【龔成問答信箱】（Q20461-Q20480）

Q20461：

我想了解咩股先可以長持?
或者點樣set個止賺位

龔成老師：

我地最重要是建立一個長期的「財富組合」，要優質，要平衡，要適合你的年齡與風險承受程度。。

建立後長期持有，不是買賣賺差價，而是成為你財富組合一部分。

記住：投資不是賺差價，而是組合配置，買入後長期持有。

所以，我地只會投資優質股，如果你不懂選股，就投資ETF，如盈富、3067，這是最簡單的選擇。

至於止賺，買入優質股後，可以一直持有，當然，有時股價升得太多，已經貴，都可考慮賣出，但如果企業優質，就建議只賣部分，例如可以用「升一倍，賣一半」作為策略。

------------------------------------------------

Q20462：

龔成老師，要真心多謝你，另我由一個超級大散戶變成半年就有六位數字收入！

我的投資年期不長，但由2020年，朋友推介Facebook 先開始認識老師，同樣系80後，我相信老師，書系有心人的心血！

我認真閱讀老師的書同埋你推薦的書，你長遠眼光，另我區分價錢同價值的用法，同時對金錢或者貸幣的存在大開眼界！

你的書好有共鳴，多謝老師的每個問題逐一解答！其實唔系想曬自己收入有進步，而係想真心講多謝你！

帶住我思考的進步！黎緊會搵時間上老師的堂！到時見！

龔成老師：

太好了！

你現時仍是財富增值的黃金時期，要好好把握，盡你一切的力量去儲蓄、投資、學投資知識。

記住，我地最重要是建立一個長期的「財富組合」，要優質，要平衡，要適合你的年齡與風險承受程度，建立後長期持有，不是買賣賺差價，而是成為你財富組合一部分。

遲D股票班見！

------------------------------------------------

Q20463：

老師，真心感激你的無私奉獻。係一個機緣巧合的情況下見到你的facebook ,並開始留意你。

以前買股票，都係只會買銀行股或聽人地tips, 當收息或短炒，賺少少錢就已經好開心。有時什至會坐艇

不過開始留意你的文章就發現其實買股票就要買公司業務同要長缐才會有豐厚收獲。

我想請教如何可以做到長缐持有的方法呢？因為每日都會望下股票升定跌。一見跌得厲害，就怕自己之前係高位買，又怕有排坐艇，但之後諗番，其實可能係之前升得太多，要回一回才跌。

所以呢，除左心理因素，其實有咩方法知道自己買入的價位是合理區？係咪有質素的股，其實要放長缐才可釣大魚呢

我現在每天習慣要早午晚要睇一睇你facebook , 唔睇就唔安樂。感謝你的分享！

龔成老師：

最重要不是睇「賺蝕」，不是睇「買入價」，而是睇質素。

你要分析「之後的組合情況」，你想設計一個怎樣的投資組合？長期、優質、平衡、適合你。記住：「設計一個長期的財富組合」。

我地最重要是建立一個長期的「財富組合」，要適合你的年齡與風險承受程度，同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

第一，你要集中投資優質股，同時不要投資股價上落較大的類別，因為不太適合你。

第二，減少每日睇股價，要用買入後永遠持有的概念投資。

第三，增加知識，《股票勝經》適合你的。

------------------------------------------------

Q20464：

老師，本人32歲，無樓，有一個女，現金30萬，其他擺曬係股票，見你話有d板塊過熱，但我無上過你既堂，只睇過你既書，唔清楚應該點簡，可否幫手分析下，我持有：

3、66、939、941、1398、1830、3988

龔成老師：

你上述持有的，都是有質素的，基本上可以持有，由於現時過熱的，主要是新經濟行業，而你上述無持有這類股，因此，你不用擔心。

但你有兩個問題，第一，你32歲，其實財富有增長力，但上述組合有少少保守，長遠宜加強翻增長力（但由於現時新經濟股少少熱，因此如加這類要等下，或慢慢加）

第二，銀行股佔了一定的比例，這會出現集中行業的風險，所以，長遠你應增加其他類別，不要再加銀行股。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

------------------------------------------------

Q20465：

成哥，新年快樂。不好意思，還想再問2800 現在股價30，我是否應該等跌才開始月供？
還是不用理會價錢？

我是這樣想：現開始供如跌都一直供，如等跌先供到股價升了還是還供

其實是否一樣，前者是高至低，後者是低至高，但其實平衡價是一樣，只是心理問題。

如有天2800股價去到40是否應該停或沽出部分

龔成老師︰

簡單來說，月供股票就是你每月將現金，買入某一隻或多隻股票，慢慢咁樣儲貨。

月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣，去減低價格波動的風險。

佢係一個長時期架動作，無論在升，還是在跌，你照常咁去月供就可以。

當然，去到太貴，我地可以減少供款，甚至停一停。但若果你定平貴經驗唔高，建議不論價格，長期月供會較穏當。

現時盈富（2800）只在合理區，照月供就可以。去到$40，如果經濟不是特別好，企業盈利不是特別強勁，就是貴，就應該賣出部分。

------------------------------------------------

Q20466：

你好，龔sir
想問下2126、2131是潛力股嗎？
可以長線持有嗎？

龔成老師︰

藥明巨諾（2126）有潛力的。但都有一定的風險。

佢係中國的生物製藥公司，專注於研發、製造及商業化用於治療血液癌症及實體瘤的細胞免疫療法。

睇翻佢資料，佢的細胞免疫療法產品管線有血液惡性腫瘤產品，呢個係通過與Ｊｕｎｏ訂立的許可協議，佢可以係中國、香港及澳門研發、製造及商業化ｒｅｌｍａ－ｃｅｌ（為集團核心產品，用於治療各類Ｂ細胞惡性腫瘤）及ＪＷＣＡＲ１２９（用於治療多發性骨膸瘤）。

另外方面，佢有提供實體瘤產品，其實係過與優瑞科訂立的許可協議，係中國、香港、澳門、台灣及東盟成員國開發、製造及商業化用於治療肝細胞癌的ＪＷＡＴＭ２０３及ＪＷＡＴＭ２０４。

