里奧爸媽嚟台灣團聚，大家終於揀到心水樓啦🎉🎉🎉

唔知大家仲記唔記得係4-5個月前，里奧分享過自己幾年前買入透天既故事，今年里奧爸、媽、妹都決定移居台灣同里奧一家團聚，家人都希望可以住係附近互相照應，既然有住屋需求，半年前就開始以里奧家為中心方圓1公里範圍內睇下有冇心儀物業，里奧+里奧嫂又重啟睇樓mode ，只要係屋企附近既樓盤都唔放過，大樓透天乜都睇，總之就快睇到變成呢個區既搵樓專家🤣

不過距離上一次里奧買自住透天已經有4年既時間，我地呢個區既樓價幾年間升咗好多😰，當然唔可以同香港作比較啦，不過台灣地大物博，幾年間升30%已經係一個不尋常既數字。

疫情似乎沒有影響銷情

里奧呢個講法冇任何數據支持㗎，只係每當附近有價碼比較合理既樓盤或二手樓推出，好快「一個月」內就會賣咗，呢個售樓速度對台灣嚟講可以話係近年神話。

里奧鐘愛透天 中南部比北部容易

北部以外地價比較相宜，透天價碼相對容易接受，鐘情透天又能負擔得起的人比較多，人人話南部人最愛透天，里奧就覺得係價碼問題，當然大樓都有好多優勝之處，住屋最緊要係適合自己，住得舒服安心至為重要。

#準備落訂前 殺出程咬金

距離里奧家大約3分鐘的步行距離，里奧本來已經有一個心儀的樓盤準備等開售就落訂，點知某日里奧嫂係屋企附近salon恤髮經過見到一個樓盤覺得幾靚，自己一個人行入去睇示範單位，返到屋企就話個盤點靚點正，里奧同里奧爸聽完個地點就覺得麻麻地，盡管里奧嫂點講都冇提起興趣去睇，里奧嫂當堂冇晒癮，就係咁就一個月又過去。

上星期日終於等到心儀樓盤通知就快落成啦，呢個樓盤係四個月前曾經同大家分享過，當時屋裡面仲係爛地盤，發展商就等到做好屋內間格就邀請里奧入去參觀一次。

里奧前幾日陪里奧爸係早餐店食緊早餐，突然心血來潮問里奧爸，不如…係落訂前去睇埋里奧嫂話好正嗰間屋好嗎？里奧爸話：好呀

就係咁，里奧就返屋企接埋里奧嫂同里奧媽去睇呢個之前完全唔感興趣既樓盤。

豪宅氣派 里奧爸媽好鐘意

呢個樓盤係一個社區型既五層電梯透天，一共有5間房5個廁所，整層主人房有差不多700呎實用面積，加上只要步行1分鐘就係超級市場，3分鐘就有街市買餸，里奧爸媽似乎好鐘意呢度。

姨……之前又話呢邊地點唔夠好既？

其實買樓就係咁，唔親身睇下又真係感受唔到自己鐘唔鐘意，里奧嫂之前睇完已經鐘意咗，依家連里奧爸媽都鐘意，就算里奧反對都冇用，投票都一定輸，既然大家都決定咗呢間，咁就進行下一步啦…『講價』

#全台灣買樓都要講價

無論你買咩樓，邊度既樓，第一口價都係開價

咁到底點先知道咩係實價呢？🤦‍♂️

里奧覺得通常去睇第二次起，售樓哥哥就會慢慢向你透露價錢，里奧就利用今次作例子分享比大家參考。

呢間屋開價$2688萬，通常里奧會先以8折計算，即2150萬左右，當然都要對附近既成交價先有一定了解，例如參考實價登陸或者了解最近成交既地價作參考，買大樓會比較簡單，因為大樓以建坪「建築面積」計算，只要知道同區每坪市價就唔難了解到你心儀物業既價錢。

#斡旋金唔怕比

斡旋金係乜？其實就係表現購買誠意既一個態度，一般斡旋金大約10-20萬，你可以提出你願意接受既價格，例如你覺得對方提出既2200萬唔合理，你可以付上斡旋金還價2100萬，如果對方「包括發展商」唔同意的話，你可以全數退回斡旋金，但如果同意的話成交合約就生效，你如果唔買的話斡旋金就會沒收。

#10%訂金簽買賣合約

交屋前再付10% 以上首期，銀行提供8成房貸，台灣現時利率大約1.35%

就係咁……里奧今日就比左10萬斡旋金去還下價，不過發展商如果認為唔到價都唔會收，所以相信里奧既負債比率應該又要大大提高了🤦‍♂️

#台北兩房價高雄可買電梯透天
#台灣買樓 #台灣生活 #移民台灣 #家人團聚 #投資移民 #日希移民

「我的院子」
這兩天台北的天氣相當好；所以我趁著還沒突然變天前；再把房子外面的南方松地板與其他地面重新刷一次亮漆與水泥漆。（我一年最少自己刷它兩次）
難得有這間新店山上一樓的房子。雖然它的價格買不到台北市的一間套房！但由於它有個前院；可以讓我把它設計成我自己喜歡的美國中西部鄉下白籬笆院子。

＊它的特色就是：白色籬笆、有木頭地板的走廊、入口有柱子的玄關…等。

＊我最討厭院子稿什麼玻璃屋、採光罩、貼磁磚、不鏽鋼….等等。因為只要一髒就難處理，也無法重新刷油漆。
所以；如果你是住在鄉下或比較郊區的社區型一樓或透天厝，而且有院子的話。那就可以自己設計、修改院子成自己的最愛。
我深深覺得一樓玄關外面的地板走廊；就是放鬆自己的最好活動地方；坐著躺著發呆、曬太陽、聽音樂…..都可以。請不要每天把自己關在屋內！
https://www.youtube.com/watch?v=KqeKNgwW7TE