【龔成問答信箱】（Q17541-Q17560）

Q17541：

你好，而家我覺得人生好迷失，我畢業就出黎創業，到而家28歲結束所有生意，跟住做過跟車保安好多吾同散工，為左救交租，為左生活，當中落差，我覺得好難受

人生好似已經無意義，過往創業無打工和工作經驗，都吾知點樣靠打工搵到錢，原本選讀左建造業課程，但身體腰骨天生吾好

長期太勞動又頂吾順，岩岩申請左公屋，不過單人申請要好長時間，當初因為做生意不利，所有股票都賣曬，我應該點做?

1.學一種外語，裝備自己，去外地發展

2.返澳門安穩打份工，夜晚去澳門隊訓練，打波係我鍾意既運動，不過就無錢途，不過人會較開心和輕鬆

3.繼續留係香港，可能試下搵政府工安穩工作。

因為就30歲，都吾知可以點做。

龔成老師：

我反而睇到，你比人擁有的優勢。

你試過創業，反映你有一定的生意經驗，要成功一盤成功的大生意，一般都要經歷幾次生意失敗，你已經行在相關的路道上，之後睇你的心態。

你已經得到比同年人更多的生意經驗，之後就睇你有無本事用出來。

另外，你提到會「返澳門」或「留香港」，即是你是一個兩邊地區都有住過，有聯繫的人，你可以從這些方向去尋找生意機會。

同時，你提到「去外地發展」，反映你的心態是能夠向外發展，你的視野並不是窄的，你要好好想一些不止是香港的生意。我想信以你內在的潛力，並不是跟車保安同散工，試試想得更闊。

如果你認為28歲結束所有生意，就等如你無生意能力，你就錯，因為做生意有失敗是好正常的，你唔好因為咁樣就否定自己。加油！

------------------------------------------------

Q17542：

龔sir，你好，我兒子現在是一位F.4學生,他非常有興趣於股票及基金市場的這些投資活動, 現在亦開始學習怎樣有技巧地買賣股票！

請問這類型學生如果將來讀大學的話，那一科目會是關於這類型投資的事項可以介紹入讀？

還有，請問如果他將來都向這方面發展的話，他的工作類型可以選擇那些行業啊？

龔成老師：

這問題無超出，只是近期太多問答要覆，回覆一般要多天。

首先，我會建議佢睇書，從書本上了解，以佢地年齡，我相信都睇得明，我自己都是18歲開始睇書。

以下是我認為適合初學者睇的書，部分要到圖書館找的：

《我十一歲，就很有錢》
《經濟蕭條中，七年賺$1500萬》
《富爸爸，窮爸爸》
《思考致富聖經》
《秘密》
《財富金鑰匙》
《有錢人想的和你不一樣》
《世界上最偉大的成功寶典》
《洛克菲勒寫給兒子的38封信》
《解讀巴菲特》
《巴菲特傳-永恆的價值》
《勝券在握》
《智慧型股票投資人》
《非常潛力股》
《彼得林區的選股戰略》
《誰搬走了我的乳酪？》
《人性的弱點》

另外，我的書都很適合初學者的。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的12本書：

《80後百萬富翁》（第8版）
《80後2百萬富翁》（第4版）
《80後3百萬富翁》（第2版）
《財務自由行》（第6版）
《大富翁致富藍圖》（第4版）
《50優質潛力股》（第3版）
《50穩健收息股》（第3版）
《50值博倍升股》（第1版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第1版）

另一方面，佢可以向工商管理學科類別發展，佢可以多向老師問有關入這類學科現時的要求及方向。

佢有興趣有股票，無論是為自己將來的投資股票，還是事業上的發展，工商管理類別都是較大路，日後的發展也不差。

你可以叫佢睇晒上面的書先，之後有機會，可以報我的課堂，我相信對佢有一定的啟發。

------------------------------------------------

Q17543：

龔Sir 你對於未有盈利而財務穩健既股票如平安好醫生、Tesla既睇法係點？作為一個價值投資者係咪應該避開呢？

龔成老師︰

未有盈利的企業，估值主要係基於投資者對企業"前景"架期望。但無人知個期望係唔係一定出現，或者幾時會出現。

如果結果不似預期，股價就好大機會出現較大回調。這些不確性，就會係投資這類股票的風險。

平安好醫生（1833）可以話係潛力股，但就屬於較高風險的類別，我自己會比較怕投資這類。

首先，佢地的上市年期不算長，加上上市時是市場熱炒期，當時估值過高，對這類股有少少保留。

業務上，佢的確是高增長，同時業務有發展潛力，但睇翻佢地的財務數據，平安好醫生仍處燒銀紙狀態。唔係一定要避開，但投資時必需控制注碼。

而TESLA都係同樣情況，Tesla 2019年第3季才首次出現盈利，未來是否維持，會唔會出現資金短缺，無人知。

其實你睇好電動車，可以考慮比亞迪（1211）。佢有一個大優勢，就是中國因素，因為電動車最重要的是配套，所以國家支持相當重要，而中國對電動車的支持是正面，公共交通的訂單亦不斷給比亞迪。

比亞迪先在公車市場打穩陣腳，然後保持進攻私人市場，這是理想的策略。跟TESLA相比之下，比亞迪早已有盈利，這一點十分重要。

Tesla過去要不斷在市場各途徑集資，以維持營運及研發，但比亞迪已有正現金流，可以憑以戰養戰的模式，去穩健地發展新項目，資金鏈斷裂的問題較少，這是一個很有利的因素。

這兩間公司是全球電動車市佔率最大的兩間，但電動車始終是新興的產品，到真正全面普及仍有一段時間，當中總會存有不確定性，所以我在選股時，選了資金鏈較佳的比亞迪。

但比亞迪現時偏貴，要等佢回最少2成才是合理區頂部，到時才可慢慢分注入貨。

------------------------------------------------

Q17544：

Hi, 龔老師！How are you ? 我每日都有睇你嘅資訊！Thank you for taking your time to share your experience.

我想請問下如果我想月供!
2800, 823, 2388, 12, Hsbc

以上股票要選三個，我可以選擇邊幾隻？想供五年長線投資

我現在已經有樓700萬但只作收租！租金$14000

共他定期投資六百萬4% 回報！大約240000 一年息！

股票
74555 股 0003
40000股 6823
200股 0823
500股2388

我目標係想五年之後大約有五十萬以上年利息收入！🙏🏻

以上係我嘅投資組合! Looking forward to hearing from you ! Million thanks !

