【龔成問答信箱】（Q22501-Q22520）

Q22501：

老師！有個問題我想問好耐！

我見你講1211 現價偏貴。咁點解你而家唔先賣出？？？

低位再買返（我絕對明白投資要長線）

但亦冇理由睇住股價由最高位跌返落去？長期持有但高位沽貨！咁又如何獲利？

龔成老師：

因為無人知股價走勢。你這句「冇理由睇住股價又最高位跌返落去」，是「預期股價走勢」的思維，即是「散戶思維」。

這種思維，令一般散戶，無法賺到10倍回報，因為佢地見到某股到了高位，就會「賣出等跌先買」，但結果是「賣出後一直升」。

如果我真的賣出比亞迪（1211），但佢股價唔跌，然後佢的企業價值不斷增加，今天的$2XX是貴，但過一年可以變成合理，我就會買唔翻。

企業的平貴，與股價的走勢，中短期可以無關。

你仍停留在「一般人思維」，你以「現金」作貨幣單位，而我以「資產」作貨幣單位。

一般人認為「持有現金」才是有財富，認為「獲利，賣出股票」才能賺錢，但有錢人思維，就明白「現金永遠貶值，持有優質股才是真財富」，根本不用賣出股票。

一般人擔心「如果高位不賣出股票，不賺錢，有機會股價跌翻」。

有錢人擔心「如果賣出優質股，有機會買唔翻，持有貶值的現金根本無用」。

------------------------------------------------

Q22502：

老師，想請教隻完美醫療

1）公司向主席授出購股權是什麼意思呢？對公司前景是好與壞呢？

2）上海市打擊非法美容服務，正路理解是如果完美醫療係正規，理論上是可以打擊其他同行違規對手，有利完美醫療做到寡頭壟斷和汰弱留強，

從而整治行業而令其受惠及增加市場競爭力及份額，實屬利好！但問題是……作為我們散戶及投資者怎樣可以知道完美醫療有沒有違規呢？？

現在我們都只是能看財經新聞消息和媒體報導，雖然暫時未见到上海市政府有點名批評（完美醫療有違規）的報導好似之前騰訊或阿里違規而遭罰款和要求改善和禁令，

但目前這兩個月從高位$10.9下跌至$6.6，會否已經提前有些預兆和隱藏一些殺機呢？

3）之前聽你講過$6是合理區間的頂部，所以我也本來打算準備$6.5左右開始分注入市的（之後近$6再加注），現階段的策略應該是怎樣呢？需要調整嗎？

觀望一下還是照原定計劃進行呢？盼龔sir指點一下！

4）另外你曾說你之前有入貨完美醫療，私人想問下你之前什麼價位入呢？如果以你自己角度，你會用咩價位再加注呢？

純粹想了解和學習多D你個人意見及做法（如果你介意的話可以唔需要講的）

謝謝龔Sir

龔成老師︰

1) 購股權，其實就係一個權證，給予持有者可以在未來時間，用特定價格買入該股。不少上市企業，都會以購股權作為管理層獎勵。

因為購股權的行洗價，是固定的。若日後企業股價提升，即管理層有機會用比市場更平宜的價錢，去買入該股。

其實這個動作，唔代表公司前景是好，定是壞。作為投資者，你只要留意購股權數量，當全數行洗，會佔已發行股量多少。

因為，當行洗購股權時，公司係會發行新股，變相令現有股東的利益被攤薄。以完美醫療(1830)為例，發行的70.9萬份購股權，只佔發行股份的約0.058%，這程度就影響不大。

2) 我地唔係行內專家或者用家，更加唔係企業一份子，的確很難去知佢現時有無違規風險。所以，我地只能用佢過去紀錄和現時質素，去作為參考，例如以現時香港情況去分析。初步睇，個風險唔算好高。

至於點解跌咁多，係因為之前股價太貴，現時純粹只係回調至一個較合理水平，當然，市場對潛在監管有擔心，都是風險。但現價未算平，只係合理區頂位，只宜小注。

3) 估值上無大變，現價係合理區頂位，如果你無貨可以先小注。但由於此股都有一定不確定性，故長線不宜持有過多。

4) 我在$2左右入，暫時唔會再加注。

------------------------------------------------

Q22503：

龔Sir，你好!我現年59岁，仍在工作，現持有以下股票，是否会适，請賜教:-

#00003 (香港中華煤氣) 2100股 @11.86
#00011 (恒生银行) 200股 @144.25
#00012 (恒基地產) 1000股 @28.75
#00066 (地鐵公司) 3,000股 @41.12
#00303 (伟易達) 500股 @60.58
#00435 (陽光房地產基金) 7000股 @3.75

#00548 (深圳高速公路股份) 2000股 @6.88
#00590 (六福集團) 3000股 @18.50
#00778 (置富產業信託) 5000股 @6.99
#00823 (领展房產基金) 600股 @70.60
#01310 (香港寬頻) 2000股 @11.04
#01448 (福寿園) 3000股 @7.70

#01928 (金沙中国有限公司) 1600股 @33.33
#01972 (太古地產) 1000股 @21.68
#02388 (中銀香港) 2000股 @25.58
#02638 (港燈) 2000股 @7.70
#02800 (盈富基金) 5500股 @27.44
#03067 (安碩恒生科技) 1300股 @17.71
#03110 (GX恒生高股息率) 1200股 @28.50

