動！投資基金潔媽最安心！
02:23 找到飆股好嗨？當心押錯寶虧光畢生積蓄！
03:33 6位數現金流這樣來！潔媽靠超強投組退休！
04:26 攻守兼備！Erica資產這樣分配立於不敗！
05:01 疫情續燒股市攻高！一張海灘照透隱憂！
07:44 後疫情的投資攻略 唯穩至上不怕被尬空手！
08:06 金融業主管甘苦談 從慘賠領悟的投資真理！
10:06 後疫情的投資攻略 唯穩至上不怕被尬空手！
11:29 基金怎麼挑最聰明？高手公開入門3撇步！
14:10 歷經多次金融戰役 這檔基金4優勢超抗跌！
16:10 收益穩健又分散風險 另類資產成亂世優選！
17:29 一圓你的包租夢！搞懂另類資產穩賺6%報酬！
19:44 想提早退休？最適合穩健型投資人標的是它！
20:40 買基金別再傻傻扣款！潔媽用5招加速獲利！
24:17 克服追高殺低人性！Erica曝基金操作秘訣！

本節目與來賓所推介個股無不當財務利益關係，資料僅供參考，投資人應獨立判斷，審慎評估並自負投資風險

【Facebook粉絲團】
風傳媒►► https://www.facebook.com/stormmedia
風生活►► https://www.facebook.com/SMediaLife
下班經濟學►►https://www.facebook.com/workedmoney

《精彩回顧》
【#18】不盯盤的存股「勝」經！用一招打造0050終極組合 無腦滾出11倍報酬！
https://youtu.be/lsDOfgnCcGQ
【#19】存股該砍還留？搞懂這2指標 每月加薪50% 用股利養大你的第一桶金！
https://youtu.be/3tcXTWVCv9M
【#20】存在高點差很大！用2招狂催0050資產油門 這輩子不再為錢煩惱！
https://youtu.be/DZAKdbJp3LQ
【#21】靠一紀律當沖不賠錢？年賺5倍心法公開！四大強弱判斷法找飆股！
https://youtu.be/etwejri1Xyw
【#22】40歲學投資也不嫌晚？靠一指標挑0050賺錢個股！怪老子帶你找出存股菁英！
https://youtu.be/Es8xujGfGV0