想補充！我現在係美國！之前諗住報你股票班、早在一月已叫你助手留位上你五月股票班！但因為coronavirus 所以我唔敢飛、取消咗我嘅回港行程.

我仲有一個問題唔係好明...點解2800 係成個股票組合中嘅比例要佔多啲？

Thank you！

龔成老師：

你現時持有的基本上都是有質素的股票，因此—可以長線投資。

至於所選的月供股票，都是有質素及可以進行的，盈富（2800）、恆基（0012）、領展（0823）。

不過，增長力就不算強，所以，如果你想組合的增長力增加，可以加入少少較有潛力的股票。

雖然你目標想集中持有收息股，但你都可以用「先增值，後現金流」作方法。即是先投資有增值類資產，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

至於盈富（2800），在組合佔多D都無問題，因為這是一個50隻股票的組合，你持有能有「平衡風險」的作用，同時可以補足你自己選股的不足，因此就算佔一半以上，都無問題。

希望疫情盡快過去，到時見！

------------------------------------------------

Q17545：

你好，龔成先生，我係上個月先開始投資嘅萌新，有d問題想你比d意見：

1.最近投資左中芯（981），均價35.55，由23開始分注投資到41.85，本身到40已經覺得高，但見討論區一直話中芯未來會前景光明，係國家意志，所以又開始係40價位投資落去。結果上市之後股價就一直跌緊....

想問下係唔係所有回流A股上市嘅公司都係上市前炒起，上市當日就會跌番去之前未炒起嘅價位？

見好多人將中芯同之前中石油同中車比，佢地係咪真係有可比性？

最重要嘅係......中芯會唔會可以上得番之前嘅價位？如果會嘅話大概要等幾耐左右？

2. 經過呢次教訓，我希望可以學習點樣搵到一間公司嘅合理估值同估價，講問老師建議我睇咩書比較好？

希望老師可以解答一下我嘅問題

下面呢部份希望可以唔好share出去，一開始投資中芯見一直升，所以問左屋企人借錢，又買左牛證同借左孖展炒，點知而家跌到咁甘，我好迷惘唔知點算

暫時一股都未賣，因為一日未賣出去一日都係浮虧，但好多人話一定會再跌落去，到底我應該而家即刻止虧好，定係等佢升番上去好？

龔成老師：

1）就算一間公司再優質，都可以「貴」。

中芯（O981），發展正面，業務將以快速增長，但如果股價的增長遠遠超過企業價值的增長，股價去到某一個位，都會下跌。

所以，你唔能夠只分析因素，同時要分析企業價值，這股近期炒作較多，其實已經到了貴的水平。另外，凡炒作多的股票，都要較小心，投資唔好大注。

這股如果你持貨太多，就要賣出。

至於回流A股因素，每次都不同的，但的確過往都有唔少股，當回流A股，港股就會下跌。另外，投資股票，最重要賺翻企業質素與平貴。

另外提翻你，根據統計，大部分散戶都是輸錢的，你聽網友意見，相信大部分都是無價值的意見，你應該用一些「真正賺錢的投資方法」，建議你盡快了解下，全球投資最賺錢係邊個，佢用甚麼方法。

2）《股票勝經》《年報勝經》，建議你盡快睇。

------------------------------------------------

Q17546：

你好，有啲股票投資想問吓！
本人持有
1818 5000股 9.64買入
3 4000股 13.68買入
853 3000股 41買入

這個組合應該繼續持有嗎？

龔成老師：

招金礦業（1818）是商品企業，質素不算好高，投資價值中等，持有可以，但長遠來說，又唔值得持有太多。

煤氣（0003）仍是有質素的，但增長力弱左，不過有得守，只要唔好太多貨就無問題。

微創醫療（0853）主要專注於治療血管疾病及病變的微創介入產品，潛力是有的。但現時股價都貴貴地，你要注意風險，如果小注無問題，太多就宜減。

------------------------------------------------

Q17547：

你好龔老師，我去年拜讀了你幾本書，在讀之前本已跟丈夫共有一自住物業，有幸在2009年買入，現價大概900萬。

當時已想稍後再買樓收租，所以讀完你的財務自由行，更覺得可以實行，就將自住物業轉到我個人的名下，再套現作為首期，希望可買到樓。

當時樓價高企，覺得短期內未必買得到，就打算將自己的現金，及部分套現出來的資金，買一些股票，同時跟丈夫二人在空餘時間去不同區域看二手樓。

計劃好像很好，不久後股市開始跌，我也就開始入了點貨。我自己心想股市會跌，樓市通常要稍後才跟隨，本沒想到會很快買樓。

但丈夫看中了一個新樓盤，覺得地點非常好，有升值潛力，因為市況問題，發展商的優惠好像很吸引，在9月的時候就買入了一個近800萬的單位。

由於前境越來越不明朗，丈夫申請按揭也遇到很多波折，蝕賣了一些股票，托賴還是順利完成了交易，聽聞已有業主開始收樓。

但現在我遇到一個很大問題，就是本來我和丈夫的工作尚算是較穩定的，但我早幾天被辭職了，我突然有點不懂得去想可以怎麼辦，所以想請教你。

現丈夫收入大概5萬，我每月要還款大概萬6，丈夫收樓後每月樓宇支出會由萬8升至3萬。若然能夠順利將新樓租出，每月也還是入不敷支大概萬5元。我當然希望可找到新工作，亦打算儘量縮減日常開支，但市況不好，真的說不準我會何時找到新工作。

現在我持有2, 1093, 1177大概13萬，現金32萬，一個隨時可對現的退休保大概13萬，外國基金大概20萬，公司應會發出大概10萬的final payment。