現時處於投資期，未有任何現金流，這是不確定性所有，雖然開發上述產品，但最終的效益無人知。只可以話，企業有危有機。

這類股，根本無法進行估值，只建議小注，適合長線投資，博佢成功爆得好勁。

雲想科技（2131）都有D潛力。

佢係中國的短視頻營銷解決方案供應商，以及集中於泛娛樂的線上內容服務供應商。

如果按短視頻廣告所產生的總賬單計算，們為中國第三大線上營銷解決方案供應商，市場份額為3.4%。佢亦有透過其花邊網站及其移動端統稱「花邊平台」運營一個泛娛樂內容平台，向互聯網用戶展示引人注目的泛娛樂文章及照片。

睇翻佢營運模式，佢主要通過向廣告主及廣告代理提供線上營銷解決方案，包括用戶流量獲取、廣告素材製作及廣告效果優化；及花邊平台向廣告聯盟及廣告主提供的廣告位產生收入。

佢與多家網路平台維持良好的關係，包括中國六大短視頻平台，例如抖音、快手、西瓜視頻、抖音火山版及騰訊微視，以及其他領先的內容分發平台，包括小紅書及趣頭條。

佢客戶主要包括廣告主及廣告代理，以及第三累計方廣告聯盟及廣告主。

過往的生意與盈利增長快速發展正面，長遠相信有發展，不過估值都唔平。

另外，這股業務變化較大，佢可能發展得好勁，但如果出現一些行業的不利情況，佢可能變到好差。因此本身風險較高。

佢是有風險，是潛力的類別，這類股不是不可投資，但要明白股價波動，同時小注投資好了。

------------------------------------------------

Q20467：

老師，想問152 算唔算穩建既平穩增值股呀？

龔成老師︰

深圳國際（0152）有質素，佢主要從事收費公路的開發、營運及管理；物流中心及綜合物流港的建設、營運及管理；提供第三方物流服務、物流資訊及金融服務、港口及相關服務、物流園轉型升級服務。

過往業務穩定，生意與盈利都不差，不過就不是高增長類。這股都有長線投資的價值。

現價合理，但佢增長力唔高，只算得上係收息股。

------------------------------------------------

Q20468：

龔成老師，你好!

本人係一張從來接觸過股票既"白紙"，雖然一路都對投資有興趣，但成日聽到身邊朋友同事係股票市場輸錢，
而又擔心投資股票好難學，所以一直未敢踏出第一步，直到最近有一次同朋友行經書店，見到你既著作"股票勝經"，
隨手翻閱睇下，又見老師解釋得好淺白，之後我仲買埋"年報勝經"同"50優質潛力股，打算踏出投資股票第一步，
所以有d問題想請教下老師🙏

講下自己backgroud先，本人今年34歲，上年買左層樓$6m，基本上積蓄用得所餘無幾（剩低約$300000），
睇完你幾本著作後，已經有d後悔用晒大部份錢比首期，令到依家無乜錢去做財富增值

現時我+太太月入只得約30k，扣晒供樓+其他支出，每月只得大概5k可作投資

我目標希望5年內可以擁有$1m cash flow

1）請問老師會有乜建議比我如何去投資?

2）我見老師有建議手上現金唔多既投資者去月供股票，但想問月供是否只能係銀行做?還是係證券行都可以做?

3）以我現時手上得咁少資金，係咪唔適合一手買入股票，而應該做月供?

4）我見老師係著作入面推介既潛力股最近都好似升左，我係咪應該再等下先入市?

5）金沙，六福，碧桂園，海底撈適合我入手嗎?

多謝老師花時間解答，睇完老師著作知道一定要加強自己的投資知識，
所以疫情過後一定會夾時間報老師既股票班，再次感謝!

龔成老師︰

1） + 3） 以恆指過去年平均回報10%計（連股息再投資），你每月投資$5000 + 本金30萬，5年後大約會增值至85萬，到唔到倒1M，就要睇個市到時架情況。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應用"平穏增長股" + "潛力股"的組合。現在你每月5成儲蓄，去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或潛力股︰中生（1177）、福壽園（1448）、小米（1810）、安碩恒生科技（3067）、港交所（0388）、阿里（9988）、騰訊（0700）。

如果你不太了解上述股票，你可以先用盈富（2800）作目標。

現時大市只是合理區，你現有30萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

2） 2者都可以，你可睇翻個費用和邊個較方便你。

4） 現時只有安碩恒生科技（3067）、阿里（9988）、中生製藥（1177）、福壽園（1448）勉強算在合理區頂部，可分注入貨，其餘都略貴，想買就要等一等。

但月供，除左比亞迪（1211），其餘現時都可以進行。

5） 碧桂園（2007），業務都算不差，但負債高，風險略高，雖然都可持有，但不宜持有太多。

其餘3隻都可以，金沙（1928）和六福（0590）都在合理區，可分注。海底撈（6862）雖有潛力，但現價太貴，要有好明顯架回調，才可開始小注入貨。

------------------------------------------------

Q20469：

老師你好，多謝老師之前的回覆，最近我工作開始忙，所以打算開始月供股票了，今天27歲，已經和女朋友買了樓，所以依家投資係for退休

每個月減去了供樓後有15000蚊零用錢，所以我打算用5000來月供股票，10000平時支出和剩下錢
我暫時打算組合為：

1000元 小米 1810
1000元 阿里巴巴9988
1000元 中國生物制藥1177
1000元 中國銀河3988
1000元 草一草以備大跌時入市

老師可否指點一下？ 我打算下個月開始供
萬分感謝

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應用"平穏增長股" + "潛力股"的組合。

現時你選股太集中在潛力股，佢增長力大，但風險同樣都大，唔建議全個組合只有潛力股。你應加入一些平穏增長股，令組合平衡些。

月供方面，你可以$2000盈富（2800），再加上一隻$1000潛力股。小米（1810）、阿里（9988）、中生（1177）都可以。

中國銀河（6881）質素中等，佢這類行業，業務會比較波動，睇翻佢過往的財務數據，生意同盈利都有上落較大的情況，不宜用來月供。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q20470：

