【影視】日裔歌手澤山璃奈將擔任《John Wick 4》女主角 據外媒《Deadline》報導，英藉日裔歌手澤山璃奈（Rina Sawayama）將於Keanu Reeves主演電影《John Wick 4》擔任女主角，同時亦係Rian進軍荷里活首部作品，預計2022年5月上映。 今年30歲嘅Rina出生於日本，5歲時移民英國，畢業於劍橋大學抹大拉學院，修讀政治學、心理學及社會學。成為歌手前曾做過短期Model，期後加入Hip-Hop組合「Lazy Lion」，2013年推出個人單曲《Sleeping in Walking》，上年更推出首張個人同名專輯《Sawayama》。 《John Wick》系列導演Chad Stahelski表示：「好高興Rina加入《John Wick 4》，佢係一個非常有才華嘅藝人，將為電影帶嚟更多驚嚇。」電影將於今年夏天遠赴法國、德國及日本多地拍攝，預計2022年5月上映。 #JohnWick #KeanuReeves #RinaSawayama

慎入！這是一個網絡送死Post 今日睇到《立場新聞》嘅新聞，記者表示希望响選舉前席約倫敦市長Sadiq Khan做訪問，可惜四次都被「放飛機」，然後出文詳細講解時序。係人都知本人（暫時）係傾向支持保守黨，不過唔打算從工黨或者保守黨政治立場或者方向去討論呢件事，因為咁樣好容易跌入「工黨奶啦」或「保守黨幫香港人加油」呢啲自圓其說嘅心態。 坦白講，傳媒响選舉前約見候選人係好正常嘅事，而因為可以利用傳媒做曲線競選廣告，候選人多數都願意去迎合。作為响當地新建立嘅媒體，呢個算係一個好開始，不過，要清楚嘅係英國有無數咁多傳媒，剩係全國性印刷版嘅報紙，大大少少超過十份，計埋地區性免費或者收費嘅就多到數唔到（倫敦就特別多）。如果網媒嘅話，其本上就好似肉麻愛情故事語錄一樣「恍如天上繁星」。咁呢個就係業內競爭，而唔係「點解唔理我」嘅問題。 如果講到競選連任嘅Sadiq Khan嘅愛理不理「甩底」姿態同保守黨候選人Shaun Bailey好似黃大仙有求必應嘅態度好唔同，咁到底有無了解過倫敦市場嘅職務係咩？當地選民注重嘅議題係乜？現時競選嘅形勢同生態又係點？ 倫敦市長嘅職責同特首或者以前港督好唔同嘅，係交通、治安、社區福利（唔係市民福利）、旅遊推廣等等嘅民生事務，而廿個候人裡面最有機會嘅只有三個，民意支持度最高嘅仍然係工黨嘅Sadiq Khan（45%以上，容易啲明嘅就睇賠率1/50），排第二嘅係保守黨嘅Shaun Bailey（26%，20賠打外），而排第三嘅係自由民主黨嘅Luisa Porritt（8%，66賠過外），新進黑馬就係右翼藝人鬧交界KOL Laurence Fox（唔知點解民調好低但賠率都有60賠）。 先唔好講選情，剩係競選政剛，Sadiq Khan主要係希望疫情後注重投放資源簡化大型公共設施出入，推廣倫敦旅遊業順便幫助就業不足嘅市民重投工作。而Shaun Bailey需然都係後疫情民生議題，但就多咗一項針對現任嘅Sadiq Khan，要解決治安問題，除咗加強警力之外就係配合保守黨嘅政策令警察可以容易"stop and search"（左翼因為怕警權過大係唔多鍾意嘅）。Laurence Fox就再特別啲，反對市長「抗疫L」政策同倫敦左膠思潮。 唔想用「睇唔起香港人囉」去理解，因為係英國地方選舉視角問題。首先，香港人佔倫敦幾多人口？雖然「每一票係好重要」係人都識講，但競選現實係睇邊個，接近贏硬嘅Sadiq Khan要嘅係保住現有嘅支持者，响倫敦講慘講難生活，數到腳趾尾都未輪到香港人（亦相信無人想）。如果大家係Sadiq Khan，你會選擇同本地傳媒解釋自己唔係左膠，亦都重視治安同警務，還是同香港傳媒講「香港人加油」或者旅遊廣告一樣講晒廣東話咁「我代表倫敦歡迎你」？相反，作為挑戰者嘅Shaun Bailey就真係一票都不能少，咁緊係會有唔同態度吧。 講到尾，香港人去到英國（或者倫敦）生活，乜唔係應該當自己係一個英國人，選市長或者區議員改善整個社區嘅民生問題咩？點解要全個地區遷就「香港人乜乜乜」呢？咁係為個地區好，對地極少數嘅香港人著想，還是為聽句口號爽？地方政府喎，唔係下議院有外交、內政、房屋政策權㗎，如果硬係要嘅話，點解唔去聯絡唯一下議院補選嘅Hartlepool嘅候選人？再唔係，點解唔試下揾有機會或者可能成為蘇格蘭獨立後第一個總理Nicola Sturgeon，問下佢蘇格蘭萬一獨立後嘅外交姿態，或者會唔會特別照顧香港人？ 最後，可以好坦白咁講，唔好話香港人，就算整個華人社區，因為從來對社區或者政府參與度太底，現時响英國政治力量係細到睇唔到。如果要擴大影響力嘅話並唔可以永遠「賣慘」或者情緒勒索然後打飛機。大把來自其他國家移民（難民）無論响祖家或者响英國都慘到爆，況且永遠做求人嗰個係無用嘅，更可悲嘅係大把人排前面求緊，而齋有錢亦都唔係大晒，除咗要用時間融入社區，更現實嘅係要技術、金錢同政治技巧再加選票（唔係圍內，仲要令當地人投票支持）... #如果講真話希望有改變係放負的話 #呢個肯定係放負Post #可以批鬥我了

