第四回－－積分系統

【恭喜宿主獲得鐵達尼號之旅一次，宿主可以隨時兌換獎勵。】

「鐵達尼號！！！！！？？？？？？」劉俊文同李倩盈興奮地叫咗出聲，結婚咁耐佢哋都未試過一齊上遊輪玩，依家有郵輪之旅，仲要係傳說中永不下沉嘅鐵達尼號，上面幾乎係當時最高級嘅配備。

但問題出現，到底鐵達尼號係現實中嘅鐵達尼，定係電影之中嘅鐵達尼號呢？呢個旅程會唔會出現危險？須知道鐵達尼最終命運係下沉，如果遇上海難佢哋兩個生存問題又點解決？

當佢哋燃起呢個想法時，系統已經十分貼心咁解說。

【宿主請放心，鐵達尼之旅係電影系列中嘅鐵達尼，而宿主可以隨時回歸現實社會，係時空系統之下，兩人係現實時間只係一瞬間嘅時，並唔會影響生活工作，溫馨提示，系統抽獎發放係三等艙，如果宿主想升級到頭等艙，需要另外付出三千積分一位，而積分系統是獨立計算，不可以代為支付。】

劉俊文心諗，如果係現實鐵達尼都可以用時空技術去解釋，但如果係電影的話……呢個系統就唔係咁簡單，因為電影並唔存在於現實，要完全呈現出電影細節，需要嘅計算力係現今社會無可能實現到，唔通係幾十年後，地球已經有能力可以建構出真實情景嘅世界？

【宿主的問題暫時無法查閱，請宿主盡快升級獲得更高權限。】

又係升級又係升級，到底要點先升級係劉俊文最大考慮。

反觀李倩盈，佢腦海入面不停閃過一幕又一幕嘅鐵達尼情節，如果佢哋阻止到撞向冰山，傑克同露絲會唔會就有情人終成眷屬呢？佢哋可唔可以係船頭重遇 I am the King of the World一幕呢？仲有散發住蒸氣嘅汽車一幕佢哋可唔可以偷睇到呢？佢已經下定決心要重溫一次鐵達尼號為此做足準備。

兩人幻想完，就需要面對現實，到底點先可以獲取更多積分？因為三等艙真係好難感受到所有情節，甚至好多行動都會被限制，如果真係用三千積分去投入升級頭等艙，呢個旅程就會變得不一樣。

【恭喜宿主成功通過新手任務，現正升級系統……系統升級完畢，初級積分系統啟動，現發放積分任務，宿主可以通過積分任務獲取積分，積分商店將於中級系統更新，商店可換取之禮品豐厚，請宿主努力升級。

初級積分任務如下：

日常項目
一，洗碗；二，洗衫；三，晾衫；四，摺衫；五，拖地；六，吸塵；七，扔垃圾；八，洗廁所；九，買日用品；十，買餸。

以上為日常基本項目，將會陸續增加，積分為系統發表，不會扣除宿主分數，希望宿主努力獲取分數。

積分系統升級完成，現發放第一階段任務：

任務－興趣，兩位宿主需要訂出各自最大興趣，對方需要融入對方興趣，並獲得伴侶認同對方已完全滿意對方的融入。
任務時限：一星期。
成功獎勵：抽獎一次
失敗懲罰：系統將以特別方式將未能達標之興趣完全抹殺，往後宿主將不需要再為此而爭執

系統分析中……劉俊文的最大興趣為，打機；李倩盈的最大興趣為，煲劇。

現時劉俊文及李倩盈夫婦的狀況如下：

婚姻等級：初級夫妻
共同積分：250
劉俊文積分：600
李倩盈積分：150
階段：一
第一階段緊急任務：尚未到達開啟條件
積分任務：第一階段已開啟】

兩夫妻對於剛剛系統發佈嘅訊息仲消化緊，突然之間三件事，鐵達尼之旅，積分系統，興趣任務，太多太多野要諗，而佢哋最驚訝嘅係，系統竟然可以抹殺佢哋興趣，呢件事令佢哋從喜悅之中拉返出黎，佢哋係面臨離婚嘅夫妻，再多獎勵都要建基於佢哋兩個通過離婚考驗。

「打機原來真係對你講係咁重要……你咁大個人都仲係咁沉迷打機……我真係服左你。」
「煲劇又好有意義咩？你睇嘅韓劇都係愛情愛情，超現實到好似男人睇AV咁，唔通我又要阻止你睇劇啊？」
「其實今次個任務失敗都好，你可以完全唔再打機絕對係好事。」
「哦，你即係存心想搞事啊？我都可以唔配合，等你以後唔再睇劇，你係唔係要咁絕啊？」

【系統偵測到異常波動，請宿主保持冷靜，不然任務難度將會提升至地獄級，懲罰及獎勵亦會因此上升。】

聽到系統警告之後，兩人終於收聲，佢哋都唔想令難度提升，今次呢個任務已經令佢哋好為難。

【冷靜係兩人相處嘅重要方式，當兩人有問題爭拗時，請以冷靜代替吵鬧，靜落黎再分析，兩位宿主第一次冷靜，系統獎勵每人300積分。】

「好喇，我哋唔好嘈，不如大家冷靜落黎諗下點去完成任務，我諗下要你陪我玩咩遊戲，而你亦搵個時間，我試下同你煲劇，完成任務之後，我哋就去鐵達尼輕鬆幾日，再睇下抽獎會得到咩好唔好。」劉俊文深呼吸一口氣，靜靜咁講。

「無問題，劉生你知我手腳唔協調，麻煩你揀隻簡單少少嘅比我玩，我都會揀套都適合男人睇嘅劇一齊睇，咁得未？」李倩盈心入面盤算自己想睇咩劇，佢唔係未迫過劉俊文陪自己睇，但每次佢都會好唔耐煩，又會講劇情唔合理，總之就唔可以靜靜咁陪佢睇。

「得喇，我揀隻唔駛用腦嘅遊戲比你，大家交差之後算數咁得咪？」劉俊文都好清楚李倩盈打機天份，如果係Candy Crush之類嘅益智遊戲，佢都係會儲埋道具應用唔用，卡住係一關好耐，要靠運氣同時間去攻略嘅人。

【警告，警告，系統絕對唔容許宿主敷衍了事，作為夫妻，唔係為交差而一齊，任務係希望宿主反思兩人興趣嘅唔夾，取巧並唔會令兩人關係變好，只係一種表面上嘅適應，但根本問題完全無解決。

現升級任務難度……升級完畢，地獄級興趣任務，劉俊文需指定遊戲為英雄聯盟，李倩盈需指定劇集為來自星星的你。

溫馨提示，本系統為最高科技造物，存在智慧，亦有系統嘅驕傲同尊嚴，對於宿主將系統當係白痴嘅行為，本系統予以最高懲罰，絕不姑息！

希望宿主認真對待一切任務。】

－－－－－－－－－－－－－－－－－－－－－－－－－－－－

下回預告

男同女既興趣，可以共存嗎？陪你睇一套我唔想睇既劇？陪你打一隻我唔喜歡既遊戲？陪又係好事咩？

連最親既人都唔認同你重視既興趣，唔理解，當你有咩體會同經歷佢都感受唔到，孤獨感就係因此而來。

積分系統正式啟動，鐵達尼號幾時會開始，佢地又會遇到咩事，敬請留意

－－－－－－－－－－－－－－－－－－－－－－－－－－－－－
作者的話：

呢個故事開始發展出唔同既支線，我考慮左好耐要唔要好似《老婆最後的十二個難題》咁貼題，每幾回講一件事，但我發現咁寫法對大家講好expected，所以今次呢個故事，我想比到一種你估唔到既發展大家，支線故事係我認為好有討論價值既小冒險，希望大家喜歡