龔Sir你好，我同先生今年30歲，有兩個小朋友，兩個都唔識投資，手上持有好多現金。

屋企人舊年開始用你既方便買入優質股，至今已賺到7位數，我覺得好神奇。

但見而家股市升得好勁，好多優質股價位都好高

我仲應唔應該入市？有無邊d組合可以考慮下？
謝謝！

龔成老師︰

現時大市依然算係合理水平，唔應該完全無貨係手。

但要留意，新經濟類股票開始有少少熱，這類股當投資時，要留意風險。

以你年紀30歲，可以用"平穏增長股" 和 "潛力股"作投資目標。你先用每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。

至於現有資金，可先用$30萬，分注咁慢慢入貨。其餘一半就同每月儲蓄，等大跌市架機會。

但留意，部份潛力股已有輕微過熱情況。只有安碩恒生科技（3067）、阿里（9988）、中生製藥（1177）、福壽園（1448）勉強算在合理區頂部，可分注入貨，其餘要等等。

------------------------------------------------

Q20471：

阿sir, 你好！好慶幸之前有上你堂，我係這段時間都有少少收穫。

但最近我需要吐現，拿回部份資金。而現在市況極好的情況下，實在好難決定先放哪個吐現，所以好想請你提點一下，俾俾意見。

我現時主要持貨有0027（賺30%），0763（賺30%），1177（賺10%），2800（賺25%），0520（賺228%），9988（賺10%）、1928（賺5%）。

520已在升一倍時放一半，所升跌都有賺，但其他都好優質，應如何決擇？謝謝

龔成老師︰

這些股票都有質素，但由於你有實際需要，沽貨都無辦法。

你可以因應佢地持股比重，去決定沽邊股。若某些股已升較多，令比重現時較高，可沽出部份。

另外，中興通訊（0763）長期有發展，只是有潛在的政治風險，這點不能忽視，而這個風險好難分析及預測，故不宜佔太高比例。

最後，就是金沙（1928）和銀娛（0027）。由於佢地係同業，若合共佔比重高於3成，都可優先沽出部份。

反而想講翻一個概念比你，最重要不是睇「賺蝕」，不是睇「買入價」，而是睇質素。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q20472：

龔成老師，多謝你無私分享你嘅股票知識！
現時已長線持有：

0968
1177
2160
0382

我現時已經有90%回報！！

唔知龔成老師對1177 轉左董事有咩睇法，同埋0968股票係咪已經唔會再有太多增值？ 謝謝！

龔成老師︰

你持有架股票，都有質素。

信義光能（0968）有質素，環保能源會係大勢所趨，未來光伏行業，在中國以至全球發展都係正面，此股值得長線持有。

微創心通醫療科技（2160）有潛力的。企業有一定獨特性，同時長遠發展不差。

不過估值方面就十分難，因為這刻仍未有似樣的盈利。因此，這股可長線，等佢更大收成，但要留意控制注碼。

中滙集團（0382）佢係中國提供民辦高等教育，現時於廣州運營兩家學校（華商學院及華商職業學院）。

睇翻佢的資料，佢主要提供本科課程及專科學歷課程，包括會計、金融、經學濟及商務英語。

亦係澳洲墨爾本營運一間學校（澳洲國際商學院），提供職業教育培訓課程及非學歷教育課程（如短期遊學課程、海外留學生英語語言強化課程、職業培訓課程及文化探索課程）。

財務數據方面不差的，業務發展正面，不過由於上市年期唔算耐，因此分析時的參考價值會減。整體都有質素的，但只宜小注。

至於中生（1177），己經係一間成熟架企業。加上新任董事謝承潤，過往也有參考集團業務。暫時見唔倒而件事，會對中生有任何大改變。

------------------------------------------------

Q20473：

龔老師您好, 我持有4隻潛艇股（詳情如下）, 請問應該何時和咩價位沽出呢? 謝謝

1. 1339中國人民保險集團 $5.6 20000股 2. 410SOHO中國 $8.5-9 2500股 3. 3377遠洋集團 $7.7 500股 4. 1800中國交通建設 $20.9 1000股

龔成老師︰

1） 中國人民保險（1339）賺錢能力唔算強。雖然都有少少質素，但增長力不強，長期的投資價值唔算高。較大的賣點是現價唔算貴。

若持股佔組合唔多，可持有。

2） SOHO中國（0410），業務都有質素的，但中國樓市已在高位，加上經濟有可能較弱，都造成風險，暫時都可以持有，但不建議增持。

3） 遠洋集團（3377）質素一般，生意多年都都無增長，盈利亦只是上上落落，投資價值只算中等。

高股息率是較大的賣點，但這亦同時反映市場認為佢的風險。如果不太大注投資，這股無問題的。

4） 中國交通建設（1800）本身不是無質素，但又未去到好好，算是中等類別，但增長力不強。

負債高是扣分的地方，因此估值不會高，股價都反映了相關風險。由於增長力較弱，如你係偏年青，就未必適合太大注。

------------------------------------------------

Q20474：

本人現年40歲，月薪若為25000元，月儲1萬元，早年亦買入不少股票，本人的持股比重如下：

匯控：42%
中海油：5%
中移動：15%
中人壽：12.6%
比亞迪：3.4%
雅生活：1.6%

剩下大概有50萬流動現金，本人希望5年後能達到財務自由，直至匯控不派息，才驚覺到整個組合有很大問題，但不知從何入手。

由於匯控和中移動已經在幾年前買入，屬於高位，匯控平均價65元

中移動平均價為80元，如果我想調整比重，該從何處著手？

以上組合如果要揀一隻換馬，換成潛力股，應該選哪一隻較好？

希望能得到老師的指點，非常感謝！

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時的年齡，應以增值為主。匯控（0005）、中移動（0941）是收息股，增長力不強、不宜持有太多。

