【喊住睇《 #媽媽的神奇小子》】
#蘇樺偉 #殘奧運動會 #長文慎入
蘇媽響電影裡面講：
「以為他行得比人慢，最後他跑得比人快。」
我睇完戲，更領悟到：
「唔使贏在起跑線，識得跑快啲衝線也好。」
~望阿媽！set~go~ !

一直猶豫睇唔睇《媽媽的神奇小子》，純粹因為怕會喊到顛😭呢套戲上咗一段時間了，身邊好多媽媽朋友睇咗嘅都話 #眼淚放題 ，諗返起我地幾個小朋友做足幾年物理治療嘅心路歷程，#如何止哭 ? 是日遇上由 #日本命力 贊助嘅《媽媽的神奇小子》電影慈善場，終於，決定準備一包紙巾入場。

故事內容，彷彿香港人都有點熟悉，但背後辛酸今次的確 #立體呈現 。整套電影喊位笑位緊張位都有，合理不合理通通發生，或者就係人生，人生或者就係咁，我地可以嘅，就係向前衝。無論再壞嘅情況，媽媽都不會放棄小朋友; 但再正能量嘅媽媽都會有崩潰嘅情緒，只要小朋友一個笑容就有返力量！做媽的都懂♡ 當媽不易，做一個殘障小朋友嘅媽媽更難。電影裡蘇樺偉第一次企響身、第一次跑，都令我感受很深。記得同林小去過 #起來行走 做治療，眼見好多小朋友由被評為或者呢世都行唔到，經過辛苦訓練，到奇蹟地踏出第一步，家人、治療師、旁觀者嘅果種感動，的確就係如此神奇。

#最大驚喜 演員絕對係呢套戲最強賣點，幾位健全演員，要去演活痙攣人士嘅神韻，真的不易，連微表情都做到真假難分，的確令觀眾投入度大增！最巧妙嘅係幾乎全部起用新演員，觀眾對佢地「平常嘅樣」印象不深，藉此擺脫先入為主概念，的確應記一功！我都係睇完戲返去search返啲訪問片睇，先發覺「乜原來佢係咁咖?」

#關於電影《媽媽的神奇小子》係以殘疾運動員蘇樺偉嘅奮鬥故事為藍本改編，道出他由無名小子跑上世界舞台的事迹，以及他同媽媽、家人嘅故事。由尹志文編導，並由吳君如、梁仲恆、張繼聰、馮皓揚、盧海鵬及錢小豪主演。

#後記
本來好多個位我都流哂淚，然後隔離林小又拍手，又話「贏冠軍！香港隊加油!」仲不時「打氣」話「跑快啲」。。。當正自己睇緊奧運直播咁.....我就笑返了。

#mrs1amology #一點小哲學 #ftbbu #全職bb聯盟 #親子blogger #mamablogger #foodie #cookingmama #happyhappy◽️