－－－－－－－－－－－－－－－－－－－－－－－－－－－－

第三回既問題，我會聯絡得獎者，第四回不設問答環節，但我都希望大家可以留言討論。

－－－－－－－－－－－－－－－－－－－－－－－－－－－－

我既文字係免費，但免費既通常都係最貴，一個無實際經濟支持既作者並唔會長久，所以希望喜歡我既文字同故事既朋友可以支持我，購買我既書本：
訂購我過往的作品，連結如下
https://bit.ly/3fL9QUH
由於最近比較忙，需要周末先可以處理訂書，希望大家見諒

第三回－－新手特別禮包

「啊……啊…………啊……………」聲音係房內唔大，但房間嘅寧靜令聲音好響亮。

劉俊文弄熄煙頭，聽住隔離房無意嘅嘲諷，感覺好不是味兒。

而李倩盈亦搖住紅酒望住壯麗嘅維港景，睇住幻彩詠香江嘆息。

十五分鐘前，完事了，紅酒有，生蠔有，內衣有，但兩個做完連同系統確認都覺得無謂，佢哋自己知自己事，滿足？傻啦，空虛就大把！

劉俊文點起另一支煙問：「喂，曾經你都滿足過嫁可？」

「你又唔好對自己咁無自信，有嘅。」李倩盈覺得好妙問趣答。

「邊一次啊？」「最深刻嘅話，應該係第二次掛，哈……」「我仲以為係第一次添。」「第一次都唔錯，但都係有少少緊張，享受唔到。」「咁第二次無咁緊張就可以享受？」「唔係，第二次唔同第一次，你明明係想，但又唔講到明，又話夜又話攰，話要去酒店休息下，當我傻咩，但我唔說破，哈哈，個晚你係幾勁嘅。」

「依家我退化左？」「又唔係，我覺得唔係身體上嘅問題，而係……好似我哋無左當年個種熱戀掛。」「……咁每對夫妻都係朝夕相對，我唔覺得會一直保持熱戀，咁即係總有一日，我哋都會進入無性婚姻？」「唔……可能掛，我班姐妹都唔係成日搞，講真，十八廿二咩？我哋咪算好，無小朋友，有小朋友嘅話想都無時間心機做。」

「有人可以欠缺性生活都可以走落去，但我哋好似唔得……」「我無話唔得嘅，但有好過無囉，女人其實對於性無乜特別需要，愛比較重要。」「男人唔係囉，性好重要，但唔係打飛機就可以解決到，所以好多人咪出去搵食囉。」「即係你都曾經諗過出去搵食？」「喂，你咁問就算我有都答你無啦。」「即係有啦。」「我唔想討論呢種無聊問題，但我可以同你講，同你一齊之前我試過，係好無謂嘅，唔係我想要嘅野，所以我無諗過要出去搵。」

「……咁你想要嘅係乜？」「性愛掛，有性無愛，唔係性愛，只係性，最多咪高層次少少有樣睇嘅打飛機囉。」「哈，估唔到你都會想要愛，我以為你只對性有興趣。」「偏激咪就係你呢種，男人點會唔需要愛，只係無咁有需要，就好似你需要飲水，有人每日飲好多，有人每日飲好少，但需要就係需要。」

「我用左一半積分買左一個錦囊，就係兩個字，需要……但我唔明呢種需要係咩需要……」
「需要……我都買左兩個錦囊……一個係被動，一個係最後一次……我都唔明係表達緊乜……」

「嘩你好捨得，買左兩個錦囊……被動，你都夠晒被動喇喎，仲要再被動唔係啊嘛。」「有乜捨唔捨得，一半分買，反正分我又無用，買黎睇下有咩啟示都好。」「你以前唔係咁諗喎，你覺得自己無問題，唔會改。」「你話既然舊方法唔得，咁要試下新方法嘛。」「識咁諗都係好事，就算我哋離左婚都好，你都會有進步。」

「如果……我指如果，我哋黎緊嘅生命都唔再有性愛，你仲會唔會想同我一齊？」「你介唔介意我打飛機先，其實呢種事無得迫，迫都唔會開心，我會體諒你。」「其實我明自己係好被動，我唔識好似你睇嘅AV咁主動又識好多野，我只係個平凡嘅女人，唔夠靚身材又唔好，我一世都唔會比到你睇嘅野你……」「傻啦，你睇韓劇又要我識超能力啊？男人分得好開嘅，知道現實係點，幻想係點，講真，我都唔會好似男優咁可以咁耐咁勁啦！」「即係你唔介意我係一個咁唔完美嘅女人？」「性格上嘅唔完美大獲過外表同性方面嘅唔完美好多啦，兩個人相處，性只不過係其中唔知佔幾多％嘅行為，其餘時間重要好多。」

「唉，最慘我哋其餘時間都唔夾呢……」「你有幾唔完美，未結婚我都知道，而你都好清楚我係有幾唔完美，你諗下，我哋依家三十唔夠，人生只係走左一半，係唔係將來嘅下半生都會係咁？唔係嘛，我哋會一齊成長，變得更好更完美，所以唔夾咪學到夾囉，唔通兩夫妻要夾到天衣無縫先可以結婚咩？係一場修練黎，你都有睇神鵰俠侶啦，但你一定唔會留意到，古墓派嘅玉女心經係為左擊敗全真派武功而設，但佢最後有套劍法，係配合全真劍法而設，互補不足，將對方劍法入面嘅缺點補上，最有趣嘅係，呢套劍法入面嘅名係咩《撫琴接簫》《掃雪烹茶》《松下對弈》呢種日常，啊，係咪悶親你，你知我平時最喜歡睇呢種無聊野。」

「如果係平時我會覺得悶，但兩個人聽聽咁傾計聽你咁講，又好似無咁悶，或者我哋好耐都無試過咁靜靜哋傾下計，唔係討論日常生活，而係聽下對方諗嘅野。」「以前剛剛識你，我都成日講嫁，可能怕無話題悶到你，所以就乜都講下，但熟左之後，兩個人唔需要講野都得，反而就少講左，你肯定對呢種話題無興趣，我知啊，所以咪唔講囉。」