我今年37歲，丈夫39歲，若果找到新工作，我們當然希望儘力保留現有物業。我到底應該怎樣打算？

1. 可以的話兩年後賣，不用雙倍印花稅，但可能要將現在持有的股票、基金、保險等全兌現（若果不能順利租出）

2. 盡快賣新樓（雙倍印花），雖然蝕了但應有錢餘下，買股票或基金慢慢升值再另買物業

另外，我有點生意的念頭，很想在未找到工作時慢慢試一試，如果你有建議都請話我知。

龔成老師：

如果之前已順利做好按揭，這樣最煩麻的已經過去，接下來，最重要是你地的「供款」，首先，要留意一定的現金作防守，所以暫時唔好進行投資。

有現金你就可以買到時間，令你地有資金慢慢守，同時你在找工作上及之後的財富配置上，可以較有彈性。

可以的話，應盡力保住物業，因為這是資產，唔應該比短期情況影響到。同時，物業買賣成本貴，你地會因此而有一定的開支。

所以，你第一步是「留現金」，第二步是「找工作」，第三步是「賣股票及保險」，第四步（最後一步）是賣樓。

如果可以的話，唔好進行第三四步。

至於你想搞生意，要在零成本下進行，你可以試，但這刻建議你地留現金去守。

雖然近期市道差左，但不是不元可找到工作的，只要你肯做，應該無問題。

------------------------------------------------

Q17548：

Hello 龔成老師。本人現年30歲， 係一個理財小白，明白到用資金滾存資金才是增值財富的最好方法。

現時月入大概26K，每月儲大概1萬元，手上有120K現金，加上有70K 基金投資。

如果想5年内達到財富有800萬，有什麽投資好辦法？月供股票是一個好選擇嗎？謝謝老師指路明燈

龔成老師：

如果5年要去到$800萬，你要非常進取先有機會做到！

首先，要集中投資潛力股，你要比市場早一步找到，另外，你要不斷尋找股票，相信你每星期要花大量時間去選股。同時，你要大量增加投資知識。

同時，你要找資較高風險，較高潛力的類別。當見到有機會，就集中投資（當然這是高風險）。

總之，過程是一個高風險行為，同時難度好高。

建議你降低你的投資目標。

------------------------------------------------

Q17549：

我29歲
目標35歲前買到500萬樓
月儲10K

現有
2388 - $23.9@6500
2388 - $23.8@2500
338 - $2.16@8000
386 - $4.61@2000
386 - $4.6@4000

請問需唔需要轉下組合?
或增持邊一邊種股?

龔成老師：

你上述的組合，增長力中等當中股票不是無質素，但以你的年齡及目標，其實可以投資較有增長力的類別。

阿里（9988）、騰訊（0700）、港交所（0388）、舜宇光學（2382），但就要明白波動性比上述會高少少。同時由於現價唔平，你唔需要心急這刻增加，你可以等回少少先。

小米（1810）處合理區中上部，都可考慮。中國鐵塔（0788）則合理，都可考慮。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17550：

想問你意見，今年底會推綠置居，即公屋住戶可抽籤申請買現有公屋貨尾單位，價錢平好多。你話如果抽到，買居屋還是公屋好？

龔成老師：

其實政府樓在投資的角度，一定唔及私樓。

因此，一般都會以自住的角度行先，你要睇下邊度方便自己，邊度好住。另外，如果可以用較少資金，而得到你在自住上差不多的項目，當然會考慮資金較少的。

至於投資角度，居屋一般都會比公屋好，但這個因素可能在這次的分析，未必是首要考慮。

------------------------------------------------

Q17551：

老師 我係一個90後 28歲 打工仔
今星期開始睇左你既 80後百萬富翁 睇左一半已經另我對錢 同賺錢既概念轉變

一路已黎既迷糊都開始清晰起黎 依本係我近十年第一本有恒心睇落去既書 我亦都買左2,3百萬富翁 同 財務自由行 決心睇晒去學更多錢 同投資既野

我依家環境非常惡劣 希望黎緊有機會參加你既投資班
純粹有種感激 睇左你既書覺得自己都可以做到 更加有恒心學習thx

龔成老師：

加油！我自己都只是一個公屋長大的香港人，正正由於屋企細，一直都好想有天可以有夢想物業，這成為我的動力。

你已有「潛在動力」，之後就要好好發揮，創造自己的命運，你要保持進步，希望有日在堂上見到你！

------------------------------------------------

Q17552：

龔成老師你好，我心中有一個疑問想問問你。

我看到很多收息股現在的股價很低，想現在買入等待日後股價上升，達成（財息兼收）。

但身邊很多朋友說要買入潛力股，可是如果收息股在日後回到比較合理或貴的水平時，我又覺得不太值得買入。

假如在較便宜的時候買入，等待到日後派息增長，本來５里派息變成了６里７里。不是更好嗎？

本人現在持有6. 電能實業 1000股 平均價 44.3
66. 港鐵公司 1500股 平均價 40.59
778. 置富產業信託 6000股 平均價 6.96
1310. 香港寬頻 2500股 平均價13.41
6823. 香港電訊-ss 4000股 平均價 11.47