中海油（0883）、中人壽（2628）雖有增長力，但整體質素，只屬中等，同樣不宜太大注。

而且，你要留意相同行業不可佔組合多於3成，而單一企業不要高過15%，否則會有過度集中風險（匯控明顯超標）。

未來時間，你可以投資"平穏增長股" 和 "潛力股"，當中以"平穏增長股"為主力。你先用每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。

現時大市在合理水平，現金和股票最好各一半，你睇翻自已情況，有無需要加注多少少股票。餘下的資金，我地就等機會，當大市出現較大回調，就加大力度掃貨，然後作長線投資。

------------------------------------------------

Q20475：

老師，我現持有

9988，4手
1288
1753
410
6618
6988
823

應該點部署呢？
請老師指導

老師我想問
285
388還可買嗎

龔成老師︰

你上述股票，主要係增長類別。如果你係年青至中人人士，係適合。

農業銀行（1288）主要係收息，有質素，但較適合退休人士。

兌吧（1753）主要係中國從事用戶運營軟件即服務平台，以及互動式效果廣告等業務，不過這刻仍處虧損狀態，只可以話分析不易，有危有機類。

SOHO中國（0410），業務都有質素的，但中國樓市已在高位，加上經濟有可能較弱，都造成風險，暫時都可以持有，但不建議增持。

京東健康（6618）有質素，但不確定好高，唔好持有太多。

樂享互動（6988）於內地專有商業智能技術（包括數據收集、產品分析、產品推薦等）及平台在行業客戶與自媒體發布者之間架設紐帶及提供服務。

佢上市不久，無太多數據可參考。好多時這些新股，都要一段時間才見真章。以2019年盈利計，現時估值十分高。此股暫時只宜小注，你現貨可持有，但暫時唔好加注了。

而比亞迪電子（0285）和港交所（0388）現價偏貴，要回多起碼3,4成，才勉強算合理區頂部。

另外，你持股中有主要係潛力股，佢地雖然有增長潛力，但同時波動風險都唔細，故不宜持有太多。

未來，你可以集中翻D係平穏增長股，令組合更平衡。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）。

------------------------------------------------

Q20476：

龔Sir，請問直博股 同 潛力股 有咩分別？

龔成老師：

潛力股是企業長期的發展，例如由小公司變成大公司。至於值博率的股票，可以形容多類，只是股價有值博率就得，例如這企業本身增長力不強，但現時股價平，由於長遠股價會回歸合理值，因此這刻都可投資，因為有「投資值博率」。

------------------------------------------------

Q20477：

你好，我有兩層樓月供各15000，丈夫月薪5萬，妻子12000，約35歲，有80萬儲蓄，想投資回報每年可以蓋過供樓款項50%或以上。做到嗎？

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

可能佢地這刻想有現金流方面的回報，但這刻最好集中「增值」方面，例如投資「平穩增長股」+「潛力股」，產生長期回報，最簡單是投資2800+3067（3067不能太大注）。

但如果佢地好想有現金流，都可以考慮投資收息股，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

$80萬一年收息$48000，每個月$4000。

------------------------------------------------

Q20478：

老師好，想請問下已經有一百萬股票 但有 80萬閑錢
如果唔買股票 有咩方法 可以令閑錢增值

龔成老師：

最重要是長線投資，好好運用這$80萬，但你不能無現金，因此，暫時可動用$40萬。

如果唔買股票，可以考慮車位，相信都適合你的資金情況（不過都要仔細找）。另外，一些基金，以及銀行的投資產品都可以考慮。

你投資時，要以長期的角度去分析，一些短期回報的工具反而要小心，例如衍生工具。

------------------------------------------------

Q20479：

Hi 龔成你好。我今年37歲, 已婚有一個初生小朋友，月入$45,000, 每月供樓$8,000

另有45萬現金，但沒有太多投資股票經驗。但現在想開始學習投資，已買了你的書學習中

想請問以我的情況，應該如何投資比較好?見你一向有提及月供股票，是否都岩我的情況呢?
謝謝。

龔成老師︰

可以，其實月供股票對不懂定平貴的初學者，係一個唔錯架投資方法。

你這個年齡，可以投資一些「平穩增值股」+「潛力股」。不過，由於經驗不足，因此這刻不用急著投資，你可以盈富（2800）先，未來有一定經驗，才加入下列股票。

平穩增值股：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）。

潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，你可以先用每月儲倒的一半資金投資，另一半就先儲起，等大跌市時才出手。

------------------------------------------------

Q20480：

老師，之前3.9元買入一手必瘦站，心諗美容就黎開番，4.9再買入一手，我係咪買貴左，下次是否應該等佢再跌多d先買入？

另外，我買左幾隻股票，都是睇完老師既書同你每日出既post買

如果升得多，我應該放售再等大跌才買入嗎？還是不用理會？
對不起，問題太多，謝謝。

龔成老師：

必瘦站（1830）有長線投資價值的，你可以持有，只要不心急加注就得。

我地無人知佢短期的升跌，因此，最好用一套策略去入市就得。

至於你持有的股票，我地最重要睇「質素」。

我地持有一隻股票與否，關鍵位是企業質素、前景，不要被買入價影響。買為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

只要這些股有質素，就可一直持有，除非升到貴，就賣出部分。記住，無人能預測到股價的升跌。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q12861-Q12880）

Q12861：

成哥，關於年報，你年報書講得唔錯，我學得唔少。再實踐上網睇年報，跟你書中甘一步步甘跟落去，一路睇真係學到好多野，識左唔少野.thank you

但有條數唔明

收益表，，主要睇佢該年(假設2018年報)收入幾多，假設收入10億

甘個10億條數係米打落該年財務狀況表（意思是否個10億會變化落去其他資產細項）

龔成老師：

簡單來講，損益表，你要找翻「收入減去支出」，餘下的就是今年的盈利。

然後這盈利會將部分派息，餘下的就會成為「保留盈餘」，這就在資產負債表裡的「股東權益」反映，同時，會間接在「資產負債表」中的資產項反映。

------------------------------------------------

Q12862：

你好成哥，我係你學生，我而家掌握到基本估值的技巧。

我諗我知股票幾時係平或者貴。但係我攪唔清股票幾時應該放，應該在合理區上部高幾多%放出部分股票？ 我之前估值1093, $9-13, 我分別$12.9 同 $12 各有入貨，但而家升到$15.7

