[gfmurmur9876] 我同佢一齊咗半年左右，喺交友App識。佢之前有一個一齊咗幾年嘅女朋友，分咗手大概半年先同我一齊，佢好愛佢前女友，分手之後好難先走到出嚟。 我哋一直相處都唔錯，好多嘢都夾嘅，佢人工唔差，畢業出嚟做咗幾年就差唔多搵4萬，仲好識搞驚喜，不過脾氣就嘛嘛，佢以前就係因為脾氣唔好，搞到ex頂唔順所以分手。 一齊無幾耐就同佢搬咗出嚟住，有時都會同佢煮下飯仔，幾sweet。佢個人好social type，成日約班friends上嚟食飯、打牌、飲酒，我喺佢班friends心目中都應該唔錯，不過有次我好奇趁佢去沖涼，偷睇咗佢whatsapp，見到佢同朋友(A)講其實最想同住嘅係前女友，當時心情係晴天霹靂，好失望同唔知點算，但驚比佢發現我偷睇佢電話就嗱嗱臨放返好。 件事一直喺我心入面好耐都唔敢同佢提，之後又比我發現另一件事，佢同另一個friend(B)講，見到(A)一直同條女曬命就憎，佢同ex分手嗰陣幾傷心幾難過，阿(A)咁啱溝到女，掛住拍拖冇理佢感受，話(A)又窮又7又毒咁都溝到女，(A)同條女嘈交係令佢哋分手嘅好機會，等(A)受下佢當時嘅感受，所以佢係咁喺ig story upload我哋嘅嘢。知道呢件事之後比我感覺佢同我一齊係為咗同佢啲friends曬命，有時會叫我特登做啲sweet嘢，影拖手相，禮物相呢啲都正常，但有啲係我唔想做嘅嘢，例如佢啲friends上到嚟我要打點埋佢哋要用嘅嘢；我返晏佢返早嘅時候都要我晨早起身整早餐比佢食；放咗工已經好攰（我有講過唔想）仲要煮埋佢第二朝返工嘅飯，目的係為咗曬比佢啲friends睇。 事實上我哋都有嗌交位，但係我就要喺佢啲friends面前扮到同佢感情好好，冇拗撬咁。其實佢肯放低ex同對個friend嘅事，係個好好嘅男朋友，性格同觀念都算夾，如果佢keep住有得升，人工絕對夠以後穩定生活，到時我可以唔使咁辛苦出嚟做嘢，間唔中佢又會送下小禮物、搞下驚喜，有試過送啲名貴嘅禮物忝，宜家租屋嗰到都係佢俾，係個有搏頭、值得付托終生嘅男人，但係呢兩件事一直喺個心入面好唔舒服，唔知點做好，攤出嚟講又驚佢話返我偷睇佢電話發返我脾氣。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