有網友昨日於連登網，以「召喚所有俾郭嘉駿（193）走數既面孔」，指控193主理嘅網店「LILABOC」走數無出貨，追退款亦未獲回應：「我認我on X，年頭果時傻更更課金俾你買頂帽，但俾完錢之後完全無消息，依加中秋都就黎到，dm都係無人覆…」

事主指自己由造星1開始迷193，雖然無出席活動撐偶像，但追齊其影視作品，屬低調型老婆。佢附上DM cap圖，稱1月過數$319，幾日後向網店IG查詢進度不果，於2月再向193 DM查詢，並祝其新年快樂接多d job，亦未獲回覆。事主到8月尾再DM查詢仍音訊全無，於是到連登網開post。

事件昨日終獲193留意，以其網店IG回覆事主，並公開對話DM。193回覆「前妻」時附上cap圖，指該貨品已經喺上年9月截單，過時多個月，唔明白為何仍於今年1月入數，質疑事主為文盲：「係咪唔識中文？1月入錢嚟做乜鳩？」，「前妻」立即追數，193亦不客氣回覆：「Account? 點知你依家用咩Account? 定係燒俾你? 快啦。PayMe? FPS?」，「前妻」最終網店獲退款，並喺連登網留言指：「193自己1月果時出個google訂購form叫人fill in嫁」、「對佢完全失望。」

事件餘波未了，網友議論紛紛。對於前老婆於網上爆出事件以及被網友指公審「前妻」，193激動澄清，指「唔係佢公審我先咩？咩年代，仲罵不還口？」並指事主係奇怪人：「有個唔睇字嘅人，過咗三百蚊去我account，然後唔知幾耐之後再叫我退錢，已經好奇怪，唔知當呢度係ATM定點。再者，間鋪冇營運咁耐，每日都99+ request，我又唔係急住賺嗰少少錢，所以冇乜撳入去睇，應該來來去去都係問頂帽有冇現貨、tee sizing之類。然後條友上網話我呃錢？？？自己柒咗然後公審我？鍵盤戰士再話返我公審佢？咩世界？不嬲對住啲我唔鍾意嘅人都係冇禮貌㗎啦，唔鍾意就唔好買囉，唔鍾意咪唔好關注我囉，啲鍵盤戰士打幾隻字我又唔會痛嘅，我都幾享受block人嘅快感，你為咗我開個新account，然後我用一秒又block咗，幾爽」

前妻於連登透露，由於網店IG喺story公開對話cap圖時，公開了其PayMe戶口名稱及頭像圖片（IG戶口名及電話號碼被塗去，但網友指仍見到部分號碼），於是去信私隱專員公署投訴，更DM魯生及花姐講述事件：「唔期望兩位會回覆我，希望魯生/花姐/viutv可以多加關心一下193呢位藝人」

雖然係共媒01嘅報導轉載，但人地已成封信貼哂出黎，如果係假新聞，Google同Facebook一樣可以響好短時間澄清，所以我相信可信程度都幾高：就係FB同Google並無計劃撤出香港，甚至從來無諗過停止香港服務

基本上其實同之前法國核電公司法馬通嘅公關操作係非常相似：當日台山核電廠中方響安全標準上亂咁搬龍門，雖然無影響到即時核洩漏危險，但法馬通方面非常不滿，於是借住寫鬼信去美國能源部投訴，變相將成件事公開出黎，等美國方面可以協助向台山核電廠施壓──

只係法馬通無諗過嘅係，敗燈竟然唔幫拖反而掉番轉頭幫中共冚住單嘢，所以最尾都只能公開澄清其實台山無即使核安全問題

如今Google同Facebook亦都一樣。其實佢地根本無打算停止響香港嘅服務，甚至乎諗都無諗過唔再比香港人使用佢地嘅服務；但佢地就係好唔妥特衰政府嘅《反起底法》條款對佢地好不利，所以先利用亞洲互聯網聯盟AIC做牌頭，寫信去港府投訴兼再放料比WSJ記者搞大件事

而家件事揚開咗，私隱專員公署願意同Google同Facebook直接溝通，初步目標達成，自然就公開澄清番無打算撤離香港

不過黃標KOL缺乏分析時事能力，再加上為撚咗呃like呃view，當然就有咁大吹咁撚大，我都奇怪點會有人響度留言問以後係咪要用VPN，原撚來又係燒山響度尻噏乜撚「香港迎來末日」。而家燒山世七呢班垃圾炒撚哂車，但唔緊要，販賣恐懼永遠有佢市場，次次估錯都唔撚緊要，弱智黃屍總之啱聽就會課金架啦，理撚得你係啱定錯，我呢啲講真話嘅，先至會無撚人聽

延伸閱讀：Google、FB、Twitter宣佈撤出香港，以後無得用？相比起販賣恐懼，我寧願講自己相信的客觀分析
https://www.patreon.com/posts/google-fb-bu-che-53325512...

FB大中華區總裁岩岩出咗個po，為WhatsApp解話，呢個舉動可以話係史無前例，原因我估私隱專員公署又出聲，而WhatsApp總部個Communication director 都接受香港嘅Unwire訪問，令佢唔講嘢唔得。

就WhatsApp問題佢咁講，你咁聽，反正我從來唔信，喺FB更新條款前，FB係冇用到WhatsApp對話中嘅數據，大家應該成日都有疑問，「點解我成日喺WhatsApp講起某類產品或者服務，轉個頭Facebook就會Feed嗰類廣告出嚟？」所以對於Share唔Share資料去FB，其實我又冇太大反應。

再者，WhatsApp一直都想推Business acc，開放API，等商業機構多個做生意嘅渠道。喂，大家唔好忘記WhatsApp係免費，免費嘅嘢一定係最貴。唔揾方法賺錢？食屎咩，你當朱克伯格流架？

不過梁小姐呢個Post最嬲嘅係，「可惜溝通有所不足」，用「不足」呢個詞語，實在係詆毁左呢一個詞語。Facebook作為面對大眾嘅社交平台，根本從來冇同公眾溝通過。今次呢位副總裁個post，都唔俾人留言，溝通係單向架咩？

沒有無緣無故的恨，就好似政府施政咁，一開始大家憤怒嘅根本問題，就係透明度不足同埋獨裁。撤離Fb WhatsApp呢個行動，有人會話係KOL煽動。搞笑，得閒無嘢做，去煽動人去打爛自己地盤？Are u kidding me？

當然，你可以話「我係私人企業，我話block就block，使同你交代？」咁就唔好喺人走時先出嚟假溝通，咁其實同林鄭冇分別。

其實平時做好啲，做好公關，多啲同公眾溝通，真係咁難咩？唔識可以揾Google學吓。

#寫完呢篇我Page係咪要死啦

By千頌C

恐怖在線第1767集 (31 July 2015)重溫

先人魂魄留在靈堂大相內無得投胎，途經九龍塘別墅遇靈異鬼影！(恐怖在線重溫)

恐怖在線 www.edmondpoon.com
逢星期一至五 晚上十一點半到凌晨一點

每日免費收睇直播
視像月費重溫$40
聲音月費重溫$30

#恐怖在線 #潘紹聰 #先人 #魂魄 #靈堂 #大相 #投胎 #屯門 #途經 #九龍塘 #別墅 #靈異 #鬼