1) 老師，最终#00788 (中國鐵塔) 及#1177(中国生物製药)賣出了，前者蚀约1700元，后者賺了150多元。在这段日子裡我也按您给我的意見，

加持了部份的股票，有時間請您抽空再给我宝贵意見。

2) 老師，按以上这个组合，我这个年纪应否到价時可减持或全賣出#01448(福寿園) #03067(安碩恒生科技)，会否造成组合不平衡呢？

3) 老師，另外我想问问#01928 (金沙中国有限公司)，这年头怎麼不公佈業绩的，这情況会对企業有影响嗎？还可继續投资？

4) 而#01310(香港寬頻)，我也希望到价時賣出，加持组合內其它的股票。

老師，請抽出您的宝贵時間多多指教提醒。

龔成老師︰

1) 現時這個組合，大致上可以。但緊記，這個組合不是永遠適用。你要按自己人生階段，慢慢將收息股比例加重，至退休時應佔100%。

2) 如果佢地去到好貴水平，你就可以減持(現價只是合理區上部，跟好貴還有很遠距離)。或者到你退休前2-3年左右，慢慢分段沽出，換成收息股，咁就可以。

3) 中期報告，佢往都係8月尾先有，至於2020年全年業績己在2021年3月公布。上年受疫情影響，出現虧損，但相信只係影響集團中短期，長線投資價值依然存在。

4) 香港寬頻（1310）主要在香港提供固定電訊網絡服務及國際電訊服務，以及產品銷售。

業務發展不過不失，中短期較一般，之後會好翻D。

整體來說，長線投資仍可，雖然增長力唔算強，但作為收息股係可以。而且你持貨不算多，唔建議你沽出

------------------------------------------------

Q22504：

龔老師你好，我於去年買入了一些股票，部分買入後幾日就可以倒蝕，當時問過老師意見，希望到一定價位後放出，但一直未有機會。

直至近期差不多全倉紅了，而我亦認為月供股較適合我，但希望老師指點一下如何處理持倉的股票，謝謝

京東健康 6618 $146 ，550股
小米 1810 $28.35 ，600股
東亞銀行 0023 $16.8，600股
云想科技 2131 $12.08，1000股
清科創業 1945 $19，800股
中策集團 235 $0.25，20000股

龔成老師︰

你太在意個買入價和帳面數字，完全錯左焦點。

你唔好再用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

小米(1810)係有質素的潛力股，若你係年青至中年人士，這股適合長線持有。

京東健康(6618)、云想科技(2131)和清科創業(1945)唔係話無投資價值，只係不確定性較高，你現時只有好少貨，其實你可以長線持有都得。

但京東健康(6618)就持貨太多，就算一般優質股，我地都唔好持有過多，大約佔組合15%好了，行業上限則為30%，以免出現過度集中性風險。故你要將6618沽少少，換至其他股票，去平衡個組合。

東亞銀行(0023)和中策集團(0235)質素一般，建議你分段慢慢沽出，換至其他優質股。

其實若果你無太多投資知識和經驗，對企業估值，點去定平貴不太了解。先利用月供模式去做增值，可以減低買貴貨風險，對你而言會較理想。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22505：

謝謝老師，明白的。如果有一百萬作投資，分注的話，又估計會下跌，是如何分注？

龔老師，我老公叫我全部公積金（4成都係股票）轉現金。我覺得無必要，因為我的股票部份是港股，而且市一定會反彈的。

但是，我快退休，會於明年1月攞番公積金。請問你可以俾我意見嗎？我很不開心，因為工作多年不開心，難得做了決定，現在為賺錢又不退休，非常難受！

我身體不大好，因為多年壓力，不是一般人可以忍受的。

龔成老師︰

若你明年頭就退休，餘下可投資時間不多，公積金組合，真的不宜持有太多股票。你要開始慢慢將佢地換成較保守組合，例如債券、現金類基金。一切以保本為主，之後取回相關資金，再投資收息資產。

但記住唔洗一次過轉晒，分段咁去做會較好，可以平衡價格波動風險。

另外，我地唔好估個市走勢，無人可以估到佢中短期，幾時跌，幾時升。我地只會用股票平貴，去定我地投資策略。

現時大市在合理水平，你100萬可以先用30-40萬，慢慢分注買入我之前講的收息股。餘下資金，就等有再明顯回調，才慢慢加注。

配置比例上，唔洗諗得太複雜，平均分配在我推介你的收息股就可以。只要唔好偏重個別企業或者行業，比例控制在分別15%和30%以內，咁就可以。

辛苦日子將會過去，好好配置財富組合，去享受將至的退休人生。

------------------------------------------------

Q22506：

感謝龔sir意見！因為巴菲特都非常推薦投資者購買ETF，所以我想多了解一下ETF，龔sir在你的股票班中只有在初班有提及到ETF，

當中你提到NAV值，因為財經網站上提供的NAV值都是有延誤的，所以必須自行計算現時的NAV值。

我以安碩恒生科技（3067）做例子，想麻煩龔sir你睇睇我有冇計錯。

8/18恒生指數收市價 25867.01
8/16恒生指數收市價 26181.46

8/18 安碩恒生科技 現價 12.97

8/16 安碩恒生科技NAV 13.416

計算恒生指數8/16和8/18的差額
25867.01 - 26181.46 = - 314.45
- 314.45 ÷ 26181.46 = - 0.012 （-1.2%）

恒生指數差額為 -1.2%

再將NAV值 × 恒生指數差額
13.416 × -1.2% = -0.16

13.416 + (-0.16） = 13.256

8/18安碩恒生科技的NAV值是13.256

比較今日收市價12.97，NAV值大於收市價即代表此刻市場低估此ETF價值，是一個買入的訊號。但是我要如何得知此價是應該大手買入還是小注買入呢？

如果我想多了解一下ETF，請問有冇書籍或者網站可以介紹？

謝謝！

龔成老師︰

你唔應該用恆指去計，而要用恆生科指數數去計！

至於當中的計算模式，和得出ETF被市場低估這個結論，係正確。

但係抽取數據作比較時，就有問題。我地係決定用那個數據，同該ETF比較時，要留意有無比較意義。

你現時分析對象係安碩恒生科技(3067)，是30間科技公司的ETF組合。而恆指，則是60間藍籌企業，當中包括科技股以外，多個不同行業。故2者係有根本性的差別，用來比對其誤差，就有失穏當。