「我知，所以我唔想離婚，但我唔知我幾時先可以改到個性……就好似被動咁，我真係好想主動少少，只係，我真係講唔出口。」「其實你咁講咪夠囉，你唔主動，咪我主動囉。」

雙唇緊貼，被動嘅人嘗試主動打開佢嘅心扉同界限。

強烈攻勢之下，對方深深感受到自己被需要嘅感覺。

性唔係給予同獲取，而係雙方都各自需要，同時需要同索求嘅行為。

你要，對方比，呢個係單方面，無論有幾多準備有幾強能力，都無可能享受到情感上嘅滿足。

劉俊文細細聲係李倩盈耳邊講：「如果今次係最後一次，我希望可以好好愛錫你一次，記住擁抱你親吻你嘅感覺……」

李倩盈無講野，只係緊緊抱住佢，嗅住劉俊文獨有嘅氣味。

過程並唔激烈，好似慢動作咁。

劉俊文突然笑左一笑比李倩盈發現，李倩盈即時問：「笑咩啊你。」

「無啊……望住你就情不自禁咁笑。」劉俊文認真思考完再笑住講。」

「喂啊，有咩好笑啊！」「我覺得好開心咪笑囉。」

李倩盈咬左佢一啖話：「唔準笑啊！好似我有咩唔好咁，你要笑我！」

係笑罵之中，兩個人做嘅係AV之中從未拍過嘅輕鬆，攰時飲啖酒，有時講下笑。

【恭喜宿主，成功通過新手任務，房事，獎品已經發放，請宿主有空查看，打擾了。】

呢句系統嘅說話驚動兩個人，對望之中佢哋心諗，過關？幾時啊？

「你射左？」「你黎左？」同一時間佢哋互相問。

「無喎…」「未啊…」兩個答案都予以否認。

但有種喜悅係佢哋心中萌生，過關喇，佢哋唔駛離婚了。

「系統，獎品係咩啊？」李倩盈心急地問。

但未等佢問完，劉俊文就從後抱住佢：「我哋好似仲有少少野未完成喎！」

「嘩，你個變態佬……啊……我記住你！」李倩盈反抗無效之下，兩個人繼續奏起未完成嘅樂章。

事後兩個躺係床上嘅人，回味住久違了嘅滿足。

「原來滿足，同有冇達到某個條件係無關，我終於明，就好似打籃球咁，以前我無論打贏同打輸都會樂在其中，拍波射波傳波都係一種快樂，但大左就會好在意勝負，要贏先開心。」劉俊文感慨地講。

「你今次唔食事後煙嘅？」李倩盈突然問。

「無，我覺得你會唔鍾意，唔想破壞頭先積累嘅幸福，所以唔食。」劉俊文望住佢答。

「嘻……我有諗過係唔係呢個答案，但聽到你講出口我真係好開心……」李倩盈嘅笑容係無比幸福，有時估到同聽到，係兩回事。

「系統，一場令人滿足嘅性，我明喇，係雙方都係一種需要，兩方都係主動希望從性之中獲得對方嘅愛，而最後一次，如果將每次性愛都當成最後一次，我哋就會珍惜過程中所有嘅細節，係唔係呢？」李倩盈係幸福之中綜合出佢對性愛嘅結論。

【宿主自行領悟到而雙方都同意，咁已經係答案，無須系統驗證。每個人都有自己應對性嘅一種理解，而兩隻宿主聽到嘅方式，都可以係正確，因為係由前人佢哋希望提升雙方嘅親密而創造出嘅獨有方法，對創造嘅人肯定係正確，但對於聽完應用嘅人，無愛，無交流，只不過係表面同形式化件事。】

「即係好似獨孤九劍咁，無招勝有招，將招式完全融入自己，用自己方法去使出咁嘅意思？」劉俊文再次投入佢嘅武俠世界。

【本系統並無獨孤九劍之數據，數據更新中，將會整理並納入資料庫中，感謝宿主令系統完成度增高，特別發放500積分獎勵，希望宿主繼續努力。】

李倩盈反左一下白眼，如佢所料，劉俊文好快就係佢面前認叻，話自己得到系統認同：「快手睇下新手獎勵係乜先啦，之前系統話今次地獄級難題會有豐厚獎勵！」

【為宿主開啟新手特別禮包。】

一道金光出現係兩人腦海入面，然後幻化成一個精緻嘅禮物盒，意識之中兩人觸摸禮物盒之後，金光再次出現。

【恭喜宿主獲得2070年最新款智能床褥，此床褥具體智能衡溫，冬暖夏涼，符合人體最佳睡覺溫度，有三種軟硬模式選擇，配合不同用途，外加全自動清洗床單及殺菌功能，獎品已經安置於宿主家中，外加舊床褥回收服務，不另收費。】

「床褥……呢個真係獎勵咩？點解同我想像中有咁大出入……」「係囉……我仲幻想過係H包包……點知係一張床……雖然功能好似好好，但……」

【本系統為婚姻系統，以家居獎勵為主，並不會提供奢侈品，希望宿主在現實中努力自行購買奢侈品，另外，特別禮包有一項抽獎，請宿主盡早抽獎。】

係失望之中，兩個聽到仲有抽獎獎勵，燃起少少期望，但佢哋亦好怕係廚具套裝，馬桶系列等等，但當佢哋見到抽獎機中轉動嘅獎品為之瘋狂！

因為佢哋見到抽獎獎品包括：阿拉丁沙漠飛毯遊一次、太空潛航者太空之旅三天、回到最愛一天穿越時間一次、觸不到的戀人小屋三天住宿、都敏俊超能力使用權一天、鐵達尼號之旅一次、珠穆朗碼峰頂峰傳送一次、愛在黎明破曉時維也納之旅一天等等稀奇古怪嘅電影情節或能力。

【請宿主心中默念停，停低嘅就係你哋嘅抽獎獎勵。】

－－－－－－－－－－－－－－－－－－－－－－－－－－－－－
下回預告：

積分系統全面開放，做家務可以得到相應積分，而積分可以換取既又會係乜？

抽獎得到既獎勵，又會係咩，佢地會係呢場不一樣既旅程中得到咩？

第一階段既任務，又會係乜？

－－－－－－－－－－－－－－－－－－－－－－－－－－－－－
作者的話：

第一個任務正式完結，有關性，其實人人唔同，你同我都有唔同答案，所以我唔會比到一個大家都認同既答案你地。

正如文中所講，所有建議，都係正確，因為曾經有一對情侶或者夫妻用呢種方法得到昇華，而你同伴侶亦需要搵出屬於你地既方式。

希望你同伴侶睇完呢一回，可以有更深入討論，亦希望有一日你會留言同我講，你同佢之間有進步。

下一回將會正式進入積分系統，呢個系統當我構思個陣，我同老婆講，佢第一個反應係，喂，你依家想搞革命啊？所以先得出呢個離婚革命系統既名。

到底係唔係應該用積分去衡量一段關係？我認為係好事，希望用呢個故事去令你知道積分既意義。

同埋為左令故事更有趣，我希望融入特別元素去令大家估唔到個發展，希望呢個做法大家會喜歡。

－－－－－－－－－－－－－－－－－－－－－－－－－－－－
第二回有獎問答活動：
題目：對你講，一場令雙方都滿足既性愛係有咩因素？（無正確答案，大家可自由發揮）

得獎者好明顯，就係四位留言既朋友……都唔知應唔應該開心，將會聯絡你地領取獎品。

第三回有獎問答活動：

題目：抽獎之中，你地會有乜特別既想法可以比我參考，三位最有創意留言將會得到我既書一本，希望唔好再係得三個內既讀者留言啦。

－－－－－－－－－－－－－－－－－－－－－－－－－－－－
我既文字係免費，但免費既通常都係最貴，一個無實際經濟支持既作者並唔會長久，所以希望喜歡我既文字同故事既朋友可以支持我，購買我既書本：

