有啲野要講清講楚 有啲野要聽清聽楚

當你飛左一段時間之後，乘客同你講一個字都大概估到佢地想要乜，雖然都有例外嘅但十次都有九次會估中，不過十一黃金週發生左一件令我派派下餐笑到傻左嘅事。。。。

十一黃金週兼中秋長假期，一定係偉大祖國同胞出遊嘅好時機啦，話說豆腐同個女同事一齊出車，我派餐佢派野飲喎

✈️💺👦🏻🍚🥃👧🏻

豆腐「先生想食啲乜野呢？有洋蔥汁雞飯，仲有個雞皇長通粉。」

大叔「飯呀飯！禾地食飯呀！」

豆腐「好呀！三份雞飯，轉頭同事比飲品你」

呢頭轉身想問下一行嘅乘客食咩之際，呢個戴著耳機嘅大叔就拍我背脊

大叔「你唔比禾飲尿呀？」

豆腐「下？尿？廁所後面有一個」

大叔「唔__係呀！你唔比禾飲尿呀？」(做埋飲野嘅手勢)

豆腐「下!!!你要飲尿？」

當喺極眼訓嘅時候，個腦Load左一陣我終於明佢原來係想要 飲 料 呀

豆腐「我位同事轉頭會比你飲料架啦，麻煩等一等」

大叔「喂　禾要飲料呀！！！！」

廣東話真係好正，無心者講一句好正經嘅句子，有心人聽到就會變左另一個意思，今次我真係柒到核爆，但要多謝同我出車嗰位同事同我一齊傻笑

「大 家 飲 杯 🍻」

「基佬飯？」

有時候，長途機的大陸人特別可愛，
展現如何令哥我哭笑不得。

在剛剛的航程，發生了以下一段小插曲。

👦🏻：小姐你好，唔知你今日想食d乜呢？
👩🏻：你地係咪有基佬飯？
👦🏻：唔好意思，小姐你要咩飯話？
👩🏻：禾要基佬飯！
👦🏻：(忍笑)小姐，我地無基佬飯播？你想要乜飯？
👩🏻指一指餐牌，
原來係雞柳飯。

👦🏻：(大笑)噢，原來你要雞柳飯！
👩🏻：係呀，基佬飯。你地d服務真係好好，辛苦了！

有時候，大陸客都真心好可愛❤️
不過你下次真係學好d廣東話先講麻。

IG：www.instagram.com/drew.fa
FB：@貪玩空少安德魯