我考慮加入大快活，恆生，宏利，粵海投資，這是好選擇嗎？

如果本金只有５０萬，你會建議持有多少隻股票呢？
本人現在的持倉又有沒有問題？謝謝你的解答

龔成老師：

其實最重要是平衡，建立一個適合自己的組合。

潛力股的增長當然可以好吸引，但同時間，風險都可以高，每個人承受風險能力唔同，唔好比人影響。

收息股，增長力當然不及潛力股，但好處是有派息，股價相對較穩定，因此不同人有不同的配置。

如果你本身比較保守，就集中在收息股，就算投資潛力股，都只能佔較少的比例。

在較便宜的時候買入，等待到日後派息增長，本來5里派息變成了7里，這方向是正確，不過，部分收息股由於經濟弱會影響生意，因此中短期可以較差，要慢慢先能增長翻上去。

你現時持有的，都是不差的收息股，可持有。至於想加入的4隻股，都是有質素的，可加入，平均去入就得。

你可以動用$25萬，分注投資，餘下現金就等機會。

------------------------------------------------

Q17553：

請教下對2018看法長線看多少錢

龔成老師：

瑞聲科技（2018）有質素的，這股有平穩增長能力，長遠有發展，但你預佢不是爆升的類型，只是基本增長。

所以，如果要上升一倍，相信要4-7年的時間。

------------------------------------------------

Q17554：

老師，想請教老師 3309 希瑪眼科 係潛力股嗎？值得長線投資嗎？

鑒於現今趨勢 傾向電子化 而電子產品對眼睛嘅傷害不少 青少年近視 視力退化 視網膜問題 青光眼

白內障問題 相信會日益嚴重 咁對眼科嘅需求亦都會大增 而希望眼科擁有一流嘅眼科醫生

同醫療設備 公司亦都致力開拓大陸市場 佢嘅股價近年亦都上升左不少 想請教老師 這公司升值潛力高嗎？是倍升股嗎？先多謝老師回答

龔成老師：

希瑪眼科（3309）有質素的，佢主要於香港及中國內地提供眼科服務，及銷售視力輔助產品及醫藥產品。

另外，睇翻佢，都尋找加大在中國擴展業務，係2019年透過收購眼科醫院於昆明及上海拓展服務網絡及在惠州設立一間新眼科醫院。

除了一線城市，佢亦係昆明及惠州等二線城市拓展服務網絡。

這股在業務上，的確有吸引力的，相信生意將會不斷擴大。不過過現時估值都唔平，現時估值略貴，基本上已反映了企業的增長力。長線投資不是不可，但就唔建議太大注。

------------------------------------------------

Q17555：

龔sir:之前都問過你意見，我$5買入6088，呢段時間都上升好多，不過都突破唔到$5，我都揸咗好耐，我又唔想$4.5走，所以問下意見，你覺得我要止蝕嗎？

龔成老師：

一隻股票持有與否，最重要睇質素、前景，而優質度亦會決定你持貨比例。而你的買入價、短期股價走勢，都不是分析的因素。

FIT HON TENG（6088）有一定的質素，但企業本身的L賺錢能力唔算好強，平穩增長型，並不是潛力型。這股可持有，但又唔算好值得持有好多。

------------------------------------------------

Q17556：

老師你好，我係投資新手，正準備月供四隻股票，分別係盈富基金，中銀，港鐵同金沙，每隻各$5000，請問合適嗎？或者有其他建議？謝謝！

龔成老師：

這4股都是有質素的，盈富（2800）是一個組合，所以金額應該較多，例如$10000。而其餘的3隻，金額$3000。

你可以長期進行，現價已經是合理區，可開始。

但要留意，你唔好用盡現金，即是你每月除月供外，都要儲到一些現金。第一，你是新手，留現金是一定要。第二，現時大市未算平。

另外，當你有一定的知識與經驗後，可以加上其他較有增長力的股，會令你的組合更加平衡。

------------------------------------------------

Q17557：

雖然阿sir話優質股係長期向上，但係果時未上你堂買左匯豐同領匯，轉頭跌到咁，真係嚇親我。

而家靠睇盈富同港交所賺錢黎安慰自己，一想到而家買，平均買入價就會拉高，就會有d心魔。

我而家手頭可以投資既錢大約有兩萬蚊左右。

咁睇返我個組合好似都係水桶2，有金融（？）、地產、綜合類、銀行。

如果我想加多一隻，應該就要加水桶1。我個腦淨係浮到比亞迪同金沙，阿sir重有無推薦呢？

另外就係d人一路唱話港紙好快變廢紙，我應該去買金定換外幣（想換英磅）比較好啊？

唔該晒你呀

龔成老師：

我地投資，以「組合」的模式去運作，當中一定有較好、有較弱的，最重要是整體性。

組合應該有不同的行業，新舊經濟，各類增長，這才是平衡，如果你銀行類較多，宜減翻個比例增持翻其他的經濟類別。

你可以考慮比亞迪（1211）、騰訊（0700）、小米（1810），由於現價都唔平，所以可以等回少少先入，又或小注月供，你可以同時入這幾股，只要總資金合世較少就得（即是將你原本打算入的一筆錢，分成3份去入，有效分散風險）。

至於港紙，完全唔需要擔心。

------------------------------------------------

Q17558：

老師，我現時投資如下

Stock 股數(買入均價）
2388 1500 (23）
0001 1000 (56.15)
0005 400 (47.1)
0066 1500 (40.05)

現有可動資金30萬
有一物業月供約17000
每月可儲約3至4萬

現時是否不宜追貨，其實想入0700,但依家好貴，唔知會不會回落至380以下？

龔成老師：

現時組合，較多銀行及舊經濟，我地最重要是建立一個平衡的組合，你最好平衡翻少少。原有的股票可持有，不是無質素，但增長力不強。

騰訊（0700）要落翻$380好難，但你其實可以用月供，又或分注模式投資新經濟股，而不是一直等股價跌。這刻唔少相關股的確唔平，但我又唔建議你完全無貨，所以可以先小注，等跌先正式入。（如果你本身怕風險，就入小小好了）

現金$30萬，這刻唔建用太多，反而每月的儲蓄，可以更有效運用。

------------------------------------------------

Q17559：

老師 我現持有 241 ($22.15) , 2328 ($7) 823 ($幾隻股 62.75) , 想長hold 等大市升

或有什麼股現價好建議呢。

龔成老師：

這些股都有質素的，你可以長線持有，但要留意阿里健康（0241）的風險會較高，雖然潛力大，但唔建議持有太多。

至於其他股，如果平穩增長類的有：盈富（2800）、銀娛（0027）、恆基（0012）、中銀（2388）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382），但就要明白波動性比上述會高少少，現價唔算平，要小心控制注碼。

------------------------------------------------

Q17560：

龔sir，我想問點解好多投資者都話騰訊阿里⋯潛力大可以買，但佢地自己反而係冇入貨，唔係好明佢地心態，係因為新經濟股科網股波動好大，同埋唔係佢地一直以黎投資策略嗎？

另外想問比亞迪有冇機會落番合理價先入手，因為我想入一手，如果冇係$70入係米貴左D，定可以入吉利，會唔會冇比亞迪咁大潛力？

同埋網易你點睇佢前景，畢竟佢係網易二哥，騰訊目前價位太高了，係米可以投資係網易？

以現家潛力黎睇，9988、1211、175、9999，阿sir你會點排，認為買邊隻先比較合理？

9988佢有機會柒藍，現家入佢之後係米會有機會大升？

因為我係投資新手，己經買左隻1928，下一隻唔知買邊隻好，目前有5萬現金係手，見好多都升得好誇張落唔到手，希望呀sir俾D意見，幫我解答問題

龔成老師：

這個世界有唔少人都是「講多過做」，例如我一直話比亞迪（1211）$40平，一年前在$60，唔少網友話跌到$40會入，之後到了今年3月，去到$3X佢地又驚，真正入貨的人唔多。