訂購我過往的作品，連結如下
https://bit.ly/3fL9QUH
由於最近比較忙，需要周末先可以處理訂書，希望大家見諒

【龔成問答信箱】（Q21321-Q21340）

Q21321：

龔sir你好，你本《80後千萬富翁》我已經睇到接近尾聲，書中含金量極大,當中思維篇真係本書最重要既部分，講中哂大部分香港人既固有思想，其中“覺得冇可能，到最後就真係冇可能”呢句一語中的，成枝針拮到9成香港人。

至於金錢篇都係講返金錢背後運作同乘既法則，其實用字真係好簡單，小學生都睇得明，同富爸爸窮爸爸一樣keep it super simple。

到實戰篇，睇完令我更加想成為全職股票投資者，要自己提升股票投資，希望自己做到第四級投資者，脫離打工生活。

本書真係勁好睇，內容價值一定大過書既價錢，其實龔sir既書全部已經睇過哂，最重要既係，書中所帶黎既投資回報已經大過咁多本書既價錢總和，真係多謝龔sir，希望可以再出多啲書

龔成老師：

多謝你的讚賞！

其實我之前有少少擔心，讀者會覺得我重覆左某些概念，與之前的書有接近內容，因為這是一個由思維到應用的知識大連貫，總會有小部分內容，同之前類似，因為有些重要內容我無可能跳過不談。

現時你這樣講，我就放心了，因為我能夠做到寫這書時的目的，就是帶領讀者，由思維到落實，向著$1000萬進發。

這本書用左我好多時間寫，希望可以幫到你知識與財富提升，等你的好消息，加油！

------------------------------------------------

Q21322：

你好龔成老師我沒有工作差不多9個月，現在做全職媽媽。

三十幾歲係07年既時候買咗d細價股，輸咗差不多20萬，一直吾敢再買股。

直至今年2月開始，買再買返現時有既股票︰

390 4.09 買入10000 股
2314 7.5 買入3000 股
777 19.92買入1000股
460 2.09 買入10000股

仲有3隻 現在都持有緊
9626 (抽返來的20股)
2158 37.65 買入1000股
769 1.02 買入60000股

1. 我以上既股請俾一俾意見，我現在有的7隻股票，有邊d可以繼續持、有邊d要放咗佢?

2. 同埋我想用30萬去買其他股票當幫小朋友儲錢及收息，可給我建議嗎?
謝謝

龔成老師︰

1) 中國中鐵(0390)和理文造紙（2314）質素中等，唔建議持有太多。你可以等反彈時，沽出部份，餘下的就長線持有。

網龍（0777）主要從事網絡遊戲開發（包括遊戲設計、編程及繪圖）及網絡遊戲營運；教育業務；移動解決方案及移動營銷業務。

另外，佢近年有發展教育業務，相信長遠都有前景的，但業務始終有不確定性，市場具體情況仍有未知數，所以，投資價值是有，現貨可持有，但暫時不要加注。

四環醫藥（0460）好翻D，相信無之前咁差。不過這股，2015年、2016年，曾經出現了核數師有「保留意見」的情況，反映盤數有問題，小心這股。我對投資這股有保留。

中國稀土（0769）質素一般般。炒作多過實際，過往賺錢能力不高，業務波動，間中出現虧損，投資價值唔算高，你沽出會較好。

醫渡科技（2158）和嗶哩嗶哩(9626)有潛力的，可長線持有。但由於佢地係新股，不確定性會較高，暫時只宜小注。

我睇翻你持股中，除了部份新股算有質素外，其他都係麻麻。你再投前資，建議你先學好投資知識，對你長線財富增值效果，會有重大影響。

現時，你可以先集中係以下「平穩增值股」+「收息股」。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

由於你投資知識不足，建議你用月供方式去儲貨。若想1手手入都得，但緊記要分多注咁慢慢入，去拉平均個買入成本，以減低入貴貨的機會。

2) 由於小朋友年紀少，到佢用這筆資金尚有一段長時間。所以，我地可以集中係增值部份，先為佢累積起一筆財富。

收息都可以，但這類股票增長力較弱，我唔係太建議你用在小朋友身上。

策略上，我建議你分注，慢慢買入盈富（2800）。現時大市只在合理水平，30萬可以先用一半，慢慢咁入分多注入，唔好一次過入晒。

餘下15萬，就等大跌市時，我地才出手。

------------------------------------------------

Q21323：

Hello,龔老師，小朋友岩岩出世，想幫佢儲起啲利是錢去投資，買金粒或者買港鐵股票，請問有無咩意見？謝謝！

龔成老師︰

黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，其主要作用是對沖黑天鵝事件。用作小朋友的財富增值，就未必咁適合。

我建議你小朋友，利用一些優質股，去做財富增值會較好。

港鐵(0066)係其中一個選擇，另外，你都可以儲盈富(2800)，佢係包括55間質素不錯上市公司股票的組合，比港鐵更能分散風險。

若你想增長力高D，可以投資安碩恒生科技(3067)。但此股波動性會較大，要睇翻你自已風險承受能力。

基本上，以你小朋友年紀計，持有以上股票都係可以，但你明白當中風險和分別。

------------------------------------------------

Q21324：

老師：我是一個中年婦女，想請教基金每月派息有邊隻建議

龔成老師︰

我對坊間基金無特別研究，無太多意見比到你。

除非你係有原因，係必需以「每月」這模式去收息。否則，我建議你用「收息股」去創造一個組合，咁會較好。因為基金好多時都會有費用要收取，變相令你實際收入減少。

或者你可以考慮，在港交所上市的收息ETF，GX恒生高股息率（3110），這是一個投資收息股的基金，追蹤恆生高股息率指數之表現。

佢一年派2次息，都不差的，你可了解下。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

可以上基金網站有介紹的

http://www.globalxetfs.com.hk/funds/hang-seng-high-dividend-yield-etf/

另外，以下都係較有質素的「收息股」，你可以參考下。

這些股票大多每年派1至2次息，雖然唔係每月派息。但你可以按照你生活所需，再去自行調配這些股息就可以。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

現時大市只在合理區，資金唔好盡用。最好留有部份，等大跌市出現時，可以用來掃貨。

------------------------------------------------

Q21325：

你好呀，有野想請教。

我想問有冇聽過 消費商，對於呢樣野既前景又點睇?