零演出經驗、飾演少年版蘇樺偉的馮皓揚，超班演技連梁詠琪都大讚逼真！

影片來源：滾動工作室、天下一電影

#媽媽的神奇小子 #蘇樺偉 #馮皓揚 #殘奧 #GOtrip_PLTSL

【 梁仲恆透露獲《媽媽的神奇小子》試鏡原因 】
_
改編自殘奧田徑比賽金牌得主「神奇小子」蘇樺偉的真實故事、吳君如監製兼主演、尹志文編導的傳記式劇情片《媽媽的神奇小子》，自8月12日公映後，票房至今（29/8）已超過1500萬，除了故事極為動人之外，戲中分別扮演童年版蘇樺偉的「羊羊」馮皓揚以及首度躍登大銀幕的梁仲恆，演技皆備受讚賞，「蘇媽」韓小貞亦力讚兩位無論外形、表情和動靜，都跟兒子非常相似，而劇組收音師在拍攝期間，更一度誤會梁仲恆在現實生活中也是傷健人士。
_
梁仲恆本身來自劇場界，於香港演藝學院戲劇學院主修表演，2016年以一級榮譽的成績畢業，2018年加入中英劇團成為全職演員，2020/21季度的演出分別有《底層》、《科學怪人．重生》、《福爾摩斯四圍騰之華生暴走大狗查》（重演）。電視方面，梁仲恆亦偶爾有上鏡機會，他曾參演香港電台電視部製作的《獅子山下2017 ─ 孤島》（2017）《迷什麼 ─ 一個導演的Obsession》（2019）、《沒有牆的世界VII ─ 我信我可以》（2020），其中〈孤島〉裏，他與《淪落人》女主角Crisel Consunji和「Dee姐」陳海寧合作。
_
令人好奇的是，當初梁仲恆獲得《媽媽的神奇小子》擔正機會的契機是甚麼？7月底（24/7）他出席於奧海城舉行的電影宣傳活動後接受訪問時公開來龍去脈，原來跟同為本地新世代演員的柯煒林（Will）有關。「因為我係做舞台㗎嘛，應該唔會喺Casting（試鏡）嗰個表度出現，導演直頭冇諗到會有一個咁嘅演員，邊個係喺中間串紅綫？其實係柯煒林，我同佢本身私底下係朋友啦，咁佢就介紹咗我畀導演識，因為佢知道導演要拍一個關於蘇樺偉嘅電影，佢覺得可能適合我，然後導演覺得我（表現）都OK喎，於是乎就開始Casting。」經過三輪試鏡之後，最終落實由他扮演蘇樺偉的成年版。
_
甫出娘胎，蘇樺偉便證實患上黃疸病，徘徊生死邊緣，然而他的父母堅持要將兒子救回來，結果吉人天相，蘇樺偉能保住性命，可是伴隨而來的，是終身承受痙攣和弱聽的後遺症，故此他的言行舉止都異於常人，而這亦成為梁仲恆投入角色演繹與掌握箇中神髓的最大考驗，早在開鏡前大半年已準備。「當我一接到呢個角色嘅時候，第一樣嘢就覺得，一定要喺外在嗰度入手，因為如果你模仿唔到偉仔嘅動態，或者佢嘅說話節奏，呢個角色係唔會成立㗎，之後就算你啲戲做成點都好，都冇意思，因為觀眾唔會覺得呢個（角色）就係蘇樺偉喇。」
_
故此，梁仲恆決定觀看蘇樺偉的紀錄片與訪問片段，再嘗試模仿，於家中反覆練習，但又要平衡製作需要，提醒自己不能百分百跟到足。「特別最難嘅係偉仔講嘢嗰方面，因為其實喺日常生活入面，剛才你睇佢喺台上都見到，佢聽或者講嗰方面真係比較弱，變相你要好留意先會聽到佢講乜嘢，但係可能喺電影入面其實我哋唔允許咁樣，如果用真係蘇樺偉嘅講嘢方法，講十分鐘，觀眾可能已經跟唔到㗎喇，會（聽得）好辛苦，於是乎我有嘅工作就係要演到偉仔講嘢嘅神髓之餘呢，我係要清楚交代到台詞，要攞到中間嗰個平衡，呢個其實花咗最多時間。」

《媽媽的神奇小子》預告：https://bit.ly/3mCCc7o

【 延伸閱讀 】
「東京帕奧」各台播放安排：
https://bit.ly/3mvbOML
「橫睇掂睇」 ── 開電視直播奧運食糊之後：
https://bit.ly/3gny07k
「橫睇掂睇」 ── 無綫直播奧運以綜藝凌駕專業：
https://bit.ly/3itG5sX
開電視直播女單羽毛球決賽創開台收視新高：
https://bit.ly/3iiGhuM
開電視最大弱點變成直播奧運最強賣點
https://bit.ly/3zRKvzy
香港運動員IG足本名單跟住Follow ：
https://bit.ly/3iLEs8F

緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
_
（29082021）
_
#游大東影視筆記 #游大東 #媽媽的神奇小子 #梁仲恆 #吳君如 #尹志文 #柯煒林 #中英劇團 #蘇樺偉 #香港演藝學院 #電影 #香港電台 媽媽的神奇小子 Zero To Hero 天下一電影 One Cool Film 中英劇團 Chung Ying Theatre Company 吳君如 Sandra Ng 蘇樺偉 So Wa Wai 張繼聰 Louis Cheung Tsz Tung Tony Wu 胡子彤 浪遊旅人 William on the way 滾動工作室 Rolling Stars Workshop

偉仔喺接受HKonlineTV Sports嘅訪問時候話，喺2014年已經有退役念頭，但果陣想睇下訓練同傷患嘅情況先決定；而家佢知道自己應該較難跑出更快嘅時間，所以決定結束運動員生涯。佢退役之後會繼續喺殘奧會工作，可以陪多啲屋企人，仲希望多啲同朋友玩。
回顧自己嘅運動員生涯，偉仔話要多謝教練潘Sir、屋企人同藝人劉德華嘅支持；星期日佢會同潘Sir一齊參加十公里跑，目標係喺80分鐘內完成比賽。偉仔，加油！

HKonlineTV 衝破傳統框框, 開創一個意想不到的網上電視台。

Website : http://www.HKonlineTV.com
YouTube : https://www.youtube.com/user/HKonlineTV
Facebook : https://www.facebook.com/hkonlinetv
Google Play / IOS : HKonlineTV

Produced By SunnyIdea (HK)