你應該用恆指科技指數，去做比對對象。因為3067，就正正係追蹤這個指數。

8/18恒生科技指數收市價 6226.69
8/16恒生科技指數收市價 6420.14

即大約 -3.0%。

而8/18安碩恒生科技股價$12.97，和8/16安碩恒生科技NAV$13.416，差距都是 -3.3%。故ETF3067跟大市，大約只有0.3%的誤差，唔算係好大。

其實一般大型ETF，好少會出現較大誤差的情況。主要係一些冷門和不活躍的ETF，才有機會出現。

如果真係有較大折讓，而個ETF本身都有投資價值。你可以因應當時平貴，去決定注碼。因為我地唔係短炒，這個折讓純粹係多個機會，令你找到別人不為意的平宜貨。

------------------------------------------------

Q22507：

龔sir 你好，已經過左半年，希望老師審視我既投資組合

2800 @ 27.5 2784股
066 @ 44.5 1402股
2388 @ 28.3 1000股
1211 @ 44 205股
1177 @ 7.7 1200股

788 @ 1.28 18000股
178 @ 2.21 6000股
1212 @ 7.6 4000股
1257 @ 3.2 5000股

1972 @ 21.05 1200股
1928@ 27.8 800股
9618 @ 290 50股
3067 @ 13.9 800股

（1） 持股組合有沒有問題？需要改善？

（2） 持股數目會否太多？

（3）月供緊788仲可以繼續？

（4）想往後賣出2388/178，再轉去其他增長股，可以嗎？

（5） 現在科技股有回落，增持3067/9618得唔得

（6）增持1972/1928/1212/1257可以嗎？

謝謝老師指導

龔成老師︰

1) 無問題，你長線持有就可以。

2) 有少少多，最好集中係10隻左右。

3) 可以，但你預佢增長力無以往咁勁，算係潛力股和平穏增長股之間，依然有長線投資價值。

4) 中銀香港(2388)有質素，唔建議咁做。而莎莎(0178)唔係無質素，但比較受經濟週期性影響，不宜持有太多。如果你想換碼，可以等大環境明顯好轉﹐佢有較大回升時，減持少少。

5) 如果你資金較充裕，現時加小注都係可以。但若資金不多，可以等佢地回多少少先，才考慮加注。

6) 這些股票，現價都合理，你最好等佢回到同你上一注，係有10-15%回調幅度，才加注會較好。

另外，中國光大綠色環保（1257）其實本質不差。

睇翻佢的業務情況，長遠發展其實是一個大方向，但佢近年負債有所上升，加上市場擔心佢之後的增長力有所減慢，因此對這股的評價減少左。的確，負債與發展持續性，是這股的風險因素。

長遠來說，這股仍是有投資價值，但不建議太過大注。始終都有風險，同時可能仍會弱一段時期。

------------------------------------------------

Q22508：

龔成老師您好，又想找您問問題。首先，好多謝您回覆所有網友的問題，又會公開俾人睇，您的每個回覆都充滿了正能量，每次我唔開心都會不停睇您的帖子。

我27歲，一事無成，靠努力有4份工，接近番足7日工，每年TOTAL放10全日假都無，雖然D工都係兼職、炒散、正職係低人工的文職，月入都係共$15,000-$17,000左右。

睇左您個page2年左右，由短炒變長渣，由輸好多錢變打和，好多謝您。

現時股票有
12(佔投資組合13%)、
257(佔投資組合7%)、
386(佔投資組合9%)、
728(佔投資組合7%)、
1448(佔投資組合8%)、

1800(佔投資組合6%)、
2388(佔投資組合15%)、
3868(佔投資組合6%)、
3320(佔投資組合6%)、
1(佔投資組合23%)

Total $250,000, 帳面(-5%)

現金$120,000(全數可投資，不用作流動現金)，每月儲$8,300左右，每年股息約$11,000，全數會再作投資

股票好似有D多，但我唔會再買新股，目標係上述10隻股票，平均每隻佔投資組合10%

因為我成日為自己工作好唔開心，所以我目標31歲左右有100萬，之後唔再儲咁多錢，再搵其它開心工作。而果100萬希望之後每年複利息6%增長，

我65歲時就有6,800,000左右，加埋MPF應該有8,200,000，而退休後每年可以用$740,000左右(如果計2021年之後每年3%通帳，我65歲的$740,000即是現時的$240,000)。

如果我現時(27歲)根據每月儲$8,300左右，股票250,000左右，現金120,000左右，再複利息投資上述10隻股票，我31歲時可以有100萬的機會大唔大?

如果我31歲時有100萬，之後不儲蓄但不停複利息增長，我65歲時有6,800,000的機會大唔大?

最後，請問老師有沒有其它財務建議?

萬分感謝，無名的支持者

龔成老師︰

其實你最需要多謝的人，是你自己。因為"改變"唔係一件容易的事，要很大力氣、意志和自律性，才可以做到。

以年均回報6%計，你31歲時100萬，應該在65歲個陣可以升值至720萬。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你27歲這麼年輕的年紀，我會建議先集中係有增長力的優質股(除非你風險承受能力好低)，去累積一筆財富。

而我地以長線平均回報計，每年平均合理增值，大約可以去到10-15%。若以年均10%回報計，你這100萬到65歲，應該已經升值至2000萬以上，故成事機會很大。

我假設投資回報有10%（連股息再投資），你每月投資$8300 + 37萬資產，4年後大約會增值至100萬，配合到你目標。

但較大問題係，你現時持股中，不少是收息股(0728, 3868, 1800,0386)，佢地增長力較弱，主要係收下息，未必可以做到年均10%增長。建議你將部份換碼至以下增長股，同時月供部份，都係以有增長力股票為主。

你可以投資「平穏增長股」和「潛力股」，去創建一個增值平台。你每月5成儲蓄，即是用$4150做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有12萬現金和每月所儲倒的資金，就等大市出現一定程度的下跌，才大力度掃貨，然後長線投資。