已經係高過$13既20%, 我應該放出一部分定係唔賣繼續持有，我知道筆記教，要在買入原因變質或不合理時將股票放出，請問如何判斷價值不合理？

一定係全民皆股既時候？

另外，我上你股票班既時候好記得你最後一堂拎左你銀包張相出黎，你講你既過去同埋點解有呢個目標，呢一幕我好深刻。

其實我都有個目標！我會完成佢！

我而家29歲，月入5萬中，上年先開始有認真儲錢既習慣，而家每月儲3萬5，資產有80萬，一半股票一半現金，股票都係股票班教過既優質股，1928，1211，2388，27，1093，868，178，175, 590。

我跟你方法計估值，我想問如果我想喺2021尾儲到300萬並結婚買上車盤既自住樓，我係唔係應該呢個時候繼續買入優質股並持有現金，等時機賣出然後買樓？

（對唔住，問題有d多同埋長）

龔成老師：

首先，我地會集中持有優質股，因為這是真財富，而現金不是，所以，我地偏向會長期持有優質股，甚至永遠，不止賺。

當然，在某些情況下，我地都會止賺，例如優質度變左，又或股價遠超合理區，又或全民皆股。

如果股票愈優質，我地就會要求升得愈多先考慮賣出，你要有一個心理準備，就是賣出後，有可能買唔翻。所以，盡量唔好盡賣，將部分賣出是其中一個策略。

你這個年齡，是財富增值的黃金時期，盡你一切能力儲錢，投資，你要不斷花時間研究股票，尋找潛力股。你上述投資的都是有質素的股票，不用心急賣出，特別是你現時的持貨無過多的情況。

另外，你可以略增加股票的比例，當然要同時留一定的現金。

如果你打算2021年尾買樓，你可以在2020年尾，停止買入股票，同時到2021年，計算一下自己要多少資金買樓，視情況決定是否要賣出部分股票。

我相信每個人都有自己的夢想，但好多人選擇放棄，我相信你已經有完成夢想的決心，我深信，只要堅持，就一定可以完成夢想的，加油！！

------------------------------------------------

Q12863：

成哥～你d書我買哂啦～而加睇左一半。

我係澳門人，而加有d迷惘，屋企人叫我做唔同ga工，哥叫我渣的士，媽媽叫我做派牌，其實兩樣我都興趣一般，雖然讀左大學，但係搵極都唔夠衣兩份工咁多。

自己知自己咩料子，同時都想搵多d錢，到底我應該聽屋企人講，定自己再渾渾噩噩出去搵d唔知咩樣的工好？

單純想發洩下，謝謝成哥令我覺得有希望改變自己！

龔成老師：

在中短期的角度，你可以為左錢而做一些興趣較一般的工，但長遠來說，你就要做自己！

首先，你要思考你自己最想做的是甚麼，怎樣才能做到，同時，你要分析一下當中的得與失，與你做賭場的人工差多少，你會怎樣取捨。

例如，你想做生意，但沒有本金，就可以先做幾年賭場盡力儲錢，合理投資增值，然後就做翻自己想做的生意。

所有野，都要做長期的角度去分析。

------------------------------------------------

Q12864：

老師，現在的時勢，期限約5年，是不是仍建議每月投資$1萬，月供盈富（2800）、銀娛（0027）、恆基（0012）、中銀香港（2388）各$2500？

我想減至總月供股每月$5,000，有什麼建議

龔成老師：

現時的時勢，經濟上可能不太好，但如果我地睇長少少，3年、5年，好多野已經無事，而這刻由於時勢唔好，股價處於合理區中下部的水平，所以有一定的投資價值，投資值博率存在，到經濟好轉後，股價就會上升。

所以，這刻是月供股票的好時機，你要保持進行，不應減少金額！

不過，股市現時未到平宜區，所以不能用盡資金，你要留有一定的現金在手先得，你要在這裡取平衡。

你上的都是有質素的股，你可以月供，唔好理中O短期的股價，保持長期月供就得。

------------------------------------------------

Q12865：

老師請問1872這股怎樣？

1789怎樣？

龔成老師：

冠轈控股（1872）我無特別研究，但這類新上市的股票，我一向有保留，加上佢股價十分波動，我對投資這股有保留，要小心。

愛康醫療（1789）算是不過不失，這股有潛力，但規模細，風險會較高，雖然從財務數據睇，佢的賺錢能力不錯，生意有理想增長，盈利增長快速，股本回報率高，但上市年期不久，這點令過往的數據，未知能否反映佢的真實情況。