龔成老師︰

其實「消費商」概念，就是從過往純「消費者」年代，單向作出消費的模式，轉變成「消費者」除了單向消費外，自己同時參與一定程度的銷售工作。從而賺取回報，這個模式有少少似「產品代理人」。

現今科技較以往發達，人與人之間溝通和分享渠道多左，都造就這類「消費商」發展。而且，這類宣傳有別於傳統模式，由生產商單向花大錢賣廣告。

而是直接有身邊認識的人，向你推薦產品。相對舊模式，精準度和新客戶接受程度，一般都會較高。

其實「消費商」概念好耐之前已經存在，好似你購物後，再介紹新客戶賺積分的獎勵活動，其實都係運行緊「消費商」模式。

這模式有佢價值，相信在現時互聯網發達的社會，在不同社交平台支援下，發展會唔錯。

------------------------------------------------

Q21326：

老師你好 本人今年33歲 完全係投資新手無經驗。

但𠵱家決心要將財富增值 希望10年後達到財務自由 現打算月供股票

請問建議買邊類/隻股票 同應該將儲起嘅錢幾多percent用嚟做月供?

以下大約係本人背景
- 單身 月薪9萬左右
- 平均每月可儲6萬
- 有意2-3年內置業

謝謝老師

龔成老師︰

你可以投資「平穩增值股」+「潛力股」，去創造一個增值組合，累積一筆資金，助你達成置業和財務自由的目標。

至於，用多少儲蓄作投資，無一個特定答案。若你想盡快達成財務自由，最好係盡量投入最多閒置資金，就會越理想。

組合當中的「潛力股」，要求你有一定的投資知識。加上你會在2-3年內置業，時間唔算好長，係增值時先要保守一點。

現時，你可以集中在平穩增值股先，潛力股小注好了。到你投資實力較強和處理好置業時，可慢慢增加潛力股比例。

平穩增長股：潛力股
7：3

平穩增長股：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市波動，可以一邊投資一邊留現金的策略去做月供。每月用3.5萬先月供，另外2.5萬就儲起，是等大跌市時出手。

如果你能在這段時間學好選股等技巧，到大跌市時就能把握機會，財富增值會更明顯。

其實你要考慮一點，當你打算中短期置業時，宜留多少少現金，特別是打算買樓前的一年。而我地投資股票就是買入企業，而企業成長需時，因此一定要長期先有效果。

因此，你要考慮幾時置業，在現金與投資上取平衡。

現時可以用上述的方法，部分月供，部分留現金（但近置業就可能要減現金），到你完成置業後，其實可以再加大投資力度，進行財富增值。

------------------------------------------------

Q21327：

手持5百萬現金應該怎樣投資 希望每月回報有2%

投資股票 置業 應該 怎樣分佈

龔成老師︰

我地做財富增值，一般希望做到架合理回報，係每年增長10-15%。你現時這個每月2%回報的目標，用股票或物業投資去做，風險會較大。

我建議你按步就班，透過月供和買入優質股，去一步步為自已資產作增值。在合理風險下，爭取最大回報。

係投資增值時，我地會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

所以，當我地選擇投資項目時，應參照自已人生階段。年輕時，可以用「平穏增長股"」+ 「潛力股」，到中年「潛力股」比重要減少，到近退休應集中在「收息股」上。

若你投資經驗較淺，就算年輕，我都建議你「潛力股」部份比重，要調低少少。到有一定經驗時，才慢慢調高。

現時，你可以因應自已人生階段和投資經驗，在以下股票中，作出選擇和配置。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

大市現處於合理水平，那500萬資金，你可以先用200-250萬，以"分注"形式慢慢入貨。餘下資金，我地就等大跌市機會出現，才大力度掃貨，並長線投資。

如果你本身無乜投資經驗，暫時只建議動用$100萬-$150，同時你要增加知識，等你有一定知識先慢慢加大金額。

長線計，我地要建立一個長期的「財富組合」，要優質，要平衡，要適合你的年齡與風險承受程度，不同資產類都要有，好似優質股、物業等。

持股中，唔可以太集中個別股票，同一行業不能太多，同一股不能太多。

此刻整體物業算是合理區頂，相對股票值博率較低，所以又唔需要話好急去買入，投資值博率算是中等，當然，如果你見到較有質素，回報理想的物業，其實又不是不可考慮。而長線，你都要將佢加入財富組合當中，成個組合平衡性才算理想。

------------------------------------------------

Q21328：

龔Sir 您好！近排買咗你的一本書，開始留意股市，我想入高增長的股票，但資金不多$5-$8萬左右

有一手快手，想望長綫，無時間長期留意股市波動，建議入咩組合？

龔成老師：

你唔好只集中在高增長股，我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你部分資金買入高增長股是可以的。

快手（1024）可長線，但上市後一直都貴，注意風險。不要心急加注。

另外可考慮盈富（2800）、恆生科指ETF（3067）。潛力股投資要慢慢用資金，不要急。

------------------------------------------------

Q21329：

老師，早前聽你分析一篇是有關人士尚欠10年退休，應如何處理退休計劃。

你提及若基金有高回報，可考慮退保轉移收息股。

我以前同朋友買落一些基金單，過去回報真係麻麻，但最近終於超越我的供款額，我計劃停供兼考慮申請退保，取回本金轉買你建議的收息股，十年後成效會否顯著？

但還有一些基金單早已停供，但退保費用尚高（要足20年才沒有，現時退保費達41%）。但係未回本兼一早已停供，應否提早贖回此單買其他如2800，起碼不會被每月基金手續費蠶食本金？

本人一向好節儉，但不懂投資，到今日開始認真思考未來退休生活費。慶幸認識你才檢討自己投資方向，希望有所改善。

過去經驗令我現在對基金單有所保留，雖然回報可以好高，但亦可以蝕到入肉。所以自己入行後從沒建議人客買，除非人客有能力選擇基金 。

但若我只集中股票投資，又會否有危機？最近有朋友常説股票市場未崩是阿爺出手，叫我有賺就放。但聽完富途牛牛老師分享，更堅定長線投資。不過始終心不夠定，因自己已不年輕，希望老師俾一些啓發，謝謝。

龔成老師：

基金有好多種的，因此，好難一次過講基金是好還是壞，有些基金的回報可以跑贏市場，但同時有些都可以遠差過市場。

你最重要考慮翻該基金，佢本身的投資策略，投資那些市場或產品，以及過往5-10年的回報，比起一般投資市場回報是好是壞，如果回報較差，就要考慮轉。

不過，你話有些基金單已停供，但退保費用尚高（要足20年才沒有，現時退保費達41%），你就要睇翻仍有多少年要等，如果等的年期不多，就可以等。

其實在概念上，以及比較那個投資決定上，最重要是你要分析「之後的組合情況」，不是過去，是將來。應該持有那些項目，比例如何，能為你帶來怎樣的長期財富。

你最重要建立一個平衡配置，不要只集中在過往的虧損。首先，你每一份基金去分析翻，個別的質素怎樣，如果質素不佳同時又無特別賣出的限制，就轉其他工具。（你要問清楚，如果賣出相關基金，會有那些罰款，能夠取回多少本金）。

如果讓基金過往表現不差，有質最素，件就可以繼續持有。

之後可以將資金，部分投資股票，只要投資優質股，長線，其實不用擔心，同時你不用太著重短期因素。最簡單是選一些ETF，如盈富（2800）、高息基金（3110），這些ETF的管理費，比一般的基金較低，因此長遠對你的回報較高。