到你退休時，將這些股票換成收息資產，去支援你退休生活開支，咁就可以。

------------------------------------------------

Q22509：

阿sir,想問下如果想股換股，因為資金不足

1. 857中石油（賺錢）
2. 788 中國鐵塔 （蝕錢）
3. 9960 康聖環球 （蝕錢）

其實係咪應該將蝕錢的轉倉？如果按質素我覺得可能康聖會係最差？初時諗不如用中石油轉，但如果佢係呢3隻當中最好質素，即佢賺錢能力較強，又冇理由攞佢嚟轉，求賜教，謝謝

阿sir想問呢隻1799可入嗎

龔成老師︰

其實現時係賺錢，定係蝕錢，唔能夠代表佢質素好壞，最終我地都要睇翻佢企業本質而定。

3隻當中，中國鐵塔(0788)最有質素，雖然增長力比以往弱左﹐現算係水桶1至2，但長線投資價值依然存在，建議長線持有。

中石油(0857)都算有質素，但這始終是商品企業，產品沒有差異性，只能賺取合理的利潤，不算是最高質的類別，投資價值中等，這類股不宜持有太多。

石油是商品，當中沒有差異性，佢地要將石油賣出，只能跟國際油價，這令佢處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由價佢會比較受油價影響，自主能力不強，加上油價中短期可以好波動。長遠增長力只屬中等，只宜小注投資。

康聖環球（9960）質素同樣只算是中等。

佢主要於中國向醫院提供6個主要專科領域（包括血液學、遺傳病及罕見病、傳染病、腫瘤、神經學及婦科）的臨床檢測服務，亦提供ＣＯＶＩＤ－１９相關檢測服務及常規檢測服務。

佢亦向合約研究機構、臨床試驗贊助商、製藥公司及研究機構提供臨床檢測服務、諮詢及評估服務，以及標本儲存服務。佢係在武漢、北京、上海、成都、天津及烏魯木齊設有7個實驗室。

其實質素都有的，但不算好高，企業獨特性未算好強，以及這刻佢在虧損中，往後的發展仍有較多不確定性。這類股都一樣不宜投資太多。

如果你0857和9960持貨佔組合較多的話，你係可以沽少少，換至其他優質股。

但緊記我地創建組合時，唔好太集中係單一股票，要平衡。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

新特能源（1799）係太陽能級多晶硅生產商和光伏項目承包商，主要從事中國光伏產業上游和下游環節的業務。

佢除左多晶硅生產外，亦從事電力銷售（透過自有燃煤發電廠供應電力多晶硅生產之用，並銷售多餘電力予當地電網）；工程建設承包（根據ＥＰＣ、ＰＣ或ＢＴ承包模式經營，為光伏及風電項目提供能源解決方案，包括工程設計、諮詢、建設、調試及運維）；逆變器生產（用於光伏項目的一項關鍵部件）及光伏硅片及組件生產。

其實過往的生意與盈利唔算好突出，同埋有D波動，只是近期新能源有炒作，佢都炒起左。實質支持係咪好大，未知。但建議保守少少，暫時這股投資值博率不高。

------------------------------------------------

Q22510：

老師你好，現年已經27歲，收入35k-45k左右，感謝老師一直以來的意見，現已累積超過100萬的資產現持有以下資產：

股票約60萬左右；

銀河持有2216 股，平均價為55.5；
港鐵持有1888 股，平均價為41；
中國鐵塔持有56814 股，平均價為1.22；
中生製藥持有6444 股，平均價7.7；
比亞迪持有258 股，平均價為48.5；
錦欣生殖持有1144股，平均價17.3；
盈富基金持有9148 股，平均價25.4；

現金10 萬左右；

派息基金Z07 24萬左右（五年內離場要手續費，所以至少放五年，平均每個月7%息）；

危疾（有儲蓄成份，為期25年）、醫療（消耗）以及儲蓄（為期10年，每月$3000）一年合共保費大約6～7 萬；

央積金大約4 萬（政府每年如果有盈餘會加注幾千，到65歲才能拿）；

1.請問以上股票是否有質素可以持續月供？如仍有質素，以上股票比例上需要調整或加入什麼，可以有更大收益？

2.在以上各方面配置中，老師有什麼建議？（風險承受程度中上）

龔成老師︰

1) 現時股票都有質素，但錦欣生殖(1951)不確定性較高，而且現價偏貴，不宜月供。

比亞迪(1211)現價偏貴，最好回少少先重新月供。但如果真的好想儲貨，同時現金足，現價以小注模式去月供，都可以的。

又或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

2) 以上持股配置，問題不大。只要你跟我建議，調整一下月供計劃，咁就可以。

但你27歲很年青，應以增宜為主，派息基金增長力不高，其實不太適合你。但由於離場要收手續費，你照持有都可以，但唔好再加大投資。

------------------------------------------------

Q22511：

！我已經預留登記了星期六班，希望到時學到知識可以識運用！

龔sir, 可否多問一樣關於派息基金，因為這陣子很多不懂投資的同事/ 準備移民，諗住留筆錢比在港父母的朋友都向保險公司買呢類每月派息的基金當家用比父母。

請問您覺得這類型投資如何？值得作為資產配置的一部分嗎？謝謝

龔成老師︰

這類派息基金，其實分好多種，性質上可以成為退休人士資產組合的其中一員。

但問題係，你要明確知道，這些基金派息率是否保證。另外，基金本身有無賺息蝕價的風險。

用這種方法去支援留港父母生活，係一個方法，但必需了解清楚背後條款，以免失算。

------------------------------------------------

Q22512：

我努力睇你既野.可否分柝我既分配是否有問題. 我覺得無咩收息.....加唔肯定幾多錢入注。

2000sh [email protected]高價今明年內賣?
200sh -9988
200sh -1833需再入注?
600sh -0823 應幾錢再入@59.15/66.45
1000sh [email protected]應幾錢再入

以上兩隻我之前等現在升哂
3000sh -3067
500sh -6993
150sh -2807
20000sh -0788
[email protected]可再入注？

應該入金沙?0548/0778？ 收息?