因為好多公司都係，上左市1、2年後，才慢慢見真章，這是我對新股半新股都無興趣的原因。如你投資這股，建議你不要太大注。

------------------------------------------------

Q12866：

另外想請教你，我爸爸持有06881中國銀河40萬左左共65000股的股票，當時大約6.100價位入。

現在一直下跌應該止蝕嗎？

龔成老師：

中國銀河（6881）質素中等，佢這類行業，業務會比較波動，睇翻佢過往的財務數據，生意同盈利都有上落較大的情況，因此股價上落較大，未必適合太大注持有。

如果日後投資市場旺市，佢會有機會上翻去，但不一定股價能去到買入價，如果這股佔投資組合比例太多，建議在反彈時先減部分，餘下再等下一個投資市場旺的時期先賣。

------------------------------------------------

Q12867：

成老師你好 我想問下有關於樓同股票既一D問題 近擺 我參加左D坊間關於買樓既工作坊 咁佢本身都係sell 買樓課程

咁個課程價錢我自問都負擔到 但個問題係我本身資金就唔太多 我擔心既係上左堂後無辦法將上堂既野用返出黎 買樓唔同買股票

需要既資金係比較多 咁我想問問成老師 係咪應該草多D資金再上呢D買樓課程 定係 老師你有第二D睇法 謝

龔成老師：

我會建議你先利用股票去增值，增值後再買樓，這樣會比較好，唔少人只用人工去追樓價，但由於「人工」同「樓價」是兩套不同類型的運作模式，所以，人工跟本無法進到樓價。

因為樓是「資產」，我地唔可以用人工追資產，而要用資產追資產。

所以，我地會先利用股票這類小資產，以增值模式去進大資產（物業）。

因此，你這刻應該先學習股票，以股票作為財富增值的工具，到資金足夠後，才學習買樓知識。你這刻應該將較多時間，投入股票研究，買樓的，這刻只要簡單學習就可，到你接近買樓前一、二前，就集中學習。

------------------------------------------------

Q12868：

龔老師你好！我已分注買入1830必廋站的股票，我覺得此股頗具潛質，你如何看？

龔成老師：

必瘦站（1830）有質素的，佢生意穩定，同時有平穩增長的情況，電佢盈利都不錯，保持增長。

比較特別的是，佢的派息比率高達100%，每年都是。這反映兩點。

第一，佢有自我成長的能力，不用投資太多的資金，都能令企業成長，這是佢優質的地方。第二，管理層重派息多過企業增值，因為管理層未無太大的發展意慾。

我相信這是不錯的收息股，現時10%的股息，亦很吸引。但市場是公平的，佢股價不太高，先會有10%的股息，而市場點解比佢的股價唔會太高？

這是由於佢的業務，點都會有不確定性，就算過往派息不錯，也未知之後的業務、盈利、派息，你要明白這點。在注碼上，不要太過訓身。

------------------------------------------------

Q12869：

龔sir,好想知道下你點睇2680 創陞， 這股值得投資嗎？

投資班會教懂我以後面對該隻股都識計佢估值嗎？例如今日學識計1211, 1年後可以用學返來既方法自己計估值嗎？

龔成老師：

創陞控股（2680）佢主要為香港金融及證券服務供應商，提供之服務包括：（１）企業融資顧問服務（２）配售及包銷服務（３）證券交易及經紀服務（４）證券融資服務：向客戶提供保證金融資，以購買二手市場證券；及提供首次公開發售融資（５）資產管理服務。

這類業務其實好反投資市場的好壞影響，這一定會令佢業務比較波動，股價上落亦會較大。

由於這類股一般會有週期，所以比較好的投資做法，就是當市況差，佢股價大幅下跌時，就是最好的投資時機。反而近期上升了不少，就不是時機，同時佢現時市盈率偏高，處略貴水平。

股票班所教的估值方法，大部分企業都能用到，當然，並不是100%的，因為世上沒有完美的方法，我地只能配合運用，而你學懂後，基本上，你多年後仍可以運用到。

------------------------------------------------

Q12870：

龔老師 因為我係返輪更 所以要夾時間就比較難 如果你出video應該會好d 教材就網上訂之後過數 俾完錢之後老師就可以郵寄方式俾我 之後我就可以屋企上網睇返你既video

呢個係我中學補習既方式

Video通常都係1.5小時 聽漏左學生可以replay 有唔明就可以呢到問 希望老師可以考慮呢個方式

龔成老師：

我會研究下你的意見。因為我最大的困難位，就是盜版問題，因為我實體班的課程，都有試過比人偷拍，然後放上網賣，最後要報海關先處理到件事。

------------------------------------------------

Q12871：

老師你既新書《年報勝經》又睇完， 真係好實用，又幫到新手點睇年報，含金量超哂標，睇得出俾左好多心血去寫。

上部分基本上比較易學易明，重點都係睇最主要既幾部分。

下半部基本上係年報最重要既部分，講述4大財務報表，小弟中學讀過會計，所以基本上損益表同資產負債表已經明白基本原理，到閱讀現金流量表時大致上都明白。最後股東權益表呢個真係比較難明白。

但最後都盡力閱讀，明白老師已經盡力簡化文字，盡量用圖表解釋，不過有啲位都要思考一陣先明，所以沒有會計知識既朋友閱讀時，應該比較困難。

這書值得一看，與其經常睇股價，不如睇書學野仲好，財富與知識永遠成正比。

老師幾時又出新書 到時一定支持

龔成老師：

多謝讚賞！《年報勝經》我的確花左好多時間去寫，無論是找資料，研究點樣表述圖表，內容的設定及安排，都，都用左我好多時間，而家見到讀者有真正的得著，真的反映我的付出好值得！