我相信ETF比較適合你，因為彈性比較高。

------------------------------------------------

Q21330：

阿sir你好！我最近係度調整緊月供計劃，total每月有9千蚊，有剩希望儲現金，麻煩你幫手睇睇咁樣嘅組合會唔會太分散？係唔係唔太好？幫手俾啲意見，唔該！

1. 3067 – HKD$2,000（手動月供）
2. 0700 – HKD$1,000

3. 0003, 0823, 0388, 2388, 1928, 1177, 2800, 1810, 2020, 3188 – 各HKD$500

4. IAU & SLV, BTC – 各HKD$500（通過美股同虛擬貨幣平台手動月供）

龔成老師：

你月供恆生科指（3067）及騰訊（0700）無問題，不過都要明白3067是潛力基金，佔組合比例不能過多。

至於0003, 0823, 0388, 2388, 1928, 1177, 2800, 1810, 2020, 3188 – 各HKD$500。你供得有點散，要好長時間先有一定的貨。

建議你集中翻少少，例如每隻供$1000，減少隻數。其實當中都是有質素的股票，都可以選擇，你睇翻自己較睇好那隻，以及自己的投資目標及風險程度。

至於IAU & SLV，即是間接投資黃金與白銀，長遠都可以，因為貴金屬都可以在我地的財富組合中，佔一個比例，但就不會太多，如果你每月合共$1000，佔你每月投資比例10%，開始有點多，調整翻去到5%較好。

至於BTC這類虛擬貨幣，我不是這方面的專家，所以我太大意見。

以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

這些人為創造的貨幣，因為關注度由很少變得大，價格會大升，但這背後是否有真正的支持，我不知道。只能說，投資這些貨幣，投機味好重，可能大賺，亦可能蝕到一文不值，因為，當中有沒有價格，我不知道。

但這不代表佢無價值，佢可能好勁，只是我自己不知佢好勁定好差。

佢長遠的價值，取決於「有多少人用」，即是說，雖然無真實價值，但可以有「交易價值」，如果長遠好多人用，的確可能有高價值。

因此，這些虛擬貨幣，由於我無法作出專業分析，所以，我不會投資。

但如果你分析到佢長遠的交易大，大家都持續關注，就有價值，就值得你投資。如果你睇好，小注每月投資，不是不可的。

------------------------------------------------

Q21331：

多謝老師一路以黎既教導 你個page 充滿正能量 哈～（對我黎講）

龔成老師：

加油！

我出書，不斷做分享，在FB不斷發放正能量，正正是這個目的，你要做好自己，影響其他人。加油！

------------------------------------------------

Q21332：

阿sir 我份人比教保守但又想搭到快車 起望資產有所增值

所以我想有一半買3067
但另一半可以買邊隻潛力股

因為好多新經濟潛力股都銀碼太高 所買股份唔多，長遠增值唔大

我睇中必瘦站 佢而家係疫情下重可以擴展 同埋減肥 美容 係唔會冇人去做 加上佢銀碼唔大 大約6蚊
你意見如何？

龔成老師：

你要清楚翻投資概念，如果你風險承受能力較低，就唔應該投資潛力類的股票。

因為風險與回報一定成正比的，你要清楚翻這一點。

記住，我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

如果你承受風險能力不太高，就可能要將恆生科指ETF（3067）改為投資其他，如盈富（2800）。

當我地建立組合後，就長期持有，不是買賣賺差價，而是成為你財富組合一部分。

另外你要記住，入場費的大小，以及股價數字大小，與平貴度，無關！

至於必瘦站（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

你預$4是合理區頂，這股有長線投資價值。

如果你真的想買入，就等回少少先，小注，之後等落翻$4左右先正式買入。

------------------------------------------------

Q21333：

龔sir，用三十萬炒股，最近半年接觸衍生工具，已輸左HKD十萬,有咩方法可以可以追番血汗錢

龔成老師：

記住，財不入急門，你愈心急想追翻，就愈危險。這刻你應該停一停，冷靜翻，增加翻投資知識先，唔好太心急再投資。

其實我20年前，都玩衍生工具，玩左幾年，輸足幾年，之後長線投資，就開始不斷賺錢。

我之後做銀行同證券行，見大部分輸錢的客，都是偏向短炒，及投資衍生工具的。

這刻，你停一停先，之後長遠計，你要建立一個長期的「財富組合」，要優質，要平衡，要適合你的年齡與風險承受程度。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

------------------------------------------------

Q21334：

老師! 我買的保險有儲蓄成份的。我有3份，第1份$ 20萬2022年9月到期$20萬，到期可取$24萬幾，可將筆$供第三份保險。

第2份2026年頭到期，比現在供款大约多$23萬，到時可取~$74萬。第3份$100萬，若10年不取，大约有$ 149萬。整體有~4-5厘息。所以4年後，只有1份100萬的保險。

你建議我們持股要長線才能赚得多D，但退休後冇收入，靠收息過活，始終都需要賣股票，那何時才是適當時間賣? 若不賣，可能到時人在天堂，股票在銀行!

龔成老師：

如果現時保險類太多，你要睇下點樣調整佢，但持有多少，其實好個人化，因為這類有儲蓄成份的保險，可說是一些防守性產品，對一些好怕風險的人，持有較多都可以，但如果能承受基本風險，其實不應持有太多，可考慮將資金投資其他工具，會更好。

如果你這刻在配置上，股票等增值類資產不多，你應該等2022年該份保持到期後，將資金轉到股票，建立一個更為攻守兼備的組合。

至於另外的第2、3份，就可照原定計劃進行。

另外，當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

因此，當你退休時，就能以不同的資產，去獲得持續的現金流。

------------------------------------------------

Q21335：

請問老師2588現價位值得入市嗎？留意了它一段時間，之前因市場炒疫苗復蘇已炒到當年的高位81，但現價已漸漸回落，請問現價71值得入市嗎？

龔成老師：

中銀航空租賃（2588）本身質素不算差，但又未到好好，主要原因是負債太高。佢利用高槓杆的模式，進行飛機租賃等業務。

即是借錢，買飛機，再租出給飛機公司。

現時航空業不景，對佢有影響，加上佢利用槓杆，風險點都會有。不過，這只是中短期情況，長遠仍是不差的。

現價算是合理價，但投資注碼不能多。

------------------------------------------------

Q21336：

龔sir, 你好，我係新手投資，聽某股評人8.1高追入了1760英恒科技，我有睇過1760的業務，基本面好像不錯的。

所以一直抱著希望會回升，但股票卻一直向下，現已蝕了五成本金。

請求老師對此股給點意見及睇法，感激不盡。

龔成老師︰

我地買入一隻股票，一定要知道佢質素、行業前景、財務狀況等，才去投資。唔好單憑消息，就去做投資決定，咁係好危險。

英恒科技（1760）算係有危有機類的股票。這股質素不算高，但都未去到劣質，而你最大的問題，是在好貴的價位買入，因此，要上翻去並不是易事。

佢業務主要於中國提供汽車電子解決方案，客戶為汽車行業的原設備製造商、一線及其他供應商。例如新能源、車身控制、安全、動力傳動等。

過往財務數據只是一般，未算強，市場主要炒佢新能源汽車業務。

佢之前有集資去開發集團在新能源汽車及高級駕駛輔助系統（ＡＤＡＳ）方面的服務平台，特別是加強研發實力，包括智能駕駛軟件平台搭建、電動車電控系統軟件的研發、半導體功率器件定制化研發。