龔成老師︰

我地投資股票，其實等同投資一間企業。希望透過其自然增長，以達至財富增值的目的。所以，我地投資一定係長線，而唔係短期炒賣，去賺差價。

你上述股票，都係有質素(2807相信係打錯編號)，若你係年青至中年人士，這組合係可以長線持有。

除非佢地去到好貴，或者質素變差，否則係唔需要沽出。因此，你3088照長線持有就可以。

至於平安好醫生(1833)佢有質素，但不確定性大，唔建議持有太多。

而領展(0823)有質素，你每注相距大約10-15%咁入就可以。但留意任何股票，都要控制個比重。同一行業或企業，不要超過組合15%和30%，以免有過度集中性風險。

港鐵(0066)現價在合理區中上部，你有貨在手，除非你資金好充裕，否則等佢有明顯回調才加注，會更好。

ＧＸ中國電車ETF（2845）現價在合理區頂部，暫時不宜大注，你等佢回多10-15%才考慮。

另外，你有個較大問題，就係你而家太偏重左係潛力股(3088, 9988, 1833, 3067, 0788, 2845)，佢地雖然有增長潛力，同時風險都較高，不宜持有過多。

假設你年青至中年，潛力股可佔約4-5成，餘下應用以下平穏增長股。若你投資經驗較淺，潛力股比重，要再調至2-3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

------------------------------------------------

Q22513：

龔SIR, 想問你關於你當時還在儲貨比亞迪既時候, 你話曾經比亞迪試過由$88跌到$12, 想問你當時有冇諗過自己既決定係錯?

因為 公司股價跌,跌左再溝, 又跌再溝, 有好多時會越溝越錯,所以先了解下你當時對比亞迪既諗法係點? 因為當時0幾年既時候

如果電動車將來因為技術上或者其他原因普及唔到, 好可能對比亞迪尼間公司成個諗法就錯唒, 所以好想知你當時考慮左咩因素去決定繼續增持?謝謝你龔SIR

龔成老師：

睇長遠價值，不是睇短期股價。

十幾年前，我已大量睇電動車行業資料，分析行業及技術發展，我見到電動車的最大問題，就是電池技術與配套。

如果這兩大因素解決，電動車一定能普及，因為佢比用油平好多，同時更環保。

然後，我分析電池技術與配套，這兩大因素，中國的配套在近10年間，不斷建設，例如充電設施等，在全球行得較多，多年前已相信，中國這方面的配套成熟，是遲早的事。

之後就是分析電池。

比亞迪（1211）本身就是造電池起家，之後再造車，是全球擁有較高電池技術的車企，其實佢的電動車，2007年已出產，當時已見到唔算差（雖然與市場化有距離），但佢過往的電池研發好強，因此可以推論，只要比時間佢，電池技術一定會提高，因此成功只是時間問題。

我地分析，一定要著重大方向，多年前，當其他人仍停留在「比亞迪的車會爆炸」，我就是分析，這個爆炸的原因是甚麼，是否核心因素，還是能解決的問題，我以「長遠的角度分析」，而不是這刻，我見到佢受短期不利消息，令股價大跌，就會增持，我從不擔心佢股價跌，因為我集中睇企業。

投資潛力企業，就是「這刻未成熟時買入，耐心持有，等企業成長」，所以，我地的分析點一定是長期。

------------------------------------------------

Q22514：

龔成老師你好，暫時冇乜錢，買住一隻先

3067係咪應該長期持有？

龔成老師︰

安碩恒生科技(3067)可以，這隻股票有質素。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

這基金上落較大，現價大約在合理區頂，因此，這刻不能大注投資。

最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

你現先買一隻，係可以。但長線計，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

------------------------------------------------

Q22515：

龔sir, 父母50多歲，冇任何保險，如果基本保險要每人2000蚊一個月左右，係唔係都最好買？

龔成老師︰

其實保險係我地理財中防守部份，主要係將一些健康風險，轉移比保險公司。所以，保障型的保險，我地係需要的。

至於$2000值唔值，你要睇翻本身個保障，係唔係真係切合你家人需要而定。

若係儲蓄類保險，我就不太建議，始終增長力不及優質股。除非你本身好保守，或者完全唔識投資，否則就不太建議。

------------------------------------------------

Q22516：

龔sir，你好！一直有關注你嘅post、YouTube Channel ，每日會花一小時去睇你解答問題同研究點可以令自己在股票市場進步，去學長線投資，

現時手頭上新經濟股比較多，都係年頭高位買入，想請教一下你嘅意見！

本人手持150萬左右現金，尚有250樓按要償還，月入3萬+，目標係3-5年後還清樓按再購入600-800物業，股票資產50萬，另100萬現金流

手持股票如下：

9988@270 400股
700@674 100股
388@499 100股
[email protected] 6000股
[email protected] 100股

[email protected] 7000股
6185@344 200股
[email protected] 5000股
2400@95 600股
[email protected] 3000股

