新手爸媽二三事: 知道有咗，下一步要點做？

早幾日有朋友的妻子剛驗孕知道有咗，朋友半夜三間打俾我，問我應該下一步應該做啲咩先？點樣搵醫院，點樣安排產檢，私家醫院定政府醫院好？平時老定的朋友，突然變成徬徨的小孩。

根據我這個生了兩胎，有三個小孩的生B達人經驗，如果經濟許可的話，絕對是醫院政府同私家婦科產檢同時登記安排。

政府醫院的好處是，除了價錢十分經濟外，亦可以保存妳的醫療紀錄。如果懷孕中期有不舒服的情況要入院，也有你的紀錄可以即時找到。而如果你打算在政府醫院生產，也可以有優先權; 如果從來沒有在政府登記產檢，政府有權不接受生產的排期預約。
另外，如果懷孕時出現異常狀況，或需要緊急處理情況，一般建議政府醫院的設備可以較齊全，亦不需要額外龐大的費用。

而私家婦產科醫生體檢的最大好處是，可以每次都用超聲波見到BB，由最初只係一粒豆咁細，到慢慢成形，聽到佢心跳，見到佢手仔腳仔郁下郁下，呢樣野係每個月見婦科醫生最期待嘅事。

懷孕十個月，每個月最期待就係見婦科醫生，透過超聲波可以同BB見下面。政府醫院除了照結構那一次之外，好少會再做超聲波，除非有問題。
例如我懷第二胎時，阿妹唔夠阿哥爭營養，越來越追唔上生長線。所以當時每次見醫生都要照超聲波觀察情況。所以政府醫院就算有得照超聲波，都未必係好事。

另外亦要考慮會唔會想喺私家醫院生BB，如果想係私家醫院生，最好搵返個醫院嘅掛單醫生，或駐院醫生產檢，第時生BB嘅時候就方便好多。

所以知道有咗，第一件事，一定是抽時間去排期。無論係政府，或私家，都唔係即時book即時有得睇，好多都要等兩三個星期，所以一知道就最好即刻book, 其他嘢反而可以慢慢再諗。

#新手爸媽二三事 #驗孕 #產前檢查 #政府定私家
#營養師 #Nutritionist #AnnieLee

【肥媽，但願標靶藥真的能夠救到妳！】

2017年9月30日(六)，我幫肥媽沖涼時驚覺佢右邊乳房出現巨大嘅腫塊。

2017年10月3日(二)，我帶肥媽去私家醫院睇乳房科醫生兼照乳房超聲波。

2017年10月12日(四)，超聲波證實係惡性腫瘤，同日抽取乳房組織化驗。

2017年10月17日(二)，一生中更可怕&悲傷嘅日子，肥媽確診患上乳癌中最惡、侵略同擴散速度最快嘅HER2類型，腫瘤超過5.5cm, 且已擴散到淋巴！

醫生冇再講肥媽屬第幾期？有冇擴散？因為唔影響治療方法嘅決定。

治療HER2乳癌主要靠手術切除、化療同標靶治療三管齊下，三管齊下嘅存活率約七成！

肥媽身體狀況特殊，因曾嚴重中風兼有糖尿，抵抗力極弱，已排除頭兩種治療方法，剩返最後一種！

針對HER2乳癌嘅標靶有兩隻藥，單標靶約$20,000, 雙標靶三倍價錢，即約$60,000！

七成多患者會有治療效果，即能控制腫瘤迅速增長，但兩成多完全冇效。

由於標靶治療會影響心臟，首要條件要先睇心臟狀況，睇吓受唔受得到？

即時安排照心臟超聲波，睇吓可唔可以用標靶治療？

2017年10月18日(三)，另一個更痛苦抗癌之旅正式開始，肥媽接受第一支標靶注射～Herceptin.