好多人都只是得個講字，其實你唔需要理，我做人的方式，就是只求做好自己，唔理別人！

你預比亞迪在$70以下投資會較好，如果$7X就月供好了。

另外，你唔好只集中投資新經濟股，要建立「平衡組合」各類股都要有，你上述講的4隻股，都有增長力的，都可考慮，但都唔平。反而盈富（2800）現價合理，可以分注投資。而金沙（1928）都可長線。

至於網易（9999）有質素的。

先講講佢基本業務，佢創立於1997年，為用戶提供優質的內容和服務。以中文門戶網站起家，並推出了至今仍在發展的媒體及電子郵件服務。

2001年，戰略擴展到在線遊戲業務領域，根據App Annie的數據，按2019年iOS 及Google Play綜合用戶支出計算，集團現已成為全球第二大移動遊戲公司。

2006年， 推出有道業務，後已成為在紐交所上市的智能學習平台；2013年，推出音樂 流媒體平台網易雲音樂；2016年，開設電商平台嚴選，迅速成長為一家主流的自有品牌商品平台。

佢而家提供超過140款手遊和端遊，涵蓋遊戲類型廣泛。集團並內部孵化並發展出一系列創新且成功的業務，包括智能學習及其他業務，如音樂流媒體平台、自有品牌電商、互聯網媒體、電子郵件服務等。

整體上，佢業務有一定的優勢，以及仍有增長力。

不過，現時唔算平，同時市況波動，因此唔建議太進取，而小注投資是可以的。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q16841-Q16860）

Q16841：

龔sir, 你好,我是你舊生，想問一下你關於2128 中國聯塑 的估值問題

我跟據市盈率估算 2128 的 合理價格範圍

之前自己估算合理市盈率範圍係7.28-9左右, 不過看你post答另一名網友時說當時仍未到貴水平, 所以我就以2019年最高的市盈率（16） 作為合理市盈率範圍的最高估算

而我計到5年平均每股盈利係 0.732, 我預期每股盈利係0.8

計出來的估值加上10%緩衝, 係 $5.25-$14.08 左右
請問你覺得我的估值是否合理? 我平均6.26買, 持有6000股

目標都係長線持有, 但見佢近期上到$14 好似有點偏貴了, 想放一半然後等佢回到合理價才再買入。
還有, 真的好多謝你！

上年認識你後, 開始認真學習價值投資, 比以往的買賣細價股時開心好多, 同埋好多你推薦的股（eg, 比亞迪、中生製藥）都倍升了, 多謝你的無私分享!

我買晒你的書黎睇, 也睇你推薦的書, 發覺自己認識的真的很少, 希望繼續努力。

在40歲前財務自由（仲有10年）。 我現時晚上仲要進修（仲要返一年學）, 希望可以分配到時間上你的進階班, 祝你身體健康, 感謝。

龔成老師︰

多謝你的支持!

中國聯塑（2128）有一定的質素，這股在我的《50值博倍升股》都有推介，但推介後已升了數倍，投資值博率有所減少。

睇翻佢剛出的2019年財務數據，見佢純利都有合理升幅，同時暫時都唔見佢有質素上有乜下滑。

估值方面，由於佢的盈利有長遠的增長力，若考慮這點，你就唔好只用過往的盈利平均數作估值基礎，而是要多考慮預測盈利。

你預現價在合理區頂部，你可以考慮用"升一倍，放一半"模式，去調節你持股。這股有長線投資價值，因為只要盈利有實質上升，企業價值就會再向上調。

希望好快係進階班，會見到你。大家身體健康！

------------------------------------------------

Q16842：

龔Sir，停課關係無得繼續學習真系可惜，不過我都有繼續重溫課程，想龔Sir指導一下

我想運用第三課既原理，所以系本《50值博倍升股》隨機揀左6068（睿見教育）評估企業價值。

-評估折現率-
股東收益
2016（1.54）
2017（2.0）
2018（3.1）
2019（3.59）
所以股東收益為大約每年0.4億
啤大系數 +1.121 保守估計要1.5？
折現率= 8%*1.5+2%=14%
公司價值= 0.4億÷14=2.8億？

-賬面值-
2019
a 流動資產1535.02M
b 非流動資產 4676.09M
c流動負資產 2479.73M
d非流動資產 1544.75M

股東權益=（a+b）-（c+d）
= 2246.63M？
但其實6068最值錢既系教育質素？所以不適用於賬面值估計？

-市賬率-
上網 唔知點解得3年市漲率
2017（3.18）
2018（4.19）
2019（3.23）
中間值 3.23

股價3.580
每股賬面值rmb1.056 =1.17hkd
市賬率=3.580÷1.17=3.05
若我計算正確 課本寫的合理區是如何計算？

根據第三課本寫的以上分析，我仍然無概念這些數據的作用，希望龔Sir再指導一下

龔成老師：

睿見教育（6068）你的方向正確，你基本上已掌握了當中的技巧。不過要提翻，現金流折現法的敏感度好高，因此唔好絕對相信答案，可以作為參考。

首先，股東收益你用的數字大部分，我地要預期一個長期的數。如果我簡單以長期參考盈利去推算，可以用$3億。

至於啤大系數，你照同「+1.121」，不用變。

所以折現率可用「11%」

如果唔考慮增長，計算出來的價值就是$27億，如果考慮增長，相信合理價去到$60億以上。

至於賬面值，其實唔太適用。所以只是參考下。由於佢上市年期只有幾年，所以數據都只有幾年。

將市賬率中間值 3.23（其實正式要用一個範圍），乘以最新的「每股賬面值（大約是$1.2）」=$3.8。這就是以賬面值計出來的合理價。

------------------------------------------------

Q16843：

老師你好，現時每月收家用$1800(個仔現時邊讀書，邊做做part time)，我把家用儲起並買入5手778以作收息。想問:

1)如一夠錢就買一手778,要買幾多手先停呢？因我擔心風險過分集中。

2)如想轉月供，咁應該月供中銀香港還是銀娱？

我買收息股的原因，係俾個仔將來不時之需。

謝謝老師的解答

龔成老師：

1）你最重要是建立一個長期的財富組合，例如以3年來說，你可以計下自己的收支及預期儲到多少現金，而買入置富（0778）的金額，比例會佔多少。

你可以計下，如果這股的比例，去到股票組合比例的15%，其實開始多，你短期過多無問題，最重要是計長期。

2）兩隻都是有質素的股票，都可以月供，銀娛（0027）的潛力會高少少，當然風險都會大少少。

建議你以盈富（2800）作為組合的核心，再加上其他股票。

------------------------------------------------

Q16844：

利福用左6.978呢個價位買左7500股 呢個價位可以嗎？

我見佢預計2022年有啟德 sogo可能落成 長期持有唔知風險高嗎？

龔成老師：

福利（1212）有質素的，中短期當然會好弱，同時存有較多不確定因素，未知幾時會真正好翻，但這企業長遠不差，只要佢能過渡到不景期，之後股價會有理想升幅。

當市道好轉，加上有之後的新項目落成，長遠仍是正面的。

你買入價合理，可以持有，但就不宜持這股過多，始終都是面對風險。

------------------------------------------------

Q16845：

老師想 請問現在買匯豐可以嗎？

我見到匯豐52週低位可以買博反彈37蚊賣40蚊走可以嗎
或者等買2800？邊樣好啲？

龔成老師：

唔好太著重中短期分析，因為難度好高，同時經常會捉錯左。

匯豐（0005）是收息股，賺錢能力比過往年代略減，你唔好對股價有太大期望，應該只集中在長期收息。

至於盈富（2800），投資價值會比匯豐高，你可以分注投資，但如果你之前已有貨，或現金不多，就等跌多D先。

------------------------------------------------

Q16846：

你好呀..我前買左：

2手0388-272.2入
2手0003-13.88入
2手2800-26.5入
2手2638-7.9入

如果作為長期投資..我是否應長期拎住？
因為我見佢係甘跌

龔成老師：

上述都是有質素的股票，你可以長線持有。

中短期股價一定會有上落，但最重要是睇翻企業的質素，只要企業質素無大改變，你就可以持有，而上述的企業，都見唔到質素有核心性的改變，所以無問題的。

最重要是現時你仍同時持有現金，咁就得。因為大市波動，可能有機會買平貨。

------------------------------------------------

Q16847：

老師你好! 有問題想請教

事緣我打算移民, 該移民計劃是以申請人自身條件(學歷, 年齡, 工作經驗等) 打分, 因此我現時是自己搞, 所需費用不多.

而我現時持有450k現金, 50k 股票.每月會月供股票和儲現金各10k, 另月供2k 基金(安聯增長).

我的擔心是移民分數排位不夠高, 一直不被邀請的話, 2年後我可能要找移民代理幫手透過工作/ 讀書去移民(因我本身學歷和工作都不是專業科目)

費用動輒幾十萬hkd. 所以我想請教, 考慮到2年後可能要用一大筆現金, 未來2年我的投資跟儲蓄現金在比例上應如何分佈比較好?

另外月供的安聯收益名增長基金是否可以繼續供? 望老師指教. 謝謝!

龔成老師：

如果你2年後，有可能要花一筆錢，你在投資上就要比較保守。

因為這個情況發生的可能性，未知多少。所以你又不用完全持有現金，部分可以投資股票作增值，取一個平衡點。

例如暫時，只動用1、2成資金買股票，餘下就大部分持有現金。如果大市出現大跌，就可再動用多3成去買平貨，這樣的考慮是平衡及較有值博率的方法。

至於基金方面，你要睇翻佢的流動性，如果中途賣出是否可以，或者有否損失。流動性愈差，對你會較不利，就未必值得你繼續投資。

另外，你要考慮這基金的本質，你可以分析佢過往的表現，如果跑輸大市，就未必值得繼續。

------------------------------------------------

Q16848：

老師你好，想問買7200同7500好嗎？

正向恒指2萬點買之後到(當恒指3萬點)放，再即時反手買反向(到恒指大約2萬點)再放再即時買正向，一路重複，行得通嗎？謝解答

龔成老師：

到實際操作會比較難，因為投資不是表面考慮指數，當指數跌到20000點時，在這刻的投資情況分析，的確是平，但如果是由於一些核心不利事情，令恆指跌到這水位，當刻就不一定是平，所以，我地最好配合當時的大環境與真正平貴去分析。

你這個方法，是由於見到過往，恆指都大約處於這範圍內運行。在20年前，恆指的頂部是18000，當時都唔少人同這類方法，以18000作為賣出點，但當恆指升過了18000點後，之後就長期處於20000以上。

因此，表面上你的方法好似得，但實際上要配合最新的平貴度，而不是單單睇點數。

------------------------------------------------

Q16849：

龔sir, 想問一下除左老師係書到講企業有問題及有其他更好的投資工具才會賣外，還有甚麼因素會令你賣？

我現時都是見到跌到平宜區就買，但未諗過放要用甚麼因素來決定

龔成老師：

當股價已經大升，去到一個貴的水平，即是股價已遠超合理價值，這就是賣出的時機。另外，如果大市處狂熱期，例如全民皆股，往往都是賣出的時機。

亦有一些情況，例如我投資比亞迪（1211），是耐心等電動車普及，相信要好多年時間，如果真的出現，佢的股價都會大升，而佢已完成了「潛力股的任務」，我到時都可能會賣出。記住，你現時是買入企業。

------------------------------------------------

Q16850：

龔Sir，又有問題想請教

今次係估值問題，我嘗試用上堂教的方法，用港鐵自已過去10年既PE中間基準。再以5％增長計
估值大概28~43

例如，38蚊都只係合理區中部？所以小弟想請教阿Sir我有冇計錯？如有請指點，正確合理區應該係幾多？

龔成老師：

這樣的計算方法，並不算最準確，但都可以參考下。

因為你無考慮到物業重估的因素，當佢每一年都有物業重估，盈利就會因此而拉高，而市盈率就會因此而拉低，所以會影響了最終的估值。

不過，你計出的估值都有參考價值，因為都接近。

$38只是合理區中部，未算平。你預$30邊就開始平。

------------------------------------------------

Q16851：

老師，小妹27歲，工作3年半年，現時月入$40000至$50000（因跑數收入不定），月儲$30000左右。之前買了5號帳面少了十多廿萬，應該keep還是放？

現時只有活期戶口70萬左右現金，希望1年後有200萬，請問有機會嗎？

另外現時適合買樓投資嗎？謝謝

龔成老師：

匯豐（0005）只是收息股，對你這個年齡來說，未必是最好的投資。另外，這股的賺錢能力有所減少，因此唔建議太過大注。

如果你收息無問題，這股你可持有，但都唔建議持有得太多。

至於現金方面，現時有$70萬，想1年內增值至$200萬，這是好進取的投資，你將會面對較高的風險，我並不建議。

反而你投資平穩增長股，慢慢分注，同時留一定的現金等機會買平貨，財富會有更穩陣的增長。

至於買樓，香港經濟轉弱，相信1、2年內樓市會向下（但不會大跌），到經濟回穩，樓市更會向上，始終樓市供應不足，需求大。你可以在這1、2年內，留意下樓市，可能有機會的。