好多股票都係高位買入，組合亦比較亂，想問應該如何再配置？等升返還是放部分等底位再吸納？

最後想同你講聲多謝，一直keep住睇你嘅post 令我自己都不斷去學習，以前上網無所事事咁過，依家會多思考點去進步，令將來的生活變得更輕鬆，

我相信越努力越幸運，多謝你令我思考點去做個有錢人，而唔係單單停留喺「想成為有錢人」嘅階段，呢啲都係睇你post學返嚟，哈哈，再次衷心謝謝你花時間睇我嘅留言

龔成老師︰

我地持有一隻股票與否，只會睇佢長線質素。同時我地唔會因為買貴左，就先沽出，等平D買翻。因為中短期走勢好難估，會受很不多因素影響，有些因素甚至係同企業本質無關。

如果你而家沽左，無人可以保證佢係唔係會再回，佢可能一直升，咁你就要用更高成本，才可以買回這隻優質股。

你現時持股，都係有質素，應長線持有。但有個較大問題，就係比較偏重潛力股。佢地雖然有增長潛力，同時風險都較高，不宜持有過多。

同一行業佔組合的比例，不宜多過30%，如果你上述有些行業過了這比例，就要減持。

另外，見你不少股都在貴的價位買入，你要大幅強化企業估值及投資時機的能力，又或日後多用分注、月供等投資策略。

如果你係年青至中年，潛力股可佔約4-5成，餘下應用以下平穏增長股。若你投資經驗較淺，潛力股比重，要再調至2-3成以下。到你學到一定投資知識，才慢慢調高。

現貨可以不用沽，但未來時間，你就要加大翻平穏增長股部份，令組合更平衡。以下平穏增長股，現價合理，已可分注。

另外，微盟集團（2013）、心動公司(2400)、康希諾生物(6185)和中國飛鶴(6186)不確定性較高，不宜持有太多。

現時大市在合理水平，你可以多用30-40萬，買入一些平穏增長股。餘下資金，我地就等大跌市，才出手掃貨。

至於物業投資方面，現時按息很低，你唔洗急住清還樓按，反而應該用資金去投資，爭取更大回報。

而投資第二個物業時，緊記要確定買樓同時，你留有一定優質股作增值。否則，你成個財富組合，就會偏晒去物業個邊，造成過度集中性風險。

記住，投資路上係要一直保持學習，長線回報才會好。加油!

------------------------------------------------

Q22517：

老師，可唔可以講解下1825同2944。如果跌到0會點架？

龔sir, 我最終賣咗0136， 另外一隻1825，止蝕離埸，蝕左20万

好彩還有隻1211 保住，15x-17x 入手，入咗6 手，仲有D小注0285，1830，2388， 3319，3918 ， 坐艇。我以後都聴晒你講。

龔成老師︰

美臻集團（1825和2944）過往業務一般，之前因為有炒作，現在只係回調翻去較合理水平。不過以業務發展來分析，這股的投資價值，只是一般般。

正常股票唔好跌到零，點到有些剩餘價格。但由於這股質素好一般，你沽出都係可以。長線換至其他優質股，回報會更好。

至於餘下持股，都係有質素，你可以長線持有。

但組合現時較偏重左係潛力股(1211, 0285, 1830, 3918)，而且非常集中比亞迪系股票，佢地雖然有增長潛力，同時風險都較高，不宜持有過多。

若你偏年青，潛力股可佔約5成，餘下應用以下平穏增長股。若你投資經驗較淺或較近中年，潛力股比重，要再調至3成以下。

未來時間，你就要加大翻平穏增長股部份，令組合更平衡。

------------------------------------------------

Q22518：

你好龔Sir ，你對ESG 投資有咩睇法？邊隻股票好值得投資

龔成老師︰

ESG，就代表環境、社會及管治。是近年多左人討論的一個項目。

這部份係一些非會計上的因素，而這些因素，係有機會影響企業長線經營和發展。

投資者過往選擇投資項目，主要係分析企業長線盈利表現。但近年已開始愈來愈重視ESG，企業能否在賺錢之餘，對社會和環境作出一定貢獻。

而且，全球法律改變，人們對環境關注度增加，都令企業對ESG的實踐造成推動力。但現時亞洲ESG未算好普及，主要都係一些歐洲企業，佢地對ESG關注度會較高。

其實我地係分析企業時，除了財務數據，我地都會分析企業和相關行業本質，如果ESG因素係對企業有長線影響，我地都應該將佢加入估值考量之列。

而我分析無特別用ESG表現，去做分類。但ESG比較多人關注會係綠色能源，你可以向這方向找投資機會。

------------------------------------------------

Q22519：

你好， sir 1.其實700 我453入貨有無錯？

1.其實700 我453入貨有無錯？
2.下一级支持位在哪？
3.rsi 好似無乜用
4.牛熊分析恒指没乜用
5.恒指25000是否有支持？
6. 700,6618那個較好可以吸？

Thx you

可否比d意见

我又放左

龔成老師︰

1) 騰訊（0700）你買入價合理，但你預佢中短期會較弱，長線持有就可以。

2) 我唔會睇支持位，只會睇企業質素，去決定長線持有，還是要沽出。

3) RSI係一些技術分析，只係短炒架人用。我唔建議你用短炒方法去投資，因為中短期會受好多因素影響，只有長線持有，才可以有效反映企業價值出來。

你見全球最賺錢的投資人巴菲特，去都係只會長線持有優質股，唔會做短炒或者用技術分析。

4) 牛熊分析，可以作參考，但實際用途唔大。因為其走向不一定順序的，因為有好多外在因素影響，我不會用「預期」的方法，去估股市、股價點發展，

我只會用「測量狀態」這方法，分析現時處甚麼位置，從而作出策略，但就不會預測。

5) 25000點算係合理區較底位置，有一定值博率。但都要睇翻個別企業平貴，因為大市在合理水平，唔代表企業都一定係合理價，有權可以係好貴。

6) 騰訊（0700）算係合理區中部，而且整體質素都較高，值博率會較高。而京東健康（6618），不確定性較大，無貨現價可小注，但長線不宜佔組合太大比重。

------------------------------------------------

Q22520：

抱歉老師，我發現自己打錯字…是0688 （中國海外）15.3入2000股

不過謝謝老師的詳細解答 我是因為看過老師在fb的發文或閲讀過老師的書籍才有些少能力判斷某些公司的前景。縱然現在大市回落一些，但仍然二千元盈利。

我家人説很多人在這段時間都是虧損 所以還得感謝老師

其實建行是我還在在學期間聽信祖母的意見買入的 現在 家人也建議我待它升回6.X元時便會沽出所以股分。我也有這樣的打算

因為在學期間沒有很多的收入，不太敢輸錢。所以只是把積蓄放在一些收息股上

龔成老師︰

中國海外發展（0688）不是無質素，在發展商來講，不算最強，長遠有平穩增長的能力，前景都可以。

睇翻佢的財務數據，基本上都是正面的，但生意增長力不是好強，見佢過往的生意都只是平穩，而整體都有投資價值的。

可以視這股為平穩型的企業，中短期可能因樓市一般而股價一般，但長遠，仍是可以的，你可以持有。

至於投資初期，買一些波動性較細的收息股，其實都係可以。但由於建行(0939)你持貨都唔少，為免佢過度拖低你組合增長力，你都係沽少少，換至其他我之前建議的優質股，咁會較好。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