五分鐘皮下注射，十分痛！

標靶藥價錢$19,000，診金$800, 共$19,800！之後每三星期注射一次，永不停藥，直到針藥冇效同心臟負荷唔到！

兩星期後覆診，觀察肥媽進展。

之後每三個月照心臟超聲波一次，睇心臟負荷情況。

錢對我嚟講已經唔再重要，我只希望呢隻藥對肥媽有效，減輕佢痛苦之餘，延長佢嘅生命…

至少，希望出年年底，我能平安帶肥媽返新堡壘！

肥媽～唔駛驚！我同細妹會陪住妳！

肥媽～阿肥永遠愛妳！

<唐氏綜合症篩查>
想知👶🏻👶🏻有無唐氏綜合症
其實有好幾個方法
就等我地由淺入深去了解下佢地既利弊！👍🏻👍🏻👍🏻

我地平時做產前檢查最大原則係。。
準確？價錢平？🤔🤔
其實係安全！以對媽媽同👶🏻👶🏻影響最細為先！
例如懷孕期間所有有幅射造影都係可免則免😎😎
所以❤️非入侵性的產前檢查❤️為首選！

咁非入侵性的產前檢查係點？
一如字面解釋，檢查並唔會有儀器放入去母體（抽血陰道檢查唔計架💉💉😩😩)
以避免因檢查而有小產風險！🙏🏻🙏🏻
所以會先講較常見的非入侵性檢查！

全港八間公立醫院都會提供唐氏綜合症篩查(Down's syndrome screening )
係懷孕11週到18週6日都可以做到
遲過18週6咁點好？？準確度會大幅下降！😩😞

所以大家記得早d book 產前檢查！🙏🏻🙏🏻🙏🏻

講呢個篩查前
有一件事要大家清楚先
✴️呢個篩查並唔係百分之百準確！
✴️無法確診唐氏綜合症！！！
佢只可以利用各個指數去計岀👶🏻👶🏻有唐氏綜合症的風險指數！
要診斷唐氏綜合症係需要用到入侵性檢查
#下多兩篇就講到入侵性架喇

而呢個唐氏綜合症篩查都分為兩期♊️(可參考圖表對比圖)

第一期
於11週到13週6日進行
準確度有成8-9成架！
如無意外例如作過小產或者無係私家照過超聲波
呢次就係會你第一次係公立醫院照超聲波👍🏻👍🏻👍🏻
因為第一期唐氏篩查需要利用超聲波度頸皮和鼻骨
點解係頸皮！？唔度頭皮或腳皮？😂😂😂
其實係研究顯示有唐氏綜合症👶🏻👶🏻頸皮比較厚和無鼻骨！
頸皮超過3mm以上可疑程度就高左！🤓🤓🤓
但頸皮厚都唔一定係唐氏
所以會配合埋抽媽媽血入面的hCG & PAPPA 兩款荷爾蒙(全名。。。我真係唔記得喇！好多個字😫😫)
再綜合媽媽年紀🤦🏻‍♀️🤦🏻‍♀️(年紀越大，風險越大)
和有無試過有唐氏綜合症👶🏻👶🏻歷史去計一個風險指數！

第二期
如果錯過左第一期😨😨😨
就只可以做到準確度較低的第二期唐氏綜合症檢查
第二期媽媽無需要度頸皮🙅🏻🙅🏻🙅🏻
只需要抽血檢驗hCG 同AFP
再綜合媽媽年紀和有無試過有唐氏綜合症👶🏻👶🏻歷史
但準確度得番6-7成

所以記得要係13週6之前做到呀！
呢次超聲波重會照埋👶🏻👶🏻長度CRL (crown root length)
睇下週數岩唔岩同子宮有無肌瘤等等！

公立醫院既做法係如果發現唐氏風險高過1in 250
者係你👶🏻👶🏻有250份之1機會係唐氏bb
就會再提供準確度更高的檢查
係咩檢查？之後話你知!

有無人就黎要做唐氏檢查喇？
準備好見bb 未呀？🤣🤣🤣

#重有一個準確度高d既非入侵方法
#下篇講下
#唐氏綜合症
#唐氏綜合症篩查
#產前必做檢查
#關你nurse事
#關你nurse事_懷孕資訊
#第一次照超聲波