此股唔係話無質素，只是業務始終有不確定性。若你持貨不多，可以守。但若持貨較多，可以等有反彈時，沽出部份，去平衡個風險。

在將來再投資其他股票前，你先要問問自已。你到底知唔知間公司做乜生意、間公司點賺錢、行內有乜優勢、點解未來有發展和增長潛力。

若果答唔倒自己，就必需要停一停，唔好投資住。

------------------------------------------------

Q21337 ：

你好，龔sir

1. 我買左2018，平均價55蚊，佢近期業績不錯，請問可否返家鄉。

2. 另外347近期有營利，股價會否再繼續上漲？我平均價9蚊。謝謝你

龔成老師︰

1) 瑞聲科技（2018）不差的，本身有一定的規模與技術，長遠發展正面，不過，佢增長力不是好強，只能視為平穩增長類別。

佢業績算係可以，此股有質素，可長線持有。要回到你買入價，相信係可以。但由於增長力不及以往，所以要比多點耐心。

2) 鞍鋼股份（0347）本質屬中等，但有較受大環境影響。佢始終這只是商品企業，沒有一些太大的優勢。近年盈利上落較大，難以達到穩定生意與盈利的投資擬標。

所以整體的投資價值只是中等。這類股，長遠投資價值不算高，但又不是劣質，一般不建議佔組合比例太多。

若佢佔你組合比重較高，我建議你當有反彈，就沽出部份，來減低風險。

你要記住，我地投資時，唔好太過睇重短期因素，要長線咁分析。鞍鋼股份（0347）係2020年公布盈利係多左，但你睇多幾年，會發現佢盈利其實好波動。

另外，我見你對股票點定平貴的概念，唔係太強。建議你再投資其他股票時，可以考慮用月供方法，去平衡這個買貴貨的風險。

------------------------------------------------

Q21338：

Hi 成兄，我留意左你一段時間，前日我買左第一本你既書《80後2百萬富翁》，睇到一半，真心覺得你好有毅力去做每一件事。

而我亦都係上年係股票輸左成50萬，而家要每個月還$14000，人工每個月只係$34000。

小弟只係一個公務員，但唔甘心維持現狀，而家努力儲緊啟動資金、另一邊亦都睇緊啲理財、投資既書，唔想比自己再衰多次。

但係公務員有啲限制，而自己無咩技能，但黎緊會報啲有關電力既野，亦都會慢慢報下其他課程。

但係小弟已經30歲，果50萬要還到34歲，好似有啲唔夠時間用咁，想係呢4年努力返少少儲返多啲資金，再進軍股票世界。

因之前買輪及牛熊輸，到最後都係覺得買正股、潛力股先有增長，亦明白到貪字真係得個貧。

龔成老師︰

緊記，短炒唔係一個正確的投資方法。窩輪及牛熊證這些工具好複雜，唔好再用。

過去的事情，就由得它過去。最重要係你上了寶貴一課後，明白到何謂正確的投資理念，加上你已開始努力學習相關知識，算得上係向成功踏出一大步。

你現在才30歲，絕對有足夠時間讓你做好財富增值。

現時你負債雖然係可以還到34歲，但若果個貸款息率係較高，最好在投資前，先還清。因為高債息，長線會拖低你投資回報率，影響成個財富增值效果。

之後，你唔一定要等到儲到一筆較大的啟動資金，才開始投資計劃。你可以先用月供方法，去邊入貨，邊儲錢。我相信咁做，會較有效率。

以你30歲，可以選擇一些「平穩增值股」+「潛力股」作投資目標。

以現時大市合理區狀況，月供最好係先用一半每月儲蓄，另一半就先儲起架策略。

由於你投資知識不算好高，因此我建議你先集中係平穩增長類股。至於潛力股，只宜小小注(約佔組合3成)，等到你提高投資知識後，先慢慢增加翻潛力股比例。

至於，每月儲下現金，就是等大跌市時出手。如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q21339：

龔sir，我之前$61入左1000股9633，和$16入左3500股6993，仲有得守嗎？

龔成老師︰

農夫山泉（9633）有質素的。

是中國包裝飲用水及飲料的龍頭企業，旗下品牌包括農夫山泉、東方樹葉、尖叫等。佢係中國擁有10個區域取水許可證，並在其周邊建立生產基地。

其產品覆蓋包裝飲用水、茶飲料、功能飲料及果汁飲料等類別。根據弗若斯特沙利文報告，2012年至2019年間，連續八年保持中國包裝飲用水市場佔有率第一的領導地位。

業務上，的確有吸引力的，不過，我一向都新股半新股都無興趣，因為真實面要慢慢先見到。此股可投資，但只建議持有小注，同時你要明白當中的風險。

而藍月亮（6993）都係有質素的。

佢有「中國P&G」之稱，成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一，分別為24%、28%、17%。

雖然你買貴左，但由於佢地都係有質素，你可以守。若果佢地佔你組合比重較高，可以考慮沽出部份，去平衡個風險。

但緊記，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

------------------------------------------------

Q21340：

龔成老師你好，好多謝你好用心解答網友問題，雖然睇左咁多，我都有問題想向你請教，先謝謝你。

我33歲,收入約35k, 而家持有月供股2800、2318和0012。每隻$500。

1. 可能係太少，我唔知大約供幾多先好？

2. 現時唔多負擔，係每月要俾約8k家用。所以想請教你我點樣分配先好？

3. 係咪要買多d,同埋加多隻比亞迪呢？ 感謝

龔成老師︰

1) 我地做財富增值，目標係首先累積起一筆財富。到退休時，再換成收息資產，去支持後的退休生活。

以你現時33歲，應先努力做好增值個部份。因此，你每月有空閒資金，我建議都盡量投放在財富增值之用。

至於比例佔收入多少，無一個絕對的答案。你可以視乎你自己情況，作出調節。

但你33歲，係財富增長的黃金期，以你收入來說，其實可以將更多資金用作投資。

2) 以你33歲計，可以選擇一些「平穩增值股」+「潛力股」作投資目標。你現時月供的盈富（2800）、恆基（0012）、平安(2318)都可以。

但每隻月供股票銀碼上，要提高少少，最少要$1000。因為每隻的供款太低，會變相令月供成本佔比增加，影響你長線回報。

以現時大市合理區狀況，月供最好用一半每月儲蓄，另一半就先儲起架策略。

另外，你都要加翻D「潛力股」，去提升個組合增長力。但「潛力股」始終有一定波動性，若你投資知識不高，可先集中在平穩增長類股。

至於潛力股，就先小注(約佔比重3成)。到你提高左投資知識，先慢慢增加翻潛力股比例。

每月儲下現金，我地就是等大跌市時才出手，並長線持有。

3) 比亞迪(1211)都係一隻好有質素的潛力股，但現價偏貴。想月供的話，最好等佢回到$120先考慮。

若你真係對新能車股票好有興趣，可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，故此股有一定投資價值。