2021年8月12日，臺北市西門町的峨眉立體停車場，在委外經營後，掛上了醒目的招牌。（張哲生 攝）

坐落在臺北市萬華區峨眉街和昆明街口，西門町裡已有45年歷史的峨眉立體停車場，是臺灣第一座立體停車場，

它於2021年6月中旬突然進行外牆彩繪工程，引來民眾兩極評價；臺北市停車管理工程處營運科長羅至浩表示，峨眉立體停車場的外牆彩繪計畫為廠商（正好停）投標時的構想，其目的乃為了賦予停車場新風貌。

6月下旬，羅科長指出，雖然廠商只畫了不到一面牆，但由於各界意見不斷湧入，市府也很在意民眾的聲音，因此隨即暫時停工展開內部討論，最終決議朝「維持原貌」方向前進；考量現在很難取得小口磚，已漆上顏色的牆面，將用相近色重新塗刷，以保持建物外觀的一致性。

2021年7月9日，變色不到一個月的峨眉立體停車場，回復為原本的顏色，不過其停車費率則有變動如下：

臺北市政府將峨眉立體停車場自2021年5月1日零時起至2024年4月30日24時止，委託「正好停股份有限公司」經營管理。（收費標準：小型車收費方式為星期一至星期五10時至22時每小時收費新臺幣50元，22時至翌日10時每小時 收費新臺幣10元；星期六至星期日及政府行政機關放假之紀念日與民俗節10時至24時每小時收費新臺幣60元，24時至翌日10時每小時收費新臺幣10元。機車收費方式為計次每次新臺幣20元，隔日另計。）

1976年1月5日，臺灣第一座立體停車場「峨眉立體停車場」在西門町車滿為患聲中正式啟用，這座停車場有地上六層(停汽車)及地下一層(停機車)，採用電腦計時收費，可以同時容納665輛汽車及450輛機車，當時它的啟用，使得臺北市西門鬧區的停車問題獲得極大的改善。不過你知道嗎？在半世紀以前，峨眉立體停車場的前身是一間由臺北市政府經營的戲院，名為「兒童戲院」，顧名思義，就是為了兒童而設立的戲院。

1963年5月28日上午9時30分，歷時3年5個月、耗資新臺幣785萬元籌建的兒童戲院正式開幕，位於臺北市峨眉街81號(昆明街口)的這座四層鋼筋水泥建築佔地395坪，可容納1,343位觀眾，和一般戲院不同的是，它特別強調「為 兒童服務」的概念，除了選映富有教育意義的故事片，還會播放知識片、卡通娛樂片和新聞紀錄片等；此外，為了因應多元化的需求，兒童戲院的舞台設計亦極富變化性，不但便於進行音樂、舞蹈、戲劇等藝術表演，各類會議配備也一應俱全，可提供給場地設備不足的國民學校舉辦大型會議和畢業典禮。

而為了讓小朋友能舒適地觀賞影片，兒童戲院還裝置了當時最新型的冷氣機，具備自動開關、安全控制之功能，除了可以透過冷氣調節，讓戲院內部維持涼爽的溫度，其空調系統還可以將污濁的空氣經由舞台底部及出口導出，待過濾 清潔後，再導回到冷氣室，周而復始地讓戲院裡的空氣常保清淨。

兒童戲院的票價制定如下：團體優待票價區分為普通、二輪、首映三種，普通團體票每人1元，二輪團體票每人2 元，首映團體票每人3元，個人票價則比照甲級或乙級戲院收費；其收費標準乃以戲院經營時的最低成本要求為考量，若有盈餘則全數作為發展兒童教育及增進兒童福利之用。

原本臺北市政府規劃讓兒童戲院在平日白天放映兒童電影，平日夜間及假日作為市內國民學校的表演及遊藝場所，不過由於兒童電影的片源不足，後來只得依照一般國片院線排片，但每周仍有一天供國民學校作活動演出之用，也有不少成人組成的劇團在裡頭表演過。後來，因為西門町嚴重缺乏停車空間，臺北市政府遂決定在兒童戲院所在地興建可停放大量車輛的立體停車場。

於是，兒童戲院在1973年11月1日停業，結束其短短十年的歷史，並於1975年6月25日動工改建為峨眉立體停車場，耗資新臺幣一億餘元，由臺北市政府新建工程處承建，在1976年1月4日完工，並於當天下午2時移交給臺北市警察局 接管。

1976年1月5日上午7時，位於臺北市西門町的臺灣首座立體停車場「峨眉立體停車場」正式開放供民眾使用；其總面積為20,362平方公尺，地上6層、地下1層；地下室為機車停車場，可停放機車450輛，一樓至頂樓(屋頂)為汽車停車場，共可停放大客車5輛及小客車660輛；停車場之使用與收費設備，全部採用電腦控制。

不過，這座立體停車場的進出通道是併在一起的，並不十分理想，因為停車場採單螺旋上下雖然在施工上比較簡便，但是容易造成進出場的車輛相對行駛而生意外，而當時歐美國家的立體停車場之進出車道大都採雙螺旋設計，讓進出場的車子不易產生對撞的危險。

最後，讓我們來看一段拍攝於1976年1月4日，峨眉立體停車場啟用前夕的新聞畫面：
https://youtu.be/jvOtA_HTGJU

【潛力股比亞迪電子】

比亞迪電子（國際）有限公司
BYD ELECTRONIC (INTERNATIONAL) COMPANY LIMITED

股票代號：0285
市盈率：17倍
每股盈利：$2.87
市值：$1100億
業務類別：電子消費品
集團主席：王傳福
主要股東：比亞迪股份有限公司（1211）（65.8%）

