［愁像朔風心裡侵　炎夏有熱熾的歡樂感　煩惱似春風秋雨
季節又似人生］　瑞聲（2018）個盈警好冇誠意，重作啦

遲咗兩日寫，但隻瑞聲股價仲未企定。又唔使火箭科學家，呢啲真係一早估到出盈警。之前通達（698）同舜宇（2382）出，瑞聲點會倖免？

咁但，其實本來出盈警冇乜咁大不了，亦唔一定插。股神隻巴郡如果在香港上市都要出盈警啦（http://bit.ly/2BSTpBi）。盈警完股價亦未必一定插

不過瑞聲個盈警真係寫得差。你甚至都唔使知間公司做乜。因為佢賴「季節」，「寫第一季度通常是較弱的季度」

公司當然有淡季旺季，好正常。正如航空公司冬天都例牌淡季—但你總唔見國泰南航星航年年冬天出盈警。點解？因為年年冬天都係咁架嘛大佬！

瑞聲話第一季度多數差，係丫。係事實，但唔係理由—因為年年都係第一季度差架啦。正如內銀都例牌第四季走樣，但同返舊年低基數比之嘛。

又，識得個題嘅，應該冇四十都三十到炆。以前啲歌啲詞真係填得好的。不過我老母阿爺當年都係咁講，都係覺得聽軟硬垃圾，達明果兩條癲佬唔知做乜。所以人人都係廢老，好快你就會鬧而家啲新一代玩抖音飲喜茶。正如佢地三十年後會懷念細個一齊食雞煲不知幾開心

［愁像朔風心裡侵　炎夏有熱熾的歡樂感　煩惱似春風秋雨
季節又似人生］　瑞聲（2018）個盈警好冇誠意，重作啦

遲咗兩日寫，但隻瑞聲股價仲未企定。又唔使火箭科學家，呢啲真係一早估到出盈警。之前通達（698）同舜宇（2382）出，瑞聲點會倖免？...
See More