------------------------------------------------

Q16852：

我想問，之前你講銀行股是高風險企業，所以市場比佢市盈率偏低，咁我想問點解0001同1113佢地市盈率點解都偏低？唔通呢兩隻都係高風險股？

同埋我搵過有關巴菲特既投資，點解搵唔到有關巴菲特投資左比亞迪既資料？

同埋佢最大持股係蘋果公司，佔比35%，之後係美國銀行，可口可樂，美國運通，而唔係比亞迪？

龔成老師：

因為地產股，在盈利的部分，都有包括左物業重估數字，而這個數字，就會令佢的盈利拉高左，當盈利拉高，市盈率就自然會拉低，令到佢過往的市盈率數字都低。

比較正統的做法，就是將盈利調整翻，先可以得出更有代表性的數字。

至於巴菲特，佢大約持有10%的比亞迪（1211），不過由於佢持有其他股票的市值比例更大，所以你見唔同，同埋，佢之前是透過一間叫中美能源公司去投資比亞迪的。

------------------------------------------------

Q16853：

Hi 我仲係一名學生 想趁早儲蓄投資 如果我想月供HKD2000 可以有咩股選擇？

同埋想問3328點

龔成老師：

最好是投資盈富（2800），因為比起單股票，你買入一個組合，對你來說風險會更加平衡。你可以保持月供盈富$2000，長期進行，已經是一個不錯的投資。

至於交行（3328），都有質素的，你可以到日後有更多資金時，加多$1000去供交行。

------------------------------------------------

Q16854：

你好，龔老師，本人今年29歲，股票投資小白，月入3萬，可以月儲1.5萬，請問老師有什麼理財和投資的建議？
萬分感謝！

本人已經報名參加了老師的股票入門班

另外，本人計劃在接下來一兩年買樓（首期家人提供），到時應該每個月需要還銀行貸款15K-16K，請問老師有何建議？

如何月供股票應該如何分配？
感謝

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

我會建議你暫時只投資小小盈富（2800）。

另外再加1、2隻（每隻$1500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

餘下的資金，等上完堂後，會有更具體的分配。

另外，如果你計劃1、2年內買樓，應該持有較多現金，而投資股票的比例不會太多，同時會偏向穩健，當然，如果家人有首期資助，你自己投資則較有彈性。

由於你買樓後，每月月供佔了一定的數目，儲蓄已較難，所以這刻應把握時機盡力儲蓄，累積更多現金先。

------------------------------------------------

Q16855：

你好龔老師，想請教如果想入手以下十隻月供股票:

1. 02800 盈富基金
2. 00006 電能實業
3. 00066 港鐵公司
4. 00388 港交所
5. 00700 騰訊控股
6. 00883 中國海洋石油
7. 01093 石藥集團
8. 01109 華潤置地
9. 01398 工商銀行
10. 02318 中國平安

每隻 $2000，在增值同時也考慮風險分散，請給意見，萬分感激！ 謝謝！

主要能安全支持未來中長期波動市況。

補充一下，我五十歲，目標想五年內有 200萬。

我現在揀選股票的准則，包括企業的實力(可作長線投資)，組合內一企業部分有發展升值潛力，另一部分的有穩定的業務及不錯的股息，用作平衡風險。

希望你可以在我選的股票給點意見，又或者又較好的提議，謝謝你！

剛再考慮進取點，想工行 > 中銀香港
另外，華潤置地和萬科企業，你會選那隻？

龔成老師：

其實你的方向正確，你50歲，是慢慢準備退休的年齡，投資不會太進取，不過仍然有增長力。因此，應該集中投資「平穩增長股」。

你選股以企業實力行先，方向正確，上述都是有質素的股票，不過就可以有少少優化。例如盈富（2800）的的金額可以加大，而中海油（0883）雖然都不差，但增長力不算強，加上不能算是好優質的股。而銀行類亦不建議太過集中。