由於這本書有少少深，所以相信下本書會淺翻少少，平衡翻，可能在年尾或下年年頭出版。

------------------------------------------------

Q12872：

龔Sir, 我匯豐仲未賣出，有1728股@65，宜家得3萬現金左右，應唔應該放出一半005留現金等機會？但會損失金錢

想買一手1211（但會無咩現金剩）定加大月供$1000，$4000-$5000較好
1.78買在一手莎莎，幾時應該再入？

申利：現每月供優質股一萬
謝謝

龔成老師：

我地繼續持有一隻股票與否，並不是睇買入價，而是賺企業質素、前景，以及適合你與否。

匯豐（0005）仍有質素，但賺錢能力比過往年代弱左，增長力不強，因此，這股只適合收息，不要對股價增長太大期望。所以，你要分析，收息是否合理你的投資目標？

至於加大金額與否。第一，你這刻不能用盡現金，第二，如果每月有剩現金，才考慮加大月供。

至於莎莎（0178），零售中短期會較弱，但長期有投資值博率，你可投資。

------------------------------------------------

Q12873：

老師，我現在一直都有買你書，現金不斷貶值，資產不斷升值，我要現金每月變小資產，到資產變大在投資細價樓。

我要反敗為勝在投資市場上競賽、我真想反敗為勝，不過一定要學下耐性好緊要，短期價格下跌不緊要，優質資產長期一定會升值、耐性最緊要、謝謝你先

龔成老師：

對，耐性是投資其中一個重要因素，巴菲特投資成功，就是因為佢以好大量分析，好仔細去投資的模式進行。

首先，佢大量分析股票，但要好小心好小心才會出手，同時會好有耐性咁樣等到平宜價才投資，買入後就好耐性持有，放長線釣大魚。

這是投資者一定要學習的。

------------------------------------------------

Q12874：

成哥我已經買曬你既書啦！已經睇左6本啦！

因應港股不穩已經五十萬貨被迫高位清倉止賺兩次，底位入貨兩次，長渣變短炒，知道唔係咁好，但又好彩兩次都賺，眼見人民幣跌。

大陸外資徹出，工廠移走，轉型失敗，對大陸信心大減，港股又受A股影響大，加上華人股民大多不理智，一係股價高過估值，導致太貴。

一係低過估值好多，導致手上某些優質股不理智跌價，對港股信心下降，所以港股都只係月供地鐵煤氣領展香港電訊，而我大部分資金就換曬美金買美股，咁既做法好唔好？

1)我又買左頗多波音BA公司股票，平均價360美金，想問波音公司好嗎？優質嗎？可以長期持有嗎？買入價合理嗎？

2)亦都嘗試用你書中分析美國公司，發覺有間叫新紀元能源Nee,好似好好，亦都有興趣買，所以想請教Lee間公司好嗎？適合長期持有嗎？

3)最近好多銀行股下跌，係時候入場嗎？尤其係美國銀行股，巴菲特既愛股富國銀行伊家係時候入場嗎？適合長期持有嗎？還是買其他銀行好？好似JP摩根，Bank of America?

如果成哥得閒小弟跪求回覆

龔成老師：

始終唔建議這類中短線的投資，因為事情的預期，往往比相像中困難，要小心。之後要集中翻長線投資。

你講出了中國面對的情況，不過，如果這只是中短期，而之後情況明朗化，你又要高追翻D貨，所以，唔好因素中短期情況而經常轉來轉去，這是有問題的投資。

1）這公司有質素，往航空業的賺錢能力其實不是好強，加上風險較大，你要控制翻注碼。

2）抱歉，這公司無特別分析，不想隨便比意見。

3）富國銀行在合理價，可以投資，分注入就得。中短期可能會因金融市場，以及環球經濟而波動，但只要長線投資就得。

------------------------------------------------

Q12875：

龔sir請問你覺得夾公仔生意點樣?
租機做台主做唔做得過呢？

龔成老師：

這的確是一個潮流，但最大的問題，是香港人好貪新鮮。

我相信這刻會有錢賺，但香港人一向都變得好快，你唔能夠預期有長期的現金流，加上而家有好多競爭者加入市場，我對這類投資其實有保留。

------------------------------------------------

Q12876：

龔成老師你好，我今年25歲，月入25k，現持有3000股（00003)，800股(00005)，2000股(00939)，1000股(02018)，500股(02800)，手頭上現金三萬。

我應該繼續存現金再等入市，還是進行月供？每月可儲一萬，如果我每個月都入一手(02800)好嗎？另外想問下你點睇(02018)？謝謝

龔成老師︰

當我地進行人生財富累積，會運用「先增值，後現金流」作方法，年青時應投資較多增值類資產，以增值為先，而較年長時則應投資較多保守類項目。

你可以透過月供股票去建立一個投資組合平台，每月供$6000，其餘儲起待大跌市時大手入貨。但以你年紀，匯豐(0005)、建行(939)是收息類別，無乜增值潛力，唔係太適合你。

你可以選擇2,3隻平穏增值股：盈富(2800)、金沙（1928）、恆基（0012）、中銀（2388）、港鐵（0066)或潛力股︰比亞迪(1211)，中生(1177)或福壽園(1448)。先將你們的資產增值到一定數目，到年較大時轉為一些較保守以收息為主的股票，以創造穏定的現金流。

至於瑞聲科技（2018），此股質素不差的，但之前熱炒，因此股價到了貴的水平，現時去翻合理價。

手機行業的增長比過往年代弱，相信佢只會進入平穩期，而現時股價在合理區，有長線投資價值。但此股股價波動，如投資要分注。整體前景不算差，但就要多點時間去轉好。

------------------------------------------------

Q12877：

想請問6869策略應如何
光纖好似冇咩特別專利技術
但睇好有規模優勢食住5g條水

但依家咁既環境 建唔建議繼續持有？ 同埋係咪當佢發展到最頂峰時放？

龔成老師︰

內地光纖行業處於寡頭壟斷競爭狀態，長飛光纖光纜(6869)有自家技術和研發能力，能提供光纖預製棒- 光纖 - 光纜生產服務。雖然這些產品技術門檻有一定要求，但由於技術開始普及化，令集團優勢減弱。

長飛光纖之前受惠三家國有電訊營運商發展網絡基礎，所以預期生意不錯，但這亦令這公司出現風險。睇番之前中移動的中標結果，見倒佢排名唔算前，這反映市場競爭有所加劇，佢的賺錢能力有可能略有減弱。

佢長遠的增長力仍在，因為全球光纖光纜市場，仍會保持向上，智能手機、互聯網、大數據等科技，成為了行業的推動力。

所以整體上，佢仍有質素，但增長與賺錢能力就有可能略略減，投資價值仍在。如果你持貨佔整個投資組合比例唔高，可以持有。

至於沽貨，我不會有明確的目標價。

我賣出基於下列幾個原因：由於我買入的是優質股，若買入後發現自己犯錯，這股不是優質股，又或這股核心的質素轉差，變成非優質股，這時無論賺蝕都會沽貨。

又或是市況過熱，市場處牛市三期的狂熱狀態，例如2015年的大時代狂熱時，我便會採用多沽少買的策略。此外，股價要是嚴重高估，例如市況狂熱，又或自身的原因令股價爆升，都有可能沽出。