5年業績
年度：2016／2017／2018／2019／2020
收益（億人民幣）：367／388／410／530／730
毛利（億人民幣）：28.0／42.6／41.7／39.6／96.3
盈利（億人民幣）：12.3／25.8／21.9／16.0／54.4
每股盈利（港元）：0.61／1.38／1.10／0.79／2.87
每股股息（港元）：0.15／0.27／0.22／0.08／0.29
毛利率：7.6／11.0／10.2／7.5／13.2
ROE：11.1／19.9／14.6／9.7／27.7

--企業簡介--

比亞迪電子主要業務為製造手機部件及模組，亦向客戶提供手機設計及組裝服務，是一家垂直整合手機零部件及模組製造、手機設計及組裝服務供應商。公司為知名手機供應商（即原設備製造商或OEM）提供服務，近年不斷發展其他電子領域。

手機業務，當中的產品服務包括為手機製造商提供手機部件（包括手機外殼和結構件），配備機械零件如手機外殼、麥克風、連接器和其它組件的手機模塊的製造，以及手機整機的設計及組裝服務，並提供其他電子產品的設計、部件生產及組裝服務。提供一站式、垂直的服務。

近年不斷利用本身技術，去開發更多手機以外業務，現時業務有：提供新材料開發、產品設計與研發、零組件及整機製造。

產品覆蓋智能手機及筆電、新型智能產品、汽車智能系統、醫療健康四大領域。

--企業發展--

【圖1】--業務地區分類

比亞迪電子的主要營業地位於中國，過往以手機代工製造為主要業務。早年曾經受主要客戶Nokia 的衰退影響，令比亞迪電子業績連番下跌，其後受智能手機、中國手機訂單帶動，令業務有明顯增長。

智能手機經過了多年的增長後，近年進入平穩週期，現時智能手機一年出貨量約13億部，增長已不高。

到近年，比亞迪電子利用本身的技術，不斷開發新的業務類別，例如新材料技術在電子產品方面的應用，玻璃及陶瓷相關電子產品出貨量大幅提升，而金屬部件類別發展穩健，在全球這方面的技術及市佔率，處領先地位。

--賺錢能力分析--

業績可見，比亞迪電子的毛利率中等，但未能去到很高，始終這類代工模式運作的企業，難以有很大的賺錢能力，但就不算差。始終比亞迪電子只是處理中間某些部件及程序，而不少客均為大企業客戶，令獲利未能去到最高之列。

種種因素可得出，此企業的賺錢能力不算最強的類別，雖然這企業都有技術方面的因素，令其有質素。整體企業質素算是中上，而在企業估值上，不會太過高，市盈率如果去到20倍以上，已較難承受。

這企業在技術方面有優勢，同時，企業亦強化了與國內廠商的關係，配合其推出不同的智能手機，近年取得不少高端項目，中國手機品牌近年在全球表現不差，市佔率不斷上升，亦令此股能在當中受惠，相信往後的業績仍能保持向好。

--發展亮點--

近年全球手機市場的增長一般，但這企業的生意額，增長幅度比行業較好，在近年有理想的增長，盈利同樣理想，這反映比亞迪電子擁有某些優勢，在行業競爭中取得了相當的訂單，出現比行業更大增長的情況。

例如在幾年前，比亞迪電子研發出塑膠與金屬的納米混融技術（plastic-metal hybrid，簡稱PMH），並實際應用在機殼及部件上，生意不斷上升。

到近年，比亞迪不將開發3D玻璃、陶瓷及複合材料等新材料技術，由於市場需求大，得益於相關技術，帶動這企業的業務大幅增長。

這技術在應該最新的智能手機上，可以提升了信號接收水平，及更技援5G技術，同時在無線充電上，不似傳統材料令手機出現過熱的情況，相關技術已令比亞迪電子獲得了多個智能手機廠商的訂單，相信應用將會更廣，往後繼續能帶動生意向上。同時這技術可以應用在更多類別的產品上。

比亞迪電子其中一項優勢是研發能力，管理層強調技術的重要，而此企業每年投資不少資金在研發上。

同時，企業當中擁有不少工程師，而這些工程師的成本都比外國為低，成為企業優勢。只要擁有研發能力、研發成本較外國企業低，就能在將來產生優勢，成為成長的其中一重點。

--長遠正面--

這企業在不少技術上，處全球領先的位置，例如新材料技術，而最大的發展位，是技術的延伸應用。

近期比亞迪電子不斷開發新業務，利用本身技術及資源進行發展，而這動作確實取得成績，這企業近年無論在生意及盈利上，都有一定的增長，反映方向正確。同時企業的研發及技術的應用上，這企業的確不簡單。

近年業務規模持續擴大，尤其是玻璃及陶瓷產品出貨量增長很強，一些新型智能產品板塊，成功取得新客戶，汽車智能系統業務發展正面，相信增長仍能持續。

在新冠疫情爆發初期，這企業出以很快速度，推出防護相關產品，反映技術及資源運用能力，同時為其收入和利潤帶來正面貢獻。

到近期，這企業發展電子煙業務，以為品牌客戶做代工為主，雖然這刻仍有不確定性，但電子煙業務毛利高，能帶動企業有新增長。

--投資策略--

綜合而言，此企業的評價是正面的，業務毛利雖然不算好高，但企業擁有技術及研發能力，過往的發展證明在多個領域都成功，長遠正面。

企業有質素，長遠發展無問題，不過股價較為波動，同時近年股價上升不少，現時市盈率17倍，又未算很貴，但都不能以便宜去形容，考慮近年股價上升不少，以及企業不少業務只是代工類，大約$40可初步定義為合理區頂。

如果之前有貨，不用賣出，這企業長遠可以長線持有，可以等到$40以下才加注。如果無貨，可以等回少少先小注，然後到$40才分注。買入後宜長線持有，等企業進一步成長。

（本人為證券業持牌人士，未持有上述股票）