21/12-27/12 新聞概要 21/12 -警九龍城截查五少年，14歲男被指企圖搶槍，三人被捕二人逃脫 -10.27黃埔遭搜出錘子，理大時裝設計女學生非法集結等三罪罪成，囚8個月 -禁蒙面法政府終極勝訴 -記協司法覆核警阻礙採訪，高院裁定敗訴 -羅冠聰決定在英申請政治庇護 -法國頭號通緝犯正匿藏香港，曾以斧頭殺人 -政府曾斥「武肺」字眼污名化，陳肇始今以「英國病毒」稱呼變種病毒 -政府午夜起禁英國客機抵港，限聚令、晚市禁堂食等橫跨聖誕新年 -拒向內地封關，政府今禁在英港人回港 -李偲嫣丈夫謝鋮浚確診，現正被安排送院 -本港新增85宗確診，包括78宗本地個案，累計8234宗 22/12 -10.1荃灣中槍，曾志健今未現身審訊，受訪稱曾赴美領館求助被拒，在英組織指正流亡、自由生活中 -警故意向直播鏡頭展示《立場》記者身份證，私隱專員裁定違例 -19歲男學生事隔一年被起訴 ，被控拒捕等四罪 -男警稱被鐳射筆照射致視力模糊仍堅持駕駛警車，因不覺有危險 -國安法後34人向英國尋求庇護，較以往每季個位數急升，一名申請者未夠18歲 -北京擬取消117個區議員選委席位，防民主派左右2022年特首選舉 -台灣錄1本地確診，打破253日零本地感染紀錄 -電視直播接種武肺新疫苗，拜登冀鼓勵民眾接種 -美國土安全部代理部長指歡迎香港難民，將加強對華限制 -東九龍總區女警初步確診，感到不適仍與社區組織開會 -牛頭角分區軍裝男警初步確診，同日內第二名警員染疫 -本港新增63宗確診，包括53宗本地個案，累計8297宗 23/12 -國安法指定法官李運騰准黎智英保釋，須禁足禁受訪 -踢保逾一年再被捕，22歲男被控暴動、刑毀 -認元朗警署外放沾天拿水報紙碎刑恐，中年會計師判囚8星期 -人大或要求區議員宣誓，岑敖暉指早料或被DQ，預計涉過百區議員 -曾稱市民不能選擇疫苗種類，今改口「有得揀」，林鄭指可能表達唔清楚 -周柏豪雨傘時指「這只是開始」，去年悼梁凌杰，今對阿叻稱不識黃之鋒 -西區軍裝男警初步確診，兩日內第三名警員染疫 -平田邨平誠樓須強制檢測；兩留學生樣本與英變種病毒株吻合 -本港新增53宗確診，包括47宗本地個案，累計8350宗 24/12 -遭警棍扑爆頭，男子被控藏雷射筆脫罪 -認破壞將軍澳站，兩男判囚26個月 -警沙田拘兩13歲少年，指涉嫌管有仿製槍械，搜出氣槍等武器 -律政司向終院提上訴，申候訊期間繼續羈柙黎智英 -逃走確診者李運強被起訴，官准保釋 -被指藏「戰術筆」摺刀被控，16歲學生被判無罪 -認觀塘警署外藏醋、酒精，16歲女生判更生中心 -孫楊8年禁賽令遭瑞士最高法院推翻，發還國際體育仲裁法庭重審 -王宗堯成「哩騷」首位包薪合約藝人，杜汶澤冀建立「黃色娛樂圈」 -警察總部一女文員初步確診，曾緊密接觸警員須檢疫 -國產科興疫苗押後發佈數據，陳肇始指或延遲抵港 -本港新增71宗確診，包括61宗本地個案，累計8421宗 25/12 -12港人家屬獲官派律師通知，12.28鹽田法院開審；家屬譴責秘密審訊，要求公開庭審、港府派人旁聽 12 港人送中深圳開審，保安局指正了解更多審訊情況，未回應會否派員旁聽 -向華強父子申「依親居留」台灣，妻陳嵐指方便隨時入台，無移民打算 -觀塘花園大廈玉蓮臺強制檢測 -本港新增57宗確診，包括55宗本地個案，累計8478宗 26/12 -內地抵制「洋節」，綜藝節目聖誕樹、裝飾「打格」 -中國累積逾千萬人移民海外，美日加最受歡迎 -日本下周一起暫停外國人入境，至明年1月底 -多國發現變種病毒個案 -聯合醫院懷安科病房爆疫，共15病人職員感染；袁國勇指一病人為超級傳播者 -增一宗英國來港變種病毒個案 -觀塘玉蓮臺二座今強制檢測，居民稱四座相通「你做一座有鬼用咩」 -本港新增59宗確診，包括53宗本地個案，累計8537宗 27/12 -聶德權指公務員拒簽聲明有申辯機會�，稱有現職公務員主動要求「快點宣誓」 -譚耀宗指人大常委會上、私下均無討論DQ區議員，暫未知下次會議議程 -聯合醫院群組增至19宗，兩週內曾到2D病房及深切治療部人士須強制檢測 -本港新增70宗確診，包括69宗本地個案，累計8607宗