此股有潛力度，你預佢會比較波動，但有長線投資價值。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

疫情衝擊之下
股票還狂漲
看來是時候all in了(誤)
我是說是時候推出一系列的投資小教室了xD
........................................
IG: charmingteacherbonnie (Bonnie老師)
粉絲專頁: 寶妮老師
https://www.facebook.com/%E5%AF%B6%E5%A6%AE%E8%80%81%E5%B8%AB-Charming-Teacher-Bonnie-290462364959770/
PODCAST
Firstory: https://ppt.cc/f2Z9Jx​​
KKbox: https://reurl.cc/ra0Nv1​​
Spotify: https://reurl.cc/WEbpN7​​
Apple podcast: https://reurl.cc/OX6xr9​​
Google podcast: https://reurl.cc/V32y06​​
Pocket cast: https://pca.st/fp7r1tcr​

👍🏻支持 訂閱 按讚 分享優質頻道 @北極星說故事 ➡️➡️➡️https://reurl.cc/o95RWg
👍🏻支持 訂閱 按讚 分享優質可愛療癒 蹦啾 Q寶兔兔頻道 @姊小鳳 頻道 ➡️➡️➡️https://reurl.cc/GdKjMD
-
💰 https://p.ecpay.com.tw/C12D4 (綠界)
糧草小額贊助連結，您的支持是我們努力的動力！
(安全隱密可靠：信用卡、ATM、網路ATM、超商)

PAYPAL糧草贊助 https://www.paypal.com/paypalme/MrHistoryBro
或KHMrHistory99@gmail.com

【商業合作】歷史哥官方信箱 KHMrHistory99@gmail.com

加入會員～抗黃標！穩定糧草供應！
★加入歷史哥會員 https://www.youtube.com/channel/UCOSmkVK2xsihzKXQgiXPS4w/join
☆加入小邦仔會員 https://www.youtube.com/channel/UCdD7GT_lN25Ni1P2UUnK1yA/join

購買文創小物。可愛貼圖！募集糧草！
蝦皮商城【歷史哥同樂會】 https://shopee.tw/2olfqy9rc8
歷史哥LINE貼圖 https://store.line.me/stickershop/product/12252926

【節目分段】
0:00​ 設備調整、閒聊
19:40 節目開始、北京如何證明和平發展讓台灣放心？
25:43 于將軍如何看新疆棉事件？
38:12 科普台美海巡備忘錄、海巡署背景與運作
52:32 台美海巡備忘錄也可以解決和日本、菲律賓衝突？
1:03:30 學數學、微積分沒有用？用不到和沒有用是兩回事！
1:13:38 台灣的學習方式有問題？教改讓學生越來越累？
1:19:38 職業傳承？醫生的小孩也是醫生？台灣和西方的教育差異
1:25:05 沒讀大學被看不起？讀完大學專業性不夠？沒經驗也沒應用機會
1:35:07 于將軍上過雜誌？做過台灣最難做的直銷？要把被拘束的靈魂放出來？
1:46:49 做節目還是要開心一點！聊聊做節目的心得

☆【SoundClub】邀請碼HBR1；@Historybro
★【Clubhouse】@Historybro
☆主頻【高雄歷史哥】 https://www.youtube.com/user/sungastill
★副頻【歷史哥生活】 https://www.youtube.com/channel/UCdD7GT_lN25Ni1P2UUnK1yA
☆FB粉專【澄清唬】 https://reurl.cc/72lYeD
★FB在地生活版【Care高雄】 https://reurl.cc/d0D1Zq
●TG官方頻道 https://reurl.cc/625jO5 (最新訊息推播)
○TG官方回報群 https://reurl.cc/mnDRVj (TG問題回報)
●TG粉絲討論群 https://reurl.cc/0o147o (粉絲聊天室)
△推特 Twitter官方 https://twitter.com/MrHisBro
▲IG官方 https://www.instagram.com/mrhisbro/
△Twitch圖奇 https://www.twitch.tv/mrhisbro

#輕鬆談話性節目
#歷史哥x于北辰將軍
#天南地北聊開勳
#跨世代交流

【2020如何建立出色的個人品牌?】無論你做任何網賺都必需要學懂的事！
個人品牌的重要性在要，它能應用在大部份的生意上。
一個好的personal branding能把你的貨品升價10倍。
特別是做小資生意，當沒人大財團的支持下
懂得以技巧取勝，是非常重要。

.
收看更多免費教學影片？Share，Subscribe + Like 吧！
更多有關創業的影片可拉到下面
⚠️【中文字幕請到右下方開啓】⚠️

================================

?【IG發帖懶人包】https://bit.ly/ig-easy
?【IG創業速成™】課程2.0 - 不只是增粉 https://bit.ly/course-ig2
?免費下載：INSTAGRAM創業-新手必讀手冊 https://livigrace.online/free/
?Instagram 找我： IG創業話題 @livigrace.co 生活個人成長 @livigrace.online
?想發問？加入面書群組，互相支持 http://bit.ly/thebosssquadhk
?了解更多 https://livigrace.online/

================================

?重點影片
// 我的創業故事 （朝9晚6小資女必看）
https://youtu.be/s1YYlpeN7iQ
//如何IG天然增粉2倍- (真人粉絲，賺真錢！)
https://youtu.be/84MszvXeY5s
//1天內製作30天高質IG帖文（天天發帖文，不再擔心沒靈感了！）
https://youtu.be/MUkMH39MAjA
// Instagram Tips 增加客流量＋暴光 實用5招
https://youtu.be/lKuTTeI43Sw
// Niche 如何設定 "明確"目標客群
https://youtu.be/gIuV_WV5zog
// IG愈多followers =愈多生意？（想用 IG 賺錢的人注意）
https://youtu.be/pT6x2cxr6Es
// IG followers又升又跌點算好？如個破解？
https://youtu.be/CQg3MOFzupQ

================================

?Affiliate (自用覺得好才推薦給大家）

// Canva - 最愛的造圖工具(Youtube thumbnail, IG帖文限動都可）
用此連結有額外積分喔➡ https://livigrace.online/tools/
// Tubebuddy - 經營YouTube好幫手
https://livigrace.online/tools/
//拍攝工具：BOYA麥克風（性價比高，非常適合新手)
https://livigrace.online/tools/
//【 SPARKSINE 精選閱讀APP】- 發帖文沒靈感？別再"參考"別人的IG了！
高質有價值的IG帖文好幫手
https://livigrace.online/tools/
➡ 以節扣碼「LIVIGRACE」年費訂閱即減HKD30

---

免責聲明：以上部分工具已參與聯盟營銷計劃。
當閣下購買時LIVIGRACE.CO將會因此賺取佣金。




#創業 #副業 #朝9晚6 #2019 #增加收入 #businesscoaching #onlinebusiness #digitalnomad
#銷售 #onlinecourse #businessowner #instagramtips




https://youtu.be/zXidclrrc5c