工行（1398）輘趙銀香港（2388）可以的。

而華潤置地（1109）與萬科企業（2202），華潤置地較好。

------------------------------------------------

Q16856：

成哥，我最近想入飛抽長沙灣新樓Campton，買到就出租，長線投資。但近期疫情、國安法、美國有機會取消香港關係法，令香港前途未卜，我好擔心現在入市嘅風險。

我擔心移民潮、撤資潮會出現，香港最後翻身無望，而自己會變咗負資產。

成哥您有咩睇法？
我應唔應該現在入市？

龔成老師：

香港中短期的確有較多不確定性，只可以話有潛在風險，包括外資因素、國際對香港地位的情況。

現時的情況，如果國際對香港的地位情況有所不同，樓價都可能有影響。

當然，這刻仍充滿好多變數，根本好難分析，我會建議你睇定D先，等事情明確後，較易計算到風險後才投資，會較好。

------------------------------------------------

Q16857：

龔sir, 有問題想請教，麻煩你

1）怎麼去算每隻股票的貴平？或隻股票會升到什麼價位？

2）想買入時，是否留意今天價位接近10天和20天線為最佳？

3) 如果想買中生，福薵園，現時會貴嗎？
麻煩你！

龔成老師：

1）要計平貴，就要先計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

2）不是，這些都是無根據的方法。

3）現時略貴，但如果你無貨，可以回少少小注買入先，之後等跌先正式入。

------------------------------------------------

Q16858：

你好！龔老師！最近既市況波動，想問下老師意見投資方面如何選擇？

香港政府推出新政策，中資股票可投資？

想問老師對微盟(2013)和同程藝龍(0780)這2隻股有如何看法？現在買入可好？還有盈富現在還可投資？

龔成老師：

最重要是企業本質的分析，只是佢業務穩健，長遠有發展就得，你可以想象，如果3年後，這企業的業務情況如何？是否有投資價值？

中資企業你要睇翻本質，是否有影響，還是只是心理上。中短期可能會因資金流向對佢有影響，但長遠，仍要睇翻企業的本質。

微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁。但在估值上都唔平，所以，如果投資，這刻小注好了。

至於，同程藝龍（0780），本身的業務不差，但中短期可能較為波動，不過有一定的規模，長遠有發展，分注投資都可以。

要留意，大市中短期會比較波動，因此入貨時，都要同時留有現金。

------------------------------------------------

Q16859：

早晨老師 最近有點迷𦮝 想分享一下現況 望能抽空分享。

本人剛購入一個1000萬單位、按揭是一半 每月還款22000，租金約14000，計埋管理費 每月約10000的支出；另自己和太太二人，每月生活費約 15000，自己經商 每年收入約200萬左右。現手持約80萬現金 另加13萬左右的股票。

自己是跟家人住 成本是幾千元的家用。想問我現況該如何理財較好，用每月該如何分配收入，感謝

龔成老師：

現時你已有物業，之後的財富累積，應該集中在股票類別，令你整個財富組合可以更加平衡。

現時你現金較多，同時你每年應該能儲到一定的數目，如果你不是需要現金有其他理財目的，其實可以加大現金投資在股票，令財富有更好的增值。

你可以將一半以上的現金，以及之後儲到的現金，投資一些平穩增長股，例如盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

另外，以你的情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16860：

老師，你會唔會向目標進發時，覺得好辛苦？
我目標就係為了錢。

最近幾年，覺得自己好似係為左生存，而不是為了生活。

現在的香港人政治問題，攪到我諗得好負面。我股票全滿倉，都是蟹貨了。

為左唔想按揭層樓，心理壓力好大。
因為現在想保住為工都唔易。

因為我為左個家，為左小孩子，為左自己退休生活， 過去10年都無晒自我了。

龔成老師：

當中總會有辛苦的時候，但如果目標是心底好想完成的，就會有較大的動力去推自己前進。

不過，當辛苦後見到回報，都會感到值得的，所以我整體都是開心的。

首先，要有一個心底好想完成的目標，你就會感到有價值，另外，你都要喜歡自己的工作，這樣你就唔好感到無左自我，而是在辛苦中，你都會感到快樂。你試下尋找工作的快樂與意義，甚至尋找另一份更快樂的工作。

香港生活並不容易的，但不代表不快樂。如果家庭對你來說很重要，過往10年你的付出，其實都是很有意義的。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

從損益表中了解獲利

GAAP舊制：Income Statement(利潤表)

IFRS制：Statement of Comprehensive Income,綜合損益表(民國102年後採用)

從損益表中了解公司的獲利來源，才能正確評估公司的合理價。

❄「損益表」是一家公司在過去一段時間內因為銷售貨物或提供勞務所收到的金額，扣除進貨成本、營業費用、加上營業外的收入和減掉營業外支出，所呈現出淨利或淨損等經營狀況的報表。
「損益表」是比較簡單的財報，它表達的就是「收入－成本費用＝利潤」。

採用IFRS後的綜合損益表上主要科目有營業收入合計、營業成本合計、營業毛利、營業費用合計、營業利益、營業外收入和支出、稅前利益、所得稅費用、本期淨利、其他綜合損益、每股盈餘等。

☆損益表上主要科目說明
⑴營業收入合計：銷售貨物或提供服務所應該收到的金額。又稱為銷貨收入。
營業收入減銷貨退回及折讓=營業收入淨額
營業收入金額增多，表示景氣擴張、生意興旺，利潤有機會增多；營業收入金額減少，代表市況競爭激烈或景氣進入收縮期。

⑵營業成本合計：生產產品的原料成本或提供勞務的成本支出。又稱為直接成本。
這部分成本包括：購買原物料、生產及製造設備的必要支出，生產線工作人員的工資、加班費和獎金，包裝和運送成本，產品權利金或商標費用。

⑶營業毛利：營業收入減去營業成本後，得到正數稱為營業毛利，負數則稱為毛損。
有競爭力的公司，除了營業收入高，營業毛利也會比較高。

⑷營業費用：過去某段期間內，產品銷售或提供服務時所應負擔的管理和銷售等費用，又稱間接成本。企業間接成本大致上有：內勤員工薪資、辦公室租金、修繕費、退休金等管理費用。開發新產品的研發費用，銷售費用，不動產的房屋稅、地價稅及汽車牌照稅等稅捐、折舊和攤提。

⑸營業利益：又稱為營業淨利。
營業毛利減營業費用後的數字，若是正數稱為營業利益，若是負數則稱為營業損失。
公式：營業毛利－營業費用=營業利益

⑹營業外收入和支出
非因經常營業活動所發生之收益和支出。

⑺稅前淨利
營業利益扣除業外支出或加入業外收入後就是稅前淨利。

⑻稅後淨利
107年起所得稅率已修改為20%
稅前淨利扣除應繳稅額後就是公司在過去這段時間的利潤。

對投資人來說，一家公司源源不斷的創造獲利才是好企業，好的管理人善於管理成本和費用
來獲得穩定利益，基於會計原則的攸關性、可靠性和可比性，投資人估算合理買入價時著重在有預測價值的營業利益，而將業外收益排除在外。
因此公開資訊觀測站將營業利益和業外收入清楚列表，供投資人更容易掌握公司獲利來源。

查詢方式：
▶公開資訊觀測站官網→匯總報表→財務報表
→採用IFRs後→各產業EPS統計資訊

以下舉例食品股的味全(1201)來看看：
在「各產業EPS統計資訊」表中
①市場別：上市
②產業別：食品
③年度：108年
④季別：2(季)
味全108年前6個月，基本每股營餘有2.31元
但營業利益只有164,888仟元，扣除業外損失和20%稅後，本業每股獲利只有0.21元。
長期投資人在評估投資合理價時，應剔除一次性收入。
官網：
https://mops.twse.com.tw/mops/web/t163sb19