若然你無法掌握到我上述所講的，可簡單用「升一倍、放一半」的原則，沽出後等同收回成本，餘下的貨就不用再理會，長期或永遠持有，因為這部分已經是淨賺。

------------------------------------------------

Q12878：

成哥你好，本人37歲，而家冇做野，有小朋友7歲，我有睇過你投資介紹，因為我係初哥第一次去投資，所以開頭先月供，半年前我月供2800每月1000

應唔應該在供多一隻比較好，我自己想供1211、2638、0778、1299好，現金大約有十萬，如果唔供可否一手買。

龔成老師：

以你的年齡，財富仍有增長力，但就不是進取的模式。加上你沒有工作，在財富分配上不能太進取。

你月供盈富（2800）$1000，可以長期進行，如果你想運用資金$10萬，建議你月供，會比你一手手入好，你可以加上置富（0778）去做月供，$1000，長期進行。

------------------------------------------------

Q12879：

謝謝你的意見，想問點睇恒地出售“和生圍”，明明已過城規會都唔起樓賣，會唔會係恒地都唔睇好香港樓市前景？

另外，想問你睇好印度經濟發展嗎？中國經濟放緩，印度似乎係未來全球經濟增長的主要動力，係味應該投資印度市場？謝謝

龔成老師：

恆基（0012）佢這動作，可能是反映中短期少少睇淡樓市，又有可能是新人上場，就有不同的做法。不過，佢始終是全港持有最多農地的發展商，除非有多個大型的走貨動作，否則，未能太快下定論，認為佢強烈睇淡香港樓市。

印度基建方面，並不是做得太好，要成為經濟動力仍有距離，暫時不會特別睇好。但如果你有些個人想法特別睇好，小注投資相關的基金都可以。

------------------------------------------------

Q12880：

成gor你好r 最近看了你的《致富藍圖》 發覺自己的投資策略都錯了 之前因為一些股評人的推介而亂買了好幾隻股票 最後都輸左好多錢！

其中買了瑞聲2018由120幾跌到落50先離場 依家手上仲有939，1800

2772 同883 都係高位入貨的 個市好似都一直跌 應該長渣嗎？

龔成老師：

建行（0939）只是收息股，股價增長力有限，雖然都有一定的投資價值，但你要睇翻是否合你的投資目標。

中交建（1800）本質不算差，但不是高增長股，之後只會平穩增長，現時估值合理，如果你在過往較高位買入，要上翻去可能要有少少耐性。如果貨不多，可以持有，不過這股就不是最高質的類別。

中梁控股（2772）是上市不久的股票，這類股其實好難分析，因為上市公司的真實面，好多時都要1、2年後先慢慢出現。同時，這類股的股價波動一般較大，風險較高，你要自己平衡風險。

這股如果你持有小注，都可以，但如果太多，就要賣出一部分先。

中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。

雖然佢都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【產品資訊】

ROG-STRIX-RTX3070TI-O8G-GAMING 詳細介紹
https://rog.asus.com/tw/graphics-cards/graphics-cards/rog-strix/rog-strix-rtx3070ti-o8g-gaming-model/


《真心真亦 Sincerely Yuna 》數位寫真（內附獨家影音花絮）
人生中第一本寫真，終於要跟大家見面啦！！
購買連結如下
博客來
https://reurl.cc/VXdOrY​​​​​​​​​​​​​
Google Play圖書
https://reurl.cc/WL2Q5y​​​​​​​​​​​​​
Readmoo
https://reurl.cc/pyk0zQ​​​​​​​​​​​​​
pubu
https://m.pubu.com.tw/combo/213863​​​...

好不好？亦起出來玩！
YUNA 林真亦粉絲團：
https://www.facebook.com/zhenyibaby​​...
YUNA 林真亦ＩＧ：
https://www.instagram.com/zhenyi_yuna...

Audio Source：The Upbeat Corporate - Rainforest
Promoted by：J&B無版權音樂庫

【至善釣蝦場資訊】
地址：台北市士林區至善路三段13號
電話：02-28413225
【外雙溪車輪釣蝦場資訊】
地址：台北市士林區至善路二段485號
電話：02-28414226
【春城釣蝦美食廣場資訊】
地址：台北市士林區至善路二段471號
電話：02-28411997

《真心真亦 Sincerely Yuna 》數位寫真（內附獨家影音花絮）
人生中第一本寫真，終於要跟大家見面啦！！
購買連結如下
博客來
https://reurl.cc/VXdOrY​​​​​​​​​​​​​
Google Play圖書
https://reurl.cc/WL2Q5y​​​​​​​​​​​​​
Readmoo
https://reurl.cc/pyk0zQ​​​​​​​​​​​​​
pubu
https://m.pubu.com.tw/combo/213863​​​...

好不好？亦起出來玩！
YUNA 林真亦粉絲團：
https://www.facebook.com/zhenyibaby​​...
YUNA 林真亦ＩＧ：
https://www.instagram.com/zhenyi_yuna...

Audio Source：The Upbeat Corporate - Rainforest
Promoted by：J&B無版權音樂庫

【大都市釣蝦場資訊】
地址：新北市樹林區中正路102號
電話：02 2682 1530
《真心真亦 Sincerely Yuna 》數位寫真（內附獨家影音花絮）
人生中第一本寫真，終於要跟大家見面啦！！
購買連結如下
博客來
https://reurl.cc/VXdOrY​​​​​​​​​​​​​
Google Play圖書
https://reurl.cc/WL2Q5y​​​​​​​​​​​​​
Readmoo
https://reurl.cc/pyk0zQ​​​​​​​​​​​​​
pubu
https://m.pubu.com.tw/combo/213863​​​...

好不好？亦起出來玩！
YUNA 林真亦粉絲團：
https://www.facebook.com/zhenyibaby​​...
YUNA 林真亦ＩＧ：
https://www.instagram.com/zhenyi_yuna...

Audio Source：The Upbeat Corporate - Rainforest
Promoted by：J&B無版權音樂庫