- 【Email仲有心情講呢啲之大媽的身體自主】#wyk9up 作為被女權L（俾人話係😂），其實我唔反對大媽賣弄風情，都唔反對大媽收錢賣弄風情甚至做雞。喂，人各有志，人哋做乜關我鬼事咩。 但個問題係，呢班北方佳麗集團，係佔用屬於大家嘅公共空間，長期喺度發出噪音同埋迫其他人睇佢哋聽佢哋。要唱歌嘅，可以租個studio日日唱飽佢；要扭身扭勢嘅，喺酒樓包個廳，理得你扭到中風；要做雞嘅，無問題，book間房慢慢做生意。 已經唔係講緊美感崩壞或者傷風敗德（我自己一向無美感又傷風化），而係當咗公眾地方係私人娛樂場，完全扼殺其他人嘅公共空間使用權，有佢玩冇人玩。 某程度上，我認為大媽佳麗嘅存在係可以接受，老年人都可以有娛樂，都可以鹹濕；多啲人做雞/賣弄風情，令大家冇咁壓抑，甚至有可能減低性罪行。但自己happy嘅前提係不能影響他人。花枝招展、搔首弄姿咁行出街，靜靜地自己行，呢個係唔影響其他人嘅自由行為。而大媽團喺公園霸地盤、鬥大聲、扭黎扭去，搞到其他人冇得用呢個空間，就係另一回事，甚至可以話係香港社會嘅Tragedy of the commons 公地悲劇。 公地悲劇大概係咁： 喺公共草地上，有一群牧羊人，每一個牧羊人都想要日日賺多啲，所以某個牧羊人就開始帶大量嘅羊黎放牧。雖然佢深知過度放牧，草地會承受不住，但由於佢繼續日日賺，所以覺得冇問題。之後所有牧羊人仿效，個個都爭住帶更加多嘅羊黎，整個牧地就被耗盡了。 資源有限，自私無窮；政府懶理，公園被毀，最後大家都輸。大媽歌舞團係將個人利益，凌駕於公共利益之上，自私地霸佔公園嘅所有空間，包括土地、聲波、畫面、氣氛。呢個已經唔係佢哋做唔做雞嘅問題。 不過我都同 @tung.e.e 傾過，話覺得抗爭係唔使咁多潔癖。所以我都純粹係諗到之後講下比大家聽咁解，你哋可以繼續鬧佢哋係雞之類，雖然我自己就唔會用呢個角度鬧佢地，但我唔反對咁鬧😂 最後，建議大媽用patreon/only vids/kofi/twitch/其他直播網站慢慢扭，咪可以盡情賣弄風情又唔會阻到人😂😂 或者政府都可以考慮設立紅燈區，鍾意扭可以慢慢扭😂😂

【過時寮屋制度成貪腐溫床】 一)前高官和富豪被揭將港島大潭海邊的寮屋大幅加建，並非法佔用數萬平方尺政府土地。此事最令人擔心的，是地政總署包庇有權勢人士的做法是否已成習慣。傳真社的報導引述地政總署人員，指署方因為事涉前高官和富豪，故此一直拖延執法；《蘋果日報》的報導也指出，他們的記者早於一年前已向地政總署投訴，地政卻不斷以擠牙膏的方式拖延交代。 二)土盟收過不少寮屋居民求助個案，大部分都是因為得罪人而被告發寮屋曾經改建；地政收到投訴後，往往幾個月內就將寮屋登記取消，完全不留情面。其中一個個案在石澳：事主四十多年前於石澳高爾夫球場的邊緣位置搭建寮屋自住，近年球場地主要收回土地不果，轉頭地政就上門說收到有人投訴指寮屋經過改建，不久後寮屋牌照也被取消了（對高球會當然是好消息）。這些活生生的「欺善怕惡」例子多不勝數，不是地政或發展局一句「執法一視同仁」就可令公眾釋疑。 三)有關寮屋的醜聞時有所聞，然而我們經常「見樹不見林」，沒有好好了解制度被濫用的原因，因此也未能思考如何改善制度。香港目前有超過四十萬間已登記寮屋和牌照屋（其中約十萬間是登記為「人住屋」），按照政府三十多年前的制度，這些寮屋和牌照屋都不可以私下改變用途、大小和建築物料，否則地政就可以將寮屋登記或牌照取消，令建築物隨時可被清拆。可是由於規限極為嚴格，例如不能以石屎取代木和鐵皮，而且執行不嚴，迹近無皇管，三十多年下來，相當多寮屋和牌照屋都經過居民違規改建。 四)當幾乎所有寮屋居民都違規，而地政又選擇性執法時，不同區域便出現不同形式的濫用寮屋情況。像港島區的官地寮屋就經常被非法改裝成豪宅，就像今次的報導主角那樣；新界私人農地上的寮屋，近年則成為炙手可熱的地產項目，地產代理為了吸引買家上釣，提供一條龍服務，賣農地也同時重建寮屋。土盟曾經接過一個個案，有買家花了四百多萬買了千多尺農地和兩間重建寮屋，結果入伙一個月就被地政處取消寮屋牌照兼拆屋，血本無歸，陀地地產代理早已逃之夭夭。 五)除了港島的「豪宅化寮屋擴建」和新界的連地連屋買賣，大部分寮屋居民都是基層市民，包括已經落戶幾十年的長者，以及沒能力負擔市區租金的寮屋劏房戶（通常是以豬舍或雞舍改建而成）。因此，我們難以只因個別有勢力人士濫用，就輕率地說要一刀切嚴格取締。 六)因此，容許三十多年前的寮屋制度一成不變地維持下去，只會製造一個比丁屋僭建更龐大的執法黑洞，反過來亦會造成非常嚴重的貪腐問題。政府應該盡快全面檢視制度，例如參考幾年前的村屋僭建分級制度，將寮屋改建規範化，容許居民在不增加面積的情況下，改用較堅固物料重建，同時間又嚴厲打擊大幅度加建和佔用政府土地的行為。 圖片取自 FactWire News Agency